المساعد الشخصي الرقمي

مشاهدة النسخة كاملة : تجربتي: اول شهر للرجيم مع احد مراكز الرجيم



الصفحات : [1] 2

العضو العتيج
27-06-2011, 03:47 PM
السلام عليكم ورحمة الله وبركاتة
حبيت اطرح عليكم تجربتي مع احد مراكز الرجيم
الهدف من الموضوع اني اشجع اللي يبون يروحون وبما اني استفدت شخصيا حبيت افيدكم بتجربتي

المدة حتى الان شهر و10 ايام

نتابع بالصورة.....

http://files.mothhelah.com/img/P6g75934.jpg (http://files.mothhelah.com/)

طبعا هذي صورة اول زيارة نشوف الوزن كان 111.8:shy:

الزيادة في الدهون مثل ماهي باينة 51.1
ونسبه الماي في الجسب كانت ضمن النطاق الطبيعي نشوفها على اليسار 44.4

في ارقام كثيرة بالنسبه لي اللي ذكرته هو المهم

النظام بالنسبة لي كان يمتد لمدة عشره ايام بعدها الموعد
اول عشره ايام كان النظام خالي من النشويات والدهون يعتمد على البروتينات والخضروات والاكثار من شرب الماء وهذا شي مهم وبيكون هناك شعور بالتعب والدوخة لكن ينصح بعدم ممارسة نشاط مجهد
بعد عشره ايام نشوف الصورة الثانية

http://files.mothhelah.com/img/Lcg75934.jpg (http://files.mothhelah.com/)

الوزن 107:nice:
الخسارة 4.8
الخسارة الاكبر كانت من الدهون
3.5 كيلو
الخسارة من الماء 1 كيلو
طبعا الاسبوع الي بعدة يكون النظام شوي مختلف فيه رز بكميه قليله لمرة او مرتين وطبعا بيكون اسهل من الاسبوع الاول
ونشوف الصوره بعد عشره ايام اخرى,,

http://files.mothhelah.com/img/HNs75934.jpg (http://files.mothhelah.com/)

الوزن 105.2

الخسارة من الدهون كانت 2.8 كيلو
لكن هناك زيادة في الماء 700 غرام..بس مافي مشكله اهم شي الدهون ..الماي في الجسم بسرعه تفقده وبسرعه يرجع
فكانت الخسارة الاجمالية 1.8 كيلو

الاسبوع الي بعده مايختلف النظام كثير عن اللي قبل ومافيه صعوبة
ونشوف الصورة بعد 10 ايام

http://files.mothhelah.com/img/waL75934.jpg (http://files.mothhelah.com/)

الوزن 103.1
الخسارة كانت 2.1 كيلو

الاسبوع الي بعده النظام بيكون اسهل وفيه رز وخبز بشكل يومي لكن بكميه قليل ونشوف الصورة بعد 10 ايام
http://files.mothhelah.com/img/6u578411.jpg (http://files.mothhelah.com/)
الوزن 100.9
الخسارة 2.2 كيلو

الخسارة الاجمالية خلال شهر و10 ايام 11 كيلو تقريبا

طبعا احب انوه لشغله ان النظام الي ذكرته ممكن يختلف من شخص الى اخر لان الدكتور هو اللي يقرر اي نظام يعطيك كل اسبوع حسب حاجه جسمك وعلى حسب الخطه الي يبي يمشيك عليها

وانا طرحت الموضوع في المنتدى لهدف واحد اني اشجع اي واحد من الاعضاء اللي ودة يتبع دايت بس متردد او اي شخص يحب يسمع تجربه ويشوف قبل مايتبع النظام والنظام بشكل عام مافيه صعوبة ولكن بنفس الوقت مافيه سحر يعني لابد ان الانسان يغير نظامة ويقلل من اكله وبشكل عام في النظام ممنوع تاكل بعد الساعه 8 مساءا وانا شخصيا عن نفسي ماشوف فيه صعوبة كبيره يعني وحتى لو الواحد خربط مره او مرتين المفروض ماييأس ويستمر وبيشوف النتايج
واي استفسار او سؤال انا حاظر وهذا

بالنسبه للرياضة بتكون ممنوعه في الاسبوع الاول ويفضل عدم ممارسة اي نشاط مجهد.. وفي الاسبوع الثاني بيكون المشي يوم وترك لمده 45 دقيقه اما الاسابيع الباقي بيكون مشي يومي لمدة ساعة تقريبا


وشكرا للجميع....تحياتي,,,,

مسك روز
27-06-2011, 03:51 PM
جزاك الله خير

البدع
27-06-2011, 03:56 PM
موضوع جميل

شي حلو ان كل واحد يحط تجربته الشخصية

عن نفسي احب المشي في الكورنيش او الفريج

Markato
27-06-2011, 03:57 PM
عندي كم سؤال اخوي
۱ هل استمر على هذا النظام الغذائي طول حياتي والا فتره معينه

كم كلفلك النظام عندهم

بنت السندباد
27-06-2011, 04:08 PM
السلام عليكم
جزاك الله خير اخي العزيز على الطرح المتميز , انا رحت لهم بس للاسف ماكلمت ما قدرت امشي على النظام الغذائي اكثر من يومين وماكملت معاهم لانه مثل ما انت تفضلت هم يساعدون ويظل الاعتماد الاساسي على الشخص نفسه وعلى ارادته , لكن على قد ما اقدر احاول اخفف باتباع وجبه وحدة من وجباتهم عا وعسى تساعد شوي , فيريت اخي العزيز لو تطرح لنا من ريجيماتهم او امثلة على وجباتهم

نجدي قطري
27-06-2011, 04:10 PM
أخوي وإذا الواحد متعوّد على الجري والرياضة، ويبي يدخل مع المركز، هل يمنعونه عنها؟

وبالمبارك على نزول العشر كيلوغرامات وعقبال عشرات غيرها.

deema117
27-06-2011, 04:20 PM
ما شاء الله عليك . . تبارك الرحمن


تجربة رائــعة .. :nice:


أسال الله أن يكتب لك الأجر من ورائها


آنا كان لي تجربة مع بيرفكت ويت اللي فالمعمورة اشتركت شهرين مع د.عماد الصراحة الدكتور ممتاز وطيب بمعنى الكلمة بس أختك نفسها دينية تحب الأكل وبسرعة اتملل من النظام :shy: وقفت الاشتراك عدة مرات . . المهم خلال الشهرين ما وصلت لنتيجة والسبب مني ومن عدم إلتزامي .

بكرة بإذن الله عندي موعد مع د.حسن وإن شاء الله بجدد أشتراكي لمدة 6 شهور وإن شاء الله هالمرة ألتزم بالنظام الغذائي .


** بالنسبة للماي كان يقولي الدكتور شربي 2-3 لتر فاليوم الصراحة وااايد ومهما أشرب ماي أروح ألقى نسبة الماي قليلة ، أنت أخوي كم الكمية اللي تشربها خلال اليوم ؟؟

تاجر كشخة
27-06-2011, 04:24 PM
الي الامام

العقل الحر
27-06-2011, 04:25 PM
موضوع مميز

ممكن التكلفة وماهي الفئات والجدول

وشكرا لك

سحـابة خيـر
27-06-2011, 04:27 PM
عقبـال العشرات الاخرى ,,
يعطيك العافيه:nice:

STAR
27-06-2011, 04:39 PM
عقبال مايصير وزنك ثمانين كيلو...

بالتوفيق..

أجودية
27-06-2011, 04:42 PM
سمعت عن هذا المركز ممتاز ... والله يعطيك العافية

intesar
27-06-2011, 04:48 PM
المركز يستخدم رجيم البروتينات.. والجسم يحتاج لكل العناصر الغذائية.. لذا أنا مزوافق عليه أكثر من شهر.. وبعد اذا تركت الرجيم راح يزيد وزنك بسرعة لأن النزول سريع.. والرجيم المثالي هو الرياضة مع رجيم السعرات الحرارية.. نظام متوازن ومتكامل وصحي..

العضو العتيج
27-06-2011, 04:52 PM
جزاك الله خير

شكرا لج اختي مسك روز....




موضوع جميل

شي حلو ان كل واحد يحط تجربته الشخصية

عن نفسي احب المشي في الكورنيش او الفريج

شكرا اخوي البدع وفعلا انا قبل لامشي على النظام كنت ادور اي احد يكتب تجربتة بوضوح ومالقيت حسيت ان في اتفاق على التكتم هههه فحبيت احط تجربتي...



عندي كم سؤال اخوي
۱ هل استمر على هذا النظام الغذائي طول حياتي والا فتره معينه

كم كلفلك النظام عندهم

هلا اخوي.. طبعا لما الواحد يوصل للوزن المناسب مايحتاج يواصل الدايت شي طبيعي,, لكن اكيد بتحتاج تغير نظامك السابق عشان ماترجع مثل ماكنت واكيد الدكتور بيعطيك نصايح في خلصت النظام ونزل الوزن للمعدل الطبيعي
بالنسبه للتكلفه اشتراك شهرين 750 ريال..وفي اشتراك 6 شهور وفي سنه بس ماذكر بالضبط كم لكن انصح بشهرين كبداية



السلام عليكم
جزاك الله خير اخي العزيز على الطرح المتميز , انا رحت لهم بس للاسف ماكلمت ما قدرت امشي على النظام الغذائي اكثر من يومين وماكملت معاهم لانه مثل ما انت تفضلت هم يساعدون ويظل الاعتماد الاساسي على الشخص نفسه وعلى ارادته , لكن على قد ما اقدر احاول اخفف باتباع وجبه وحدة من وجباتهم عا وعسى تساعد شوي , فيريت اخي العزيز لو تطرح لنا من ريجيماتهم او امثلة على وجباتهم




هلا اختي ومشكورة
انا انصحج ان تواصلين على الرجيم ومن تشوفين النتايج لو كانت بسيطه بتشجعين اكثر ...بالنسبه لوجباتهم تنحصر في الاكل قليل السعرات والابتعاد عن النشويات والدهون ويمكن اكل اللحم او الدجاج المشوي خصوصا لحم البقر لان نسبه الدهون فيه اقل مافيه فواكه كثير مافيه حليب الشاي والقهوة مسموح بدون سكر او سكر بديل..الخضروات مسموحة ماعدى الجزر والبطاطس



أخوي وإذا الواحد متعوّد على الجري والرياضة، ويبي يدخل مع المركز، هل يمنعونه عنها؟

وبالمبارك على نزول العشر كيلوغرامات وعقبال عشرات غيرها.


هلا فيك اخوي نجدي...لا ماعتقد يمنعونك من الرياضة لكن بيعطيك برنامج مناسب للمجهود اللي تبذله انا في البدايه سالني هل تقوم باي نشاط قلت له لا فعطاني دايت مافيه نشويات او دهون فكنت لو اوي اي شي او اتحرك تحس بتعب يعني انت تقوله شنو نظامك وحركتك اليومية.


ما شاء الله عليك . . تبارك الرحمن


تجربة رائــعة ..


أسال الله أن يكتب لك الأجر من ورائها


آنا كان لي تجربة مع بيرفكت ويت اللي فالمعمورة اشتركت شهرين مع د.عماد الصراحة الدكتور ممتاز وطيب بمعنى الكلمة بس أختك نفسها دينية تحب الأكل وبسرعة اتملل من النظام وقفت الاشتراك عدة مرات . . المهم خلال الشهرين ما وصلت لنتيجة والسبب مني ومن عدم إلتزامي .

بكرة بإذن الله عندي موعد مع د.حسن وإن شاء الله بجدد أشتراكي لمدة 6 شهور وإن شاء الله هالمرة ألتزم بالنظام الغذائي .


** بالنسبة للماي كان يقولي الدكتور شربي 2-3 لتر فاليوم الصراحة وااايد ومهما أشرب ماي أروح ألقى نسبة الماي قليلة ، أنت أخوي كم الكمية اللي تشربها خلال اليوم ؟؟

مشكوره اختي ديما,,,
انا نزلت الموضوع عشان الكل يتشجع فانا انصحج بالمتابعه مع الدايت ولو خربتي مره او مرتين لاتأيسين لان المشكله اللي تخربط الدايت عادة التخرب لمره وحدة فانتي اذا خربتي مره وحدة لاتأيسين بالعكس كملي مع الوقت بتشوفين نفسج ماتبين تخربين

بالنسبه للماي انا اشرب كميه مثل الي ذكرتيها او اكثر بس احب اوضح لج شغله..الهدف من شرب الماي مب مثل ما انتي فاهمه ان يزيد الماي في الجسم..الهدف من الاكثار من شرب الماي ان يساعد على التخلص من السوائل المحتبسه في الجسم هذي الفكره,,


الي الامام

شكرا اخوي


موضوع مميز

ممكن التكلفة وماهي الفئات والجدول

وشكرا لك


مثل ماذكرت التكلفه لشهرين 750 ريال
ومثل ماذكرت في رد سابق الجداول فيها اللي يكون خالي من النشويات ويعتمد على الخضار والمشاوي وفيها الي يكون فيه نشويات رز وخبز واحيانا معجنات بس بكميات قليلة عموما وهالشي يقرره الدكتور لك ويوضح لك اكثر...شكرا لك


عقبـال العشرات الاخرى ,,
يعطيك العافيه


الله يسمع منج ومشكورة والله يعافيج

العضو العتيج
27-06-2011, 07:26 PM
عقبال مايصير وزنك ثمانين كيلو...

