المساعد الشخصي الرقمي

مشاهدة النسخة كاملة : حق الزوجة في بيت مستقل للنقاش


mannoo66
20-06-2011, 03:02 PM
ياليت نتكلم بحياديه وصدق في أحقيه الزوجة بالبيت المستقل خاصه اذا كانت أم عيال ..ياليت نتكلم عن حقها فقط اذا الزوج قادر ويراوغ ويقصر بعمد اما الغير قادر الشكوى لله شتسوي تصبر عليه


للنقاش
yaser999
20-06-2011, 03:17 PM
انا اشوفه ضروري اذا الزوجة تخاف الله في زوجها و تعرف السنع مع اهله وتقدر تتحمل مسئولية بيت والزوج مقتدر ماليا اما اذا كانت زوجة مهملة ومقصرة في واجباتها وكل شي قاطته على الخدامه حتى غسيل ملابسها الداخلية انا اشوف ما تستاهل ولازم تقطن في بيت اهل الزوج لين ما تتغير تعتبر فترة تاديبية لين ما تحس بقيمة انها تكون ملكة في بيت
mannoo66
20-06-2011, 03:40 PM
انا اشوفه ضروري اذا الزوجة تخاف الله في زوجها و تعرف السنع مع اهله وتقدر تتحمل مسئولية بيت والزوج مقتدر ماليا اما اذا كانت زوجة مهملة ومقصرة في واجباتها وكل شي قاطته على الخدامه حتى غسيل ملابسها الداخلية انا اشوف ما تستاهل ولازم تقطن في بيت اهل الزوج لين ما تتغير تعتبر فترة تاديبية لين ما تحس بقيمة انها تكون ملكة في بيت

هدئ هدئ شكل قلبك متروووسه:anger1:

بعض الزوجات تهمل غصب عنها لأنها في بيت اهل الزوج ماتاخذ راحتها ولا تقدر تقوم بواجبات زوجها وعيالها .ولا تقدر تسوي نظام لحياتها وحياة اسرتها ..واحيانا الاهمال يكون ردة فعل كتعبير عن رفضها للحاله اللي عايشتها..بعدين ليش هالالفاظ؟؟؟ تقططن؟؟؟ جايبها من بيت اهلها عشان تقطن عند اهلك؟؟؟ كان خليتها عند اهلها معززة ومكرمه اسمح لي اخوي هالكلام فيه احتقار للزوجه وعيب ينقال تراك ماجبتها من الشارع
هبة ريح
20-06-2011, 04:01 PM
لو كل زوج اول مايتزوج يوفر لزوجته بيت مستقل ،، كان قلت حالات الطلاق عندنا
بصمة قطرية
20-06-2011, 04:08 PM
من حق الزوجة بيت مستقل ..
هذا حق من حقوقها ..
أول شي يضمن لها خصوصيتها ..
بتكلم من واقع تجربة ..
عشت سنين طويلة مع اهل زوجي والحمدلله
كانت سنين حلوة ..
بس كنت محرومة من شغلات كثيرة ..
بحكم ان هالبيت مش بيتي ..
المرأة في بيتها تشعر انها ملكة
في مملكتها ..
هي الآمرة الناهية تحرك شي تغير شي
محد يقول لها ليش ..!!
تربى اطفالها على راحتها ..
محد يتدخل في تربيتهم ..
طبعاً معروف الجد والجده يدلعون وايد ..
لها خصوصية تامة في حياتها
بالذات اذا المطبخ مشترك ما راح تاخذ راحتها في الطبخ لزوجها
بتكون مجبورة انها تطبخ للبيت كله ..
طبعاً ما فيها شي تطبخ لهم صاروا اهلها بعد
بس مرات تكون حابه شغلات معينة ..
اكتفي بهالقدر واترك المجال لغيري ~
بومحمد المطاوعه
20-06-2011, 04:09 PM
موضوع جميل

إذا كان الزوج لا يرى في زوجته إلا عيوبها ولا يتصدق عليها بكلمة حلوة، وهي لا تشعر معه بالأمان والاستقرار، وأصبحت لا تطيق هذه المعاملة، وقد يئست من إصلاح هذه المعاشرة. وحاولت إصلاح نفسها بشتى الطرق كي تعجب زوجها، ولكن الأمور خارج إرادتها، فهل إذا طلبت الطلاق تقع تحت طائلة الحديث الذي معناه: ((إن المرأة إذا طلبت الطلاق بغير عذر لا تدخل الجنة ولا تشم ريحها))؟

وهل الأسباب المذكورة سابقاً تعتبر شرعاً تجيز الطلاق ولا يكون عليها إثم؟



الواجب على الأزواج جميعاً معاشرة زوجاتهم بالمعروف؛ لقول الله عز وجل

: وَعَاشِرُوهُنَّ بِالْمَعْرُوفِ[1] وقوله سبحانه: وَلَهُنَّ مِثْلُ الَّذِي عَلَيْهِنَّ بِالْمَعْرُوفِ وَلِلرِّجَالِ عَلَيْهِنَّ دَرَجَةٌ[2].

وقول النبي صلى الله عليه وسلم: ((استوصوا بالنساء خيراً)).

والأدلة كثيرة في ذلك. فإذا لم يقم الزوج بذلك وأساء العشرة بمثل ما ذكرت السائلة فلها طلب الطلاق وهي معذورة في ذلك. وفق الله الجميع.
intesar
20-06-2011, 04:12 PM
اذا اشرطت قبل الزواج ببيت بروحها فهذا من حقها ..
واذا الرجل مقتدر فمن حقها ..
اذا ما يقدر عليها تصبر وتتحمل

دمتم بود..
دااانة قطر
20-06-2011, 04:23 PM
من حق الزوجة بيت مستقل ..
هذا حق من حقوقها ..
أول شي يضمن لها خصوصيتها ..
بتكلم من واقع تجربة ..
عشت سنين طويلة مع اهل زوجي والحمدلله
كانت سنين حلوة ..
بس كنت محرومة من شغلات كثيرة ..
بحكم ان هالبيت مش بيتي ..
المرأة في بيتها تشعر انها ملكة
في مملكتها ..
هي الآمرة الناهية تحرك شي تغير شي
محد يقول لها ليش ..!!
تربى اطفالها على راحتها ..
محد يتدخل في تربيتهم ..
طبعاً معروف الجد والجده يدلعون وايد ..
لها خصوصية تامة في حياتها
بالذات اذا المطبخ مشترك ما راح تاخذ راحتها في الطبخ لزوجها
بتكون مجبورة انها تطبخ للبيت كله ..
طبعاً ما فيها شي تطبخ لهم صاروا اهلها بعد
بس مرات تكون حابه شغلات معينة ..
اكتفي بهالقدر واترك المجال لغيري ~


نفس الحااله اللي مريت فيها
:(
وانا اللي كنت اقول الهنود اللي تعااملهم مع الجناات مب شي
طلعوا عندنا سيم سيم:eek5:
الدمعه
20-06-2011, 04:34 PM
اذا كان اهل الزوج ماعندهم الاهالولد ..المفروض والواجب عليها انها تقعد مع والديه ..

واذا عالاكل والطباخ عادي .. تطبخ المره حق البيت كله مع اضافات اخرى للزوج ..

كطريقة تقديم وتزيين مختلفه..

وعلى المراه انها تتاقلم مع حياتها حتى لو خذت وقت طويل في التاقلم ..وعن تجربه ..

