500 ألف ريال لتزويج 100 شاب ........ [الأرشيف] - منتديات شبكة الأسهم القطرية

موضي قطر

20-06-2011, 07:37 PM

والله هذا احسن خبر سمعته بحياتي

ويكون احسن لو كانوا المعاريس من داخل البلد ..

واللي يقولون 500 الف ريال وش هالعرس اللي يكلف هالمبلغ تراكم تحروني
واللي يصرف كل هالمبلغ في عرس يستاهل اللي يصير له
الا عطانا عقل نميز فيه ونتميز فيه .. الله يرحمنا برحمته بس

محمد

20-06-2011, 07:42 PM

هالمبلغ لو حلبناه حلب ما يسوي الا عرسين في قطر هذا لو سوا

المهر والشبكة و قاعة الرجاجيل و قاعة الحريم لوحدهم كفيلين بنسف ٢٥٠ الف ريال ، هذا بدون مفوشر ولا مبالغه هذا باقل القليل !

فتافيت

20-06-2011, 07:42 PM

ويكون احسن لو كانوا المعاريس من داخل البلد ..

واللي يقولون 500 الف ريال وش هالعرس اللي يكلف هالمبلغ تراكم تحروني
واللي يصرف كل هالمبلغ في عرس يستاهل اللي يصير له
الا عطانا عقل نميز فيه ونتميز فيه .. الله يرحمنا برحمته بس

كل شي نصيب والله نصيييييييييييييييييييييييييييييييييييييييييييييييي ييييييييييييييييييييييييب محد يدري شبيصير باكر في المستقبل

فرحة الكواري

20-06-2011, 07:46 PM

جزاههم الله خير .. مب غريب على هذا الرجل الكريم

مكتوم

20-06-2011, 08:48 PM

الله يوفقهم

فالامارات الاعراس الجماعية منتشرة
الله يخلي صندوق الزواج

عرس وشبكة ومهر وغير الهدايا طبعاً واالله عالم
يضبطون لهم اسكان

ام السعف

20-06-2011, 08:49 PM

جزاه الله كل خير ،،

في ميزان حسناته

R 7 A L

20-06-2011, 09:07 PM

جزاهم الله خير

abusultan

20-06-2011, 11:41 PM

الله يبارك له في ماله وفي أهله ..
وجزاه الله خيراً كثيرا ..

ummalaz

21-06-2011, 06:28 AM

جزاهم الله خير

الـراسي

21-06-2011, 06:32 AM

جزاه الله كل خير

والله يجعله في ميزان حسناته

أبو يووسف

21-06-2011, 07:59 AM

أنا ما أدري الش الإخوان عندنا في المنتدى يبالغون بسالفة المهر وتجهيزات العرس
أنا العام تزوجت وحده من العوائل المعروفة عندنا في قطر والعرس ماكلفني أكثر من 1000 ألف ريال

chillis

21-06-2011, 08:01 AM

أنا ما أدري الش الإخوان عندنا في المنتدى يبالغون بسالفة المهر وتجهيزات العرس
أنا العام تزوجت وحده من العوائل المعروفة عندنا في قطر والعرس ماكلفني أكثر من 1000 ألف ريال

:omg: الف يعني بدون عرس بس مهرها ذي ؟

بوخالد911

21-06-2011, 08:01 AM

بوررك فييه

ومن قال لكم تكاليف العرس اهنييه ب 500 الف ؟

لحد يباالغ
ويغررد خارج السررب

النائب

21-06-2011, 08:04 AM

يعني ماوقفت على الحكومة تودي فلوسها برا حتى المحسنين والجمعيات الخيرية أخذت الدور السئ من الحكومة .

chillis

21-06-2011, 08:05 AM

يعني ماوقفت على الحكومة تودي فلوسها برا حتى المحسنين والجمعيات الخيرية أخذت الدور السئ من الحكومة .

خاطري مره القى لك رد راضي فيه ومرتاح :( كله تنتقد ( وان شكرتم لازيدنكم )

النائب

21-06-2011, 08:06 AM

خاطري مره القى لك رد راضي فيه ومرتاح :( كله تنتقد ( وان شكرتم لازيدنكم )

اولا انا ماراح ارتاح إلا ارتاح منك ومن ردودك .

chillis

21-06-2011, 08:08 AM

اولا انا ماراح ارتاح إلا ارتاح منك ومن ردودك .

هههههههههه دليل ان لازم رايك يمشي على الكل ترا الشكر على النعم زينه والله اهم شي راحة البال والصحه مافي شي يعادلهم والقناعه حلوه

محمد

21-06-2011, 08:25 AM

يعني ماوقفت على الحكومة تودي فلوسها برا حتى المحسنين والجمعيات الخيرية أخذت الدور السئ من الحكومة .

كل ما اشوف نكك في اي موضوع ينشرح صدري :shy:

ياخي قول جزاه الله خير على الاقل

انا لو ابي اتبرع بشوف الي يدر علي اجر و ثواب من الله اكثر ..
اشرايك انك تعف 100 شاب وتستر عليهم .. ولا 1 او 2 ..

وبعدين الرجال ما طرش فلوسه برا الا اكيد خيره في بلاده من قبل .. احسن الظن فيه جزاك الله خير :shy:

محمد

21-06-2011, 08:29 AM

بوررك فييه

ومن قال لكم تكاليف العرس اهنييه ب 500 الف ؟

لحد يباالغ
ويغررد خارج السررب

شوف اخوي 500 الف يمكن حق الي مرهي على نفسه .. لكن في نفس الوقت مب مبالغ ومسوي شي مهول يعني تقدر تقول عرسه وسط !! .. وصدقني انا هالشي ماقوله تنظير والله من واقع تجربة ..

العرس مب بس مهر و شبكة فيه بلاوي ثانيه ماتدري من وين تطلع لك ..

ممكن تقولي المهر + الشبكة + صالة عرس الحريم و الرجاجيل كم تكلف ؟؟

بس عشان نحسبها بارقام واقعيه ..

مع العلم للحين ما تكلمنا عن الخطوبة وعن تجهيز القاعات و الهني موون :shy: .. بس يالله خل نبتدي بالاساسيات .. ؟

chillis

21-06-2011, 08:37 AM

النائب

21-06-2011, 08:45 AM

هههههههههه دليل ان لازم رايك يمشي على الكل ترا الشكر على النعم زينه والله اهم شي راحة البال والصحه مافي شي يعادلهم والقناعه حلوه

الحمد لله على الصحه والحمد لله على الأمن والحمد لله على كل حال ..

ولكن الإنتقاد ليس معناه عدم شكر بل هو تحسن وضع سي قائم إلى الأحسن وهذا القصد .

النائب

21-06-2011, 08:50 AM

كل ما اشوف نكك في اي موضوع ينشرح صدري :shy:

ياخي قول جزاه الله خير على الاقل

انا لو ابي اتبرع بشوف الي يدر علي اجر و ثواب من الله اكثر ..
اشرايك انك تعف 100 شاب وتستر عليهم .. ولا 1 او 2 ..

وبعدين الرجال ما طرش فلوسه برا الا اكيد خيره في بلاده من قبل .. احسن الظن فيه جزاك الله خير :shy:

جزاه الله خير وكثر الله من أمثاله

ولكن إني اعف عدد من المواطنين ولو كانوا قله احسن من إنني اعف شباب بلاد اخرى والكثير من شبابنا يبون يعفون أنفسهم ولم يجدوا من الحكومة ولا من الجمعيات هذا الكم من الخيرات التى تحجب عن المواطن وعلى فكره ترى عندنا في قطر ايتام يبون يتزوجون وعندنا شباب يبون يتعففون وين الجمعيات منهم وين حكومتهم مانقول إلا الله يهديهم ويرجعهم لصوابهم .

بوسلمان 2010

21-06-2011, 08:51 AM

الله يجزاهم خير بس الاولى هل قطر الي الله العالم بحالهم وانا متاكد بان اهناك شباب وايد يبون يتزوجون

لاكن لاسف ماعندهم ولازم يتدين علشان يتزوج ويتم يدفع دينه وما يخلص الدين الا البنيان ينطره وسلفه ورى سلفه

وطبعا الحياة الزوجيه منتهيه ومشاكل بسبب الدين وفي الاخير اعياله يورثون الدين عن ابوهم الله المستعان

النائب

21-06-2011, 08:54 AM

موضي قطر

21-06-2011, 10:08 AM

شوف اخوي 500 الف يمكن حق الي مرهي على نفسه .. لكن في نفس الوقت مب مبالغ ومسوي شي مهول يعني تقدر تقول عرسه وسط !! .. وصدقني انا هالشي ماقوله تنظير والله من واقع تجربة ..

العرس مب بس مهر و شبكة فيه بلاوي ثانيه ماتدري من وين تطلع لك ..

ممكن تقولي المهر + الشبكة + صالة عرس الحريم و الرجاجيل كم تكلف ؟؟

بس عشان نحسبها بارقام واقعيه ..

مع العلم للحين ما تكلمنا عن الخطوبة وعن تجهيز القاعات و الهني موون :shy: .. بس يالله خل نبتدي بالاساسيات .. ؟

ليش حفل خطوبة ؟!!

بتنهد الدنيا يسون عشاء في البيت اهم شي اللمة والفرحة مب لازم شوفوني كلفت عليه مادري كم الف وهو مايحب يزعلني بصراحة الشباب المقبلين على الزواج لهم دور سلبي من ناحية ضبط المصاريف يبه قبل لا تملك انا عندي هالكثر وشاريكم وإن شاء الله مب مقصر باللي اقدر عليه بس مايكون فوق طاقتي هالشكل الكل بيحس بالمسؤولية مب يركض يدور رضى ست الحسن والدلال :shy: وعقب العرس يفوق متاخر على الكارثة اللي حط نفسه فيها :(

قهوجي

21-06-2011, 10:55 AM

الله يجزاه الخير المحسن القطري

بس عيد الخيرية تقولك ماتاخذ فلوس حق اهل قطر بس حق برع قطر مب اهل البلد اولا

قبل الغريب !!!!!

يعطيك العافية

500.000 يزوج نفر داخل قطر

500.000 يزوج 500 نفر داخل اندونيسا

شوف الفرق الله يوفقك وادعيله احسن

الخزرجي قطر

21-06-2011, 11:40 AM

جزاه الله كل خير في ميزان حسناته ان شاالله

شبح الصمت

21-06-2011, 11:47 AM

جزاه الله خير وكثر الله من أمثاله

ولكن إني اعف عدد من المواطنين ولو كانوا قله احسن من إنني اعف شباب بلاد اخرى والكثير من شبابنا يبون يعفون أنفسهم ولم يجدوا من الحكومة ولا من الجمعيات هذا الكم من الخيرات التى تحجب عن المواطن وعلى فكره ترى عندنا في قطر ايتام يبون يتزوجون وعندنا شباب يبون يتعففون وين الجمعيات منهم وين حكومتهم مانقول إلا الله يهديهم ويرجعهم لصوابهم .

اخوي الجمعيات موجوده مؤسسة راف الخيرية

تعطي 50 الف لكل متزوج وهالمشروع كان قائم وناس وايد استفادوا منه

للرجل 40 الف وللمرأة 10 آلاف نعمه بشرط تواجدهم في محاضرة لمدة اسبوع فقط لكليهما !!

والديوان يعطيهم بعد

وصندوق الزكاة يعطي بعد

ياخي ترى الرجال سوى خير وهو حر بفلوسه

ولئن شكرتم لئزيدنكم

ياخوك وسع خاطرك لا تحسسني انك يالس على حصير وما عندك شيء كل يوم نشوفك في المنتدى وتعلق وتسولف وتضحـك قول الحمد لله ناس ما شافت الكمبيوتر ولا تعرف شكله !!

