مبند مركزيا - مبنده مركزيا (ياحياك)

[بنز]

السلام عليكم ..
ودي من خلال هالموضوع انوصل راي هذه الشريحه للشارع العام ..

يعني مثلا .. وبعدبن .. وش الحل ؟؟
انظل حاطين ايدنا على خدنا لين مايلعبون فينا وايقصون رواتبنا وايبهدلونا ؟؟

انا مثلا .. 36 سنه مبند مركزيا ؟؟!!
مب حرام .. والله حرام

المفروض الحكومه تستوعب كل قطري وقطريه .. مب اتقول انتوا فائض !!
لا.. وتستوعبنا كل في مجاله .. مب لمجرد الاستيعاب وبس .

شالكلام الفاضي !!

عيل انا ادرس والحكومه تصرف علي بالجامعه ومخاسير وحاله وعقبها اقعد في البيت ؟؟!

لازم في خلل ياجماعه .. انا اتكلم واعني بالخصوص المدرسين والمدرسات الاداريين والاداريات اللي كانوا في مدارس وزارة التربيه والتعليم ..

انا ابي افهم شي واحد .. انتوا تبون تقطير ولا شنو ؟؟؟!!!!


ابي مشاركاتكم .. من القهر الواحد مب عارف شيقول

[® قطر ®]

لا تنسى المحالين على التقاعد ظلما..

[Dawn]

لا ما يبون تقطير ..

الله يكون في عونكم

[بنز]

لا تنسى المحالين على التقاعد ظلما..


بل عاد هالشريحه دعوتهم ما اتنرد كلش ..

والله ظلم وحرام .. ناس ابهات اعيال واخوات فاضلات تتم احالتهم ابها السرعه !!

لا واصلا هالناس وين تصرف فلوسها اصلا ؟؟ على مصاريف المدارس والتعليم الخيالي ..

والله حال مضحك مبكي

[R 7 A L]

المفروض
بما ان اكثر الوزارات خلاص عندها اكتفاء بالموظفين ويحيلون الناس للتقاعد والبند المركزي

المفروض يشغلونهم في الشركات المساهمة كلاً وخبرته ومؤهلة التعليمي بشروط

1- راتبة الاساسي بالاضافة الى العلاوة الاجتماعية والسكن من وظيفتة المحال منها تمشي
2- لايعطى في وظيفتة الجديدة علاوة سكن ولا تقاعد

1+1=2
الوزارات ماتبي موظفين
الشركات المساهمة تطلب على حسب مانسمع موظفين قطريين

[بنز]

لا ما يبون تقطير ..

الله يكون في عونكم


صدقني اخوي .. القطري صار في المدارس القطريه عمله نادره ..

بعد ماكانت مدارس البنات تصل فيها النسبه الى 100% .. وين راحوا هالقطريات ؟؟ وليش؟؟

حسبي الله ونعم الوكيل

وكذلك مدارس البنين .. وصلت اعدادهم نسبه لابأس بها .. وينهم الحين ؟؟ ليش هجوا ؟؟ حد بارادته وحد مكره

هذا الفشل بعينه واعلمه ..
قطري وقطريه في المدارس المفروض اتمسك فيهم مب اقول لهم مع السلامه !!!!

بدال ماتحترمونهم واتتسوون لهم هيبه تقعدون اتسوون فيه جذيه !!

[Dawn]

صدقني اخوي .. القطري صار في المدارس القطريه عمله نادره ..

بعد ماكانت مدارس البنات تصل فيها النسبه الى 100% .. وين راحوا هالقطريات ؟؟ وليش؟؟

حسبي الله ونعم الوكيل

وكذلك مدارس البنين .. وصلت اعدادهم نسبه لابأس بها .. وينهم الحين ؟؟ ليش هجوا ؟؟ حد بارادته وحد مكره

هذا الفشل بعينه واعلمه ..
قطري وقطريه في المدارس المفروض اتمسك فيهم مب اقول لهم مع السلامه !!!!

بدال ماتحترمونهم واتتسوون لهم هيبه تقعدون اتسوون فيه جذيه !!

ولا حظ انهم في جامعة قطر سكروا كلية التربية كم سنه ،،، مقصوده صح ؟؟
مبين انهم ما يبون مدرسين ومدرسات قطريين .. هذا اللي اي شخص بيفكر فيه لما يشوف هالقرارات الغريبه ..

[بنز]

المفروض
بما ان اكثر الوزارات خلاص عندها اكتفاء بالموظفين ويحيلون الناس للتقاعد والبند المركزي

المفروض يشغلونهم في الشركات المساهمة كلاً وخبرته ومؤهلة التعليمي بشروط

1- راتبة الاساسي بالاضافة الى العلاوة الاجتماعية والسكن من وظيفتة المحال منها تمشي
2- لايعطى في وظيفتة الجديدة علاوة سكن ولا تقاعد

1+1=2
الوزارات ماتبي موظفين
الشركات المساهمة تطلب على حسب مانسمع موظفين قطريين

كلام سليم ..
بس انا با اسالك .. انت مسؤول وجاك مدرس خبرته 10 سنوات في التدريس وشهادته تربيه ..اش بتشغله ..؟؟
طيب واذا شغلته .. من بيسد مكانه في المدارس ؟؟!!!

القصد طال عمرك .. التربوي عمله نادره .. والدليل في اول التسعينات تم الترغيب بمهنة التدريس بشتى السبل .. ليش ؟؟؟
اعرفوا ان وجود القطري في جميع الوزارات امر مهم وخاصة المدارس التي تفتقر لهذا العنصر بشكل واضح وخاصة الذكور ..

وفعلا بدات الخطه تنجح .. وفجاه تم نسف كل هذا !!!!!!!!!!

[ZURICH]

السلام عليكم ..


انا مثلا .. 36 سنه مبند مركزيا ؟؟!!
مب حرام .. والله حرام




من القهر الواحد مب عارف شيقول





وعليكم السلام ورحمة الله
قول حسبنا الله ونعم الوكيل .. اخوي عند احالتك للبند المركزي هل وضحوا لك الأسباب .. !!
والله غريبة مواطنيين في عز شبابهم وقمة عطائهم ومن الطبيعي عندهم طموح وهدف للمستقبل وبيت وأطفال وغيره
للأسف هذي سياسة المجلس الاعلى الديمقراطية المتبعه مع ابناء الوطن ..
الله يعينك على مابتلاك

[بنز]

ولا حظ انهم في جامعة قطر سكروا كلية التربية كم سنه ،،، مقصوده صح ؟؟
مبين انهم ما يبون مدرسين ومدرسات قطريين .. هذا اللي اي شخص بيفكر فيه لما يشوف هالقرارات الغريبه ..


انت خبرت دوله في العالم مافيها كلية تربيه ؟؟ّ!!

بتردون مافي اقبال .. اممم طيب من المسؤول ؟؟ ليش مافي اقبال ؟؟!! بس تعال وسكر الكليه وانتهى الموضوع ..!!

[ابن البيطار]

انا واحد لما سمعت انهم عطوني البند المركزي سجدت من الفرحه ولو يطلبون مني ارجع يمكن انصاب بصدمه ومستحيل ارجع

[بنز]

وعليكم السلام ورحمة الله
قول حسبنا الله ونعم الوكيل .. اخوي عند احالتك للبند المركزي هل وضحوا لك الأسباب .. !!
والله غريبة مواطنيين في عز شبابهم وقمة عطائهم ومن الطبيعي عندهم طموح وهدف للمستقبل وبيت وأطفال وغيره
للأسف هذي سياسة المجلس الاعلى الديمقراطية المتبعه مع ابناء الوطن ..
الله يعينك على مابتلاك


اتصدق بدون مقدمات .!!
ولا واحد من اللي ايسمونه المجلس الاعلى قبل لايجيني الكتاب قعد معاي اوضحلي االاسباب ..

[Right]

يبه خلك على كوت بو ستة أحسن لك :nice:

[بنز]

انا واحد لما سمعت انهم عطوني البند المركزي سجدت من الفرحه ولو يطلبون مني ارجع يمكن انصاب بصدمه ومستحيل ارجع

لا .. لاتفهم من كلامي ان القطريين اللي اطلعو او طلعوهم ميتين على الشغل في المستقلات !! لا طال عمرك انا اقصد المدرس القطري والمدرسه القطريه لها وجهة نظر يجب الاستماع اليها ..
لا انا تتم احالتهم لمجرد عدم رغبتهم العمل في هذا المجلس ...


لنا ملاحظات على المدارس والمناهج وامور كثيره اثبت الوقت صحتها ..
اما العمل يالمستقله .. باستطاعتي ولله الحمد العمل من هذه اللحظه ان شئت .

[بنز]

يبه خلك على كوت بو ستة أحسن لك :nice:



شاكر لك مرورك ..
وردك دليل احباطك علي اللي صاير

[basma222]

احنا القطريين عمالة فائضة

ليش ما هناك عماله فائضة من الاجانب

خل يشلون الاجانب واحنا نشتغل لان قطر بلدنا وما يصير تتخلى عنا

احنا احق من الاجانب بالشغل

تم تحويلنا بند وبعدين تقاعد واحنا ما وصلنا لسن التقاعد

مو حرام الراتب ما يبقى منه الا 1300 بسب الدين واللى خصمه بعد التحويل

حسبي الله ونعم الوكيل فيهم

[ZURICH]

اتصدق بدون مقدمات .!!
ولا واحد من اللي ايسمونه المجلس الاعلى قبل لايجيني الكتاب قعد معاي اوضحلي االاسباب ..



كفو يالمجلس الاعلى .. خوش إجراءات

[بنز]

احنا القطريين عمالة فائضة

ليش ما هناك عماله فائضة من الاجانب

خل يشلون الاجانب واحنا نشتغل لان قطر بلدنا وما يصير تتخلى عنا

احنا احق من الاجانب بالشغل

تم تحويلنا بند وبعدين تقاعد واحنا ما وصلنا لسن التقاعد

مو حرام الراتب ما يبقى منه الا 1300 بسب الدين واللى خصمه بعد التحويل

حسبي الله ونعم الوكيل فيهم

المشكله يدرون ان اللي ايسوونه غلط ومكابرين ومستمرين

الطلاب متذمرين المدرسين الله بالخير. الدروس الخصوصيه زادت اولياء الامور لاعت جبودهم الممدرسات اييون البيت 2 يلقون رياييلهم امشوطين سويتوا تفكك اسري اش باقي بعد ماسويتوه

[فلهاااا]

اي تقطير اذا هم شغالين تصفيه عالموظفين القطريين تحت مسما بند مركزي