افتتاح أول صالة سينما للسيدات فقط بالشرق الأوسط الخميس

[دايموند]

افتتاح أول صالة سينما للسيدات فقط بالشرق الأوسط الخميس


تفتتح مؤسسة أسباير زون خلال هذا الأسبوع أول قاعة سينمائية خاصة بالسيدات في منطقة الشرق الأوسط بنادي السيدات المقابل لمجمع فيلاجيو التجاري، في مبادرة من المؤسسة لدعم الحركة الثقافية في قطر تماشيا مع رؤيتها وأهدافها.

وستفتح القاعة للنساء فقط بداية من يوم الخميس 30 يونيو الجاري في نادي السيدات في منطقة أسباير زون، وسوف يتم عرض سلسلة من آخر الأفلام الحديثة المعروضة حاليا بقاعات السينما في الدوحة.

وستقوم شركة قطر للسينما وتوزيع الأفلام، التي تشرف سلفا على عدد من قاعات السينما في الدوحة، بتزويد قاعة نادي السيدات السينمائية، التي تصل طاقتها الاستيعابية لحوالي 154 مقعدا بالأفلام.

وسوف يتم عرض ثلاثة أفلام كل نهاية أسبوع (الخميس والجمعة والسبت) على أن تنطلق فترة العرض الأولى بداية من الساعة 3 عصرا والفترة الثانية بداية من الساعة 5 مساء، والرابعة بداية من الساعة 7 مساء، وبالإضافة إلى هذه العروض، سوف يكون هناك عرض خاص بالأطفال كل سبت الساعة 11 صباحا على أن يكونوا مرافقين باحد أقاربهم.

ومن المقرر أن يضع المنظمون قائمة الأفلام التي سيتم عرضها في قاعة سينما نادي السيدات على موقع شركة قطر للسينما وتوزيع الأفلام (www.qatarcinemas.com) وموقع مؤسسة أسباير زون(www.aspirezone.qa/home/index.aspx) وموقع مجلة قطر هابنينغ (www.qatarhappening.com/cinema).

وسيتم عرض جدول الأفلام الموالية للعرض المقبل بأسبوعين قبل الموعد لتمكين المشاهدات من اختيار الفيلم الذي ينوين مشاهدته، كما أن أهمية الفيلم والإقبال عليه سيحددان إمكانية إعادة عرضه، كما أن أسعار تذاكر الأفلام المعروضة ستكون مماثلة لأسعار مقاعد الدرجة الأولى في قاعات السينما الموجودة في الدوحة.

وتماشيا مع رسالة ورؤية مؤسسة أسباير زون لدعم والتشجيع على أسلوب حياة صحي لسكان قطر، يقترح نادي السيدات توفير مأكولات ومشروبات تراعي قواعد النظام الغذائي الصحي خلال أوقات العرض.

المصدر جريدة الشرق

[الـقـاسـي]

زين والله خبر جيد

[أم حمد]

ممتاز يلا اللي معارضين الاختلاط

ممكن تباركون لأسباير زون هالخطوه !!

:)

[chillis]

ممتاز يلا اللي معارضين الاختلاط

ممكن تباركون لأسباير زون هالخطوه !!

:)

للاسف بتكثر المشاكل اكثر راح يصير شد شعر وبذكرج لان راح يكثرون البويات وغيرهم في هالامكان بحكم ان ياخذون راحتهم وغير اللبس والوان المكياج وغيره وغيره عموما اتمنى ما يتسكر نفس الي صار ببعض الدول

[Rider]

الله المستعان

[مدريدي بفخر]

تجربه فاشله مقدما
والايام راح تثبت لكم

[كازانوفا]

تجربه فاشله مقدما
والايام راح تثبت لكم

يا لطيف يارب :rolleyes2:
من اولهاااا

[bentalgala]

والله يا جماعه ما عرفنا لكم

اذا مختلط قلتوا منكر
واذا نساء قلتوا بويات

ما سمعتوا بالسينما المنزليه ..!!!

[راسي براسك]

والله خبر مفرح !

وأنا رايي من راي اللي فوقي

يعني لا أنتوا راضين بالأختلاط ولا أنتوا راضين بالمسكر ؟؟

شتبون يعني ؟؟

خطوه ممتازه لسباير ونتمنى بعد أشياء أكثر وأكثر للنساء

واذا على البويات مثل ماتقولون كل شخص وحر بنفسه

والدوله فيها أمن وفيها شرطه اذا بيحصل شد من هالقبيل

:)

[STAR]

مبروووك للجنس الناعم

[راشد محمد]

خطوة زينه

[فارس بلا جواد]

السلام عليكم

انا من وجهة نظري يا جماعة الخير

انهم يشددون الرقابه على البنات الي اعمارهم تحت سن الثامنة عشر

لاني سمعت ريال يتكلم عن هيك نوعيه من البنات المراهقات

يتمون بروحهم في السينمات العادية المختلطة لاوقات متأخرة

من الليل وبروحهم محد معاهم لا حسيب ولا رقيب

والله يستر علينا وعليهم

[The Master]

من فوق هالله هالله...ومن تحت يعلم الله...

يلا خذ هذي بداية الانفتاح...وبداية خطوات الشيطان...

كلمة حق...يراد بها باطل...


يجرون الناس للهلاك...من كل الطرق...
غصب غصب...ودهم في الانفتاح...


الله المستعان...والله يحفظنا ويجيرنا من الفتن ماظهر منها ومابطن...

[Abdulraman]

هل السينما مكان للخير او الشر
يعني مكان للاجر او مكان للاثم
لاني سمعت والله اعلم ان السينما مكان الشياطين

[ابو محمد7]

خطوة ايجابية نشكر القائمين عليها

اما بالنسبة للمنتدى وبعض الردود اللي اضحكتني كالعادة ردود سلبية متشائمة ومثل مانقول مايعجبهم شي ومتخصصين في البحث عن اي شيء سلبي ومستحيل بالنسبة للبعض انه ينظر للايجابيات

كان هناك مواضيع طويلة تحارب السينما ومن اسبابهم الرئيسية موضوع الاختلاط والحين بيفتحون سينما للسيدات وبعد ينتقدون

الخلاصة انه مب غصب ومحد مجبور اللي يبي يروح خله يروح واللي مايبي لا يروح كل انسان حر ومسؤول عن تصرفاته

[chillis]

خطوة ايجابية نشكر القائمين عليها

اما بالنسبة للمنتدى وبعض الردود اللي اضحكتني كالعادة ردود سلبية متشائمة ومثل مانقول مايعجبهم شي ومتخصصين في البحث عن اي شيء سلبي ومستحيل بالنسبة للبعض انه ينظر للايجابيات

كان هناك مواضيع طويلة تحارب السينما ومن اسبابهم الرئيسية موضوع الاختلاط والحين بيفتحون سينما للسيدات وبعد ينتقدون

الخلاصة انه مب غصب ومحد مجبور اللي يبي يروح خله يروح واللي مايبي لا يروح كل انسان حر ومسؤول عن تصرفاته

صباح الخير اول مره بعارضك الموضوع انه السينمات الخاصه بالنساء نعرف شيصير فيها بالذات حنا الحريم وندري مايدور هناك للاسف سلبياتها اكثر من ايجابياتها كل انواع المناكر تصير في الاماكن الخاصه بالنساء :shy: بالذا بالزمن ذي

[بو خليفه 123]

هل البويات مسموح يدخلونها ؟

[chillis]

هل البويات مسموح يدخلونها ؟

بيكون لهم احسن مكان :secret:

[مريومة]

احسكم وايد مكبرين الموضوع بخصوص البويات

خاطري اشوف بوية من اللي اتحجون عنهم "اقصد اتكون قليلة اأدب"

كلهم بس شكل ولبس وحركات .. بس في الحقيقة خوافة

كف واحد وتصطلب

[أم حمد]

احسكم وايد مكبرين الموضوع بخصوص البويات

خاطري اشوف بوية من اللي اتحجون عنهم "اقصد اتكون قليلة اأدب"

كلهم بس شكل ولبس وحركات .. بس في الحقيقة خوافة

كف واحد وتصطلب


هههههههههههههههه

:nice:

[أم حمد]

للاسف بتكثر المشاكل اكثر راح يصير شد شعر وبذكرج لان راح يكثرون البويات وغيرهم في هالامكان بحكم ان ياخذون راحتهم وغير اللبس والوان المكياج وغيره وغيره عموما اتمنى ما يتسكر نفس الي صار ببعض الدول


صدقيني مايقدرون يسوون شي

ولاتظنين ماراح يكون فيه امن !

واي مصخره وهوشه نهايتها الشرطة والسجن ولا وحده تفكر ادخل نفسها واهلها الى في دوامات الشرطة والقضايا !!

[بو خليفه 123]

إبعدي عليك يا اختي مريم

البلا ماهوب من الذيبه الي مثلك ..


البلا من الي تخق و تضيع علومها لا شافت البويه تمر قدامها .. كأنه بدر بن عبدالمحسن الي مار على غفله :(

[القطو السمين]

خطوة حلوة يشكر عليها المسؤؤلين بالعكس الوحدة تاخذ بناتها للسينما وهي متاكده ماحد راح يعاكسهم وانها ماتقعد مع رجل اجنبي في مكان واحد:)

[alghalya1]

إبعدي عليك يا اختي مريم

البلا ماهوب من الذيبه الي مثلك ..


البلا من الي تخق و تضيع علومها لا شافت البويه تمر قدامها .. كأنه بدر بن عبدالمحسن الي مار على غفله :(

:omg:

[alghalya1]

احسكم وايد مكبرين الموضوع بخصوص البويات

خاطري اشوف بوية من اللي اتحجون عنهم "اقصد اتكون قليلة اأدب"

كلهم بس شكل ولبس وحركات .. بس في الحقيقة خوافة

كف واحد وتصطلب

:nice: وانتي الصادقة

[ms-qtr]

أتمنى في كل مجمع يخلون صالة عرض للنساء

[هجمة مرتدة]

جميل جداً يستاهلون حريمنا

أتمنى تخصيص نادي رياضي وشاطئ متكامل للسيدات على غرار نوادي الشارقة ودبي وأبوظبي

الرياضة تنشط الجسم فالعقل السليم في الجسم السليم فلماذا يحرمون منها ؟

[هبوب الكوس]

ياريت يفتحون لهم صالة تحفيظ القران

بدل تضيع الوقت والمال على الفاضي

اخرتها بخلون الفلم وكل وحده تشوف كشخة الثانية :rolleyes2:

[Mohammed2]

لو كان في سينما للرجال والشباب فقط لكانت نسبه المشاكل فيها 1% او يمكن اقل
لكن اذا سينما فقط للنساء فان نسبة المشاكل فيها بتكون من 50% وطالع

انا ماقول هالكلام لاني شاب
لكن هذا الامر الواقع واللي احنا نشوفه
بعض البنات يمصخونها عالاخر اذا كانو في مكان مخصص لهم
ويفصخون الحيا !

آسف على التمادي في الكلام بس هذه الحقيقه
أتمنى محد يزعل

[روح الاطلس]

مدري وين احنا عايشين!!

اي شي مخصص للنساء لازم تطب وحده وتقول بويات وبويات! هذا عذر يعني؟؟؟

طيب مدارس البنات غير مختلطه وجامعة قطر غير مختلطه ليه ماشفنا بويات وشد شعور ؟؟؟ الله واكبر بس

البوية مجرد اختراع مخترعينه كعذر لاي تجمع نسائي ولا بالواقع شنو البوية القطرية؟؟؟ مجرد قصة شعر وشوية ملابس اما حركات ودفاشه ومدري شنو اسمحوا لي انتو تبالغون وخلوا عنكم القصص والاوهام
مدري ليه مصورين البوية وحش بتدخل تهاوش وتكفخ في العرب!

انا ما ادافع عن البوية والمتشبهات بالرجال فهؤلاء ملعونات لكن احكي الواقع ان التجمعات النسائية حتى لو فيها بعض المتشبهات بالرجال الامر عادي جداً ولا يصير هالتهاويل اللي تألفونها


نرجع لموضوع السينما

السينما والافلام تم تحريمها من المشائخ ومضيعة وقت ولهو ومشاهدة ما لا يرضي الله

سواء كانت هذه السينما مختلطه او نسائية

وحتى لو كان فيلم للاطفال ( اعتقد الام الفاضلة والمربية الناجحة لن تسمح لاطفالها بمشاهدة افلام الكرتون السخيفة الخالية من اي فائدة الا على العكس تعلم الطفل مباديء مغلوطة وكلها تدس السم في العسل باستثناء الافلام التعليمية التربوية)

[bentalgala]

إبعدي عليك يا اختي مريم

البلا ماهوب من الذيبه الي مثلك ..


البلا من الي تخق و تضيع علومها لا شافت البويه تمر قدامها .. كأنه بدر بن عبدالمحسن الي مار على غفله :(

ههههههههههههههه

[Naimi]

[QUOTE=روح الاطلس;7381277][FONT="Times New Roman"][SIZE="3"]مدري وين احنا عايشين!!

اي شي مخصص للنساء لازم تطب وحده وتقول بويات وبويات! هذا عذر يعني؟؟؟
[COLOR="Red"]
طيب مدارس البنات غير مختلطه وجامعة قطر غير مختلطه ليه ماشفنا بويات وشد شعور ؟؟؟ الله واكبر بس


حبيبتي من قالج انه مااتصير مشاكل في المدارس وجامعه قطر !!!!!
انا كنت في مدرسه الكوثر ووالبنات يدخنون زقاير ورة المدرسه جنهم شباب وهم بويات بعد ..وجامعه قطر اخس واخس

انا مااحب تجمع النسوان عامتا ..بس انشاءالله اتكون فيه رقابه عدله عليهم مب يحطون اثيوبيات عليهم انهم سكريتي وهم مايسون شي

واحين مع الجيل الجديد ..مااتوقع بتكون زحمه عليه ..لان البنات المصخات ماراح يروحون مكان بس حق نسوان ..يبون العام ...يبون الشباب

[أم حمد]

جميل جداً يستاهلون حريمنا

أتمنى تخصيص نادي رياضي وشاطئ متكامل للسيدات على غرار نوادي الشارقة ودبي وأبوظبي

الرياضة تنشط الجسم فالعقل السليم في الجسم السليم فلماذا يحرمون منها ؟


اتمنى كذالك

[أم حمد]

ياريت يفتحون لهم صالة تحفيظ القران

بدل تضيع الوقت والمال على الفاضي

اخرتها بخلون الفلم وكل وحده تشوف كشخة الثانية :rolleyes2:


مشاءالله عليك تعرف كل التفاصيل الدقيقه عن الحريم !!

:)

[بروق QTR]

دور السينما ما منها اي فايده...تضيعة للوقت وللمال وبعد من القرب من الله سبحانه

الله يهدي بناتنا وشبابنا ويعينهم على فعل الخيرات وترك المنكرات...وتقضية الوقت بشي مفيد

[عندليب قطر]

ياريت يفتحون لهم صالة تحفيظ القران

بدل تضيع الوقت والمال على الفاضي

اخرتها بخلون الفلم وكل وحده تشوف كشخة الثانية :rolleyes2:

:nice::nice::nice::nice:

[MAZEN37]

مبروووك للجنس الناعم
من كوكب اخر هالجنس ؟

[STAR]

دام بنظركم اماكن المخصصة للنساء راح يشجع تكاثر البويات

واماكن المخصصة للرجال راح يشجع تكاثر الاخوانية..

أنا اطالب ان يكون الاختلاط في كل مكان لتفادي الظاهرتييين..‏!!‏


عجبي مايعجبكم شي..‏!!‏

[صايد السالفه]

ترا فعلا بالنسبة لنا كمجتمعات خليجية بعض الاهالي يثقون باماكن يكتبون عليها للنساء فقط ومايدرون انها فعلا اماكن تكثر فيها مثل هذي الظواهر

واصلا احنا في قطر ماعندنا هذا التحفظ الكبير اللي عشان يفتحون لنا سينما مخصصة للنساء واللي ماراح تكون سينما بقد ماراح تكون مكان لهذي الظواهر بويات وهالخربطة ولعرض الازياء

بس في السينمات العادية وفي المجمعات فعلا تكون مختلطة لكن كلن باحترامه
صراحه ماكان لها اي داعي لان فعلا مش محتاجينها ولا كان لها داعي

نفس الجامعه هذا هي مش مختلطة ومبنى للبنات فقط لكن شصاير بالجامعه مبنى استراحة البنات تحول الي قاعة للتعارف بين البويات والبنات ولعرض الازياء

الاختلاط يمكن له عيوب لكن في رايي يحد من هذي الظواهر يعني مافي بنت بسترجي تفصخ عباتها وتتمشى وهي تدري فيه رجال بالمكان واي حد بيدخل واللي بتفصخ بعد هاذي لاحول ولاقوه بايعتها

[راقي]

نفس الجامعه هذا هي مش مختلطة ومبنى للبنات فقط لكن شصاير بالجامعه مبنى استراحة البنات تحول الي قاعة للتعارف بين البويات والبنات ولعرض الازياء



وانــا اشهـــــد :nice::nice::nice:

انـأ كفـتـاة بالـجامعه اشـوف كلام الاخ صح ..!!

يعني مكاان بس بيكون حق بناات والله تصير في بلاوي الديين والدنيـا ..
لانه بتاخذ راحتها بتسوي اللي تبيه لانه كله بناات يعني ما بتقول في رجال بحترم نفسي


وبخصوص اللي قالوا البوياات ما يسوون شي

عجل مـا شـافـوا الهـوشه اللي صارت بالجامعه بين بويات عشان :secret::secret:
قسم بالله الوااحد يتجمد مكانه من المنظر :eek5::eek5:




نـرجع للسينماا اصلن السالفه كلش مالهـاااااا دااعي .. /. /.
احنا عائلتنا من النوع اللي ماترضى بناتها تروح سينماا .. يعني ماتفرق عندي سواء كان مختلطه او فقط للنسااء
مجرد سخاافاات وقضاء وقت في تفهاات ..

واللي يروح السينماااء مابتفرق عنده مختلطه او لا .. /. /. :discuss:


والسالفه سالفة مكسب دخل بس :tease:

[ع.م]

ماكونت رأي في هالمسألة لأني مش من مرتادي السينمات.. بس أنا دايماً أشوف إن وجود الرجال يضبط بعض أنواع الحريم :)

في حريم ماهمهم وجود الرجال ومارح يستحون.. بس في نسبة بتحترم نفسها..

أنا حسابي في بنك ربوي فرعه في مبنى النشاط بجامعة قطر و من متى تأخرت في تحويل حسابي لبنك إسلامي لأني مابي أروح الفرع اللي في مبنى نشاط الطالبات !! لكن اضطريت أروح لأن الحساب انفتح في ذاك الفرع!! ماحب أشوفهم..

[Master_qtr]

شي حلو ..

واتمنى اروح السينما اللي في المجمعات ومالاقي بنات ! :nice:

[راقي]

شي حلو ..

واتمنى اروح السينما اللي في المجمعات ومالاقي بنات ! :nice:



ههههههههههههههههههههههههه
حلوه منك :nice::eek5::eek5:

[قهوة الضحى]

حمدالله والشكر اللي يقولون بلاوي بلاوي بالجامعة


وايد مكبرين السوالف التافههة

كمن هوشة سخيفة صارت خلاص بلاوي


واي اماكن تجمع نسائي بلاوي بلاوي عقولكم يبيلها تنظيف

منقهرين بعض الشباب لانه يبون يختلطون بالبنات مايبون اماكن خاصة لهم ههههههه بلاوي بلاوي قالوا

حمدالله والشكر كل موضوع عن اماكن نسائية علطول يبتوا طاري البويات وااايد عطيتوهم ويه هالبويات

وكبرتوا سوالفهم السخيفة صج عقولكم سطحية وتافههة يا بلاوي

[A.S.A.M]

اي هاي الكلام العدل

[Gh2o]

شي حلو ..

واتمنى اروح السينما اللي في المجمعات ومالاقي بنات ! :nice:

ههههههههاي احلامك :victory:

[شميرام]

كتب الموضوع وتهاوشو فيه وسكروه ههههه
http://www.qatarshares.com/vb/showthread.php?t=460886

[موووج قطر]

يسلموو على نقل الموضووع ..

[STAR]

حمدالله والشكر اللي يقولون بلاوي بلاوي بالجامعة


وايد مكبرين السوالف التافههة

كمن هوشة سخيفة صارت خلاص بلاوي


واي اماكن تجمع نسائي بلاوي بلاوي عقولكم يبيلها تنظيف

منقهرين بعض الشباب لانه يبون يختلطون بالبنات مايبون اماكن خاصة لهم ههههههه بلاوي بلاوي قالوا

حمدالله والشكر كل موضوع عن اماكن نسائية علطول يبتوا طاري البويات وااايد عطيتوهم ويه هالبويات

وكبرتوا سوالفهم السخيفة صج عقولكم سطحية وتافههة يا بلاوي

ههههه أعصابج بس صاجه

[بويعقوب]

بسم الله الرحمن الرحيم

قال تعالى : وإذا جاءهم أمر من الأمن أو الخوف أذاعوا به ولو ردوه إلى الرسول وإلى أولي الأمر منهم لعلمه الذين يستنبطونه منهم.

وقال :شهد الله أنه لا إله إلا هو والملائكة وألوا العلم قائما بالقسط .

وقال تعالى :قل هل يستوي الذين يعلمون والذين لا يعلمون.

وقال : يرفع الله الذين آمنوا منكم والذين أوتوا العلم درجات .

وقال الله تعالى : فاسألوا أهل الذكر إن كنتم لا تعلمون .

وقال صلى الله عليه وسلم : إن العالم ليستغفر له من في السماوات ومن في الأرض حتى الحيتان في الماء , وفضل العالم على العابد كفضل القمر على سائر الكواكب , وإن العلماء ورثة الأنبياء إن الأنبياء لم يورثوا ديناراً ولا درهماً , وإنما ورثوا العلم فمن أخذه أخذ بحظ وافر رواه ابن داود والترمذي .

لا يجوز لمسلم أن يبني سينما

لما فيها من اللهو المحرم

ولأن السينمات المعروف عنها في العالم اليوم أنها تعرض صورا خليعة

ومناظر فتانة

تثير الغرائز الجنسية وتدعو للمجون وفساد الأخلاق

وبالله التوفيق، وصلى الله على نبينا محمد وآله وصحبه وسلم.

عبد العزيز بن عبد الله بن باز (رحمه الله )

[بو خليفه 123]

طيب سؤال آخر ماله خص في البويات :shy:


هل الافلام المعروضه في هذه السينما بتكون نفس حداثة الافلام المعروضه في السينمات الاخرى؟

و من سوف يرأس شركة السينمات .. او اقصد .. من سوف يرسي على مناقصة ادارة السينما هناك ؟


سؤال تقني ماله خص في السطحيه ابداً :tease:

[أم حمد]

حد راح امس السينما ؟

[أم حمد]

طيب سؤال آخر ماله خص في البويات :shy:


هل الافلام المعروضه في هذه السينما بتكون نفس حداثة الافلام المعروضه في السينمات الاخرى؟


سؤال تقني ماله خص في السطحيه ابداً :tease:


نعم نفس الافلام

[عيون Qatar]

اخيراا خبر مفــــــــــــــــرح شكرا لك