نبني مدن تعليمية بالخارج .. ويحاسب الفقير على الكتب في مدارسنا .. بل ويمنع من التعليم

[القطرية1]

كل يوم يطلع لنا خبر عن حجم التبرعات للخارج
كانت بالملايين والحين بالمليارات
مو بس لبناء المدارس ولا الجامعات بل المدن التعليمية
وباب النجار مخلع

وصلني ان احدى مدارس الدوحة ( بمنطقة نجمة )
منعت تسليم الشهادات للطالبات بسبب عدم مقدرتهم على دفع رسوم الكتب والباصات لحد الحين . .
سنوات ونحن المدرسات نتبرع لطالبات مدرستنا ..وهذا يحصل في معظم مدارسنا .. وفي النهاية كاننا نتبرع للحكومة .


واعرف انا شخصيا عائلة ( عندها وثيقة قطرية )واطفالها (10 ـ8 ـ 7 سنوات) حرموا من التعليم ، بسبب ان ابوهم عاطل عن العمل ، ( وما ذنب الاطفال ليحرموا؟ ).

نتبرع لبناء التعليم في الخارج .. وعندنا يجبر الفقير على دفع رسوم للتعليم

ممكن ياقطريين تفسروا لي هذا التناقض

[Dawn]

ايه وايد صارت ان المدرسات القطريات يدفعون للطلاب المحتاجين سواء باصات او كتب اوغيره ..

مادري شقول صراحه بس اللي اعرفه ان التعليم عندنا ما عاد مجاني مثل قبل ..

[PP]

؟؟؟ غريبة والله ,, ولا كأنكم عايشين بالبلد !!

تكاليف المدرسة ,, الباصات ,, الكتب كلها مكفوله للقطريين ,, غني ولا فقير ولا منتف !
وبالعكس ,, المساعدات الاجتماعية " المعاش " موجودة للقطريين الي ولي امره يستلم اقل من 10000 الاف اعتقد

[Dawn]

؟؟؟ غريبة والله ,, !! ولا كأنكم عايشين بالبلد

تكاليف المدرسة ,, الباصات ,, الكتب كلها مكفوله للقطريين ,, غني ولا فقير ولا منتف !
وبالعكس ,, المساعدات الاجتماعية " المعاش " موجودة للقطريين الي ولي امره يستلم اقل من 10000 الاف اعتقد

الله اكبر ( ولا كأنكم عايشين بالبلد ) خير يا بنك بانثر ... ترا انا في المستقلات من سنين ولفيت اكثر من مدرسه واقدر احكم اكثر منك من خلال تجربه وليس من سمع كمن رأى

خلنا نفترض ان القطريين كل شي لهم مجاني ولو انه هالشي غير صحيح

طيب المقيمين الفقارى زين هل مواصلاتهم مجانيه ؟؟؟ هل كتبهم مجانيه ؟؟؟ هل وجباتهم مجانيه ؟؟ ليش التبرعات للدول برع والمقيمين عندنا بعضهم حالتهم حاله ؟

اما عن القطريين مساكين بعض العائلات صعب حتى انهم يوفرون ادوات قرطاسيه لعيالهم ... وعلى فكره فيه مهرجانات ومعارض تكلف اهل الطالب وايد ( لا تقول لي انها غير اجباريه تعال مدارس البنات وبتعرف ان البنت تنحرج انها ما تشتري شي من المعرض او المهرجان وتعال شوف الاسعار حسبي الله ونعم الوكيل في بعض صاحبات التراخيص ) ..

نفس الشي الكافتيريا ياما شفت طلاب ما يكفيهم المصروف والحمدلله ان فيه مدرسات قطريات في المدارس والا كان ولا حد مد يد العون والمساعده لهم من المدرسات الاجانب :(

وفيه تأمين للكتب واحسب عاد كم كتاب بيدفع له الطالب تخيل لو ابوه عنده 4 او 5 غيره وهو راتبه ضعيف ..

هذا غير الطلبات الخاصه ملفات والات حاسبه والوان والخ الخ الخ هذي ترا ما توزع مجانا .. وعادة الطالب يشتري لاحتياجات قروب كامل عند ( المدرسات الاجانب ) اما لقطريات فديتهم والله انهم ما يطلبون كثر الاجنبيات وكل شي يجيبونه من رواتبهم المتواضعه جدا ..

ياخي شكلك نايم في العسل وشكلك انت اللي مهب عايش في البلد ... روح اطلع من القوقعه اللي عايش فيها وشوف الدنيا شلون صايره وبعدين تعال علق على هالموضوع .. :omen2:

[بوخالد88]

والله المفروض يهتموون اول باللي موجودين داخل البلاد وعقب اللي برع لانه برع راح تخلص
الفلوس وماراح يخصلون ومن غيررر فايدة .

الله يرحم ايام الوزارة.

[بصمة قطرية]

مساكين والله ..
اذا احنا هلكنا من الطلبات اللي ما تخلص للمدارس المستقلة ..
شلون هالفقارة المساكين اللي في منهم عايشين على مساعدات الجمعيات الخيرية ..
وفي بعضهم ما عندهم حد يساعدهم ..
والله حراااام اللي في البلد أولى بهالمساعدات ..
وما اعتقد انهم راح يكلفون كثير ..
على الأقل خلوا مجانية التعليم للجميع ..

[R 7 A L]

دائماً تصلهم من ( البطانه ) ان الى داخل بخير ونعمة

[الراقيه سبشل]

هالكلام المفروض يتوجه لهيئات التعليم وللجمعيات الخيريه

يعني هي بس مسمى ان دولة قطر بنت مدرسة بالخارج ! او كفلنا طالب علم بالدولة الفلانيه !

امرهم غريب والله

[شيزكيك]

الي اعرفه ان المقيمين يدفعون حق الكتب والباص من ايام الوزارة واستمر هالشي لحد المدارس المستقلة

[Dawn]

الي اعرفه ان المقيمين يدفعون حق الكتب والباص من ايام الوزارة واستمر هالشي لحد المدارس المستقلة

نعم كلامج صحيح ،،، لكن مع التبرعات هذي اللي بالمليارات لدول عربيه ليش ما احط جزء بسيط واعدل الوضع للي موجودين عندي من نفس هذي الدول ..... وبعدين اختي هل تقارنين انشطة الوزاره اللي كانت تقتصر على حفله او حفلتين بالسنه + نشاط الاذاعه الصباحيه بأنشطة المستقلات اللي كل يوم نشاط شكل وكل نشاط لازم فيه بيع ( اللي قاطع قلوب بعض صاحبات التراخيص ) والا جيبي بدله لونها كذا وجيبي شباصه لونها كذا :omen2: وجيبي همستر وجيبي قطوه :omen2: لا اختي والله فرق كبير صراحه .. وبعدين الادوات والخامات اكثر بكثير في المستقلات لان اغلب المواد في المدارس المستقله تعتمد على عمل مشاريع ..

في النهايه المدرسات اهما اللي يرجعون يغطون هالتكاليف.. يعني فعلا مثل ماقالت صاحبة الموضوع ان المدرسات صاروا يصرفون على الحكومه بطريقه او بأخرى .. مع ان رواتبهم اصلا تعبانه ... الله يعينهم يارب ويجزاهم كل خير ..

[القطرية1]

هالكلام المفروض يتوجه لهيئات التعليم وللجمعيات الخيريه

امرهم غريب والله

ايش دخل الجمعيات الخيرية ، اتسدد للحكومة

أنا قصدت بالموضوع رسوم الكتب والباصات
اللي يرجع دخلها للحكومة واللي بنفس الوقت تصرف المليارات على التبرعات التعليمية فقط ليقولوا قطر تبرعت .
خلوا طلبات المدرسات على صوب ورجاء لا اتغيرون الموضوع
قصدي طلبات الحكومة وبس وحرمان التعليم لأطفال عايشين على ارضنا