الامارات :: استفسار بالاماكن الي تستحق الزيارة

[عاشق الشهادة]

السلام عليكم



انا اتذكر آخر مره زرت فيها دولــة الامارات من 16 سنة :rolleyes2:
وناوي ان شاء الله ازورها خلال الايام القادمة ,
والمطلوب اخواني خواتي الاماكن الي تستحق الزيارة هناك :(


1- مثل السكن المناسب والبعيد عن الازعاج

2- الاماكن السياحية التي تستحق الزيارة

3- اماكن بيع الكمبيوترات ولوازمها

4- المطاعم الشعبية

واي خدمه من هناك انا حاضر وبالشوفه .

[بوخالد2]

مرحبا ياعاشق

عندك الله يسلمك ( اتلنتس )
عندك عالم فراري
عندك عرض الدلافين
عندك الباص العجيب
عندك الثلج
هذا كله لليهال

اما انت
منتجعات الفجيره او العين

المطاعم ( الركن البحري )

المركب البحري ( سي فود )

قريه خور دبي

[عاشق الشهادة]

مرحبا ياعاشق

عندك الله يسلمك ( اتلنتس )
عندك عالم فراري
عندك عرض الدلافين
عندك الباص العجيب
عندك الثلج
هذا كله لليهال

اما انت
منتجعات الفجيره او العين








هههههههههههههههههههههههههه:nice:
هذا المطلوب منتجعات الفجيره لانها اقرب بالنسبة لي من منتجعات العين :nice:

الله يرحم والديك يـ بوخالد2 وماقصرت يالذيب

[eXpert*]

أنا مر علي مثل موقفك ،، أستأجرت ليموزين من الفندق و ركبت في الكرسيّ الخلفيّ ،، وقلت له دور فيني في كل مكان كل شارع ،، و أي شئ يلفت أنتباهي أوقفه و أنزل ويتم ينطرني لين أخلص .

الحلو بهذه الطريقة راح تشوف أشياء ما كنت تقدر تشوفها وأنت تسوق .

وحاول تّشوف لك سيارة من اللي يكون سقفها زجاج بالكامل (مرسيدس S-Class بانوراما ،، أو لكزس صالون ES) بتدعيلي من كثر المناظر اللي بتشوفها من سقف السيارة .

حتي المطاعم أقول له نوع الأكل مشتهيه وهو يوديني مطاعم حلوة بس مب متعارف عليها .

الليموزين ريحني وايد لما أشتري أغراض كثيرة ،، أعطيه أياها يوصلها الفندق للأستقبال ويرجع لي أكون جهزت لك دفعة ثانية من المشتريات .



بالتوفيق يالغالي .

[عاشق الشهادة]

أنا مر علي مثل موقفك ،، أستأجرت ليموزين من الفندق و ركبت في الكرسيّ الخلفيّ ،، وقلت له دور فيني في كل مكان كل شارع ،، و أي شئ يلفت أنتباهي أوقفه و أنزل ويتم ينطرني لين أخلص .

الحلو بهذه الطريقة راح تشوف أشياء ما كنت تقدر تشوفها وأنت تسوق .

وحاول تّشوف لك سيارة من اللي يكون سقفها زجاج بالكامل (مرسيدس s-class بانوراما ،، أو لكزس صالون es) بتدعيلي من كثر المناظر اللي بتشوفها من سقف السيارة .

حتي المطاعم أقول له نوع الأكل مشتهيه وهو يوديني مطاعم حلوة بس مب متعارف عليها .

الليموزين ريحني وايد لما أشتري أغراض كثيرة ،، أعطيه أياها يوصلها الفندق للأستقبال ويرجع لي أكون جهزت لك دفعة ثانية من المشتريات .



بالتوفيق يالغالي .








كفيييت ووفييت يالغالي ورحم الله والديك وماقصرت على هذا التوضيح :)

[.Q a T a R.]

تروح وترجع بالسلامه يابو محمد

3- اماكن بيع الكمبيوترات ولوازمها

عندك مجمع كامل في شارع اسمه خالد ابن الوليد في بر دبي بعد البرجمان

[لمعة الالماس]

دبي

عندك اكبر مجمع تجاري في الشرق الاوسط اسمه دبي مول كل شي فيه

ومن خلال المجمع تقدر تركب برج خليفة والمنظر حلو هناك

وكذلك تقدر تشوف النافورة الراقصة في دبي مول

[لمعة الالماس]

وبالنسبة للسكن منطقة البرشا وايد هادية وكل الفنادق اللي فيها جديدة لانها منطقة جديدة

منطقة البرشا تكون اول ما تدخل دبي جنب مول الامارات

[حقيقه]

الامارات حلاتها في لشتا
لانها الصراحه مب شيء في الصيف حررررررر

بس ان شاءالله تستمتع بالرحله

[Amigo]

كسكن مالك الا اتلانتس خذ الباكج كامل الي عندهم الي يشمل الغرفه ودخول كل شي في الفندق مجانا (عن تجربه)

واذا تدور مكان ارخص ومرتب عندك الممشى نفس اللؤلؤه عندنا مطاعم وفنادق وتمشايه

الاماكن الي لازم تزورها اذا معاك صغاريه = صغار
(مدينة مدهش صوب مطار دبي - دبي سكي في امارات مول - كيدزينا في دبي مول انصحك به بقوه حق الصغار - سيجا ريبابلك في دبي مول - اكواريوم في دبي مول وفي محل حلويات قدام الاكواريوم ماانصحك فيه لانك لو دخلت ماراح تطلع منه - بن بطوطه مول - عالم فراري - السوق الصيني)

وترجع بالسلامه يالغالي

[تحداني]

سفره سعيده ان شاء الله وغداك ان شاء الله في بيت الوالد في دبي
وبعدها راح ياخذونك الشباب عندنا لكل داعوس في دبي .. وراح يودونك ..

دبي مول .. روعه وايد وايد وايد كل المحلات الي تخطر على بالك والالعاب للاعيال وايد حلوه والمطاعم ألذ وكل انواع الابس كريم والحلويات والبقلاوه والحلويات واحواض السمك وخذهم لمحل m&m راح يستمتعون وعندهم محلات ما تنوصف واهم شي الكوفي شوبات اذا كنت من عشاقها .. وبعدها طلعهم على ..

برج خليفه .. التذاكر لازم يحجزها قبلها ابفتره .. التجربه عاديه ما تستحق الصراحه الزياره
بس تركب لفت ويطلعك على على البرج كل ثانيه ابطابق الين ما توصل السطح وبعدها اتشوف دبي من فوق يعني شي عادي

قبل برج خليفه في الساحه .. " النافوره الراقصه " عرض بحري عادي


بجانب دبي مول احلى الفنادق واجملها

بعدها راح ياخذونك " الوافي "
هذا المجمع محلاته وايد راقيه وعندهم محلات عود وعطورات وايد حلوه
يغاب عليها طابع الماركات اكثر وغالي اشوي
عندهم كوفي شوبات حلوه
وعندهم مطعم وافي غورميه مب وايد حلو بس ما اعرف ليش الناس يروحون له


بعدها بتروح ان شاء الله ابن بطوطه
هو مجمع حلو .. فيه العاب .. محلاته عاديه .. عندهم محلات تحف وايد اذا حضرتك من عشاق التحف

برج العرب يستحق الدهول والمشاهده
اتلانتس خيال
معظم الفنادق في شارع زايد حلوه

الممشى فضيه في جميرا
الشاليهات وايد حلوه

عندك حدائق مائيه وايد حلوه
وندر لاند
وايلد وادي


بيت عبد الله بالخير القي عليه نظره خارجيه
جزيره النخيل وايد وايد حلوه

عالم فراري في بوظبي " وااااااااايد حلو "

عندك حديقه مائيه في ام القوين
حفيت وحتا وايد حلوه
جبل علي انصحك تزورها


السيتي سنتر عندهم محل حلو اسمه " نيولوك " حث الاثياب للبنات
برجمان عندهم لبس اطفال حلوه
حمر عين ما انصحك تزوره
الغرير عندهم مواعين حلوه
صحارى مجمع لطيف
مدينه مدهش .. وايد حلوه

انصحك تزور مسجد الشيخ زايد
السوق الصيني خيال
الشارقه الجامعه الامريكيه فضيعه :)


وايد وايد اماكن حلوه


راح تستمتع .. بس عيبها حاره هالفتره
وحلاتها بالربيع


جملك الله برضاه

[شيط ويط]

روح صوب كاسر الامواج فيه شجرة مناك انا دافن تحتها (حب قديم) هالكلام سنة 1996 اذا ما خاب ظني .. ههههه

[: بوحمود :]

دبي مايكفيك الاستفسار عن الاماكن الا اذا شفت بعينك واذا ماتدل خذ لك ليموزين نفس ماقال احد الاخوان

ماشاء الله مافيه شي مايعرفونه بس بالمختصر المفيييييد انشاء الله انك بتستانس في دبي والكلام فيها شوي

ولا تنسى خذ لك لفه في متحف دبي ترى شي وبيعجبك

[أسد الجزيرة]

روح الاكواريم في الامارات مول يستاهل و سعره 50 درهم اسماك و زواحف و حشرات
الاسكاتنغ في دبي مول
روح عروض الدلافين في حديقة ناسي اسمها بس العروض في الصبح التذكرة في اي بي 120 درهم
الممشى العصر

[naklan]

هلا اخوي الغالي بومحمد عاشق الشهادة
الصراحة الشباب ما قصرو بس لي اضافات بسيطة وممكن تكون
فيها نوع من الوقاية اذا انت مسافر في سيارة فيه مشكلة في البترول
او ازمة نقص بترول فية 82 محطة الى اليوم لا تعمل لشركة اينوك خذ حذرك للتزود
بالبترول اول باول وثاني شي من اول محطة بترول قبل دبي ركب سالك على جامة السيارة
للدفع في بوابات التعرفة الجمركية لن التعرفة 4 دراهم لكل عبور واذا ما ركبت مخالفة
وعبرت 150 درهم فخذ احتياطك للموضوع حتى لا تخسر في الغرامات :telephone:

ثاني شي اذا كنت تحب الطبيعة والجبال انصحك تزور المناطق الجنوبية الفجيرة وخور فكان
الى دبا ودبا الحصن الى مسافي وكلهم على خط واحد والمشوار حوالي ساعة وربع تقريباً
للطريق المنطقة جميلة جبال وبحر واماكن جريان السيول وحلوة للتصوير :victory:
وللصول للمنطقة تطلع كانك رايح مطار الشارقه وبعدة اللوحات الارشادية بتدلك


ثالثا تقدر تدخل للجزء العماني كمزار من راس الخيمة وتخرج من المركز الحدودي
وتتمشى في روس الجبال الشاهقة وتشوف جمال البحر عندما يعانق الجبل :nice:
منطقة تستحق الزيارة والمشوار كلة ساعتين للطريق و نص يوم يكفيك
للفرجة والسياحة والاستمتاع بمكان جميل :victory:

وهالمشواريين الخارجيين ارشحهم لك الفجيرة وتوابعها ومنطقة كمزار
روح تفرج وادعيلي لانك بتستانس حدك :nice:

تحياتي اخوي عاشق وارجو ان اكون قدمت ما ينفع ويسهل زيارتك
اخوك /naklan

[Bu_Ahmed]

وين بالضبط بالامارات بتسكن

دبي ( انصح في فندق اتلانتس والزيارات وايلد وادي وبرج دبي ودبي مارينا والمولات وديزرت سفاري لايطوفك )
ابوظبي ( عالم فراري راح تستمتع والزيارات عالم فراري وياس سيركت وكثير من الاماكن )
الشارجه ذات معالم اسلاميه
عجمان والحياه تهرب مالك الا الكورنيش
ام القيوين زيارتك دريم لاند وفندق بالما بيتشوفي محل ينصحون به يسوي لك طبخات بحريه ممتازه
راس الخيمه الفنادق هيلتون راك او فندق الجزيره الحمرا والزيارات عندك ايسلاند وفيها مناطق جبليه ممتازه )
الفجيره ( وايد اما كن بترتاح لها للاستجمام فقط ومغامرات جبليه )

وتقبل مرورى
بواحمد

[al saad]

الشيخ انا توني راجع من دبي وسكنت في فندق موفمبيك ديره قريب من حمر عين والفندق روعه من الخدمه والاكل والغرف ب330 ريال والفندق 5 نجوم والفندق جديد