اللعب بعداد السياره

[alfahad1]

السلام عليكم ورحمة الله وبركاته

اول امس واحد من الشباب متصلي يقول شاف اعلان سياره بسعر خيالي

اكس 5 موديل 2007 ماشيه 11 الف مطلوب فيها 120 الف

المهم رحنا شفنا الموتر الموتر نظيف الغريب انه في تناقض

شفناها ماشيه 11 الف وهم حاطين 90 الف المهم

حركنا رفيجي شاك بالموضوع اتصل لشركة البي ام عطاهم رقم السياره قالوله

السياره هذي جات لنا مره وكانت ماشيه 170 الف وبعدين جات مره ثانيه

وكانت ماشيه 9 الف في إن في الموضوع...............................

إيش رايكم هل في ناس تلعب بالعدادات وهل اذا واحد انصاد يعاقب عليه القانون

(( الحذر ثم الحذر يا أخوان))

[Qatar1987]

اذا غاب الضمير مشكله كبير



الله يعين الجميع

[أسد الجزيرة]

على كلام جورج في الفحص الالماني انه جاهم لكزس فورويل 2009 ماشي 25 الف و يوم شيكوا في الشركة طلع انه راعي الموتر لاعب في العداد و انه اخر فحص فني كان الموتر ماشي 75 الف

[يراعٌ فراتي]

اخوي ممكن يكون لاعب في العداد
ويمكن يكون اخترب عليه وغيره
بس لو غيره مفروض يعلمك
والله يوفقك

[نشمي 2022]

والله انا غيرت العداد شريت طبلون مستعمل ماشي 25الف من دبي ,,,
ويوم بعت الموتر قلت لراعيه الصراحه

[الجوكر90]

السلام عليكم
حلو انك ترجع العداد عشان ماتحس ان موترك صار قديم وتوسوس وايد
بس هاي اذا الواحد مايبي يبع الموتر
واذا باع الموتر يقول ترى العداد كان كذا وانا رجعته كذا ويحسب ويقول الممشى الحقيقي
لان هاي فالذمه وراح يتحاسب عليها
وحرام الواحد يدش النار عشان كم الف

[البيت بيتك]

اذا غاب الضمير مشكله كبير



الله يعين الجميع

أنا معاك وهذا اكبر مشكله
الله المستعان

[المبرمج صلاح]

بالتوفيق ان شاء الله

[المحافظ]

أولا .. تغيير العداد ممكن ، و احيانا يتغير العداد لان الطبلون تغير ..
ثانيا .. تغيير العداد على انه نوع من الغش حرام شرعا
ثالثا .. تغيير العداد بقصد الغش يعاقب عليه القانون ..

صارت لي مرة سالفة ، اني خذت سيارة من معرض و رحت أفحصها ، العداد كان 35000 كم ، فقلت في نفسي خلني اوديها الوكالة و اشيك عليها ، في الوكالة قالوا لي ان هالسيارة جاتهم للخدمة من سنتين و كانت ماشية 70 الف كم ، خذت التلفون و اتصلت في المعرض و قلت له السالفة ، قال لي السيارة مب لنا و راعيها عارضها هالشكل و احنا ما ندري عنها (الله أعلم صج او كذب) ، المهم انه رجع لي العربون ، و عقب يومين باع السيارة (الله يعلم إذا هو بلغ الشاري بالموضوع ولا سكت عنه).

غش في غش .. حرام في حرام ...

[Qt.1]

لازم الواحد ايكون عنده ضمير ,

[الـراسي]

حذّر النبي صلى الله عليه وسلم من الغش وتوعّد فاعله، وذلك أن النبي صلى الله عليه وسلم مر على صُبرة طعام فأدخل يده فيها فنالت أصابعه بللاً. فقال: « ما هذا يا صاحب الطعام؟ » قال: أصابته السماء يا رسول الله. قال: « أفلا جعلته فوق الطعام كي يراه الناس؟ من غش فليس مني » وفي رواية « من غشنا فليس منا » وفي رواية « ليس منا من غشنا » [رواه مسلم].

فكفى باللفظ النبوي "ليس منا" زاجراً عن الغش، ورادعاً من الولوغ في حياضه الدنسة، وحاجزاً من الوقوع في مستنقعه الآسن.


إننا يا أخي في حاجة شديدة إلى عرض هذا الوعيد على القلوب لتحيا به الضمائر، فتراقب الله عزّ وجلّ في أعمالها، دون أن يكون عليها رقيب من البشر.

[آلآحـبـآبـي]

والله وانا اخوك اكثر
الي يبون يبيعون سياراتهم ينزلون العداد
شغله بسيطه قوله اي رقم يخطر في بالك
بس وانا اخوك ... الواحد وخبرته والفحص الالماني خبره
في هالاشياء اذا فحصوا الموتر من تحت يبين اذا مستهلك وايد واذا نظيف ...
وبعدين قبل ماتاخذ الموتر جيك عليه في الشركة وبيبين كل شئ .. ناس ماعندهم ضمير ...
انا انسان عن نفسي اذا نويت انزل العداد والله ابلغ الشراي بممشاه الحقيقي :victory:

[المبرمج صلاح]

لا اله الا الله محمد رسول الله

[qtr qtr]

في ناس ذمتهم وسيعه ...

واللي يقول انه ينزل العداد او يفصله علشان الضمان فهذا بعد غش وحرام وتحايل على الوكاله

الله يهدي الجميع

[boamir]

مال قليل حلال احسن من مال كثير حراام

فلوس الحرام مافيها بركه
الله يهديهم إن شاء الله

[المحافظ]

للي يبغي يعرف ان العداد مفرور او لا .. يتبع الخطوات التالية:
1. السؤال عن دفتر الخدمة في الوكالة و متابعة تاريخ الخدمة و قراءات العداد
2. السؤال في الوكالة مباشرة ، بعض الوكالات تحتاج تصريح من صاحب السيارة او يكون السائل عنده بطاقة تسجيل السيارة.
3. مقارنة الحالة العامة للسيارة من حيث البدي و الميكانيكا
4. طلب التأكد من العداد و حالة السيارة اثناء عملية الفحص
5. كل السيارات الواردة من امريكا (مستعملة) يمكن الحصول على تقرير عن تاريخ السيارة عن طريق الانترنت في خلال دقائق ، ويكلف حوالي 20 دولار ، والتاريخ يشمل الحوادث و قراءة العداد
6. في حال عدم توفر كل ذلك فيمكنك المفاصلة مع البائع ولا تستبعد كون قراءة العداد غير صحيحة

[عندليب قطر]

أولا .. تغيير العداد ممكن ، و احيانا يتغير العداد لان الطبلون تغير ..
ثانيا .. تغيير العداد على انه نوع من الغش حرام شرعا
ثالثا .. تغيير العداد بقصد الغش يعاقب عليه القانون ..

صارت لي مرة سالفة ، اني خذت سيارة من معرض و رحت أفحصها ، العداد كان 35000 كم ، فقلت في نفسي خلني اوديها الوكالة و اشيك عليها ، في الوكالة قالوا لي ان هالسيارة جاتهم للخدمة من سنتين و كانت ماشية 70 الف كم ، خذت التلفون و اتصلت في المعرض و قلت له السالفة ، قال لي السيارة مب لنا و راعيها عارضها هالشكل و احنا ما ندري عنها (الله أعلم صج او كذب) ، المهم انه رجع لي العربون ، و عقب يومين باع السيارة (الله يعلم إذا هو بلغ الشاري بالموضوع ولا سكت عنه).

غش في غش .. حرام في حرام ...

جزاك الله خير :nice:

[الكاااايد]

ماااااقول الاحسبيى الله ونعم الوكيل

فيه نااااس ماتخااااف من الله

بيلقااااها عند الله يوم الحسااااب

[fhd4]

انا استغرب شلون فيه ناس ما تخاف من عذاب رب العالمين …

[الغالي!]

عادي الامارات يسونه لك وانت واقف بعد
اللي بيشتري السيارت هذي لبد الفحص في الشركه ويترك عنه جورج وبوش بعد

[eXpert*]

يمكن العداد إخترب وتبدل ،، الحل تسأل في الوكالة وعقب تسأل راعي السيارة.

إذا صدقك توكل على الله واذا لا الله يوفقك بغيرها .

لان صارت لي ،، العدادات أختبرت والموتر ماشي 80,000 بدلتها في الوكالة وجيت ببيع الموتر ماشي 20,000 وبلغت المشتري بالممشي الحقيقي .

يعني مب شرط تلاعب .