هل البنت يأخذ رايها عند قدوم رجل لخطبتها ؟

[هبوب الكوس]

الاصح ان الاب والام اهم من يرون الزوج المناسب للبنت

او انهم يأخذون برأيها 100% ان ترغب او لا بهذا الرجل

او لا يأخذون من كلامها ولا حتى يستشيرونها

لانها لا تعرف مصلحتها من قبل الاب و الام

آراكم

[شبح الصمت]

الله يجزاك خير

الي يخاف الله بيسألها

[جاسم القطري]

لازم ياخذون رايها هي اللي بتتزوج مب هم ... واكيد راي الام والابو مهم جداً

[ضوى]

ليش في العصرالحجري احنا !!

على زمن الرسول عليه افضل الصلاة والسلام تسال البنت

[@north_star@]

طبعا ياخذون رايها وللاسف في بمجتمعاتنا ناس للحين ما ياخذون راي بناتهم بالزواج

[Abdulraman]

القاضي مايلمج قبل ماياخذ رايها (البنت) يقولها هل تقبلين فلان زوج لج او لا

[راعي ال VXR]

اكيد راي البنت وموافقتها اساس الزواج
واما عدم اخذ رأي البنت من قبل الوالدين فاعلم انه والديهما في قمة الجهل

[المتحدث الرسمي]

..

المفروض والواقع و الواجب

انه البنت تنسال عن رايها



للاسف انه في ناس عندنا لي يومك اخر همهم راي البنت

[سما الوطن]

الاصح ان يأخذون رايها بالخطيب الذي تمت الموافقه عليه من طرف الام والأب
وليس بكل خطيب متقدم لها

والله لا ادري من ناحيه شريعه هل يؤخذ رايها بكل خطيب
او باللذي وافق عليه ولي امرها فقط

حيث موافقه ولي الامر واجبه

[موضي قطر]

:shy::shy::shy:

[هبوب الكوس]

الله يجزاك خير

الي يخاف الله بيسألها

وجزاك خير

صدقت في كلامك


لازم ياخذون رايها هي اللي بتتزوج مب هم ... واكيد راي الام والابو مهم جداً

صحيح في من يسأل عن رايها وهوا من نظرته لها يقول بتاخذينه غصب عنج



ليش في العصرالحجري احنا !!

على زمن الرسول عليه افضل الصلاة والسلام تسال البنت

هذا اللي حاصل اختي ضوى من البعض

حتى ما يكلمها خير شر يعني آخر من يعلم


طبعا ياخذون رايها وللاسف في بمجتمعاتنا ناس للحين ما ياخذون راي بناتهم بالزواج

صحيح كلامك من البعض



القاضي مايلمج قبل ماياخذ رايها (البنت) يقولها هل تقبلين فلان زوج لج او لا

الله كريم

[هبوب الكوس]

ا

اكيد راي البنت وموافقتها اساس الزواج
واما عدم اخذ رأي البنت من قبل الوالدين فاعلم انه والديهما في قمة الجهل

على الاقل من باب المجامله من قبل الاب

البنت بترضى بتقول شور ابوي هوا اللي يمشي :)





..

المفروض والواقع و الواجب

انه البنت تنسال عن رايها



للاسف انه في ناس عندنا لي يومك اخر همهم راي البنت

تصدق حتى انها اخر شخص يعلم بالخبر

مع انها هي صاحبة الشان



الاصح ان يأخذون رايها بالخطيب الذي تمت الموافقه عليه من طرف الام والأب
وليس بكل خطيب متقدم لها

والله لا ادري من ناحيه شريعه هل يؤخذ رايها بكل خطيب
او باللذي وافق عليه ولي امرها فقط

حيث موافقه ولي الامر واجبه

نعم ليس بكل خطيب متقدم لها



:shy::shy::shy:

انا فهمتج اكيد خذوا برايج :nice:

[عيون الدوحة]

شرط الزواج القبول
ويعتبر الزاوج باطل اذا بدون موافقتها

[بـــــــنت النوخـّــــذه]

ياااااا مب شي بس جذيه جك بك :(


بس اعتقد هالنظره منتشره اكثر بالبيئه الي عندهم عادات معينه متشدده وهاالاسطوانه تسمعها البنت من وهي عمرها سنتين يافلانه تراج بتاخذين ولد عمج الي يلعب اكوه ويافلان تراك بتاخذ بنت عمك الي تلعب اكيه ويكبرون وبدون شورهم تعال يافلان جيه الوقت الي ناخذ لك فلانه ويافلانه ترى اليوم ملجتج استعدي :(

واقع حاصل ببعض الاسر والقبائل بس ماحصل عندنا لان شور البنت فوق كل شي ولها مطلق الحريه بالرفض والقبول لان هي حياتها الي بتعيشها ولكن فيه تدخلات من البعض للاقناع لتوضيح صوره الخاطب للبنت لان ممكن تجهل بعض الامور فيصير اللبس مابين الرفض والقبول 00 ولكن الاكيد ان البنت ماتتزوج الا بشور اهلها وبموافقتهم التامه ومن طرف اهلها هذا الامر مافيه اي مناقشه 00

اما اتكون البنت في سابع نومه يصحونها تعالي اليوم ملجتج لا اتعرف من ومتى وشسالفه عسى ماشر خروف العيد اضحيه هي :(

[شبح الصمت]

ياخي هبوب الكوس

صج في ناس ما تسألها او تسألها وتشوفها ما ترد تقول موافقـه :weeping: او تحصل نفس ما تفضلت اختي بنت النوخذه يقولون لها شوفي هذه ولد عمج الي بياخذج الي قاعد يلعب كوره شوفيه رونالدو العرب :shy:
وهو يقولون له شوف هذه سندريلا الي بتاخذها اذا كبرت ويمر السناريو والعيال تكبر وتمر مرحلة العمر ويحبون بعض ويتعلقون في بعض ويجيك ولد الخاله بالمرصاد عرض ويطلب من امه تخطب بنت خالتها :eek5: وتكون الصدمه شخصية الاب ضعيفة شخصية الام قويه جدا جدا جدا ويتم الموافقة على خطبت البنت لابن خالتها وتنكسر احلام الاطفال ويصبح هؤلاء المحبين لبعضهم من صغر في اعداد المفقودين !! :weeping:

نصيحه البنت مثل اللؤلؤ كل ما خشيته عن عيون الناس كل ما تم يلمع ويبرق وكل ما عرضته عطوه بعيـن !!

يعني بناتنا مثل اللؤلؤ نحافظ عليه ونتمنى مب اي واحد ياخذه الا الي يقدره ويستاهله .. فهل قدرت بنتــك وعطيتها للطواش الي يقدرها او بتعطيها لمشتري بس ماخذها عرض شو

اسمحو لي على التعبير تذكرت ايام الغوص يوم غاوصت سنة 1960

:weeping:

[الأصيلة]

في أي زمان احنا عايشين ..
اهم شيء رايها ..
ليش احنا بنشيلها بـ زوليه...عشان نجبرها...

[اسير الاحساس]

من حق البنت اخذ رأيها فهي الحياة التي ستعيشها وتكون اسرة لها

وكثير من الاباء الله يسامحهم يقومون بتزويج الفتاه من غير رضاها حسب التقاليد ( مالج الا ولد عمج)

والا انه يقوم بتزويجها لغرض مادي

ويتم تهديدها ان لم تقبل عند القاضي والله المستعان

[حسن]

هذا الكلام يمكن في الزمن الغابر اما الحين ماعتقد موجودعندنا في قطر بالذات الحين هم خالصين قبل الاب مايدري والشيخ مايملك الى يستدعي البنت وياخذ رايها حتو لو هي تعدت الخمسين

[المسك1969]

السلام عليكم
أنت شرايك يعني؟؟؟ اكيد رأيها هو الاهم ولكن توجيهها ان يصلح لها أو انه مايصلح لها مطلوب من الابوين ثم ترك القرار لها في النهايه... حتى ان وافقت وهم غير راضيين تتحمل مسئولية نفسها
والله هالجيل صار يناقش ويرفض اللي يقبله الاهل... الله المستعان
جزاك الله خيرا على الطرح

[intesar]

من غير لا لف ولا دوران من حقها تستشار في زوج المستقبل
هي بتعيش وياه ولا أهلها
ومن حق الوالدين انهم يسألون وينصحونها
دمتم بود..

[هبوب الكوس]

شرط الزواج القبول
ويعتبر الزاوج باطل اذا بدون موافقتها

المشكله اذا هي موافقه مجامله و من داخلها رافضة

[المسك1969]

المشكله اذا هي موافقه مجامله و من داخلها رافضة


مافي بنت توافق مجامله الحين..قبل كان ممكن حياهم يمنعهم.. الحين البنيه تدور الريل وتوقف تقول ايه موافقه... مستحيل الحين وفي وقتنا الحالي في بنت بتوافق مجامله وليش مجامله؟ لمصلحة من

[هبوب الكوس]

مافي بنت توافق مجامله الحين..قبل كان ممكن حياهم يمنعهم.. الحين البنيه تدور الريل وتوقف تقول ايه موافقه... مستحيل الحين وفي وقتنا الحالي في بنت بتوافق مجامله وليش مجامله؟ لمصلحة من

صدقيني اختي فيه و فيه

[انصار جليري]

مال لول انتو


الحين البنت تعرفه عدل وتعرف طوايفه


واتكلمه ويكلمها


وتروح لامها وتقول بيجيكم واحد قولي لبوي لايرده تراني ابيه


ولاتقولون ماتدرون ترى الموضوع مالكم ماااال لووووووول

[هبوب الكوس]

مال لول انتو


الحين البنت تعرفه عدل وتعرف طوايفه


واتكلمه ويكلمها


وتروح لامها وتقول بيجيكم واحد قولي لبوي لايرده تراني ابيه

ولاتقولون ماتدرون ترى الموضوع مالكم ماااال لووووووول

الله اعلم

عيل ماااال لول طلع احسن وافضل :(

[هبوب الكوس]

ياااااا مب شي بس جذيه جك بك :(


بس اعتقد هالنظره منتشره اكثر بالبيئه الي عندهم عادات معينه متشدده وهاالاسطوانه تسمعها البنت من وهي عمرها سنتين يافلانه تراج بتاخذين ولد عمج الي يلعب اكوه ويافلان تراك بتاخذ بنت عمك الي تلعب اكيه ويكبرون وبدون شورهم تعال يافلان جيه الوقت الي ناخذ لك فلانه ويافلانه ترى اليوم ملجتج استعدي :(

واقع حاصل ببعض الاسر والقبائل بس ماحصل عندنا لان شور البنت فوق كل شي ولها مطلق الحريه بالرفض والقبول لان هي حياتها الي بتعيشها ولكن فيه تدخلات من البعض للاقناع لتوضيح صوره الخاطب للبنت لان ممكن تجهل بعض الامور فيصير اللبس مابين الرفض والقبول 00 ولكن الاكيد ان البنت ماتتزوج الا بشور اهلها وبموافقتهم التامه ومن طرف اهلها هذا الامر مافيه اي مناقشه 00

اما اتكون البنت في سابع نومه يصحونها تعالي اليوم ملجتج لا اتعرف من ومتى وشسالفه عسى ماشر خروف العيد اضحيه هي :(

وانتي صح :nice:

[قسماً]

قال صلى الله عليه وسلم ((لا تنكح الأيم حتى تستأمر، ولا تنكح البكر حتى تستأذن))
قالوا: يا رسول الله كيف إذنها، قال: ((أن تسكت))
الرجال اذا تقدم للبنت وكان فيه خير ووالدها رضى به ملزوم يشاورها ، ان وافقت زين وان رفضت مايجبرها
بالتوفيق ان شاء الله

[نــــظــــره]

:yawn:















من الي يقدر يزوج بنته او اخته من غير شورها هاه يالله قولي من :anger1:

[حليتان*]

من رايي

بعد ما يسالون عن الرجال و عن علومه ولـ طلع رجال سنع

اسالو البنت عن رايها


ولو طلع مب زين خلاص

[هبوب الكوس]

ياخي هبوب الكوس

صج في ناس ما تسألها او تسألها وتشوفها ما ترد تقول موافقـه :weeping: او تحصل نفس ما تفضلت اختي بنت النوخذه يقولون لها شوفي هذه ولد عمج الي بياخذج الي قاعد يلعب كوره شوفيه رونالدو العرب :shy:
وهو يقولون له شوف هذه سندريلا الي بتاخذها اذا كبرت ويمر السناريو والعيال تكبر وتمر مرحلة العمر ويحبون بعض ويتعلقون في بعض ويجيك ولد الخاله بالمرصاد عرض ويطلب من امه تخطب بنت خالتها :eek5: وتكون الصدمه شخصية الاب ضعيفة شخصية الام قويه جدا جدا جدا ويتم الموافقة على خطبت البنت لابن خالتها وتنكسر احلام الاطفال ويصبح هؤلاء المحبين لبعضهم من صغر في اعداد المفقودين !! :weeping:

نصيحه البنت مثل اللؤلؤ كل ما خشيته عن عيون الناس كل ما تم يلمع ويبرق وكل ما عرضته عطوه بعيـن !!

يعني بناتنا مثل اللؤلؤ نحافظ عليه ونتمنى مب اي واحد ياخذه الا الي يقدره ويستاهله .. فهل قدرت بنتــك وعطيتها للطواش الي يقدرها او بتعطيها لمشتري بس ماخذها عرض شو

اسمحو لي على التعبير تذكرت ايام الغوص يوم غاوصت سنة 1960

:weeping:

كل هذا يصير و البنت ضايعه في الطوشه

[MAZEN37]

اظن ما بقى احد ما ياخذ راي البنت

[هبوب الكوس]

في أي زمان احنا عايشين ..
اهم شيء رايها ..
ليش احنا بنشيلها بـ زوليه...عشان نجبرها...

عاد اقولج



من حق البنت اخذ رأيها فهي الحياة التي ستعيشها وتكون اسرة لها

وكثير من الاباء الله يسامحهم يقومون بتزويج الفتاه من غير رضاها حسب التقاليد ( مالج الا ولد عمج)

والا انه يقوم بتزويجها لغرض مادي

ويتم تهديدها ان لم تقبل عند القاضي والله المستعان

الله يهديهم



هذا الكلام يمكن في الزمن الغابر اما الحين ماعتقد موجودعندنا في قطر بالذات الحين هم خالصين قبل الاب مايدري والشيخ مايملك الى يستدعي البنت وياخذ رايها حتو لو هي تعدت الخمسين

ابشرك موجود لاحد الان



السلام عليكم
أنت شرايك يعني؟؟؟ اكيد رأيها هو الاهم ولكن توجيهها ان يصلح لها أو انه مايصلح لها مطلوب من الابوين ثم ترك القرار لها في النهايه... حتى ان وافقت وهم غير راضيين تتحمل مسئولية نفسهاوالله هالجيل صار يناقش ويرفض اللي يقبله الاهل... الله المستعان
جزاك الله خيرا على الطرح

كلام سليم


من غير لا لف ولا دوران من حقها تستشار في زوج المستقبل
هي بتعيش وياه ولا أهلها
ومن حق الوالدين انهم يسألون وينصحونها
دمتم بود..

اكيد لا لف ولا دوران من حقها تستشار :)

[هبوب الكوس]

قال صلى الله عليه وسلم ((لا تنكح الأيم حتى تستأمر، ولا تنكح البكر حتى تستأذن))
قالوا: يا رسول الله كيف إذنها، قال: ((أن تسكت))
الرجال اذا تقدم للبنت وكان فيه خير ووالدها رضى به ملزوم يشاورها ، ان وافقت زين وان رفضت مايجبرها
بالتوفيق ان شاء الله


جزاك الله خير




:yawn:















من الي يقدر يزوج بنته او اخته من غير شورها هاه يالله قولي من :anger1:

فيه اللي مخه متحجر

وليش تعصبين علي :(



من رايي

بعد ما يسالون عن الرجال و عن علومه ولـ طلع رجال سنع

اسالو البنت عن رايها


ولو طلع مب زين خلاص

كلام جميل

بالمبارك مقدماً على النجاح


اظن ما بقى احد ما ياخذ راي البنت

توجد عقول قديمه

[بو خليفه 123]

هبوب الكوس وراك شي


اعترف

[هبوب الكوس]

هبوب الكوس وراك شي


اعترف

هههههههههه

وراي كرسي بس :nice:

[بنQATARت]

اعتقد الموضوع اكبر من جذية
هذي حياة مب يوم ولا يومين
ولا يبيله راي البنت فقط لأن ماعندها خبرة بالحياة مثل الأم والأب
لذلك الموضوع يبيله قعدة ومشاور وكل واحد يحط وجهة نظرة بالموضوع لأن هذا الكلام راح ينبني علية اسرة
واسرتين راح يدخلون في بعض مب بس جك بك وانقز
الله يوفق الجميع

[بنت امي]

بالنسبه لي كبنت

احب اسمع راي امي وابوي وخاصه ابوي , لانه الريايل يعرفون حق بعض (يما منهم ) @@

في الاخير (نصيب )

والله يرزقنا بالخير ان شاء الله

[هبوب الكوس]

اعتقد الموضوع اكبر من جذية
هذي حياة مب يوم ولا يومين
ولا يبيله راي البنت فقط لأن ماعندها خبرة بالحياة مثل الأم والأب
لذلك الموضوع يبيله قعدة ومشاور وكل واحد يحط وجهة نظرة بالموضوع لأن هذا الكلام راح ينبني علية اسرة واسرتين راح يدخلون في بعض مب بس جك بك وانقز
الله يوفق الجميع

هذا الكلام المطلوب من الموضوع

يعطيج العافية

[هبوب الكوس]

بالنسبه لي كبنت

احب اسمع راي امي وابوي وخاصه ابوي , لانه الريايل يعرفون حق بعض (يما منهم ) @@

في الاخير (نصيب )

والله يرزقنا بالخير ان شاء الله

وجهة نظر و صراحه جميله

والله يرزقج والمسلمين خير

[eXpert*]

في شخص تقدم لعائله قطريه المهم يوم سالوا البنت ،، استخارت ووافقت علي الرجال !!

تدرون شاللي صار : اهلها شكوا فيها انهم علي علاقه ولليوم الرجال يتقدم وما يردون عليه لانه مافيه اي عيب ينرد عشانه ،، و البنت مصممه علي رايها كل ما افتحوا الطاري قالت تبيه .

لو تدرون كم سنه مرت وهم علي هالحال !!

الله المستعان ..

[بـــــــنت النوخـّــــذه]

في شخص تقدم لعائله قطريه المهم يوم سالوا البنت ،، استخارت ووافقت علي الرجال !!

تدرون شاللي صار : اهلها شكوا فيها انهم علي علاقه ولليوم الرجال يتقدم وما يردون عليه لانه مافيه اي عيب ينرد عشانه ،، و البنت مصممه علي رايها كل ما افتحوا الطاري قالت تبيه .

لو تدرون كم سنه مرت وهم علي هالحال !!

الله المستعان ..

الله كيف يشكون ببنت تربيه يدهم استغفر الله العظيم على بعض الاسر 00اسمحلي اقول عقول مريضه 00

يعني اذا انا بشك ببنتي معناته انا تربيتي غلط لها مايفكرون بهذا المنطق 00

حرام والله تطعن البنت وهي بريئه 000

وحتى لو شسمه انزين ماينعاب شيبون واحد حالته لله زين طق بابهم واحد عدل هالزمن صعب يحصلون الريال مافيه عيب 00

[راقي]

لازم رااييي البنت

واساسا الزواااااااج ماا يقبل اذا كانت البنت مغصووبه ولا مب موافقه :) مايجوز شرعـاأً

ولكن الكثير يسونهاا

[eXpert*]

الله كيف يشكون ببنت تربيه يدهم استغفر الله العظيم على بعض الاسر 00اسمحلي اقول عقول مريضه 00

يعني اذا انا بشك ببنتي معناته انا تربيتي غلط لها مايفكرون بهذا المنطق 00

حرام والله تطعن البنت وهي بريئه 000

وحتى لو شسمه انزين ماينعاب شيبون واحد حالته لله زين طق بابهم واحد عدل هالزمن صعب يحصلون الريال مافيه عيب 00

علي يدج يا بنت النوخذه

[راقي]

في شخص تقدم لعائله قطريه المهم يوم سالوا البنت ،، استخارت ووافقت علي الرجال !!

تدرون شاللي صار : اهلها شكوا فيها انهم علي علاقه ولليوم الرجال يتقدم وما يردون عليه لانه مافيه اي عيب ينرد عشانه ،، و البنت مصممه علي رايها كل ما افتحوا الطاري قالت تبيه .

لو تدرون كم سنه مرت وهم علي هالحال !!

الله المستعان ..