ويمكن السبب في انه مايبي يحط لها بيت ..حاس فيها قاطعه في هله او لايعتمد عليها

بأمور بيتها .. او ممكن معتمده اعتماد كلي على اهل الزوج والهدامه في مجابل اليهال وغيره..

في اسباب وايد تخلي الزوج مايطلع بيت لزوجته ..
Locale
20-06-2011, 04:36 PM
الله كريم
= (
بصمة قطرية
20-06-2011, 04:40 PM
اذا كان اهل الزوج ماعندهم الاهالولد ..المفروض والواجب عليها انها تقعد مع والديه ..

واذا عالاكل والطباخ عادي .. تطبخ المره حق البيت كله مع اضافات اخرى للزوج ..

كطريقة تقديم وتزيين مختلفه..

وعلى المراه انها تتاقلم مع حياتها حتى لو خذت وقت طويل في التاقلم ..وعن تجربه ..

ويمكن السبب في انه مايبي يحط لها بيت ..حاس فيها قاطعه في هله او لايعتمد عليها

بأمور بيتها .. او ممكن معتمده اعتماد كلي على اهل الزوج والهدامه في مجابل اليهال وغيره..

في اسباب وايد تخلي الزوج مايطلع بيت لزوجته ..

كلامج صحيح ..
عن نفسي رايي كان بصورة عامة ..
وما تطرقت لتفاصيل ..

فرق لما يكون البيت مافيه الا هالولد ..
وبين ان يكون البيت ماشاء الله مليان ..

اللي تعتد على الخدامة في كل شي
البيت ماراح يغيرها بتظل تعتمد عليها ..
اهم شي تكون قد المسؤولية في ادارة بيت وتحمل كل شي ..
مثل ما ذكرتي في زوجات قاطعين أهالي أزواجهم
حتى و هي معاهم في نفس البيت ما تسأل عنهم ويالله تمرهم ..
شلون اذا طلعت بيت بنفسها ..!!!
الدمعه
20-06-2011, 04:56 PM
كلامج صحيح ..
عن نفسي رايي كان بصورة عامة ..
وما تطرقت لتفاصيل ..

فرق لما يكون البيت مافيه الا هالولد ..
وبين ان يكون البيت ماشاء الله مليان ..

اللي تعتد على الخدامة في كل شي
البيت ماراح يغيرها بتظل تعتمد عليها ..
اهم شي تكون قد المسؤولية في ادارة بيت وتحمل كل شي ..
مثل ما ذكرتي في زوجات قاطعين أهالي أزواجهم
حتى و هي معاهم في نفس البيت ما تسأل عنهم ويالله تمرهم ..
شلون اذا طلعت بيت بنفسها ..!!!


:nice:

انا حطيت الطباخ مثل بس .. لان اغلب الحريم اللي يبون يطلعون من بيت اهل

الزوج هذي حجتهم اللبس والطباخ ..

بوووووووووووو ...اذا بنتكلم عن تفاصيل مب خالصين اخذي تفصيله وحده ههههههههه


انا استغرب من اللي تقعد في غرفتها وماتطلع نهائيا طول الاسبوع الا اذا

بتروح بيت اهلها ..

يعني من دارها لين السياره ..وحتى سلام ماتسلم على اهل زوجها ..

ولا تعرف تطبخ وحتى شاي ماتسوي ..وتبي بيت بروحها شلووووووووون

الزوج بيرضى ...

والقلب متروسه على قولة القايل ..
بصمة قطرية
20-06-2011, 04:58 PM
:nice:

بوووووووووووو اذا بنتكلم عن تفاصيل مب خالصين اخذي تفصيله وحده ههههههههه


انا استغرب من اللي تقعد في غرفتها وماتطلع نهائيا طول الاسبوع الا اذا

بتروح بيت اهلها ..

يعني من دارها لين السياره ..وحتى سلام ماتسلم على اهل زوجها ..

ولا تعرف تطبخ وحتى شاي ماتسوي ..وتبي بيت بروحها شلووووووووون

الزوج بيرضى ...

والقلب متروسه على قولة القايل ..

اي والله جبتيها :nice:
خخخخخخخخخخخخخخخخخ :nice:
نــــظــــره
20-06-2011, 05:04 PM
من البدايه والي أوله شرط أخره نور بيت مستقل لو شقه صغيره
المهم أعيش براحه وأكون مرتاحه
naklan
20-06-2011, 05:24 PM
الزوجة لها حق في بيت مستقل ما قلنا شي للقادر اوكي
بس الواحد الي توه متزوج وين يقدر يوفر بيت انتي تعرفين كم يلزمه فلوس
علشان يوفر بيت اقل فله مليونين ونص وين يوفر لها مليونين ونص الي اشوفه
ان المغالاة شينه الي متزوج جديد عنده بيت ابوه لين يعدل احواله ويبني بيت
وساعتها يكون عنده طفلين او ثلاثه معليه لي طلع في بيته وما عليه ديون
المعيشه صعبه والناس مهب سوا فيه المقدرة وفيه الي على قد حاله
والنصيحه الصبر ولتصبرن كما صبرن امهاتكم من قبلكم :nice:
تحياتي اخوكم نصير المرءة naklan :)
دااانة قطر
20-06-2011, 05:26 PM
اذا كان اهل الزوج ماعندهم الاهالولد ..المفروض والواجب عليها انها تقعد مع والديه ..

واذا عالاكل والطباخ عادي .. تطبخ المره حق البيت كله مع اضافات اخرى للزوج ..

كطريقة تقديم وتزيين مختلفه..

وعلى المراه انها تتاقلم مع حياتها حتى لو خذت وقت طويل في التاقلم ..وعن تجربه ..

ويمكن السبب في انه مايبي يحط لها بيت ..حاس فيها قاطعه في هله او لايعتمد عليها

بأمور بيتها .. او ممكن معتمده اعتماد كلي على اهل الزوج والهدامه في مجابل اليهال وغيره..

في اسباب وايد تخلي الزوج مايطلع بيت لزوجته ..

يمكن بعد لأنه الزوج نفسه مايبي يتحمل المسؤؤليه ومخلي كل شي على هله ..
sara jsm
20-06-2011, 05:33 PM
اذا اشرطت قبل الزواج ببيت بروحها فهذا من حقها ..
واذا الرجل مقتدر فمن حقها ..
اذا ما يقدر عليها تصبر وتتحمل
دمتم بود..

مايصير تشترط ,, :)
القاضي يقولها هاي حق من حقوقج شرعا ً ,,
وممكن بسبه هالحق تطلب الطلاق ,,
هاي انا سمعته باذني من احد الملاجين ,,
Locale
20-06-2011, 05:40 PM
الزوجه اللي تقعد في غرفه ماتطلع منها الا من اسبوع لين اسبوع
ليش يعني ماسالتوا نفسكم
سوري بس بعض اهل الريل ينحطون على الجرح
وبعضهم حتى الوحده فحالها الكلام يوصل لها
مايترس عينهم شي اعوذ بالله منهم
المسك1969
20-06-2011, 05:43 PM
ياليت نتكلم بحياديه وصدق في أحقيه الزوجة بالبيت المستقل خاصه اذا كانت أم عيال ..ياليت نتكلم عن حقها فقط اذا الزوج قادر ويراوغ ويقصر بعمد اما الغير قادر الشكوى لله شتسوي تصبر عليه
للنقاش

السلام عليكم

كل زوجة لها الحق في بيت مستقل... تكون هي ملكته.. حرة التصرف..الآمره الناهيه كما قالت بعض الاخوات.. ولكن أختي الحبيبه أن لم يكن هناك شرط مسبق بالعقد فعليك بالصبر حتى يهدي الله زوجك.