والا بس احنا ان شفنا احد عنده فلوس قلنا اوووه عطاهم وما عطى المحتاجين ..

تعرف محتاجين شد حيلك روح للجهات الخيرية قولهم انا اعرف اسر متعففه ومحتاجه فلوس تبي تساعد اهلنا وربعنا سوى الي قلت لك عليه

اما كله تحندي وزعلان

الله يقط دينك ودين اي انسان في هالبلاد بس ترى النقد المستمر والزعل والضغط والتفكير ما وراءه إلى مستشفى حمد

:shy:

محمد

21-06-2011, 01:00 PM

ليش حفل خطوبة ؟!!

بتنهد الدنيا يسون عشاء في البيت اهم شي اللمة والفرحة مب لازم شوفوني كلفت عليه مادري كم الف وهو مايحب يزعلني بصراحة الشباب المقبلين على الزواج لهم دور سلبي من ناحية ضبط المصاريف يبه قبل لا تملك انا عندي هالكثر وشاريكم وإن شاء الله مب مقصر باللي اقدر عليه بس مايكون فوق طاقتي هالشكل الكل بيحس بالمسؤولية مب يركض يدور رضى ست الحسن والدلال :shy: وعقب العرس يفوق متاخر على الكارثة اللي حط نفسه فيها :(

ممكن حفل الخطوبة بعض العوايل تعديه .. لكن بشكل عام هل هو شي مبالغ فيه او عادي صار هالايام ؟

صار عادي الحين .. ومن الطبيعي يكون فيه حفل خطوبة مب شي غير مألوف ..
انا معاج ان الشباب لهم دور
لكن بعد الواحد ما يبي يكون مقصر على مرته او غير عن باقي الناس تشوف رفيجاتها يجهزون بمبالغ وقدرها وهي مهرها كم بيعطيها يعني ؟! الحين 100 او 150 وبعد ماتكفي البنت و تحط على نفسها سلفيات !!!

علي رشيد

21-06-2011, 01:33 PM

الله يجزيه خير

النائب

21-06-2011, 03:13 PM

اخوي الجمعيات موجوده مؤسسة راف الخيرية

تعطي 50 الف لكل متزوج وهالمشروع كان قائم وناس وايد استفادوا منه

للرجل 40 الف وللمرأة 10 آلاف نعمه بشرط تواجدهم في محاضرة لمدة اسبوع فقط لكليهما !!

والديوان يعطيهم بعد

وصندوق الزكاة يعطي بعد

ياخي ترى الرجال سوى خير وهو حر بفلوسه

ولئن شكرتم لئزيدنكم

ياخوك وسع خاطرك لا تحسسني انك يالس على حصير وما عندك شيء كل يوم نشوفك في المنتدى وتعلق وتسولف وتضحـك قول الحمد لله ناس ما شافت الكمبيوتر ولا تعرف شكله !!

والا بس احنا ان شفنا احد عنده فلوس قلنا اوووه عطاهم وما عطى المحتاجين ..

تعرف محتاجين شد حيلك روح للجهات الخيرية قولهم انا اعرف اسر متعففه ومحتاجه فلوس تبي تساعد اهلنا وربعنا سوى الي قلت لك عليه

اما كله تحندي وزعلان

الله يقط دينك ودين اي انسان في هالبلاد بس ترى النقد المستمر والزعل والضغط والتفكير ما وراءه إلى مستشفى حمد

:shy:

شبح تعليقك طويل
لايكون انت واحد من المستفيدين ولا تبي غيرك يستفيد حرام عليك كلتوا الأخضر واليابس .

نحن نرى إن البلد وشعبه احوج لنا من السابق فنحن يخيل لكم إننا ضد كل شي ولكن الصحيح إنكم لا شي إن لم تروا بأنفسك الكثير من الأمور من حولكم واتمنى أن لا تصبحوا كالأنعام تأكل ولا تعي مايدور حولها من امور وتكون آخرتها المصلخ .

(بوطلال)

21-06-2011, 03:24 PM

جزاه الله خير

((مثل المؤمنين في توادهم وتراحمهم كمثل الجسد الواحد اذا اشتكى منه عضو تداعى له سائر الجسد بالسهر والحمى))

راقي

21-06-2011, 03:33 PM

500 الف ما تزوجوا الا يمكن شخص ونص بالدوحه ههههههه
هذا اذا بيسوي عرس عاادي بعدد وبدون توزيعاات وحفلة خطوبهـ وهدية وو و و و و وو و

همسه

21-06-2011, 04:13 PM

أبو يووسف

22-06-2011, 05:51 AM

:omg: الف يعني بدون عرس بس مهرها ذي ؟

لا والله شامل العرس والمهر

امـ حمد

22-06-2011, 06:32 AM

جزاه الله خير

محمد

22-06-2011, 08:04 AM

جزاه الله خير وكثر الله خيره و جعلها في ميزان حسناته ورزقه الفردوس الأعلى

آمين يارب

فعله طيب ما فيه شك ما يختلف عليه اثنين

لكن اعتقد كان افضل لو عف شباب في قطر بما ان الاقربون اولى بالمعروف

بالنسبه لبعض ردود اخواني بقول رايي واتمنى تفهموني

مب قصدي اقلل من قيمه او فرحه اي شخص ولكن المقصد التفكير بعقل

بصراحه حفلة الخطوبه ماشوف لها داعي كلش كلش

والعرس لو ينسوى في بيت اهل العروس حفله صغيره اهل العروس و اهل المعرس والقرايب والاصدقاء المقربين وعشى وياخذ الرجال مرته و يتوكلون على الله سبحانه و تعالى

ماهان تبارك

الاهم من الصالات و الفرقه والمفروشر والخساير هو التوفيق هذا اهم شي

امن شروط الزاوج الاشهار وبهذا يكون تم الاشهار و خلاص

مالها داعي الخساير على كم ساعه وفي النهايه مهما خسرت و سويت بينتقدون العرس مافيه فايده و مامنهم الا الحسد والنميمه

التواضع حلو

اهم شي التوفيق

الله الله

كلاااااااااااااااااااااام يعدل المزااااااااااج

بس للاسف ما يعدي انه يكون الا مجرد رد في المنتدى :(

يمكن انتي اختي الله مقدرج على اتخاذ مثل هالقرار .. لكن الاغلبيه من البنات شنو وضعهم ؟
وبصراحة .. البنت من حقها بعد ما يكون عرسها اقل من غيرها مع اني ضد وبشده هالاسراف لكن هي ليلة وحده ..

المشكلة ان حتى لو اختصرنا مثل ما تقولين فيه اشياء صار صعب الاختصار فيها

وهي صالات الافراح + المهر والشبكة .. وهالشيين بس كفيلين بسدح 200-250 الف ريال

همسه

22-06-2011, 08:19 AM

اخوي ركز معاي شوي الله يرحم والديك

مب لازم صاله

العرس في بيت اهل العروس عيب ؟؟

يعني البنت اذا سوت عرسها في بيت اهلها بتكون اقل من غيرها عشان شنو عشان غيرها سوت عرسها في صاله معناه انها احسن منها ؟؟

مع احترامي بس اشوف اللي نظرتها كذا خل تقعد بيت اهلها لين تنضج عدل وتعرف تميز

مب نافعتها الصاله ولا المخاسير اللي مالها داعي كلها كم ساعه وبعدين ؟؟

تحسب الناس مب منتقدين لو تصبهم ذهب من راسهم لين رجلهم الا يطلعون شي في العرس ينتقدونه

ان سويت عرس متواضع قالو زطاطوه ما يهون عليهم واذا سويت عرس مكلف قالو مايسوى عليهم شحادهم مفوشر و بس

يعني في الحالتين ماراح تسلم من الحش

غير الحسد الله يكفينا شره

آمين يارب

والمهر اكيد مافيه بنت بتزوج بلاش الخاطب و شيمته لأن اهل قطر مايفنون هذا اللي اعرفه الرجال المتقدم هو وماتجود به نفسه واكيد ماراح يقصر مع مرته

وعلى فكره هذا كلام بنات غيري بعد يعني مب بس انا

ولو سمحت اخوي لا تقول ان كلامي هذا ما يتعدى كونه كلام في منتدى لأني مب مراهقه و اعرف شقول

مثل مافيه بنات همها من الرجال ماله

فيه بنات همها الرجال نفسه وحياتها وياه العمر كله مب ليله بس

وصدقني اتوقع البنت اللي بتكتفي باللي قلته بتفرح بهذي الليله اكثر من اللي مخسره في ليلة عرسها

ما هان تبارك

chillis

22-06-2011, 08:22 AM

الله الله

كلاااااااااااااااااااااام يعدل المزااااااااااج

بس للاسف ما يعدي انه يكون الا مجرد رد في المنتدى :(

يمكن انتي اختي الله مقدرج على اتخاذ مثل هالقرار .. لكن الاغلبيه من البنات شنو وضعهم ؟
وبصراحة .. البنت من حقها بعد ما يكون عرسها اقل من غيرها مع اني ضد وبشده هالاسراف لكن هي ليلة وحده ..

المشكلة ان حتى لو اختصرنا مثل ما تقولين فيه اشياء صار صعب الاختصار فيها

وهي صالات الافراح + المهر والشبكة .. وهالشيين بس كفيلين بسدح 200-250 الف ريال
هل تتوقع هالمثاليه موجوده برا يمكن قله قليله :)

شبح الصمت

22-06-2011, 08:22 AM

اخوي ركز معاي شوي الله يرحم والديك

مب لازم صاله

العرس في بيت اهل العروس عيب ؟؟

يعني البنت اذا سوت عرسها في بيت اهلها بتكون اقل من غيرها عشان شنو عشان غيرها سوت عرسها في صاله معناه انها احسن منها ؟؟

مع احترامي بس اشوف اللي نظرتها كذا خل تقعد بيت اهلها لين تنضج عدل وتعرف تميز

مب نافعتها الصاله ولا المخاسير اللي مالها داعي كلها كم ساعه وبعدين ؟؟

تحسب الناس مب منتقدين لو تصبهم ذهب من راسهم لين رجلهم الا يطلعون شي في العرس ينتقدونه

ان سويت عرس متواضع قالو وع زطاطوه ما يهون عليهم واذا سويت عرس مكلف قالو مايسوى عليهم شحادهم مفوشر و بس

يعني في الحالتين ماراح تسلم من الحش

غير الحسد الله يكفينا شره

آمين يارب

والمهر اكيد مافيه بنت بتزوج بلاش الخاطب شيمته لأن اهل قطر مايفنون هذا اللي اعرفه الرجال المتقدم وهو وماتجود به نفسه واكيد ماراح يقصر مع مرته

وعلى فكره هذا كلام بنات غير يعني من بس انا

ولو سمحت اخوي لا تقول ان كلامي هذا ما يتعدى كونه كلام في منتدى لأني مب مراهقه وما اعي شكتب

مثل مافيه بنات همها من الرجال ماله

فيه بنات همها الرجال نفسه وحياتها وياه العمر كله مب ليله بس

وصدقني اتوقع البنت اللي بتكتفي باللي قلته بتفرح بهذي الليله اكثر من اللي مخسره في ليلة عرسها

ما هان تبارك

ليت الي يحبون المفوشر والزبو يجون يشوفون كلامج

لا فض فوج

وارحم الله والديج اختي

الله يجعل الريان بابك وباب والدينج والفردوس ثوابكم يارب والمسلمين والمسلمات اجمعين

محمد

22-06-2011, 09:08 AM

هل تتوقع هالمثاليه موجوده برا يمكن قله قليله :)

impossible :secret:

همسه

22-06-2011, 09:36 AM

chillis

محمد

بيض الله و جيهكم ما قصرتو

مشكورين

همسه

22-06-2011, 09:38 AM

شبح الصمت

تسلم اخوي

و يجعل الفردوس دارك و والديك والمسلمين اجمعين

آمين يارب

جزاك الله خير

chillis

22-06-2011, 09:39 AM

chillis

محمد

بيض الله و جيهكم ما قصرتو

مشكورين

ما فهمتينا قبل فتره وحده قالت مستحيل اسوي عرس ومستحيل اصرف ومستحيل اتكلف ويوم انخطبت حفلة الملجه بفندق مهب بس العرس :secret: كانت تدعي المثاليه قبل تنخطب من انخطبت تغير الوضع هاي اقصده

همسه

22-06-2011, 09:59 AM

وبسببها تعممين

انتي تشوفين الكل مثلها

بعد بيض الله وجهج و مشكروه

:)

chillis

22-06-2011, 10:00 AM

وبسببها تعممين

انتي تشوفين الكل مثلها

بعد بيض الله وجهج و مشكروه

:)

انا ما عممت انا سالت محمد السؤال ليش شكتي بنفسج :)

همسه

22-06-2011, 10:06 AM

لأنه تعليق اخوي محمد كان على ردي اختي

الله يهديج يابنت الحلال و الله يسامحج

عموما جزاه الله خير الرجال على فعله و الله يكثر من امثاله

آمين يارب

و اتمنى حد يحذو حذوه مع شباب قطر اللي حابين يعفون نفسهم و يكسب اجر و يابخته من سعى في الحلال

محمد

22-06-2011, 10:08 AM

رديء كان جواب بري على سؤال بريء من الاخت مطعم تشيليز :nice:

chillis

22-06-2011, 10:17 AM

رديء كان جواب بري على سؤال بريء من الاخت مطعم تشيليز :nice:

:omg:

محمد

22-06-2011, 10:18 AM

:omg:

لا اللوز سليمه ماعليج شر :nice:

chillis

22-06-2011, 10:19 AM

لا اللوز سليمه ماعليج شر :nice:

تصدق مرات كثيره اقعد مع نفسي وافكر هل فعلا انا كله غلط والباقي كلهم صح ولا هي المثاليه الزايده ولا شنو بالضبط

موضي قطر

22-06-2011, 10:25 AM

تصدق مرات كثيره اقعد مع نفسي وافكر هل فعلا انا كله غلط والباقي كلهم صح ولا هي المثاليه الزايده ولا شنو بالضبط

مبروك افتتاح فرعكم الجديد في الوكره :nice:

حبيبتي مب مثالية انا اعرف بنات من اهلي ومن بعض صديقاتي تفكر بمنطق
لأنهم يدرون كل هالسوالف
بتبكيهم طول العمر من كثر الديون اصابعك مب سوى :)

chillis

22-06-2011, 10:31 AM

مبروك افتتاح فرعكم الجديد في الوكره :nice:

حبيبتي مب مثالية انا اعرف بنات من اهلي ومن بعض صديقاتي تفكر بمنطق
لأنهم يدرون كل هالسوالف
بتبكيهم طول العمر من كثر الديون اصابعك مب سوى :)

اعتقد انتي فاهمه شقصد :) وانا فوق شوفي قلت في بعض منهم مايفكر بالزبو وغيره

ام السعف

22-06-2011, 10:32 AM

تصدق مرات كثيره اقعد مع نفسي وافكر هل فعلا انا كله غلط والباقي كلهم صح ولا هي المثاليه الزايده ولا شنو بالضبط

والله ياليت نشوف فعاليات الشهر الأول للزواج من غير مظاهر خداعة
ويحطون لهم لستة للقضاء على هالمظاهر ،،

ياليت نشوف فعاليات الشهر الثالث لإقامة ابسط حفلة زواج ،،

ياليت نشوف فعاليات الشهر الرابع لحفلة زواج تقتصر على الأقارب

ويتم تكريم الحفلات هذي من قبل الدولة ،، ويدخلون المعاريس
كتاب مشاهير من قطر :shy:

وتنحط اساميهم على مناطق او مدارس او قاعات افراح
او ،، او ،،، او ،،،،

ام السعف
صاحبة اختراع فكرة فعاليات اشهر الزواج في قطر
وبما اني تزوجت من سنة نوح اتمنى وضع اسمي في الكتاب
من باب تكريمي لتقديم هذه الأفكار ، وارجو من الاعضاء
التبرع لي عن كل قراءة لفكرة بمية ريال :shy:

ثابت

22-06-2011, 10:34 AM

مبروك افتتاح فرعكم الجديد في الوكره :nice:

حبيبتي مب مثالية انا اعرف بنات من اهلي ومن بعض صديقاتي تفكر بمنطق
لأنهم يدرون كل هالسوالف
بتبكيهم طول العمر من كثر الديون اصابعك مب سوى :)

يزاج الله خير والله يكثر من امثالكم الرائعة هولاء بنات قطر الاصيلات الي نفتخر فيهم

chillis

22-06-2011, 10:34 AM

والله ياليت نشوف فعاليات الشهر الأول للزواج من غير مظاهر خداعة
ويحطون لهم لستة للقضاء على هالمظاهر ،،

ياليت نشوف فعاليات الشهر الثالث لإقامة ابسط حفلة زواج ،،

ياليت نشوف فعاليات الشهر الرابع لحفلة زواج تقتصر على الأقارب

ويتم تكريم الحفلات هذي من قبل الدولة ،، ويدخلون المعاريس
كتاب مشاهير من قطر :shy:

وتنحط اساميهم على مناطق او مدارس او قاعات افراح
او ،، او ،،، او ،،،،

ام السعف
صاحبة اختراع فكرة فعاليات اشهر الزواج في قطر
وبما اني تزوجت من سنة نوح اتمنى وضع اسمي في الكتاب
من باب تكريمي لتقديم هذه الأفكار ، وارجو من الاعضاء
التبرع لي عن كل قراءة لفكرة بمية ريال :shy:

