من يعرف مدرسة المها... وشو رايكم فيها اسجل الولد فيها..

[الخبير العقاري]

السلام عليكم

عندي ولد يروح ثاني اعدادي مستقلة والولد قال ابي ادرس بمدرسة المها يمدحونها فقلت اتأكد ممن يعرف هذه المدرسة

كم رسومها في الكورس ولا السنة

مادري فيها لغة عربية وشرعية


اشوف رأيكم قبل اسجل الولد

[للرجوله ملامح]

صباح الخير


الكورس ب 4500

والمدرسه ممتازه ممتازه ممتازه بس عيبها البعد

والعربي والشريعه مب مثل المدارس الثانيه مهملينهم لا مواد اساسيه مثل الانقليزي والرياضيات

انا عيالي سنتين ادرسو فيها الصراحه ممتازه
والله ولي التوفيق

[الصايغة]

اختي هذي اول الكورس 4500 ريال انا بنت حماتي فيها صف ثاني اعدادي تدفع لها للسنة كاملة 33000 ريال بدون مواصلات وتقول كل سنة يزيدون الاسعار واذا تكلمنا قالوا اذا ما عاجبكم طلعوا عيالكم.

[هجمة مرتدة]

نفس السؤال جزاكم الله خير

ينفع حق طفلة عمرها 5 أو 6 سنوات ؟

الصراحة ماعرف وين أدخلها فارجو الإفادة

[تحداني]

مستوى مدرسه المها صاير عادي
واسعارهم قع ترتفع ابطريقه خياليه وبلا معنى وبدون ذيج الجوده
ما انصح فيها


جملك الله برضاه

[umabdulla77]

انصحك بالمدرسة اخوي

ومستواها ممتاز

واللغة العربية والتربية الاسلامية من المواد الاساسية

بنتي رايحة الصف الرابع فيها والحين مدخلة اختها الصغيرة معاها

اما بخصوص الرسوم اي نعم ارتفعت عن قبل بس للامانة مااعتقد راح احصل مدرسة اسلامية انجليزية قوية اهتمامها بجميع المواد وغير انه فيها انفصال البنين عن البنات من الصف الاول وبامكاني اودي بناتي اي مدرسة تكاليفها اقل لان احنا من الناس اللي ندفع بنفسنا مو اشغالنا تدفع لعيالنا لكن ماطلعتهم لانها من احسن المدارس
واكيد في ناس راح تذم وناس راح تمدح بس ايجابياتها من وجهة نظري اكثر من سلبياتها ويمكن الخلل اللي صار انتقالهم من مبنى لاخر بس الحمدلله تجاوزوه

هذا رايي فالمدرسة وللامانة