وليكن بالعلم...أغلب الازواج يحبون المكوث في بيت الاهل:
1)إما لخوفهم من مواجهة المستقبل حيث قد تظهر له أن الزوجه ليست قادره على تحمل المسئوليه
2) إما لتفكيره المادي البحت في تأسيس نفسه لعلمه أنه لو استقل بمنزل سيصعب عليه ذلك نظرا للمسئوليه التي ستكون ملقاه على عاتقه
3) وإما لأنه مرتبط بأهله ولا يريد أن يتركهم،فليس لهم بعد الله ألا هو .. وبقيه أخوته خرجوا من المنزل

وحقيقة أن الامر الثالث هو الاهم عند معظم الرجال فهو لايفكر كما تفكر المرأة في أن يكون لها بيت لوحدها فيكفيه أن يسكن في غرفة نوم واطفاله جميعا في غرفة نوم واحده... وعادي والحياة حلوه وسهالات

وتبقى المرأة التي تحن على الموضوع:"نبي بيت"، "المكان ضاق"، "ابي احس بكياني"، "اليهال ماعندهم مكان يلعبون".

وعلى المرأة ألذكيه أن تعرف كيف تجعل زوجها يحضر لها سكنا مستقلا!!!
1) ليكن في علمك أن أغلب الازواج يسمع نصيحه أي شخص إلا زوجته...لماذا؟ الله أعلم..فعليك أن تعرفي من هو اقرب اصدقائه لتصداقي زوجته أو أن كان أحد أخوتك صديقا له ..ولا يكون الحوار مباشرا..بل يذكر له عن بيته واستقلاليته ببيته.. وكيف أن البيت مستقل فيه راحة للزوج والزوجه والاولاد (مع أنني أرى أن الزوجة العاقل سترتاح في بيتها أو بيت أهل زوجها، ولو هي ذكيه لكسبت أهل زوجها كأهلها مهما كانوا، فالكل به الايجابي وبه السلبي حتى أهل الزوجه)
2) أن تنظري لاموره ودعيه يفتح لكِ فكره وافهمي مايدور بعقله، فقد تكون هناك افكار لديه للخروج من المنزل ولكن بعد فتره من الزمن لانجاز عمل ما، وعليكِ تحمل ذلك والصبر عليه
3) أن تجلس وتتحدثي إليه بود وتخبريه بمدى حاجتكم لبيت مستقل وبس..يعني لاتكررين الموضوع بعدها الا بعد فتره كبيره من الزمن.
4) عليكِ بالتقرب لاقرب المقربين إلى قلبه مثل الاخت، الام، الاب...والتحدث بطريقه غير مباشره وقبل التحدث لابد ان يكون التعامل طيب بينكما.

وكما قالت بعض الاخوات من الاعضاء أن هناك من النساء لاترى أهل زوجها إلا عند خروجها من المنزل ومنهن من تعادي الام ولا تكلمها وهي معها في بيت واحد..فابالله عليكم ماهذه الحياة؟؟ وغدا الكل سيصبح في نفس الموقف وفي نفس العمر وقد يتصرف نفس التصرفات..ويلقى تصرفات أكثر قسوة والله المستعان.

وفي رأيي الشخصي أن كانت المرأة موظفه فالافضل لها المكوث في بيت اهل الزوج وان اصبح لها بيت تأخذهم وياها... والله أنهم الخير والبركه ويحافظون على الابناء افضل من الخادمة وإن لم يفعلوا شيئا..فكفى بها الخادمه أن تخاف من أن هناك شخص مايراقبها في البيت.

وفي الاخير لا تدعي فكرة بيت مستقل أن يقتل الحب بينك وبين زوجك، أو يبدأ الاهمال بينكما، أو تبدأ المشاكل عليه، فوالله إنه قد يبني لك بيت جميل أو يستأجر له واحد، ليتخلص من المشاكل التي تضعينه بها ولتهدأ الحنه والرنه... ولكن وقتها يكون الحب قد مااااااات...ماااااات... فلو سكنتي حبيتي في خيمه ولكِ زوج تحبينه ويحبك افضل لكِ من قصر لاتسوده المحبة...

حافظي على زوجك، زوجك، زوجك ورضاه ثم سيأتي البيت قريبا أن شاء الله...وأكثري من الاستغفار أن وجدتي أنكِ في ضيقه.. و لاتنظري لحال غيرك وللأعلى منكِ... وتذكري أن هناك سيدات أفضل مني ومنكِ ومنها جالسات في غرفه هن وابنائهن... فالصبر غاليتي حفظك الله

أتمنى ألا أكون قد أثقلت عليكِ

جزاك الله خيرا على الطرح
ANONYMOUS
20-06-2011, 06:01 PM
انا من رأيي ان كل زوجه تقعد بروحها في بيت مستقل


مايصير الزوج عنده زوجتين واكثر ويتمون بنفس البيت اللي فيه امه وأبوه

:shy:
ذيب ولد ذيب
20-06-2011, 06:12 PM
اكيد ان الزوجه لها حق في بيت بعيد عن اخوان زوجها وتاخذ راحتها في لباسها وزينتها لزوجها في بيتها ,, لكن اب وام الزوج هم لهم الحق الاول في البيت وهم الاساس واذا كانت الزوجه ماتبيهم فهي الطالعه وهم الداخلين ,,

وانا البيت المستقل اشوفه من صالح الزوج , الزوجه بتتزين له وتلبس براحتها اشوف انه هو الكسبان خصوصاً الرجل البيتوتي اللي يحب بيته , اما الرجال اللي لاهي بتجارته و ربعه هذا اكيد بيرتاح في بيت اهله عشان يشيلون شوي من مسؤولياته ,,
فتافيت
20-06-2011, 06:18 PM
بصراحه انا لا مع ولا ضد بس لو الزوجه مب راعيه مشاكل مع اهل الزوج وحمواتها اذن مب لازم لها بيت لحالها اما لو الزوجه من النوع الي تحب القيل والقال وامك سوت وامك قالت اذن احسن لها تقعد فبيت او ملحق اجار او حتى كبينه ولحالها بدل المشاكل ووجع الراس
سليم للعقار
20-06-2011, 06:40 PM
الزوجه لها الحق في البيت اذا ؟؟؟؟؟ كانت الزوجه حاط كل شى على الخدامه ؟؟؟؟ لا والله ما تستاهل تحت باب البيت ....
والحين اكثر الحريم معتمدين على الخدمه ...

؟؟؟؟ وانا اقول بصراحه الواحد ياخذ من برع افضل !!!!!!!
فتافيت
20-06-2011, 06:44 PM
الزوجه لها الحق في البيت اذا ؟؟؟؟؟ كانت الزوجه حاط كل شى على الخدامه ؟؟؟؟ لا والله ما تستاهل تحت باب البيت ....
والحين اكثر الحريم معتمدين على الخدمه ...

؟؟؟؟ وانا اقول بصراحه الواحد ياخذ من برع افضل !!!!!!!

ممكن تشرح هالنقطه بس شلون يعني من برع؟؟؟
meeemz
20-06-2011, 06:58 PM
:nice:

انا حطيت الطباخ مثل بس .. لان اغلب الحريم اللي يبون يطلعون من بيت اهل

الزوج هذي حجتهم اللبس والطباخ ..

بوووووووووووو ...اذا بنتكلم عن تفاصيل مب خالصين اخذي تفصيله وحده ههههههههه


انا استغرب من اللي تقعد في غرفتها وماتطلع نهائيا طول الاسبوع الا اذا

بتروح بيت اهلها ..

يعني من دارها لين السياره ..وحتى سلام ماتسلم على اهل زوجها ..

ولا تعرف تطبخ وحتى شاي ماتسوي ..وتبي بيت بروحها شلووووووووون

الزوج بيرضى ...

والقلب متروسه على قولة القايل ..

الناس تفسر لكن ماتعرف شسالفه احتمال تكون تستحي وهاي اغلبيتهم جي و يمكن مكتابه من كل شي من المكان
سالفه السياره هذي كوم ثاني وغير خداماتهم خربوا خداماتنا وخداماتنا خربوا خداماتهم الخ
بـــــــنت النوخـّــــذه
20-06-2011, 07:01 PM
السلام عليكم


وفي الاخير لا تدعي فكرة بيت مستقل أن يقتل الحب بينك وبين زوجك، أو يبدأ الاهمال بينكما، أو تبدأ المشاكل عليه، فوالله إنه قد يبني لك بيت جميل أو يستأجر له واحد، ليتخلص من المشاكل التي تضعينه بها ولتهدأ الحنه والرنه... ولكن وقتها يكون الحب قد مااااااات...ماااااات... فلو سكنتي حبيتي في خيمه ولكِ زوج تحبينه ويحبك افضل لكِ من قصر لاتسوده المحبة...
حافظي على زوجك، زوجك، زوجك ورضاه ثم سيأتي البيت قريبا أن شاء الله...وأكثري من الاستغفار أن وجدتي أنكِ في ضيقه.. و لاتنظري لحال غيرك وللأعلى منكِ... وتذكري أن هناك سيدات أفضل مني ومنكِ ومنها جالسات في غرفه هن وابنائهن... فالصبر غاليتي حفظك الله

أتمنى ألا أكون قد أثقلت عليكِ

جزاك الله خيرا على الطرح

يابنت الحلال كلامج مثل البلسم الشافي والله طول ما انا اقرى ردج كنت مبتسمه مادري ليش يقولون الابتسامه اثناء القراءه دليل على تقبل العقل وباقي الاعضاء للكلام << يقولون انا مادري بس حسيت بهذي المشاعر 00معاج :p

عموما" بقولكم سالفه انا واحد من محارمي عنده القدره على فتح بيت واحسن بيت بعد بس يوم كنا بنخطب له قال اذا البنت اشرطت بيت مستقل قولو لها يفتح الله 00لان اذا بتحدد ارتباطي بها بشرط من البدايه وتترك كل مميزاتي على جنب الله يسهل عليها :(0

يعني مادري هو من حق البنت تتشرط بس صعبه ياجماعه حلوه اتيي الكلمه من الريال بالبدايه مهب من المره :looking: وبعدين بعض الريايل قبل لايخطبون يجسون النبض يعرفون معدن الوحده من خلال شرطها بالعقد :omen2:

ومسئله البيت ممكن اذا الوحده جابت درازن عيال من حقها تثور وتسوي انتفاضه للخروج لبيت مستقل لان المكان بيضيق وحان الاوان لوجود منزل مستقل باسم العائله الصغيره :nice:

وبعدين الوحده تقدر بطيب خاطر من زوجها وبطرق معينه اتخليه يفتح لها بيت بدون لاتسبب ضرر لاي طرف ايا" كان وبطرق سلميه بس بعض الحريم مايشغلون مخوخهم احم ^_^

وفي الاخير كلن ينام على الجنب الي يريحه والاهم الاستقرار النفسي والارتياح بين الطرفين والي ماخذه عذر ان تبغي البيت عشان تكشخ وتلبس بحريتها لزوجها وتطبخ له بنفسها اشوف عيني بعينكم يالحريم اههههههههه الي بتكشخ بتقدر تكشخ وتربط زوجها عندها مايفارق البيت كل الطرق تؤدي الى روما ,,,,,,,,<<< اشدخل :)

والي اتقول وجوده ببيت اهله يخليه يهيت مع ربعه اسمحولي ترى اعرف حريم ريايلهم مايفارقونهم كلش الحب ومايسوي اهههه

وبالرفاء والبنين :nice:
بنQATARت
20-06-2011, 07:07 PM
:(بشرط يكون وحيد امة وبوه
اما في البيت عشرطعش ماعتقد
...................

والزوج اللي يحب يقعد مع هله اعتقد انه مب قد المسؤولية
واتكالي يبي كل شي جاهز
لاتتهمون الزوجة بالتقصير دائما احياناً يكون الريال هو المقصر
ويبي الفكة من المسؤولية
علشان جذية ايقطها في البيت مع الأهل ويهيت مع ربعة :(
meeemz
20-06-2011, 07:08 PM
وفيه شي مهم وانه الرياييل يبون يطلعون ويرجعون على كيفهم يسافرون ويرجعون ما يحاتون نسوانهم معظم اللي اعرفهم يبون يهربون من المسؤوليه
عندي أمل
20-06-2011, 08:39 PM
انا في رأيي انه من حقها تعيش قي بيت مستقل وخصوصا ان اشرع والقانون يعطونها هذا الحق وبالذات لما يكون الزوج مقتدر وليس معنى مقتدر انه غني لا المقتدر يعني انه يقدر يوفر مسكن مناسب للزوجة.
وانا أؤيد ماقالته الاخت بصمة قطرية
الدمعه
20-06-2011, 09:19 PM
الناس تفسر لكن ماتعرف شسالفه احتمال تكون تستحي وهاي اغلبيتهم جي و يمكن مكتابه من كل شي من المكان
سالفه السياره هذي كوم ثاني وغير خداماتهم خربوا خداماتنا وخداماتنا خربوا خداماتهم الخ


اممممممممممممم يجوز:victory:

وفي احين ناس يقولون جيه ..خدامتكم خربت خدامتنا وخدامتنا خربت خدامتكم

وخدامه الجيران خربت خداديم الفريج ..:rolleyes2:

احين الخدامه تجي من بلادها خربانه جاهزه ..:victory:
الجوهرة الثمينة
20-06-2011, 09:24 PM
ترفسون النعمه من البطر وغيركم تتمنى ربع زوج لو يحطها بغرفة الخدامه راضيه


شروط فوق طاقة الزوج واذا قال بعدد قومتوا القيامه


ياتريحينه ولا تعتقينه شهالأنانيه ؟
انصار جليري
20-06-2011, 09:34 PM
ترفسون النعمه من البطر وغيركم تتمنى ربع زوج لو يحطها بغرفة الخدامه راضيه
شروط فوق طاقة الزوج واذا قال بعدد قومتوا القيامه


ياتريحينه ولا تعتقينه شهالأنانيه ؟






انتي جوهرة ثمينة وتستاهلين قصر ان شاء الله
هبوب الكوس
20-06-2011, 10:25 PM
طبعاً من حقها بيت مستقل

تاخذ حريتها وتمارس الحكم الذاتي :secret:

وتسوي الاكلات اللي على مزاجها :nice:

افرحوا غنوا
الوان
20-06-2011, 10:41 PM
ترفسون النعمه من البطر وغيركم تتمنى ربع زوج لو يحطها بغرفة الخدامه راضيه


شروط فوق طاقة الزوج واذا قال بعدد قومتوا القيامه


ياتريحينه ولا تعتقينه شهالأنانيه ؟





ربع زوج ..أي ربع فيه... ...؟

المرة ما طلبت شي .. بيت يضمها اهي و عايلتها السعيدة .. اللي المفروض يكون مطلب للزوج ايضا .. مش عبء عليه ..

الصراحة اول مرة ادري ان فيه نسوان يتمنون ربع رجال ..و مستواها دار خدامة .... مالت ..

بعد فيه رياييل يتحشفون على العرس و المرة .. و اذا دفى فراشه و انترست داره يهال .. قال خلها تقطن !

بس ابي اعرف ليش هالنظرة السوداوية لشريك/شريكة الحياة .. و الكل قلبه ... متروسة ... عجيب ؟؟

مفروض الزواج رحلة ممتعة للطرفين ...
mannoo66
20-06-2011, 11:02 PM
ترفسون النعمه من البطر وغيركم تتمنى ربع زوج لو يحطها بغرفة الخدامه راضيه


شروط فوق طاقة الزوج واذا قال بعدد قومتوا القيامه


ياتريحينه ولا تعتقينه شهالأنانيه ؟




نتكلم عن حق الزوجه في سكن خاص ماتكلمنا عن العوانس اللي تبي ربع ونص رجال..وبعدين هو وحده وماوفر لها سكن الثانيه لو عدد وين بيحطها؟ في الكبت؟؟؟ تكلمي في نفس الموضوع ولا تخرجين عن اطار حق الزوجه في السكن الخاص
mannoo66
20-06-2011, 11:15 PM
ترفسون النعمه من البطر وغيركم تتمنى ربع زوج لو يحطها بغرفة الخدامه راضيه


شروط فوق طاقة الزوج واذا قال بعدد قومتوا القيامه


ياتريحينه ولا تعتقينه شهالأنانيه ؟




انتي يا اخت واحتمال انك تكون اخ...بالنسبة للزوجه اللي شاريه زوجها وتبي تعيش معاه اول شئ تتمناه بيت مستقل مو لأنها تبي تسيطر عليه..لا لأنها تبي تدلل زوجها وعيالها على مزاجها من اهتمام وترتيب ونظام حياه وطبخ وكل شئ يطرى على بالك....


لنفرض بيت فيه حموان شباب يسهرون..وانا عيالي في المدارس..ويسهرون مع عمامهم شلون بقدر اسوي لهم نظام لموعد نومهم..؟؟؟

لنفرض زوج س من الحريم فيه سكر او ضغط او كوليسترول او يعاني من سمنه...شلون اقدر اهتم فيه وهو يددبها مع اخوانه؟؟؟؟


وغيرها واجد واجد...انتي ماجربتي الزواج ولا المسؤوليه اتركي الموضوع للناس المهتمه ببيتها
night
20-06-2011, 11:38 PM
اكيد من حقهاااا البيت

اذا الزوج مقتدر مافيها شي ويكون من بدايه الزواج افضل

اما اذا الزوج حالته الماديه ماتسمح تصبر عليه مافيها شي

واغلب الازواج مايطولن كلها 2الى 5 سنوات ويطلعون في بيت مستقل
mannoo66
20-06-2011, 11:42 PM
نفس الحااله اللي مريت فيها
:(
وانا اللي كنت اقول الهنود اللي تعااملهم مع الجناات مب شي
طلعوا عندنا سيم سيم:eek5:

ليش؟؟ العجوز لاصارت هنديه تفرررق؟؟؟؟؟:tease:
mannoo66
20-06-2011, 11:43 PM
اكيد من حقهاااا البيت

اذا الزوج مقتدر مافيها شي ويكون من بدايه الزواج افضل

اما اذا الزوج حالته الماديه ماتسمح تصبر عليه مافيها شي

واغلب الازواج مايطولن كلها 2الى 5 سنوات ويطلعون في بيت مستقل

اعرف ناس كمللت 10 سنوات وللحين ماطلعوا .. بس مجرد مزاج
bu abdulla
20-06-2011, 11:53 PM
من حقها شرعاااا و من حقهارعا ان ترفض الرجال اذا ما عنده بيت و استغربت لين سمعت ان الدين الاسلامى يجيز للمراه بيت مستقل اذا طلبت
الجوهرة الثمينة
21-06-2011, 11:48 AM
ربع زوج ..أي ربع فيه... ...؟

المرة ما طلبت شي .. بيت يضمها اهي و عايلتها السعيدة .. اللي المفروض يكون مطلب للزوج ايضا .. مش عبء عليه ..

الصراحة اول مرة ادري ان فيه نسوان يتمنون ربع رجال ..و مستواها دار خدامة .... مالت ..

بعد فيه رياييل يتحشفون على العرس و المرة .. و اذا دفى فراشه و انترست داره يهال .. قال خلها تقطن !

بس ابي اعرف ليش هالنظرة السوداوية لشريك/شريكة الحياة .. و الكل قلبه ... متروسة ... عجيب ؟؟

مفروض الزواج رحلة ممتعة للطرفين ...


اختي أغلب بنات قطر الي بالثلاثين وطالع يتمنون اقل من الربع رجال بعد

انتي مستغربه لان مجتمعنا شبه مغلق وتعلمنا ان البنت عيب تعبر عن رغبتها بالذات في

الزواج وعددنا نسبته عاليه (قصدي الي فاتتهم فرص الزواج) بزياده عاليه وأغلبنا مقتدرات

يعني نسكنه ونسكن هله ماعندنا مانع اهم شي الزوج ! فحاسبي على زوجج من الخطف ههههه


ايش يعني يتحشفون :rolleyes2: ؟
دااانة قطر
21-06-2011, 12:37 PM
انتي يا اخت واحتمال انك تكون اخ...بالنسبة للزوجه اللي شاريه زوجها وتبي تعيش معاه اول شئ تتمناه بيت مستقل مو لأنها تبي تسيطر عليه..لا لأنها تبي تدلل زوجها وعيالها على مزاجها من اهتمام وترتيب ونظام حياه وطبخ وكل شئ يطرى على بالك....


لنفرض بيت فيه حموان شباب يسهرون..وانا عيالي في المدارس..ويسهرون مع عمامهم شلون بقدر اسوي لهم نظام لموعد نومهم..؟؟؟

لنفرض زوج س من الحريم فيه سكر او ضغط او كوليسترول او يعاني من سمنه...شلون اقدر اهتم فيه وهو يددبها مع اخوانه؟؟؟؟


وغيرها واجد واجد...انتي ماجربتي الزواج ولا المسؤوليه اتركي الموضوع للناس المهتمه ببيتها

ولا اللي زوجها عسكري واحيان يكون عنده مناوباات وطوااري ويجلس بالاسبوع برا البيت مأسااه بصرااحه
دااانة قطر
21-06-2011, 12:41 PM
:(بشرط يكون وحيد امة وبوه
اما في البيت عشرطعش ماعتقد
...................

والزوج اللي يحب يقعد مع هله اعتقد انه مب قد المسؤولية
واتكالي يبي كل شي جاهز
لاتتهمون الزوجة بالتقصير دائما احياناً يكون الريال هو المقصر
ويبي الفكة من المسؤولية
علشان جذية ايقطها في البيت مع الأهل ويهيت مع ربعة :(

:omen2::omen2::omen2:
Najla..
21-06-2011, 01:51 PM
هو شي حلو ان يكون للمراة مملكتها الخاصه

تاخذ حريتها في بيتها وبدون قيود

بس بعد مافيها شي لو تصبر اول السنين في بيت زوجها لين ما يأسسون بيت المستقبل

خصوصا مع ارتفاع اسعار الاراضي والاجارات ..
حسن
21-06-2011, 01:59 PM
اختي أغلب بنات قطر الي بالثلاثين وطالع يتمنون اقل من الربع رجال بعد

انتي مستغربه لان مجتمعنا شبه مغلق وتعلمنا ان البنت عيب تعبر عن رغبتها بالذات في

الزواج وعددنا نسبته عاليه (قصدي الي فاتتهم فرص الزواج) بزياده عاليه وأغلبنا مقتدرات

يعني نسكنه ونسكن هله ماعندنا مانع اهم شي الزوج ! فحاسبي على زوجج من الخطف ههههه


ايش يعني يتحشفون :rolleyes2: ؟

الصراحهانتي كذا:victory:
حقيقه
21-06-2011, 02:07 PM
انا متأكده انه اغلب اللي رافضين فكرة البيت المستقل للزوجه

عندهم خوات متزوجات وعايشات في بيت مستقل من بيت اهلها لـ بيتها

بس يوم هالموضوع يخص الزوجه الكل يرفض وينتقد ويعارض وعادي يطلقها ويردها بيت اهلها

الحمدلله والشكر ناس معقده مرضى
na7ees
21-06-2011, 02:14 PM
وليش الحريم معورين راسهم
لين جاكم المعرس اخطب أشرطو عليه البيت من البداية.
وهاذا حق لكم

مدام وافقني من البداية اعملي احساب جميع الظروف وصبري لين الله يفتحها عليكم

*
na7ees
21-06-2011, 02:19 PM
انا متأكده انه اغلب اللي رافضين فكرة البيت المستقل للزوجه

عندهم خوات متزوجات وعايشات في بيت مستقل من بيت اهلها لـ بيتها

بس يوم هالموضوع يخص الزوجه الكل يرفض وينتقد ويعارض وعادي يطلقها ويردها بيت اهلها

الحمدلله والشكر ناس معقده مرضى

الموضوع موضوع امكانيات واصابعك مب سوا. الي يسمع كلامك اقول الرجال اول مايعرس البيت ينطرة
وليش تفكيركم ان الرجال مايود انه يكون له بيت ملك له بلعكس هاذا حلم له
بس نفس ماقلت امكانيات. *
wadha-qa
21-06-2011, 03:44 PM
انا اقوول اذا كان هو شايل مسؤلية اهله وما عندهم غيره يهتم فيهم فعيب ع المره تضغط عليه و تخليه يطلع من بيت اهله
اما اللي بيت اهله فيه غيره يسدون مكانه فعادي يطلعون بيت بروحهم
ما نقدر نعمم كل وحده زوجها له ظروف تختلف عن غيره
هالكلام قلته لوحده زعلت زوجها ما يبي يطلع ويخلي امه وابوه بروحهم في البيت وهي مبوزه مب عاجبها!! صراحه ماعندها سالفه لان البيت فاضي محد بيضايقها لا اخوان زوج ولا خواته فالبيت
mannoo66
21-06-2011, 04:01 PM
اختي أغلب بنات قطر الي بالثلاثين وطالع يتمنون اقل من الربع رجال بعد

انتي مستغربه لان مجتمعنا شبه مغلق وتعلمنا ان البنت عيب تعبر عن رغبتها بالذات في

الزواج وعددنا نسبته عاليه (قصدي الي فاتتهم فرص الزواج) بزياده عاليه وأغلبنا مقتدرات

يعني نسكنه ونسكن هله ماعندنا مانع اهم شي الزوج ! فحاسبي على زوجج من الخطف ههههه


ايش يعني يتحشفون :rolleyes2: ؟

موضوعي واضح...ولاهو مكان تعبرين فيه عن شعورك بالحاجة للزوج..الله يستر عليك

الموضوع حق الزوجه في سكن خاص في حال اقتدار الزوج ...ياليت اللي يبي يرد ينتبه اني حددت اقتدار الزوج ..ورجاء اللي ماجرب الحياة الزوجيه مايرد
mannoo66
21-06-2011, 04:05 PM
انا اقوول اذا كان هو شايل مسؤلية اهله وما عندهم غيره يهتم فيهم فعيب ع المره تضغط عليه و تخليه يطلع من بيت اهله
اما اللي بيت اهله فيه غيره يسدون مكانه فعادي يطلعون بيت بروحهم
ما نقدر نعمم كل وحده زوجها له ظروف تختلف عن غيره
هالكلام قلته لوحده زعلت زوجها ما يبي يطلع ويخلي امه وابوه بروحهم في البيت وهي مبوزه مب عاجبها!! صراحه ماعندها سالفه لان البيت فاضي محد بيضايقها لا اخوان زوج ولا خواته فالبيت
لنفرض البيت فيه شباب
لنفرض الام تتدخل وتضايق الزوجه
بنت الناس ليمتى بتتحمل؟؟؟؟؟؟؟؟؟
وضحى قطر
21-06-2011, 04:34 PM
الزوجه اللي تقعد في غرفه ماتطلع منها الا من اسبوع لين اسبوع
ليش يعني ماسالتوا نفسكم
سوري بس بعض اهل الريل ينحطون على الجرح
وبعضهم حتى الوحده فحالها الكلام يوصل لها
مايترس عينهم شي اعوذ بالله منهم

ترى أصابعكم مهوب سوى هالكلام صحيح أنا اعرف وحده فبيت مستقل وأهل ريلها واصلينها بالأذى لين بيتها




في اهل زوج بلسم ويصيرون لها بدال اهلها وفي أعوذ بالله
وهم ترى الوحده فبيت لحالها تحس بانها ملكة وتسوي الي تبي من غير محد يقولها لا ما نحب ولا مانبي وتلبس الي تبي لزوجها وتستقبله محد غريب


وفي اهل زوج يزوجون عيالهم خدامات لاتقولون عادي لو خدمتهم ندري عادي بس يعاملونهم مثل بناتهم عالاقل يعني مهوب تتهزا وتنزف وينطلب منها بهواش وفوق هذا هي تخدم بنات البيت بعد حتى لو كبار هي وظيفتها خدامه وبس وفي غيره وغيره من القصص والسوالف وإساءة معامله الجناين شي يفقع المراره


البيت المستقل ضروري

وكلن ورايه رأيي الشخصي
وضحى قطر
21-06-2011, 04:46 PM
اختي أغلب بنات قطر الي بالثلاثين وطالع يتمنون اقل من الربع رجال بعد

انتي مستغربه لان مجتمعنا شبه مغلق وتعلمنا ان البنت عيب تعبر عن رغبتها بالذات في

الزواج وعددنا نسبته عاليه (قصدي الي فاتتهم فرص الزواج) بزياده عاليه وأغلبنا مقتدرات

