هل فعلا نقدر نحكم على اخلاق الشخص من طريقة قيادته للسياره !!

[Qt.1]

هل نقدر نحكم على اخلاق الشخص من خلال قيادته , مثلا شخص اتشوفه سائق ملتزم بقوانين المرور , ايدق اشاره , ملتزم بالسرعه القانونيه , مايلف على خلق الله وايتسبب في ربكه في المرور ,




http://www.carinsurancecompanies.com/wp-content/uploads/2010/10/good-driver-300x198.jpg



اما الطرف الثاني , سائق متعجرف , ايلف ولاحتى ايدق اشاره , ودايما مسرع , واييك لازق وراك وايكبس لك ويطلع في وجه الناس , وايطق هرن للكل كانه هو بس الوحيد الي عنده شغل وباقي الناس فاضيه ,




http://3.bp.blogspot.com/_DTCNNzhdncA/RxErwu-9BLI/AAAAAAAAAuI/RfDCd7tQoTQ/s400/AggressiveDriver.edit.jpg


يعني هل من طريقة قيادة هالااشخاص نقدر نحكم , هل الشخص الااول شخص مؤدب ومحترم , والشخص الثاني قليل ادب مثلا وغير مثقف !!

[شبح الصمت]

في اي وفي لا

[Rider]

موضوع رائع من وجهي نظري ممكن وممكن لا يعني فيه إنسان حريص على تطبيق قوانيين المرور خوفا من العقاب وفيه اخر يبغي يعوض نقص عنده بمخالفة قواعد المرور يعني بالعربي شوفني ترى انا رجال

[بصمة قطرية]

أممممممممممم
القيادة فن و ذوق ..
يعني قيادتك في الشارع راح تعبر عن جزء من شخصيتك
كونك شخص تحترم القوانين فراح ينحكم عليك انك شخص محترم
لأن الناس راح تحكم عليك من خــلال قيادتـــك ..
هالشي اللي يشوفونه قدامهم ~

[Qt.1]

في اي وفي لا


موضوع رائع من وجهي نظري ممكن وممكن لا يعني فيه إنسان حريص على تطبيق قوانيين المرور خوفا من العقاب وفيه اخر يبغي يعوض نقص عنده بمخالفة قواعد المرور يعني بالعربي شوفني ترى انا رجال

مثل ماتوقعت شباب رايكم مثل رايي, انه ممكن احيانا تحكم على الشخص من قيادته واحيانا لا ,

[Qt.1]

أممممممممممم
القيادة فن و ذوق ..
يعني قيادتك في الشارع راح تعبر عن جزء من شخصيتك
كونك شخص تحترم القوانين فراح ينحكم عليك انك شخص محترم
لأن الناس راح تحكم عليك من خــلال قيادتـــك ..
هالشي اللي يشوفونه قدامهم ~

وفي ناس مايهمهم الناس شتفكر عنهم , لان لو هالشي ايهم كان مالف علينا كل يوم واحد والاا طلع في وجهنا اشوي ويدعمنا في فئه اصلا ماتهتم بالهشي , وفعلا في النهايه المساله مسالة ذوق واخلاق :)

[خوي الدرب]

لا أقول أن كل منهو متزن في القيادة يحمل سمو الخلق
ولكن بالتأكيد كل من لم يكن متزن ويتعامل مع الأخرين في الشارع بأدب
فأنه لا محالة قليل أدب أو عديم تربية أو مختلا عقليا أو يحس بالنقص بين الناس

[alsahm 12]

اكيد الملتزم .. انسان اخلاقه عاليه والدليل التزامه بالقوانين .. اما الطرف الاخر المسرع والغير ملتزم بالقوانيين تجده انسان لامبالي ومستخف بالاخرين ومتعجرف

[fhd4]

أولا يعطيك العافية على الطرح ...

أقول لك اياها باختصار ...


إذا كان ملتزم بقوانين المرور بحذافيرها مب معناها إن الشخص محترم ومؤدب ممكن كذا وممكن لا...


لكن إذا كانت سواقته مثل ما قلت برعونة ولازق بالناس وحياته كلها تكبيس بالليتات ... هذا أؤكد لك إنه الاحترام في صوب وهو في صوب ثاني ...

[فــلان]

إلا حد كبييييير إيه

[Gh2o]

نعم نقدر

[Qt.1]

شكرا لمروكم العطر شباب ولابداء رايكم :)

[boamir]

عن نفسي اقول لا
والله شوفة عيني شباب ماشاء الله عليهم اخلااق تووب بس في الشاارع تقول رااالي وعصبيي حده ويسرع وااايد بس إذا صارت مشكله على طوول يعتذر ومايكبرها

وفي نفس الوقت اعرف اشخااص كللش مالهم بالسرعه بس تعاال شووف اخلااقهم

هالشي ماينطبق على كل الأشخااص خصوصا إلي يسرعون واايد منهم نااس اخلاقهم زينه بس إنهم متعودين عالسرعه وإذا حد لف في ويهه او غلط عليه وسلم ولا يفتكر بالموضوع تحصله يضحك ويكمل

[Abdulraman]

نعم تقدر نحكم على الشخص من السواقه اكيد الملتزم غير اللي طايش
السواقه فن وذوق واخلاق (هذا الملتزم)

[درع الوطن]

مانقدر نحكم على أنسان لمجرد قيادة السيارة بصورة مخالفة
مع أن لسان الحال راح يقول بأن هذا السائق طائش ولا يحترم الآخرين قبل إحترام القانون

وأعطيك مثال ... واحد كان رايح يراجع في إدارة حكومية وشاف سائق يقود السيارة بسرعة ويتجاوز من اليمين ومايعطي أشارة .. أكيد راح يكون أنطباعة بأن هذا السائق غير محترم ... وهذي ردة فعل طبيعية ..

وبعد ماوصل لمكان المراجعة حصل مشكلة في المعاملة ... طقها يمين وطقها يسار مامشت المعاملة
وبالصدفة حصل شاب في هالإدارة وعرض عليه المساعده وخلص له الموضوع .. أكيد راح يكون أنطباعة بأن هذا الشاب نشمي ومحترم وفيه خير ... وبالصدفه عرف أن هذا الشاب هو اللي كان سائق السيارة اللي فوق
شنهي ردة الفعل في هالحالة ... وكيف راح يكون أنطباع هذا الشخص ...؟؟

الزبدة .. بأن الحكم على شخصية الإنسان ليست بالسهولة الّتي يتصورها البعض .. فهذي تحتاج إلى خبرة وممارسة وعشرة للشخص حتى يستطيع الوصول إلى الشخصية الحقيقية للشخص...

وسلامتك .....:victory:

[أم حمد]

أممممممممممم
القيادة فن و ذوق ..
يعني قيادتك في الشارع راح تعبر عن جزء من شخصيتك
كونك شخص تحترم القوانين فراح ينحكم عليك انك شخص محترم
لأن الناس راح تحكم عليك من خــلال قيادتـــك ..
هالشي اللي يشوفونه قدامهم ~


:nice:

اتفق معك 100%

[كازانوفا]

تقريبا ممكن احكم عليه بان شخصيه عاليه وذوق او العكس
على قولة اخواننا المصريين (بيئه )

[HORK]

كلن بيسوق عدل ويتجنب المشاكل الا هذول الشاميين

الاخ راكب قوطي صلصه ومب عاتق احد في الشارع

والمصيبة انهم يفاتنون حتى على المواطنيين تقول ابلاد ابوهم

[الحال مايساعد]

موضوع رائع وراح اشارك فيه

طبعا أنا ماراح أتكلم عن الأخلاق بشكل عام انا كل إللي يهمنى أخلاقه كسائق


"القيادة فن وذق وأخلاق"

بصراحة إللي يستخدم الإشارات الضوئية دائماً أنا اشوفه ماعنده سالفه ، صحيح ان الإشارة هي لغة الحوار بين السائقين لكن عندك الهنود تحصله يعطي إشارة والحبيب ناسيها!!! لا وشوي تحصله رايح صوب والإشارة صوب ثاني :eek5:

وإللي يتفنن يمين ويسار فوق تحت بصراحة ألتمس له العذر في حالة كان عنده حالة طارئة وكان رايح المستشفى فقط اما غير كذا أنا أشوفه إنه قبل كل شي يغضب رب العالمين { وَلَا تُلْقُوا بِأَيْدِيكُمْ إِلَى التَّهْلُكَةِ } ويعتدي على حقوق الآخرين من مستخدمين للطريق

اما قائد السيارة إللي "يعتذر ويسلم" إذا صدر منه أي خطا هذا انا أشوفه بأول قائمة المحترمين :nice:

[روح قطر777]

"القيادة فن وذق وأخلاق"

بس مانقدر نحكم على الشخص من قيادته يعني يجيك هالسايق زانط نفسه بالحزام وطاق اشاره من الدوار لين الاشاره الثانيه تشوفه تقول لا خلاص هذا بيلف ماتلاقيه الا راح الصوب الثاني يافلان يافلان لا ولا يدري عنك ترى الغالبيه رابطين الاحزام بس علشان المخالفات هلكوهم المرور كل شوي وسجل مخالفه
مانقول انه في شباب مستهترين الا فيه وهذولا خلوهم على صوب
بس مب يعني اللي ماربط حزامه نحكم على شخصيته في ناس حزات الجد اول ناش تشوفم يساعدونك وانت ماتعرفهم
بالتوفيق للجميع واسمحوا لي على المداخله

[لاجئ عاطفي]

السواقه فن وذوق واخلاق ومن خلال قيادة البعض للسياره تقدر تحكم على اخلاقه وياكثر اللي اخلاقهم ( شوارعية ) في السواقه

[Amigo]

الحمدلله انا في قمة التزامي
بس عن نفسي انا مااحكم على الشخص
يمكن يكون مستعجل او عنده حاله طارئه تستوجب
السرعه لان الانسان في هالحاله يكون متوتر
وكل همه انه يوصل للمكان المطلوب باأسرع وقت ممكن

تحياتي

[سهم نيشان]

إذا يحترم الناس في الشارع احطه على راسي حتى لو كان مخالف او مسرع

يعني شخص مستعجل ومع ذلك ما يلزق فيك ولا يهرن ولا يديم
واذا بلف يمين يسار عادي يسويها بدون ما يملغ على حد

[مدرسة]

مو دايما لكن نقدر نعرف بعض الجوانب من شخصية الشخص من خلال قيادته

[فتى الجود]

السلام عليكم

نعم نحكم

وأذكركم بالمقوله اللى يقولونها في برنامج

" الشرطه معك "

(( القياده فــن وذوق و أخــلاق ))

[MAZEN37]

مو دايما لكن نقدر نعرف بعض الجوانب من شخصية الشخص من خلال قيادته
صحيح
لانه مرات الانسان بيكون بحالات من العصبيه او الهدوء او النرفزه او الضيقه او المرض اواواوا

[مكتوم]

احياناً


لكن اذا حد لف علي ويهيد فالسرعه هني احكم عليه وانه مستهتر
لكن الواحد يلتمس العذر يمكن الاخ عنده حالة طارئه
يعني وضعه يستلزم يسوق هالشكل !


اتمنى وصلت المعلومة



*