عالجوا انفسهم .... وطلبوا العلم بانفسهم ... لم يتذمروا من الدنيا ... ولم يطروا

[البدع]

من كتاب من (الغني الى الفقر - قصة ابوظبي):

- الرجال كانوا يركبون البحر ليصيدوا اللؤلؤ من مايو الى سبتمبر, والنساء والاطفال والبقية كانوا يفرون الى الصحراء بسبب الرطوبة والحراراة العالية.

- لايبقى في المدن الا 5% من اهلها بالصيف بسبب سفر الاغلبية ونقص الشديد للماء.

- السفر ياخذ ايام في الصيف وكان العجائز يموتون بالجملة خلال السفر, ويتم دفنهم حيثما ماتوا.

- في الشتاء يعودون للمدينة, وكان اهل البيت ينامون جميعهم مع بعض في زاوية واحدة طلبا للدجفء

- المراة كانت تعمل ايضا في الماضي بسبب الفقر, كانت تبيع محصول الصيد من السمك وتنقل المياه من الابار البعيدة للمنزل.

- كانت بعض النساء تتسلق الشجر لاحصار التمر

- بعضهن يجمع الحطب من الصحراء وكانت عملية شاقة جدا.

- كان الرفاهية في ذلك الزمان هي امتلاك حمار

- كان النساء يرضعن اطفال بعضهن البعض ولهذا يكثر اخوان الرضاة في ذلك الزمن.

- اكل السمك لم يكن مكروه في المساء كما يظن البعض , ولكن لانه كان يفسد بسرعة بيتم تناوله على الغداء ولم يكن يتناول على العشاء

- كان الجيران يجمعون الطعام في مكان واحد وياكلون مع بعض لقلة الطعام.

نسبة الامية 98% ... و والباقي يقراون القران فقط وقد كان الكتاب الوحيد.

امراض العيون هي التي كانت منتشرة واول مشتشفى فتح عام 1967

- الولادات تم تسجيلها رسميا في عام 1960, وقبل ذلك كان يتم تخمينها

[ام ناصر1]

عجبتني فقرة العشا ما كان سمج ....بس اذا فيه معلومات عن العشا ياليت تحطها لنا

الله يرحم ابائنا ويجعل مثواهم الجنة عانوا كثيرا وطويلا ، والحمد لله الي رحمنا برحمته
وعطانا من فضله وكرمه ...

[Bo jassim]

يعطيك العافيه

موضوع حق الي يتذمر وايد

[بوخالد88]

يعطيك العافية

بالتووووفيق

[البدع]

عجبتني فقرة العشا ما كان سمج ....بس اذا فيه معلومات عن العشا ياليت تحطها لنا

الله يرحم ابائنا ويجعل مثواهم الجنة عانوا كثيرا وطويلا ، والحمد لله الي رحمنا برحمته
وعطانا من فضله وكرمه ...

نفس الشيء

المعلومة عجبتني

والكتاب حتى الان خالي من ذكر الطعام باستثناء (سمك - تمر من البصرة - لبن ... )

ماكان عندهم شيء يذكر

كان هناك ذك لللحم ولكن بشكل مقتضب جدا

كانوا مثل المصريين ... مب اي شخص ياكل لحم

كان هناك ذكر للرمان ولكن بشكل مقتضب

[البدع]

يعطيك العافيه

موضوع حق الي يتذمر وايد

يعطيك العافية

هو موضوع ايضا فيه حث على القراءة

وحث على حمد الله على النعمة

وايضا مثل ماقلت ... للي يتذمرون

ويامكثرهم

[الدمعه]

الله يرحمهم ويجعل مثواهم الجنه..

جدتي الله يرحمها كانت دوم تسولف لنا عن حياتهم شلون كانت ..

وان كل شي احين متوفر لنا وكله تعبانين ومتمللين ومب عاجبنا شي ..

سولفت لنا ايام ماكانت عايشه في خيمه ويدخل المطر عليهم ..من كل صوب وكان

ابوهم رايح الغوص وماعندهم من يساعدهم من الرياييل ..

ويتنقلون من الخور لين ذخيره ..

واهم شي الحماره كرمكم الله .. اللي ينقلون الماي والحطب عليها ..

احس ايامهم كانت شاقه وممتعه في نفس الوقت ..

وياكلون عيش ولبن على العشا .. والسحور بعد ..

[البدع]

يعطيك العافية

بالتووووفيق

تسلم اخوي

يعطيك العافية

[البدع]

الله يرحمهم ويجعل مثواهم الجنه..

جدتي الله يرحمها كانت دوم تسولف لنا عن حياتهم شلون كانت ..

وان كل شي احين متوفر لنا وكله تعبانين ومتمللين ومب عاجبنا شي ..
سولفت لنا ايام ماكانت عايشه في خيمه ويدخل المطر عليهم ..من كل صوب وكان

ابوهم رايح الغوص وماعندهم من يساعدهم من الرياييل ..

ويتنقلون من الخور لين ذخيره ..

واهم شي الحماره كرمكم الله .. اللي ينقلون الماي والحطب عليها ..

احس ايامهم كانت شاقه وممتعه في نفس الوقت ..

وياكلون عيش ولبن على العشا .. والسحور بعد ..

تسلمين على الاضافات

ياليت تكملين كلامك

ممكن تفاصيل اكثر

انا الصراحة كنت اتذمر ... واتشائم كثير

ومب عاجبني شيء

بس مع كثرة السفر وقراءة الكتب ... تغيرت افكاري

وصرت افضل العمل والبحث على التذمر الماصخ الي انتشر في مجتمعنا

[الدمعه]

تسلمين على الاضافات

ياليت تكملين كلامك

ممكن تفاصيل اكثر

انا الصراحة كنت اتذمر ... واتشائم كثير

ومب عاجبني شيء

بس مع كثرة السفر وقراءة الكتب ... تغيرت افكاري

وصرت افضل العمل والبحث على التذمر الماصخ الي انتشر في مجتمعنا



1- الشغل في البيت .. احنا صغار في الابتدائي وجدتي تبينا نحلب الغنم ونطبخ

ونخم الحوش :eek3: عاد الحوش كان صبان تعطينا العسو والمخمه الخوص

وتقول يله خمو الليوان والحوش ولقطو اوراق الشجر .. :anger1:

بس اللحين اشكرها واشكر امي اللي علمتنا نعتمد على روحنا .. صج الخدامه

موجوده بس ماتدير هي البيت ..

2- كانت لين صادو السمج تقعد طول الليل تشق بطنه وتملحه عشان مايخيس ..

واي نوع من السمج مش مهم المهم شي ياكلونه في اليوم الثاني ..

واحنا السمج يجيننا منظف وجاهز ومايعجبنا ..

وفي اشياء وااايد ..بس مادري هل تقصدين هاللاشياء والا سؤالج كان غير وانا

من النوده جاوبت غير ..:shy:

الحمدلله على كل حال ..

احب المواضيع اللي تذكرنا بسوالف اجدادنا

[chillis]

الحمدلله ان عايشين بنعمه اول كانت عيشتهم وايد صعبه ومتحملين ومستانسين نسبه الاميه كبيره بس قلبهم صافيه ونسبة المتعلمين الحين وصلوا فوق ال ٨٠ ٪ وقلوبهم سوده. البعض منهم طبعا

[علاء الدين 1]

الحمدلله ان عايشين بنعمه اول كانت عيشتهم وايد صعبه ومتحملين ومستانسين نسبه الاميه كبيره بس قلبهم صافيه ونسبة المتعلمين الحين وصلوا فوق ال ٨٠ ٪ وقلوبهم سوده. البعض منهم طبعا

أجدادنا وآبائنا عاشوا زمانهم بحلاوته ومرارته
و كانت قلوبهم على بعض , وكانت صافية ما فيها غل وحقد على بعض .
الله يرحم زمانهم بحلاوته ومرارته