سأتزوج بدون حفلة عرس

[كيلو حديد]

هكذا قررت بكل بساطة

رضوخ مهين يفعله رجال اليوم ، رضوخ للعادات القبيحة التي أنتشرت في البلاد
عادة الفشخرة والصرف الفاضي على حفلة عرس ليس لها قيمة حقيقية سوى في
المسلسلات المصرية ، وتحدي أحمق بين الفتيات كل وحده تريد عرسها أجمل من
صاحبتها أو منافستها ، وهبل في التنقيط لا يفعلونه حتى في التصدق على الفقراء
زبو وفشخره وكلام فاضي .
أصبحت الفتاة تفكر في العرس والصالة والكوشة والبوفيه وتصميم الصالة أكثر
مما تفكر في زوجها وزواجها وحياتها ومستبقلها .

تفاهة تمارسها الفتيات ويرضخ لها ضعاف الرجال حتى صار المهر يكسر ظهر
الشاب ويتدين عشان عرس غبي تافه ما يسوى .

الله يرحم كان العرس بالحوش والكل راضي ، بس شنسوي مع البقر اللي يقلدون
ويتمظهرون وصارت حياتهم مالها قيمة إلا بالتبذير وتعقيد الحياة على الأجيال القادمه .

حفلة صغيرة في البيت بين العائلتين وأقرب الأقربين فقط .
والفلوس الي كنا بنصرفها على الكلام الفاضي بنصرفها على أنفسنا ومستقبلنا ،
أبرك صح .


ومن يحبني يفرح لي بزواجي
واللي مب عاجبه يشرب من الخليج .

[بوخالد88]

الف الف الف مبروك اخوي وعقبال الذرية الصالحة وزين ماسويت والله

لانه العرس مهم دفعت فيه والله ماراح يبين في عيون الحرررريم حتي لو تسويه في القمر

بعد بيتكلمووون بيقولون بال بعيد.

انت واهلك اولا بالفلوس اللي بتنصرف علي كم ساعة والله حررررام عليهم.

الله يبارك لكم

بالتوووفيق

[khaleeji]

الف مبروك ياخوي وان شاء الله تصبر قدوه للشباب

لاتكون انت الي جيناك امس :secret:

ويجب ان يفرض الرجل ذلك في بداية الخطوبه فوالله ثم والله انه يمكن يردون كم واحد لكن في النهايه

بتنتهي هالخرابيط يالله ياشباب الله ينصركم,,,,,ثورة ثورة

[night]

@@ البقر

@@ شفيك معصب هدددي اخوي

خطوه حلوه والله يوفقك يارب

تحياتي @@

[U Welcome]

لقد

لــقــد

لــــقــــد



لــــــقــــــد اصبت عين العقل
وللاسف انا كانت هاي فكرتي من زمان
ولكن تنصدم من مواقف اقرب الاقربين

وبالنسبه لنسبه كبيره من بنات اليوووم
تفكيرهم جدا سطحي
هدفهم فلانه مب احسن مني وعلانه عرسها في المكان الفلاني
وفستاني لازم مايكون اقل من بنت جارتنا
استغرب ليش ما يلبسون ثياب الاول ياحلاتها
وشهر العسل مب اقل من بنت جدة عمة خال ابوي

وعقب العرس حفله هدية وخرابيط للزبو والكلام الفاضي
ويقهرك ان مقياس الحب والمعزه عندهم بالصرفيه


اللهم لا تؤاخذنا بما فعله السفهاء منا

[gamal503]

مليون مبروك ووفر مصاريف لمستقبلك افضل

[الأصيلة]

العرس مهما كان يحتاج ها الأيام مبالغ وكبيرة...
لكن مافيه داعي لأن يستدين الشخص مبلغ يصعب سداده...
وكل يمد رجله على قد لحافه...
اللي قادر يسوي عرس ويفرح العروس والمعازيم مافيه مانع
تكون الحفلة حسب مقدوره الشخصي...
لكن سالفة النقوط هذي مب قادرة أستوعبها...
اشلون بعض النساء لـ حد الآن عقولهم مقفلة
ومصممين على رمي الأنواط تحت أرجل البنات..
هو شي يضحك وإلا يبكي وإلا يدعي للأستهزاء...
وتلقاها متعلمة وفاهمة لكن ماتقدر تفهم إن الأوراق النقدية هذي نعمة
مثل الأكل ..فكيف نرميها على الأرض وندوس عليها...
لاحول ولا قوة إلا بالله...

[الخزرجي قطر]

الله يوفقك زين ماعملت ان شاالله تكون بدايه لتطبيقه
في المجتمعات بعيدا عن الفشخره

[ام السعف]

اللــــــــــــــــه اتمنى وضع اسمه في لوحة الشرف الخاصة بمشاهير من قطر

تستاهل وبالمبارك ،، خطوة ممتازة جدا وربنا يبارك لك ،،

[ذياب]

هذي الخطوه الايجابيه هذي الايام

بس مايصير نقول بقره

لانهم خواتنا وامهتنا

[صعبة وصوفه]

الله يبارك لكم، ويجمع بينكم على خير،،

الصرف المباااالغ فيه بالعروس ماله داعي، حتى لو عزمت باقي الناس المفروض كل شي بعقل، صدقني بعض الحريم ماينعطون وجه، كل شي يبون يشترونه وكل شي يبون يسوونه،، المفروض تتحدد ميزانية معينة فقط لصالة الأفراح وعدد المعازيم ونوعية العشاء،، أما الاشياء الزايدة والخرابييييط تدفع العروس من جيبها ولاتقعد تتفلسف..

مرة ثانية الله يوفقكم والفال لباقي العزوبية..

[هبة ريح]

الله يوفقك يارب،، كل شيء صاير مظاهر والعياذ بالله
لو تسوي في احسن مكان مافي فايده
اهم شيء راحتك وين وراحت مرتك
والله يوفقكم مع بعض ان شاءالله ويرزقكم بالذرية الصالحه

[الـراسي]

كفو ثم كفو ثم بعد كفو والله

بارك الله لكما وجمعكما على خير

قال صلى الله عليه وسلم ( اقلهن مهرا اكثرهن بركة)

[قطري طموح]

هكذا قررت بكل بساطة

رضوخ مهين يفعله رجال اليوم ، رضوخ للعادات القبيحة التي أنتشرت في البلاد
عادة الفشخرة والصرف الفاضي على حفلة عرس ليس لها قيمة حقيقية سوى في
المسلسلات المصرية ، وتحدي أحمق بين الفتيات كل وحده تريد عرسها أجمل من
صاحبتها أو منافستها ، وهبل في التنقيط لا يفعلونه حتى في التصدق على الفقراء
زبو وفشخره وكلام فاضي .
أصبحت الفتاة تفكر في العرس والصالة والكوشة والبوفيه وتصميم الصالة أكثر
مما تفكر في زوجها وزواجها وحياتها ومستبقلها .

تفاهة تمارسها الفتيات ويرضخ لها ضعاف الرجال حتى صار المهر يكسر ظهر
الشاب ويتدين عشان عرس غبي تافه ما يسوى .

الله يرحم كان العرس بالحوش والكل راضي ، بس شنسوي مع البقر اللي يقلدون
ويتمظهرون وصارت حياتهم مالها قيمة إلا بالتبذير وتعقيد الحياة على الأجيال القادمه .

حفلة صغيرة في البيت بين العائلتين وأقرب الأقربين فقط .
والفلوس الي كنا بنصرفها على الكلام الفاضي بنصرفها على أنفسنا ومستقبلنا ،
أبرك صح .


ومن يحبني يفرح لي بزواجي
واللي مب عاجبه يشرب من الخليج .


انا مؤيد لك وبقوه نفرح لك وندعو لك بالتوفيق انشالله وتاكد ان فضل الله عليك وعلينا عظيم ، وانت ليس اول واحد ولااخر واحد انا شخصيا تم زواجي بدون حفله ولاهم يحزنون .

[بصمة قطرية]

كفوووو والله
اهنيك على هالخطوة أخوي ..:)
الف مبرووووووك
بارك الله لكما وبارك عليكما وحمع بينكما في خير ..
عقبال الذرية الصالحة يااااااارب ..
ان شاء الله اخواني ناويين يتزوجون بهالطريقة ..
الله يسهل لهم ويرزقهم على نيتهم ..
رافضين فكرة الفشخرة اللي تصير في الأعراس
و المصاريف اللي ما لها لزمة ..
المشكلة عرس يكلف الشي الفلاني وفي الاخير
الناس ينتقدون ..
ما يعجبهم شي ..

[البدع]

تعجبني

مليار مليار مليار مبرووووووووك

[sara jsm]

الف مبروك اخوي ,, والله يتمم لك على خير ,,
في نقطتين حابه اذكرهم ,,
اعرف بنات كانوا بيسون مثلك عرس صغير في البيت وخلاص ,,
بس اهل المعرس مارضوا وقاموا عليها قومه ,, ( هاي اول نقطة )
ثاني نقطة ,, هم اعرف وحدة سوت عرس صغير في البيت ,,
بس تعال شوف فستانها على كم الف ومكياجها بروحه وصل خمسه آلاف ,,
:
يعني مب كل شي تحطون السبة على البنت او الولد ,,
ساعات اهل البنت او اهل الشاب يكونون فوقهم حتى لو ياخذ سلفيه ,,
لو كل اثنين يفكرون بالطريقة السليمة لا اسراف ولا تبذير الله راح يبارك لهم في زواجهم ,,
وهذا اللي اتمناه لك اخوي ,, وان شاءالله نشوف ذريتك الصالحه يارب ,,

[jeep-srt8]

كفوووووووووو

والف الف الف مبرووووووك وعقبال الباقين ان شاء الله

[مشتاقة لقطر]

انا مع سارة .

عندنا بالاماراات اهلنا يسوون العرس جماعي كل من يبي يدخل المعاريس يدخل اهم شي نفس الفاميلي والقاعة وحدة

بس التكاليف العامة للعرس الحريم وعرس الرياييل تتوزعبالتساوي على المعاريس وماشالله تكاليف عرس خفيفة


بس شوف البهدله في عرس الحريم ..؟

10 عرايس كل وحدة لها نص ساعة بدءا من الساعة 8 الى 12 ونص تقريبا

واجار الفستان بروحه 30 الف ؟؟؟ حق نص ساعة ؟؟ المكياج 5000 الاف
المسكة والتاج ايجارهم 7000 الف ؟؟ انتبهوووووو ايجار

لان تحدي من احلى ومن اجمل ومن اكشخ عروس ومن اغلى فستان الخ خرابيط برابيط ..

يعني مافيه ترتيب يعني رتبو المصاريف على المعرس وطاحت في خربطتها العروس

[همسه]

الله يوفقكم و يسعدكم و يرزقكم الذريه الصالحه و يبارك لكم في حياتكم و ذريتكم

آمين يارب

هذا احسن شي اخوي

الاصل في الزواج الاشهار

والاشهار يتم بعشاء يحضرونه اهل العروس و اهل المعرس وياخذ الرجال مرته و يتوكلون على الله سبحانه و تعالى

الصاله و الفرقه و الكوشه و المفوشر و الخساير مالهم داعي مب هي اللي بتسعدهم بالعكس بتحملهم هم الدين وبتكرهم في حياتهم

ما هان تبارك

الناس مهما سويت ماراح ترضيهم و عنهم ما رضو اهم شي انت و مرتك و الباقي كيفهم مب ملزوم بهم

اتمنى الكل يفكر بالطريقه هذي بسنا مظاهر كذابه و مفوشر على الفاضي

اشوف التواضع حلو

والبساطه ارقى

لما جاوبت في موضوع ثاني اخواني و قلت نفس كلامكم هذا اتهموني بعض الاعضاء بالمثاليه الزايده وان رايي ما يتعدى كونه كلام في منتدى فقط وشنو علي هجوم و طنايز الله يسامحهم

الحمد لله اني مب بروحي وهذا راي ناس كثير غيري

مؤيده و بقوه للفكره

اهنيك

:)

[مسكين قلبي]

الف الف الف الف الف مبروك

والله يسعدك دنيا واخره وعفبال الذرية الصالحه
:fight::fight::fight::fight::fight::fight::fight:

[رجل تعليم]

موفق أخي الطيب وربي يسعدك في الدارين

باستثناء كلمة واحدة وردت في كلمتك وأرجو أن تسعى لتصحيحها " اسمح لي بداية على هذه الملاحظة " قلت باستثناء ذلك فأنت والله العظيم على حق

أعتقد والله أعلم أن المشكل لا يكمن لا في العادات ولا التقاليد ولا في المجتمع الذي لا يرحم ولا في أي شيء ...لكل بلد عاداته ومثلكم يدرك ذلك ، ربما يكمن المشكل في الأشخاص فقط ...

لا أحد يستطيع أن يخرس المجتمع ، سأحكي لك نكتة بعد حين ...الوظيفة الأساسية التي أصبح يقوم بها المجتمع العربي للأسف هي " التعليق "و " الكلام " وكلما يلزم للتشويش على الناس .
لسان المجتمعات العربية طويل جدا في صياغة التعابير الجارحة وفي السخرية من الناس والنبش في أعراضهم وتفاصيلهم الداخلية ...هذا التحالف الجماعي من " المجتمع " طبعا يضعف قدرات الناس في التصدي له وتراهم يرضخون لما يرضيه هو فقط ، والحال أنك حين تدقق جيدا ستجد أن المجتمع دائم النقد ولا يمكن لأحد أن ينتزع منه الرضى المطلق .


في باب أن الناس ستتحدث ولو مادري إيش تعمل معها " قيل أن زوجا أقاما(لست متأكدا من سلامة هذه الصيغة : زوجا أقاما وسأصححها لاحقا إن شاء الله إن اقتضى الحال ذلك ) أجمل عرس في المدينة وأنها قدما لضيوفهما أغلى حلوى في ذاك الزمن ...كانا يعتقدان أنهما بذلك سيخرسان ألسنة الناس ..لم يكن لديهما أدنى شك في ذلك لأنهما قدما عرسا فريدا واستثنائيا وغير مسبوق

عندما خرج الضيوف لم يجدوا أي نقطة سيئة للتعليق عليها... تحدثوا جميعا عن مذاق الحلوى وشكلها ووووو، لكن فئة منهم ترى أنه كان على الزوجان أن يضعا ورقة نقذية بداخل الحلوى ، إذن فالعرس غير كامل وينقصه شيء "

" الحلوى زوينة ولكن كان عليهوم إيديرو فيها 4000 لداخل " مثل مغربي يقال حين تجد من لا يشبع مما تعطيه

متمنيا لك كامل التوفيق وبالرفاه والبنين إن شاء الله

[راقي]

مبروووك

وخير ما فعلت .. :)

وعقباال ما الاوضااع اشوي تعدل وكل شي يصير معقوول

[لاجل QT]

خطوة حلوة اخوي..انا عن نفسي لازلت غير مقتنعة بموضوع صالات العرس باهظة الثمن وتوابعها من مطربين ونقوط و و و هاي كلة حق ساعتيين ..

وبالمبارك انشالله

[R 7 A L]

ألف مبروك

أحييك على خطوتك الشجاعة

[كاروهات]

الله يبارك لك ويحفظك من كل شر

ويهنيك

[امـ حمد]

مبروك ان شاء الله والكل يخظوا خطوتك

احسن من التبذير

[شيخ الديرة]

هذا الصحيح ومبروك عليك وشايفين ألف خير

[فتى الجود]

الله يوفقك ان شاء الله

[راعي ال VXR]

هكذا قررت بكل بساطة

رضوخ مهين يفعله رجال اليوم ، رضوخ للعادات القبيحة التي أنتشرت في البلاد
عادة الفشخرة والصرف الفاضي على حفلة عرس ليس لها قيمة حقيقية سوى في
المسلسلات المصرية ، وتحدي أحمق بين الفتيات كل وحده تريد عرسها أجمل من
صاحبتها أو منافستها ، وهبل في التنقيط لا يفعلونه حتى في التصدق على الفقراء
زبو وفشخره وكلام فاضي .
أصبحت الفتاة تفكر في العرس والصالة والكوشة والبوفيه وتصميم الصالة أكثر
مما تفكر في زوجها وزواجها وحياتها ومستبقلها .

تفاهة تمارسها الفتيات ويرضخ لها ضعاف الرجال حتى صار المهر يكسر ظهر
الشاب ويتدين عشان عرس غبي تافه ما يسوى .

الله يرحم كان العرس بالحوش والكل راضي ، بس شنسوي مع البقر اللي يقلدون
ويتمظهرون وصارت حياتهم مالها قيمة إلا بالتبذير وتعقيد الحياة على الأجيال القادمه .

حفلة صغيرة في البيت بين العائلتين وأقرب الأقربين فقط .
والفلوس الي كنا بنصرفها على الكلام الفاضي بنصرفها على أنفسنا ومستقبلنا ،
أبرك صح .


ومن يحبني يفرح لي بزواجي
واللي مب عاجبه يشرب من الخليج .

انت مب كيلوحديد بالعكس انت 1000كيلو ذهب
والف مبروك منك المال ومنها البنون

[MAZEN37]

احييك من جد ويا ريت الجميع يفكر مثلك
لكن لا ضرر ولا ضرار والوسطيه جميله ومبروكه
انا عن نفسي مريت بهالتجربه والي فرضت قراري للي تبيني وتم وبكل بساطه

[برشلوني قطر]

مبروووك اخوي...وجعله زواج مبارك..

[علاء الدين 1]

بسم الله الرحمن الرحيم


{وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجاً لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ }

الله يبارك لكم في حياتكم ويرزقكم كل خير إن شاءالله

:nice:

[المجدم]

الف مبروك ، وبعض الأفراد يذهب لعمل عرسه بالسعودية والفرق بين الدوحة والسعودية أضعاف اضعاف أضعاف ، بصراحة اهنيك على هالشجاعة وإنشاء الله سنة حسنة تسنها وتكون أنت صاحب الفضل فيها

[chillis]

خطوه ايجابيه وربي بيبارك لك بعرسك انشاءالله

[فتافيت]

الف مبرووووووووووووووووووووووووووووووووووووووووووووووو ووك كفو والله

[BoYousuf]

تستاهل والله ياخوي

والله ايباركلك ويوفقك ان شالله

وايد ناس اشوفهم قامو ايسون جي,, والصراحه محد ينلام ويه الاسعار والتكاليف العاليه,, الواحد ايسوي الي يقدر عليه,, افضل من بعد الشباب الي ايحطون علا اظهورهم اديون ويتلعوزون بالمستقبل بالتسديد والصرف

[الحال مايساعد]

إللي أعرفة ويدش راسي
" الرجال + الزوجة "
هم إللي يقررون إللي يبون ، هم إللي بيكملون ويابعض ، ماعليك من كلام الأهل ولا المقربين ولا الأصحاب
وإللي يكلمك عطا كاااااااش بوجهه تشيل التكاليف عليك واعتبرها هدية منك؟؟؟؟
أخوي انت قرر وياها شتبون وتوكل على الله ، ماعليك من كلام الناس ولا الفشخرة الكذابه
الله يبارك عليك وعقبال الذرية الصالحة
والف ألف ألف مبروك

[عابر سبيل]

اتمنى ان الله يكتب على يدك الخير
اخي/ كيلو حديد..
و اتصير هذي الدعوة..
حملة وطنية بين كل الشباب المقبلين
ع الزواج..للبدء في ايقاف سلسلة التبذير المتخمة
في حفلات الاعراس..

خلونا ما نتكلم الحين عن حفلات النساء..
البدء من حفلات الرجال...و بعدين الانتقال
إلى حفلات النساء..


لنطلقها اذا حملة خيرية في كل وسيلى العامية متاحية..
بالمنتدى و الجرايد و المسجات و البلاك بيري و و ..
*
*
،،

*** حملة أفراح الزواج ...بلا تبذير***

[عزتي سمو ذاتي]

دوم تحطون اللوم والسبب على العروس وإذا أهل المعرس يبون يفرحون بولدهم

مبروك أخوي الله يسعدك ويهنيك وبارك الله لكما وجمعكما على خير

[طماطه]

خطوة ايجابيه ..

بس وايد صعبه الصراحه ..

الله يبارك لك ويوفقك ..

[المسك1969]

السلام عليكم

الله يوفقك ويبارك لك..يارك الله لكما وبارك عليكما وجمع بينكما في خير

بس سؤال من قال لكم: أن الكل يطلب حفله كبيره؟؟؟ فعلا هذا الموضوع يضايق لأنكم تتكلمون بلسان أن الكل وانكم تحديتوا اللي يصير... كلام غير صحيح حفظكم الله

فالكثير الكثير يرغب في حفله بسيطه بعيده عن المغالاة.. لأن الناس بتتكلم بتتكلم سواء العرس كشخه والا كشره... وطبعا مافي عرس كشره

لكن هناك من يبالغ في الامور وهناك الاغلبيه العاقله ولكنكم معشر الرجال حكمتم على النساء ظلما والله المستعان

جزاك الله خيرا وبالتوفيق

[همسه]

عزتي سمو ذاتي

اذا اهل المعرس هم اللي يبون على القوه

محد راح يمنعهم

:)

[بـــــــنت النوخـّــــذه]

ألي يبغي يتزوج ويسوي عرس بصاله افراح ويجيب شبكه وحفله خطوبه وكوشه ووووووووووووووووووووووووووووووووووووووووووووو00000 0000الخ يسوي (طالما هو مستحب ومقتدر) ألي مايبغي بعد بالاتفاق كل شي يصير حلو
ترى المسئله هي مسئله قناعه فقط

يعني مهب شرط من تيسرت اموره للزواج ورفض يسوي عرس ومصاريف على خطيبته انه بيعيش مرتاح طول حياته ومثال للاسره السعيده 000

ترى انا اشوفها مسئله قناعه ليس إلا\
والاهم الي بعد الزواج هل هم على درايه بمفهوم الزواج والاسره والمسؤوليه و وووووو0000الخ

تدرون المجتمع لو ابتعد عن التقليد بيكون الجميع براحه تامه هذي الخلاصه ^_^

وبالرفاء والبنين

سلام(ن) عليكم

[أخو من طاع ربه]

الامر سهل جدا ً وزين سويت
عشاء خفيف وكان الله غفور رحيما
وخذ مرتك

[عابر سبيل]

ألي


ترى المسئله هي مسئله قناعه فقط

تدرون المجتمع لو ابتعد عن التقليد بيكون الجميع براحه تامه هذي الخلاصه ^_^

وبالرفاء والبنين

سلام(ن) عليكم

لو ع القناعة كانت الدنيا ابخير يا اختنا العوده..

الحين..لما ايروح الاب الى زواج حد من اعيال
جيرانهم/معارفهم/اقاربهم..
و يشوفهم حاطين خيمة 200 متر طول..
و شاشات عرض بارتفاع عمارة 3 طوابق
يشوفها اللي ماشي على خط الشمال..

يقول بينه و بين نفسه..

انا لو سويت عرس (اقل) من هاللون
حق ولدي المسكين...شبيقولون الناس عنه و عني..

يعني ايصير و لد افلان يطلع (ابطر) من ولدي..
في المجلس..سبيقولون الرجاجيل نقلا عن ماتناولته (الحريم)
من تقييم للحفلتين..

لما الابو و العمام يشوف الكل تكلم عن (ذاك العرس)
و ما حد يجيب طاري العرس المبسط اللي
سووه هم حق اعيالهم...
*
*
،،
(النقره) و تيار الزبرة الاجتماعية
و الفشخرة ع الفاضي و المليان..

و صلت "سيلها" الى حد الزبى..

و تحتاج الى عقلاء من ابناء المجتمع و كباريته..
توقفه و تكفينا غضب الله من مثل
هالتصرفات التي قد تجعلنا..اخوة "للشياطين"

و العياذ بالله

[المستريح]

الف الف مبروك الله يرزقك الذريه الصالحه

[مهره]

انا اول وحدة اؤؤيد هذا التصرف وصدقنى اذا الله كتب يزوج عيالى بهالطريقة الزواج يكون فية البركة والمراه بعد الله يوفق كل يتزوج ومبروك اخوي وصدقنى بتبارك حياتك من كل الجوانب وبالرفاه والبنين ان شاء الله

[بـــــــنت النوخـّــــذه]

لو ع القناعة كانت الدنيا ابخير يا اختنا العوده..

الحين..لما ايروح الاب الى زواج حد من اعيال
جيرانهم/معارفهم/اقاربهم..
و يشوفهم حاطين خيمة 200 متر طول..
و شاشات عرض بارتفاع عمارة 3 طوابق
يشوفها اللي ماشي على خط الشمال..

يقول بينه و بين نفسه..

انا لو سويت عرس (اقل) من هاللون
حق ولدي المسكين...شبيقولون الناس عنه و عني..

يعني ايصير و لد افلان يطلع (ابطر) من ولدي..
في المجلس..سبيقولون الرجاجيل نقلا عن ماتناولته (الحريم)
من تقييم للحفلتين..

لما الابو و العمام يشوف الكل تكلم عن (ذاك العرس)
و ما حد يجيب طاري العرس المبسط اللي
سووه هم حق اعيالهم...
*
*
،،
(النقره) و تيار الزبرة الاجتماعية
و الفشخرة ع الفاضي و المليان..

و صلت "سيلها" الى حد الزبى..

و تحتاج الى عقلاء من ابناء المجتمع و كباريته..
توقفه و تكفينا غضب الله من مثل
هالتصرفات التي قد تجعلنا..اخوة "للشياطين"

و العياذ بالله

وي بعد انتوا الرياييل عندكم هالسوالف اطالعون من احسن ومن اكشخ 00حسبت الفشخره بس عندنا احنا الحريم:looking:

عموما" هذا تقليد وانا ذكرت باخر جمله قلت المشكله بالتقليد وهذي الخلاصه 00

اما مسئله القناعه مهمه جدا" وحضرتك تطرقت لنقطه مهمه وهي تدخل (العقلاء) <<مادري هل باقي عقلاء !!!!!!

انا ما ابغي ادخل بموضوع ثاني بس الاحظ كثير يطالبون بعدم اتمام الزواج بصاله افراح وووووووو 000الخ طيب اذا انت مقتنع لاتسوي مهب بالضروره النتائج بتكون سعيده اهم شي قناعه واتفاق بين الطرفين 00 اذا كانت البدايه اتفاق اذا بتستمر هالخصله لين النهايه 00

وبعدين ترى مسئله التخطيط مهمه جدا" في امور الزواج 00 والتخطيط يبغيله وعي من الطرفين 00ما ابغي اخوض بمجال التخطيط عشان لا نطلع عن محور حديث صاحب الموضوع 00 بس بالتخطيط والذكاء ممكن يسوي له احسن عرس
:)

[R 7 A L]

اعرف ناس امورهم الماديه ممتازة جداً

من عشر سنوات اي واحد من عيالهم بيعرس
يكون العرس في البيت خمس خرفان للرجال وبوفية للحريم في الحوش طبعاً للرجال يوم وللحريم يوم
وبعدها ثالث يوم لمكة عمره بعدها على كيفهم يسافرون اي مكان تمشية

[القيسي]

أشد على يدك ياصاحب الموضوع

[بو خليفه 123]

مبروك مادبّرت والله يرزقك الذريه الصالحه ان شاء الله

ربي يرزقني الزوجه الثانيه حتى اقوم بما قمت به ..


مبروك ..

[chillis]

مبروك مادبّرت والله يرزقك الذريه الصالحه ان شاء الله

ربي يرزقني الزوجه الثانيه حتى اقوم بما قمت به ..


مبروك ..

:omg::anger1:

[أم حمد]

هكذا قررت بكل بساطة

رضوخ مهين يفعله رجال اليوم ، رضوخ للعادات القبيحة التي أنتشرت في البلاد
عادة الفشخرة والصرف الفاضي على حفلة عرس ليس لها قيمة حقيقية سوى في
المسلسلات المصرية ، وتحدي أحمق بين الفتيات كل وحده تريد عرسها أجمل من
صاحبتها أو منافستها ، وهبل في التنقيط لا يفعلونه حتى في التصدق على الفقراء
زبو وفشخره وكلام فاضي .
أصبحت الفتاة تفكر في العرس والصالة والكوشة والبوفيه وتصميم الصالة أكثر
مما تفكر في زوجها وزواجها وحياتها ومستبقلها .

تفاهة تمارسها الفتيات ويرضخ لها ضعاف الرجال حتى صار المهر يكسر ظهر
الشاب ويتدين عشان عرس غبي تافه ما يسوى .

الله يرحم كان العرس بالحوش والكل راضي ، بس شنسوي مع البقر اللي يقلدون
ويتمظهرون وصارت حياتهم مالها قيمة إلا بالتبذير وتعقيد الحياة على الأجيال القادمه .

حفلة صغيرة في البيت بين العائلتين وأقرب الأقربين فقط .
والفلوس الي كنا بنصرفها على الكلام الفاضي بنصرفها على أنفسنا ومستقبلنا ،
أبرك صح .


ومن يحبني يفرح لي بزواجي
واللي مب عاجبه يشرب من الخليج .


الف الف الف هنا وتباريك

الله يوفقك في ماسعيت وفي مادبرت

وربي يرزقكم بالذريه الصاله ويوفقكم ويرضى عليكم

:nice:

عن نفسي ان الله احياني اتبعت هالشي مع عيالي وبناتي !!

[حسن]

الله يبارك لك ياكيلو حديد بس قولي وش جنسيتها اللي تبي تقرر تاخذها علشان تعم الفايده للجميع:victory:

[عذب الكلام 1]

مبروووووووووووووووووووووووووووووووووووووووووك وانت صح استفيد من افلوس الحفله والخربطه وروح شهرين عسل وزياده

[ms-qtr]

ألف مبروك أخوي
و أعرف وايد بنات بدو يطبقون الموضوع

[تاجر كشخة]

مبروووووك هنيئا لك براحة البال وبعدك عن الديون الحين انت تقدر تشوف مستقبلك باهر

[Locale]

الف مبرووك خطوه جيده

وانا ايضا كان عرسي فالبيت ومع المقربين والاهل

[ahmed jasim]

مؤيد و بقوه للفكره
اهنيكم

[منيرة الطواش]

هدي ليه احس وان اقرا انك معصب


الف مبروك ونعم القرار


والله يتمم لك على خير يارب

[نــــظــــره]

الف الف مبروك اخوي كيلو حديد

{ بارك الله لكما، وبارك عليكما، وجمع بينكما في خير }...

وياريت الكل يتبع هالخطوه والله مايسوى الواحد يتزوج مهموم

[Bin Hood]

تستاهل كل خير يا طن ذهب !!!!!!!!!!!!!!!!!!!!!!!!!!!!!

[كيلو حديد]

أحد الأعضاء الكرماء بالمنتدى أرسل رسالة خاصة بعانية وحلال من حلاله
وأحب أمام الجميع أن أشكر له خطوته وكرمه ورسالته التي لها معنى كبير
فجزاه الله خيرا وبارك الله له في نفسه وأهله وماله وحلاله .
المبدئ والفكرة التي آمنت بها وسأطبقها مبنية لكسر عادات المجتمع المتخلفة والتي
أصبح الزبو والمفوشر هو أساسها وملاحقة موضة الأغنياء هو طريقها ، وأردت
بعملي هذا والذي أنشره وأبشر به بين الربع أن أقوم به بدون مساعدة أحد وبدون
اللجوء لأحد وإنما سيكون بقدرتي ومن مالي بدون ديون أو مساعدات أو مجاملات
وهناك من هو أحق بها مني وبحاجتها أكثر مني .

الآن صرنا أثنين أنا وواحد من الربع ، قرار أتخذناه ومبدأ آمنا به ومن يريد الرجال
سيزوج بناته ومن يريد المال أو السمعه أو الحركات الي مالها داعي بيلقى ، بس
ما بيلقاها عندها .

الحمد لله لا نقول هذا من قصور وإن قصر المال لدينا ولكن إيمانا منا بأن الزواج لم
يشرع لهذه المظاهر وهذا البذخ الذي لا معنى له وإنما لتكوين أسرة وبناء لبنة في
المجتمع الكبير ، واللي نشوفه إن الناس صاروا يتطاولون في التقليد لبعضهم البعض
وخصوصا في الأمور التافهة التي لم يكن له أي قيمة عند الآباء والأجداد .
ممكن أعذر اللي عنده مال وغني وشركات وتجارة ويريد يجمع التجار بعرس أقرب
ما يكون لعرس عمل وعقد صفقات وبناء علاقات ولهذا يصرف ويبذخ لأنه قادر
ولكن المصيبة التي حلت بالمجتمع أن الجميع يريد أن يعرس بنفس الطريقة
والكل يبي يتزوج بنفس المبالغ ونفس الصرف ونفس المهر ، عسى ما شر .

ورغم أنني لم أجد العروس حتى الآن لأسباب عائلية أحاول جاهدا التغلب عليها
ولكن المبدىء مبدأ والقرار قرار وستعلمون بإذن الله متى صار أنه صار إن أحيانا الله
وبإذن الله سيكون قريبا .

بعض الأخوات يعتقدن أن المهر الكبير والعرس الفخم هو نوع من الإحترام والتقدير والكرم
وبرأيي أن هذا الرأي سآذج وسفيه لأن الإحترام والتقدير والكرم يظهر في الحياة الزوجية
يوم بيوم ومشكلة بمشكلة وموقف بموقف والحياة كلها مواقف وأختلافات ومصائب وهنا
تظهر معادن الرجال سواء سوى عرس فخم ولا عرس بسيط على قده .

وهناك من النساء من تغلت وتمنعت وتشرطت بهرب منها المعاريس وعقب صارت تتمنى
ظل رجل أو نصف رجل فقط لتبقي على رونق حياتها وطبيعيتها وتلتحق بطابور الأمهات وبانيات المجتمع .

صرت أثنين أنا ورفيجي ، وبإذن الله بيزيد عددنا بس نبي رجال شجعان قيمتهم في مبادئه وأخلاقهم
ليس في ما يدفعونه ويتظاهرون به .

وجزاكم الله خير .

[كيلو حديد]

الف الف الف مبروك اخوي وعقبال الذرية الصالحة وزين ماسويت والله

لانه العرس مهم دفعت فيه والله ماراح يبين في عيون الحرررريم حتي لو تسويه في القمر

بعد بيتكلمووون بيقولون بال بعيد.

انت واهلك اولا بالفلوس اللي بتنصرف علي كم ساعة والله حررررام عليهم.

الله يبارك لكم

بالتوووفيق

يبارك بحياتك

هالي قاعد يصير إن سويت عرس مميز تطنزوا
وإن سويت عرس عادي ما سلمت من لسان الناس

أرضى نفسك وما عليك من الناس

[كيلو حديد]

الف مبروك ياخوي وان شاء الله تصبر قدوه للشباب

لاتكون انت الي جيناك امس :secret:

ويجب ان يفرض الرجل ذلك في بداية الخطوبه فوالله ثم والله انه يمكن يردون كم واحد لكن في النهايه

بتنتهي هالخرابيط يالله ياشباب الله ينصركم,,,,,ثورة ثورة

لا مب أنا بس الله يبارك له

والله يبارك فيك والفأل لك

وهالخرابيط بتنتهي لو الشباب وقفوا وقفة رجال

تالي الحريم بيعنسوا ويرضوا واللي تتشرط عقب ترضى بأي واحد
وشفنا بالحياه وايد

[كيلو حديد]

@@ البقر

@@ شفيك معصب هدددي اخوي

خطوه حلوه والله يوفقك يارب

تحياتي @@

مب معصب بس مقهور من اللي يصير

شوف قصص الشباب وتعبهم بالزواج اللي كان ايسر شئ زمان

وأسأل الأجداد

[كيلو حديد]

لقد

لــقــد

لــــقــــد



لــــــقــــــد اصبت عين العقل
وللاسف انا كانت هاي فكرتي من زمان
ولكن تنصدم من مواقف اقرب الاقربين

وبالنسبه لنسبه كبيره من بنات اليوووم
تفكيرهم جدا سطحي
هدفهم فلانه مب احسن مني وعلانه عرسها في المكان الفلاني
وفستاني لازم مايكون اقل من بنت جارتنا
استغرب ليش ما يلبسون ثياب الاول ياحلاتها
وشهر العسل مب اقل من بنت جدة عمة خال ابوي

وعقب العرس حفله هدية وخرابيط للزبو والكلام الفاضي
ويقهرك ان مقياس الحب والمعزه عندهم بالصرفيه


اللهم لا تؤاخذنا بما فعله السفهاء منا

صحيح

الأهل ، الوالد والوالده من ضمن الأسباب لمثل هذه الأمور
وعذرهم يبوا يفرحوا فيك مثل عذر هل العروس

لأن التخلف شاع بالمجتمع كله

واللهم لا تؤاخذنا بما فعل السفهاء منا

سلمت

[كيلو حديد]

مليون مبروك ووفر مصاريف لمستقبلك افضل

الفال لك

ونوفر لمصلحة الجميع أحنا والأجيال اللي عقبنا

[qatarya-vip]

.

على الأجيال القادمه .

حفلة صغيرة في البيت بين العائلتين وأقرب الأقربين فقط .
والفلوس الي كنا بنصرفها على الكلام الفاضي بنصرفها على أنفسنا ومستقبلنا ،
أبرك صح .


ومن يحبني يفرح لي بزواجي
واللي مب عاجبه يشرب من الخليج .

وانا قلت لأهلي هاالكلام وقلت لهم اذا تزوجت ماابي حفلة والفلوس اللي راح اقطها على قاعات وفشخرة احسن لي احطها حق بيت او سيارة او اثاث ابرك والله من هاالسوالف

وزعلوا مني وسكت لكني لازلت مصرة عند رأيي حفلة صغيرة وبس واذا لزم قاعه او فندق فيه قاعات صغيره تكفي وبس ولو علي ماابي حتى هاالحفلة يكفي اني اتزوج واسافر وارجع وبس

لكن ماندري ايش الله كاتب لنا واذا الرجال اصر على حفل بعد هو حر لكن علي انا ماابي

[Abdulraman]

احسن شي تسويه
مبرووووك منك المال ومنها العيال
بالتوفيق

[كيلو حديد]

العرس مهما كان يحتاج ها الأيام مبالغ وكبيرة...
لكن مافيه داعي لأن يستدين الشخص مبلغ يصعب سداده...
وكل يمد رجله على قد لحافه...
اللي قادر يسوي عرس ويفرح العروس والمعازيم مافيه مانع
تكون الحفلة حسب مقدوره الشخصي...
لكن سالفة النقوط هذي مب قادرة أستوعبها...
اشلون بعض النساء لـ حد الآن عقولهم مقفلة
ومصممين على رمي الأنواط تحت أرجل البنات..
هو شي يضحك وإلا يبكي وإلا يدعي للأستهزاء...
وتلقاها متعلمة وفاهمة لكن ماتقدر تفهم إن الأوراق النقدية هذي نعمة
مثل الأكل ..فكيف نرميها على الأرض وندوس عليها...
لاحول ولا قوة إلا بالله...

ما عليه أختي الكريمه
الناس ما تفكر بنفس تفكيرك وطريقتك

من يفكر هالايام بالنقوط ولا اسوي عرس على قدي

الكل يبي يسوي نفس المستوى ولو ما قدر تلقين من قلبه يتمنى

يتمنى امور تافهه وسطحية جدا

الخطوة اساسها مبدأ والمبدأ يكون بالقلب ما يكون هعلى حجم الجيب والاماني فوق

حلو الواحد يتزوج زواج بسيط عن اقتناع مب عن بخل او فقر او ضيق حال

نشوف الغني يتزوج زواج بسيط نقول رجال وكفو عليه ما يهتم بالمظاهر وكلام الناس
بس الفقير نقول وعلي ما قدر يسوي حفلة عدله :weeping:
:eek5:

[دلة الرسلان]

عاااااااااادي أخوي الزواج في البيت او في خيمة احذا البيت أن كان الحوش ما يساعد وأفضل

لو يكون العرس في أشهر البرااااد تيسيرا على الحريم وتسريحاتهم لاتكش وما يجيك الا ربعك

القريب وحبايبك ولكن لازم العروس عندها هذا التوجه .

[ثابت]

هكذا قررت بكل بساطة

رضوخ مهين يفعله رجال اليوم ، رضوخ للعادات القبيحة التي أنتشرت في البلاد
عادة الفشخرة والصرف الفاضي على حفلة عرس ليس لها قيمة حقيقية سوى في
المسلسلات المصرية ، وتحدي أحمق بين الفتيات كل وحده تريد عرسها أجمل من
صاحبتها أو منافستها ، وهبل في التنقيط لا يفعلونه حتى في التصدق على الفقراء
زبو وفشخره وكلام فاضي .
أصبحت الفتاة تفكر في العرس والصالة والكوشة والبوفيه وتصميم الصالة أكثر
مما تفكر في زوجها وزواجها وحياتها ومستبقلها .

تفاهة تمارسها الفتيات ويرضخ لها ضعاف الرجال حتى صار المهر يكسر ظهر
الشاب ويتدين عشان عرس غبي تافه ما يسوى .

الله يرحم كان العرس بالحوش والكل راضي ، بس شنسوي مع البقر اللي يقلدون
ويتمظهرون وصارت حياتهم مالها قيمة إلا بالتبذير وتعقيد الحياة على الأجيال القادمه .

حفلة صغيرة في البيت بين العائلتين وأقرب الأقربين فقط .
والفلوس الي كنا بنصرفها على الكلام الفاضي بنصرفها على أنفسنا ومستقبلنا ،
أبرك صح .


ومن يحبني يفرح لي بزواجي
واللي مب عاجبه يشرب من الخليج .

الله يوفقك انا بحكم اني شخص اجتماعي بالفعل لمست هذا الكلام كلة عند اكثر الشباب الي يبون يتزوجون صاروا يفهمون انة هذي الامور ليست الا دمار ومن افعال التبذير والإسراف و المبذرين اخوان الشياطين والحين صار الحمدلله وعي عند معظم الرجال بهذا الموضوع والله يكتب الي فية الخير

[Najla..]

عين العقل

حلو لو كان عرس بسيط وصغير والمعازيم محدودين .. عالاقل اعزم الناس اللي بيفرحون لي بس .. والناس اللي ما لهم شغل فيني مب لازم يحضرون

صج التكاليف كلها مالها داعي

والمشكلة الحين ما يكتفون بالعرس .. الحين قاموا يسوون حفلة ملجه وحفلة خطوبة وحفلة الحنا وحفلة العرس وحفلة الهدية .. صج ملاغة

وبالنسبة للبنات اللي يبون ينافسون رفيجاتهم ويقولون هي وش احسن مني فيه عشان يكون عرسها احسن من عرسي ..
اصلا انا اشوف الاعراس كلها صارت تتشابه .. مافي شي جديد .. ملل في ملل وصرف فلوووووس حراااام والله

انا اتوقع الاجيال القادمه بتتغير نظرتها لهالامور وبتصير الاعراس هادية وبسيطه نفس الاجانب ..

الحين بيقولون انا اقلد الاجانب وتفكيري متفتح وادعو للانفتاح هههههههههههه
القصد من هذا كله ان حرام ندفع كل هالفلوس ونخسر اهالينا حق ليله وحده من غير ما نستفيد بشي .. لو اوفر هالفلوس واخطط فيها للمستقبل يكون افضل .. ولا انتوا شرايكم؟

[هدى السليطي]

مبروك اخوي وعقبال الذرية الصالحة
انا احيك .. واتمنى يسون مثلك بلا هذه الخساير

[BoFahed]

عين العقل اخوي ذكرتني بسالفة قالوها لي الاهل عن واحدة من رفيجاتهم راعت زوجها سوت العرس في حوش البيت عائلي الاقارب وبعض الجيران ووفرت مبلغ القاعة حق شهر العسل وتشطيب وتاثيث الملحق بالكامل و اللي بناه زوجها عظم والحين ما شاالله عليها كبرت الملحق ووفرت مع زوجها واشتروا ارض ايام الرخص وبنوها وماجرينه الحين وطلع لهم ارض من الدولة بيسكنون فيها سعيدين ومرتاحين البال من هم القروض لانه قرض بنك التنمية ما ياخذ ربع ايجار الفلة اللي بنوها

يعني الواحدة اللي تراعي الله في زوجها الله بيبارك لها المال والعيال وبتكبر وايد في عيون وقلب زوجها شريك حياتها كلها لا بينفع المهايط ولا الرفيجات ولا الخرابيط وبتشوف الخير اللي تسويه العمر كله

[مكتوم]

الف الف مبرووووك


منك المال ومنها العيال
عاد فالحوش ولا فالطبيلة

سيل مايبلك مايهمك

الله يوفقك



برب صلاة تايم

[مدرسة]

قرار شجاع

بارك الله لك

جملكم الله برضى الرحمن

[القانوني2]

مبروك منك مال و منها العيال

انا عن نفسي الخيام البداد هو الحل يسون قاعات متنقلة قاعة بحدود 26 ألف مع مكيفات و أضواء هاي قاعة حق عرس ريايل
و عرس الحريم قاعة العملاقة هي افصل هي اكبر من قاعة الدفنة للعلم و هي متنقلة .... بسعر 35 ألف بدون البوفية ..... هاي لي اشوف أحسن فيه وسائل أمن

[بنت امي]

في هالزمن صاروا خوات المعرس هم الي يتشرطون (نبي القاعه الفلانيه انت اخونا الوحيد_ او اخونا الصغير_ او اخونا الكبير ونبي نفرح فيك :) )

[intesar]

عين العقل.. وفلوس العرس خذه واستفيد فيه بشهر العسل ولا مع بداية حياتك الجديدة

[خليفـة]

هكذا قررت بكل بساطة

رضوخ مهين يفعله رجال اليوم ، رضوخ للعادات القبيحة التي أنتشرت في البلاد
عادة الفشخرة والصرف الفاضي على حفلة عرس ليس لها قيمة حقيقية سوى في
المسلسلات المصرية ، وتحدي أحمق بين الفتيات كل وحده تريد عرسها أجمل من
صاحبتها أو منافستها ، وهبل في التنقيط لا يفعلونه حتى في التصدق على الفقراء
زبو وفشخره وكلام فاضي .
أصبحت الفتاة تفكر في العرس والصالة والكوشة والبوفيه وتصميم الصالة أكثر
مما تفكر في زوجها وزواجها وحياتها ومستبقلها .

تفاهة تمارسها الفتيات ويرضخ لها ضعاف الرجال حتى صار المهر يكسر ظهر
الشاب ويتدين عشان عرس غبي تافه ما يسوى .

الله يرحم كان العرس بالحوش والكل راضي ، بس شنسوي مع البقر اللي يقلدون
ويتمظهرون وصارت حياتهم مالها قيمة إلا بالتبذير وتعقيد الحياة على الأجيال القادمه .

حفلة صغيرة في البيت بين العائلتين وأقرب الأقربين فقط .
والفلوس الي كنا بنصرفها على الكلام الفاضي بنصرفها على أنفسنا ومستقبلنا ،
أبرك صح .


ومن يحبني يفرح لي بزواجي
واللي مب عاجبه يشرب من الخليج .

كفوا عليك اخوي كيلو حديد
الله يبارك لك ان شاء الله
وبالتوفيق

اخوك
خليفــة

:)

[تحداني]

حفلات الزواج كلها كلام فاضي وبذخ واصراف ماله اي داعي
عمر الزواج ما انبنى ولا راح ينبني على كوشه وفستان ومهر وقائمه طويله تعرضها الفتيات على الازواج

الزواج هو عباره عن رجل يسوى مليون رجال
اخلاق
وسمعه
وعزه وكرامه وسند واهل

الزواج هو فكر انسان وثقافه انسان وقيمه ومبادئه في الحياه
وهي مشاركه وجدانيه ومعنويه مشتركه


وعمر الانسان ما يتقدر بفلوسه وممتلكاته وماذا سيقدمه لشريكه الحياه
انما يقدر بشي واحد هو اخلاصه ووفاءه وحبه وعطاءه

الحسد
والغيره
وهذا حط ذاك واحنه ما حطينا هذا
تفكير يجب ان ينتهي زمانه


الله يرزقكم يارب ابنات الحلال واعيال الحلال
وينور طريقكم ويجعل دياركم عامره دائما بالافراح
اللهم آمين

جملك الله برضاه

[الـخـالـدي]

الله يوفقك .. ويسهلك امور .. ولا عليك من حد ..

الزواج نص الدين .. وانت بتكمل نص دينك .. وهذا فالاول و الاخير شي لك محد له حق عليك و انت تسويه براحتك

الله يوفقك ويرزقك الذريه الصالحه

العرس بيتم بحفله ولا بدون .. اهم شي الحلال

[White Horses]

السلام عليكم ورحمة الله. الله يوفقك وييسر أمورك

[بوحارب]

الله يبارك لك :)

واحد من ربعي توه متزوج وبدون عرس

سوى ذبيجتين وافتك من الخساير وعوار الراس

وابشرك الحين مرتاح ولا عليه ديون ولا شي :)

[عبـد الله]

الله يوفقك

واذا حاب اتسوي عرس في الدوحه يكلف 500 الف


في السعوديه يكلف 30 الف وانا اعرست اهناك في الحسا


بتحديد كلف عرسي كامل مع الكوشه واالاكل وعرس الرجال


كامل كامل كامل 30 الف



نصيحه لوجه الله للشباب