مدرسات اللغه العربيه تعالوا لو سمحتوا بغيتكم في كلمة راس .. [الأرشيف]

مشاهدة النسخة كاملة : مدرسات اللغه العربيه تعالوا لو سمحتوا بغيتكم في كلمة راس ..

Dawn

20-06-2011, 02:52 AM

السلام عليكم

شلونكم ؟؟ :rolleyes:

طبعا الشعب كله تأثر بموضوع انشروه في جريدة العرب عن قيام معلمة بتوزيع نموذج اختبار اسرائيلي :omg:........ وقاموا بعض الاعضاء مشكورين بنقل هذه المواضيع من الجريدة الى شبكة الأسهم ... وصارت ملاسنات ومهاترات واختلافات بالرأي وابتعد الجميع عن لب الموضوع ،،،

لهذا قررت من خلال هذا الموضوع ان اقوم بنداء الى مدرسات اللغه العربيه ،،،، اللي شاركوا في الدوره هذي ،،، او يعرفون حد شارك فيها ... انا للاسف اعرف نص مدرسات العربي في قطر ونصهم استقالوا :( والنص الثاني ماعنده خبر عن هالدوره التدريبيه

انا ( واعتقد انتو بعد مثلي :) ) ابغي اعرف المعلمة اللي وزعت هالاوارق هل هي قطريه والا غير قطريه ؟؟؟ ،،، :con2:

واذا غير قطريه ودي اعرف جنسيتها ؟.... :con2:

وابي اعرف شلون كان رد الفعل من زميلاتها وشلون اتصلوا بالجريده ؟... :con2:

وبعد نشر الخبر شصار مع الاخوات اللي شاركوا في التحقيق الصحفي ؟ ....:con2:

وشصار مع المتدربه اللي وزعت النموذج ؟؟ :con2:

ادري ومتأكده انه فيه مدرسات لغه عربيه في المنتدى واعرف سبب الخوف من المشاركه في موضوع كهذا ،،،، لكن صدقوني انا ما اقصد اي شي غير اننا نحط حد للجو المشحون بين الاعضاء :(،،، هالحدث سبب شرخ كبير بين فئة مدافعه عن المجلس وما ابغي اقول لأي درجه وصل هؤلاء في دفاعهم عن المجلس ،،، وفئه مشككه لنية المجلس وبعد ما ابغي اقول لأي درجه وصل هؤلاء في التشكيك بنية المجلس ،،،،،

المهم انتو تابعتوا المواضيع وشفتوا المشاركات والردود طبعا ...

انا بحاول ارفع الموضوع بين كل فتره والثانيه لعل وعسى اجد ضالتي لحد ما نشوف رد وتوضيح شافي في جريدة العرب او اي جريده رسميه من المجلس / المتدربه / المرزوقي / زميلات المتدربه ... توضيح من اي حد علشان نفهم شاللي صار بالضبط وليش صار ....

واتمنى من الاعضاء الاعزاء رفع الموضوع لانه مهم جدا .. وكفايه العداوات والمشاحنات اللي صارت لحد الحين بسبة هالموضوع :weeping: ،، خلاص يا جماعه قمتوا تشككون في وطنيه بعض :( وصلنا الى مستوى غير مقبول صراحه من الاختلاف في الآراء ،، اعتقد لازم لازم لازم ومن حقنا نفهم السالفه ...

وبس

شكرا جزيلا لكم وفي انتظار مدرسات العربي :victory:

R 7 A L

20-06-2011, 03:09 AM

اعتقد اختي
انك بتزيدين الطين بله
وبدال ماتكحلينها بتعمينها

Dawn

20-06-2011, 03:14 AM

اعتقد اختي
انك بتزيدين الطين بله
وبدال ماتكحلينها بتعمينها

مممم
:con2:

ممكن توضح السبب اخوي رحال ؟

R 7 A L

20-06-2011, 03:34 AM

مممم
:con2:

ممكن توضح السبب اخوي رحال ؟

السبب اختي
انك في طرحك هذا تقومين بدور شرطي التحقيق
واكيد مافية احد مستعد ان احد يحقق علية ويجب لنفسة المشاكل .

Dawn

20-06-2011, 04:38 AM

السبب اختي
انك في طرحك هذا تقومين بدور شرطي التحقيق
واكيد مافية احد مستعد ان احد يحقق علية ويجب لنفسة المشاكل .

بس اهما خلوا الجريده تحقق معاهم .. واكيد الصحفي اخذ اسمائهم ،، عالأقل هالموضوع ما راح يكون فيه اي مسائله ولا اي شي وحتى اسمائهم غير حقيقيه .. وبالعكس هنا الاعضاء ممكن يكونون محايدين اكثر من الجريده لان الجريده مثل ما تفضلوا بعض الاخوات اعتمدت على المرزوقي في ابراز هذا الخبر ومعروف ان المرزوقي كان بالمجلس وصار موقف وطلع منه بطريقه غير معروفه وبعدها كتب مواضيع نقد في المجلس ...

ان شا الله مافيه مشاكل ولاشي .. يعني من وين بتجي المشاكل :rolleyes2: .. احنا بس نبغي نفهم الموضوع .. بدون الغاز ولا لف ولا دوران ..

R 7 A L

20-06-2011, 04:43 AM

مع إنـــــي أشوف انة صعب أو شبة مستحيل أننا نجد أحدى المدرسات هنا

إلا أننا لن نياس

وراح نشوف مدى حرية التعبير من خلال أرض الواقع بطرحك هذا

( أكاديمية )

20-06-2011, 08:25 AM

ليكون ناويه تسوين تحقيق بالموضوع :omg:
حياج الله في قسم معايير اللغة العربية بالمجلس الأعلى وراح يفيدونج :victory:

basma222

20-06-2011, 08:49 AM

للرفع

الألماسي

20-06-2011, 08:54 AM

وين المصداقيّه من الموضوع . .!

اي شخص يحمل اي نك يمكن يطلع و يقول " انا مدرسه عربي " و جنسيتها مثلا " عربيه " و صار كذا كذا . . و بالأخير " العمليّه تلفيق " و " كذب " . . الـدليل على صدق الـكلام . .!!!
و خبركم جرايدنا يا حليلها ما تصدق " كوبي بيست " و المصدر " موثوق " على قولتهم . .

:)

بـــــــنت النوخـّــــذه

20-06-2011, 09:09 AM

والله لو اني مدرسة عربي وكنت من ضمن القائمه كان قلت بس للاسف علمي علمي علمي واكره المجال الادبي بالثلاث<< اشدخل عموما" اختي المفروض المجلس الاعلى يطلع منهم تصريح ويقطع الشك باليقين طبعا" غير ذاك التصريح ألي يقول ان المتدربه صاحت :weeping::weeping::weeping:واكسرت خاطرهم000

وبالنسبه لمدرسات العربي لو رجعتي لموضوع الاخت (همسه ) بتحصلين عضوه اسمها (ام الحناين) اتقول كانت شاهده على الوضع (وكلامهما مقنع وفيه شي مهم جدا" خصوصا انها حلفت ان كلامها صدق )00 وقمت بدور المحقق كونان:cool: ف سئلتها وإلى الان لم تتم الاجابه على اسئلتي الفضوليه 000

بالتوفيق للجميع

chillis

20-06-2011, 09:11 AM

Dawn

20-06-2011, 01:05 PM

مع إنـــــي أشوف انة صعب أو شبة مستحيل أننا نجد أحدى المدرسات هنا

إلا أننا لن نياس

وراح نشوف مدى حرية التعبير من خلال أرض الواقع بطرحك هذا

اتمنى ذلك

ليكون ناويه تسوين تحقيق بالموضوع :omg:
حياج الله في قسم معايير اللغة العربية بالمجلس الأعلى وراح يفيدونج :victory:

ولا تحقيق ولا شي بس معقوله ولاحد يقدر يقول لنا شصار بالضبط وتطلع سوالف بهالحجم ولاحد يوضحها ...

ولان صراحه ما عجبتني سالفة ان المتدربه تصيح واخذها حجه لعدم الرد على المقال والتحقيق ...

للرفع

رفع الله قدرج حبيبتي

وين المصداقيّه من الموضوع . .!

اي شخص يحمل اي نك يمكن يطلع و يقول " انا مدرسه عربي " و جنسيتها مثلا " عربيه " و صار كذا كذا . . و بالأخير " العمليّه تلفيق " و " كذب " . . الـدليل على صدق الـكلام . .!!!
و خبركم جرايدنا يا حليلها ما تصدق " كوبي بيست " و المصدر " موثوق " على قولتهم . .

:)

والله لو اني مدرسة عربي وكنت من ضمن القائمه كان قلت بس للاسف علمي علمي علمي واكره المجال الادبي بالثلاث<< اشدخل عموما" اختي المفروض المجلس الاعلى يطلع منهم تصريح ويقطع الشك باليقين طبعا" غير ذاك التصريح ألي يقول ان المتدربه صاحت :weeping::weeping::weeping:واكسرت خاطرهم000

وبالنسبه لمدرسات العربي لو رجعتي لموضوع الاخت (همسه ) بتحصلين عضوه اسمها (ام الحناين) اتقول كانت شاهده على الوضع (وكلامهما مقنع وفيه شي مهم جدا" خصوصا انها حلفت ان كلامها صدق )00 وقمت بدور المحقق كونان:cool: ف سئلتها وإلى الان لم تتم الاجابه على اسئلتي الفضوليه 000

بالتوفيق للجميع

تعليقك يالالماسي ردت عليه بنت النوخذه ... يعني الحين وحده اسمها ام الحناين تقول انها شاهده على اللي صار،، هل معناته اني بكذبها واقول انها ما تشتغل في المجلس مثلا ..

اذا هذا المنطق فاي شخص يقول اي شي في منتدى الاسهم فلن اصدقه ... لا انا صراحه مب من هالنوع انا احكم على طريقة صياغه الكلام ،، طريقة سرد الموضوع وهل فيه تناقض مثلا واسأل شخص اختصاصه قريب من نوعية الخبر ،، واتناقش فيه مع صديقاتي ،،، وهكذا الى ان اصل الى درجة التصديق وعلى فكره لو وحده شاركت يمكن يطلعون عشر ويتشجعون يردون عالموضوع وهنا بنميز من اتفاق الاراء او تناقضها وعلى اساسه نصدق او نكذب .. يعني مب على طول كل شي في الاسهم اقول عنه كذب لانه الاسماء غير معروفه ...

بنت النوخذه انا متابعه الموضوع بس صراحه يؤسفني ان المشاركات فيه تاخذ هالمنحى ..
انا عندي مبدأ ان اختلاف الرأي لايفسد للود قضيه لكن شكل الود بين الاعضاء مهدد بسبب هالسالفه ..

:victory::victory:

شكرا لرفعج موضوعي :nice: وحياج الله حبيبتي

شيخ الديرة

20-06-2011, 02:24 PM

Dawn

20-06-2011, 02:33 PM

كل هذا اللي صار هو وجود خلل في الطريقة التي تنشر بها الصحف المحلية ما يصلها من معلومات. حسب رأيي المتواضع أن الصحف يجب أن تقوم بالبحث والتحقيق من المعلومات التي تصلهم وكذلك الاتصال بالأطراف الأخرى وأخذ أراؤهم ويجب أن يكونوا حياديين ويتركون القرار للقارئ بناءا على كل تفاصيل القصة المنشورة.

