~~~~ أنت من النوع إلي يآخذ قيلولة أو غفوة بالدوم ؟ ~~~~

[Live]

http://landeni.com/wp-content/uploads/2011/06/1.jpg

أنماط العمل في تطور مستمر
نقضي تدريجيا المزيد من الوقت في بيئات عملنا ، وهذا بدوره يعني أنه يتعين علينا في
كثير من الأحيان لجعل العمل والراحة متوافقة تماما في نفس المكان

وقد استوعب بعض الثقافات هذا المفهوم أكثر من غيرها بطبيعة الحال

من هذا المنطلق وجدت ” وساده النعام” ..

بتصميمها الشبيه بدفن رأس النعامة والملائم للطاولة لتعطيك راحة الجسم اولاً

وراحة البال ثانياً .. وتجمع بين السرير والوسادة في ان واحد

http://landeni.com/wp-content/uploads/2011/06/2.jpg




فهل أنت من النوع إلي يآخذ قيلولة أو غفوة بالدوم ؟

[بصمة قطرية]

خلني أداوم أول ..:weeping:

[البدع]

أنا مدمن نوم

أنام كثير

ونومي ثقيييييييل

ومسبب لي مشكلة مع الدوام

جربت أدوية بس مافي فائدة

الغريب ان كثير يحسدوني ويتمنون نوم ثقيل مثلي

[بوخالد88]

انام بدري واصحا بدري ولا اقيل ابد لانه القيلولة تسبب لي مشاكل

بالتوووفيق

[Dawn]

اممم في وظيفتي السابقه ما كنت القى وقت اكل او اشرب اكون صايمه في اغلب الايام طول فترة الدوام من 7 الى 3 او 4 العصر ... والجلوس على مكتب هو عز الرفاهيه ويكون لمدة ساعه او 2 اما باقي الوقت واقفه او امشي في مكان العمل ... ( رئيستي في العمل الله يذكرها بالخير كانت تقول انتو ما جيتو علشان تقعدون !) وكانت جزاها الله خير مخصصه ل 4 موظفات في القسم طاوله مكتب واحده + 2 كرسي .. :) يحليلها والله اتذكر هالسالفه واضحك ضحك ...

وانا طبعي ما احب القيلوله حتى في ايام الاجازه ..

[فديت الدوحة]

يمه وش هالمخدة حسيت بالخنقه وانا اشوفها

بصراحه الدومات الطويله يحتاج فيها الموظف لبريك وراحه ومو غلط ياخذ غفوة

الي اعرفه ان اليابان مخصصين وقت للغفوووه


اممم في

وظيفتي السابقه ما كنت القى وقت اكل او اشرب اكون صايمه في اغلب الايام طول فترة الدوام من 7 الى 3 او 4 العصر ... والجلوس على مكتب هو عز الرفاهيه ويكون لمدة ساعه او 2 اما باقي الوقت واقفه او امشي في مكان العمل ... ( رئيستي في العمل الله يذكرها بالخير كانت تقول انتو ما جيتو علشان تقعدون !) وكانت جزاها الله خير مخصصه ل 4 موظفات في القسم طاوله مكتب واحده + 2 كرسي .. :) يحليلها والله اتذكر هالسالفه واضحك ضحك ...

وانا طبعي ما احب القيلوله حتى في ايام الاجازه ..

ههههههههههههه

احمدي ربج كان عندكم مكتب مشترك
ذكرتيني بمدام مديحة في جامعة قطر في الاشراف المسائي ومعانات موظفات الاشراف المسائي من موظفات الاشراف الصباحي
لما بعض موظفات الاشراف الصباحي يحذفون اغراض مشرفات المساء على الارض وعقب يصكون المكتب عن موظفات الاشراف المسائي
ولما طالبوها بمكتب خاص فيهم قالت لهم انتوا دوامكم اشراف يعني تلفون طول اليوم
مب لازم مكتب
تخيلوا تبيهم يلفون الاقسام ويشيكون على المعامل وهم شالين شنطهم واغراضهم معاهم
وطبعا ممنوع الاكل والشرب ..
الله يرحم ذيك الايام

[Dawn]

يمه وش هالمخدة حسيت بالخنقه وانا اشوفها

بصراحه الدومات الطويله يحتاج فيها الموظف لبريك وراحه ومو غلط ياخذ غفوة

الي اعرفه ان اليابان مخصصين وقت للغفوووه



ههههههههههههه

احمدي ربج كان عندكم مكتب مشترك
ذكرتيني بمدام مديحة في جامعة قطر في الاشراف المسائي ومعانات موظفات الاشراف المسائي من موظفات الاشراف الصباحي
لما بعض موظفات الاشراف الصباحي يحذفون اغراض مشرفات المساء على الارض وعقب يصكون المكتب عن موظفات الاشراف المسائي
ولما طالبوها بمكتب خاص فيهم قالت لهم انتوا دوامكم اشراف يعني تلفون طول اليوم
مب لازم مكتب
تخيلوا تبيهم يلفون الاقسام ويشيكون على المعامل وهم شالين شنطهم واغراضهم معاهم
وطبعا ممنوع الاكل والشرب ..
الله يرحم ذيك الايام

اوه يعني هالمعاناه مب بس في المستقلات ..:nice:
يالله نحتسب الاجر عند الله ياختي ،، والحمدلله طلعنا ورايتنا بيضا وخلهم الحين يشوفون حد يسوي ربع اللي سويناه :) ،،، للامانه انا هالمديره احترمها لانها كانت تقريبا في سن امي الله يرحمها لا بعد اكبر من امي بشوي .. حتى والله ما اقدر اعصب عليها اذا غلطت علي :( وهي طبعا شديده جدا الله يذكرها بالخير ويسامحها ...
وهذي مديحه ان شا الله تكون مع المفنشين مؤخرا ويفتكون منها الموظفات .. وكل موظفه ان شا الله يكون عندها مكتب وكرسي :nice:

والمخده صج صج تخنق

[فديت الدوحة]

اوه يعني هالمعاناه مب بس في المستقلات ..:nice:
يالله نحتسب الاجر عند الله ياختي ،، والحمدلله طلعنا ورايتنا بيضا وخلهم الحين يشوفون حد يسوي ربع اللي سويناه :) ،،، للامانه انا هالمديره احترمها لانها كانت تقريبا في سن امي الله يرحمها لا بعد اكبر من امي بشوي .. حتى والله ما اقدر اعصب عليها اذا غلطت علي :( وهي طبعا شديده جدا الله يذكرها بالخير ويسامحها ...
وهذي مديحه ان شا الله تكون مع المفنشين مؤخرا ويفتكون منها الموظفات .. وكل موظفه ان شا الله يكون عندها مكتب وكرسي :nice:

والمخده صج صج تخنق

يوم كنت في مدرسه حكوميه كان عندنا مكان يرتاحون فيه الحوامل
خبرج مرضهم النوم

بس عمرهم ما تاخروا عن حصصهم او قصروا بشغلهم بالعكس كانوا منجزات

اما بخصوص مديحة
الله يستر عليها وعلينا
بس اشوفج تقولين ان شاء الله تكون من الي فنشوهم

ليش هي لين الحين تشتغل بالجااااامعه:omg:

[Dawn]

يوم كنت في مدرسه حكوميه كان عندنا مكان يرتاحون فيه الحوامل
خبرج مرضهم النوم

بس عمرهم ما تاخروا عن حصصهم او قصروا بشغلهم بالعكس كانوا منجزات

اما بخصوص مديحة
الله يستر عليها وعلينا
بس اشوفج تقولين ان شاء الله تكون من الي فنشوهم

ليش هي لين الحين تشتغل بالجااااامعه:omg:


ما شا الله هذي وزارة التربيه والتعليم اللي المجلس الاعلى يوصفها بالتخلف وهم نظامهم ياباني من سنين ... ممم حسره علينا ما لحقنا على هالنظام الراقي ... مساكين الحوامل وامهات لعيال عندنا والله يكرفون حالهم حال البنات ..

بخصوص مديحه :secret:... شدراني عنها ... انا تخرجت سنة 2004 يعني موديل قديم .. كح .. انا توقعت انج تشتغلين بالجامعه وهي رئيستج :shy:... طلعتي مدرسه :nice:

[deema117]

الصراحة آنا استغرب من الموظفات اللي تنسدح تحت مكتبها وتناااااااااااااااام :omg:

والله المنظر مب حلو وخصوصاً أن العامل يدخل المكتب ويشوف المنظر وشكله ينقل الصورة

للمسؤول

وأحياناً تتعمق بالنوم وتسمع شخير ، انزين ما يصير تغيبين وتنامين في بيتكم ! :rolleyes2:



:tease:

[فديت الدوحة]

ما شا الله هذي وزارة التربيه والتعليم اللي المجلس الاعلى يوصفها بالتخلف وهم نظامهم ياباني من سنين ... ممم حسره علينا ما لحقنا على هالنظام الراقي ... مساكين الحوامل وامهات لعيال عندنا والله يكرفون حالهم حال البنات ..

بخصوص مديحه :secret:... شدراني عنها ... انا تخرجت سنة 2004 يعني موديل قديم .. كح .. انا توقعت انج تشتغلين بالجامعه وهي رئيستج :shy:... طلعتي مدرسه :nice:



لالا وين انا متخرجه من الف وحطبه ع قولتهم
1998

بس تقريبا كنت ملاحظه سياستها في الشغل

[فديت الدوحة]

الصراحة آنا استغرب من الموظفات اللي تنسدح تحت مكتبها وتناااااااااااااااام :omg:

والله المنظر مب حلو وخصوصاً أن العامل يدخل المكتب ويشوف المنظر وشكله ينقل الصورة

للمسؤول

وأحياناً تتعمق بالنوم وتسمع شخير ، انزين ما يصير تغيبين وتنامين في بيتكم ! :rolleyes2:


:tease:


لا شدعوه ترقد تحت المكتب

وين العمال يدشون لا يبه انت مب مستوعب السالفه

عموماً

القصد اخي الكريم ان السيدة الحامل تحتاج لتمدد قليلاً
ولا يعني بالضروة التمدد نوم الموظفة ابدا

[Dawn]

لالا وين انا متخرجه من الف وحطبه ع قولتهم
1998

بس تقريبا كنت ملاحظه سياستها في الشغل

مممم انتي نفس دفعة اختي .. :)
تدرين الحين فكرت فيها .. اعتقد انها توفت :(.. لان كان عمرها في الستين اذا مب اكبر .. انا اتذكر انها كانت وايد تصارخ :rolleyes2: وكنت اخاف منها .. كانت تهاوش البنات على لبسهم وهي تنورتها فوق الركبه !!! اكيد قبطيه ... لانها كانت تهاوشهم بكل ثقه ما كانت تنحرج ابدا .. لا وتقول لهم يغطون شعرهم كويس وهي مب متحجبه .. كانت انسانه غريبه صراحه .. زين انها ماتت وافتكوا منها الموظفات والطالبات :nice:

[Dawn]

الصراحة آنا استغرب من الموظفات اللي تنسدح تحت مكتبها وتناااااااااااااااام :omg:

والله المنظر مب حلو وخصوصاً أن العامل يدخل المكتب ويشوف المنظر وشكله ينقل الصورة

للمسؤول

وأحياناً تتعمق بالنوم وتسمع شخير ، انزين ما يصير تغيبين وتنامين في بيتكم ! :rolleyes2:



:tease:

:omg:
:omg:
يا الهي
اشدعوه تحت المكتب
فار ؟؟
ما اتخيل وحده ترضى على نفسها ان يدخل عليها العامل وهي بهالحاله ..
وشخير بعد !!!:eek5:
انتي وين تشتغلين ؟؟

[مشتاقة لقطر]

عمري مانمن بالدوام على قولتج دون كله حركة وتنقل بالمدرسة

[captin]

بيئتنا العملية المحلية ما فيها ثقافة الاستراحة أو البريك
مثل اوروبا وامريكا حيث الدوام الطويل وأيضا تقبل منظر
يكون الواحد يكون مسترخي فاتح الكرافته او مدد ريوله
اوحتى مستلقى على الكنبة اللي في مكتبه وقت البريك , وكثير من المدراء بالذات
في الشركات الغربية يكون في مكتبة كنبة تتحول لمنضدة للإسترخاء.

وأيضا احنا ما عندنا وقت منظم للعمل الداخلي والإجتماعات
بحيث الواحد حتى لو بغى يرتاح لمدة عشر دقايق يقدر احيان يدخل عليك احد من الموظفين
من غير استئذان احيان يجيك اتصال لإجتماع مفاجئ أحيان يدخل الفراش يطير قلبك وانت غافل
يقول لك شنو يبي شاي احمر شاي حليب كركدي كوفي ههههههههه.

احنا ضايعين لا باللي اتبعنا الغرب واخذنا بريك رسمي صريح ولا باللي انهينا دوامنا بدري
ورحنا بيوتنا نقيل
وهاذي نهاية الدوام الساعة ثنتين ياية عرض .

احنا في بيئتنا وعلى جونا يصلح لنا نرجع مثل أيام قبل الساعة وحدة الظهر العايلة كلها بالبيت متغدين وما خذين قيلولتهم في البيت و الساعة ثلاث قايمين مصلين العصر
وكلن طالع يقضي شغله حتى اليوم يصير في بركه ويقدر الواحد ينجز أشياء خاصة خارج وقت الدوام .

[الحياة الخالدة]

بيئتنا العملية المحلية ما فيها ثقافة الاستراحة أو البريك
مثل اوروبا وامريكا حيث الدوام الطويل وأيضا تقبل منظر
يكون الواحد يكون مسترخي فاتح الكرافته او مدد ريوله
اوحتى مستلقى على الكنبة اللي في مكتبه وقت البريك , وكثير من المدراء بالذات
في الشركات الغربية يكون في مكتبة كنبة تتحول لمنضدة للإسترخاء.

وأيضا احنا ما عندنا وقت منظم للعمل الداخلي والإجتماعات
بحيث الواحد حتى لو بغى يرتاح لمدة عشر دقايق يقدر احيان يدخل عليك احد من الموظفين
من غير استئذان احيان يجيك اتصال لإجتماع مفاجئ أحيان يدخل الفراش يطير قلبك وانت غافل
يقول لك شنو يبي شاي احمر شاي حليب كركدي كوفي ههههههههه.


أما من ناحيـــــة يطير قلبك صدقت
يعني الواحد يالله توه بس حاط راسه على المكتب استرخاء مب رقاد .. لان الرقاد مب حوله
الا باللي مدرعم من غير احم و لا دستور على قولتهم
هذا الود ودك تحذفه بأقرب ما عندك :rolleyes2:
هذا اللي يقولون عنه .. نفعه مبقوص :anger1:

احنا ضايعين لا باللي اتبعنا الغرب واخذنا بريك رسمي صريح ولا باللي انهينا دوامنا بدري
ورحنا بيوتنا نقيل
وهاذي نهاية الدوام الساعة ثنتين ياية عرض .


يعني بالله دوام من 7 لين 3 ..
ايش هالبني آدم اللي بيستحمل يبقق عيونه و يركز كل هالوقت
و يا ويله ان غلط في شي
ماعتقد فيها شي ان عطوه مكان يرتاح فيه حتى لو ربع ساعة
و اذا يبون يحطون مؤقت .. عشان محـــــد يكبر الوساد :nice:

احنا في بيئتنا وعلى جونا يصلح لنا نرجع مثل أيام قبل الساعة وحدة الظهر العايلة كلها بالبيت متغدين وما خذين قيلولتهم في البيت و الساعة ثلاث قايمين مصلين العصر
وكلن طالع يقضي شغله حتى اليوم يصير في بركه ويقدر الواحد ينجز أشياء خاصة خارج وقت الدوام .


وييييييي .. شخباري هالنظـــــــام
ماعتقد انه بيرد في يوم من الأيام
هذا اللي يسمونـــــــه زمن الفن الجميل
الحين الواحد يرد 3 يا دوب يتغدى .. يصلي و ينخمــــــــد .. و اذا قام حق صلاة المغرب خير و بركـــــة .. و نعمة من الله :(


و شكراً لصاحب الموضــــــــوع .. :)

[تاجر كشخة]

الحمدلله الله لا يغير علي دوامي ما في احسن منه انام في الوقت الي ابيه لانه ما في التزامات

[مدرسة]

هالمخدة تخنننننق

كان عندنا في الحكومي مكان يرتاحون فيه المدرسات اذا كانت وحدة فيهم مريضة او مرهقة

في المستقلة تمش بوزها ..... المنظر أساسا مو حضاري !!!

اختي الله يعطيها الصحة و العافية ربة بيت و طبعا كانت تروح المدرسة تنشد عن بناتها ... و ايام الحكومي ما كانوا يقعدون الأم في الاستقبال كانت تدخل عادي و تطلع فوق غرف المدرسات

عاد لا قعدنا والا سولفنا كله تقول ( انتو يالمدرسات كله تاكلون .... كل ما أدش على غرفة المدرسات القاهم رازين مواعينهم و حراراتهم و ياكلون ) !!!

هالفكرة اكتسبتها من مرتين ثلاث راحت فيهم المدرسة و شافت المدرسات ياكلون

[الحال مايساعد]

وين يبيعونها؟

[الأصيلة]

القيلولة مهمة جدا عندي حتى لو 10 دقايق أستعيد فيها طاقتي...
وقد أمرنا رسول الله صلى الله عليه وسلم أن نأخذ غفوة خلال النهار
فقال: (قيلوا، فإن الشياطين لا تقيل)

وقد أظهر بحث علمي جديد أن قيلولة الإنسان أثناء العمل
تقلل من خطر الإصابة بمشكلات قلبية خطيرة، وربما قاتلة،
وقال الباحثون إن قيلولة النهار في المكتب تفيد القلب
لأنها تقلل من الإجهاد والاضطراب، حيث يشكل العمل المصدر
الرئيسي للإجهاد. وفي بحث آخر يؤكد العلماء أن النوم بالنهار
ضروري جداً ليعوض الإنسان ما فاته من نوم الليل،
بل إن نوم الليل لا يكفي، وقد يكون ضاراً إذا امتد لفترة طويلة!

[فتافيت]

اكيييييييييييييييييييييييييييييييييييييييييييييييي يييييييييييد لازم احلى شي النوم عقب الدوام

[موضي قطر]

الصراحة آنا استغرب من الموظفات اللي تنسدح تحت مكتبها وتناااااااااااااااام :omg:

والله المنظر مب حلو وخصوصاً أن العامل يدخل المكتب ويشوف المنظر وشكله ينقل الصورة

للمسؤول

وأحياناً تتعمق بالنوم وتسمع شخير ، انزين ما يصير تغيبين وتنامين في بيتكم ! :rolleyes2:



:tease:


والله قلتي اللي في خاطري اول ما اشتغلت كنت استغرب من البنات اللي معاي يدعسون عمرهم تحت المكاتب ويرقدون بس ما شاء الله مجهزين العده من وسايد ودواشك تنطوي وغيره :shy:

تدرين عمري مافكرت ولا حاولت ارقد برى غرفتي :(

[فكتوريا]

شلون يرقدون تحت المكتب مايخافون يطلع لهم زهيوي @@

[Mohammed2]

اللي ابي اعرفه احين احط راسي داخل وبعدين شلون اتنفس ؟!!

[ANONYMOUS]

اذا في قرار رسمي ليش لا

[M O H A D]

ههههههه طبعاً كل يوم كنت اخذ قيلوله الحصه الرابعة او الخامسة و احياناً اشبكهم بـ بعض :tease:
بس الحمدلله الحين تخرجنا و بنشتاق للمدرسة :victory:

[أم حمد]

الحمدالله لا قيلوله ولا غفوه !

حتى برمضان !

واستغرب من اللي يتسدحون وياخذون غفوه فالدوام !

[deema117]

والله قلتي اللي في خاطري اول ما اشتغلت كنت استغرب من البنات اللي معاي يدعسون عمرهم تحت المكاتب ويرقدون بس ما شاء الله مجهزين العده من وسايد ودواشك تنطوي وغيره :shy:

تدرين عمري مافكرت ولا حاولت ارقد برى غرفتي :(

والله أختي موضي أن هالشيء حاصل في مكتبنا :secret: وآنا بعد يستحيل أرقد في مكان عام وبهالطريقة ،، مرة وحدة من الموظفات أضربت الرقم القياسي في الرقاد أدخلت المكتب وما حسينا أن هي اللي أدخلت لأن مكتبنا فيه تقريباً حول الـ10 بنات المهم الأخت حطت راسها وارقدت وأي أحد يسأل عنها نقوله ماجات اليوم لييييييييييييييييييين أذن الظهر تخيلي الوقت من 7.30 لين أذان الظهر :omg: فجأة إلا تقوم من النوم :tease: والصوت منمحي من الرقاد واتصل مسؤولها واضطرت تكلمه وصوتها اشكره يبين أنها قاعدة من النوم !!

اممم والله أنا ضد هذا التصرف خصوصاً أنه صادر من موظفة وفي مكان أو عمل شبه مختلط العامل داخل طالع ويشوف اللي راقد واللي قاعد . . ولو فيه شيء رسمي لأخذ غفوة بيكون شيء ممتاز لهم بشرط تخصيص أماكن الواحد يقدر يندعس فيها وينام :nice:

[deema117]

لا شدعوه ترقد تحت المكتب

وين العمال يدشون لا يبه انت مب مستوعب السالفه

عموماً

القصد اخي الكريم ان السيدة الحامل تحتاج لتمدد قليلاً
ولا يعني بالضروة التمدد نوم الموظفة ابدا

والله اللي ينامون عندنا مب حمّل ولاشيء ولو حامل جان عذرناهم

وهذا المنظر مثل ماآنا شرحته موجود ومازال موجود ، تلقى الموظفة جايبة العدة

معاها وتنسدح في المساحة اللي تحت المكتب وترووووووووح في النوم :victory:

[هبوب الكوس]

هيا الى النوم مكتب مكتب اداره اداره

http://t2.gstatic.com/images?q=tbn:ANd9GcRJkEjV8j8KVnya-Jm1f3SLYEyYsoxRe3DG_oYlg4UqzSxOmVtrpw&t=1

[سهيل قطر]

ههههههههههههههههههههههههههههههههههههههههه

اطللعت سووالف

كيف في الدوام وتررقد !!
الاررقاااد ماايصلح ولاا يصيرر راحه الاا في غرفتك الخااصه
وفي بيتك

[حنان الدنيا]

:eek5::eek5:


مافي وقت في الدوام اصلا وزين بعد نمد رجولنا من الشغل :anger1:

[Bin Hood]

انا طال عمرك طبيعة عملي ان اعمل نفس المكينة

وانا من النوع الي ما يرقد الظهر

مرة او مرتين رقدت ( قيللة الظهر ) وتأخرت على الدوام لان نومي تقييل

[بـــــــنت النوخـّــــذه]

http://landeni.com/wp-content/uploads/2011/06/1.jpg

http://landeni.com/wp-content/uploads/2011/06/2.jpg




فهل أنت من النوع إلي يآخذ قيلولة أو غفوة بالدوم ؟




بال فشيله صراحه اي شخص يروح الدوام يرقد كلش مافي برستيج 00

مافضل الشخص يحط راسه ويقيل بالدوام ياخذ له اجازه او يطلع يستأذن ويكمل ارقاده في (المكان الصح الي الناس ينامون ويقيلون فيه )

عموما اكثر هالحلات تكثر في رمضان مادري ليش كأن شهر رمضان للنوم والكسل واغلبهم يطلعون اجازات في هالشهر الفضيل كللللله عشان النوم الصبح 00

ناس غريبين

بالنسبه لي اذا كلش جاتني النوده على طول كوب كبير قهوه تركيه وينتهي الوضع اما احط راسي لالالالا مستحيل ماحب هالمنظر مكان العمل للعمل 00

تحياتي

[حسن]

الحمدالله لا قيلوله ولا غفوه !

حتى برمضان !

واستغرب من اللي يتسدحون وياخذون غفوه فالدوام !

بل انتي نفسي يام حمد عمري ماقيلت رمضان ولا غيره:victory:

[حسن]

القيلولة مهمة جدا عندي حتى لو 10 دقايق أستعيد فيها طاقتي...
وقد أمرنا رسول الله صلى الله عليه وسلم أن نأخذ غفوة خلال النهار
فقال: (قيلوا، فإن الشياطين لا تقيل)

وقد أظهر بحث علمي جديد أن قيلولة الإنسان أثناء العمل
تقلل من خطر الإصابة بمشكلات قلبية خطيرة، وربما قاتلة،
وقال الباحثون إن قيلولة النهار في المكتب تفيد القلب
لأنها تقلل من الإجهاد والاضطراب، حيث يشكل العمل المصدر
الرئيسي للإجهاد. وفي بحث آخر يؤكد العلماء أن النوم بالنهار
ضروري جداً ليعوض الإنسان ما فاته من نوم الليل،
بل إن نوم الليل لا يكفي، وقد يكون ضاراً إذا امتد لفترة طويلة!ما دري هذا الحديث ينطبق علي

[Right]

الصراحة مرتيين تقريباً خذت لي غفوة في الدوام

يعني مثل ما يقولون " كسر نوم "

الغفوة كانت 10 دقايق بس في مصلى الشغل " تلطم بالغترة " ونوووووم :nice:

[بوتين]

ياكثر مارقدت في الدوام مع ان دوامنا مايخلى من الشغل بس من احس ان الجو هدوء خاصاً عقب البريك وبعد البرياني اللي في كافتيريا الدوام اللي مع لبن وبيبسي :rolleyes2:..احس عصافير مخي تدور على طول افتح الكمبيوتر والبس النظارة الشمسية واقول حق اللي جمبي انا ببند شوي:tease: اذا دش المسؤول طول صوتك وسو حركة .

والحين مايمر على يوم ولا يومين في الشغل لازم ارقد خاصاً اذا دوامي يوم الجمعة بعد الصلاة :cry2:

يعني اقصد بالرقاد القيلولة من 10 الى 15 ساعة بالكثير وانصحكم بالقيلولة في الدوام جرب وش خسران :ok:

[فرحة ايامي]

فهل أنت من النوع إلي يآخذ قيلولة أو غفوة بالدوم ؟

الأجابة :

لا لا لا. لا أحيانا لا يوجد وقت لتناول كوب من القهوة فكيف بالقيلولة0

مع ان القيلولة مهمة جداً لصحة الانسان وصحته العقلية. والقيلولة تعني لو نصف ساعة 30 دقيقة كفاية بس تكون عميقة الغفوة

اضافة:

ولكن القيلولة التي أعنيها ليس في العمل مع ان الدول المتقدمة تمنح استراحة في منتصف الدوام يفعل به الموظف ما يشاء ولكن للدوامات الطويلة ليس الثمان ساعات المعتادة 0

[intesar]

أحب القيلولة بس بالبيت.. مو بالدوام..
بس مفكرة أحط أجهزة رفاهية بالدوام.. يعني شازلون وتلفزيون..
هاي اللي ناقصني..

دمتم بود..

[Al-Kuwari]

عسى ماشر ارقد بالدوام !!

وين قاعدين !!

استغرب من اللي يحط راسه ويرقد في اي مكان ؟ شلون يجيك نوم !

[Live]

ما شاء الله شكثر الأعضاء إلي يغفون في دواماتهم

[سحـابة خيـر]

رايحين نداوم ولا ناخذ قيلوله ..؟؟
ومنظر غير حضاري الصراحه تدخل على موظف وتلقاه متسدح عالطاوله او تحت المكتب..!!
بـريك ممـكن ترتاح او شي .
مع ان مجال عملي السابق ماعندي ربع مجال استرحه الا اني كنت استغل البريك اني ارتـاح واصير نفس العيايز اهمز رويلاتي:tease::shy:

[The MooN]

:eek5::eek5: قيلولة بالشغل !!!:eek5::eek5::eek5:

أكيد لأ .....

[القحطاني505]

أنا نومي شوي ما عمري نمت في الدوام حتى في السفر لو كان واحد يسوق غيري مستحيل يجيني نوم

[Frosty]

لمن اكون مواصل :nice:

[رجل الجزيرة]

أنا مدمن نوم

أنام كثير

ونومي ثقيييييييل

ومسبب لي مشكلة مع الدوام

جربت أدوية بس مافي فائدة

الغريب ان كثير يحسدوني ويتمنون نوم ثقيل مثلي

الأفضل لك إنك تعمل تحليل دم علشان تشوف الغدة الدرقية فإذا هي منخفضة أو خاملة فهي سبب رئيسي للنوم الثقيل في أي وقت.

[chillis]

مرات الواحد ينعس بس مستحيل انام بالدوام

[بوحارب]

اكيد ^ـ^

[pinky-qtr]

ما عمري نمت فالدوام وان شاء الله ما يجي هاليوم لان صج صج بستنقد هالتصرف ع عمري..

استغرب من اللي عندهم سهالات ينامون في اي مكان وكل مكان ..

[بو خليفه 123]

مكتبي زجاج و عندي مراجعين بشكل مستمر لذا محافظ على رقادي بشكل منتظم و حياتي الاجتماعيه في آن واحد و لله الحمد..


بس اذكر في رمضان 2004 رقدت مره في اجتماع كنت رايح الدوام مواصل .. و بعد انتهاء الاجتماع جاني مديري الله يذكره بالخير و قال اسمح لي على ازعاجك بس مضطر اقعدك لأنه المشاخر ازعجنا :shy:


----


أنا قد سمعت (والعهده على الراوي) انه فيه موظفات يشترون مخدات و لحاف حق رمضان و من تجي الساعه 9 يتناوبون الموظفات بالرقاد لين فترة انتهاء الدوام :nice:



تحياتي لـ صاحب الموضوع

[missperfect]

اليوم اول يوم دوام من بعد اجازة طويله ،، والله خاطري ارقد بس مااقدر :weeping:
خاطر اتعلم :eek5:

[شبح الصمت]

يمكن على كثر سنوات دوامي ..

ما تعدوا 5 مرات ومهب رقده رقده ..

ليتهم يسوون لنا حجره فيها اسره عشان الواحد اذا فيه خاطره ينام يعلق الثوب ويعطيها بغفوه لمدة نص ساعة فقط يريح المخ ويسوون لنا حمام vip ( الله يكرم الموجودين )

لاجل تاخذ لك شور ينعنش ..

:shy:

[falsaadi]

ماشاءالله..يعني في اماكن الواحد يقدر يتوارى عن النظر او ينام شوي من غير رقابه..
حظكم، هالشي مستحيل "هني"

وقيلوله مريحه للجميع

[البدع]

الأفضل لك إنك تعمل تحليل دم علشان تشوف الغدة الدرقية فإذا هي منخفضة أو خاملة فهي سبب رئيسي للنوم الثقيل في أي وقت.

مافهمت

هل مريت بتجربة مشابهة

؟؟

ويعطيك العافية

[مساهمة بسFresh]

:shy:اللي يرقد في الدوام لازم يكلم مديره علشان يخصم عليه ذاك اليوم

حرام ياخذ راتب وهو نايم

[البحار00]

مافي امل ارقد في الدوام

[(حوريه)]

صعبة النوم اثناء الدوام

المفروض يكون فيه استراحة للموظفين مثل غرفة النوم وفيها كل وسائل الراحة

خصوصا للي دوامهم من 7الى 3

ياليت يوفرون لنا مثل الاستيديو في كل ادارة للراحة

[بو منيرة]

والله صارت لي كم مره ... انا مشكلتي السهر هو الي يتعبني

والمشكلة شغلي قدام الكمبيوتر يعني مافي مراجعين ولا في حركة .... هدوء وحزات مافي شغل يعني الواحد يتكيسل شوي

مره المدير كان طالع اجازة ... دخلت مكتبة وخذت لي غفوة يمكن 20 دقيقة :)

ومره كنت صج تعبان ... بس الموت ولا حد يشوفني راقد ... ركبتالموتر وشغلت المكيف وبطلت الدرايش شوي وحطيت راسي بعد تقريبا 20 دقيقة ... وبعدين الواحد يروح الحمام يغسل وجهه بماي بارد ويصلي ركعتين ويرجع على شغله وكان الله غفورا رحيما :)

[تاجر كشخة]

نعم اعطيها نومه مع جير خامس

[┋أَجِوَدًيّ┋]

بعض المرات أعطيها بغفوة سريعة