يعني نسكنه ونسكن هله ماعندنا مانع اهم شي الزوج ! فحاسبي على زوجج من الخطف ههههه


ايش يعني يتحشفون :rolleyes2: ؟

قسم بالله البنات ما عاد استحوا :rolleyes2:
وين الحياء شعبه من شعب الايمان

الله يستر عليك بس
حبيبتي ترى قسمه ونصيب والوحده لين جا الملاج يسألها هل هي موافقه تحمر وتخضر وتصفر ولا يطلع لها نفس من الحيا
الوان
21-06-2011, 05:04 PM
ايش يعني يتحشفون :rolleyes2: ؟

يعني يتحرمصون ...:shy:
الوان
21-06-2011, 05:10 PM
الصراحهانتي كذا:victory:

:anger1: ايعرفون ايسوون مجبوس هامور !!!
كنترول
21-06-2011, 06:54 PM
السلام عليكم
من وجه نظري الله سبحانه وتعالي هو خالق لانسان وهو اعلم بحاجاته النفسيه والجسديه
لذلك الله سبحانه وضع البيت المستقل حق من حقوق الزوجه لانه هو خالقها وخالق زوجها وهو اعلم بلانسب لهم ....
والمرة مسكينه هدت بيت اهلها وامها وابوها وهي بنت مو عشان تعيش في بيت اهل زوجها ...
فمن باب اولي ان الرجال وهو رجال يترك بيت اهله ويأسس بيته المستقل هذا رأي والله اعلم
تقبلوا مروري
الدمعه
21-06-2011, 06:55 PM
الزوجه اللي تقعد في غرفه ماتطلع منها الا من اسبوع لين اسبوع
ليش يعني ماسالتوا نفسكم
سوري بس بعض اهل الريل ينحطون على الجرح
وبعضهم حتى الوحده فحالها الكلام يوصل لها
مايترس عينهم شي اعوذ بالله منهم

انا معاج في هالكلام .. بعض اهل الريل ينحطون عالجرح يبرا وبعضهم الله يهديهم ..

انا سالتها هالسؤال قالت انا احب اقعد بروحي ماابي اقعد مع حد حتى في بيت هلي كنت جيه ..

انزين واليهال اللي طول اليوم بالحوش من يداريهم ياام الزوج ياابوهم اذا مب في الدوام ..

وهي في الدار .. الوحده تتغير ماتم مثل ماهي حتى عقب العيال ..من بيربيهم ويعلمهم السنع..

حتى سلام مايعرفون يسلمون على جدتهم ..ماغير اذا ابوهم محد يتفلون على الجده ويسبونها ..

هل هالزوجه تستاهل بيت بروحها ..هي مع امه قاطعتها ويعجبها اللي يسوونه عيالها ..

فمابالج لين طلعت في بيت بروحها ولا بعد تبغي بيت بعيد عن امه خارج الدوحه ..

بس مافكرت هالزوجه انها بتلاقي اجر من صبرها على اذاهم ..

من اول سوء تفاهم خلاص حطت لهم العداوه ..

في امور الوحده تتخطاها وماتركز واايد عليها ..

وقلت اذا هالوالدين مالهم الا هالولد هو ملزوم بهم مثل ماربوه وسهروا عليه هم

احين محتاجين له .. مايبوون فلوس يبوون مداراة ودلال ..

وبكره هالزوجه بتصير ام وبيدور عليها الزمن ..

لاتصير ولايصيرون الاهل مثل الرحى يطحنون هالريال ..

انا مااقصد حد معين ولااقصدج بالكلام ..

من كم يوم سمعت عن وحده تصير مرة حما رفيجتي ..

حاطه على الباب ورقه مكتوب عليها مواعيد الزياره .. ماتبي الجده تاخذ البنت في

الاوقات اللي حاطتها ..

تتخيلين شصار على الام طاحت من طولها يوم شافت الورقه عالباب ..

هذي مرة ولدها العود واخر وااحد تزوج من عيالها ...

عمرهم ماقلو ادبهم عليها ولاقصروا معاها في شي .. (بشهادة الكنات )

واذا بدر من ام الزوج شي عادي فهي تعتبر بمقام الام ..يعني لو امي هاوشتني او قالت لي

كلمه بزعل عليها دهر ..لا بمد بوزي في نفس اليوم وباجر ارضى ..

شيسوى لين شرت لي الطبجه والا جلابيه والا اي شي ولبسته قدامها .. وتشوفين

عينها تبرق من الفرحه ... مب من تعطيني الحاجه اقطها في الزباله (كرمكم الله)

العجايز عمود البيت ونوره ..

الله يخليهم بزينهم وشينهم :oops:

اســــــــــــــــــــــــــــــفه ووووووواااااااايــــد طولت عليكم ..

الوان

شتصير لج ام ريلي ...

من تشوفني ماسكه كتاب طبخ والا اشوف فتافيت في المطبخ تقول لي يعرفون يسوون

مجبوس هامووور ههههههههه
الجوهرة الثمينة
21-06-2011, 06:56 PM
قسم بالله البنات ما عاد استحوا :rolleyes2:
وين الحياء شعبه من شعب الايمان

الله يستر عليك بس
حبيبتي ترى قسمه ونصيب والوحده لين جا الملاج يسألها هل هي موافقه تحمر وتخضر وتصفر ولا يطلع لها نفس من الحيا


الي تتمنى الستر ماعندها حيا ؟؟؟


خديجه بنت خويلد خطبت الرسول وتزوجته
حسن
21-06-2011, 07:49 PM
:anger1: ايعرفون ايسوون مجبوس هامور !!!

كان زين يسون مجبوس هامور بنات هل الوقت بيض مفيوح مايعرفون ولين قلت لها قومي قالت لك انه مهب خدامه عندك وش نسوي وياهم والله احنا الرجال صابرين عليهم علشان هل العيال وناخذ الاجر الله يرحم زمان الاول البيوت عامره من حريم وحريم عيالهم وياكلون في صحن واحد مهب الحين كانهم عايشين في فندق:weeping:
جراح
21-06-2011, 07:55 PM
انا معاج في هالكلام .. بعض اهل الريل ينحطون عالجرح يبرا وبعضهم الله يهديهم ..

انا سالتها هالسؤال قالت انا احب اقعد بروحي ماابي اقعد مع حد حتى في بيت هلي كنت جيه ..

انزين واليهال اللي طول اليوم بالحوش من يداريهم ياام الزوج ياابوهم اذا مب في الدوام ..

وهي في الدار .. الوحده تتغير ماتم مثل ماهي حتى عقب العيال ..من بيربيهم ويعلمهم السنع..

حتى سلام مايعرفون يسلمون على جدتهم ..ماغير اذا ابوهم محد يتفلون على الجده ويسبونها ..

هل هالزوجه تستاهل بيت بروحها ..هي مع امه قاطعتها ويعجبها اللي يسوونه عيالها ..

فمابالج لين طلعت في بيت بروحها ولا بعد تبغي بيت بعيد عن امه خارج الدوحه ..

بس مافكرت هالزوجه انها بتلاقي اجر من صبرها على اذاهم ..

من اول سوء تفاهم خلاص حطت لهم العداوه ..

في امور الوحده تتخطاها وماتركز واايد عليها ..

وقلت اذا هالوالدين مالهم الا هالولد هو ملزوم بهم مثل ماربوه وسهروا عليه هم

احين محتاجين له .. مايبوون فلوس يبوون مداراة ودلال ..