قولي ياريت تحدد قاعات من بعض التجار تكون اسعارها معقوله للافراح لان الحين بيوت بنك التنميه صغيره وين يسون به عرس او على الاقل الدوله تنشأ بكل منطقه قاعد لعدد 400 شخص بس تكفي مابيكلفهم شي :secret:

عليه العوض

22-06-2011, 10:36 AM

جزاهم الله خير على فعل الخير ويا ليت تتيسر عندنا مشكلة الايجارات ومشكلة تكاليف الاعراس

ام السعف

22-06-2011, 10:55 AM

قولي ياريت تحدد قاعات من بعض التجار تكون اسعارها معقوله للافراح لان الحين بيوت بنك التنميه صغيره وين يسون به عرس او على الاقل الدوله تنشأ بكل منطقه قاعد لعدد 400 شخص بس تكفي مابيكلفهم شي :secret:

بصراحة اشوف اصلا تقليل عدد المعازيم بحد ذاته تقليل من المظاهر ،،

مب شرط 400 ،، بالكثير 200 شخص ومن المقربين كلش يكون احسن :shy:

النائب

22-06-2011, 10:58 AM

قولي ياريت تحدد قاعات من بعض التجار تكون اسعارها معقوله للافراح لان الحين بيوت بنك التنميه صغيره وين يسون به عرس او على الاقل الدوله تنشأ بكل منطقه قاعد لعدد 400 شخص بس تكفي مابيكلفهم شي :secret:

شيلز

ليش انتي دائما تحنين وترنين على صالات الأفراح إذا كانت الأسعار ماتعجبكم بلاش عرس ومدوا رجولكم على قد لحافكم .

chillis

22-06-2011, 11:32 AM

شيلز

ليش انتي دائما تحنين وترنين على صالات الأفراح إذا كانت الأسعار ماتعجبكم بلاش عرس ومدوا رجولكم على قد لحافكم .

شسوي تعاديت منك :) عمري ما حنيت انا اقول علشان الشباب الي يبون يكملون نصف دينهم والحمدلله لو نبي نسوي عرس نقدر نسويه بافضل القاعات :) اهم شي انت اشلون نفسيتك

shadad

22-06-2011, 11:57 AM

شبح تعليقك طويل
لايكون انت واحد من المستفيدين ولا تبي غيرك يستفيد حرام عليك كلتوا الأخضر واليابس .

نحن نرى إن البلد وشعبه احوج لنا من السابق فنحن يخيل لكم إننا ضد كل شي ولكن الصحيح إنكم لا شي إن لم تروا بأنفسك الكثير من الأمور من حولكم واتمنى أن لا تصبحوا كالأنعام تأكل ولا تعي مايدور حولها من امور وتكون آخرتها المصلخ .

ابي اعرف الرجال قالك شنو عشان ترد عليه كذا برد استفزازي؟ خل عنك السلبيه في ردودك وبعدين تعال ! ليكون انت المتبرع ؟ الرجال حر بماله ياخي .

(لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ )

همسه

22-06-2011, 12:27 PM

chillis

طلبتج طلبه تكفين استغفري لاتحطينها بذمتج تراها كبيره

النائب اخونا مسلم و مؤمن بما انزل على محمد صلى الله عليه و سلم

لا حول ولا قوة إلا بالله العلي العظيم

chillis

22-06-2011, 12:31 PM

انشاءالله حذفت الرد بس مقتنعه انه دائما يتحلطم على الي يسوا والي مايسوا وردوده على كل من يعارضه شتسمينه ؟

همسه

22-06-2011, 12:33 PM

جزاج الله خير

النائب

22-06-2011, 12:46 PM

شسوي تعاديت منك :) عمري ما حنيت انا اقول علشان الشباب الي يبون يكملون نصف دينهم والحمدلله لو نبي نسوي عرس نقدر نسويه بافضل القاعات :) اهم شي انت اشلون نفسيتك

انا حبيت ارد بهذا الرد علشان تعرفون نوعية ردودكم كل ما يشتكى مواطن ويطلب بالأحسن تكون ردودكم سلبية وليش انت دائما تحن وليش ماتمد رجولك على قد لحافك .

بالنسبة للنفسية والله ياإختي تعبانه جدا نسأل الله أن يسهلها ولا تذاكر وسكن في لندن ب 120 الف لمدة اسبوعين لا وبدون وجبة فطور هذا مو بحرام .

والجمعيات الخيرية جالسه تدفع يمين ويسار وإحنا نتعذب بغلاء لندن وباريس .

chillis

22-06-2011, 12:48 PM

انا حبيت ارد بهذا الرد علشان تعرفون نوعية ردودكم كل ما يشتكى مواطن ويطلب بالأحسن تكون ردودكم سلبية وليش انت دائما تحن وليش ماتمد رجولك على قد لحافك .

بالنسبة للنفسية والله ياإختي تعبانه جدا نسأل الله أن يسهلها ولا تذاكر وسكن في لندن ب 120 الف لمدة اسبوعين لا وبدون وجبة فطور هذا مو بحرام .

والجمعيات الخيرية جالسه تدفع يمين ويسار وإحنا نتعذب بغلاء لندن وباريس .

للامور هذي العلاج سهل حنا ما نقول لا تقول بس مهب بكل الامور الحمدلله للحين بنعمه خاطري مره احسك قانع :(

النائب

22-06-2011, 12:50 PM

ابي اعرف الرجال قالك شنو عشان ترد عليه كذا برد استفزازي؟ خل عنك السلبيه في ردودك وبعدين تعال ! ليكون انت المتبرع ؟ الرجال حر بماله ياخي .

(لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ )

مرحبا بشداد أخو عنتر

الرجال ماقال شي بس أنا كنت متنرفز شوي إعذرني .

لو كنت المتبرع بأتبرع لأقرباء لأان الأقربون اولى بالمعروف أما ازوج 100 إندونييسي فلا اعتقد إني خبل شدخلنا في الأندنوسيين علهم ما تزوجوا يعني الأندنوسي يتزوج والقطري يطبل .

