استفسار : هل يمكنك السياقة في أمريكا بالرخصة القطرية؟

[شيخ الديرة]

أود المساعدة ممن سافر الى أمريكا وساق سيارة هناك, هل الرخصة القطرية تكفي, أم ضروري نسوي دوليه؟

[@north_star@]

يبيلك دولية وتقدر تستفسر من بعض شركات التأمين اللى يصدرون الرخص الدولية

[Gh2o]

الدوليه محد يعترف فيها اخوي بالعكس الليسن القطري معتمد
انا جربت الدولي بلندن واوروبا يشوفونه وودهم يشقونه ورقه وعليها صوره وبالعربي مكتوبه ؟ شفايدته ماعرف
الليسن القطري الرسمي معترف به دولياً اذا كنت سايح بس لو رايح تدرس الوضع يختلف

[cavok]

اخوي شيخ الديرة
بالنسبه حق السياقه بامريكا يجب عليك حمل الرخصة الدولية والقطرية معا

[شيخ الديرة]

اخوي شيخ الديرة
بالنسبه حق السياقه بامريكا يجب عليك حمل الرخصة الدولية والقطرية معا
كلامك صحيح لأن بحثت على الانترنت وشفت الموقع الرسمي للحكومة الأمريكية
http://www.usa.gov/resources/images/usagov_logo.gif
هي هذا الرابط في الفقره الأولى يؤكد جوابك
http://www.usa.gov/Topics/Foreign_Visitors_Driving.shtml

[البدع]

أنا جربت القطري في ولاية آيوا ورفضوا

قالوا لازم دولي

وطريق السلامة

[Most Wanted]

توكل على الله الليسن القطري يمشي هناك عادي، انا كل السيارات اللي ااجرها في أوربا وفي امريكا كلها بالقطري بس لازم يكون الجواز معاك لان مشكلة أليسن مافيه تاريخ الميلاد وهاي شي ضروري عشان التامين

[شيخ الديرة]

توكل على الله الليسن القطري يمشي هناك عادي، انا كل السيارات اللي ااجرها في أوربا وفي امريكا كلها بالقطري بس لازم يكون الجواز معاك لان مشكلة أليسن مافيه تاريخ الميلاد وهاي شي ضروري عشان التامين

بس الحين تاريخ الميلاد موجود بالنسخه الجديدة

http://i18.photobucket.com/albums/b146/radimaranan08/DOC054.jpg

[cartier]

يمشي القطري عادي انا جربته في بوسطون وكاليفورنيا

[zeknon]

اخوي انا اجرت في امريكا طلبوا الليسن الدولي والقطري والفيزا

[خشوف]

ماقصروا الاخوان

[captin]

تحتاج الأثنين الدولي والقطري

اذكر مره سويت مخالفة وقفني رجل المرور
وطلب الرخصة الدولية وطلب الرخصة القطرية بعد ما عرف اني من قطر

[R 7 A L]

يمشي القطري
خذها مني يا الشيخ
جربته في شيكاغو ومشيغان واوهايو وبنسلفانيا ونيويورك ووشنطن دي سي وفرجينا

[شيخ الديرة]

يمشي القطري
خذها مني يا الشيخ
جربته في شيكاغو ومشيغان واوهايو وبنسلفانيا ونيويورك ووشنطن دي سي وفرجينا
هله رحال, هسه عرفت ليش أختاريت هذا الأسم

لما تقول جربتها, هل تقصد ان شرطي المرور وقفك واكتفى بالرخصة القطرية؟

[بدوي]

فعلا خذها من اخوي رحال

الربع توهم جايين من امريكا

يقولون ولا سألوا عن الدولي .. بس القطري وامورك تماااااااااام

حتى مكتب التأجير قالهم .. الليسن القطري يكفي فقط

عليه صورتك + شعار الدولة + وقياسه قياس البطاقات المتعارف عليها عالميآ

:nice:

[لطآم]

يمشي القطري
خذها مني يا الشيخ
جربته في شيكاغو ومشيغان واوهايو وبنسلفانيا ونيويورك ووشنطن دي سي وفرجينا

نفسي
أخذ الكلام مني ومن أخوي رحال
ولاقصور في باقي الأخوان
بس يمشي القطري بودون دولي ولا غيره
قطري وخلاص :victory: