هل تعتقد ان صيامك صحيح ؟ - | المسلسلات و الصيام |

[PP]

بسم الله الرحمن الرحيم
السلام عليكم ورحمة الله وبركاته

مثل ما عودناكم بـ بعض المواضيع النقاشية المسببه للجدل احياناَ

في البداية , انا مب مفتي , ولا شيخ , مجرد اخ صغير ^_^

هل حقاَ صيامنا صحيح ؟؟
خلونا نشوف برنامجنا العادي في ايام السنة

" صلاة ,, مسلسلات ,, افلام ,, اغاني ,, سوالف ,, حش ,, كذب ,, سب ,,الخ "
في رمضان
" صلاة ,, قرآن ,, مسلسلات ,, سوالف "

الحين ابي اركز على شي مهم جداَ
وهو مشترك في كل المجموعتين ,, مب السوالف
المسلسلات

المسلسلات , فيها اغاني ,, و تبرج ,, عري !

ايش الاختلاف بين رمضان و الايام العادية الحين ؟

القصد ,, ان فيه اشياء كثيرة نقدر نسويها في رمضان و نكون مرتاحين بأن صيامنا صحيح
قراءة كتب في الظهر ,, في الليل رياضة " كرة قدم , طائرة ,, الخ "

الغاية من الموضوع : هل بنظرك ان صيامك صحيح بمشاهدتك للمسلسلات في نهار رمضان ؟

[R 7 A L]

العلم عند الله

الواحد يبتعد ويخلص بالعمل والعبادة والطاعة

[الخيالة]

مثل ماقلت في بعض المسلسلات فيها التبرج وأغاني وووو....

الأحسن ان الانسان في هالشهر مايشوف هالمسلسلات
يعبد ربه يصلي يقرأ قران والأدعية أحسن ع الأقل في هالشهر
وهالمسلسلات بيعيدونهم عقب الف مره اذا في خاطرهم يشوفون يشوفونه عقب مب في شهر الفضيل
وانا عن نفسي ماشوف أحاول أتقرب من ربي أكثر في هالشهر
*

[فيزيائية]

مدام المسلسلات بتنعاد على طول في شوال ليش اجرح صيامي بشوفتها واضيع رمضان ...؟؟
عالعموم انا اقدر اقول لنفسي بس لاتشوفين وقفي ....
بس عيالنا اللي والله مانغفل عنهم لحظة الا تفرفر من مسلسل لين الثاني
وحفظ للادوار والقصة واسماء الممثلين كلهم بكل المسلسلات ...
انا لما شفت انه ولابد قلت فقط اختاروا واحد ويكون مافيه مسخرة عائلي او كوميدي....
الله يصلحنا والمسلمين ....

[sara jsm]

الافضل الابتعاد ,,
والله هالساعات اللي يقضونها على المسلسلات الاحسن انهم يتعبدون فيها ,,
محد ضامن يعيش رمضان كل سنة ,,
الله يتقبل منا جميعا ,,

[المليونير]

الله يقدرنا على عبادته بالشكل الصحيح


كلها ايام معدوده الله يكتب لنا فيها الاجر

[الدمعه]

يعطيك العافيه عالموضوع ..

للاسف هاي اللي حاصل ..

مع اني مااشوف المسلسلات الا اذا كنت في المطبخ ..

بس احسهم وايد ..

واليهال ماشاء الله عليهم ..

نسويلهم جدول قرائة القران .. والمسابقه الدينيه ..عباره عن اسئله دينيه نسويها

كل رمضان للصغار والكبار .. نحاول نخليهم يبحثون عن الاجوبه في الكتب اللي

تارسه المكتبه ومايقرونها ..

ومع ذلك تلاقيهم حافظين المسلسلات واوقاتهم واسامي كل الممثلين :eek5:

[mask53]

انا عندي سؤال واحد وبسسسس اشمعنى المسلسلات اكثر شي تجي بشهر رمضان عن غيره من الشهور واللي قاهرني ان هالمسلسلات اكثرها تعري ولو ركزتوا شوي راح تلاحظوا ان المسلسل اللي برمضان يختلف عن المسلسل في الاشهر اللي قبل رمضان!!!!!!

[intesar]

أنا أشوف لو الواحد يقدر يهد المسلسلات برمضان وبعد رمضان يكون أفضل ..

[مملوحة الفال]

الله يصد قلوبنا عن مايشغلنا عن طاعته وعبادته والمسلسلات غير هادفة

كلها نفس القصص تنعاد مع تغيير في ابطال كل مسلسل والثاني

[نورالهدى]

بصراحه مع إحترامي الشديد للجميع

المسلسلات في رمضان وغيره لا أكترث لها أو أتابعها
يجب على الفرد منا أن يقوم سلوكه للأفضل
وليكن شهر رمضان بداية تقويم السلوك
لاضرر إن كان مسلسل ديني أو محاضرة دينية
كل مايخدم ديننا الإسلامي للإرتقاء للأفضل

وشكرا لطرح الموضوع
لعله يكن خيرا لتنبيه فئة من البشر غفلوا عن ذلك