استفسار عن سعر الموستنج

[قرناس قطر]

يا شباب انا صار لي فترة كنت ادور موستنج من موديل 2005 وطالع

وعينت لي موستنج موديل 2007 لونها احمر

قاطعه 75 الف , جير عادي , وارد الدوحة

والموتر شفته نظيف محافظ عليه الرجال فيه ضربه صغيره في باب السايق وعدلها بس ما يبين الصبغ عليها , ومن الداخل نفس الجديده نظيفه

وفي ضربه صغيره في الرفرف اليمين ومن تحت مافيها ضربات

عليها اغراض خفيفه مثل

فلتر ريس air pid

وكارونة ford raceing

وبوليات
و
راس هدرز سيراميك

بدون دباب

ومبرمجها عند جولان الي في السعوديه ومركب الاغراض عنده

طالب فيها 75 الف نهائي , تشوفنها تسوى ولا ما تسوى , لان انا اشوف سعره عالي شوي

ارجو اصحاب المعارض يفيدوني واهل الخبره في هذي السيارات

[نشمي 2022]

اخوي 8 سلندر وله 6؟

لان لو 8 سلندر مافي وارد الدوحه قير عادي تاكد بس

[s3ood]

عندي ٢٠٠٨ قير تماتيك ماشي ١٨ فقط بحالة ممتازة جداً جداً بدون اي صبغ وعليها أشياء وايد . والسيارة مشالله جديدة والسعر ٨٥

[قرناس قطر]

تاكدت هي وارد الدوحة والفل ابشن رقم 1 الي تجي من داخل اسود وبيج

واخوي سعود انا حبيتها جير عادي احلى على السبورت

وبخصوص الموتر الي باخذه يسوى سعره او لا

[بن جعران]

اخوي قرناس قطر الموتر بيكون سعره بين 55 الى 65 على حسب النظافه

موديلات 2006 و2007 في السوق ونظاف على 60

اخوي ماخذ 2006 جي تي عليه محول شلبي كامل من برى ب60 الف وبحالة الوكالة

[قرناس قطر]

اخوي قرناس قطر الموتر بيكون سعره بين 55 الى 65 على حسب النظافه

موديلات 2006 و2007 في السوق ونظاف على 60

اخوي ماخذ 2006 جي تي عليه محول شلبي كامل من برى ب60 الف وبحالة الوكالة

بس هي مزوده تهقى اخلص وياه 70 لان فحصت كم وحده مب مثل ذي النظافه ويبونهم على 60 والاغراض االي عليها تقريبا ب 10 الاف وويها اغراض الوكالة

[Bu-Khalid]

اذا عاجبك الموتر توكل على الله وسعره زين

[lonely-wolf]

اخوي بس بغيت اقولك انه نزل الشكل الجديد من الموستينغ

[بن جعران]

اخوي قرناس قطر اذا الموتر دش في خاطرك لاترده وتوكل على الله بس حاول معاه ينزل

وربي يوفقك ويعطيك خيره ويكفيك شره مقدماَ اذا خذيته :victory:

[قرناس قطر]

الله يسلمكم وننتظر رد الي عندهم خبره اكثر لان ما عندي خبره بذي المواتر

[mazag]

حده 65 الف اذا عاجبك الموتر
كانت 2009 معروضه لونها احمر واد الدوحه ماشيه 31 الف وكاله ب83 الف لين راحت

[Qt.1]

اخوي 8 سلندر وله 6؟

لان لو 8 سلندر مافي وارد الدوحه قير عادي تاكد بس

القير العادي ينزل عندنا وثمانيه سلندر بعد , كان عندي قير عادي وارد شركة الفورد عندنا في قطر قير عادي شد وكاله وعلى يدي الموتر كان موديل 2004 , بس حبيت اصحح معلومتك , وفعلاا هو نادر .

[Qt.1]

الله يسلمكم وننتظر رد الي عندهم خبره اكثر لان ما عندي خبره بذي المواتر

شوف ياخوي الموستنق موتر ماعليه كلام , خذها من شخص كان عنده اثنين قبل ولابعد قير عادي يعني شنو عزم , على ايام الي كان عندي الشباب ايوقفوني ويسومون الموتر مني , يعني القير العادي اصلا احسن حق السبورت اتحس انك اتسوق موتر , لكن من ناحيه ثانيه ترى الموتر خراباته وايد وبيلعوزك ولاتنسى انه مزود يعني بعد سنداره وعوار راس , سعره المفروض اقل ايكون في الخمسينات حتى لو مزود ونظيف لان الشكل الجديد نزل واحلى منه بوايد وهالموديل خلاص راحت عليه , خلاصة الكلام لو انا مكانك ماخذته لان تصليحه بيطلع فوق سعره ولان هالموديل خلاص شكله صار قبيح مقارنه بالجديد , هذا رايي الشخصي وهذي مجرد نصيحه من اخوك :)

[قرناس قطر]

شوف ياخوي الموستنق موتر ماعليه كلام , خذها من شخص كان عنده اثنين قبل ولابعد قير عادي يعني شنو عزم , على ايام الي كان عندي الشباب ايوقفوني ويسومون الموتر مني , يعني القير العادي اصلا احسن حق السبورت اتحس انك اتسوق موتر , لكن من ناحيه ثانيه ترى الموتر خراباته وايد وبيلعوزك ولاتنسى انه مزود يعني بعد سنداره وعوار راس , سعره المفروض اقل ايكون في الخمسينات حتى لو مزود ونظيف لان الشكل الجديد نزل واحلى منه بوايد وهالموديل خلاص راحت عليه , خلاصة الكلام لو انا مكانك ماخذته لان تصليحه بيطلع فوق سعره ولان هالموديل خلاص شكله صار قبيح مقارنه بالجديد , هذا رايي الشخصي وهذي مجرد نصيحه من اخوك :)

هلا اخوي اشكرك على مرورك العطر .... بس الشكل الجديد ما يفرق عن القديم وايد وعادي تقلب 2007 الى 2010 ومن الداخل مافي فرق عادي شفتهم

[المبرمج صلاح]

ماشاء الله بالتوفيق