استفسار : من الاخوه الخبراء بخصوص الشنغن لالمانيا ضروري اليوم

[الروقي]

السلام عليكم
اذا بسوي فيزا لالمانيا هل يعبون الفورم لي في المكتب الي في الفردان وكم ياخذون على التامين الصحي الي راح لمكتب سفارة المانيا الي في السد في بناية الفردان ياليت يعطينا التفصيل والله يعطيكم العافيه

[cavok]

والله ما حب اروح اوروبا بسبب الشنغن واعشق لندن بما فيها visa ام عشر سنوات
ووسع صدرك يبى

[وحيد-الشوق]

يقولون الصبح زحمه انا رحت لهم الظهر الساعة ٢ ونص المكان فاضي

التأمين شوف لك اي مكتب يسويه انا واحد الله يجزاه خير سواه لي وخذوه منه مكتب السفريات ١٢٥ ريال تأمين شهر

الفورمه تعبيها انت وماعندي فكره اذا يساعدونك ولا لأنه بعضهم نفسيه

والسموحه عالقصور وان شاء الله يفيدونك الاعضاء

[Gh2o]

الفورمه انت تعبيها وايد بسيطه مب معقده مثل فيزت لندن وزحمتهم وسعرهم الغالي عالفاضي
المطلوب منك كقطري فقط حجز فندق والتامين تقدر تاخذه من مكتب السفريات بس اذا عندك تامين صحي الي يعطون بعض الموظفين يعتمدونه ويمشي
وعلى فكره يعطونك مده الجواز ودوم المكان فاضي لانهم اساسا مايعطلونك مثل البريطانيه

مزيد من المعلومات :
- المطلوب صورتين والجواز الاصلي طبعا .
- للقطرين فقط حجز فندق وهالشي سهل جدا تقدر تسويه الحين بموقع booking.com
- التامين الصحي اعتقد تقدر اطلعه من رجينسي لسفريات مادري والله لان عندي تامين الداوم وقبلوه ( موظف بكيو بي ) .
- تكلفه الفيزا اعتقد ٣٢٠ ويضاف عليه ٩٩ ريال قيمه المعامله للمكتب نفسه .
- تكلفه الرسائل النصيه ٥ ريالات (خياري)
- الاطفال دون ال٥ فيزهم ببلاش ياخذون عليك ٩٩ قيمه المعامله فقط
- لو عندك ٥ طلبات لازم كل طلب ترفق معاه نسخه من حجز الفندق والافضل تنسخ برع هناك ينسخون لك ب ٢ ريالين للورقه الوحده .
- الخلفيه البيضا او الرصاصيه مقبوله واعتقد اي خلفيه
- اي حد ممكن يقدم الطلب عنك بس لازم الي قدم يستلم الجوازات ولا يعقدون الموضوع شوي
- الفيزا تاخذ لها تقريبا ٣ ايام فقط او يومين
- لو زحمه تقدر تاخذ خدمه البريميم وهي خدمه في اي بي ب ١٩٩ ريال وصراحه اشوف الزحمه هناك اكثر الله يهديهم ربعنا يحبون اي شي فيه كلمه في اي بي
- الكاش مقبول بس لو تستخدم بطاقه البنك هناك رسوم اضافيه .
- غير مطلوب منك بصمه او حضورك من الاساس
- مده الفيزا هي مده صلااحيه الجواز .
- الداوم من ٨ ونص ل ٣ ونص

[mE mYself & i]

الفورمه انت تعبيها وايد بسيطه مب معقده مثل فيزت لندن وزحمتهم وسعرهم الغالي عالفاضي
المطلوب منك كقطري فقط حجز فندق والتامين تقدر تاخذه من مكتب السفريات بس اذا عندك تامين صحي الي يعطون بعض الموظفين يعتمدونه ويمشي
وعلى فكره يعطونك مده الجواز ودوم المكان فاضي لانهم اساسا مايعطلونك مثل البريطانيه

مزيد من المعلومات :
- المطلوب صورتين والجواز الاصلي طبعا .
- للقطرين فقط حجز فندق وهالشي سهل جدا تقدر تسويه الحين بموقع booking.com
- التامين الصحي اعتقد تقدر اطلعه من رجينسي لسفريات مادري والله لان عندي تامين الداوم وقبلوه ( موظف بكيو بي ) .
- تكلفه الفيزا اعتقد ٣٢٠ ويضاف عليه ٩٩ ريال قيمه المعامله للمكتب نفسه .
- تكلفه الرسائل النصيه ٥ ريالات (خياري)
- الاطفال دون ال٥ فيزهم ببلاش ياخذون عليك ٩٩ قيمه المعامله فقط
- لو عندك ٥ طلبات لازم كل طلب ترفق معاه نسخه من حجز الفندق والافضل تنسخ برع هناك ينسخون لك ب ٢ ريالين للورقه الوحده .
- الخلفيه البيضا او الرصاصيه مقبوله واعتقد اي خلفيه
- اي حد ممكن يقدم الطلب عنك بس لازم الي قدم يستلم الجوازات ولا يعقدون الموضوع شوي
- الفيزا تاخذ لها تقريبا ٣ ايام فقط او يومين
- لو زحمه تقدر تاخذ خدمه البريميم وهي خدمه في اي بي ب ١٩٩ ريال وصراحه اشوف الزحمه هناك اكثر الله يهديهم ربعنا يحبون اي شي فيه كلمه في اي بي
- الكاش مقبول بس لو تستخدم بطاقه البنك هناك رسوم اضافيه .
- غير مطلوب منك بصمه او حضورك من الاساس
- مده الفيزا هي مده صلااحيه الجواز .
- الداوم من ٨ ونص ل ٣ ونص

صحيح كلامك أخوي

انا سويتها الاسبوع الي فات خلصت خلال يومين

وحتى خدمة الاس ام اس ما في داعي لها لانك تقدر اتشيك على طلبك من الانترنت وين وصل

[الروقي]

ماقصرتوا بيض الله وجيهكم وجزاكم الله خير .حبيت اسال هم مايسووون تامين لو طلبت منهم لانه مكتوب في موقهم يسووون تامين صحي مادري شيقصدون ؟

[سهم قطر]

مشكورين على المعلومات

[Gh2o]

ماقصرتوا بيض الله وجيهكم وجزاكم الله خير .حبيت اسال هم مايسووون تامين لو طلبت منهم لانه مكتوب في موقهم يسووون تامين صحي مادري شيقصدون ؟

بخصوص التامين الي اذكره تمام الموظفه قالت لك هات معاك تامين ما قالت بنسوي لك تامين والافضل تاخذ تامين لان كل شي عندهم غالي

[mE mYself & i]

ماقصرتوا بيض الله وجيهكم وجزاكم الله خير .حبيت اسال هم مايسووون تامين لو طلبت منهم لانه مكتوب في موقهم يسووون تامين صحي مادري شيقصدون ؟

إذا عندك تأمين صحي من جهة عملك ود لهم صورة منه

[بوهديب]

يقولون الصبح زحمه انا رحت لهم الظهر الساعة ٢ ونص المكان فاضي

التأمين شوف لك اي مكتب يسويه انا واحد الله يجزاه خير سواه لي وخذوه منه مكتب السفريات ١٢٥ ريال تأمين شهر

الفورمه تعبيها انت وماعندي فكره اذا يساعدونك ولا لأنه بعضهم نفسيه

والسموحه عالقصور وان شاء الله يفيدونك الاعضاء

الله يجزيك الف خير ويسهلك كل طريق
كفيت ووفيت واستفدنا من المعلومات
لان الصراحه الكل قام يفتي ولو تسأله انت سويت فيزا قال لأ سمعت
وماقصرت ياالشيخ

[.Qa6ar]

سلاماتك اخووي اللي يقووول الساعه ٢
انا رايح لهم اليوم الساعه ٢ ومسكرين


ومكتوب على الباب من الساعه ٨ الى ١١

[وحيد-الشوق]

سلاماتك اخووي اللي يقووول الساعه ٢
انا رايح لهم اليوم الساعه ٢ ومسكرين


ومكتوب على الباب من الساعه ٨ الى ١١

:omg:

معقولة انت شكلك رايح السفارة ومغلط ترى التقديم في عمارة الفرادن حقت الرنج والمواتر الدور الثالث والي اخبره من 8 ونص لين 3 اذا ماخاب ظني

مادري عاد كان غيروا المواعيد :omen2:

[.Qa6ar]

هههههههههههه

قوول ان المكان تغير صح كلامك من الساعه 8 إلى 3

جزاك الله خير اخووي

واسفين على خطأ استقبال المعلومه:shy: