البنوك الاسلاميه

[فابريغاس]

صباح الخير

سؤال لاهل الخبره

انا في بنك الدوحه الاسلامي

والكل يدري ان هالبنوك بيتم اغلاقها نهاية السنه

السؤال
هل يقدرون يجبروني على نقل حسابي للدوحه الرئيسي
وماهي الحلول البديله
مع العلم اني حاولت انقل للمصرف او الدولي
بس للاسف القسط بيكون فوق اللي اقدر عليه بوايد

[R 7 A L]

اكيد بيجبرونك للدوحة الرئيسي
اذا تبي المصرف او الدولـــي لازم يشترون سلفيته

[فابريغاس]

^
سالت واحد من موظفينهم
قال مايقدرون يجبرونك لانك موقع عقد مع بنك اسلامي

بس مثل ماتدرون للحين مب راضيين يوضحون الصوره

[غير البشر]

الغالي حياك على الخاص :telephone:

[بو خليفه 123]

هناك القليل من الخيارات بالوقت الحالي


اما ان تنقل مديونيتك الى بنك اسلامي آخر شرط ان لا يتعدى الاتزام الاجمالي 75% من الاساسي والاجتماعيه ..

او انتظار احد البنوك الاسلاميه ان يقوم بشراء محافظ المصارف الاسلاميه من البنوك التقليديه .. و هذي الاشاعه وارده الآن ..

عموماً حتى لو تم نقل حسابك الى الرئيسي لن يتحول حسابك الى ربوي او تقليدي بل سيتم على ماهو عليه اللهم الفرع الذي ترغب في زيارته هو تقليدي و ليس نافذه اسلاميه .

المسميات فقط تختلف و لكن اصل الحساب و ادارته و عملياً هو اسلامي .

[محمد]

هناك القليل من الخيارات بالوقت الحالي


اما ان تنقل مديونيتك الى بنك اسلامي آخر شرط ان لا يتعدى الاتزام الاجمالي 75% من الاساسي والاجتماعيه ..

او انتظار احد البنوك الاسلاميه ان يقوم بشراء محافظ المصارف الاسلاميه من البنوك التقليديه .. و هذي الاشاعه وارده الآن ..

عموماً حتى لو تم نقل حسابك الى الرئيسي لن يتحول حسابك الى ربوي او تقليدي بل سيتم على ماهو عليه اللهم الفرع الذي ترغب في زيارته هو تقليدي و ليس نافذه اسلاميه .

المسميات فقط تختلف و لكن اصل الحساب و ادارته و عملياً هو اسلامي .

اضيف على كلام الاخ بوخليفه ان جدولة سلفيتك بعد شراءها بتكون كحد اعلى على ست سنوات حسب قانون المصرف الجديد سابقا البنوك الاسلامية تقدر تشتريها وتخليها على 7 سنوات مما يعطي حيز ان القسط يكون اقل او افضل من حالتك الحالية


في وجهة نظري المصرف تسرع بهالقرار ولن يستطيع تطبيقه فعليا بنهاية السنة ..

[كاتم الاسرار]

صباح الخير

سؤال لاهل الخبره

انا في بنك الدوحه الاسلامي

والكل يدري ان هالبنوك بيتم اغلاقها نهاية السنه

السؤال
هل يقدرون يجبروني على نقل حسابي للدوحه الرئيسي
وماهي الحلول البديله
مع العلم اني حاولت انقل للمصرف او الدولي
بس للاسف القسط بيكون فوق اللي اقدر عليه بوايد


السلام عليكم يالغالي انا مثلك في بنك الدوحه الاسلامي والحين يحاولون فيني اني ارجع الرئيسي وقصدي بيخلونه نفس الشي وبينقصون المده اقل يعني المده الي علي 15 سنه وينقصون 3 او ا4 سنين وبينقصون ا 250 الف اشلون ما ادري وكم سنه ونفس القسط الصراحه ما وقعت وياهم خفت قلت بسئل احد له خبره الصراحه كرهت البنوك الربوييييه احس الاسلامي الراتب في ابركه يعني يبوووونه انرجع حق الربوي مره ثانيه الله يستر والله

انت وين وصلت الحين وياهم او احد عنده خبره ايش انسوي

وجزاكم الله خير

[ثابت]

انا ما انصح حد يروح بنك الدوحة بصراحة انا انقرصت منهم قرصة لين اليوم مو مترقع منها

[مشتاقة لقطر]

طبعا انتظروو لابد من حل اسلامي

[مساهم فنان]

موظف كبير في بنك قطر الوطني الإسلامي ،قال لي إن البنك بموظفيه بتعاملاته بيتم كما هو ، بس لن يكون بنفس اسمه الحالي .

[LiL iNVe$ToR]

موظف كبير في بنك قطر الوطني الإسلامي ،قال لي إن البنك بموظفيه بتعاملاته بيتم كما هو ، بس لن يكون بنفس اسمه الحالي .

اكيد الكلام ؟! لان سمعت من واحد شغال فيه انه بيتسكر ....

[م. عبدالعزيز]

اكيد الكلام ؟! لان سمعت من واحد شغال فيه انه بيتسكر ....
انا بعد سمعت كلام شبيه باللي قاله الاخ مساهم فنان

[LiL iNVe$ToR]

انا بعد سمعت كلام شبيه باللي قاله الاخ مساهم فنان


ياليت حد من الاخوان اذا عنده خبر اكيد يفيدنا ..لان افكر احول لبنك ثاني وحالياً فالوطني الاسلامي ...

[UniCorn-80]

انا نقلت بنك اسلامي زادت السلفيه بس الحمدلله مرتاحه نفسيا

[BoYousuf]

عندي استفسار بسيط..

أنا فاتح حساب توفير بالدوحه الاسلامي,, واشوف انه اتصلو حق بعض الاشخاص مثل ما اشوف بالردود عشان ينقلونهم علا الدوحه العادي.. وانا جوالي امسكر من شهر ١٢ ومافتحته لين اليوم لني برع البلاد.. فا هل في امل انهم حاولو الاتصال فيني وجوالي مغلق وتصرفو بالحساب وانقلووه,, ولا مايحق لهم النقل حاليا ولا مابدو بعميله النقل. خوفي انه شافو انه الرقم مغلق وانقلو الحساب,, والصراحه ماودي اني انقل للربوي وحاط في بالي اني في رجعتي ان شالله بعد شهر باصكره وبانقل علا بنك اسلامي ثاني. والحمدلله ماعندي اي ارتباط معاهم غير انه احساب توفير وفيه مبلغ. اتمنه احد ايفيدنه اڈا باشرو اف عمليه النقل ولا مايحق لهم.

[م. عبدالعزيز]

عندي استفسار بسيط..

أنا فاتح حساب توفير بالدوحه الاسلامي,, واشوف انه اتصلو حق بعض الاشخاص مثل ما اشوف بالردود عشان ينقلونهم علا الدوحه العادي.. وانا جوالي امسكر من شهر ١٢ ومافتحته لين اليوم لني برع البلاد.. فا هل في امل انهم حاولو الاتصال فيني وجوالي مغلق وتصرفو بالحساب وانقلووه,, ولا مايحق لهم النقل حاليا ولا مابدو بعميله النقل. خوفي انه شافو انه الرقم مغلق وانقلو الحساب,, والصراحه ماودي اني انقل للربوي وحاط في بالي اني في رجعتي ان شالله بعد شهر باصكره وبانقل علا بنك اسلامي ثاني. والحمدلله ماعندي اي ارتباط معاهم غير انه احساب توفير وفيه مبلغ. اتمنه احد ايفيدنه اڈا باشرو اف عمليه النقل ولا مايحق لهم.
اتوقع افضل شي تتصل على الكول سنتر مالهم وتستفسر :)

[MAZEN37]

الله يعينك

[بوسلمان 2010]

البنوك الاسلاميه مثل مصرق قطر الاسلامي او بنك قطر الدولي الاسلامي