استفسار : عن بطاقة العضويه لفندق الانتر مدري اوافق او لا [الأرشيف]

مشاهدة النسخة كاملة : استفسار : عن بطاقة العضويه لفندق الانتر مدري اوافق او لا

رآعي موآجيب

27-06-2011, 10:26 AM

السلام عليكم ورحمة الله ويركاته

صبحكم / مساكم الله بالخير

الموضوع الله يسلمكم ، كلمتني وحده من اسبوع وتقول انها موظفه في فندق الأنتركنتنتال

وعرضت علي بطاقة عضويه للفندق في قطر فيها مميزات جداً ممتازه منها خصومات على مطاعمهم بنسبة 25% وخصومات على السكن بنسبه تصل لـ 35 % مع بكج مميز للنادي الصحي والمسبح وعروض ممتازه انا الأولى بها ( المبدى عن غيري ) في حال تم تسويق عروض ، وإذا باخذ عندهم غرفه عاديه بيعطوني سويت كهديه هذا غير كوبونات بمبلغ 500 ريال تقريبا اقدر ادفعهم في المطاعم اللي عندهم ...الخ

وبعد هالعرض شامل خصومات على السكن وأوليه للحجز في افرع الفندق على مستوى العالم

هذا كله ببطاقة إشتراك من عندهم بمبلغ 990 ريال كل سنه

وانا مب عارف هل هالعروض حقيقيه أو وهميه مثل شركة ( الــ 4 شيسمونه :nice: )

والموظفه تكلمني كل يومين تسألني إذا موافق او لا لأني قلت لها بفكر

فالسؤال الحين !؟

حد مشترك معاهم وهل هالكلام كله صحيح ؟

وسلامتكم :nice:

meshwar

27-06-2011, 10:35 AM

رآعي موآجيب

27-06-2011, 10:42 AM

وعليكم السلام ورحمة الله وبركاته

كم مره بالسنة راح تسكن ؟؟
وكم مره بالسنة راح تدخل مطاعم هذا الفندق ؟؟

احسب واطرح 25 ولا 30 في الميه وشوف المبلغ الاجمالي اذا اكثر من 990 ولا اقل
والجواب عندك

حتى لو بسكن مره وحده بالسنه بعد بكون موفر :nice:

يعني لو باخذ الغرفه بدون اشتراك بـ 750 ،، الغدا والعشاء مستحيل يكون اقل من 400 ، استوت الفاتوره 1150 ريال

بالنسبه للعرض ماعليه كلام وفيه توفير ومميزات انا احتاجها خصوصاً بالسفر

بس هذي مب مشكلتي

مشكلتي اني ما ادري هل كلامهم صحيح وإلا نفس بعض الشركات اللي تلهط ودور ربعك !

Qatari 1980

27-06-2011, 10:51 AM

السلام عليكم

أخوي أنا جربت عضويتهم
وفعلاً فيها خصم 25% على مطاعم الفنادق المشاركه
وفيها خصم 10% على الفنادق المشاركه

مثل ما ذكر رك أحد الاخوان في الرد بأن الجواب بيكون عندك هل أنت توفر فيها أو لا

مثلاُ في الدوحه فقط عندهم فندق الانتركنتننتال ؟؟ هل أنت تسكن فيه وهل تزور المطاعم الي فيه ؟؟

الصراحه أنا في فتره من الفترات استفدت منها كثير ولكن في الوقت الحالي ما أستخدمها ولهالسبب وقفت اشتراكهم ...

بس الشركه مضمونه وأنا مجرب خصوماتهم الي ذكرتها لك ..

رآعي موآجيب

27-06-2011, 11:36 AM

بو الجوري

27-06-2011, 11:40 AM

هلا أخوي :..

أنا 3 مرات مجدد معاهم :.. على أيام ماكانت العضويه بـ 700 و فيها 750 كوبونات :.. :)

كل سنه يزيدون السعر :.. و عقب ماقمت أجدد :.. و السبب إني ما قمت أروح مثل قبل :.. بداية زواجي :..:)

شوف :.. إذا إنت من النوع اللي يروح مطاعم راح تستفيد من الكوبونات و الـخصم :..
العضويه هي إن لك 25% خصم فالمطاعم :..
و باقي العروض تكون على شكل كوبونات :..
يعني مثلا :..
بخصوص الغرفه لك Upgrade مرتين أو ثلاث بس :..
و مافي خصم مثل ماقلت 35% على سعر الغرفه :..
الخصم يكون على الخدمات :..
يعني على ماذكر إنك إذا ساكن و غسلت ملابسك عندهم لك خصم 35% :..
و عندك كوبونين للمسبح (الكوبون لشخصين) :..
عندك مثلا إذا أقل شي 4 اشخاص ماكلين فالمطعم :..في كوبون كيكه :..

يعني بالعربي يمكن أكثر من نص الدفتر ماتستعمله :.. :nice:

بس على ماعتقد الكوبونات أكثر من 700 ريال :.. مب مثل ماقلت 500 :..

فالنهايه إنت إحسبها و فكــر :..
و لاتعطيها رقم الفيزا على التلفون :..

إذا تفكـر تشترك :.. روحلها :..

بو الجوري

27-06-2011, 01:03 PM

:eek5:
:omg:
:eek5:

تصدق إنهـم توهـم مسكرين من عندي :..

و الله أول ما قالت معاك فلانـه من الأنتر :..
قلت بسم الله :.. ليكون قريتي ردي في موضوع راعي المواجيب :..:rolleyes2:

هههههههههههههه

المهم أنا خذت تفاصيل :.. للتأكيد :..:nice:

قيمة العضويه : 990 ريال
فيها كوبونات بقيمة 850 ريال
25% خصم على الأكل و 20% على المشروبات
3 كوبونات Upgrade
كوبونين للمسبح
10% خصم على قاعات الأفراح
خصم لغاية 25% على الغرف :.. ( هذي جديده )
كـمٍ كوبون مشروبات مجانيه :..

يعني هالأشياء المهمه :..
:)

خشوف

28-06-2011, 02:43 AM

حلو العرض وايد وافق حلو لتغير الجو

بس على فكره الدفتر اكثرالاشياء المجانيه التبيذ

بو الجوري

28-06-2011, 07:32 AM

حلو العرض وايد وافق حلو لتغير الجو

بس على فكره الدفتر اكثرالاشياء المجانيه التبيذ

صحيح إختي :.. لكـن على كلامها السنه هذي :..
خلو الكوبونات لأي مشروب :..

Qatari 1980

28-06-2011, 09:20 AM

يا شباب أنا راح أرد عليكم من واقع خبره لأني اشتركت معاهم لمدة 3 سنوات وجربت أغلب الأشياء عندهم

بالنسبه لخصم الفنادق هم يقولون لك أن الخصم لغاية 25% وهذا ولا عمري شفته منهم
هم عندهم موقع تسجل فيه عضويتك وممكن تحجز مباشره عن طريق الأنترنت
الصراحه أول سنه كان الخصم ما تلقاه الا بصعوبه يعني ماهو في أي وقت راح تلقى خصم العضويه
لكن في أخر سنتين أغلب الأوقات الي كنت أبي أحجز فيها في الفنادق التابعه لهم كنت ألقى الخصم وهو 10% على القيمه الاساسيه للغرفه
لاحظوا حاجه مهمه : أن الخصم على الفنادق التابعه لهم فقط ( يعني ماهو كل الفنادق في العام وأغلبية الفنادق موجوده في الشرق الأوسط )

أنا أول مره اشتركت فيها استفدت من حجز في فندق دار التوحيد في مكه المكرمه
لقيت خصم 150 ريال تقريباً من سعر الغرفه الأصلي وأنا جلست لمدة 3 أيام
يعني 150*3 = 450 ريال
تخيل لو أنتوا عايله كامله مسافرين وحجزتوا غرفتين أو ثلاث وكل غرفه فيها خصم على الأقل 100 ريال يعني في سفره وحده ممكن تطلع ثمن عضويتك ..
وهذي حصلت معاي مره كنت مسافر الخبر وحجزت في فندق الانتركنتننتال الخبر ( أحد الفنادق المشاركه معاهم ) و كانت 3 غرف وكنت موفر في كل غرفه على الأقل 100 ريال واحسبها لمدة 3 أيام
100 ريال توفير * 3 غرف = 300 ريال * 3 أيام = 900 ريال

بخصوص خصومات المطاعم

فعلاً هم يعطونك خصم 25% خصم على الأكل و 20% على المشروبات
بس لازم تعطيهم بطاقة العضوية قبل ما تدفع الحساب ..

بخصوص الكوبونات فيها عيبين ..
أولاً : لازم تستخدمها فقط في الفندق الاساسي الي أنت مشترك فيها
يعني عضوية الدوحه فيها فندق الانتركنتننتال الدوحه وممكن تستخدمها فقط في هذا الفندق يعني لو سافرت وحجزت أي فندق ثاني من فنادقهم ما تقدر تستخدم الكوبونات فقط تقدر تحصل على الخصم ..
ثانياً : في كل مره تقدر تستخدم فاوتشرات ب 300 ريال
يعني ما يصير تروح ويطلع حسابك 1000 ريال وتقول لهم أخذوا كل الكوبونات لكن ما تقدر تستخدم الى 300 ريال في كل مره .. يعني مجبور ترجع لهم مره ثانيه

الخلاصه في الكلام : هو يعتمد على استخدامك لفنادقهم ومطاعمهم

واذا كنت تستخدمها كثير راح تحلل البطاقه وتنبسط عليها

واذا ما كنت تستخدمها راح تدفع المبلغ وتتحسف على الاشتراك ..

وفيه ميزه ثانيه وهي الأبقريد
لو كنت حاجز غرفه عاديه وعطيتهم الفاوتشر الي فيه الأبقريد على سويت راح يعطونك سويت
بس فيه ملاحظه : لازم تتصل لهم وتبلغهم قبل انك راح تستخدم الفاوتشر هذا على حسب الي مكتوب على الفاوتشر

فيه ملاحظه بخصوص كوبونات النبيذ ، أنا من أول ما اشتركت معاهم وكنت أستخدم هذا الفاوتشر حق المشروبات العاديه مثل بيبسي أو العصاير أو الماي ولا مره ألزموني بالنبيذ أو قالوا لي ما يصير
بالعكس كان بهالفاوتشر يعطوني 4 مشروبات ( مقابل هذا الكوبون فقط )

الصراحه فيه أشياء ما استفدت منها ولا جربتها وهي الدخول للنادي الصحي والمسبح و الكيك و خصومات قاعة الأفراح ..

وأي استفسار أن حاضر

رآعي موآجيب

29-06-2011, 09:57 AM

بو الجوري
عسى عمرك طويل وما قصرت على التوضيح وتزيين الموضوع بهالكلام الطيب والألوان اللي ترسم الأبتسامه في وجهك وانت تقراء :nice:

خشوف
لاهنتي على المرور الطيب :nice:

Qatari 1980
وافي طال عمرك وماقصرت على الإيضاحات اللي خدمتنا

بيض الله وجهك وعسى عمرك طويل وحالك جميل :nice:

(عبدالله)

29-06-2011, 12:11 PM

الاخوان ما قصروا في ردودهم وما بزيد عليهم

إلا إن يعتمد عليك أنت إذا كنت من رواد الانتر وناوي تستفيد من المميزات

أنا شخصياً شاركت معاهم 3 سنوات وبعدها كنسلت للأسباب التالية:

(1) مميزات عضوية الانتر أقدر استفيد منها بطرق ثانية أقل تكلفة وعلى حسب حاجتي

مثلاً: أنا من رواد مطعم ذا كافيه... وعندي دفتر كوبونات The Entertainer يحتوي على 3 كوبونات
بوفيه هالمطعم أدفع من خلاله قيمة شخص واحد في حالة تناول شخصين... وجذي أنا وفرت 630 ريال..
وهذا ينطبق على باقي مطاعم الفندق..

(2) الأبقريد المجاني ما تقدر تستخدمه دائماً وخاصة في الهاي سيزن
بمعنى ثاني... إذا يغيت تحجز غرفة عادية ما يسوون لك أبقريد إلا انك تجي في نفس يوم الcheck in
ويشوفون توفر غرفة أعلى درجة أو سويت شاغر... ما في أبقريد مسبق

(3) مالي حاجة للمميزات الثانية مثل دخول النادي الصحي والمسبح
جربتهم من قبل وما اعتقد عندي نية أروحهم وخاصة إني أرجع من الدوام المغرب ما يكون عندي وقت
والويكند ما أروح هالأماكن... وأكتفى بالأندية الصحية والمسبح مع العيال في السفرات

(4) الاستفادة من خصومات الانتر والكروان بلازا يمكن أحصل على أسعار أفضل بطرق أخرى
مثال: كذا مرة طلبت عرض أسعار لسلسلة هالفنادق... واكتشفت أن ما تسوى علي
لو أحجز عن طريق Booking يكون أرخص لي وأسهل علي بدرجة كبيرة.

(5) عدم مصداقية المسوقين
اكتشفت إن كثير من المعلومات اللي كانت تزودني بها موظفة التسويق فيه كذب متعمد
مثلاً: كانت تقول لي موظفة التسويق إن الكوبونات اللي تشترط مطاعم معينة للاستفادة من المشروبات
صارت تشمل جميع المطاعم مب مطاعم معينة بس
لكن في الواقع الشروط اللي في الكويون هو نفسه اللي بيتبعونه
وموظفة التسويق كانت تدري واعترفت لي

وهذا مثال بس لعدم المصداقية... وهو السبب الأساسي لعدم استمراريتي معاهم

الخلاصة... العضوية تعتمد عليك أنت:
هل انت ناوي تستفيد من خدمات الانتر والمطاعم التابعة وبالتالي العضوية بتوفر عليك؟

والله الموفق

:: عبدالله ::

بو الجوري

29-06-2011, 12:35 PM

بو الجوري
عسى عمرك طويل وما قصرت على التوضيح وتزيين الموضوع بهالكلام الطيب والألوان اللي ترسم الأبتسامه في وجهك وانت تقراء :nice:
:nice:

حـــاضرييييين طال عمرك :.. :nice:

الاخوان ما قصروا في ردودهم وما بزيد عليهم
مثلاً: أنا من رواد مطعم ذا كافيه... وعندي دفتر كوبونات The Entertainer يحتوي على 3 كوبونات
بوفيه هالمطعم أدفع من خلاله قيمة شخص واحد في حالة تناول شخصين... وجذي أنا وفرت 630 ريال..
وهذا ينطبق على باقي مطاعم الفندق..
::

أولا بخصوص بطاقة The Entertainer :..
ممكن تشرح لنا من وين :.. و بكم و شنهي مميزاتها :.. :)

ثانيا :.. مثل ماقلت :.. مسوقينهم :.. فيهم لواته مب طبيعيه :.. :anger1:

مره من السنين :.. قالت لي جدد وبنعطيك كوبون غدا لشخصين :.. و لا شفت هالكوبون عقب التجديد :..
و مره قالت لي جيب حد يشترك و بنعطيك كوبون غدا :..
جبت واحد و إشترك :.. و بعد و لا شفت الكوبون :.. :)

عميد الريان

02-07-2011, 02:52 AM

تبون نصيحتي لا حد يشترك لاني جربتهم من قبل ومامنهم فايده وماابي ارد واعيد ايش الي صار بس لوفيه خير كان ماعافه الطير

jassem777

02-07-2011, 03:04 AM

السلام عليكم

اناعضو في شركة انتركونتينتال لانه فندقي المفضل من ناحية الفخامه والخدمه

ومن الفنادق الي جربتهم في الكويت ودبي ولبنان بستمرار اكثر من 6 سفرات لبيروت
ولندن
ولكن البطاقه ماعليه اشتراك سنوي دفعة 200$ دولارفي بيروت
ومن مميزاتها
1 اذا حجزت غرفه ستاندر يعطوني غرفه ديلكس اوجونيور سويت يعطوني رويال سويت
يعني اترقى تلقائي للغرفه الي فوق تلقائي
وفيها نقاط يطلع فيها ليالي مجانا
واي استفسار انا حاااضر