وبكره هالزوجه بتصير ام وبيدور عليها الزمن ..

لاتصير ولايصيرون الاهل مثل الرحى يطحنون هالريال ..

انا مااقصد حد معين ولااقصدج بالكلام ..

من كم يوم سمعت عن وحده تصير مرة حما رفيجتي ..

حاطه على الباب ورقه مكتوب عليها مواعيد الزياره .. ماتبي الجده تاخذ البنت في

الاوقات اللي حاطتها ..

تتخيلين شصار على الام طاحت من طولها يوم شافت الورقه عالباب ..

هذي مرة ولدها العود واخر وااحد تزوج من عيالها ...

عمرهم ماقلو ادبهم عليها ولاقصروا معاها في شي .. (بشهادة الكنات )

واذا بدر من ام الزوج شي عادي فهي تعتبر بمقام الام ..يعني لو امي هاوشتني او قالت لي

كلمه بزعل عليها دهر ..لا بمد بوزي في نفس اليوم وباجر ارضى ..

شيسوى لين شرت لي الطبجه والا جلابيه والا اي شي ولبسته قدامها .. وتشوفين

عينها تبرق من الفرحه ... مب من تعطيني الحاجه اقطها في الزباله (كرمكم الله)

العجايز عمود البيت ونوره ..

الله يخليهم بزينهم وشينهم :oops:

اســــــــــــــــــــــــــــــفه ووووووواااااااايــــد طولت عليكم ..

الوان

شتصير لج ام ريلي ...

من تشوفني ماسكه كتاب طبخ والا اشوف فتافيت في المطبخ تقول لي يعرفون يسوون

مجبوس هامووور ههههههههه


وجهة نظر في محلها


وفي الأخير حسب امكانيات الزوج


ماسكن بيت اهله الا لظروف


وعلى الزوجه تقدر ظروف زوجها مهما كانت


لأن الحياه مشاركه من الطرفين
المليونير
21-06-2011, 08:17 PM
اختي أغلب بنات قطر الي بالثلاثين وطالع يتمنون اقل من الربع رجال بعد

انتي مستغربه لان مجتمعنا شبه مغلق وتعلمنا ان البنت عيب تعبر عن رغبتها بالذات في

الزواج وعددنا نسبته عاليه (قصدي الي فاتتهم فرص الزواج) بزياده عاليه وأغلبنا مقتدرات

يعني نسكنه ونسكن هله ماعندنا مانع اهم شي الزوج ! فحاسبي على زوجج من الخطف ههههه


ايش يعني يتحشفون :rolleyes2: ؟



ياعيني على الصراحه

سمعتو يالحريم ...... فيه من يتمنون ربع زوج

عن الشروط الزايده ولا خواتنا الي فاتهم القطار راضيين بظروفنا والسكن عليهم :secret:
بريق الماسه
21-06-2011, 08:22 PM
ياليت نتكلم بحياديه وصدق في أحقيه الزوجة بالبيت المستقل خاصه اذا كانت أم عيال ..ياليت نتكلم عن حقها فقط اذا الزوج قادر ويراوغ ويقصر بعمد اما الغير قادر الشكوى لله شتسوي تصبر عليه


للنقاش



من حقها حسب استطاعة الزوج


واذا ماقدر تصبر عليه ولها الأجر مهما كان ابو عيالها
فتافيت
21-06-2011, 08:53 PM
ياعيني على الصراحه

سمعتو يالحريم ...... فيه من يتمنون ربع زوج

عن الشروط الزايده ولا خواتنا الي فاتهم القطار راضيين بظروفنا والسكن عليهم :secret:

ملاحظين انكم دخلتو في موضوع " زياده العنوسه وازدياد اعداد البنات الي فوق الثلاثين ومب لاقيين ربع رجال؟؟؟؟؟ ربع؟؟؟؟ شدعوه كانكم تتكلمون عن ربع تفاح ولا نص برتقال؟؟ لهالدرجه عدد البنات في ازدياد ومب لاقيين يتزوجون؟؟؟؟

ابي حد يرد ارجوكم ترا السالفه خطيره والله من قلب
saif
21-06-2011, 10:43 PM
الامر متروك للزوج

المره اذا شافت رجلها معاها في كل ماتقوله ، أكيد بتطلب اكثر من البيت !!

اما من البدايه عطاها ماعطاها زمانها وعلمها انه الكلمه كلمته والشور شوره

مهيب جايبه طاري لابيت ولاخدامه ولاسفر

فالأمر يعمد على الزوج اولا وأخيرا
المسك1969
22-06-2011, 12:17 AM
لنفرض البيت فيه شباب
لنفرض الام تتدخل وتضايق الزوجه
بنت الناس ليمتى بتتحمل؟؟؟؟؟؟؟؟؟


طيب صح كلامج ان البيت فيه شباب
وان الام تتدخل ومافي أم مهما كانت طيبه ما تتدخل من قريب او بعيد
شنو تبين تسوين غير الصبر؟؟؟ تزعلين وبتروحين بيت اهلج؟؟ والله بتمين هناك لين اما انه يسووي لج بيت ان سوى او اسم الله عليج يضيق صدره ويخليج

والله اسمعي كلامي اصبري غلاي والفرج قريب... لا تخربين بيتج عشان بيت ويمكن ماترتاحين فيه

صدقيني ان صبرتي لج اولا الاجر من الله وثانيا بتروحين ان شاء الله البيت الجديد وانتي وريلج ان شاء الله في الفه وحب... الصبر ...الصبر.. الصبر
المسك1969
22-06-2011, 12:22 AM
كان زين يسون مجبوس هامور بنات هل الوقت بيض مفيوح مايعرفون ولين قلت لها قومي قالت لك انه مهب خدامه عندك وش نسوي وياهم والله احنا الرجال صابرين عليهم علشان هل العيال وناخذ الاجر الله يرحم زمان الاول البيوت عامره من حريم وحريم عيالهم وياكلون في صحن واحد مهب الحين كانهم عايشين في فندق:weeping:

الله المستعان
المسك1969
22-06-2011, 12:25 AM
ياعيني على الصراحه
سمعتو يالحريم ...... فيه من يتمنون ربع زوج
عن الشروط الزايده ولا خواتنا الي فاتهم القطار راضيين بظروفنا والسكن عليهم :secret:

ماعليه ربي يحفظك بس ما تصدق كل الكلام... ترى بس يي المعرس حق البعض إلا وتحط عليه الشروط من الالف للياء

الله المستعان بس
المسك1969
22-06-2011, 12:26 AM
ملاحظين انكم دخلتو في موضوع " زياده العنوسه وازدياد اعداد البنات الي فوق الثلاثين ومب لاقيين ربع رجال؟؟؟؟؟ ربع؟؟؟؟ شدعوه كانكم تتكلمون عن ربع تفاح ولا نص برتقال؟؟ لهالدرجه عدد البنات في ازدياد ومب لاقيين يتزوجون؟؟؟؟

ابي حد يرد ارجوكم ترا السالفه خطيره والله من قلب

فتافيت مادري أخ والا أخت بس عدد غير المتزوجين من الرجال يساوي الم يكن أكثر من البنات ..
Right
22-06-2011, 12:59 AM
المرأة تشبه البيت إلي تسكن فيه مستقلة بــــ " المملكة "

شدعوة نحلة مو مره :nice: