هل حد عنده اجابة لسؤالي ,, كل قطري الرجاء المشاركة

[alkuwari4u]

السلام عليكم ورحمه الله وبركانة

انا عندي سؤال محيرني من فتره طوووووووويلة

الحين اغلبية اهل قطر يشتكون من امور كثيرة ,, ارتفاع الاسعار ,, امتيازات الاجانب ,, التعليم الخ الخ الخ احنا مشاكلنا ما تخلص

سؤالي هو ليش هذي المشاكل موجودة؟؟ مب احنا القطريين اللي نسببها؟؟مب التجار القطريين هم اللي رافعين الاسعار؟ من المدراء والمسؤلين هم اللي يعطون هذي الرواتب للاجانب؟؟ مب القرار النهائي في التعليم يعود لقطريين

سؤالي ليش هذي كلة يصير من القطريين للقطريين؟؟

انزين في معطيات كثيرة هي السبب بس حبيت افتح باب النقاش في هذي النقطة

[saryalia4u]

المشكله الكل يشتكي
لكن تحس ان الشكوى لاا اذن لها تسمع

وكأننا في صحرى
لو كان في حلول لبعض المشاكل اللي تمس القطري
لما تراكمت وزادت الشكاوي:omen2:

بس صاحب الصوت يرجع صدااه له للاسف:telephone:

[alkuwari4u]

هو صحيح ان الشكاوي محد يسمعها

بس انا سؤالي في سبب الشكوى نفسها ,, مش اصحاب القرار قطريين منا وفينا وهم اسباب الشكوى؟

فلماذا يا ترى يحصل كل هذا؟؟

[intesar]

لأنها شكاوي وبس من غير حلول ..

[alkuwari4u]

السلام عليكم انتصار

الموضوع اللي احب اطرحه هو مش المشاكل ولا الحلول ,, الموضوع هو "سبب حصول المشاكل من الاساس"

[intesar]

هذي هي الدنيا فيها الخير وفيها الشر .. والشر الا ما ينكشف .. والخير يتم .. ما تشوف الأفلام المصرية بالأخير الخير ينتصر .. يمكن اللي ما سكين القرارات يعتقدون انهم يسوون خير .. ما يدرون .. واللي يوظفون أجانب تأكد انهم خايفين على كراسيهم بحجة الخبرة ..

[سما الوطن]

سؤال في محله

لذا عندما نرى انتقاد ورغبه للاصلاح لمكان ما
اقول لنفسي وما هذا المكان ومن بهذا المكان اليس صديقنا او احد معارفنا او او او
لذا ارى لو نصلح انفسنا لنصلح كل شي

او لنكن منصفين لنصلحت اغلب الاشياء

[night]

هو صحيح ان الشكاوي محد يسمعها

بس انا سؤالي في سبب الشكوى نفسها ,, مش اصحاب القرار قطريين منا وفينا وهم اسباب الشكوى؟

فلماذا يا ترى يحصل كل هذا؟؟



من قال ان اصحاب القرار قطرييييين وايد اماكن اصحاب القرار فيها مش قطرييين وتكون في مراكز حساسه جدا ...

الموضوع له جوانب عديده وتتفرع منه اشياء كثيره لايمكن حصرها في اصحاب القرار

[المقاول]

كل اللي قاعـــد يصير ...
خطط مدروســــة محبوكة مقصـــــودة مســـــتووردة لها اهداف بعيدة ....

وكل العــاملين عليها ماخذين اتعابهم ...

لا احـــــد يستغرب

[سهم نيشان]

1) مافي رقابة
2) مافي اعلام مستقل
3) الجرايد شغالة تطبيل وتخلي الي يقراها يحس ان عايش في الدولة الفاضلة
4) الشعب ما يعرف حقوقه
5) الشعب لو عرف حقوقه ما عنده طرق تسترد حقوقه
6) كثرة الأجانب وقلة المواطنين بشكل غير طبيعي تخلي أصحاب القرار يهمشون آراء المواطنين
7) تأثيرات خارجية وربما خطط

[الجني]

الجواب بسيط جداً


اتصل بمنجرة في دبي و إسأل عن سعر باب مرنتي بعرض متر واحد و بإرتفاع مترين

اتصل بمنجرة في الدمام و إسأل عن سعر باب مرنتي بعرض متر واحد و بإرتفاع مترين

اتصل بمنجرة في المنامة و إسأل عن سعر باب مرنتي بعرض متر واحد و بإرتفاع مترين

اتصل بمنجرة في الكويت و إسأل عن سعر باب مرنتي بعرض متر واحد و بإرتفاع مترين

اتصل بمنجرة في مسقط و إسأل عن سعر باب مرنتي بعرض متر واحد و بإرتفاع مترين

اتصل بمنجرة في الدوحة و إسأل عن سعر باب مرنتي بعرض متر واحد و بإرتفاع مترين

و انظر الى فرق الأسعار

و بعد ذلك إبحث عن سبب ارتفاع سعر الدوحة عن باقي المدن

و السبب هذا هو نفس السبب الذي تبحث عنه.

[أين الحل ؟]

السبب هو حســـــــــــــــــــــــــد القطــــــــــريين فيمــــا بينـــهم ؟

وتظاهر المسؤولين القطريين بحب المواظف القطري وأهميته الوطنية في تحقيق التقطير وهو أخرطي .

وفي داخل قلبه يقول متى يجينا موظف أجنبي عشان أمارس معه سياسة الأمر والطاعة لأسياده .

العن ما خلق ربي المواظف القطري إذا مسك منصب فيه سلطه والى ألعن منه الأجنبي .

لا حد يقول كلامك خطأ هذا من واقع الحقيقة وياريت لو تعملو أحصائية للمواظفين للتأكد من صحة كلامي

[قسماً]

الحقد ماكل قلبه ، ومصلحته فوق كل شي ومايحس باللي يحسه غيره
هو يطبق اللي يملونه عليه وبكل قوه عشان يثبت جدارته..... مبدأه >>انا ومن بعدي الطوفان:sneaky:

[R 7 A L]

الحســـــد

الله يدفع البلاء

[basma222]

اللي يده في النار غير اللي يده في الماء

الغني ما يحس بالفقير

اللى يشتكون الفقراء واللى ما يسمعون الاغنياء

[لطآم]

الله كريم

[احبك يابلد]

يكثر الحسد كل ما اتجهت شرقا"

[moonبنتnight]

أخي الكريم 00
مشكلة موجودة من زمان 00 وهذا تراكم سنين 00 الموطن ليس هو سبب الرئيسي في مشكلة 00 لكن المواطن كيف نفسة على وضع 00
مثل حين عندك ( غوري ) غلاية ماي حط فيها ماء وتركه فترة طويلة شي صير في غوري احترق لان ماء خلص 00
هي المواطن مورد دخلة من فترة سبعينات إلى ألفية ثانية ماهي زيادة لي خذها خلال هل سنوات طويلة هل سدت احتياجاته اليومية 00 اتجه إلى بنوك لان تسهيلات ومتيازات البنك أسهل بكثير 00 تقدر من شغلك طلع سلفيات تعينك على احتياجاتك 00 لاتقول خذوها يلعبون فيها أكثرهم ياخذها حق ( بيت وسيارة و يزوج اعيالة و يعدل بيته من ترميم أو يبني ملحق وغيرها ) حتى سلفة لي ياخذها حق سفرة ما تكون عن طريق البنك حلوها ( بأنه يسوون جمعية أو حطية ) 00 ويوم صار الازمة من آسياد إلى تضخم العالمي 00 أول ما تأثر مواطن 00 وشاكن رد هم لي جابوه حق نفسهم لانهم خذوا سلفيات لو حسبوها تعتبر تراكم فوائد سنين طويلة جداً وليس في وقت الراهن 00

تصدق لي بحل مشكلة بحلها بسهوله جداً 00

[احبك يابلد]

أخي الكريم 00
مشكلة موجودة من زمان 00 وهذا تراكم سنين 00 الموطن ليس هو سبب الرئيسي في مشكلة 00 لكن المواطن كيف نفسة على وضع 00
مثل حين عندك ( غوري ) غلاية ماي حط فيها ماء وتركه فترة طويلة شي صير في غوري احترق لان ماء خلص 00هي المواطن مورد دخلة من فترة سبعينات إلى ألفية ثانية ماهي زيادة لي خذها خلال هل سنوات طويلة هل سدت احتياجاته اليومية 00 اتجه إلى بنوك لان تسهيلات ومتيازات البنك أسهل بكثير 00 تقدر من شغلك طلع سلفيات تعينك على احتياجاتك 00 لاتقول خذوها يلعبون فيها أكثرهم ياخذها حق ( بيت وسيارة و يزوج اعيالة و يعدل بيته من ترميم أو يبني ملحق وغيرها ) حتى سلفة لي ياخذها حق سفرة ما تكون عن طريق البنك حلوها ( بأنه يسوون جمعية أو حطية ) 00 ويوم صار الازمة من آسياد إلى تضخم العالمي 00 أول ما تأثر مواطن 00 وشاكن رد هم لي جابوه حق نفسهم لانهم خذوا سلفيات لو حسبوها تعتبر تراكم فوائد سنين طويلة جداً وليس في وقت الراهن 00
تصدق لي بحل مشكلة بحلها بسهوله جداً 00

لا هذا تعمد واضح هههههه

[alkuwari4u]

من قال ان اصحاب القرار قطرييييين وايد اماكن اصحاب القرار فيها مش قطرييين وتكون في مراكز حساسه جدا ...

الموضوع له جوانب عديده وتتفرع منه اشياء كثيره لايمكن حصرها في اصحاب القرار

لا دايم القرار النهائي يكون لقطريين ,, صحيح ان في كثير اجانب في اماكن حساسه بس دايم بتحصل في واحد قطري فوقهم

انا اشوف ان احد اسباب هذي المشاكل تصديق الاجانب من قبل المسؤلين اللي فوق

[alkuwari4u]

الجواب بسيط جداً


اتصل بمنجرة في دبي و إسأل عن سعر باب مرنتي بعرض متر واحد و بإرتفاع مترين

اتصل بمنجرة في الدمام و إسأل عن سعر باب مرنتي بعرض متر واحد و بإرتفاع مترين

اتصل بمنجرة في المنامة و إسأل عن سعر باب مرنتي بعرض متر واحد و بإرتفاع مترين

اتصل بمنجرة في الكويت و إسأل عن سعر باب مرنتي بعرض متر واحد و بإرتفاع مترين

اتصل بمنجرة في مسقط و إسأل عن سعر باب مرنتي بعرض متر واحد و بإرتفاع مترين

اتصل بمنجرة في الدوحة و إسأل عن سعر باب مرنتي بعرض متر واحد و بإرتفاع مترين

و انظر الى فرق الأسعار

و بعد ذلك إبحث عن سبب ارتفاع سعر الدوحة عن باقي المدن

و السبب هذا هو نفس السبب الذي تبحث عنه.

السبب في الفرق في الاسعار مش غلطة التجار بس

ممكن ترجع حق الاسباب لين الاساس وانا الوم بصراحه وزارة التجارة والاقتصاد في الاساس والوم التجار بعد

بسبب عدم تخصص كمية اراضي كفاية فأن الاجارات صايرة نار ,, شوف ه1ي المنجرة في السعودية كم اجارهم وكم في قطر ,, شوف كم تكلفه سكن العمال ,, شوف تكلفة التراخيص التجارية
هذي الامور كلها تتراكم وفوق هاي التاجر يحط له نسبة ربح ضخمه ويبيع

كل اللي في الموضوع لو تقل التكلفه في الاساس كان بيتحسن الوضع بس المشكلة "ناس وناس" ماسكين هذي الامور وموقفينها عشان ما تنزلت "اجاراتهم"

[سهم احمر]

حكم القوي على الضعيف يا خووووي