اللي صار ان قصة من جهة واحدة قررت الصحيفة ان تنشرها, وكثرت البلبلات والأشاعات لمدة يوم بدون أن نعرف رد الجهة الثانية, وهذا مو صحيح والقارئ يستحق مستوى أعلامي أكثر من هذا

المجلس الأعلى (على الرغم من استيائي من اداؤهم) من حقه, حسب اعتقادي, ان يرفع قضية تشهير على الجريدة لعدم أخذ رأيهم بالموضوع قبل النشر

ايه نعم ترا هذا اللي يقهر ،،، لا رد المجلس جا يحترم عقلياتنا ( المتدربه تصيح بالله عليك هذا رد ؟؟ ) ،،، ولا طريقة الجريده في نشر الخبر كانت مقبوله .... اضف عليها مقالة السليطي اليوم والايام اللي قبلها ( يعني الجرايد صايره وسيله لتصفية الحسابات ) واحنا :confused:

انا صراحه ما احمل المسؤوليه الجرايد بل المجلس رده ماكان بالمستوى المطلوب

مادري يمكن عن طريق المنتدى يكون الوضع احسن ... لان المجلس والجرايد مادري شقول فقدوا مصداقيتهم صراحه

سما الوطن

20-06-2011, 05:39 PM

فكره طيبه

اتمنى ان تنجح الفكره ..فكلنا نريد ان نعرف ماذا حصل بالضبط

اظنك تقصدين مثل ام الحناين دشت وقالت اللي صار وحلفت ...تبي غيرها بعد ....ان شاء الله بدش غيرها ونسمع القصه من اكثر من مدرسه ..مع ان حلفه ام الحناين كافيه

على فكره رد الهيئه ان المتدربه انها تصيح هذا جاء على لسان لم يجي بتصريح من الهيئه ..المرزوقي قاله والله اعلم مدى دقته ... ويمكن يكون مثل ياخذون نص الجمله و يقولون لا تقربوا الصلاه ( لا تقربوا الصلاه وأنتم سكارى )

Dawn

20-06-2011, 06:05 PM

فكره طيبه

اتمنى ان تنجح الفكره

اظنك تقصدين ا مثل ام الحناين دشت وقالت اللي صار وحلفت ...تبي غيرها بعد ....ان شاء الله بدش غيرها مع ونسمع القصه من اكث من مدرسه ..مع ان حلفه ام الحناين كافيه

على فكره رد الهيئه ان المتدربه انها تصيح هذا جاء على لسان لم يجي بتصريح من الهيئه ..المرزوقي قاله والله اعلم مدى دقته ... ويمكن يكون مثل ياخذون نص الجمله و يقولون لا تقربوا الصلاه ( لا تقربوا الصلاه وأنتم سكارى )

وانا مثلج اتمنى
ان الاخت ام الحناين توضح لنا السالفه كلها بدون معلومات خفيه اسئلتي بسيطه مافيها شي يخوف ... ما نبغي تطلع معلومه وتنخش معلومه ..
( ما يحتاج تحلف اصلا ) ندري ان دورات المجلس الله بالخير وندري ان ممكن يصير فيها اي شي ...
( الا صحيح من اللي يعطي الدوره ؟؟ اشهد انه مفهي ولا استفادوا منه المدرسات لدرجة انهم لجأووا الى مواقع اسرائيليه !!! يا ترى شبيقولون له المسؤولين بالمجلس ؟؟ ) نبي نعرف الغلط من من بالضبط ... وكيف ستتم محاسبة هالشخص المخطئ .... انا لا انادي بمعاقبة اي شخص هنا لكن بس ابغي اعرف الغلط من مشترك فيه ... فيه اشيا انقالت انا ما ودي اصدقها ولازم نعرف اذا الكلام صج والا كذب ...

وبخصوص رد المجلس وانه مثل ما قلتي ممكن يكون من المرزوقي ،،، طيب انتي اشرايج بعدم رد المجلس هل هو شيء في مصلحتهم اختي ؟؟ خصوصا مع الجو المشحون اللي انتي حسيتيه بين الاعضاء بالمنتدى ...

اتمنى ان الاخوات يتفاعلون مع الموضوع ...

واشكرج على المرور عزيزتي

سما الوطن

20-06-2011, 06:13 PM

وانا مثلج اتمنى
ان الاخت ام الحناين توضح لنا السالفه كلها بدون معلومات خفيه اسئلتي بسيطه مافيها شي يخوف ... ما نبغي تطلع معلومه وتنخش معلومه ..
( ما يحاتج تحلف اصلا ) ندري ان دورات المجلس الله بالخير وندري ان ممكن يصير فيها اي شي ...
( الا صحيح من اللي يعطي الدوره ؟؟ اشهد انه مفهي ولا استفادوا منه المدرسات لدرجة انهم لجأووا الى مواقع اسرائيليه !!! يا ترى شبيقولون له المسؤولين بالمجلس ؟؟ ) نبي نعرف الغلط من من بالضبط ... وكيف ستتم محاسبة هالشخص المخطئ .... انا لا انادي بمعاقبة اي شخص هنا لكن بس ابغي اعرف الغلط من مشترك فيه ... فيه اشيا انقالت انا ما ودي اصدقها ولازم نعرف اذا الكلام صج والا كذب ...

وبخصوص رد المجلس وانه مثل ما قلتي ممكن يكون من المرزوقي ،،، طيب انتي اشرايج بعدم رد المجلس هل هو شيء في مصلحتهم اختي ؟؟ خصوصا مع الجو المشحون اللي انتي حسيتيه بين الاعضاء بالمنتدى ...

اتمنى ان الاخوات يتفاعلون مع الموضوع ...

واشكرج على المرور عزيزتي
اختي المجلس رد ووضح اول مره
وما اظن برد كل ما تكلم المرزوقي بجمله

عموما اتمنى مثلك ان يكون هناك من كان بالدوره ويقول لنا بدون التحفظ اللي صار
كلنا نريد نعرف التفاصيل

مره اخرى اتمنى ان تنجح فكرتك
عجبتني فعلا

intesar

20-06-2011, 10:06 PM

Dawn

20-06-2011, 10:31 PM

اختي المجلس رد ووضح اول مره
وما اظن برد كل ما تكلم المرزوقي بجمله

عموما اتمنى مثلك ان يكون هناك من كان بالدوره ويقول لنا بدون التحفظ اللي صار
كلنا نريد نعرف التفاصيل

مره اخرى اتمنى ان تنجح فكرتك
عجبتني فعلا

لا اختي اسمحيلي ما كان رد مناسب لحجم الحدث ،،، ( كان الرد عباره عن اعتراف من الهيدوس بان النموذج قد وزعته المتدربه غير متعمده ،، ) ليش ما هددت الصحيفه باللجوء الى القضاء وليش ما شفنا لهجه حاده في الرد على اتهام خطير جدا كهذا الاتهام ،،،،، واحتمال ان المرزوقي مفبركه بعد الله اعلم .. طيب ليش مثلا ما لجأت الى جريدة اخرى دام ان العرب فيها المرزوقي اللي متحامل جدا على المجلس وعليها هي شخصيا ...

اختي فيه اشيا تخلينا نفكر ونسأل نفسنا ليش صار هالشي وليش كان تصرف المجلس بهالبرود و بهالاستهتار بمشاعر الشعب كله ... وخلوا المجال مفتوح ان كل شخص قام يحلل الموقف على كيفه ... ليش ؟؟؟

ترا مب المرزوقي اللي ينلام ،،، المجلس بعد يستاهل جزء كبير من اللوم بسبب عدم اهتمامه بالرد بطريقة تقطع الشك باليقين من اول ما صارت السالفه ،، الحين احنا بس نبغي نفهم السالفه وبس.. ما نبي منهم ولا شي ،، لكن للحين ساكتين ولا حد فيهم تكلم باسلوب منطقي

intesar

21-06-2011, 12:02 AM

نعم الجهتين ملامين

Dawn

21-06-2011, 12:21 AM

أم الحناين عندها الخبر الأكيد .. لأنها قالت بما معناه انه المرزوقي مو صادق .. وكلامه غلط على حسب ما فهمت منها .. والمحقق كونان كان وراها .. بس للأسف عطتنا بعض التفاصيل الغير واضحه ..
انه الصحفي كان موجود واللي وزعت المنشور موجودة وكانوا قاعدين ٣ ساعات .. شي من هذا القبيل .. وبالفعل لو أنا مكان المجلس كنت رفعت عليه قضية وسكرت لهم الجريدة .. حتى يكونون عبرة ويكون الاعلام أكثر وضوحا ومصداقية..

أما المجلس الموقر فلازم يحلونه .. لأنه صلاحيته انتهت .. والمرزوقي لازم يتحاسب ..

أم الحناين وينج .. عطيني التفاصيل الكاملة .. خلي الكل يرتاح..

دمتم بود..

ام الحناين هل هي مدرسه لغة عربية ام موظفه بالمجلس ؟؟ وليش ما ردت على استفسارات بنت النوخذه ؟ هل فيه خطوره ستقع عليها لو اجابت على اسألتها ؟؟
طيب المرزوقي كذب في موضوع النموذج ...... وادعى انه صادر من المجلس الاعلى ،،، واتضح لاحقا في تبرير الهيدوس انه وزع من قبل معلمة متدربه .... لمذا لم نعرف باقي التفاصيل لتوضيح كل الامر ،، حتى لا يقوم المرزوقي بفتح نفس الملف مرة أخرى ؟؟؟

منذ مده نشر خبر عن مدرسات قطريات دخلن مراكز الشرطه للتحقيق في حوادث ضرب للطلاب ... والمجلس لم يدافع عنهن ولم يراعي مشاعرهن صح ؟؟

الا ترين اختي انه تناقض غريب ان تقوم هذه المتدربه التي لا نعلم لحد الان ان كانت قطريه ام غير قطريه سنيه ام شيعيه ،،، بضرب كرامة بلد ............ وتم مراعاة شعورها باخفاءها عن التحقيق الصحفي بحجة حالتها النفسية السيئه !!!!!!!!!!!!! لا اخفي عليج اختي : اذا طلعت غير قطريه وهذا تعامل المجلس معاها .. راح تكون صدمه قويه لي انا شخصيا .....

واتفق معاج بخصوص المجلس ،،،، انا لا استطيع ان اسميه الموقر كما تسمينه انتي .. رغم اني كنت بنت المجلس من اول سنة توظفت بها بعد التخرج منذ الفوج الأول ... اي منذ 7 سنين ... لكن للأسف المجلس الكل سيتبرأ منه اذا استمر على هذا الحال ..........

Dawn

21-06-2011, 12:24 AM

نعم الجهتين ملامين

الكل متفق على هاتين النقطتين

فساد المجلس
فساد الإعلام

ياريت لو يتغير شي للأفضل من خلال ما حدث ،،،،،،

Dawn

21-06-2011, 01:12 PM

للرفع ............ :)

مشتاقة لقطر

22-06-2011, 12:15 PM

وللرفع مجددا ..

Dawn

22-06-2011, 03:12 PM

وللرفع مجددا ..

رفع الله قدرك اختي الغاليه مشتاقه لقطر

الخفي

22-06-2011, 06:16 PM

(( ارفع رفع الله قدر الجميع ))

الدمعه

22-06-2011, 08:37 PM

وين المدرسات اختفوو ..نبي توضيح..

المسك1969

22-06-2011, 08:52 PM

الله المستعان

متابعه معكم حفظكم الله

Dawn

29-06-2011, 05:32 PM

(( ارفع رفع الله قدر الجميع ))

رفع الله قدرك
اشكرك على المرور اخي الخفي

Dawn

29-06-2011, 05:33 PM

وين المدرسات اختفوو ..نبي توضيح..

:confused:

اختفوا او يمكن مثل ما قالوا ان الشخصيه وهميه .... الله اعلم

Dawn

29-06-2011, 05:38 PM

الله المستعان

متابعه معكم حفظكم الله

اشكرج عزيزتي .. وان شا الله نفهم الموضوع في يوم من الايام .. وما ننسى هالحدث الغريب ويمر علينا مرور الكرام دون ان نفهم حقيقته وسببه ..