استفسار : من الدوحة إلى دبي (بـــــــــراً) شلون ؟؟

[مفكّر]

كيف السفر برا من الدوحة إلى دبي وكم المسافة ،،،، مشكورين

[لمعة الالماس]

تروح لين حدود ابو سمرة وتدخل السعودية من تدخل تمشي شوي لين توصل للبحر في السعودية تلقى لافته على اليسار الى الامارات وبس تطلع من السعودية وتدخل الامارات وتمشي سيدة طبعا تتبع اللوحات اول شي تمر ع الرويس عقب أبوظبي وتم سيده لين دبي

الدرب تقريبا ياخذ ٦ ساعات

بـــس اهم شي تعبي بترول في كل محطه خاصه في الامارات لان في خط طويل مافيه ولا محطه فلازم يكون البترول عندك مليان

[مفكّر]

مشكور اخوي لمعة ،، طيب لما ادخل السعوديه بكون في وسط المدينة او من حدود قطر لين حدود السعوديه لين حدود الامارات ،، شنهي المدن اللي بدخل لها ....

اهم شيء في الطازج والبيك في الدرب ولا مافي ههههههههه

[M.Alkhater]

مشكور اخوي لمعة ،، طيب لما ادخل السعوديه بكون في وسط المدينة او من حدود قطر لين حدود السعوديه لين حدود الامارات ،، شنهي المدن اللي بدخل لها ....

اهم شيء في الطازج والبيك في الدرب ولا مافي ههههههههه

لا اخوي مابتمشي الا اقل من 10 كيلو وبتوصل عند اللفه مكتوب فيها الأمارات ..

وبتدخل البطحااء .. ماعتبرها مدينه ..

ونصيحه ياخوي خذ لك قارمن :nice:

[فنجال قهوه]

^^

لا مايحتاج قارمن وانا خوك

من تظهر من مركز السعوديه امش سيده وبتجيك لوحه مكتوب عليها الامارات ولف معاها يسار

بس حاسب من المطب عقب المركز السعودي بكيلوين تقريبا لاطيح فيه خخخخخ

وعقب سلمك الله من تلف اقضب الخط سيده وعقب بيجيك المركز السعودي في وجهك

واذا مشيك عادي مئه وعشرين ومئه واربعين بتوصل خلال ساعه بالكثير للمركز

وقبل المركز بتجيك محطات من يسار عب فيها بتروك خبرك بترولهم ارخص من الامارات خخ

وعقب من تطلع اقضب الخط سيده ايلين مايقطك في وسط دبي

وبياخذ معاك حوالي ثلاث ساعات ونص

والله يحفظك وتوصل وترد بالسلامه

[هجمة مرتدة]

من الدوحة الى مركز ابوسمرة القطري 90 كم
من مركز ابوسمرة الى مركز سلوى السعودي 5 كم
من مركز سلوي الى مركز البطحاء السعودي 120كم
من مركز البطحاء الى مركز الغويفات الإماراتي 5 كم
من مركز الغويفات الى السلع 17 كم ( محطة بنزين - فندق - مطعم )
من السلع الى الحمراء 75 كم
من الحمراء الى الرويس 35 كم ( محطة بنزين)
من الرويس الى طريف 105 كم ( محطة بنزين)
من طريف الى المفرق 95 كم ( محطة بنزين - فندق)
من المفرق الى السمحة 46 كم ( محطة بنزين)
من السمحة الى دبي 82 كم

============
معلومات منقولة من المسافرون العرب

[أبو بكر سالم]

مشاء الله عليك كفيت ووفيت

[Chambray]

اهم شيء في الطازج والبيك في الدرب ولا مافي ههههههههه
بااااااال شكلك اول مرة تسافر عن طريق البر :)
الله يحفظك يا اخوي
اولاً مطاعم البيك موجودين فقط في جده - المدينة - مكة ( فقط )
وممنوع يفتح اي فرع في الرياض والدمام وهالاماكن بسبب قرار من امراء المنطقة الوسطى والشرقيه لان اذا فتح راح يكسر السوق خخخخخخخ

[مفكّر]

بااااااال شكلك اول مرة تسافر عن طريق البر :)
الله يحفظك يا اخوي
اولاً مطاعم البيك موجودين فقط في جده - المدينة - مكة ( فقط )
وممنوع يفتح اي فرع في الرياض والدمام وهالاماكن بسبب قرار من امراء المنطقة الوسطى والشرقيه لان اذا فتح راح يكسر السوق خخخخخخخ

هههههههههه فعلاً اول مره اسافر بر لدبي ،،، انزين عسى الطازج موجود في الدرب :omen2:

[البدع]

مافي طازج على الطريق

عندك:

1. مطعم عادي وصغير في ابوسمرا قطر

2. مطعم مندي وبخاري يعد 5 كيلو من حدود السعودية (داخل محطة بترول)

3. مطعم يمني عجيب بعد ماتدخل الامارات (بعد الحدود ب 2 كيلومتر)

وبعدها 340 كيلو لين ابوظبي مافيها الا مطاعم هنود

وطريق السلامة

[مفكّر]

مامنك قصور اخوي البدع كفيت ووفيت

[ناصح لكم]

كيف السفر برا من الدوحة إلى دبي وكم المسافة ،،،، مشكورين
من الدوحة لمركز سلوى ساعة
من مركز سلوى لين البطحاء حوالي ساعة
ومن مركز الغويفات الى الرويس حوالي ساعة وربع بتحصل محطة واحة أدنوك على يسار الشارع فيها مطعم وسوبرماركت ومسجد وحمامات نظيفة
من الرويس الى المرفأ ساعه ومنها الى ابو الابيض ساعة بتلقى محطة ثانية واحة أدنوك على يمين الشارع
بعدها ساعه وانت واصل المفرق ومن المفرق كمل ساعة وربع لين دبي

سرعة السيارة بين 130 -140كم

انصحك بالاستراحة بمحطات أدنوك خصوصا اذا معاك عائلة

توصل بالسلامة*

[العنود55]

السلام عليكم ورحمة الله وبركاته

ماقصروا الاعضاء وواحات ادنوك فيها مطاعم بيتزا وبرقر كنج والدجاج الجنوبي وفيه محطات داخل السمحه وصوب طريق دبي مطاعم ثانيه وكلها نظيفه .

[بوخالد88]

الاخوان والاخوات ماقصرو

والله يحفظك اخوي ودرب السلامة

[بوناصر 1]

السلام عليكم ياأخواني الأعضاء الصراحة الجميع كفى وفى وماقصر مع أخوي المفكر بس السفر بالسيارة حلو وااااايد وأشكر الأخ إللي قالك خذ قارمن وأنا أنصحك بالقارمن لأنة يوديك المكان المطلوب بضبط أنا ماسافر إلا بجوالي 6110 إللي بقارمن