النائب

22-06-2011, 12:55 PM

chillis

طلبتج طلبه تكفين استغفري لاتحطينها بذمتج تراها كبيره

النائب اخونا مسلم و مؤمن بما انزل على محمد صلى الله عليه و سلم

لا حول ولا قوة إلا بالله العلي العظيم

مهما كان هذي حسبت بنتي الصغيره الله يبيحها ويستر عليها بس ودي أعرف شقالت ما شفت ردها .

chillis

22-06-2011, 12:56 PM

مهما كان هذي حسبت بنتي الصغيره الله يبيحها ويستر عليها بس ودي أعرف شقالت ما شفت ردها .

الريال يوم حط الايه قلت له الشكر ممسوح من قاموس النائب بس

chillis

22-06-2011, 12:57 PM

المهم النائب وين بتسافر :(

النائب

22-06-2011, 01:02 PM

انشاءالله حذفت الرد بس مقتنعه انه دائما يتحلطم على الي يسوا والي مايسوا وردوده على كل من يعارضه شتسمينه ؟

هذا إسمه معارضة لواقع سياسي او إجتماعي مرير يعلمه الكثير من الشعب سواء مثقفين او أميين.
واقع التعليم واقع الصحه واقع التغريب للدين والعادات واقع الجمعيات الخيرية واقع الصناديق السيادية واقع القوانين المجحفه والزين منها ما يطبق والكثير من الاشياء التى لا يراها إلى واعي وثقف عاقل يقول الحق لو على نفسه . هذا مجالنا وهذا لا يقال عنه تحلطم لأن التحلطم أذكره عند العجايز والله يعطيك طولة العمر لين تسيرين وحده منهم .

chillis

22-06-2011, 01:04 PM

هذا إسمه معارضة لواقع سياسي او إجتماعي مرير يعلمه الكثير من الشعب سواء مثقفين او أميين.
واقع التعليم واقع الصحه واقع التغريب للدين والعادات واقع الجمعيات الخيرية واقع الصناديق السيادية واقع القوانين المجحفه والزين منها ما يطبق والكثير من الاشياء التى لا يراها إلى واعي وثقف عاقل يقول الحق لو على نفسه . هذا مجالنا وهذا لا يقال عنه تحلطم لأن التحلطم أذكره عند العجايز والله يعطيك طولة العمر لين تسيرين وحده منهم .

عارض محد قالك لا تعارض بس لا تطلع ان ماسوا لنا شي وتحسس الدول الي برع ان جنه عايشين بالصومال :(

النائب

22-06-2011, 01:04 PM

المهم النائب وين بتسافر :(

إذا على حساب الديوان لندن وإذا ماوافقوا على طلبي برووووح الحساء.

همسه

22-06-2011, 01:06 PM

chillis

فديتج بس

حسيتج مثل البيبي اذا حد حكر له قال ماسويت شي

ههههههههههههههههههههه

chillis

22-06-2011, 01:06 PM

إذا على حساب الديوان لندن وإذا ماوافقوا على طلبي برووووح الحساء.

الثانيه احسن حجه وحاجه تزور الاهل وهم تجيب اغراض رمضان تدري اسعارهم وايد ارخص والجو ابرد يقولون هناك :secret: لو ان الحين نزلوا اسعار المواد التموينيه اهم شي الكيري للقطايف :(

chillis

22-06-2011, 01:07 PM

chillis

فديتج بس

حسيتج مثل البيبي اذا حد حكر له قال ماسويت شي

ههههههههههههههههههههه

سلامتج انا قلت له شنو قلت :) ماعرف انافق نفس غيري ولا احب اكون المحامي يك يكي

همسه

22-06-2011, 01:12 PM

chillis

يا اختي قاعده اضحك معاج وامزح وانتي شوفي شلون فهمتيها والله فهمتيني غلط كان قصدي ويشهد الله اني حسيتج مثل البيبي في براءته لما حد يحاسبه يطالع تحت ويقول ماسويت شي

يا الله

يشهد الله النيه طيبه

:(

ان اسفه يا بنت الحلال

والله انا اسفه خلاص اسمحي لي

chillis

22-06-2011, 01:13 PM

النائب

22-06-2011, 01:13 PM

عارض محد قالك لا تعارض بس لا تطلع ان ماسوا لنا شي وتحسس الدول الي برع ان جنه عايشين بالصومال :(

ليس بهذه الدرجة نوصل لمستوى الصومال والشعوب الأخرى تعلم بمستوى معيشة المواطن والخير إللي هو فيه ولكن هذا لايمنع إنه يوجد أسرة او عدة اسر تأن من معاناه لا يعلمها إلا الله سبحانة في بلد يصرف على ربع الكرة الأرضية .

وبوجود هذه الأسرة الواحده إن لم تكن اكثر من ذلك يكون لي الحق في التنبيه لذلك حتى تتعدل الأمور . وتنتبه الجمعيات وانا جالس بكلامي هذا احثكم على الخير ليش انتوا ماتبون الخير والأجر إذا تكلمتوا مثل كلامي وسمعتنا الحكومة وسمعونا إللي في الجمعيات الخيرية لان حكمتى كثر الدق يفك اللحام وانا مستمر في ذلك حتى لا اكون شيطان اخرس .

chillis

22-06-2011, 01:16 PM

ليس بهذه الدرجة نوصل لمستوى الصومال والشعوب الأخرى تعلم بمستوى معيشة المواطن والخير إللي هو فيه ولكن هذا لايمنع إنه يوجد أسرة او عدة اسر تأن من معاناه لا يعلمها إلا الله سبحانة في بلد يصرف على ربع الكرة الأرضية .

وبوجود هذه الأسرة الواحده إن لم تكن اكثر من ذلك يكون لي الحق في التنبيه لذلك حتى تتعدل الأمور . وتنتبه الجمعيات وانا جالس بكلامي هذا احثكم على الخير ليش انتوا ماتبون الخير والأجر إذا تكلمتوا مثل كلامي وسمعتنا الحكومة وسمعونا إللي في الجمعيات الخيرية لان حكمتى كثر الدق يفك اللحام وانا مستمر في ذلك حتى لا اكون شيطان اخرس .

ومن قالك مافي انا دائما اقول المفروض يسون لجان بحث وتقصي عن الاسر المعدومه كلش يسددون الدين عنهم ويوفرون سكن لهم ويمشون لهم راتب يعيشهم على الاقل قوت يومهم مهب لاي احد ولكل من هب ودب لا لازم دراسه حتى حالات الي بوطني صباح الخير ترا في منهم كذابين وفي منهم صادقين لازم يكونون لجنه مستعجله للبحث

همسه

22-06-2011, 01:16 PM

ما بينا اسف

اسفي لأن مزحت معاج ويشهد الله النيه طيبه واسئتي الظن فيني لهذا السبب بس انا اسفه

chillis

22-06-2011, 01:18 PM

اسفي لأن مزحت معاج ويشهد الله النيه طيبه واسئتي الظن فيني لهذا السبب بس انا اسفه

كلها غشمره حبيبتي

النائب

22-06-2011, 01:19 PM

الريال يوم حط الايه قلت له الشكر ممسوح من قاموس النائب بس

إلا بأشكر ربي على كل شي بس ماراح اشكر الجمعيات الخيرية ولا الحكومة لين تتجه للأفضل .

الله يبيحك ويسامحك وييسر لك امرك
بالعكس باعتبرها مزحه ولا راح يجيك منها ذنب . الحمد لله على نعمه الأمن الحمد لله والشكر على الصحه الحمد لله والشكر لله بتفضيلي على كثير من خلقه .

محمد

22-06-2011, 01:19 PM

والجمعيات تشتغل تحت مظلة الدولة يابوالعريف
ودامك مستمر في دق الهاون روح للجميعات و خلك عملي شوي بدال الكلام المأخوذ خيره ..

التغيير يبيله افعال .. ما يبيله طرقعان صيف

chillis

22-06-2011, 01:20 PM

والجمعيات تشتغل تحت مظلة الدولة يابوالعريف
ودامك مستمر في دق الهاون روح للجميعات و خلك عملي شوي بدال الكلام المأخوذ خيره ..

التغيير يبيله افعال .. ما يبيله طرقعان صيف

:victory::victory: هذا الي اقوله لازم حلول مهب بس تشكي ومعارضه

النائب

22-06-2011, 01:22 PM

الثانيه احسن حجه وحاجه تزور الاهل وهم تجيب اغراض رمضان تدري اسعارهم وايد ارخص والجو ابرد يقولون هناك :secret: لو ان الحين نزلوا اسعار المواد التموينيه اهم شي الكيري للقطايف :(

ياليت الأهل في الحساء كان زين لأن اهلى في بندر عباس اما الرخص فحدثي ولا حرج خصوصا التومان رخيص الحين .

النائب

22-06-2011, 01:25 PM

والجمعيات تشتغل تحت مظلة الدولة يابوالعريف
ودامك مستمر في دق الهاون روح للجميعات و خلك عملي شوي بدال الكلام المأخوذ خيره ..

التغيير يبيله افعال .. ما يبيله طرقعان صيف

ما مصيبتنا إنها تحت مظلة الدولة يعني فلوس الجمعيات بتلحق فلوس الدولة !!

محمد

22-06-2011, 01:28 PM

ما مصيبتنا إنها تحت مظلة الدولة يعني فلوس الجمعيات بتلحق فلوس الدولة !!

والله الدولة لو راده عليك ما مشت قدام مترين
طول يومك شابك من الدوام قدح في كل شي .. لو مضيع هالوقت في الشغل ابرك .. اعتبر هالوقت الي مضيعه وتاخذ عليه فلوس حسنه من حسنات هالبلاد الي ناكرها

الله لا يجعلنا ممن ينكرون فضله ولا فضل احد من خلقه

النائب

22-06-2011, 02:24 PM

والله الدولة لو راده عليك ما مشت قدام مترين
طول يومك شابك من الدوام قدح في كل شي .. لو مضيع هالوقت في الشغل ابرك .. اعتبر هالوقت الي مضيعه وتاخذ عليه فلوس حسنه من حسنات هالبلاد الي ناكرها

الله لا يجعلنا ممن ينكرون فضله ولا فضل احد من خلقه

الدوله لن تمشي مترين إذا كان السلبيين من أمثالك كثر ولكن الحمد لله إنهم قله قليله ستنتهى بإنتهاء إقامتها في البلاد
يالله إنتهى الدوام تعبنا جعل الراتب حلال .
.

Right

22-06-2011, 03:16 PM

جزاهم الله خير

محمد

22-06-2011, 07:14 PM

الدوله لن تمشي مترين إذا كان السلبيين من أمثالك كثر ولكن الحمد لله إنهم قله قليله ستنتهى بإنتهاء إقامتها في البلاد
يالله إنتهى الدوام تعبنا جعل الراتب حلال .
.

هههههههههههه عيال البلاد عمرهم ما انتهت اقامتهم مثل اللفو الي انت منهم الي ياكلون و يمشون يدهم بالطوفة ، هالبلاد عمرها ما تنكرت من تعب فيها و بناها وعيال قبايلها مب الي جابتهم دزة هوا .. لكن قليل الاصل عمره مابين بعينه شي وبيتم طول عمره جاحد واثقل كلمة على لسانة كلمة الحمدلله ! :nice:

طول يومك تقدح بهالبلاد وانت تاكل من خيرها والله ما يجدي فيك الا من يردك لاصلك ونشوفك وتعرف تحمد النعمة ولا لا لين صار حدك اتكس واتكد على كامري ولا تترزق الله كل ويكند في سوق (بدل) ولا في اقل تقدير ناصب لك خيمة قدام فيلاجيو تلمع دلال رسلان ! :nice: