قبل زيادة الرواتب لازم ....

[بوخالد88]

بسم الله الرحمن الرحيم

السلام عليكم ورحمه الله وبركاته،،،



اخواني واخواتي اعضاء المنتدي الاعزاء ، اكيد الكل ناطر الزيادة بس لين متي راح نطالب

بالزيادة بس ومن اسباب الزيادة ارتفاع الاسعار في كل شي يعني مافي فايدة زيادة من اهني

والتجار يرفعون الاسعار من الصوب الثاني بحجة انه المورد رافع الاسعار او او ( عذر اقبح من

ذنب ) اهم شي يشووف المستهلك تعلق بسلعة معينة ، وبعد فترة يرفعون الاسعار اشوي اشوي

لين وين الجشع ماله حد، والله بس خلاص لازم نحط حل حق هالموضوع لانه الزيادة بروحها

مامنها فايدة وكل واحد يقترح حل يشوفه مناسب ويساهم بظبط الاسعار وتخفيضها اسوه

بالاسواق الخليجية اللي ارخص منا بوايد ، ليش يعني احنا في قارة وهم في قارة ثانية

علشان تكون الاسعار فيها فرق هالكثررر.

راح احط مثال للمحلات بخصوص التحكم باسعارهم وهوا بس للتوضيح ولا اقصد فيه

التشهير شركة التيوتا الاسعار كل سنة تزيد ، سنة 2000 تقريبا كان 90،000 واحين وصل

الي 160،000 اقصد الجي الاستاندر ، المفروض السعر مايرتفع الا لين تغير الشكل كامل

والطريقة اللي لازم يستخدمونها انه الموديل الجديد ينزل بنفس السعر القديم والقديم يخفضون

في سعره مب لازم يتم الرفع بيوصل الي كم السعر !!! وهالطريقة تستخدم مع كل البضايع.

هاي الحل اللي اقترحه عليكم :- ( المقاطعة )

ابغي نسوي طريقة لكل بضاعة او شركة او محل او مطعم في قطر ترتفع فيه الاسعار من

غير مبرر انه نحطه في قائمة البلاك لست يكون الموضوع ثابت بعنوان ( خلوها اتخيس) علشان

يتم مقاطعة المحل من قبل الجميع ، ويتحكمفي الجدول احد الاخوان المشرفين ، لما تصير المخالفة

او رفع السعر يحط العضو موضوعه عادي للنقاش والاعضاء هم اللي يشفون هل يستاهل انه

يدخل في اللسته او لا ، وهالشي اتوقع راح يأثر عليهم لانه الشركات والمحلات تدفع فلوس حق

الدعاية، واحنا نطالب بمقاطعة البضاعة الا ان يتم تخفيض الاسعار او ازالة المخالفة من قبلهم.

اتمني انه اللي مطلوب وصل لكم .

السموحة علي الإطالة .
اخوكم : بوخالد88









*[/size]

[المسك1969]

السلام عليكم

موضوع مهم حفظك الله... أشر وأنا اقاطع

جزاك الله خير على الطرح

[الغلا81]

اخوي لا تعب نفسك محد بقاطع بس كلام واكبر دليل المعرض الكل تكلم وقال غالي ولين آخر يوم زحمه وماتقدر تمشي وييين الي يشتكون تلقاهم اول ناس اشترو من المعرض

[بوخالد88]

السلام عليكم

موضوع مهم حفظك الله... أشر وأنا اقاطع

جزاك الله خير على الطرح

يعطيج العافية اختي وراح نبداء بعد موافقة الاعضاء ان شاء الله

خلج علي الخط :telephone::nice: خلووووها اتخيس صج لانه هاي الحل

مشكورة علي المرور

[بوخالد88]

اخوي لا تعب نفسك محد بقاطع بس كلام واكبر دليل المعرض الكل تكلم وقال غالي ولين آخر يوم زحمه وماتقدر تمشي وييين الي يشتكون تلقاهم اول ناس اشترو من المعرض


اختي لا ان شاء الله هالمرة العالم بتكووون جادة اختي لا كانت هالرواتب

العالم تستلمها في التسعيانات بيكووون الكل في خير ونعمة ومحد

بيطلب زيادة والفلوس راح تكفي وتزيد :victory: شدو حيلكم هالمرة

صج وجوف الفرق ، في الاسعار بتحصلين سعر الفستان بيجيب لج فستانين

وثلاث بعد تخفيض الاسعار :omg:

بالتوفيق

[المنسى]

ليه فيه زياده فى الراتب

[خوي الدرب]

لولا الأماني كان مات الفقير

[هبوب الكوس]

مشكلة بعض الحريم ياخوك ماتقاطع :(

بخصوص العنوان ( خلها اتخيس ) بتشوفهم اول ناس عند باب المعرض او المحل :rolleyes2:

لا توجد عندنا ثقافة الا ستهلاك

[بوخالد88]

ليه فيه زياده فى الراتب


امممممم ان شاء الله بيكون فيه بس كل شي في وقته حلووو:eek5:

وحتي لو مافي لازم نطبق هالحل :nice:

بالتوفيق

[بوخالد88]

لولا الأماني كان مات الفقير


نبغي نحل الموضوووع ونخلي الرواتب تكفيني وتزيد :weeping:


بالتوفيق

[بوخالد88]

مشكلة بعض الحريم ياخوك ماتقاطع :(

بخصوص العنوان ( خلها اتخيس ) بتشوفهم اول ناس عند باب المعرض او المحل :rolleyes2:

لا توجد عندنا ثقافة الا ستهلاك



اخوي هبوب الكووس راح نحاول وياهم بالطيب :omen2: وبالقوة :anger1:

لين مانحصل حل :victory:

اشكرك علي مرورك :nice:

[هبوب الكوس]

ان لقيت الحل

الزيادة من صوبك :nice:

[البدع]

بوخالد ٨٨

يعطيك العافية

أنا تاجر

وألخص الغلاء في نقطتين :

- ارتفاع إيجار المحلات ( محل كنت استاجره عام ٢٠٠٤ ب ١٨٠٠ ريال ،،، الحين ب ٨٠٠٠ ريال )

- ارتباط الريال بالدولار ( الين الياباني كان ب ١٤٠ للدولار ،،، الان اصبح ٨٠ ين للدولار ،،، يعني قريب ٨٠٪)

اما المقاطعة فانسى

[بوخالد88]

ان لقيت الحل

الزيادة من صوبك :nice:


راح اطللللع الحل من تحت الحللل :secret:

بس ماتروووح الزيادة علي:victory:

[بوخالد88]

بوخالد 88

يعطيك العافية

أنا تاجر

وألخص الغلاء في نقطتين :

- ارتفاع إيجار المحلات ( محل كنت استاجره عام 2004 ب 1800 ريال ،،، الحين ب 8000 ريال )

- ارتباط الريال بالدولار ( الين الياباني كان ب 140 للدولار ،،، الان اصبح 80 ين للدولار ،،، يعني قريب 80٪)

اما المقاطعة فانسى


الله يعافيك اخوي البدع

ويوفقك ويرزق الرزق الحلال الطيب

نقطة الاجار لو محد اجر من راعي المحلات بالاسعار اكيد غصبن عنه راح

يظطر انه ينزل في الاسعار ، بس لو يجوووف العالم يتهافتون عليه الكل

يبغي يأجر لازم بيرفع وازيد علي الثاني ومن الخسران اللي بيفتح

المحل والزباين والحبيب راعي المحل هو المستفيد ، هالنقطة تحتاج الي

إرادة قوية من التجار ( المستأجرين ) لازم يمتنعون من تاجيرها وراح

تحصل المحلات فاضية اصحابها تكش ذبان فيها والكل راح يسوي لك دعاية

علشان تاجر من عنده راح يسوي اول شهر من غير اجار حللللوه ،صدقني بس محتاجة ( ارادة قوية ) وفي النهاية

الكل مستفيد.

اما بالنسبة للنقطة الثانية حلها عند الدولة وانا اتمني انه الريال يكون نفس

قيمة الدولار ليش هالظلم حق عملتنا من قبلهم واحنا انخسر علشان ايوهم

ادري انها سياسة دووول بس لازم يجوفوون حل للموضوع ، بما انه قطر

تعتبر من اغني دول العالم وتصدرت عام 2010 في تقرير ل مجلة التمويل

الامريكية.

واشكر مرروك اخوي البدع

[aljaber1]

موضوعك جيد المضمون ويساهم في توعية
واتمنى ان يستفيد المتصفح المحاربة هذا الغلاء

بارك الله فيك ونفع بك

[الغالي!]

احد المطعم يبع وجبه فليه همور 65 متعود اشتري منه واليوم طلب منه يقولي 100اريال الوجبه
شلون انا ماادري وين حماية المستهلك اقصد حماية التاجر

[بوخالد88]

احد المطعم يبع وجبه فليه همور 65 متعود اشتري منه واليوم طلب منه يقولي 100اريال الوجبه
شلون انا ماادري وين حماية المستهلك اقصد حماية التاجر

يالله اخوي في ذمتك ايش الحل وياهم وشنو اسباب الزيادة !!!

غير مقاطعة المطعم .

[فلور]

والله كلامك صحيح بس للاسف محد بيسمعك

[غير عنهم]

تاير دنلوب 17كان قيمته العام 600ريال واليوم مركبه 950 ريال يوم سالته متى ارتفع قال من اسبوع وين حماية المستهلك يعني صار اربع تواير 3800ريال

[بوخالد88]

موضوعك جيد المضمون ويساهم في توعية
واتمنى ان يستفيد المتصفح المحاربة هذا الغلاء

بارك الله فيك ونفع بك


ارجووو ان تصل الفكرة الي الجميع ويتم تطبيقها :nice:

والله يجزاك الخير ويوفقك

[بوخالد88]

والله كلامك صحيح بس للاسف محد بيسمعك


لا لا لا لا ان شاء الله هالمرة الكل راح يسمع ويطبق هالشي :omen2:

لانه الكل يبغي زيادة والزيادة بتاخر اشوي او وايد وبدال الحنة والرنة

والكلام الفاضي :anger1: خل نطبق هالموضوع بإذان الله راح تكون فعالة

الطريقة.

[بوخالد88]

تاير دنلوب 17كان قيمته العام 600ريال واليوم مركبه 950 ريال يوم سالته متى ارتفع قال من اسب
وع وين حماية المستهلك يعني صار اربع تواير 3800ريال



حماية المستهلك :telephone: محد راح يرد عليك ، فلازم نطبق طريقة

المقاطعة ، يعني التواير لها مدة وتنتهي فلو محد خذا منهم راح ينزل

في الاسعار :tease:

بالتوفيق

[فلور]

لا لا لا لا ان شاء الله هالمرة الكل راح يسمع ويطبق هالشي :omen2:

لانه الكل يبغي زيادة والزيادة بتاخر اشوي او وايد وبدال الحنة والرنة

والكلام الفاضي :anger1: خل نطبق هالموضوع بإذان الله راح تكون فعالة

الطريقة.
والله نتمنى ليش لااااااا
ذبحونا بلغلااا

[مستر بن]

:nice:
لولا الأماني كان مات الفقير



انشهد ,:nice:

[بوخالد88]

:nice:



انشهد ,:nice:


حياك اخوي مستر بن لانك تاجر المفروض تعلق علي الموضوع :shy:

الله يوفقك ويرزق الرزق الحلال الطيب