استفسار :اول سفره لي ساعدوني ياهل الخبره المانيا

[Dissney]

السلام عليكم ورحمة الله وبركاته

هذا اول موضوع لي فالقسم واتمنى من اهل الخبره يساعدوني فيه

بعد قراءة مواضيع كثيره انعقدت النيه السفر لالمانيا بالتحديد فينا-زيلامسي-ميونخ

وابي طولة بال لو سمحتوا لانها اول سفره وانشالله مابتكون الاخيره

البدايه طبعا التذاكر شنو احسن مكتب احجز منه وعلى اي طيران تفضلون ابي طيران مريح وسعره معقول درجه سياحيه
السكن احنا بنكون شخصين يهمني موقع الفندق مب مهم مستوا الفندق يعني كم نجمه لان بيكون الفندق للنوم فقط وطول اليوم بنكون برا نستكشف الاماكن شنو تقترحون وياليت توافوني بالاسعار بعد فكل المناطق اللي ذكرتها
وعطوني رايكم انا قلت ليلتين فينا و3 ليالي زيلامسي و3ليالي ميونخ
طريقة المواصلات سواء تكاسي او قطارات وكم المده اللي نحتاجها والسعر اذا عندكم خبر فيه
واهم شيئين عندي ابي ملاهي روعه وابي افضل الاماكن للشوبنق طبعا واذكروا لي المناطق اللي تستاهل الزياره لها
وياليت تذكرون لي متوسط الميزانيه اللي بحتاجها انشالله فهالسفره من ناحية كل شي ماعدا الشوبنق

وشكرااا مقدما لكل اللي بيردون

[Dissney]

ونسيت اهم شي شنوو افضل شهور السنه للسفر لالمانيا ابي برااااااااااااااااااد لو سمحتوا ابي اشوف الثللللللج

[sweety]

اختي بالنسبة للملاهي روحي ملاهي اسمه يوروبابارك في مدينة rust الالمانية وبالنسبة للثلج في هذا الوقت من السنة وعلى مدار العام في سويسرا مدينة انترلاكن في قمة جبل شلتهون وفي قمة جبل top of Europe

[Class - Qtr]

مرحبا اخوي ,,

بااعطيك افضل الاماكن اللي تقدر تزورها في ميونخ اللي اعرفها

واكيد باقي الاخوان مراح يقصرون لان المدن القريبه من ميونخ

كثيرة اللي تبعد ساعه او ساعه ونص يعني الاختيارات راح تكون اكثر

المارينا بلاتز ( اتصور افضل مكان للسكن في ميونخ )

هذا اشهر شارع في ميونخ شارع كل التسوق شارع الكوفي شوب شارع كل شي وافضل

مكان للسكن في ميونخ

2 - كالرز بلاتز

شارع تسوق كبير وقريب من الاول في نفس مواصفات الشارع الاول

3 - ماكسلمين ستراشا

شارع لمحلات الماركات العالميه .. الخ

ملاحضه ,, تري الشوارع الثلاث كلها احذي بعض

..
.

القريه الاولمبيه في ميونخ

1 - حديقه كبيرة وفيها فعاليات كثيرة من العاب .. الخ

2 - ملعب ميونخ الولمبي

3 - شركه bmw

4 - مجمع الاولمبي للتسوق ( اسم ما اذكرة بصراحه )


..
.


متحف ميونخ اذا تحب زيارة هالاماكن

الحديقه الانجليزيه

سكاي بارك ( بعيدة شوي عن ميونخ ) 45 دقيقه بالسيارة اللي اذكرة

يورو بارك ( بعيدة شوي ) اتصور ساعه بالسيارة


فينا ,,

1 - ساحه ستفانز ( اشهر ساحه في فينا وافضل اختيار للسكن ) شارع المشاة

في شوارع ثانيه قريبه ( ماريا هلفر ) وفي ساحات قريبه منها مااذكر اسمهاا

ساحه فيها كل شي ( مقاهي - سوق - مجمعات ... الخ )

2 - حديقه وبرج ونهر ومقاهي الدنوب

3 - ملاهي بارتر .. يذكرني بااسم رئيس عصابه الاتحاد الدولي لكرة القدم ( بلاتر )

4 - قصر الشانبرون

5 - محمع الكارفور - الستي سنتر

ملاحضه ,, في مناطق برع فينا جدا جميله لكن مااذكر اسامي هالمناطق


زلامسي ,,

مريت عليها يوم كامل اللي اذكرة

1 - بحيرة

2 - جبل الكابرون


في سالسبورغ احذي زلامسي تستحق الزيارة وفي مناطق المانيه احذي زلامسي تستحق الزيارة


النقطه الاخيرة ,,

القيادة في اوربا متعه مختلفه واللي مايدل ولا يعرف في القارمن ( مايقصر ) ورحله موفقه


اكيد اني نسيت اشياء كثيرة ,, اتمني اني ردت شوي على استفسارك

[we-r-sawa]

ونسيت اهم شي شنوو افضل شهور السنه للسفر لالمانيا ابي برااااااااااااااااااد لو سمحتوا ابي اشوف الثللللللج

في مدينة صغيرة اسمها كارمش تبعد حوالي ساعة الى ساعة ونص بالقطار عن ميونخ وكلها ثلوج في الصيف سبحان الله!!وتركبون بالتلفريك لمنطقة مرتفعة فيها استراحات ومطعم وتشوفون كيف الثلوج تنزل(Snow) بسرعة 60 كيلو/ساعة وتنزلون منها بقطار داخل الجبل وفعلا روعة ومايتفوت!!

[d522]

ماشاءالله ما قصرت أخوي

[Eyeliner]

قارمش في الصيف مو بارده وماتنزل ثلج ممكن تمطر اكثر والبراد مب وايد تبي البرد الصجي اختار وقت غير مثل بدايه السنه