نبي نكمل دراستنا

[قلب قطر..!]

ياجماعه ابيكم تلحقوني تسعفوني ابي حل


ياناس تعبنا مع سالفه الجامعات وطني الحبيب معتفس واحنا معتفسين ولاحياه لمن تنادي


دخيل الله بس نبي نكمل دراستنا مانبي شي ثاني حطمتونا وحطمتوا طموحنا

لابارك الله فالعدووو

لا امهاتنا انجليز ولا ابهاتنا امريكان ولااحنا متخرجين من مدارس اجنبيه

احنا عيال عرب امهاتنا وابهاتنا عرب مدارسنا حكوميه وعربيه

مناهج درسناها هم اللي حطوها مهب احنا

قالو نسبه حق الجامعه جبنا هالنسبه تبون التوفل جبنا هالتوفل قلتو 4.5 جبناها

لكن ترفعونها لين 6 لييييييييييييييييييييييييش

يعني كفايا ليل ونهار ندعي عليكم حسبي الله ونعم الوكيل

احنا مانبي شي والله مانبي شي

بس نبي نكمل دراستناااا


شلون تنبني دوله بكبرها على شهادات ثانويه في اي عرف هالشي يصير


شوووفووو حولكم وحواليكم بنات وشباب كل الناس عيالهم بشهادات ثانويه

يعني مب من حقنا نكمل حلم الطفوله ونجيب الماجستير .!! اسفه اسفه قصدي البكالوريوس


كليه المجتمع ماتقبل طلبات

كليه الاطلنطي مافيها دراسه مسائيه

جامعه قطر وما ادراك ماقهرها وتحطيمها ونظام الانذارت الي ماخلى حد في حاله

المدينه التعليميه تبي 6 فالايلس ولو جبتها انت مانطبق عليك الشروط والمعايير

بس جامعاتنا اللي فتحوها عشان اهل قطر مايتغربون صارو الاجانب اللي يدرسون فيها اكثر من القطريين


والله اني مقهوره مقهوره مقهوره

اشتبونا نسوي انطق راسنا فالطوفه

اصلا طقيناها وخلصنا

ماقول الا حسبي الله ونعم الوكيل

حسبي الله ونعم الوكيل

حسبي الله ونعم الوكيل

[@north_star@]

الله يعينج اختي ويعين كل من يسعى لاكمال مسيرته التعليمية وهذه تعتبر اساليب تعجيزية

[مستجدة]

اختي لازم يكون أهل قطر كلهم شهادة ثانويه عشان يكون هناك مكان للاجنبي
خططهم خلق فرص لبني جلدتهم في المستقبل

حتى خريج الجامعه اكثر الاماكن في الهئات والوزارات ماتقبله الا بالشهاده الثانويه
انا لو عندي عيال كان درستهم المرحله الاخطر وهي الابتدائه في احد دول الخليج السعوديه ولا الامارات

الله يعين الاباء والامهات اللي يبون الشئ الافضل لعيالهم لاتدريس عدل ولا مناج عدله ولا مستقبل

قسم بالله حرام اللي يصير من هالمجلس الاعلى

[R 7 A L]

اعتقد والله اعلم
اذا شيبوا الى شهاداتهم جامعيه والكثير منهم احيل للتقاعد سهلوا تكملة الدراسة الجامعيه

[قلب قطر..!]

ماقول الا على الدنيا السلام

[بوخالد88]

الله يعينكم وييسررر لكم موضوع الدراسة في قطر ويطلع واحد ولد حلال ويسهل عليكم

الموضوع بس مادري متي راح ايي هاليوم واشووف الجامعات القطرية تخرج قطريين

بنسبة ٩٩٪ من طلابها ، والله حرام هالجامعات العالمية واعيال البلاد يتغربون برع علشان

يحصلووون هالشهادة ، مب حرام هالشي الدولة تفتتح هالجامعات ومايستفيدون منها.

[أم غانم]

مَافي شَي يمنع إن الواحد يكمل دراسته .. إذا سمعتي للقوانين وغير معترف وغير معترف ولشروط


مابتقدمين خطوة وحدة .. إذا عندج إصرار وتحدي وهمة إنج تكملين كملي ..


لآتنظرين للجامعات اللي هني ولا جامعة قطر ..


فكري في الخارج .. دول الخليج الدول العربية .. أنتساب .. تعليم عن بعد ..


أي نوع من التعليم .. المهم وفالنهاية الشهادة لج وتفيدج وتنفعج وتكونين جامعية ..



الدولة الثانية معترفة في الجامعة .. الشهادة مصدقة من الخارجية والسفارة القطرية والدولة


اللي ناوية تكملين فيها .. خلاص أنتهى الموضوع ؟



موفقة يارب

[Najla..]

شي يضيق الخلق صراحه

المشكله الشهادة الثانوية ما تأكل عيش

والحياة تتطلب وظيفة جامعية

الله يوفقكم يا رب ويسهلها عليكم

[d522]

الله يعينك ويساعدك

[بـــــــنت النوخـّــــذه]

دعوة المظلوم مستجابه يا اصحاب الشأن

[شيخ الديرة]

مناهج درسناها هم اللي حطوها مهب احنا

مشاركة مؤثرة جدا ومؤلمة مع الأسف

[القيسي]

مَافي شَي يمنع إن الواحد يكمل دراسته .. إذا سمعتي للقوانين وغير معترف وغير معترف ولشروط


مابتقدمين خطوة وحدة .. إذا عندج إصرار وتحدي وهمة إنج تكملين كملي ..


لآتنظرين للجامعات اللي هني ولا جامعة قطر ..


فكري في الخارج .. دول الخليج الدول العربية .. أنتساب .. تعليم عن بعد ..


أي نوع من التعليم .. المهم وفالنهاية الشهادة لج وتفيدج وتنفعج وتكونين جامعية ..



الدولة الثانية معترفة في الجامعة .. الشهادة مصدقة من الخارجية والسفارة القطرية والدولة


اللي ناوية تكملين فيها .. خلاص أنتهى الموضوع ؟



موفقة يارب


طيب ليش كل هالصعوبات ؟

[أم غانم]

طيب ليش كل هالصعوبات ؟



إذا نظرت للصعوبة إنها صعوبة مابتتقدم خطوة للأمام ..


كـ قطريين .. نواجه صعوبات كثيرة وقوانين ظالمة تخص التعليم " بالذات" كأنها "

معول لتحطيم الذات والطموح ..


أنت أمام حلين : أما تلتزم وتتقيد بالقوانين والشروط وتماشيها .. ( تنتصر عليها أو تهزمك )


الحل الثاني : أنك تتخطاها وتشوف المناسب لك وتسوية ..


تقدر تاخذ شهادتك وتكمل تعليمك بالطريقة اللي تعجبـك وتكون الشهادة في رصيدك والعلم لك


شخصياً ..


وشخصياً ،، مع الطريقة الثانية




موفقين يارب