..!!!!!!!!!
لحظهـ طيب وحتى لو كاانت مع علاقه معـا الرجال طلع رجااااال
معنه مافي رجاجيل بهذا الزمن :secret:

المهم طلع رجال وتقدم لهاا وقد كلمته ليييييه يرفضونه دامه اوكي ؟! :rolleyes2:


قسم بالله في نااس مرضى ويبطووون الجببببببببد

[سمسمه]

الاصح ان الاب والام اهم من يرون الزوج المناسب للبنت

او انهم يأخذون برأيها 100% ان ترغب او لا بهذا الرجل

او لا يأخذون من كلامها ولا حتى يستشيرونها

لانها لا تعرف مصلحتها من قبل الاب و الام

آراكم


موضوع استهلك وأستعلج وحلل مليار مره
أنتظر جديدك

[تحداني]

من رايي

بعد ما يسالون عن الرجال و عن علومه ولـ طلع رجال سنع

اسالو البنت عن رايها


ولو طلع مب زين خلاص



يا اخوي خلهم يخبرون ان في احد جى ويعطون البنت خبر بس
بدون ما ينتظرون في الوقت الحالي رد .. وخلهم يسألون ابراحتهم
بس المشكله انهم يرفضون بدون ما يخبرون ان في احد جى
الين ما تتفاجئ البنت بعد الرفض بذلك

وليتهم يسألون عن الامور الاخلاقيه بس
تشوف اول ما يسألون عنه امور البنت الناضجه والعاقل متنازله عنه
عنده وعنده وعنده .. وهو عنده امور ثانيه ادور عليها

اي نعم للحين هالعقليات موجوده
وتعبت كثير بنات
واخنقت رغبات الشباب المقبلين على الزواج
وقاعدين اولياء الامور يركزون على امور ثاااااانيه
بعيده عن رغبات هالجيل


الله يهنيكم ويسعدكم يارب

جملك الله برضاه

[تحداني]

في شخص تقدم لعائله قطريه المهم يوم سالوا البنت ،، استخارت ووافقت علي الرجال !!

تدرون شاللي صار : اهلها شكوا فيها انهم علي علاقه ولليوم الرجال يتقدم وما يردون عليه لانه مافيه اي عيب ينرد عشانه ،، و البنت مصممه علي رايها كل ما افتحوا الطاري قالت تبيه .

لو تدرون كم سنه مرت وهم علي هالحال !!

الله المستعان ..



مهما كانت التوقعات .. ومهما كانت التبريرات
مالهم حق يرفضونه طالما على سنه الله ورسوله وبالحلال
وكل شي بالحوار والنقاش والهداوه راح يتحقق " ورضى الوالدين في المرتبه الاولى "
وبدون رضاهم رب العالمين ما يبارك في زواجهم

خل يصبرون طالما مقتنعين في بعض
ومردهم بيوافقون .. ولو كان من بينهم وسيط قريب من الوالدين
على الاقل يحاول يقنعهم ويوفق راسين بالحلال


الله يهنيهم يارب

جملك الله برضاه

[chillis]

لازم ياخذون رايها هي مهب بضاعه تباع وتشترا لان مصير اغلب الزيجات الي بدون شور الطلاق

[موضي قطر]

ا















انا فهمتج اكيد خذوا برايج :nice:


انا اقصد بالفيسات انه بعض البنات خجولات بطبعهم
يعني لا يفكرون الأهل انها رافضة لأن الصمت والخجل علامة الرضى :(

[البدع]

موضوع شيق

وردود منطقية

متابع

[ام السعف]

ليش في العصرالحجري احنا !!

على زمن الرسول عليه افضل الصلاة والسلام تسال البنت

السؤال هذا يذكرني بالسؤال اللي يقول :
هل تؤيد حق المرأة في التعليم :shy:

[بوخالد88]

انا اقصد بالفيسات انه بعض البنات خجولات بطبعهم
يعني لا يفكرون الأهل انها رافضة لأن الصمت والخجل علامة الرضى :(



لا ابشرج هالموضوع يعرفووونه من زمان السكوووت علامه الرضا :shy:

لو كانت مب موافقة يدرون الرد بيكووووووون :omg::weeping::anger1::(

بالتووووفيق

[sara jsm]

عندنا ماياخذون رايها الا لما الام والابو والاخوان الكبار يعطون رايهم ,,
اذا كان شخص طيب واخلاقة عاليه يخيرون البنت ,, اما اذا مايصلح مايغامرون في هالشي ,,
وساعات والله ماندري ان فلان او علان تقدم لنا ,, بس نسمع من الناس ,, :rolleyes2:
:
:
عكس بيت رفيجتي ,, خلاص هي لبنت عمها رضت ولا مارضت ,,
واللي يقول احين البنت ماترضى مجامله ,, ترى للحين في بنات ينجبرون حتى لو مب موافقة ,,
والقاضي مايدري ورى كلمة ( نعم ) هل قبول حقيقي ولا اجباري ,,

[بصمة قطرية]

اكبد راي البنت هم المهم طبعاً بعد موافقة الاب والام والاخوان ..
وسؤالهم عن الشخص ..
راي البنت آخر راي يعني بعد ما يخلصون من السؤال يقولون لها
وياخذون رايها ..


انزين واللي القاضي ما خذ رايها ولا سألها ..:secret:

[بـــــــنت النوخـّــــذه]

[
..!!!!!!!!!
لحظهـ طيب وحتى لو كاانت مع علاقه معـا الرجال طلع رجااااال
معنه مافي رجاجيل بهذا الزمن :secret:

المهم طلع رجال وتقدم لهاا وقد كلمته ليييييه يرفضونه دامه اوكي ؟! :rolleyes2:


قسم بالله في نااس مرضى ويبطووون الجببببببببد

اقولج عاد ريال سائلين عنه مافيه عيب والكل يمدحه يردونه عشان شكوكهم والله امرهم غريب اهههههههه وهذا البنت مستخيره وطلع لها انها مرتاحه له بعد عيل اشلون لو اتعرفه ومتأكدين :rolleyes2:


نصيحه لله فالله الي يجيهم ريال عدل خالي من العيوب وكفو وطق الباب ودخل وهو رافع راسه وشاري بنتكم وافقوا عليه هالزمن اصبح الرجل من هذا النوع عمله نادره اهههescape

[pure]

المفروض يكون فيه مراحل

المرحله الاولى موافقة الابو والام والسؤوال عن الريال

المرحله الثانيه سؤال البنت عن رايها

لان اساسيات الزواج القبول من الطرفين ,,

و صل الله وباارك

[هبوب الكوس]

في شخص تقدم لعائله قطريه المهم يوم سالوا البنت ،، استخارت ووافقت علي الرجال !!

تدرون شاللي صار : اهلها شكوا فيها انهم علي علاقه ولليوم الرجال يتقدم وما يردون عليه لانه مافيه اي عيب ينرد عشانه ،، و البنت مصممه علي رايها كل ما افتحوا الطاري قالت تبيه .

لو تدرون كم سنه مرت وهم علي هالحال !!

الله المستعان ..

الله يعينهم فيهم مرض الشك



لازم رااييي البنت

واساسا الزواااااااج ماا يقبل اذا كانت البنت مغصووبه ولا مب موافقه :) مايجوز شرعـاأً

ولكن الكثير يسونهاا


كلام سليم من يفهم بس



موضوع استهلك وأستعلج وحلل مليار مره
أنتظر جديدك

انتظري 2012 :)



لازم ياخذون رايها هي مهب بضاعه تباع وتشترا لان مصير اغلب الزيجات الي بدون شور الطلاق

هذا اللي نقوله





انا اقصد بالفيسات انه بعض البنات خجولات بطبعهم
يعني لا يفكرون الأهل انها رافضة لأن الصمت والخجل علامة الرضى :(

اها ياعيني على الخجل :rolleyes2:



موضوع شيق

وردود منطقية

متابع

حياك الله البدع

[فتى الجود]

أذا رجل مناسب ويصلح لنا ونصلح له

(( يشتغل ويخاف الله ويقدر يوفر سكن مناسب ))

نعم نسأل بناتنا
ونقولها عن كل تفاصيله


متزوج من قبل ؟
وضعه الاجتماعي ؟؟
وضعه الوظيفي ؟؟؟


ليش لاء ويبقى القرار بيدها هي
ونقلها استخيري

وذلك عملاً بسنة

نبينا الكريم صلى الله عليه وسلم :


عن أبى حاتم المزنى مرفوعا :

" إذا أتاكم من ترضون دينه و خلقه فأنكحوه , إن لا تفعلوه تكن فتنة فى الأرض
و فساد كبير .
قالوا : يا رسول الله و إن كان فيه ? قال : إذا جاءكم من ترضون
دينه و خلقه فأنكحوه ... ثلاث مرات " رواه الترمذى و قال : حسن غريب ( ص 160 )

[ظبيــღــه]

رايها بعد موافقة ولي امرها على المتقدم ..:oops: