استشاره بخصوص المكيفات

[Abdulla86]

السلام عليكم ورحمه الله وبركاته

اتمنى الافاده بخصوص المكيفات لاني بحجز من الحين وبفتك

ومحتار بين ثلاث شركات فقط واتوقع هم الافضل والاغلى وانا ماعندي مشكله بالميزانيه لاني ابغي تقريباً ٣٠ مكيف

الشركات

جنرال - العمادي

ميتسوبيشي - التيسير ( شارع سلوى )

ميتسوبيشي - اللي عند جسر مدماك بجانب مطعم الكاتم

وتقريبا انا خذت عروض سعر للثلاث شركات وتقريبا متقاربه

فياريت تنصحوني بالافضل عشان ادفع واحجز وافتك لان مسببه لي مشكله في التفكير :anger1:

[ZURICH]

وعليكم السلام

ممكن توضح لي اخوي مواصفات مكيفات ميتسبيشي الي بتاخذها .. مثل نوع الكمبريسر !

لانك تقول ان الاسعار متقاربة مع مكيفات جنرال

[Chambray]

اذا الاسعار متقاربه ومحتار بين ال3
اخذ من ال 3 شركات
مثلاً الرئيسية جنرال
المجلس موتسبيشي التيسير
هشكل

[Abdulla86]

وعليكم السلام

ممكن توضح لي اخوي مواصفات مكيفات ميتسبيشي الي بتاخذها .. مثل نوع الكمبريسر !

لانك تقول ان الاسعار متقاربة مع مكيفات جنرال

والله ماعندي فكره عن الكمبريسر

وفرقت معاي تقريبا من ٢ - ٣ الاف

[Abdulla86]

اذا الاسعار متقاربه ومحتار بين ال3
اخذ من ال 3 شركات
مثلاً الرئيسية جنرال
المجلس موتسبيشي التيسير
هشكل

تسلم الشيخ على رايك

بس انا مابي اشكل ابي يكون الكل نوع واحد

[Chambray]

جنرال العمادي
موستوبيشي (التيسير ) ديــا
هم الافضل

كلهم ممتازين ..

القرار بيدك

[رآعي موآجيب]

والله ماعندي فكره عن الكمبريسر

وفرقت معاي تقريبا من ٢ - ٣ الاف

لا وانا اخوك ,, لا تقول بتختار بين 3 شركات تعتبر غاليه وانت مب مهتم في نوع الكمبريسر

فيه كمبريسر ريتوري ,, وفيه بستن ،، وفيه سوبر تروبيكال

الحذر ثم الحذر من الريتوري ، هالنظام كان مخصص لبعض دول اوروبا ودول شرق اسيا
وكان نجاحه مبهر ومنقطع النظير عندهم ،، فتم تسويقه لدول الخليج وفشل عندنا فشل منقطع النظير

هالنظام ما يتحمل حراره تفوق الــ 45 ,, اذا يطوف الــ 45 يفصل الكمبريسر يبرد على نفسه كسيفتي ،، طبعاً انا دافع فلوس ابغيه يريحني ما يريح نفسه !! :nice:

واذا غابت الشمس يبدأ يبرد تدريجي لأن حرارة الجو برا نزلت

هالنوع من المكيفات لو يعطونك عليه ضمان 70 سنه اتركه ولا كأنك تشوفه

أما نظام البستن والسوبر تروبيكال ،، آخذه من آي شركه حتى لو شركة صينيه :nice:

هالنظام ناجح وبارد في جميع الشركات وكل واحد وخردته وذوقه

وترى شركة الـ ال جي والسامسونج ما يجيبون هالنوعين ,, ماعندهم إلا الريتوري العله

وسلامتك .

[رآعي موآجيب]

على الطاري // أذا تروح لأي شركة تكييف في قطر وتطلب كوتيشن لعدد من المكيفات يعطونك الكوتيشن بأسعار تعتبر جيده ويحبون خشمك مرتين في اليوم

لكن اذا بتلاحظ في نوع الكمبريسر بتلاقيه ريتوري في كل الشركات ماعدا الشركات اللي وقفت هالنوعيه

وإذا تقولهم لا ،، ابي كمبريسر بستن او سوبر تروبيكال ,, تتغير نفسيتهم عليك ويرفعون السعر سمااااا بفرق مهب بسيط ويقولون رجع حبتين الخشم اللي عطيناها لك في الكوتيشن السابق:anger1:

[السد]

عليك اخوي بمكيف نظامه البستن
عن نفسي اخذت مكيفات فوجي من شركة محمد ناصر الريس - شارع الخليج
كل سوق واقف مركبين مكيفات فوجي
وشيك عند مكيفات كليفنتور - طريق سلوى بعد محطة بترول التيسير عندهم نظام بستن
اهم شي بــــــــســــــــــــــــــــــــــــــــتـــــــ ــــــــــــــــــــــــــــــــــــــــــــــــــ ـــــــــــــــــــــــــن

[أحساس]

أنتبه ووايد من شركة جنرال العمادي ؟؟؟؟؟؟؟؟؟
وخاصه من موضوع الاسعار دقق ووايد وخاصة لما يكون عرض سعر لفيلا كامل
وخاصة من مدير المشاريع
أطلب عرض سعر تفصيلي بكل ((( مكيف لوحده)))
لاتقبل عرض سعر (( عدد المكيفات)) وفي نهاية الورقة مجموع السعر المطلوب سوف تجده غير صحيح
وبعدها أذهب بنفسك لصاحب الشركة لتوقيعها ؟؟ تأكد بعينك

[meto2010]

جرب مكيفات gree بيستن وامريكى وصيانتهم ممتازة عن تجربه

[Abdulla86]

الله يجزاكم كل خير وماخاب من استخار واستشار

بس للحين انا محتار عن افضل شركه ^ـ^

[saryalia4u]

الله يرضى عليكم
عطونا افضل نوع وسعر ومحل
عشان انروح على طول
وابي لبيت كااامل

في الانتظار:shy:

[The_Be$t]

معرض الخاجة للاكترونيات في شارع الاصمخ شغلهم زين واسعارهم مناسبه وعنده عده ماركات منها جنرال وشارب وجنرال الكتريك واعتقد حاليا عندهم تنزيلات

[qatar dragon]

معرض الخاجة للاكترونيات في شارع الاصمخ شغلهم زين واسعارهم مناسبه وعنده عده ماركات منها جنرال وشارب وجنرال الكتريك واعتقد حاليا عندهم تنزيلات



خدمة الصيانة عندهم سيئة جدا ما عندهم التزمات بالمواعيد وبعض الاحيان يطنشون

[The_Be$t]

بالعكس اخوي تجربتي معهم جيده في مواعيد التركيب وفي الصيانة

[مهره]

جنرال احسن مكيفات وعن تجربة

[تداول]

السلام عليكم ورحمه الله وبركاته

اتمنى الافاده بخصوص المكيفات لاني بحجز من الحين وبفتك

ومحتار بين ثلاث شركات فقط واتوقع هم الافضل والاغلى وانا ماعندي مشكله بالميزانيه لاني ابغي تقريباً ٣٠ مكيف

الشركات

جنرال - العمادي

ميتسوبيشي - التيسير ( شارع سلوى )

ميتسوبيشي - اللي عند جسر مدماك بجانب مطعم الكاتم

وتقريبا انا خذت عروض سعر للثلاث شركات وتقريبا متقاربه

فياريت تنصحوني بالافضل عشان ادفع واحجز وافتك لان مسببه لي مشكله في التفكير :anger1:

هلا الشيخة والله المكيفات كلها زينة بس الافضل المستوبيشي عن تجربة وبعد عندج اليورك
لانة تصنيع امريكي ونا مجربة

ونصيحة لج لاتشترين من الوكيل دايرك ممكن تاخذين من الموزعين وبسعر ارخص من الوكيل وبضمان الوكيل ومميزات الوكيل

انا ركبت عند شركة اسمها ايس ايج كولينج وبصراحة سعرهم فية فرق عن الوكيل لنة موزع للوكيل رقم المسؤول عن البيع 66055916 اسمه احمد

ودعواتج لي

[بوالبيض]

الجنرال صيانه تعبانه انا توني ماخذ توشيبا المناعي صيانه ومكيف عجيب روتري والله يوفقك اخوي :)

[Umahmad]

جنرال مكيفاتهم لا يعلى عليها


لكن مشكلتهم فالصيانه

احنا ناخذ منهم والصيانه من برا