لغه من بريطانيا .!

[أنا]

أطلب من المشرفين عدم نقل الموضوع الى قسم الاستفسارات .
هناك ما في تفاعل :anger1:

اول شي مبــــــــــــــــــــــــــروك للناجحين والناجحات
وهالسنه الجامعه ما تقبل نسبه هات الايلز وابواب الجامعه مفتوحه لك
السؤال الصعب شلون يجيبون الايلز :omen2:
أتمنى التفاعل من الاعضاء اللي يعرف مدرس ممتاز للايلز عن تجربه
يطرش أسمه ورقمه على الخاص

واللي يبغي ياخذ لغه من بريطانيا مثل حالتي أبغي اطرش أخوي الصغير الحمد الله نجح ونسبته 82% بياخذ لغه على حسابه بس شلون .؟ ووشنو المعاهد .؟ وكم التكلفه تقريبا .؟ وكم الفتره.؟

اللي عنده تجربه لا يبخل علينا .. وجزاكم الله خير ..

[Sewar Qtr]

ع الخاص :)

[الدوحه%]

ايه والله شلون يجيبون ايلز .. متابعة معاك الموضوع لأهميته .. وبالنسبة لالغاء النسبة يعني الكل بدش الجامعة
وناسة والله , احنا دخلناها بتعب وكد والحين مافيه نشبة قصدي نسبة .. .. الله يوفق الجميع لما يحب ويرضى ..

[المسك1969]

الله يوفق الجميع وان شاء الله تنشال عنهم الايلز وخلافه

ومبروك للناجحين

[أنا]

بصراحه غلط يدخلون بدون نسبه كاني بساوي بين اللي جاب 90% وبين 60%
وين العدل ..؟؟!!

كاني اقولهم جهدكم وتعبكم من اول ابتدائي ليــــــــــــــــــن ثالث ثانوي ولا شي :omen2:

[M O H A D]

نفس الاسئلة ؟
ضروري =(

[PARIS]

الايلز نفسه تعجيز مش اي طالب يقدر يجيب الايلز او التوفل لان الي تخرجوا من الثانويه السنه اصلا درسوا الابتدائي كله حكومي.....يعني تاسيسهم في الانجليزي ضعيف

[sendarala]

مبروك للناجحين والناحجات

زين اللي شالوا النسبة
أما بخصوص اللي يقول ( بصراحه غلط يدخلون بدون نسبه كأن بساوي بين اللي جاب 90% وبين 60% وين العدل ..؟؟!!
كأن اقولهم جهدكم وتعبكم من اول ابتدائي ليــــــــــــــــــن ثالث ثانوي ولا شي )

كلنا درسنا بالجامعة حتى اللي جاب 50% بس اللي مهتم ويحب يدرس بيدرس واللي يبي يلعب طبعاً راح الانذار وينطرد

وما اعتقد ان يكون خطأ أو غلط على قولتك لان ممكن الطالب يكون شاطر ووقت اختبار الشهادة تعب وجاب لك نسبة اقل من المطلوب

واتمنى الكل يدخل ويأخذ نصيبه من التعليم بدون التوفل أو الايلز

[khaleeji]

تفضل واذا بغيت اي تفاصيل اضافيه لايردك الا الخاص

http://www.qatarshares.com/vb/showthread.php?t=371009&highlight=%C8%E6%D1%E3%E6%CB

[we-r-sawa]

أطلب من المشرفين عدم نقل الموضوع الى قسم الاستفسارات .
هناك ما في تفاعل :anger1:

اول شي مبــــــــــــــــــــــــــروك للناجحين والناجحات
وهالسنه الجامعه ما تقبل نسبه هات الايلز وابواب الجامعه مفتوحه لك
السؤال الصعب شلون يجيبون الايلز :omen2:
أتمنى التفاعل من الاعضاء اللي يعرف مدرس ممتاز للايلز عن تجربه
يطرش أسمه ورقمه على الخاص

واللي يبغي ياخذ لغه من بريطانيا مثل حالتي أبغي اطرش أخوي الصغير الحمد الله نجح ونسبته 82% بياخذ لغه على حسابه بس شلون .؟ ووشنو المعاهد .؟ وكم التكلفه تقريبا .؟ وكم الفتره.؟

اللي عنده تجربه لا يبخل علينا .. وجزاكم الله خير ..

السلام عليكم بخصوص معاهد لتدريس اللغة تقدر تستعين بالمركز الثقافي البريطاني وأيضا عن طريق مركز شباب الدوحة لأن لهم تجارب عديدة بهالموضوع وبالتوفيق

[we-r-sawa]

الايلز نفسه تعجيز مش اي طالب يقدر يجيب الايلز او التوفل لان الي تخرجوا من الثانويه السنه اصلا درسوا الابتدائي كله حكومي.....يعني تاسيسهم في الانجليزي ضعيف

السلام عليكم أخوي الفاضل أعذرني فأنا أختلف معاك بهالموضوع وبالعكس تدريس الانجليزي بالمدارس الحكومية يعتبر قوي ولكن لابد من ممارسة اللغة مع أهلها ومتابعة البرامج التلفزيونية باللغة الانجليزية بدون ترجمة تثري الطالب جدا وتعوده على طريقة النطق الصحيح واستخدام مصطلحات جديدة وهذا ماكنت أفعله مع أولادي ولم أدخلهم أي معهد ومع ذلك تفوقوا كلهم وجابوا بالآيلتز مابين 6-7 والحمدلله هذا فضل من الله وأحد أبنائي جاب بالتوفل 650 ودرس كل المراحل بالمدارس الحكومية!!

[المتحدث الرسمي]

..

اخوي العزيز

في معهد ممتاز في عمارة بن جهام اللي مقابل رويال بلازا

تدريسهم وايد ممتاز ... واحد من جماعتنا قدم الايلز 22 مره :secret: ولما دخل المعهد هو بنفسه يقول مستواي تحسن وايد


عندك بعد مركز شباب الدوحه يطرشون الطالب كندا لمدة شهر اعتقد المبلغ حوالي الـ 20.000 شامل الدراسه والتذاكر والسكن


والله يوفقكم ان شالله لما يحبه و يرضاه