مهم للجميع : كيفية استخراج الفيزا وما هي الاجراءات والاوراق المطلوبة

[سمو الاميرة]

مرحبا ..

اكيد لكل يتسأل عن كيفية استخراج الفيزا وما هي الاجراءات والاوراق المطلوبة ..

وياليت الموضوع يتثبت للاهمية ..

[سمو الاميرة]

أولاً : كيفية استخراج الفيزا البريطانية

هذي شروط دولة قطر

في البدايه هذا موقعهم على النت

UK Visa Information - Home Page
http://www.vfs-uk.com.qa/index.aspx
وهذي ارقامهم

44622159

44626291

وموقعهم في بناية الشريف الدور الخامس مقابل اشارات شركة تويويا قبل تقاطع المطار .

والمطلوب كالتالي :

*الجواز
*تعبئة الفورمه
*صوره 6 * 4 بخلفيه بيضا وبدون غتره
*مبلغ رسوم الفيزا وتختلف على حسب المده

واسعارهم للفيزا السياحيه كالتالي :

6 شهور بــ 420 ريال
وسنتين بـ 1470 ريال
و 5 سنين بــ 2700 ريال
و 10 سنين بــ 3900 ريال


وهذي وصله فيها انواع الفيز كلها

Visa application forms


http://www.ukvisas.gov.uk/en/howtoapply/vafs/

اما بالنسبه للخدم فالمطلوب كالتالي :

* جواز الخدامه
* صوره للخدامه بخلفيه بيضا
* رسوم الخدامه 1478 ريال قطري لــ 6 شهور
* عقد العمل ( وهذا اتسوونه في مكتب ادارة العمل الفلبيني اذا كانت فلبينيه ومكانهم عند مستشفى الولاده )
* تعبئة فورمه خاصه تختلف عن فورمة القطريين
* تعبئة فورمه ثانيه فيها تفاصيل عن معاش الخدامه وغيره
* صوره من حجز الطياره
* صوره من حجز الفندق للكفيل
* صوره من جواز الكفيل
* صوره من ايصال الراتب للخدامه واذا كانت تاخذ معاشها باليد مطلوب كشف حساب من الكفيل .



منقول

[سمو الاميرة]

رسوم التأشيرة

6 شهور 419 ريال
سنتين 1344 ريال
5 سنوات 2500 ريال
10 سنوات 3125ريال

[سمو الاميرة]

فيزا امريكا

صورتين خلفيه بيضا
وطلب تعبينه بمكتب السفريات بيحدد لج الموعد
وقبل الموعد تروحين تدفعين الرسوم يعطونج الوصل
من البنك التجاري تقولين لهم رسوم فيزاء امريكا
وتابع الاجراءات في سفارة الامريكية

هذا روابط ممكن تفيدك

http://www.qatarshares.com/vb/showth...E3%D1%ED%DF%C7


http://www.qatarshares.com/vb/showth...E3%D1%ED%DF%C7


اليك الخطوات
http://arabic.qatar.usembassy.gov/no...ant_visas.html


موقع السفاره الامريكيه في قطر

[سمو الاميرة]

لفيــزة الشــنغـن

نصيحــة لك ومن مجــرب مافي احســن من السفـارة الفرنسية (طبعاً اذا الجنسيــة قطــري) ولاداعي للسفريات لان الموضوع مايبغي له شي والسفريات ياخذون ع الجواز الواحد بحدود 200-300 طبعا غير رسوم الفيزا للسفارة

اتبعــوا الخطوات وان شاء الله اموركم طيبة

تعبئة الطلب + عدد صورة او 2 خلفية بيضـة + حجـز تذكــرة + حجــز فنــدق + تاميــن صحي + 300 ريال رسوم الفيــزا بالاضافة لحضــور الشخص عند التقديـم

يفضــل يكون الجــواز مدة صلاحيته طويلة وعلى فكــرة ممكــن تاخذون التاشيــرة لمدة اربع سنــوات

والجواز ما يطول عندهم بنفس اليوم او اليوم الثاني على طــول (قبل الصيف والزحمة الحق)

ملاحظة: يجب اخذ موعــد من السفارة الفرنسية وهذا اللنك لاخــذ الموعـد
https://pastel.diplomatie.gouv.fr//R...gid=099&suid=1

طلب الفيــزا موجود ع هالموقع
http://www.ambafrance-qa.org/spip.php?article413

بالنسبـة لحجز الطيران: طريقة سهلة وبلاش ومايحتاج تدفع ولا ريال لاي مكتب سفريات

اتصلوا على القطــرية واحجزوا تذكرة دوحة باريس دوحة, باي تاريخ يعجبكم وبعدها قولوا للموظف انه يرسل نسخة من الحجز على الايميل الشخصي, وبعدها اطبعوا الحجز واموركم طيبة.

بالنسبة لحجز الفندق: ادخلوا على موقع بوكينك واعملوا حجز لاي فندق في فرنسا (بنفس تواريخ حجز التذكرة) بس بشرط اختاروا الفنادق الي من شروطها (الغاء الحجز مجاناً) وبعد ماتحجزوا سيتم ارسال لكم الحجز اطبعوه واموركم طيبة. (للحجز محتاج فيزا كارت)
وادخلوا على حجزكم ثاني يوم وكنسلوه

بالنسبــة للتاميــن الصحي: اذا عندكم تاميــن صحي من مكان شغلكم صورة من البطاقة تكفي واذا لا مكاتب السفريات تعطيك تامين صحي للسفـر بـ 70 ريال اكثر اقل واموركم طيبة.

ولاتنســون ان تعبون الفورم على اساس انكم رايحين فرنسا وتحطون التواريــخ المطابقة للتذكرة والفنــدق

واتمنى اني افدتكم ولو بقليل

منقول

[lord-qatar]

الله يخلي المناديب


والله ماحب اراجع المندوب يسوي الطلب وكل شي وياخذ موعد بس

اروح ابصم كل مره

[خشوف]

يجزاك خير وماقصرتي جهد تشكرين عليه

[mE mYself & i]

يعطيكم ألف عافيه, يستحق التثبيت

[سمو الاميرة]

ياليت الاخوان يفيدونا بتجاربهم في استخراج الفيزا او اي عقبة تواجههم وذلك للإفادة للجميع

[eastqatar]

انا طلعت فيزا من السفارة الفرنسية بـ 313 ريال ورحت لهم ابنفسي

الموضوع بسيط وبالنسبة للمناديب في الاخر لأزم أتروح ابنفسك عشان البصمات

عيب السفارة الفرنسية الزحمة وممكن تلاشيها بأخذ موعد في الموقع الالكتروني والموضوع بسيط جداً

\مع تمنياتي لكم بالصحة والسلامة

[.Qa6ar]

اخوووي انا سمعت اذ بروووح لالمانيا لازم اطلعها من السفاره الالمانيه مايصير اطلعها من الفرنسيه او سفاره ثانيه صاروا مشددين على الموضوع

يعني

لوتكرمت ممكن تحط لنا خطوات السفاره الالمانيه

[Master_qtr]

بالنسبة للفيزا السياحيه للسفارة البريطانية ..هل لااازم حجز فندق ! او حجز طيران ..!ياليت اللي قدم هالسنه يفيدنا

[Chambray]

بالنسبة للفيزا السياحيه للسفارة البريطانية ..هل لااازم حجز فندق ! او حجز طيران ..!ياليت اللي قدم هالسنه يفيدنا

لا بس قدم الفيزا
وادفع الرسوم
وبس
مايبون لا تأمين ولا سكن بس اكتب عنوان السكن ، اي فندق يطري عليك اكتب عنوانه واسمه في الابلكيشن

[Chambray]

بخصوص فيزا امريكا
ترا حجم الصورة مختلف عن الي مطلوب حق باقي السفارات
حجمهم كبير شوي عن باقي الصور

[سمو الاميرة]

كيف يتم استخراج فيزا للخدم والاطفال ؟

[تلفزيون قطر]

مرحبا ياريت الي يعرف مندوب او مكتب يخلصلي فيزا لأمريكا يعطيني اسمه ورقمه ضرووووووووووووري لوتكرمتوا .......

