المعجون المخلوط بالجبس ! ماهي اضراره؟

[Chambray]

السلام عليكم
اليوم صدت البنغالي يخلط المعجون مع الجبس مع اني محذره بعدم استخدام الجبس مع المعجون قبل البدأ في العمل قالي لا انا ماستخدم الجبس ! واحين بعد ماصدته ، قالي انا لازم اخلطه علشان اسد بعض الشروخ !! وانا احطه في بعض الاماكن مب في كل مكان !!
المهم لعنت شكله وقلت له لو اشوف قطعه جبس في الطوفه راحت عليك 10 صفر
قالي خلاص باستخدم شئ اسمه بوني فيلر او شئ هشكل
قلت له مب مشكلة بس الاهم انك ماتستخدم الجبس في المعجون
الحمد لله اني صدته في اول غرفه
احين ابغي اعرف هل يصير يشيل هالمعجون ؟ ولا خلاص تدبست فيه :(
ماهي اضراره ؟
كيف يمكنني تفادي غش هالمقاول ! وكيف اعرف انه ماحط في كل الغرفه !!
افكر اشتري كل المعجون واحطه في كل غرفه لتفادي خلطه مستقبلاً
ان شفت شئ ناقص لاحذف المقاول من فوق السطح :anger1: لحد يكلمني تراني مقفل عليه خخخخخخخخخخ

[أسد الجزيرة]

تراه يخلط الجبس مع المعجون عشان يغشك الافضل تغيره

[@north_star@]

اذا حطيت المعجون خلاص ما تقدر تشيله وعلى العموم اذا حجرة وحده ما رح ياثر ومادة البلولي فيلر هي عبارة عن مادة تشبه الجبس وتستخدم لسد الشقوق الجدارية ونصيحة غير الصباغ لانه اذا ما خلط فى البيت ممكن يخلطه برع البيت ويحطه بنفس الدرام ومب بالساهل تعرف انه خلط المعجون بباقي الغرف وعلى فكرة الخلط للتوفير لانه اكيد اذ1 كان خالط بيكون هو اللي يجيب المواد واذا بتشوف صباغ ثانى انت اختار نوع الصبغ واشتريه بنفسك وخل الصباغ يعطيك سعره بدون مواد بس اجرة يده والسموحه على الاطاله

[غير البشر]

ياحبهم حق النصب :anger1:
يعني مايدرون انه بيت العمر عشان توفير كم ريال ويقعد الواحد يبتلش طول عمره
لابارك الله فيهم

عندك اخوي جنبك ماراح يقصر معاهم ههههههههه :telephone:

[Chambray]

اي والله اني مقهور
الظاهر بكرة اول مايجي باهد عليه البوليسي باخليه ينتفه عن خاطري وباخليه يولي
بادور لي واحد ثاني
والي يشتغل بذمه وضمير ( عمله نادره )

[الشمالي111]

زين محد قال وش اضرار الجبس المخلوط مع المعجون
عشان نستفيد

[درع الوطن]

زين وش السالفة بالضبط علشان الكل يستفيد ...

الموضوع عن الجبس ولا الصبغ ؟... لأني راح أبدأ بالجبس والصبغ عن قريب
الله يهديك خليتني أفكر أنام في البيت من الحين وهو عظم علشان أشوف العمال وش قاعدين يسوون:eek5:

[Chambray]

زين وش السالفة بالضبط علشان الكل يستفيد ...

الموضوع عن الجبس ولا الصبغ ؟... لأني راح أبدأ بالجبس والصبغ عن قريب
الله يهديك خليتني أفكر أنام في البيت من الحين وهو عظم علشان أشوف العمال وش قاعدين يسوون:eek5:

قبل الصبغ لازم صبغ برايمر ، ثم معجون
لكن البنغاليه يخلطون الجبس البودره مع المعجون ( للتوفير )
والله لو يقولون لي نبي 2000 ريال زيادة عطيتهم بس لا يغشوووووووووون :anger1:

[خبير صيانة]

شوف مشكله الجبس انه ضد الماء بمعني اول الجبس مايشرب ماء يترك الحائط علي طول اذا كان خلط الجبس داخل مفيش مشكله ادي وش معجون زياده وزود فيه الغراء الابيض ده حل لكن اذا خارجي الله يعينك

[naklan]

خلط المعجون بالجبس يقلل من كفائتة وقوته وعمرة الافتراضي وطبعاُ
اكيد يوفر المقاول بالخلط بس على حساب جودة العمل المفروض ايقاف الشغل فوراٌ
واستبدال المقاول واحضار معجون جديد وعدم السماح بادخال جبس للموقع لحين
الانتها من العمل والي سئل عن البولي فلير البولي فلير هو معجون بودرة
ويضاف له الماء ويصلح للاستخدام للداخل والخارج وهو قوي وجيد
وافضلة الانجليزي تحياتي للجمــــــــــــــــــــــــــــــــــــيع
اخوكم / naklan

[badarameen]

الله يعين

[فويرط]

بشر شسويت مع الصباغ ؟؟

[جراسا]

يا ريت قرأت هالموضوع قبل لا أدهن مكتبي

لأنه يوم جبت العامل اللي يدهن المكتب...قالي انه يبي كيلو جبس ابيض...و كنت شاري 5 كيلو معجون همبل و طبعا الألوان برضه من همبل

هو يوم ما اشتغل خلط شوي جبس مع شوي معجون...و بعد ما نشف...راح حفه و سنفره بورق الزجاج...و حط معجون لوحده هالمرة....خبروني شنو بصير في هالحالة...هل بعد فترة يتشقق الدهان و يطيح....والله لو انه حط كل ال5 كيلو و حتى لو 20 كيلو...مب زعلان...بس ابي ارعف شو هالنصب...يعيني انا شاري المواد...و هو عليه بس يدهن