قصــــه حقيقيه ومعي شخصيا

[الشاااهين]

السلام عليكم ورحمة الله وبركاته والله اني لم أكتب هذه القصه التي حصلت معي الا من قهر أحد المعارض في شارع سلوى للأسف عنده توكيل لبيع سيارات شؤؤن القاصرين وكان عنده سياره معروضه تابعه لشؤؤن القاصرين ذهبت اليه وقلت له كم ؟ قال " السعر مزايده" يعني لأعلى سعر قلت له طيب كم وصلت قال 61000 قلت السياره تسوى عطهم 64000 قال اوكي بكره بأرد لك خبر . اليوم الثاني قال وافقوا لك قلت اوكي فلوسي جاهزه قال اوكي انطر تلفوني . مريت على السياره وكان فيه وحده قطريه كبيره في السن ومعاها واحد مصري نزلت وكلمت المصري قال انا من كار سمسار وانا وسيط لهذي الحرمه عشان تشتري السياره قلت له بكم قال ب65000 قلت الله يوفقكم وتوكلت . اليوم الثالث شفت السياره محد وبالصدفه حصلت المصري قلت له هاه خلصتوا السياره قال لا والله يقول اللي في المعرض السياره تكنسلت قلت افا عندي واحد في شؤؤن القاصرين باأسأله اتصلت وكانت الصاعقه السياره انباعت بس بكم ؟؟؟؟؟؟؟؟؟؟؟؟!!!!! انباعت ب60000 الرجال اللي شرا السياره طلع ماخذها ب 67000 وقاص عليهم اللي في المعرض ومعطهم 60000 لشؤؤن القاصرين. الزبده :- اتصلت شؤؤن القاصرين وعلمتهم وللحين ماسووا اي شي وانقلوا ملكية السياره للرجال اللي شراها وعندي تلفون الرجال اللي في كار سمسار كشاهد والمره وانا واعتراف من اللي في المعرض جدام 4 شهود انه باع السياره ب 67000 يوم سألته ليش بعتها قال حراااااااااااااااام هذي أموال أيتام وانت عطيت 64000 بس للحين مايدري اني أعرف . الموضوع صار له اسبوعين:weeping:

[بصمة قطرية]

والله حراااااااااااااااام :(
حسبي الله ونعم الوكيل ..

[متواصل]

كلامك صحيح
مش اول مره يصير تلاعب في مزاد سيارات القاصرين

[chillis]

رب العالمين فوقه حسبي الله ونعم الوكيل

[الســيل]

حسبي الله ونعم الوكيل

نار فى بطونهم ان شاءالله

[بودحوم]

يوم سألته ليش بعتها قال حراااااااااااااااام هذي أموال أيتام وانت عطيت 64000 بس للحين مايدري اني أعرف . الموضوع صار له اسبوعين:weeping:



http://yaser-arwani.com/wp-content/uploads/2011/03/759e116afc6a.jpg صدق الله العظيم


لاحول ولاقوة إلا بالله

أتمنى من إدارة شؤون القاصرين التحقيق في الموضوع
وإعادة النظر في طريقة ادارة الأموال .
وإلا . يعتبرون مشاركين في اكل اموال اليتامى ..

[المسك1969]

السلام عليكم

يمكن اللي في شئون القاصرين طالبين فقط 60 الف وراعي المعرض قال شاف انها بتجيب أكثر.. فباعها بـ67 الف على كلامك فالستين اللي طلبتها شئون القاصرين راحت لهم والسبعه آلاف هي ربح وشطارة من راعي المعرض والله أعلم

ربي بيعوضك بوحده أفضل منها إن شاء الله ... لاتزعل عليها لأنها لو من نصيبك جان والله خذتها ولعله خير لك أن ماخذتها..
جزاك الله خيرا

[بومحمد]

بسم الله الرحمن الرحيم

"...قال تعالى : ( فَأَمَّا الْيَتِيمَ فَلا تَقْهَرْ )

. صدق اللة العظيم

[كركم]

البيع كان لاعلى سعر وهو خان الامانه ومابلغهم بالسعر الحقيقي اللي وصله للسياره وباعها لصالحه وين الشطاره في الموضوع ؟

[سما الوطن]

جزاك الله خيرا على حرصك
بميزان حسناتك اخي

اخي لما تستوي بيعه بهذه الطريقه كيف ياخذ المعرض ربحه؟
بالنسبه
او مبلغ متفق عليه من قبل؟

[بو راشد 1]

لا حول و لا قوة الا بالله، اذا بتصير في عقارات القاصرين فهذه بتكون مصيبه.

[sendarala]

حسبي الله ونعم الوكيل


هذا المال السايب لازم يعلم السرقة



يعني شؤؤون القاصرين ما عندهم حد كفؤ ولا بس معتمدين على الغير

[فتافيت]

ترا حرام الي صار

[boamir]

لاحول ولاقوة إلا بالله
بس كفوو يالشااهين إنك ماسكتت عالموضوع
وإن شاء الله يشوفون جزااهم

[بوخالد88]

لا حول ولاقوة الا بالله

يعطيك العافية

[بوفصول]

يقص على نفسه ياخوي .. ولا تزعل نفسك .. الله بيعوضك باحسن منها

[الشاااهين]

والله العظيم انا مب زعلان على السياره لانها سيارة أيتام واتمنى اني ازيدهم ماانقصهم لكن العبره في الموضوع اللي ماكل مال حرام وراعي المعرض مسكين ياغافل لك الله ومخليها سايبه للموظف اللي للأسف من جنسيه عربيه والاخوان في شؤؤن القاصرين ماتخذوا أي اجراء.

[ام السعف]

رب العالمين فوقه حسبي الله ونعم الوكيل

ان تساهل العباد رب العبد فوق
اتفق مع تشيليز

[R 7 A L]

ماجبت شي جديد اخوي الشاهين هذا حال معارض طريق سلوى
وهم يحسبونها ( التجارة شطارهم )


مع احترامي للشرفاء فقط في معارض طريق سلوى

[جاسم القطري]

حسبي الله ونعم الوكيل على هالاشكال

اللي ترضى على نفسها تأكل حلال أيتام

[night]

استغفر الله مال حرام وايتام بعد

لاحول الله ولاقوه الا بالله

وهذي موب شطاره هذي نفس دنيئة

[فتى الجود]

جزاك الله خير وطول بالك عليهم

جهنم تنتظرهم

[qtr qtr]

استغفرالله العظيم

هذولا ناس مايعرفون الحرام الا اذا حد باق فلوسهم في هالحزه يقولون هو راضي يأكل عياله فلوس حرام

ياكلون اموال الناس بالباطل

ربنا يمهل ولا يهمل

[الخزرجي قطر]

جزاك الله خير على الموضوع ومتابعتك له

[مشتاقة لقطر]

الله فوقهك يجازيهم

وترى تاكد الحرام ياكل الحلال .. يعني لايفرح به

[بوسيف الهاجري]

السلام عليكم

يمكن اللي في شئون القاصرين طالبين فقط 60 الف وراعي المعرض قال شاف انها بتجيب أكثر.. فباعها بـ67 الف على كلامك فالستين اللي طلبتها شئون القاصرين راحت لهم والسبعه آلاف هي ربح وشطارة من راعي المعرض والله أعلم

ربي بيعوضك بوحده أفضل منها إن شاء الله ... لاتزعل عليها لأنها لو من نصيبك جان والله خذتها ولعله خير لك أن ماخذتها..
جزاك الله خيرا

الشيخ
اذا راعي المعرض يشوف ان السياره اتجيب اكثر من 60 وشؤن القاصرين طالبين 60 ليش ما يشتريها منهم ويبيعها على راحته
مثل ماقال الشاهين صاحب الموضوع اغل اصحاب المعارض ما يدرون شنو الي يصير في المعرض موكلينها على الاجانب
90% من المعارض يديرونها الموظفين فيها وغالبا ما اتحصل صاحب المعرض موجود يجي اخر الشهر ياخذ المقسوم من الموظف ويتوكل على الله
وبعدين موظفين شؤون القاصرين جزاهم الله خير مايدرون عن شي في اليسارات ولا يعرفون اسعارها يطرش السياره للمعرض ويطلب اعلى سعر المشكله بعض السيارات ما تسوى السعر الي طالبينه يا مدعومه ولا حالتها تعبانه ويقارنها با السياره النظيفه واتم السياره شهور محد يشتريها
ما اقول الا الله بلخير يا شؤون القاصرين

[بوسلمان 2010]

والله حراااااااااااااااام
حسبي الله ونعم الوكيل ..

[قلبي الطيب]

شؤون القاصرين من زمان خاربة حسبي الله عليهم ياما دفعونا فلوس عن الغرامات بسبب بطأ الاجراءات وخلونا نبيع حلالنا قبل مانخسر زيادة ماعندهم مبدأ أن المطلوب منهم حفظ وتنمية مال اليتيم مب وقف المال وطبعا ماعندهم ناس فاهمة شغلها
يالله قريب نفتك منهم لما يوصل أخوى 18 الله يرحمك يايبه

[المسك1969]

الشيخ
اذا راعي المعرض يشوف ان السياره اتجيب اكثر من 60 وشؤن القاصرين طالبين 60 ليش ما يشتريها منهم ويبيعها على راحته
مثل ماقال الشاهين صاحب الموضوع اغل اصحاب المعارض ما يدرون شنو الي يصير في المعرض موكلينها على الاجانب
90% من المعارض يديرونها الموظفين فيها وغالبا ما اتحصل صاحب المعرض موجود يجي اخر الشهر ياخذ المقسوم من الموظف ويتوكل على الله
وبعدين موظفين شؤون القاصرين جزاهم الله خير مايدرون عن شي في اليسارات ولا يعرفون اسعارها يطرش السياره للمعرض ويطلب اعلى سعر المشكله بعض السيارات ما تسوى السعر الي طالبينه يا مدعومه ولا حالتها تعبانه ويقارنها با السياره النظيفه واتم السياره شهور محد يشتريها
ما اقول الا الله بلخير يا شؤون القاصرين


أنا ماعرف حفظك الله الطريقه في البيع والشراء عند المعارض بس خمنت أنه يمكن باع بسعر طلبته منه شئون القاصرين وهو ربح فيها مبلغ معين أعتبره له...

الامر الآخر ليش راعي المعرض مايعرف السياير اللي عنده في المعرض؟؟ وماعنده دفتر مثلا او كمبيوتر يسجل فيها الموظف دخول وخروج السيارات بالتاريخ وشنو اللي انباع ولمن وبكم ورقم التلفون... حتى أن شك في أمر ما يتصل بالناس يابلفيت يتطمن على الامر ومنه يتأكد أن ما كُتب صحيح... بس أنه يترك الجمل بما حمل ...حرام وبعدين ايي يقول والله باقني هالعربي والا هالهندي..

وفي أخ قال ان الاخوه في شئون القاصرين مهملين وفيهم قال انهم مايعرفون اسعار السوق بس اعتقد أن أي جهة حكوميه لابد أن يكون لها مندوب يعرف اسعار العقار والسيارات والا أصبحت مهزله

وأخير اخونا صاحب الموضوع... هل أخبرت حفظك الله راعي المعرض باللي سواه الموظف اللي عنده..لأني كما فهمت أنه مايدري عن الفلوس الزياده اللي ربحها الموظف اللي عنده
وأخيرا تطنيش شئون القاصرين للموضوع معناته انهم سكروا الموضوع وانتهى والله المستعان

دمتم على طاعة الرحمن

[الشقب1]

لاحول ولا قوة الا بالله العلي العظيم

[عميد الريان]

السلام عليكم

يمكن اللي في شئون القاصرين طالبين فقط 60 الف وراعي المعرض قال شاف انها بتجيب أكثر.. فباعها بـ67 الف على كلامك فالستين اللي طلبتها شئون القاصرين راحت لهم والسبعه آلاف هي ربح وشطارة من راعي المعرض والله أعلم

ربي بيعوضك بوحده أفضل منها إن شاء الله ... لاتزعل عليها لأنها لو من نصيبك جان والله خذتها ولعله خير لك أن ماخذتها..
جزاك الله خيرا

الشطاره مب في اكل اموال الايتام يعني قلبك يطاوعك تتربح من ورى ايتام؟؟؟

[qrt_trading]

السلام عليكم

يمكن اللي في شئون القاصرين طالبين فقط 60 الف وراعي المعرض قال شاف انها بتجيب أكثر.. فباعها بـ67 الف على كلامك فالستين اللي طلبتها شئون القاصرين راحت لهم والسبعه آلاف هي ربح وشطارة من راعي المعرض والله أعلم

ربي بيعوضك بوحده أفضل منها إن شاء الله ... لاتزعل عليها لأنها لو من نصيبك جان والله خذتها ولعله خير لك أن ماخذتها..
جزاك الله خيرا



ياخوي إنت شكلك مش فاهم الموضوع الريال مازعل على السيارة إنها راحت عليه لكنه زعلان ومعصب لأنه عرف إن السيارة جابت 67000 وهذا المبلغ من حق القاصرين مش من حقه هو لأنها سيارتهم مش سيارته وأي مبلغ إتجيبه السيارة من حقهم مش من حقه هو سواءً طالبين فيها 50000 أو 60000 المبلغ كامل لهم يعني 7000 إلى باقهم حار نار وزقوم في بطنه يوم القيامه إن شاء الله لأنه باق حلال أيتام.

[الكونغرس]

حسبي الله ونعم الوكيل

[بلاميعاد]

حسبي الله ونعم الوكيل ..