اسعار الماضي قاربت لماذا؟ ؟ ؟ ! ! !

[كحيلان]

اسعار بداية 2005 بدأت الان تقترب من اسعار بداية 2004 ممكن احد يعطينا تحليل واضح لهذا السبب ! ! ! :con2:

[البرنس]

اخوي كحيلان ، تراك عفستنا الله يهديك ، كل شوي طالعلك طلعة شكل ، اركد !

[موادع قطر]

كلامك صحيح اخ كحيلان للاسعار شكلها بترجع مثل ماطلعت بالاول....واولهم المواشي والمخازن

ياريت حد يوضح ويعطينى الاشياء مبنيه على اساس واقع

[مضارب دبلوماسي]

الله اعلم :confused: :confused:

[Alpinestars]

كحيلان



اي والله ياخوي كحيلان تراك عفستنا الله يهديك ... الحين نشتري ولا نبيع ولا نرقد على الاسهم

والا شسالفه :con2:


تحياتي

[ولــ الخاطر ــد]

كل بدايه له نهايه (الا سوقنا شكل نزوله ماله نهايه )


والله كريم بس ما ادري وين يبون يوصلون الناس الجنون باقي له شعره والله انا شاري النقل البحري

192 واليوم 107 وبكره ليمت داون

لا والشي الي يقهر انا الشركات ربحانه وتارسين الجرايد الشركه الفلانيه ربحانه 39 مليون في الربع

الاول وتشوف شي غير الواقع اي شركه ربحانه على اليمت دوان ومحد يبيها

والله شكلهم يقصون علينا


واسف على الاطاله


ولاحد يلوم ترى الجنون باقي له شعره

:)

[رحال]

ما طار طير وأرتفع الى كما طار وقع !!!

[شرقاوي]

الاسعار مستحيل ترجع كم كانت في بداية 2004

الا عند حدوث كارثه مثل حرب او تدهور لأسعار

النفط او ماشابه.... الله لايقدر

[الفيصلي]

يا جماعة صاير ضغط كبير على الاسهم علشان يجمعون خلو الكبار يجمعون لين يشبعون ومرد الاسهم بترتفع بس طولوا بالكم شوي لين يشبعون :looking:

[رحال]

الاسعار مستحيل ترجع كم كانت في بداية 2004

الا عند حدوث كارثه مثل حرب او تدهور لأسعار

النفط او ماشابه.... الله لايقدر


يا أخ شرقاوي البورصة علمتنا المستحيل ومنطق اللآمنطق اسأل وشصار في اقوى بورصة

في العالم وهي الوول ستريت بأمريكا عندما انهارت شركة الياهو والا مازون على سبيل المثال

كبرى شركات الا نترنت نزلت من 506 دولار الى 7 دولار وعندك الحسبه !!!

شركة المايكروسوفت نزلت من 118 الى 32 للعلم عدد موظفيها أكثر من عدد سكان البحرين ؟

[الزقروطي]

السلام عليكم

ياشباب الاسعار تبي ترتفع مثل ماقال اخونا الفيصلي
واللم الواضح لكبار المستثمرين يبين هالشي
بس خلوهم يشبعون وصدقوني مرتفع مرتفع
لأنه بالعقل كبار المستثمرين عندما يشترون الاسهم يسعون للأرباح ومن الطبيعي انهم يرفعونها عشان يبيعون

" طبعا كلامي على السبحانيه يعني عالبركه "

لحد يقولي على شنو استند ومادري شنو
تحليل عقلاني مجرد :)

صدقوني راقبو السوق واللي عنده سيوله لا يقصر يشتري عن اقل الاسعار

[كحيلان]

جعلك والله سالم حتى لو ما عندك اي مستند او دليل

المستند والدليل جهدك بالكلام والتفكير والكتابه

[الزقروطي]

جعلك والله سالم حتى لو ما عندك اي مستند او دليل

المستند والدليل جهدك بالكلام والتفكير والكتابه

الله يسلمك كحيلان
كلك ذوق

[مضارب قديم]

كحيلان انا اقرا مشاركاتك وصراحه باين عليك ذكي بس محتاج لقراءات كثيره وخاصه كتب جون هيرفي واعتقد انه موجود في جرير
على فكره لحد يقول اني اسوق للكاتب تراه مايقرب لي ولا لي معرفه اصلا بمكتبه جرير بس انا اتوقع ان عندهم كتب
وبعدين ياخي اركد شوي تراك كل شوي طالع بموضوع وكل شوي شاري بشركه ..
بسك عاد ..!!
ترا ماعاد فيه ليمت اب ليمت اب ليمت اب مثل قبل ...
يعني مافيه سالفه صفر عرض مليون طلب ... لا يالغالي راح انشالله يكون فيه مشترى وبيع
يعني لاتهور شوي شوي بس انت اركد الله يطول عمرك وخلنا نشووف واخرتها مع اللي قاعد يصير هاليومين

[مضارب قديم]

وبخصوص التوضيح اللي سالت عنه ان الاسعار وصلت ل اسعار 2004 ليش لا عااااادي جدا وش مزعلك يا قلبي
السبب واضح اغلب الشركات زادت رؤوس اموالها ب الاسهم سواء مجانيه او اكتتابات وهذا يعني على سبيل المثال عندك مثلا من 2004 في شركه ( اكس) 1000 سهم وكان سعره 50 ريال يعني عندك 50000 ريال وصار زياده لراس المال ب 50% 3-2005 يعني صار عندك 1500 الحين وبسعر خلنا نقول 50 يعني الناتج75000 وهذا شي طيب جدا بس قول لا تنزل من اسعار 2004 يعني ال 1500 والسعر 40 هني الكلام
مع تحياتي لك كحيلان..

[شرقاوي]

يا أخ شرقاوي البورصة علمتنا المستحيل ومنطق اللآمنطق اسأل وشصار في اقوى بورصة

في العالم وهي الوول ستريت بأمريكا عندما انهارت شركة الياهو والا مازون على سبيل المثال

كبرى شركات الا نترنت نزلت من 506 دولار الى 7 دولار وعندك الحسبه !!!

شركة المايكروسوفت نزلت من 118 الى 32 للعلم عدد موظفيها أكثر من عدد سكان البحرين ؟



اخي رحال في أي سنه انهارت اسعار مايكروسوفت والياهو

[بوحظين]

تحليل منطقي ... ما عندي ... بس الاسعار صارت مناسبه للشراء ... هذي بورصة الدوحة .. مب سوق الخضره :)