[مغربيه]

حياكم الله
شكرا كبير لاخت سمو الاميرة
حبيبتي الله يخليكي عندي كم سؤال و ياريت الاقي اجابة عندك
انا زوجة تانية و جيت قطر من 6 اشهر
* هل الي الحق في اخد الاقامة مثل الزوجة الاولى و كيف يتم دلك
*بعد مغادرة البلاد كم المدة التي يجب ان ابقى خارج قطر للعودة لها مرة اخرى ادا لم يتم الحصول على الاقامة " بمعنى اخر كم المدة بين كل تاشيرة و تاشيرة اي بين كل دخلة"
انا في انتظار جوابك و شكرا مرة اخرى على الموضوع

[أسير الاسهم]

بخصوص انه في مندوب طلبت منه يعمل لي فيزا لبريطانيا قال: ( خلاص ما يحتاج للقطريين فيزا ) ؟؟

هل هذا الكلام صحيح ؟

[jajassim]

بخصوص انه في مندوب طلبت منه يعمل لي فيزا لبريطانيا قال: ( خلاص ما يحتاج للقطريين فيزا ) ؟؟

هل هذا الكلام صحيح ؟

لاء ،، غير صحيح ، :victory:

[شموخ-qtr]

الاسبوع اللي طاف رحنا السفاره البريطانيه بعد مااخذنا موعد
خلصنا معاهم الا يقولون لنا بعد اسبوعين تستلمون الجواز :(
ليش هالتاخير كله ؟
وهل صحيح ينتهي بعد اسبوعين ولا بس كلام ؟
اللي عنده خبر ولا معلومه ارجووو يفيدني ضروري ..
لاني حجزت تذكره ودفعت للفندق وخلصت كل اموري
لان احنا دايما ناخذ الفيزا البريطانيه وتخلص بيوم واحد ونستلم الجواز ثاني يوم

شالحل :(

[mohd89]

حد عنده فكره عن اجراءات الفيزا الاستراليه يالييت يفيدنا بهالموضوع

[Miss]

يعطيج العافيه سمو الاميره

واللي سأل عن الفيز البريطانيه .. بعد اسبوعين تقريبا تستلم الجواز

اجراءات جديده يقولون

[سمو الاميرة]

مرحبا ..


ارجو الانتباه لصحاب الجواز الدبلوماسي لا يحتاج صاحبة الى

فيزا دخول الى بريطانيا

[شمعة الدوحه]

فيه غلطه سويتها وبقولكم عنها عشان تتجنبونها بالنسبه للفيزا البريطانيه

الطلب وموعد المقابله سويته عند ريجنسي بـ 150 للشخص الواحد

ويوم سألت في السفاره قالوا لي فيه مكتب تحت يسويها كامله بــ80 ريال اللي هم سفريات المناعي

والموعد اذا بروحه تسووونه بــ 40 ريال

لان امس صادفتني مشكله اموري الحمدلله تمام وقالوا لي عقب 10 ايام ويمكن قبل العشره

وفيه رقم بالوصل اشيك عليه بموقعهم وراح اعرف اذا خلصت او لا

بس اختي لانها تحت ال 18 لازم توقيع الابو والام وصور جوازاتهم عطوني فورمه

فاضطريت اخذ لها موعد ثاني

من المكتب اللي عندهم تحت

[(عبدالله)]

السلام عليكم

بخصوص طلبات الفيزا للقطريين

أنا قدمت الثلاثاء أول أمس 15-11-2011 لي ولعائلتي

خذوا عن كل شخص:

(1) طب الفيزا (معبأ الكترونياً ومطبوع لـGeneral Visitor).
(2) صورة شخصية (حديثة لآخر 6 شهور بخلفية بيضاء).
(3) 456 ريال
(4) بصمات اليد وصورة بكيمرتهم (للي عمره 5 سنوات فأعلى).

ولا طلبوا مني لا رسالة من جهة العمل ولا كشف حساب بنكي ولا تذكرة سفر ولا حجز فندق

والآن الخميس 17-11-2011 شيكت على الموقع بخصوص وضع الطلب... طلعت جاهزة للاستلام.. يعين من التقديم إلى الاستلام 48 ساعة.

والله الموفق

[(عبدالله)]

:: شمعة الدوحه ::

مرحبا اختي

أنا شوف هالفلوس اللي دفعتيها والوقت اللي قضيتيه انتي أولى بها من مكاتب السفريات
الطلب تقدرين تعبينه بنفسج والموعد تاخذينه مجاناً من الموقع
وانتي في النهاية لازم تمرين مركز تقديم السفارة حق البصمة

في المركز بيقولون لج غن الفيزا بتجهز بعد أسبوعين (10 أيام عمل)

لكن للقطريين سهالات ولله الحمد.. من تقديم الطلب إلى الاستلام بس يومين...

والله يوفقج


فيه غلطه سويتها وبقولكم عنها عشان تتجنبونها بالنسبه للفيزا البريطانيه
الطلب وموعد المقابله سويته عند ريجنسي بـ 150 للشخص الواحد
ويوم سألت في السفاره قالوا لي فيه مكتب تحت يسويها كامله بــ80 ريال اللي هم سفريات المناعي
والموعد اذا بروحه تسووونه بــ 40 ريال
لان امس صادفتني مشكله اموري الحمدلله تمام وقالوا لي عقب 10 ايام ويمكن قبل العشره
وفيه رقم بالوصل اشيك عليه بموقعهم وراح اعرف اذا خلصت او لا
بس اختي لانها تحت ال 18 لازم توقيع الابو والام وصور جوازاتهم عطوني فورمه
فاضطريت اخذ لها موعد ثاني
من المكتب اللي عندهم تحت

[cavok]

مجهود اكثر من رائع thanks

[fooz55]

أولاً : كيفية استخراج الفيزا البريطانية

هذي شروط دولة قطر

في البدايه هذا موقعهم على النت

UK Visa Information - Home Page
http://www.vfs-uk.com.qa/index.aspx
وهذي ارقامهم

44622159

44626291

وموقعهم في بناية الشريف الدور الخامس مقابل اشارات شركة تويويا قبل تقاطع المطار .

والمطلوب كالتالي :

*الجواز
*تعبئة الفورمه
*صوره 6 * 4 بخلفيه بيضا وبدون غتره
*مبلغ رسوم الفيزا وتختلف على حسب المده

واسعارهم للفيزا السياحيه كالتالي :

6 شهور بــ 420 ريال
وسنتين بـ 1470 ريال
و 5 سنين بــ 2700 ريال
و 10 سنين بــ 3900 ريال


وهذي وصله فيها انواع الفيز كلها

Visa application forms


http://www.ukvisas.gov.uk/en/howtoapply/vafs/

اما بالنسبه للخدم فالمطلوب كالتالي :

* جواز الخدامه
* صوره للخدامه بخلفيه بيضا
* رسوم الخدامه 1478 ريال قطري لــ 6 شهور
* عقد العمل ( وهذا اتسوونه في مكتب ادارة العمل الفلبيني اذا كانت فلبينيه ومكانهم عند مستشفى الولاده )
* تعبئة فورمه خاصه تختلف عن فورمة القطريين
* تعبئة فورمه ثانيه فيها تفاصيل عن معاش الخدامه وغيره
* صوره من حجز الطياره
* صوره من حجز الفندق للكفيل
* صوره من جواز الكفيل
* صوره من ايصال الراتب للخدامه واذا كانت تاخذ معاشها باليد مطلوب كشف حساب من الكفيل .



منقول


و فورم الفيزا موجود ..
والموقع وايد سهل ..
لحجز موعد في السفارة البريطانية في قطر
تدخل موقع السفاره في قطر
www.vfs-uk.qa.com (http://vfs-uk-qa.com/)

انتبهوا الموقع بدون WWW.

Book an appointment
Track your application
Additional services
UK Border Agency in Qatar
1- حجز موعد ..
2- تعديل الفورم الخاص بك للفيزا
3- خدمات اضافية

اضغط على الاختيار الاول :Book an appointment
االخيار الاول : موعد عادي

[ريم المدينة]

عقد عقد عقد

وأخبار الأسترالية؟

[ريم المدينة]

هل احتاج فيزا سنغن اذا نازلة المانيا ترانزيت؟

شكرا

[برقان]

الاسبوع اللي طاف رحنا السفاره البريطانيه بعد مااخذنا موعد
خلصنا معاهم الا يقولون لنا بعد اسبوعين تستلمون الجواز :(
ليش هالتاخير كله ؟
وهل صحيح ينتهي بعد اسبوعين ولا بس كلام ؟
اللي عنده خبر ولا معلومه ارجووو يفيدني ضروري ..
لاني حجزت تذكره ودفعت للفندق وخلصت كل اموري
لان احنا دايما ناخذ الفيزا البريطانيه وتخلص بيوم واحد ونستلم الجواز ثاني يوم

شالحل :(



السلام عليكم

أي اخوي وليش اصلا تحجز حجز فعلي للفنادق والتذاكر ؟

انته بنفسك تقدر تروح لأي مكتب سفريات تعرفه يسوي لك ورقه فقط على أنك حاجز للفندق وتذكره وكل شي

عشان الفيزا واول ماتاخذ الفيزا خلاص كيفك مو لازم لانه الحجوزات اللي سواها المكتب لك كنسلها وتقدر تروح أي فندق تبي وبأي وقت تبيه انت عادي

لاحول الله هالمشكله هذي طاحو فيها اكثر الناس

وبالنسبه للأخوان اللي يسألون عن فيزا فرنسا

يااخوان اللي اعرفه ومتأكد منه ميه بالميه فرنسا للكويتيين فقط ماتطلب الفيزا ولا تأشيره ولا اي شي

يدخل فرنسا حاله حال اي دوله خليجيه

الناس رايحين راديين على فرنسا ولا مره اطلبو منهم فيزا ولا شي اذكر هالسالفه من 2007 ترا

فأكيد الخليجيين بعد نفس الشي باعتقادي الشخصي طبعا ويمكن يطلب الفيزا بالنسبه لهم

وبالنسبه لبريطانيا ماسمعت انه كنسلو الفيزا عن الخليجيين


ومشكوره أختي صاحبة الموضوع بارك الله فيج

[ريم المدينة]

لازم حجز فندق الشنغن حق النرويج؟ ولا بس اطلعها من الفرنسية وخلاص؟

[jeep-srt8]

السلام عليكم

اخواني انا مقيم

وحاب اني اروح واقعدلي اسبوع في الرياض اشوف الشباب

بخصوص وين اراجع وهل يعطوني وماهي الفترة الي انتظرها علشان اخذها وفيها بهدلة ؟؟ولا اخلص نفسي ب فيزا عمرة

لاهنتم

[برقان]

السلام عليكم

اخواني انا مقيم

وحاب اني اروح واقعدلي اسبوع في الرياض اشوف الشباب

بخصوص وين اراجع وهل يعطوني وماهي الفترة الي انتظرها علشان اخذها وفيها بهدلة ؟؟ولا اخلص نفسي ب فيزا عمرة

لاهنتم



هذي عاد ماعرفها

عموما السفاره عندك في الدفنه تفيدك احسن بسوالف الدقيقه هذي

الهاتف: 4832030

[أنثى]

ما عليكم أمر انا عندي فيزا لامريكا لي وللعيال كلهم بس كيف استخرج فيزا لبنتي الصغيرة عمرها 3 سنوات ايش الاجراءات؟؟

[Dissney]

ياليت تفيدوني بالنسبة للشنغن

ناويه السفر لاسبانيا شنهي احسن سفاره استخرج منها الفيزا وكم يوم احتاج

والمبلغ للي يعرف والاشياء المطلوبه

وهل لازم كشف حساب وتأمين صحي والتذاكر وحجز السكن؟

ياليت حد يرد على أسئلتي وشكرا

[المحاميه]

شكرا على التوضيح وخصوصا التأمين الصحي لان ماكنت فاهمه شسالفته ..

بس سؤال انا ابي فيزة شنقن حق النمسا .. اعبي الفيزا على اني رايحه فرنسا؟؟ ليش ؟؟؟ أخاف يسونلي سالفه ..

شلون الحين اعبي على اني رايحه النمسا ولا فرنسا ؟؟

[£عبدالعزيز£]

شكرا على التوضيح وخصوصا التأمين الصحي لان ماكنت فاهمه شسالفته ..

بس سؤال انا ابي فيزة شنقن حق النمسا .. اعبي الفيزا على اني رايحه فرنسا؟؟ ليش ؟؟؟ أخاف يسونلي سالفه ..

شلون الحين اعبي على اني رايحه النمسا ولا فرنسا ؟؟

لو عبيتي على اساس انج رايحة فرنسا لازم تروحين فرنسا فالبداية

هاي اللي اعرفه والله اعلم

[المحاميه]

يعني اعبي الصج احسن

[فتى الجود]

السلام عليكم


الأخـــــــــــوه :

سمو الأمير
و

eastqatar

تشكرون على توضيحكم

والى كل الاعضاء المشاركيين ماقصرتوا

[love-m]

والله لو فرضنا على الاوروبيين المعاملة بالمثل ... والسخرية التي يتعاملون بها معانا... لما لجأنا الى كل العراقيل ... والمهزلة والاذلال والوقوف في طوابير ومواعيد .... من اجل الحصول على تاشيرة دخول اراضيهم ... ترى ... انا مواطن عربي ... ارجو من كل الدول العربية معاملة هؤلاء بالمثل ... والله انتم في قطر لا تعلمون ما تجنيهم تلك السفارات في البلدان الاخرى ... من ملايين وملايين ورشاوى ... حتى السفير اصبح رئيس العصابة حيث يجني السفير النصيب الاكبر من الرشوى .... صحيح هنا في قطر ربما نادرا. لو اشتكى احد من عدم الحصول على الفيزا... حتى تعلموا ما يحصل بالبلدان العربية الاخرى .. اقرؤوا هذا الرابط بس كمثال http://www.startimes.com/f.aspx?t=15186531 وأيضا http://www.djazairess.com/echorouk/38935... لاخواننا في الجزائر... ومابالك بما يحصل في البلدان الاخرى... ربما .. سأل احد منا لماذا تلك الدول غنية؟؟ وليست فيها بترول حتى مصانعم ترى ماهي الا دعاية ... والله انا اقول ... ما يجنيهم هؤلاء بس من اجل تاشيرة الفيزا ربما يفوق كل صناعتهم الزائفة...... والترويج.... الكاذب... هؤلاء نصابين وحرامية......
والله بس لأتمناه .... المعاملة بالمثل.... الفرنسي.. مايدخل بلدي من غير تاشيرة او الامريكي او البريطاني... كفاية تحرننا من الاستعمار
على كل حال .. .شكرا اخوي على هذا الموضوع ..ربما سيتفيد منه باقي الزملاء

[أجودية]

مرحبا ... عندي استفسار ؟ اذا انا في لندن اقدر اسوي تأشيرة للأمريكا ...

[ولد ازغوى]

بعد المقابله شكثر تطلع فيزا امريكا ويصير اسويها وما اسافر الا بعد سنه لانها حسب ما عرفت عشر سنين

[فارس بلا جواد]

السلام عليكم واسعد الله مسائكم بكل خير وبركه

اخواني بغيت استفسر بخصوص المغربي او المغربيه

هل يقدر يطلع تاشيره من بلده المغرب وماهي الاجراءات ؟

وما هو المطلوب من اوراق رسميه عشان يدخل قطر

انا سمعت انه لازم يكون في عقد عمل او تاشيرة سياحيه مدتها شهر على ما اعتقد او اكثر

افيدونا افادكم الله

ام هل اذهب للسفاره المغربية في قطر واستفسر منهم اكثر

وتقبلوا خالص تحياتي

اخوكم الصغير

فارس بلا جواد

[رأس بروق]

بخصوص اسبانيا اشلون الترتيب ايش اللي يبونه للاهميه

[سارى الليل]

شكرا سمو الاميرة

[HabsiAsaad]

الله يعطيك العافية .. تسلم على الموضوع الرائع .. الله يجعله في ميزان حسناتك

تقبل تحياتي

[عذايب قطر]

اشلون ناخذ موعد من السفارة الفرنسية للتقديم على الفيزا

دخلت موقع السفارة وله لقيت شي

تحياتي لكم
عذايب قطر

[q6r2009]

مرحبا ياريت الي يعرف مندوب او مكتب يخلصلي فيزا للندن يعطيني اسمه ورقمه ضرووووووووووووري لوتكرمتوا .......

[ولدQTR]

مساء الخير..

يا جماعة الله لايهينكم اللي عنده رقم مندوب ممتاز يخلص لي موضوع فيزا لندن يطرشه لي للاهميه..

[ohlaladesign]

موضوع مميز
يعطيك العافية

[روز باريس]

استفسار بخصوص فيزة فرنسا بتنتهي في شهر ظ§/ظ¢ظ*ظ،ظ£ عادي اروح فيها ولا اجددها

[روز باريس]

في شهر سبعة الفين وثلاثة عشر
مادري ليش ماتطلع الارقم

[روز باريس]

وينكم ياجماعة مافي رد على استفساري

[دي دي]

اخوتي السلام عليكم
هل توجد ادنى معلومات عن سفريات المناعي في برج الشريف وموعد ساعات العمل لديهم وذلك لاجل تعبئة طلب الفيزا البريطانية وماهو انسب وقت للذهاب اليهم من اجل تعبئة طلب الفيزا
وهل الرسوم نفسها طلب + موعد 80 ريال ومالمطلوب للسفريات لاهنتوا ..ولكم جزيل الشكر والتقدير

[البرونزية]

السلام عليكم

حابـه استفسر عندي مقابلـــة عشان الفيزا حق لندن خلاص عبيت الطلب ودفعت عن طريق النت ولكن سؤالي

هل المقابلــه في السفارة نفسهــا

ولا مقابل شركة التيوتا ؟

[روز باريس]

المقابلة في عمارة الشريف مكتب السفريات
نصيحة لوجة الله اخذي مستعجل وادفع احسن لج بتخلص لج في ثلاثة ايام

[العنود55]

السلام عليكم ورحمة الله وبركاته

بغيت استفسر عن صورة النساء لفيزة أمريكا هل إخراج الأذن في الصوره إلزامي ؟ ياليت اللي عنده خلفيه عن الموضوع يفيدني وجزاكم الله كل خير

[ليل وتعاليل]

أيه الزامي و الخلفيه بيضاء ..ولهم مقاس محدد .. اذا رححتي لكوداك اللي فالستي وقلتي لهم ابي صورة للفيزا الامريكيه ,, هم يعرفون ..

[koketa]

اليوم جيت اخذ موعد للسفاره الفرنسيه عن طريق الموقع علي الانترنت المهم طلبوا اسوي برنت للموعد بس الاب توب ما كان موصل علي كمبيوتر


الحين شلون لو رحت الموعد ما بيدخلوني الا بالورقه ؟ وليش ما يطرشونها علي الايميل ؟

[وحيد-الشوق]

اليوم جيت اخذ موعد للسفاره الفرنسيه عن طريق الموقع علي الانترنت المهم طلبوا اسوي برنت للموعد بس الاب توب ما كان موصل علي كمبيوتر


الحين شلون لو رحت الموعد ما بيدخلوني الا بالورقه ؟ وليش ما يطرشونها علي الايميل ؟

اتوقع مابيدخلونك والله اعلم انا كنت ناسي وصل استلام الجواز دخلت من الباب الخارجي عادي ورحت استلم جوازي الموظفه الفرنسية قلت لها ضيعت الوصل الا تقولي انتظر هناك وتعال بعدين والله وقحه بعدين جاه موظف ثاني شكله اسيوي عطاني الجواز

لازم الورقة عشان تدخل الموعد انا مجرد وصل وحسيت بالاهانه :(

[بصمة قطرية]

بخصوص فيزة لندن سويتها عن طريق مكتب بجانب مكتبة الجامعة
لكن للعيال رحت بنفسي عمارة الشريف
و سويت عن طريق سفريات المناعي
كنت مستعجلة
دفعت لل VIP
و عطوني موعد قريب
كان قبل إجازة الربيع
يوم المقابلة وديت العيال و خلصنا
بوم سألت عن موعد إستلام الجوازات
قالوا لي اسبوعين ...!!
قلت شلون و انا دافعة لكل جواز مبلغ
قالوا انتي دافعة للموعد
إدفعي مبلغ ثاني عشان تستلمين الجوازات
خلال ثلاث ايام
لأني مستعجلة و مافي وقت اضطريت أدفع
يمكن 2000 و شي كلفتني الفيز لجوازين ..!!
و استلمتهم ثاني يوم أقل من 24 ساعه
حتى الموظفة و هي تسلمني الجوازات تقول لي انتي محظوظة
أول مرة تخلص جوازات في أقل من 24 ساعه
قلت لها لا مب انا محظوظة فلوسي اللي محظوظة :anger1:

[koketa]

مين عنده رقم مندوب

[الحبيب]

السلام عليكم

عندي سفرة بعد اسبوعين لألمانيا وفيزتي بتنتهي في شهر 7 هل احتاج اجدد ؟؟

[وحيد-الشوق]

مين عنده رقم مندوب

جيك الخاص


السلام عليكم

عندي سفرة بعد اسبوعين لألمانيا وفيزتي بتنتهي في شهر 7 هل احتاج اجدد ؟؟

تقدر تسافر اذا فيزتك صالحه بس تأكد احسن لاتقول وهقني فلان هههههه

[ضــيم]

السلام عليكم ..

استخرجنا فيزا شنغن من السفاره الايطاليه ..

وناويين نروح فيينا بدون ماننزل فايطاليا

هل بيسوون لنا مشاكل فمطار ايطاليا ؟؟