بالتوفيق..

امين...راح القليل وباقي الكثير...



سمعت عن هذا المركز ممتاز ... والله يعطيك العافية
الله يعافيج ..مشكورة


المركز يستخدم رجيم البروتينات.. والجسم يحتاج لكل العناصر الغذائية.. لذا أنا مزوافق عليه أكثر من شهر.. وبعد اذا تركت الرجيم راح يزيد وزنك بسرعة لأن النزول سريع.. والرجيم المثالي هو الرياضة مع رجيم السعرات الحرارية.. نظام متوازن ومتكامل وصحي..

مشكور اخوي انسيرت بس احب اوضح لك شغله ..المركز مايستخدم ريجيم البروتينات مثل ماتفضلت النظام بشكل عام منخفض السعرات الحراريه ومحسوب..ثاني شي النظام في بدايته يعتمد على البروتينات ويتجنب الدهون والنشويات لكن مايستمر الرجيم على نفس المنوال لان لو استمر بنفس الطريقة الجسم بيوقف عن النزول وبيتعود على النظام لكن تلقى في الاسبوع الثاني مثلا يكون فيه نشويات بس بكميات قليلة بعد يكون في سكريات قليله ايضا مثل الفواكه واحيانا حليب عشان الجسم مايعتاد على نمط واحد ويكون في تنوع في القيمه الغذائيه وهكذا... هذا الي حبيت اوضحه
وشكرا

بـــــــنت النوخـّــــذه
27-06-2011, 07:31 PM
ماشاء الله تبارك الرحمن لااله الا الله 111 كيلو!!!!!!!!!!!!!!!!!!!!!!!!!!!!!!!!!!!!!!!!!!!!

الله يعطيك الصحه والعافيه000 وعقبال ماتوصل للوزن المطلوب والاهم ادير بالك على صحتك مع الريجيم
بالتوفيق

توقيعك عجبني ^_^

شيط ويط
27-06-2011, 07:37 PM
طلعت دُب :shy:

فــلان
27-06-2011, 07:50 PM
ممتاااز ممتاز كفوا عليك وعلى إلتزامك أسأل الله أن يكتب لك كل خير و كل من يقرى المواضيع.

أنا أتمنى كل من يقرى المشاركه إنه يحاول يخلي الرياضه أسلوب حياة يعني يمارسها يوميا ً على الأقل ٣٠ دقيقه

لأن بدون الرياضه لايمكن أن يكون النزول صحي وينعم صاحبها بصحه ولياقه عاليه تعينه على متطلبات الحياه و السن هذا غير طبعا ً إن الإنسان الرياضي ينعم بشعور أبلغ من الوصف و بشرته تكون صحيه وصافيه بسبب خروج السموم و الدهون و الأملاح الزائده بشكل يومي عن طريق التعرق اللي يتطلب شرب نسب عاليه من الماء اللي هو أساس الصحه و العافيه و جسم مشدود و مظهر رياضي. هالشي له أثر بالغ في النفس من تحسين المزاج و التصرف بإيجابيه في النواحي الحياتيه بشكل عام


كل التوفيق لك أخوي و للأخوان و الأخوات *

تحداني
27-06-2011, 07:55 PM
الف مبروك خساره 11 كيلو جرام واعتبره نجاح ودافع للاستمرار والمواصله
أكثر من اجل صحه ممتازه .. ومن اجل رضى كامل على الشكل الخارجي

قرأت كثير عن هالمركز وعن طريقه تعامله مع المراجعين
حقيقه هو قريب من رجيم الدشتي نوعا ما .. صحيح يعتمد على البروتينات .. وهالامر في المرحله الاولى اعتبره مو سئ .. ولكن كما ذكر اخونا " عضو عتيج " ان سيطرأ على البرنامج الكثير من التعديلات ..

منتجاتهم جدا مميزه .. وبديت اخذ منها بالرغم في الفتره الحاليه وصلت للوزن المثالي
بعد صراع طويل مع الوزن المثالي اي 5 كيلو جرامات الاخيره .. ومنتجاتهم تأتي بالفعاليه المطلوبه
والحلو فيها انها مرخصه معتمده من وزاره الصحه ومالها اي اعراض جانبيه

ذكر اخوي " عضو العتيج " ان العمليه مو سحر .. بالفعل محتاج الشخص يكون عنده اراده واصرارا واي حرمان يعتبر مجهود للجسم وللنفسيه وارهاق .. والحفاظ على الوجبات الصحيه مطلب ضروري حتى للي ما يعانون من السمنه

والكل شايف اشلون حركتنا قليله
والاجواء ما اتساعد ابدا على المجهود الجسمي
فمحتاجين نخفف من الفاست فود .. ونكثر من الاكل الصحي
ونوقف طلبات من المطاعم
وكافي ناكل بدون ما انعرف ايش الي قاعدين ناكله
ونتعامل مع الطعام كوسيله للترفيه مع العلم هي طريقه للحياه

والغذاء الصحي يعتبر ثقافه .. واختيار نوعيه الوجبات ايضا ثقافه
اليوم لما نروح الجمعيه نلقي عمليه انتقاء الوجبات ما تاخذ من الشخص العربي غير نصف ساعه لكن لو دققنا في الاجانب حول الساعه .. قراءه وبتمعن على محتويات الوجبات
وهالشي لازم نتعلمه .. وطريقه قراءه نوعيه المنتج سهله



مؤمنه تماما ان الجسم المثالي محتاج الى مجهود للمحافظه عليه
ومحتاج الى اهتمام .. " لذلك نقول كافي نهمل نفسنا وجسمنا "

الرجيم بدون رياضه .. كأنك تبني بيت بلا أساس قوي وعند مقاول فاشل :)
لذلا لا غنى من الرياضه .. ولنجعلها روتين يومي وواجب من الواجيات
ويوم بعد يوم لما الشخص يشوف النتائج ايجابيه راح يزداد حماسه وما يهون عليه يخرب هالمجهود باي تصرف غير صحي

عن نفسي يوم الجمعه يوم مفتوح
آكل الي خاطري فيه .. فقط في وجبه واحده اما الغدا او العشى
وضميري ما يأنبني ابدا

وطول الاسبوع اكل صحي



كمل يا اخوي
وخلك بنفس العزيمه
وعسى الله يناولك ما تتمنى


جملك الله برضاه

deema117
27-06-2011, 08:00 PM
الصراحة أخوي موضوعك مشجع

بسألك شريت منتجات من عندهم وشنو أفضلها ؟؟

هل تستخدم سونا شورت ؟؟ أو سونا سوت أثناء المشي ؟؟ وإذا تستخدم هل شريته من المركز ؟؟

بالنسبة لي اللي خرّب ريجيمي حاجتي للسكريات فترة ما بعد الغدا والمغرب ؟؟ شنو أفضل طريقة للتغلب على هالشعور ؟؟ وهل دخلّت الشوكلت اللي ينباع فالمركز في نظامك ؟؟

سؤال أخير تقول أن العشا لازم ما يكون بعد 8 مساءً :secret: انزين اللي متعود على السهر ما يكون الليل طويل عليه بدون عيشة ؟؟ :tease:


. . ننتظر إجابتك . . :)

Amigo
27-06-2011, 08:24 PM
انا صارلي معاهم 5 شهور
اول 10 ايام نزلت 6 كيلو
وثاني 10 ايام 4.5 كيلو طبعا مع تغير الجدول
ومتابعتي مع دكتور عادل
والحمدلله وصلت للوزن المطلوب
يعطيك العافيه يالعتيج
:victory:

sara jsm
27-06-2011, 08:37 PM
ماشاءالله عليك ,,
احلى شي في الدنيا اللياقة والجسم السليم ,,
ان شاءالله تستمر لين توصل للوزن المطلوب وراح تحس ان الحياة غييييييير ,,
ونفسيتك بعد بتتغير اكيد ,, :) اتمنى لك التوفيق اخوي ,,
وهالله هالله بالرياضة ,,

سهم قطر
27-06-2011, 08:58 PM
اخوي هل المركز هو اللي يرسل لك الوجبات ولا لا
وكم تكلفة البرنامج
وشكرا

المريش
27-06-2011, 09:00 PM
موفق اخوي وفالك ال 80

المحقق كونان
27-06-2011, 09:08 PM
اخوي ابي اعرف نظام المركز

هل هو يعطيك نظام و جدول غذائي ولا يطرش لك الاكل مثل دايت سنتر ؟؟

و كم ياخذ في الشهر ؟؟

و الله يعطيك الصحه و العافيه

كازانوفا
27-06-2011, 09:42 PM
موفق ان شالله
بصراحه انا اخذت النظام من صديقتي ومشيت عليه ولله الحمد نزلت 7كيلو

نجمة سهيل
27-06-2011, 10:44 PM
ماشاء الله تبارك الرحمن
تجربه ممتازه صراحه .. ومركز نيوترشن انا من اشد المؤيدين له
لي تجربه معهم ولله الحمد طلعت بنتايج طيبه وخسرت 15 كيلو .. والحلو انه من السنه اللي طافت لحد اليوم وزني ثابت نوعا ما ..
اخوي اشكرك على طرح تجربتك ونصيحه لما بعد نيوترشن ..
اتبع نظام تثبيت الوزن + ابتعد عن الوجباات السريعه + داوم على شرب الشاي الاخضر

ANONYMOUS
27-06-2011, 10:47 PM
اعرف مجموعه مشتركين معاهم وماشالله بعضهم صاروا هياكل عظميه


عموما الإرادة هي key word والأهم حتى من دون اللجوء لأي شخص او جهه للمساعده في إنقاص الوزن

راشد محمد
27-06-2011, 11:15 PM
بالتووووووفيق

العضو العتيج
27-06-2011, 11:21 PM
ماشاء الله تبارك الرحمن لااله الا الله 111 كيلو!!!!!!!!!!!!!!!!!!!!!!!!!!!!!!!!!!!!!!!!!!!!

الله يعطيك الصحه والعافيه000 وعقبال ماتوصل للوزن المطلوب والاهم ادير بالك على صحتك مع الريجيم
بالتوفيق

شكرا يابنت النوخذة ثنكيووو


طلعت دُب

لا يتروالك!!!!!!!هههه


ممتاااز ممتاز كفوا عليك وعلى إلتزامك أسأل الله أن يكتب لك كل خير و كل من يقرى المواضيع.

أنا أتمنى كل من يقرى المشاركه إنه يحاول يخلي الرياضه أسلوب حياة يعني يمارسها يوميا ً على الأقل ٣٠ دقيقه

لأن بدون الرياضه لايمكن أن يكون النزول صحي وينعم صاحبها بصحه ولياقه عاليه تعينه على متطلبات الحياه و السن هذا غير طبعا ً إن الإنسان الرياضي ينعم بشعور أبلغ من الوصف و بشرته تكون صحيه وصافيه بسبب خروج السموم و الدهون و الأملاح الزائده بشكل يومي عن طريق التعرق اللي يتطلب شرب نسب عاليه من الماء اللي هو أساس الصحه و العافيه و جسم مشدود و مظهر رياضي. هالشي له أثر بالغ في النفس من تحسين المزاج و التصرف بإيجابيه في النواحي الحياتيه بشكل عام


كل التوفيق لك أخوي و للأخوان و الأخوات *


مشكور اخوي بوراشد


الف مبروك خساره 11 كيلو جرام واعتبره نجاح ودافع للاستمرار والمواصله
أكثر من اجل صحه ممتازه .. ومن اجل رضى كامل على الشكل الخارجي

قرأت كثير عن هالمركز وعن طريقه تعامله مع المراجعين
حقيقه هو قريب من رجيم الدشتي نوعا ما .. صحيح يعتمد على البروتينات .. وهالامر في المرحله الاولى اعتبره مو سئ .. ولكن كما ذكر اخونا " عضو عتيج " ان سيطرأ على البرنامج الكثير من التعديلات ..

منتجاتهم جدا مميزه .. وبديت اخذ منها بالرغم في الفتره الحاليه وصلت للوزن المثالي
بعد صراع طويل مع الوزن المثالي اي 5 كيلو جرامات الاخيره .. ومنتجاتهم تأتي بالفعاليه المطلوبه
والحلو فيها انها مرخصه معتمده من وزاره الصحه ومالها اي اعراض جانبيه

ذكر اخوي " عضو العتيج " ان العمليه مو سحر .. بالفعل محتاج الشخص يكون عنده اراده واصرارا واي حرمان يعتبر مجهود للجسم وللنفسيه وارهاق .. والحفاظ على الوجبات الصحيه مطلب ضروري حتى للي ما يعانون من السمنه

والكل شايف اشلون حركتنا قليله
والاجواء ما اتساعد ابدا على المجهود الجسمي
فمحتاجين نخفف من الفاست فود .. ونكثر من الاكل الصحي
ونوقف طلبات من المطاعم
وكافي ناكل بدون ما انعرف ايش الي قاعدين ناكله
ونتعامل مع الطعام كوسيله للترفيه مع العلم هي طريقه للحياه

والغذاء الصحي يعتبر ثقافه .. واختيار نوعيه الوجبات ايضا ثقافه
اليوم لما نروح الجمعيه نلقي عمليه انتقاء الوجبات ما تاخذ من الشخص العربي غير نصف ساعه لكن لو دققنا في الاجانب حول الساعه .. قراءه وبتمعن على محتويات الوجبات
وهالشي لازم نتعلمه .. وطريقه قراءه نوعيه المنتج سهله



مؤمنه تماما ان الجسم المثالي محتاج الى مجهود للمحافظه عليه
ومحتاج الى اهتمام .. " لذلك نقول كافي نهمل نفسنا وجسمنا "

الرجيم بدون رياضه .. كأنك تبني بيت بلا أساس قوي وعند مقاول فاشل
لذلا لا غنى من الرياضه .. ولنجعلها روتين يومي وواجب من الواجيات
ويوم بعد يوم لما الشخص يشوف النتائج ايجابيه راح يزداد حماسه وما يهون عليه يخرب هالمجهود باي تصرف غير صحي

عن نفسي يوم الجمعه يوم مفتوح
آكل الي خاطري فيه .. فقط في وجبه واحده اما الغدا او العشى
وضميري ما يأنبني ابدا

وطول الاسبوع اكل صحي



كمل يا اخوي
وخلك بنفس العزيمه
وعسى الله يناولك ما تتمنى


جملك الله برضاه

مشكوره اختي تحداني الزمن والله يعطيج العافية


الصراحة أخوي موضوعك مشجع

بسألك شريت منتجات من عندهم وشنو أفضلها ؟؟

هل تستخدم سونا شورت ؟؟ أو سونا سوت أثناء المشي ؟؟ وإذا تستخدم هل شريته من المركز ؟؟

بالنسبة لي اللي خرّب ريجيمي حاجتي للسكريات فترة ما بعد الغدا والمغرب ؟؟ شنو أفضل طريقة للتغلب على هالشعور ؟؟ وهل دخلّت الشوكلت اللي ينباع فالمركز في نظامك ؟؟

سؤال أخير تقول أن العشا لازم ما يكون بعد 8 مساءً انزين اللي متعود على السهر ما يكون الليل طويل عليه بدون عيشة ؟؟


. . ننتظر إجابتك . .

ياهلا فيج اختي ديما....

بالنسبه للمنتجات انا ماشريت اي من منتجاتهم لان عندي قناعه ان المنتجات الي تخص الرجيم والتخسيس معظمها وفي الغالب منتجات تجاريه ويحاولون يقنعونك ان لها مفعول سحري وفي الغالب اسعارها مرتفعه ولكن هذا مو معناة ان كل المنتجات كذلك..
بس مع الاشتراك عطوني منتجين مجانا كانو عبارة عن عصير قليل السعرات وشاي د.مينق..واستخدمتهم..بس الشاي استخدمته فتره ووقفت بدون سبب ,, في اخر زيارة لي سمعت الموظف يتكلم في التلفون مع بعض المراجعين عن منتج موقف من وزارة الصحة..فسالته عن الموضوع قال في شاي بنفس الاسم نزل للسوق وفيه مواد غير مرخصه فوزارة الصحة وقفت المنتج على الكل الى ان يتم التاكد وقال احنا كنا نبيعه بترخيص من الوزارة وان الموضوع صار بسبب منتج مغشوش طبعا هذي روايته هو..انا عموما وقفت عنه

اما بخصوص كلامج عن السويت انا انصحج ان تعوضين بشي يكون منخفض السعرات شوي شوي لين تتعودين على الوضع وبالنسبه الشوكلت الي ينباع عندهم اعتقد ان زين بس ماشريته الصراحة كل مره اقول باخذه بس انسى او اغير رايي لاني دورت في السوق شوكلت يكون سعراته اقل مالقيت وشريت كم مره شوكلت عادي بس عموما بالنسبه لي انا شخصيا مب من هواة الشوكلت يعني في زين مافي مب لازم.. يمكن المره الجايه اجربه
بخصوص وقت الاكل قبل 8 انا بعد اسهر يوميا واجوع الصراحة في الليل بس عادي تعودت على الوضع واحس ان مافي شي يسوى اني اخرب الدايت اشرب ماي كوفي شاي عادي ويمر الوقت واذا صحيت من النوم مالي نفس اكل واقول زين ماخربت...

وشكرا لج


انا صارلي معاهم 5 شهور
اول 10 ايام نزلت 6 كيلو
وثاني 10 ايام 4.5 كيلو طبعا مع تغير الجدول
ومتابعتي مع دكتور عادل
والحمدلله وصلت للوزن المطلوب
يعطيك العافيه يالعتيج


الله يعافيك اخوي اميغو.. ياريت تخبرنا بتجربتك باختصار كم كنت وكم صرت
وشكرا لك وبالتوفيق




ماشاءالله عليك ,,
احلى شي في الدنيا اللياقة والجسم السليم ,,
ان شاءالله تستمر لين توصل للوزن المطلوب وراح تحس ان الحياة غييييييير ,,
ونفسيتك بعد بتتغير اكيد ,, اتمنى لك التوفيق اخوي ,,
وهالله هالله بالرياضة ,,

مشكورة اختي سارة..ويعطيج العافيه


اخوي هل المركز هو اللي يرسل لك الوجبات ولا لا
وكم تكلفة البرنامج
وشكرا

لا اخوي المركز يعطيك نظام غذائي ومايرسل وجبات
الاشتراك شهرين 750
شكرا لك


موفق اخوي وفالك ال 80

الله يسمع منك..مشكور..




اخوي ابي اعرف نظام المركز

هل هو يعطيك نظام و جدول غذائي ولا يطرش لك الاكل مثل دايت سنتر ؟؟

و كم ياخذ في الشهر ؟؟

و الله يعطيك الصحه و العافيه

المركز يعطيك نظام غذائي تمشي عليه مايرسلون اكل
والاشتراك شهرين 750 ريال
وفي اشتراك 6 شهور وفي سنه بس ماذكر الاسعار بالضبط المره الجايه اتاكد
شكرا لك


موفق ان شالله
بصراحه انا اخذت النظام من صديقتي ومشيت عليه ولله الحمد نزلت 7كيلو

الله يعطيج العافيه ..مثل ماقلتي النظام يقدر الواحد ياخذه من النت او من اي احد بس انا انصح بالمراجعه لان الواحد يتشجع بشكل اكبر ويلتزم ويقدر ياخذ الراي من الدكتور في كل شي ويشرح له الاشياء المهمه


ماشاء الله تبارك الرحمن
تجربه ممتازه صراحه .. ومركز نيوترشن انا من اشد المؤيدين له
لي تجربه معهم ولله الحمد طلعت بنتايج طيبه وخسرت 15 كيلو .. والحلو انه من السنه اللي طافت لحد اليوم وزني ثابت نوعا ما ..
اخوي اشكرك على طرح تجربتك ونصيحه لما بعد نيوترشن ..
اتبع نظام تثبيت الوزن + ابتعد عن الوجباات السريعه + داوم على شرب الشاي الاخضر


مشكورة اختي نجمه..والله يعطيج العافيه ومبروك الـ15 كيلو
تحياتي




اعرف مجموعه مشتركين معاهم وماشالله بعضهم صاروا هياكل عظميه


عموما الإرادة هي key word والأهم حتى من دون اللجوء لأي شخص او جهه للمساعده في إنقاص الوزن
مانبي نصير هياكل نبي تروح بعض الزيادات والاوبشن الي ماله داعي هههههه
مشكور اخوي ويعطيك العافيه

Google
28-06-2011, 10:02 AM
للاسف اتصلت عليهم وقالوا مايصلح البرنامج لمرضى السكر

:weeping: :weeping: :weeping:

نورالهدى
28-06-2011, 10:26 AM
أنا مع الدكتور عادل
ونزلت معاه 22 كيلو
وإن شاء الله بعد العيد برجع وبكمل معاه لأني مسافرة

ممنوع اللمس
28-06-2011, 10:42 AM
انا جربته ونزلت نزلت نزلت نزلت والحمد لله

QtrGate
28-06-2011, 10:57 AM
أنا بديت معاه من 20 يوم

اول عشر ايام ضعفت 5 كيلو

والعشر الايام الثانيه 2 كيلو .. ضعفت الارادة شوي

امس كان فري واليوم بديت بجدول الاسبوع الثالث

مركز روووعة الدكتور ينصحني بالشورت والقميص السونا شريته لاكن ماستعملته الى مرتين في اول اسبوع
له نتايج فعاله لاكن ماستحمله يحرق الجسم وماعندي وقت له

حمستوني .. :)

ضوى
28-06-2011, 11:07 AM
لي ملاحظة صغيرة على ريجيم هذا المركز

واحدة اعرفها وقريبة جدا مني اول عشر ايام بغت تهلك من البيض والجبن حسيتها خلاص مب قادرة تتشفق على قطعة التوست وايد فيه حرمان وبالنسبة للنشويات مطلوبة للجسم بشكل يومي وغلط انه ينحرك الجسم منها عشر ايام كاملة

حاليا انا بدايت مع دايت سنتر وخلال عشر ايام نزلت كيلو ونص بدون رايضة ومع الرياضة خلال شهر انزل ان شاء الله 5 كيلو مع اكل مالذ وطاب من الاكل من عندهم طبعا بما فيها المكسرات والتحلية

روح قطر777
28-06-2011, 11:33 AM
بالتوفيق ان شاء الله
بس حبيت استفسر عن الشاي اللي تاخذه من المركز في ضرر والا لا لاني سمعت انه له اضرار

Locale
28-06-2011, 06:45 PM
صديقتي جربته كلش مانفع وياها

كل يوم والثاني اطيح يغمى عليها
هي مافيها سكر
لكن سكرها الطبيعي اللي فجسمها ينزل وايضا الضغط

زوجي سويتله ريجيم انصحتني فيه وحده من ربعي ماشاء الله نزل فيه ١٢ كيلو

مدرسة
28-06-2011, 07:09 PM
انا سويت الريجيم من ترتيبي الخاص :nice:

السنة اللي طافت هالحزة .... وزني كان بحدود 65 و كنت اطمح بالوصول الى وزن 58

حطيت لي دفتر احسب فيه كل اكل آكله وشكثر سعرات فيه يعني مافي تنتوفة آكلها إلا و تنحط في الدفتر :shy:
سميت الدفتر ( My calory diary ) .... و كنت اجمع في نهاية كل يوم كم سعرة كلت و ايضا كم سعرة حرقت عن طريق الرياضة ..

الرياضة اللي كنت أسويها يا طويلين العمر هي كالآتي :

مشي ساعة على الجهاز ( جدامي شاشة عودة و كل يوم مسرحية من المسرحيات العتاج علشان يروح الوقت بسرعة :nice: )

جري نصف ساعة ...... طبعا بديت بعشر دقايق اول يوم و زدتهم كل يوم شويتين و حرصت على الا يكون التوقف عن الجري فجائي بل تدريجي ...

حرصت اني ما اكل اكثر من 950 سعرة يوميا اول اسبوعين بس عقب عرفت ان الانسان في مثل حجمي و نشاطي يحتاج على الأقل 1200 سعرة علشان الوظائف الحيوية للجسم من نبض و هضم الخ ... فرفعت عدد السعرات الى 1200 :shy:

نسبة الالتزام كانت 100 % ( وذلك لأني صادتني أزمة نفسية يوم شريت بدي و ما جا قدي :rolleyes2: ) ..... استغرق الأمر شهر وااحد

سبحان الله بعد ان انتهى الشهر و في الاسبوع الأول من الشهر الثاني فجأة حسيت ان وزني طب .. ووسعت كل هدومي :victory: ..

وصلت لوزن 57 وقتها ووقفت الريجيم رسميا لكن اكتسبت عادات غذائية حلوة لازلت محافظة عليها و الحمدلله ...

مادري افتح لي مكتب تغذية :nice:

جملكم الله برضى الرحمن

deema117
28-06-2011, 08:48 PM
الصراحة حزنت كنت أحسب الموضوع تسكّر دورته المغرب وما حصلته :(

قلت أكيد ما تبونا نضعف :weeping:




آخر الأخبار .. :telephone: كنت حاجزة موعد مع دكتور حسن اللي فالمعمورة قبل لا أقرأ

موضوع أخوي العضو العتيج ،، بسسس ألغيه وغيرت الوجهة إلى الدكتور عادل :nice:

تحداني
28-06-2011, 09:22 PM
جملكم الله برضى الرحمن





عذرا على المداخله
لكن سيدتي الفاضله ان احببتي هذه الجمله التي اعتدت على كتابتها منذ سنوات
فإختمي كلامك " بجملك الله برضاه "
لأنها أصح .. "من جملك الله برضى الرحمن " .. ووردتني الكثير من الملاحظات
الى ان سألت وتأكدت ووجدت ان ما كنت اكتبه خاطئ



سامحني صاحب الموضوع والقراء الكرام
ولكن وجب التنبيه
جملك الله برضاه

تحداني
28-06-2011, 09:26 PM
لي ملاحظة صغيرة على ريجيم هذا المركز

واحدة اعرفها وقريبة جدا مني اول عشر ايام بغت تهلك من البيض والجبن حسيتها خلاص مب قادرة تتشفق على قطعة التوست وايد فيه حرمان وبالنسبة للنشويات مطلوبة للجسم بشكل يومي وغلط انه ينحرك الجسم منها عشر ايام كاملة




صادقه .. امي الغاليه
اكثر شي متعب في حمياتهم الغذائيه هو قله السكريات واختفائها في الفترات الاولى
والخبز والرز ملغي من قائمه وجباتهم فيصير الواحد ملهوف وشفقان .. وصداع دائم
عندي وحده من البنات في المكتب مشتركه مع الدكتور عادل
لو تشوفينها اتقولين كأن أحد إمخرعها ومصفره وملامحها شاحبه
وكل يوم عندها صداع

حاليا انا بدايت مع دايت سنتر وخلال عشر ايام نزلت كيلو ونص بدون رايضة ومع الرياضة خلال شهر انزل ان شاء الله 5 كيلو مع اكل مالذ وطاب من الاكل من عندهم طبعا بما فيها المكسرات والتحلية


:omg::omg:
بديتي دايت سنتر على ايش .. ما ادري اشتبين اتسوين في عمرج
كلج على بعضج لقمه


الله يهديج يارب

جملك الله برضاه

R 7 A L
28-06-2011, 09:36 PM
شي طيب


ماينزل الوزن الا التقليل من الاكل

المجروح81
28-06-2011, 09:42 PM
ايش نوع الشورت الي تستخدمه اذا كنت تستخدم الشورت

وايش نوع شاي الاخضر لاني وقفت شاي دكتور مينغ

العضو العتيج
28-06-2011, 09:52 PM
للاسف اتصلت عليهم وقالوا مايصلح البرنامج لمرضى السكر
للأسف,,,, الله يشفيك ان شالله,,,حاول تراجع اخصائيين في مستشفى حمد بيكونون متخصصين في السكر اكثر وبيعطونك نظام مناسب


أنا مع الدكتور عادل
ونزلت معاه 22 كيلو
وإن شاء الله بعد العيد برجع وبكمل معاه لأني مسافرة


ماشالله 22 كيلو..حلو...بس شكثر المدة وشكثر باقي للوزن المثالي
الله يعطيج العافيه


انا جربته ونزلت نزلت نزلت نزلت والحمد لله

تستاهل,,,بالتوفيق



أنا بديت معاه من 20 يوم

اول عشر ايام ضعفت 5 كيلو

والعشر الايام الثانيه 2 كيلو .. ضعفت الارادة شوي

امس كان فري واليوم بديت بجدول الاسبوع الثالث

مركز روووعة الدكتور ينصحني بالشورت والقميص السونا شريته لاكن ماستعملته الى مرتين في اول اسبوع
له نتايج فعاله لاكن ماستحمله يحرق الجسم وماعندي وقت له

حمستوني ..


لاتضعف الارادة وعلى فكره 2 كيلو في الاسبوع ممتاز وشي طبيعي انا بعد اول اسبوع نزلت 4 وشوي وبعدها كيلوين
يالتوفيق



لي ملاحظة صغيرة على ريجيم هذا المركز

واحدة اعرفها وقريبة جدا مني اول عشر ايام بغت تهلك من البيض والجبن حسيتها خلاص مب قادرة تتشفق على قطعة التوست وايد فيه حرمان وبالنسبة للنشويات مطلوبة للجسم بشكل يومي وغلط انه ينحرك الجسم منها عشر ايام كاملة

حاليا انا بدايت مع دايت سنتر وخلال عشر ايام نزلت كيلو ونص بدون رايضة ومع الرياضة خلال شهر انزل ان شاء الله 5 كيلو مع اكل مالذ وطاب من الاكل من عندهم طبعا بما فيها المكسرات والتحلية


والله اختي ضوى الموضوع يعتمد على الشخص نفسه اذا كان مايبي يتنازل او يغير اي من عاداتة اكيد مابيقدر يستمر على اي نوع من الدايت ..لكن لو الواحد وصل مرحلة مايقدر يقاوم الاكل,,شالمشكله ياكل ويرجع يكمل يعني مايحتاج يخرب النظام كله..بسبب ان مره وحدة كل توست او سويت
بالتوفيق ان شالله


صديقتي جربته كلش مانفع وياها

كل يوم والثاني اطيح يغمى عليها
هي مافيها سكر
لكن سكرها الطبيعي اللي فجسمها ينزل وايضا الضغط

زوجي سويتله ريجيم انصحتني فيه وحده من ربعي ماشاء الله نزل فيه ١٢ كيلو


بالذات اول اسبوع فيه صعوبه ودوخة من اي شي بس بعدها الجسم يتعود انا الحين اسوي النظام الي سويته اول اسبوع واحس بفرق ماحس بتعب مثل اول الايام على اقل حركه كنت احس بتعب




انا سويت الريجيم من ترتيبي الخاص

السنة اللي طافت هالحزة .... وزني كان بحدود 65 و كنت اطمح بالوصول الى وزن 58

حطيت لي دفتر احسب فيه كل اكل آكله وشكثر سعرات فيه يعني مافي تنتوفة آكلها إلا و تنحط في الدفتر
سميت الدفتر ( my calory diary ) .... و كنت اجمع في نهاية كل يوم كم سعرة كلت و ايضا كم سعرة حرقت عن طريق الرياضة ..

الرياضة اللي كنت أسويها يا طويلين العمر هي كالآتي :

مشي ساعة على الجهاز ( جدامي شاشة عودة و كل يوم مسرحية من المسرحيات العتاج علشان يروح الوقت بسرعة )

جري نصف ساعة ...... طبعا بديت بعشر دقايق اول يوم و زدتهم كل يوم شويتين و حرصت على الا يكون التوقف عن الجري فجائي بل تدريجي ...

حرصت اني ما اكل اكثر من 950 سعرة يوميا اول اسبوعين بس عقب عرفت ان الانسان في مثل حجمي و نشاطي يحتاج على الأقل 1200 سعرة علشان الوظائف الحيوية للجسم من نبض و هضم الخ ... فرفعت عدد السعرات الى 1200

نسبة الالتزام كانت 100 % ( وذلك لأني صادتني أزمة نفسية يوم شريت بدي و ما جا قدي ) ..... استغرق الأمر شهر وااحد

سبحان الله بعد ان انتهى الشهر و في الاسبوع الأول من الشهر الثاني فجأة حسيت ان وزني طب .. ووسعت كل هدومي ..

وصلت لوزن 57 وقتها ووقفت الريجيم رسميا لكن اكتسبت عادات غذائية حلوة لازلت محافظة عليها و الحمدلله ...

مادري افتح لي مكتب تغذية

جملكم الله برضى الرحمن



مشالله عليج,,بالذات الناس الي عندهم التزام مثلج مايعانون مع الدايت المشكله في الناس الي ماتقدر تستمر
بالتوفيق ان شالله



الصراحة حزنت كنت أحسب الموضوع تسكّر دورته المغرب وما حصلته

قلت أكيد ما تبونا نضعف




آخر الأخبار .. كنت حاجزة موعد مع دكتور حسن اللي فالمعمورة قبل لا أقرأ

موضوع أخوي العضو العتيج ،، بسسس ألغيه وغيرت الوجهة إلى الدكتور عادل

هههههه اي هو تسكر لكن الحمدلله تم الافراج عنه بدون محاكمة

بالتوفيق ان شالله ونبي نسمع الاخبار الزينة مع الدايت


مشكورين جميعا ويعطيكم العافيه

أم هشام
28-06-2011, 10:06 PM
شكرا لك على طرح الموضوع اللي جاء بالوقت المناسب بالنسبة لي

المحقق كونان
28-06-2011, 10:32 PM
للعلم فقط

الي موظف/موظفة في قطر للبترول او شركات الغاز يقدر يروح عيادة قطر للبترول و يسجل في عيادة التغذية و الرجيم و يعطونه جدول للرجيم و متابعة كل شهر

abdo222
28-06-2011, 10:37 PM
:) تجربتي الشخصيه مع بيرفكت وييت "نفس المحل" ،، اول ما دخلته (شهر 4) كان وزني 83 ،، :) الحين الحمدلله 68 ما شاءالله ،،

وكل 10 ايام لين اروح الموعد احس بخوف اني ما اكون نزلت ،، وتطلع نتايجي زينه الحمدلله ،،

يعطيك الاملاح ،، العضلات ،، الدهون والسوائل في الجسم ويعطيك جدول حسب احتياج جسمك ،،

انصح بشده الاشتراك فيه ،،

شهرين ب 750 ،، و التمديد ب 300 ،، بس ما انصح بشراء الاشياء حقتهم من السوق الي عندهم من كريمات وبسكوت وشاي وما اعرف ايش ،، احسه نصب واسعارهم خياليه ،، علبه شاي ب 300 ريال ،، فالي يشترك كفايه الاشتراك وماله لزمه اغراضهم ،،

بالتوفيق للجميع

العضو العتيج
28-06-2011, 10:55 PM
ايش نوع الشورت الي تستخدمه اذا كنت تستخدم الشورت

وايش نوع شاي الاخضر لاني وقفت شاي دكتور مينغ


انا حاليا ماستعمل الشورت ولا شريته
بخصوص الشاي انا وقفت عنه قبل لاسمع ان مضر ب تقدر تستبدله باي شي اخضر من السوق ومانصحك في الشاي الي يكون خاص للرجيم وان ينزل الوزن خذ شاي اخضر عادي

ويعطيك العافيه



شكرا لك على طرح الموضوع اللي جاء بالوقت المناسب بالنسبة لي

الله يعطيك العافيه واتمنى تستفيد وتمشي على النظام


للعلم فقط

الي موظف/موظفة في قطر للبترول او شركات الغاز يقدر يروح عيادة قطر للبترول و يسجل في عيادة التغذية و الرجيم و يعطونه جدول للرجيم و متابعة كل شهر

معلومة مهمه انصح الموظفين في الشركات المذكورة الاستفادة من الميزه




تجربتي الشخصيه مع بيرفكت وييت "نفس المحل" ،، اول ما دخلته (شهر 4) كان وزني 83 ،، الحين الحمدلله 68 ما شاءالله ،،

وكل 10 ايام لين اروح الموعد احس بخوف اني ما اكون نزلت ،، وتطلع نتايجي زينه الحمدلله ،،

يعطيك الاملاح ،، العضلات ،، الدهون والسوائل في الجسم ويعطيك جدول حسب احتياج جسمك ،،

انصح بشده الاشتراك فيه ،،

شهرين ب 750 ،، و التمديد ب 300 ،، بس ما انصح بشراء الاشياء حقتهم من السوق الي عندهم من كريمات وبسكوت وشاي وما اعرف ايش ،، احسه نصب واسعارهم خياليه ،، علبه شاي ب 300 ريال ،، فالي يشترك كفايه الاشتراك وماله لزمه اغراضهم ،،

بالتوفيق للجميع




مبروك على النزول ومافي احلى من شعورك وانت نازل كم كيلو بعد ماتروح الموعد

يعطيك العافيه

الخزرجي قطر
29-06-2011, 12:19 AM
جزاك الله خير وبارك الله فيك
ان شاالله يستفيدون الي يبون ينقصون وزنهم

العضو العتيج
29-06-2011, 02:14 AM
مشكور اخوي الخزرجي
الله يعطيك العافيه

جاسم القطري
29-06-2011, 03:04 AM
الله يوفقك ياخووووي

استمررررررررررر

العضو العتيج
29-06-2011, 05:20 AM
شكرا لك اخوي جاسم

بوعلي 8
29-06-2011, 05:29 AM
بس ماذكرت لنا بكم

سارونه
29-06-2011, 08:37 AM
الرجيم القاسي يصيب الشخص بالدوران وعدم التوازن

سؤالي : كيف نقدر التحكم على الجوع الدائم ؟

ولكم شكري .

Not Me
29-06-2011, 09:34 AM
اخوي ممكن اسم المركز عالخاص

يعطيك العافيه

العضو العتيج
29-06-2011, 09:49 AM
بس ماذكرت لنا بكم


اخوي ممكن اسم المركز عالخاص

يعطيك العافيه


تم الرد,,,شكرا


الرجيم القاسي يصيب الشخص بالدوران وعدم التوازن

سؤالي : كيف نقدر التحكم على الجوع الدائم ؟

ولكم شكري .

انا شخصيا ماعتبر الرجيم قاسي..وماشوف ان في جوع دائم ولكن الواحد يتعود على الوضع غير ان في النظام في من 4 الى 5 وجبات يعني مافي امتناع للاكل لفترات طويلة

وشكرا,,تحياتي

الـراسي
29-06-2011, 10:08 AM
المتين بيبين من الموضوع هههههههههه صادوه

هذي دعابه ومزحه ولحد يزعل اولكم اخوكم وزني فوق 80 ابي 70 زين لجسمي

العافيه نعمة من الله والخف رحمة من الله تعالى

الله ييسر لكل شخص يسوي ريجيم بس اهم شي التنوع بالاكل

ولحد ينسى الاكل الصحي لان الريجيم القاسي يسبب الامراض

اول الامراض فقر الدم وهذا الشي صار لواحد من الربع

نسيت اهم شي خفو من الرز

العضو العتيج
29-06-2011, 05:06 PM
المتين بيبين من الموضوع هههههههههه صادوه

هذي دعابه ومزحه ولحد يزعل اولكم اخوكم وزني فوق 80 ابي 70 زين لجسمي

العافيه نعمة من الله والخف رحمة من الله تعالى

الله ييسر لكل شخص يسوي ريجيم بس اهم شي التنوع بالاكل

ولحد ينسى الاكل الصحي لان الريجيم القاسي يسبب الامراض

اول الامراض فقر الدم وهذا الشي صار لواحد من الربع

نسيت اهم شي خفو من الرز

مشكور اخوي الراسي

نجدي قطري
29-06-2011, 07:39 PM
فديتك يالعضو العتيج، ليتك توصف لي مكانه مركزك اللي في الدفنة على الخاص.

العضو العتيج
29-06-2011, 08:36 PM
تم الرد

R 7 A L
29-06-2011, 10:05 PM
اخوي ياليت تشرح بالتفصيل اذا أمكن
البرنامج
يعني جدول الاسبوع الاول شنو نصحك ماتكل وشنو تسوي وشنو تشرب

نبي بالتفصيل اذا امكن
اذا الحقوق محفوظة هذا شي ثاني


تحياتي لشخصكـ

العضو العتيج
29-06-2011, 10:26 PM
الجداول عموما يكون فيها الاكل بكميات قليلة وموزونة
هذا اولا
جدول اول اسبوع بالنسبه لي كان خالي من النشويات والسكريات..
الجداول الي بعدها يكون فيها نشويات بكميه قليله واغلب الاطعمه تكون عبارة عن لحم او دجاج او سمك مشوي...البيض والتونا والمرتديلا تركي مسموح الجبن واللبنه قليل الدسم الخضروات موجودة باستثناء الذرة والطماطم والجزر والبطاطس..يعني الاشياء المتعارف عليها وترفع الوزن تلقاها بكميات قليله
واهم نقطتين وتقدر تقول ان الدايت يعتمد عليهم
1-الاكثار من شرب الماء
2- التوقف عن الاكل بعد الساعه 8 مساءا

اي استفسار تفضل

نجدي قطري
29-06-2011, 10:33 PM
تم الرد

مشكور الشيخ.

ممكن ولو فيها شوية لقافة، تعطينا بعد طولك والوزن الطبيعي اللي قال لك عليه الدكتور، وكم آخر وزن من الدهون لازم يكون عندك. يعني 10% ولا أكثر.

العضو العتيج
29-06-2011, 10:52 PM
انا طولي 172 والوزن المناسب لي 75 الى 80
بس مافهمت النقطه الثانيه ارجع للصفحه الاولى في الوزن ووزن الدهون وكل شي بس ماعرف نسبتها كم في المئه
تحياتي

R 7 A L
29-06-2011, 11:19 PM
الجداول عموما يكون فيها الاكل بكميات قليلة وموزونة
هذا اولا
جدول اول اسبوع بالنسبه لي كان خالي من النشويات والسكريات..
الجداول الي بعدها يكون فيها نشويات بكميه قليله واغلب الاطعمه تكون عبارة عن لحم او دجاج او سمك مشوي...البيض والتونا والمرتديلا تركي مسموح الجبن واللبنه قليل الدسم الخضروات موجودة باستثناء الذرة والطماطم والجزر والبطاطس..يعني الاشياء المتعارف عليها وترفع الوزن تلقاها بكميات قليله
واهم نقطتين وتقدر تقول ان الدايت يعتمد عليهم
1-الاكثار من شرب الماء
2- التوقف عن الاكل بعد الساعه 8 مساءا

اي استفسار تفضل

يعطيك العافية اخوي
فعلاً اهم شي النقطتين الاخيرتين

قبل لا اجي امريكا كان وزني 95 والان العب بين 78و80 وطولي 175
ماسويت لارياضة ولا شي بس اختلفت مواقيت الاكل عندي وهجرت الاكلات السريعة و الغازيات

العضو العتيج
29-06-2011, 11:22 PM
والله انت مجاهد اذا في امريكا ونزل وزنك
انا دولتين لو اعيش فيهم يمكن ماطوف من الباب
السعودية وامريكا
دش يوتيوب واكتب man vs food
هههههه صج ناس تاكل

R 7 A L
29-06-2011, 11:28 PM
والله انت مجاهد اذا في امريكا ونزل وزنك
انا دولتين لو اعيش فيهم يمكن ماطوف من الباب
السعودية وامريكا
دش يوتيوب واكتب man vs food
هههههه صج ناس تاكل



مو اجتهاد الا غصب :shy:


السعودية اوافقك الرأي

بس امريكا :rolleyes2:
انت بس انحاش من المطاعم العربية والهندية وامورك طيبة

نجدي قطري
30-06-2011, 01:36 AM
انا طولي 172 والوزن المناسب لي 75 الى 80
بس مافهمت النقطه الثانيه ارجع للصفحه الاولى في الوزن ووزن الدهون وكل شي بس ماعرف نسبتها كم في المئه
تحياتي

هلا أخوي
إنت بادي بـ 51 كيلو دهون. لو نقصناها من وزنك الأصلي اللي هو 110 يصير 60.
بس طبعًا مستحيل تتخلص من كل الدهون اللي عندك، لازم يكون في شي من الدهون في الجسم.
وبما إنّك تقول وزنك المناسب 80 نقدر نقول انت محتاج تنزل تقريبًا 30 كيلو من الدهون (من الأصل) يعني لازم يكون في جسمك تقريبًا 20 كيلو دهون لمّا توصل إلى وزنك المثالي.

المشكلة إنّك مستحيل تنزل كل الوزن اللي تنزله دهون.
الخلاصة كم هو وزن الدهون اللي المفروض تكون في الجسم علشان توصل الوزن المثالي؟ أسمع إنّه لازم يكون 10% من الوزن للرياضيّين، فما أدري إذا كانت حسبة المركز على الرياضيين ولا شوي أكثر.

هجانة
30-06-2011, 01:55 AM
ممكن اسم المركز و اسعارهم

موووج قطر
30-06-2011, 02:17 AM
عقبـال العشرات الاخرى ,,
يعطيك العافيه

العضو العتيج
30-06-2011, 02:39 AM
هلا أخوي
إنت بادي بـ 51 كيلو دهون. لو نقصناها من وزنك الأصلي اللي هو 110 يصير 60.
بس طبعًا مستحيل تتخلص من كل الدهون اللي عندك، لازم يكون في شي من الدهون في الجسم.
وبما إنّك تقول وزنك المناسب 80 نقدر نقول انت محتاج تنزل تقريبًا 30 كيلو من الدهون (من الأصل) يعني لازم يكون في جسمك تقريبًا 20 كيلو دهون لمّا توصل إلى وزنك المثالي.

المشكلة إنّك مستحيل تنزل كل الوزن اللي تنزله دهون.
الخلاصة كم هو وزن الدهون اللي المفروض تكون في الجسم علشان توصل الوزن المثالي؟ أسمع إنّه لازم يكون 10% من الوزن للرياضيّين، فما أدري إذا كانت حسبة المركز على الرياضيين ولا شوي أكثر.

هلا فيك اخوي

http://www.iraqup.com/up/20110630/0X4dK-qQ2p_50770928.JPG (http://www.iraqup.com/)

شوف الصوره الرقم اللي مضلل بالاصفر فوق هذا الوزن الطبيعي (من,,الى) على ماعتقد ماني متاكد صراحة
والمستطيل المضلل بالاصفر تحت هذا وزن الدهون الطبيعي ..(من,,الى)
اعتقد انت اشطر مني في الحساب شوف كم النسبه الطبيعيه للدهون في الجسم
والله يعطيك العافيه..


ممكن اسم المركز و اسعارهم

تم الرد على الخاص


عقبـال العشرات الاخرى ,,
يعطيك العافيه

الله يعافيك ومشكور

نجدي قطري
30-06-2011, 04:02 AM
السموحة ما انتبهت على الخانة الأخيرة.
النسبة اللي يبون يوصلونك لها 14.12% - 20.86%، والصحيح إنه هدف واقعي.
الـ 10% المفروض إنها حق أبطال كمال الأجسام والعدّائين والرياضيّين المحترفين، فإذا وصلت 14% أظن بتكون في أفضل وضع جسماني بالنسبة لإنسان عادي، وإن شاء الله توصل له. بالتوفيق.

العضو العتيج
30-06-2011, 04:17 AM
كلامك صح اخوي نجدي ومشكور وماقصرت والله يعطيك العافيه

ALRAYYAN
30-06-2011, 04:25 AM
زين ماسويت اخوي .. والله ينولك مرادك .. استمر معاهم

انا بروحي نزلت 10 كيلو وعقبها اشتركت ونزلت 34 كيلو

توتال 44 كيلو في 8 شهور مع الخربطه اثناء السفر وانا كثير السفر مثل ماقلت لك

روح والقلب داعي لك

SHARKH
30-06-2011, 09:09 AM
ممكن اسم وعنوان المركز و اسعارهم

المسك1969
30-06-2011, 10:09 AM
السلام عليكم

أنا رحت لهم.. وطبقت الريجيم كما هو ومانقصت في الاسبوع الاول الا ثلاثه كيلو والاسبوع اللي عقب الثاني كيلو وتسعمئة غرام والاسبوع الثالث 600 غرام

قلت للأخت اللي هناك:" ليش وانتي قلتي المفروض انقص أكثر" مع اني والله كنت انفذ الريجيم بدقه وامشي من ثاني اسبوع نصف ساعه مثل ماخبروني

بس اللي انا لاحظته انهم يعطون الكل نفس الريجيم وهو الخطأ...لأن اللي بينفع معاك قد لا ينفع معاي... الامر الآخر أنا اصدق احتساب الدهون ويكون بعمليه حسابيه بين الوزن والطول مثلا...

ولكن كيف يحسبون الاملاح؟؟؟؟؟؟؟؟؟؟؟ والاملاح لا تظهر الا في فحص الدم

والماء؟؟؟

طيب لو كلنا انا وانت وهو وهي ناخذ نفس الريجيم طبيعي ان النقصان راح يكون متفاوت نظرا لتقبل الجسم له .. وان كان هذا الشخص قد قام بعمل ريجيم من قبل... او لا قدر الله ان كان لدى هذا الشخص اي امراض

وانا مره كلمتهم قلت لهم انتو اخصائي تغذيه ولكن عقولكم مغلقه ولا تطبقون شيء الا مابين ايديكم وهو امر فيه تحبيط لكم ولعلمكم وقد تعطون افضل مما هو مكتوب لكل انسان على حسب طبيعة جسمه وحياته

بس انا استانست على نقصان وزنك واتمنى الاستمرار

جزاكم الله خيرا

العضو العتيج
30-06-2011, 08:24 PM
زين ماسويت اخوي .. والله ينولك مرادك .. استمر معاهم

انا بروحي نزلت 10 كيلو وعقبها اشتركت ونزلت 34 كيلو

توتال 44 كيلو في 8 شهور مع الخربطه اثناء السفر وانا كثير السفر مثل ماقلت لك

روح والقلب داعي لك


مشكور اخوي بوناصر وماقصرت والله يعطيك العافيه..


ممكن اسم وعنوان المركز و اسعارهم

تم الرد على الخاص


السلام عليكم

أنا رحت لهم.. وطبقت الريجيم كما هو ومانقصت في الاسبوع الاول الا ثلاثه كيلو والاسبوع اللي عقب الثاني كيلو وتسعمئة غرام والاسبوع الثالث 600 غرام

قلت للأخت اللي هناك:" ليش وانتي قلتي المفروض انقص أكثر" مع اني والله كنت انفذ الريجيم بدقه وامشي من ثاني اسبوع نصف ساعه مثل ماخبروني

بس اللي انا لاحظته انهم يعطون الكل نفس الريجيم وهو الخطأ...لأن اللي بينفع معاك قد لا ينفع معاي... الامر الآخر أنا اصدق احتساب الدهون ويكون بعمليه حسابيه بين الوزن والطول مثلا...

ولكن كيف يحسبون الاملاح؟؟؟؟؟؟؟؟؟؟؟ والاملاح لا تظهر الا في فحص الدم

والماء؟؟؟

طيب لو كلنا انا وانت وهو وهي ناخذ نفس الريجيم طبيعي ان النقصان راح يكون متفاوت نظرا لتقبل الجسم له .. وان كان هذا الشخص قد قام بعمل ريجيم من قبل... او لا قدر الله ان كان لدى هذا الشخص اي امراض

وانا مره كلمتهم قلت لهم انتو اخصائي تغذيه ولكن عقولكم مغلقه ولا تطبقون شيء الا مابين ايديكم وهو امر فيه تحبيط لكم ولعلمكم وقد تعطون افضل مما هو مكتوب لكل انسان على حسب طبيعة جسمه وحياته

بس انا استانست على نقصان وزنك واتمنى الاستمرار

جزاكم الله خيرا


شكرا لج على المداخلة والمشاركة
الله يعطيج العافيه

خالـــــد
30-06-2011, 08:40 PM
اسم المركز ولا تهون على الخاص

العضو العتيج
01-07-2011, 04:07 AM
تم الرد

الهاجري 2
01-07-2011, 09:10 AM
ياحماعه انا عكسكم

قدلي فتره احاول امتن ولا اقدر لاني ضعيف بس ضغيف زياده , وش الحل

اخاف اقولكم الوزن تنصرعون هههه

w4rr10r
01-07-2011, 09:16 AM
ياحماعه انا عكسكم

قدلي فتره احاول امتن ولا اقدر لاني ضعيف بس ضغيف زياده , وش الحل

اخاف اقولكم الوزن تنصرعون هههه

ادخل الحديد وركز على مكملات مثل بروكومبلكس او بروتين جينر رآح تحصلهم في gnc

دانة قطر
01-07-2011, 11:38 AM
ألف مبروك نزول الوزن للجميع
أهم شي الصحة

وفقكم الله

العضو العتيج
01-07-2011, 03:06 PM
شكرا لكم..يعطيكم العافية

TEAMspirit
01-07-2011, 04:34 PM
سؤال يدور في مخي اذا امتنعت عن السكريات خصوصا في الشاي والكوفي والسوائل بجميع أنواعها و من الحلويات مثلاً هل يوجد ضرر وانا كنت متين وبفضل الله ومن ثم الرياضه ( الجري ) الي كان عدوي اللدود الحين مسحت بكرامه الجري الارض وطلعت حرتي منه عقب ١٣ سنه رعب وتخويف منه تغلبت عليه بعد ١٤ سنه . بس طبعاً تدريجيا من بداية شهر ثلاثه اشتركت بنادي رياضي (جيم) عشان تخسيس وزني لانه طولي ١٧٣ ووصل وزني اب لمت ١٠٤ كيلو جرام وصار شكلي نفس جسم اي تي المخلوق الفضائي نويت نيه صادقه اني انزل وزني واول شي سويته بالتزامن مع الاشتراك في الصاله هو الامتناع عن (( السكريات + مشتقات الحليب بكافه انواعها + مشتقات الطحين + وعن معشوق الجماهير ونجم الشباك الاوحد العيش ( الرز) )) ومازلت مستمر طبعاً بتقولون شتاكل ادري ! صرت اشرب شاي اخضر بدون سكر نسكافيه بدون سكر/ الكرك الحين اذا شفته قدامي اشوف ملك شيك مب شاي لكن حالياً وزني حتى هذا الصباح اذكروا الله وقولوا لا اله الا الله لاني خايف من العين وخصوصاً الامتان ٧٨ كيلو صرت رشيق لكن في جزء من جسمي يذكرني بالماضي الاليم الا وهو الكرش مب ترهلات ولكن شحم الله يفكني منه مب راضي يذوب تعبت شاسوي معاه كل. فتره اشوفه واحس انه يرد علي ويقول ( ماتئدرش ) نفس الرجال الي في مسرحية سمير غانم . حبيت افضض معاكم لان هذي السوالف صارت تعجبني خصوصاً اني مازلت احاول الحفاظ على الانجاز .

نجدي قطري
01-07-2011, 04:48 PM
سؤال يدور في مخي اذا امتنعت عن السكريات خصوصا في الشاي والكوفي والسوائل بجميع أنواعها و من الحلويات مثلاً هل يوجد ضرر وانا كنت متين وبفضل الله ومن ثم الرياضه ( الجري ) الي كان عدوي اللدود الحين مسحت بكرامه الجري الارض وطلعت حرتي منه عقب ١٣ سنه رعب وتخويف منه تغلبت عليه بعد ١٤ سنه . بس طبعاً تدريجيا من بداية شهر ثلاثه اشتركت بنادي رياضي (جيم) عشان تخسيس وزني لانه طولي ١٧٣ ووصل وزني اب لمت ١٠٤ كيلو جرام وصار شكلي نفس جسم اي تي المخلوق الفضائي نويت نيه صادقه اني انزل وزني واول شي سويته بالتزامن مع الاشتراك في الصاله هو الامتناع عن (( السكريات + مشتقات الحليب بكافه انواعها + مشتقات الطحين + وعن معشوق الجماهير ونجم الشباك الاوحد العيش ( الرز) )) ومازلت مستمر طبعاً بتقولون شتاكل ادري ! صرت اشرب شاي اخضر بدون سكر نسكافيه بدون سكر/ الكرك الحين اذا شفته قدامي اشوف ملك شيك مب شاي لكن حالياً وزني حتى هذا الصباح اذكروا الله وقولوا لا اله الا الله لاني خايف من العين وخصوصاً الامتان ٧٨ كيلو صرت رشيق لكن في جزء من جسمي يذكرني بالماضي الاليم الا وهو الكرش مب ترهلات ولكن شحم الله يفكني منه مب راضي يذوب تعبت شاسوي معاه كل. فتره اشوفه واحس انه يرد علي ويقول ( ماتئدرش ) نفس الرجال الي في مسرحية سمير غانم . حبيت افضض معاكم لان هذي السوالف صارت تعجبني خصوصاً اني مازلت احاول الحفاظ على الانجاز .

الشيخ والله كأنّك تتكلم بلساني.
عاد آنا أقصر منك، أظن 165 ووصلت اللمت فوق الأب 102 بالنسبة لي.
ولله الحمد وصلت ما بين 82-85 وبعد ما زال الجسم يذكِّر بالماضي.
المهم آنا ما اشتغلت على الأكل، كنت آكل كل شي (مع الرز) بس باعتدال وببرنامج نقاط من النت، ولكن اشتغلت على الرياضة، وبالأخص الكارديو.
والحمد لله نزلت الوزن في 7 أشهر، ومازلت إن شاء الله مستمر.

العضو العتيج طالبين عليه وزن صحّي 55، يعني نفسك انت لأنّك تقريبًا من نفس الطول. شاقول آنا، يمكن الوزن الصحي بالنسبة لي 50، يعني شي فعلاً مب طبيعي بالنسبة حق واحد كان وزنه فوق 100. الله المستعان.

TEAMspirit
01-07-2011, 05:03 PM
الشيخ والله كأنّك تتكلم بلساني.
عاد آنا أقصر منك، أظن 165 ووصلت اللمت فوق الأب 102 بالنسبة لي.
ولله الحمد وصلت ما بين 82-85 وبعد ما زال الجسم يذكِّر بالماضي.
المهم آنا ما اشتغلت على الأكل، كنت آكل كل شي (مع الرز) بس باعتدال وببرنامج نقاط من النت، ولكن اشتغلت على الرياضة، وبالأخص الكارديو.
والحمد لله نزلت الوزن في 7 أشهر، ومازلت إن شاء الله مستمر.

العضو العتيج طالبين عليه وزن صحّي 55، يعني نفسك انت لأنّك تقريبًا من نفس الطول. شاقول آنا، يمكن الوزن الصحي بالنسبة لي 50، يعني شي فعلاً مب طبيعي بالنسبة حق واحد كان وزنه فوق 100. الله المستعان.

لا لا لا يالغالي اعتقد طالبين منه من 75-80 لا تخرعني انا عظمه الصدر اطلت برع ( عظمه الترقوه ) اذا يبون خمسه و خمسين الاضلاع بتطلع برع وبالابعاد الثلاثيه (3d ) بس بخصوص برنامج نقاط من النت وشهو ذيه ياريت توضح وعن الكارديو اذا تقصد جهاز الجري او جهاز الي تحرك فيه اليدين و رجولك ؟ اما اذا كان تقصد جهاز الجري اقولك جهاز الجري طوقني وانا طوقته قمت اتمشى به وافك ابوابه على قولة الشاعر محمد بن فطيس .

تحداني
01-07-2011, 05:39 PM
TEAMspirit + نجدي قطري

اعتقد ان خساره الوزن بقدر ما تحمل من ساعات حرمان وجوع طويله واشتياق
لكل انواع الطعام الممنوعه من شكريات ونشويات وكربوهيدرات
وما يفعله الشخص من ممارسات جديده في عالم الرياضه الا ان الشخص يردد ويقول

" والله انا شايف النتيجه .. وراح اكمل .. وما عندي مانع .. ولازم انزل .. وكاني قاعد انزل "
لكن المشكله الاكبر والاعقد في عالم الرشاقه :) هو الترهلات .. من كرش .. ولحم مترهل
وخطوط عميقه في الجسم .. ويصير الواحد كأنه بلونه نفخناها وجينا فرغنا الهوا منه .. شوف كيف يكون ملمسه


هالمرحله تعتبر مرحله تجدي خاص
ولازم تتعاملون مع كل التضاريس الجلديه الجديده بطريقه جديده .. ولو تسمحون لي اعطيكم ما راح اقول تجاربي .. عشان ما اتقول كاهي تحداني تتفلسف لكن راح انقل لكم ما حصل للغير امامي


الاجهزه الرياضيه تلعب دور كبير في شد الجسم بعد الوصول للوزن المرغوب
هناك الدمبلز استخدامه رائع
الجري بطريقه تترك الجسد اشلون اشرحها هاذي .. جري يعني بدون ما اتشد على جسمك
تمارين البطن على فكره تكون عضلات .. فلو كنتوا تبون اتمارسونها على اجهزه لازم تكون

في شورت السونا ولبس التعرق بالرغم ان هناك فئه كبيره معترضه عليه ويفقد الجسم الكثير من السوائل الا انه شرب الماء بكثره يعوض السوائل لكن بالفعل يشد الجسم

هي العمليه تاخذ فتره طويله
بس مع الرياضه بالاجهزه راح يرجع الوضع ان شاء الله عادي


وثقوا ان هالوزن ما جى في يوم وليله الا صرفتوا عليه :)
وتعبتوا عليه
وما قصرتوا عليكم بالعافيه بالاكل والاهمال

فنحتاج للعوده من جديد لنقطه الجمال والرشاقه
نفس الجهد من العطاء
ومن المال
ومن الاصرار


بجملكم الله برضى الرحمن

نجدي قطري
01-07-2011, 06:22 PM
لا لا لا يالغالي اعتقد طالبين منه من 75-80 لا تخرعني انا عظمه الصدر اطلت برع ( عظمه الترقوه ) اذا يبون خمسه و خمسين الاضلاع بتطلع برع وبالابعاد الثلاثيه (3d )

الله يسلمك هذا الموجود في جدول أخونا العضو العتيج. بس للأمانة هم طالبين 55- شي وسبعين. بس آنا بيني وبين الشي وسبعين يعني حروة عشرة كيلو، وفعلاً ما هقيت الكرشة تشيلها هالعشرة كيلو، شكلي بانزل طنّ وهي لين الحين موجودة.

آنا عن نفسي كنت مقتنع بـ65، لكن 55 أتوقع لو تنزل عظامتي ما وصلت لي هالوزن.

وعلى فكرة الوزن الموضوع ما يحط العضلات في الحسبان، فهذي لها وزن ومن الأوزان الحميدة بعد. يعني لو 55 + 10 كيلو عضلات، أتخيل تصير أرنولد.

في النهاية أهم شي بالنسبة لي القناعة، ويوم إنّي صرت ألبس الثوب ولا أتقزّز من شكلي، حمدت الله. الطاقة وفّرت فيها ثوب زيادة، والمعنويّات فوق فوق.


بس بخصوص برنامج نقاط من النت وشهو ذيه ياريت توضح

هذي نظام اسمه ويت واتشرز، ويشتغل عليه مركز في قطر اسمه نيوتري سلم. بس هذيلا حرامية يطبخون الأكل على طريقة النقاط ويبيعونها لك بوزنها ذهب.
هو النظام مثل نظام السعرات بس يحسب معاها كمية الدهون اللي في الأكل والسكر، والحين بعد الكربوهيدرات (إذا ما خانتني الذاكرة)
يعني مثلاً صحن مجبوس من اللي يحبّه قلبك يطلع لك 10 نقاط. الحين آنا مسموح لي على وزني 33 نقطة، يعني بعد المجبوس يبقى لي 23 نقطة أبدّدها في اليوم.
شوف ترى ما أحس بجوع، ولا كأنّي على ريجيم، أسكريم وجبس وعيش واللي تحبه، (شوي أقل من المعتاد) وأنزل بمعدّل نص كيلو إلى كيلو أسبوعيًّا.
طبعًا آنا بعد أمارس رياضة، فتساعد.
هالخلطة مشت ويّاي ولله الحمد مرتاح معاها.


وعن الكارديو اذا تقصد جهاز الجري او جهاز الي تحرك فيه اليدين و رجولك ؟ اما اذا كان تقصد جهاز الجري اقولك جهاز الجري طوقني وانا طوقته قمت اتمشى به وافك ابوابه على قولة الشاعر محمد بن فطيس .

الكارديو الله يسلمك أي شي يرفع نبض القلب ويساعد على الحرق، مثل الجري المشي (ولو إن نتايجه بطيـــــــــــــــــــــــئة) والسيكل وبعض تمارين السويدي اللي فيها نقز.
آنا شغّال ساعة يوميًّا، نص على المشّاية جري ومشي ونص على سيكل أو الإيلبتك، إللي تحرّك فيه رجلك بشك بيضاوي وانت واقف، ممتاز للأرداف.
شوف الله يسلمك خلّك على الكارديو وشرط إنّك تنزل، وإذا قاطع العيش تراي أتنبّأ لك بمستقبل باهر، والوعد عند الستّين.



teamspirit + نجدي قطري

اعتقد ان خساره الوزن بقدر ما تحمل من ساعات حرمان وجوع طويله واشتياق
لكل انواع الطعام الممنوعه من شكريات ونشويات وكربوهيدرات
وما يفعله الشخص من ممارسات جديده في عالم الرياضه الا ان الشخص يردد ويقول

" والله انا شايف النتيجه .. وراح اكمل .. وما عندي مانع .. ولازم انزل .. وكاني قاعد انزل "
لكن المشكله الاكبر والاعقد في عالم الرشاقه :) هو الترهلات .. من كرش .. ولحم مترهل
وخطوط عميقه في الجسم .. ويصير الواحد كأنه بلونه نفخناها وجينا فرغنا الهوا منه .. شوف كيف يكون ملمسه


هالمرحله تعتبر مرحله تجدي خاص
ولازم تتعاملون مع كل التضاريس الجلديه الجديده بطريقه جديده .. ولو تسمحون لي اعطيكم ما راح اقول تجاربي .. عشان ما اتقول كاهي تحداني تتفلسف لكن راح انقل لكم ما حصل للغير امامي


الاجهزه الرياضيه تلعب دور كبير في شد الجسم بعد الوصول للوزن المرغوب
هناك الدمبلز استخدامه رائع
الجري بطريقه تترك الجسد اشلون اشرحها هاذي .. جري يعني بدون ما اتشد على جسمك
تمارين البطن على فكره تكون عضلات .. فلو كنتوا تبون اتمارسونها على اجهزه لازم تكون

في شورت السونا ولبس التعرق بالرغم ان هناك فئه كبيره معترضه عليه ويفقد الجسم الكثير من السوائل الا انه شرب الماء بكثره يعوض السوائل لكن بالفعل يشد الجسم

هي العمليه تاخذ فتره طويله
بس مع الرياضه بالاجهزه راح يرجع الوضع ان شاء الله عادي


وثقوا ان هالوزن ما جى في يوم وليله الا صرفتوا عليه :)
وتعبتوا عليه
وما قصرتوا عليكم بالعافيه بالاكل والاهمال

فنحتاج للعوده من جديد لنقطه الجمال والرشاقه
نفس الجهد من العطاء
ومن المال
ومن الاصرار


بجملكم الله برضى الرحمن

فديتك، لابد من تمارين الحديد (يسمونها تمارين القوى) علشان العضلات تقلّل شوي من الترهّلات.
كنت في البداية متخوّف من الترهّلات بس عقب تفكير، وش رايك بطن مفشوش ولا بالون؟
بس على العموم الترهّلات ذي تعتمد على الجينات والعمر، وفي ناس ممكن ترجع بطونهم وباقي أجزاء جسمهم مشدودة مع التمرين، وفي ناس ممكن يبقى معاهم الترهّل، وعلى قولة إخوانّا المصريّين "قضا أهون من قضا".
المهم إذا الله أحيانا وقدّرنا ونزلنا نتكلّم عن هالمشكلة في حزّتها.

ادعو لنا ترى محتاجين كل الدعم المعنويّ، وإن شاء الله كل قطر تتحرّك ونترك عنّا الكسل والسمنة. آمين.

العضو العتيج
01-07-2011, 06:44 PM
نقاشكم حلو واستفدت منه
بس مساله الترهل او صعوبة تخسيس بعض الاماكن تخوفني...
بالنسبه للوزن المطلوب مني من 55 الى 75 بس الدكتور ماجاب طاري ال55 قالي انت توصل 75 يكون وزنك مناسب بس انا شفت ال55 في الورقة الي فيها الوزن عموما انا شخصيا مقتنع في 75 الى 80 ويمكن الدكتور تعمد يقولي الحد الاقصي من الوزن المناسب عشان ماحس ببعد المسافه بيني وبين الوزن المناسب..لان 55 من 111 يخليك تحس باليأس..عكس 80 او 75 من 111

مشكورين والله يعطيكم العافيه

بوسلمان 2010
01-07-2011, 06:58 PM
الله يعطيك العافيه

العضو العتيج
01-07-2011, 07:15 PM
الله يعافيك يابوسلمان

متواصل
01-07-2011, 07:18 PM
اهم شي اترك عنك اللولي بوب الاحمر

سهم طايش
01-07-2011, 07:22 PM
انا و الله ما اشوف داعي حق هالمخاسير

الموضوع بسيط خفف كمية الاكل و مارس الرياضه بانتظام

هالانواع من الرجيم صعب الواحد يستمر عليها مده طويله

تزيد الكرسترول و تصيب الواحد الدوخة

ALRAYYAN
01-07-2011, 09:34 PM
ياحماعه انا عكسكم

قدلي فتره احاول امتن ولا اقدر لاني ضعيف بس ضغيف زياده , وش الحل

اخاف اقولكم الوزن تنصرعون هههه

اتذكر يوم كنت عندهم أشوف ناس ضعاف وسالت الدكتور ليش هذول يجونك وهم ضعاف جذي

قال إحنا نضعف ونمتن .. في ناس يروحون له يبون يمتنون روح جرب معاهم

وبالتوفيق اخوي

العضو العتيج
02-07-2011, 04:02 AM
شكرا للجميع...

Qtr.Girl
02-07-2011, 05:44 PM
:) تجربتي الشخصيه مع بيرفكت وييت "نفس المحل" ،، اول ما دخلته (شهر 4) كان وزني 83 ،، :) الحين الحمدلله 68 ما شاءالله ،،

وكل 10 ايام لين اروح الموعد احس بخوف اني ما اكون نزلت ،، وتطلع نتايجي زينه الحمدلله ،،

يعطيك الاملاح ،، العضلات ،، الدهون والسوائل في الجسم ويعطيك جدول حسب احتياج جسمك ،،

انصح بشده الاشتراك فيه ،،

شهرين ب 750 ،، و التمديد ب 300 ،، بس ما انصح بشراء الاشياء حقتهم من السوق الي عندهم من كريمات وبسكوت وشاي وما اعرف ايش ،، احسه نصب واسعارهم خياليه ،، علبه شاي ب 300 ريال ،، فالي يشترك كفايه الاشتراك وماله لزمه اغراضهم ،،

بالتوفيق للجميع

تمديد الاشتراك ب300 ؟

غريبه في الامارات التمديد 150 !!

الريمي قطر
03-07-2011, 09:51 AM
الله يعطيك العافيه

العضو العتيج
05-07-2011, 08:34 PM
اليوم كانت عندي زيارة ميمونة للعيادة
وكانت النتيجة متواضعة نسبيا
ولكن الاهم اني كسرت حاجز ال3 ارقام غير اسف
وان شالله بلا رجعه

http://www.iraqup.com/up/20110705/5mLAy-J07m_862625008.jpg (http://www.iraqup.com/)

النزول هذا الاسبوع...1.5
النزول الاجمالي 13 تقريبا
الوزن الان 99.4
تحياتي للجميع

deema117
05-07-2011, 10:01 PM
ما شاء الله نتيجة حلوة :victory: وأهم شيء أن الوزن صار رقمين :victory:


:)

نجدي قطري
05-07-2011, 11:53 PM
توني بادخل أقول لك تحط النتايج الجديدة، سبقتني.

الحمد لله. تستاهل التهنئة على النزول عن 100 كيلو وعقبال تحت الـ 90.

ولا يضيق خاطرك من الكيلو ونص، ترى مب طبيعي الواحد ينزل خمسة كيلو مرّة واحدة، والكيلو ونص مناسبة، ويمكن أكثر من مناسبة.

بهالمعدّل يبي لك 14 اسبوع علشان توصل لين الثمانين.

الله يوفقك.

TEAMspirit
06-07-2011, 12:02 AM
الف مبروك عقبال ما تدخل ميدان الثمانين . امس كان عندي موعد اول مره في دايت كافيه مع الدكتوره رحت لهم عشان انظم الاكل لانه اعتقد انه عندي سوء في التغذيه خذت الدكتوره الطول والوزن والخصر ، ودخلنا في نقاش ضعت فيه من كثره المعلومات و المصطلحات الايض ومعدل الكتله و فيزياء وكيميا اهم قلت لها نظموا الاكل وفكوني خذوا مني ٢٨٥٠ ريال على اساس انزل اربعه كيلو و انزل معدل الدهون لانه عندي ٢١ والمفروض ١٩ والبدايه من بكره قالوا اختار الاكل من المنيو ضعت نبته النعناع وشبق الكوجامالي خرشوفه مع النودلز بالاخير اخترت المتعارف عليه محلياً بيرياني بيرغر بيتزا على الاقل شي اعرفه . وان شاء الله تترتب الامور .

ام ناصر1
06-07-2011, 12:33 AM
مبروك النزول وان شا الله توصل للوزن المثالي
...استمعت بقراءة الموضوع

عضو نشيط
06-07-2011, 12:52 AM
شئ رائع وجميل ،،،

بس إتحس ما عندك وقت للرياضه ،،،


بالتوفيق

عيون Qatar
06-07-2011, 01:05 AM
ماشاءالله عليك شكرا لك ويعطيك العافية على التجربة

فقط قطر
06-07-2011, 08:58 AM
كم وصل الوزن الحين...... بشر

بنـ ابوها ـت
06-07-2011, 09:51 AM
السلام عليكم ورحمة الله وبركاتة
انا شتركت معاهم ونزلت 3 كيلو اول اسبوع والاسبوع اللي بعدة كيلو وشوي وبعدها تركت للاسف الارادة ضعيفة مع ان كان اشتراكي لمدة ست شهور راح الاشتراك بدون ما اوقفة لان ماعندي علم بس امس رحت وجددت وهالمرة ناوية باذن الله وسلامكتم وربي يوفق الجميع

..الاميرة..
06-07-2011, 10:33 AM
مبروك النزول وفالك الثمانين ان شاء الله وااصل .. :victory:

ولا تهون ياخوي عطنا اسم المركز واسم الدختر .. :telephone:

A 7 M A D
06-07-2011, 12:43 PM
اسم المركز دكتور نيوترشن : بيرفكت ويت

في بو هامور

الدرررة
06-07-2011, 01:00 PM
اخوي ايش اسم المركز الي اشتركت فيه

HiTec
06-07-2011, 08:03 PM
اخوي فيدنا بأسم المركز؟ ؟؟ واسعاره !

العضو العتيج
07-07-2011, 01:01 AM
ما شاء الله نتيجة حلوة وأهم شيء أن الوزن صار رقمين
مشكووورة اي والله اهم شي الرقمين


توني بادخل أقول لك تحط النتايج الجديدة، سبقتني.

الحمد لله. تستاهل التهنئة على النزول عن 100 كيلو وعقبال تحت الـ 90.

ولا يضيق خاطرك من الكيلو ونص، ترى مب طبيعي الواحد ينزل خمسة كيلو مرّة واحدة، والكيلو ونص مناسبة، ويمكن أكثر من مناسبة.

بهالمعدّل يبي لك 14 اسبوع علشان توصل لين الثمانين.

الله يوفقك.
مشكور اخوي نجدي قطر وهذا كله بفضل تشجيعكم


الف مبروك عقبال ما تدخل ميدان الثمانين . امس كان عندي موعد اول مره في دايت كافيه مع الدكتوره رحت لهم عشان انظم الاكل لانه اعتقد انه عندي سوء في التغذيه خذت الدكتوره الطول والوزن والخصر ، ودخلنا في نقاش ضعت فيه من كثره المعلومات و المصطلحات الايض ومعدل الكتله و فيزياء وكيميا اهم قلت لها نظموا الاكل وفكوني خذوا مني ٢٨٥٠ ريال على اساس انزل اربعه كيلو و انزل معدل الدهون لانه عندي ٢١ والمفروض ١٩ والبدايه من بكره قالوا اختار الاكل من المنيو ضعت نبته النعناع وشبق الكوجامالي خرشوفه مع النودلز بالاخير اخترت المتعارف عليه محلياً بيرياني بيرغر بيتزا على الاقل شي اعرفه . وان شاء الله تترتب الامور .


الله يبارك فيك.. المركز اللي تتكلم عنه اعتقد يختلف لان يرسل الاكل الى البيت بس الي انا اتكلم عنه يعطيك نظام وتمشي عليه
بالتوفيق انشالله


مبروك النزول وان شا الله توصل للوزن المثالي
...استمعت بقراءة الموضوع

الله يبارك فيج ومشكورة اختي ام ناصر


شئ رائع وجميل ،،،

بس إتحس ما عندك وقت للرياضه ،،،


بالتوفيق

تسلم والله يعطيك العافيه


ماشاءالله عليك شكرا لك ويعطيك العافية على التجربة
الله يعافيج وتسلمين


كم وصل الوزن الحين...... بشر

99...
تسلم يابوعلي يعطيك العافيه


السلام عليكم ورحمة الله وبركاتة
انا شتركت معاهم ونزلت 3 كيلو اول اسبوع والاسبوع اللي بعدة كيلو وشوي وبعدها تركت للاسف الارادة ضعيفة مع ان كان اشتراكي لمدة ست شهور راح الاشتراك بدون ما اوقفة لان ماعندي علم بس امس رحت وجددت وهالمرة ناوية باذن الله وسلامكتم وربي يوفق الجميع


بنت ابوها لازم ماتروح الارادة كل ماتحسين بتخربين النظام دشي الموضوع ههههه
يعطيج العافيه وبالتوفيق


مبروك النزول وفالك الثمانين ان شاء الله وااصل ..

ولا تهون ياخوي عطنا اسم المركز واسم الدختر ..

الله يبارك فيج....ارسلت لك على الخاص


اسم المركز دكتور نيوترشن : بيرفكت ويت

في بو هامور


انا اروح اللي في الدفنة

يعطيك العافيه


اخوي ايش اسم المركز الي اشتركت فيه

على الخاص


اخوي فيدنا بأسم المركز؟ ؟؟ واسعاره !

ابشــر..على الخاص

وشكرا للجميع..تحياتي

Sham3at amal
07-07-2011, 01:18 AM
ما شاء الله


أنا قصتي قصه مع مراكز التنحيف

كل مرة اجرب مركز

المشكله الاساسية فيني أنا


كح كح احب الأكل و مب رياضية بس بعد بتم أحاول اوصل للرشاقة

العضو العتيج
07-07-2011, 01:24 AM
بتوصلين انشالله..بس واصلي

بنـ ابوها ـت
11-07-2011, 08:06 AM
انا اليوم اول يوم ادعولي بالارادة والمتابعة وموضوع ممتاز ومهم للناس الرشيقة مثلي:shy:

المياااسه
11-07-2011, 09:11 AM
وش اسم المركز لو سمحتوااا؟؟؟

العضو العتيج
11-07-2011, 01:47 PM
انا اليوم اول يوم ادعولي بالارادة والمتابعة وموضوع ممتاز ومهم للناس الرشيقة مثلي

زين تسوين وبالتوفيق وخلي الارادة فوق..لاتنزل
ونبي نسمع النتايج الطيبة


وش اسم المركز لو سمحتوااا؟؟؟

تم الرد على الخاص

khaldoon
11-07-2011, 04:52 PM
ممكن تعطينا نبذه بسيطه عن برنامج الاكل في الاسبوع الثاني و الثالث لو سمحت؟

تحداني
11-07-2011, 08:39 PM
بالعاده صحيه في اكلي واكثير من الاشيا مانعتها من وجباتي
الحلويات قليله في قائمتي والفواكه ايضا .. تصيبني احيانا حالات عكسيه بمعنى اوقات في الشهر يمكن اسبوع او اسبوعين بس ابي آكل .. آكل اي شي حتى لو مو جوعانه
اكل كاكاو ابشكل جنوني واشتاق للحلويات وايد وبعدها هاليومين والثلاث احس بتأنيب ضمير مو طبيعي وهذا اكره احساس يصيب من يريد المحافظه الدائمه على وزنه وعلى لياقته بالرغم من ممارستي الرياضه دائما


شعور نقصان الوزن شعور روعه
ولكن شعور المحافظه على الوزن شعور محير

استخدمت برامج وانظمه كثيره لتثبيتها عجزت
الا يتحرك هالوزن ويزحزح من مكانه .. ينقص يمكن بس الاكثر يزيد كيلوين او كيلو

الحرمان وايد متعب
ولما تفتح على نفسك وعلى شهيتك تحسون بتأنيب الضمير


وخاصه لعشاق الاكل الغريب ويحبون يجربون كل شي
هذيلن متعبين اكثر واكثر .. عزمت اهلي الاسبو الي طاف على مطعم " لوزار "
كل شي مشوي رفضته وما قبلت الا بالمقلي .. صعب اكل صافي مشوي
او ربيان مشوي بدون كراميل
او ام الربيان بدون صوص المشروم :shy:

ما اعرف اذا هالحاله طبيعيه .. بس ما احب امر فيها
لان تخليني طول عمري في دوامه نقص الوزن ونقص الوزن وما عندي ثبات


الله يقويك اخونا عضو العتيج
ويقوي الاراده عندك وعند باقي الاخوان والاخوات


جملك الله برضاه

بوسعود180
12-07-2011, 01:48 AM
عندي مشروع زواج بعد شهرين باذن الله واشتركت في دايت سنتر

في اسبوع نزلت كيلوين مع مشي خفيف وصعود الدرج في الدوام بدل المصعد

العضو العتيج
12-07-2011, 02:52 AM
ممكن تعطينا نبذه بسيطه عن برنامج الاكل في الاسبوع الثاني و الثالث لو سمحت؟
ابشر..
بشكل عام الاسبوع الثاني والثالث يكون فيه تنويع مع بعض النشويات بكيمة قليلة ..في الاسبوع الثاني يكون يومين تقريبا فيهم رز او باستا الاسبوع الثالث اعتقد يوميا بكمية قليله..
الهدف من هذا التنويع لعدم تعود الجسم على اكل معين مثل البروتينات الخاليه من الدهون والنشويات.
لكن عموما الوضع يختلف من شخص الى اخر حسب حاجته
وشكرا


بالعاده صحيه في اكلي واكثير من الاشيا مانعتها من وجباتي
الحلويات قليله في قائمتي والفواكه ايضا .. تصيبني احيانا حالات عكسيه بمعنى اوقات في الشهر يمكن اسبوع او اسبوعين بس ابي آكل .. آكل اي شي حتى لو مو جوعانه
اكل كاكاو ابشكل جنوني واشتاق للحلويات وايد وبعدها هاليومين والثلاث احس بتأنيب ضمير مو طبيعي وهذا اكره احساس يصيب من يريد المحافظه الدائمه على وزنه وعلى لياقته بالرغم من ممارستي الرياضه دائما


شعور نقصان الوزن شعور روعه
ولكن شعور المحافظه على الوزن شعور محير

استخدمت برامج وانظمه كثيره لتثبيتها عجزت
الا يتحرك هالوزن ويزحزح من مكانه .. ينقص يمكن بس الاكثر يزيد كيلوين او كيلو

الحرمان وايد متعب
ولما تفتح على نفسك وعلى شهيتك تحسون بتأنيب الضمير


وخاصه لعشاق الاكل الغريب ويحبون يجربون كل شي
هذيلن متعبين اكثر واكثر .. عزمت اهلي الاسبو الي طاف على مطعم " لوزار "
كل شي مشوي رفضته وما قبلت الا بالمقلي .. صعب اكل صافي مشوي
او ربيان مشوي بدون كراميل
او ام الربيان بدون صوص المشروم

ما اعرف اذا هالحاله طبيعيه .. بس ما احب امر فيها
لان تخليني طول عمري في دوامه نقص الوزن ونقص الوزن وما عندي ثبات


الله يقويك اخونا عضو العتيج
ويقوي الاراده عندك وعند باقي الاخوان والاخوات


جملك الله برضاه

مرحبا اختي تحداني الزمن
الظاهر مثل ماتفضلتي ان العامل بينا مشترك في مساله الاكل وتأنيب الضمير والتردد والاحساس بالذنب واليأس من الحرمان
لكن انا استنتجت شي واحد خلال خبرتي المتواضعة في الرجيم والدايت(ههههه)
ان الانسان مستحيل يقلل وزنة لمجرد اتباع حمية وحتى لو قدر راح يرجع وزنه
الحل الوحيد هو تغيير العادات الغذائية..باستثناء الحالات المرضيه
المفروض ان الانسان يغير عاداتة الغذائية ولو بشكل جزئي وباللي يقدر عليه..مب شرط يتبع حميه قاسيه او ان يوقف نهائيا ومثل مايقول المثل( ياظلمة ياسرايين )
وبعطيج مثال بسيط..
انا قبل لابدي الدايت هالمره..كنت ازيد وانقص واتذبب اخفف مره وارجع عادي مره..لكن قبل فتره وتحديدا قبل 4 سنوات.كان وزني اكثر من الحين وكانت عندي زيادة كبيره..وكنت احاول اخفف واوقف.بس بعد فتره بديت انزل من وزني بس الشي الوحيد الي تغير اني غيرت بعض العادات البسيطه..والمفاجئه ان الوزن مايرجع مثل قبل حتى لو رجعت اكل ..ومن هذي العادات الي غيرتها وهي بسيطه
استبدلت المشروبات الغازيه العادية بالدايت..واستبدلت الخبز الابيض بالاسمر ..واحاول في كل شي اخذ لو فات..سواء جبن او غيره وصرت احس بتأنيب ضمير اذا اكثر في الاكل وماحب اكل ثلاث وجبات في الغالب
هذا التغير البسيط غير كثير من الامور واصبح الوزن وحتى لو زاد مايرجع مثل قبل
الزبدة ان المفروض كل واحد يغير باللي يقدر عليه ومهما كان التغير بسيط راح يأثر ويبين..

وشكرااا لج


عندي مشروع زواج بعد شهرين باذن الله واشتركت في دايت سنتر

في اسبوع نزلت كيلوين مع مشي خفيف وصعود الدرج في الدوام بدل المصعد

مبروك مقدما وانشالله مايجي موعد الزواج الا وصلت للوزن اللي تبيه
تحياتي

sh50
12-07-2011, 07:38 AM
الله يوفقج وتوصلين للوزن اللي تبينه

بقوللكم طريقه في المشي تخليكم تستحملون الجو الحار00

شلون


قبل الخروج للمشي اغسل الفانيله واعصرها والبسها على طول وبلل شعرك بالماء والاحسن صب عليه ماي بعدين امش وتشعر بالانتعاش وانت ماشي

بنـ ابوها ـت
12-07-2011, 09:35 AM
انشاء الله يوم الاثنين القادم بقولكم النتيجة وكم كيلو نزلت

تحداني
12-07-2011, 09:59 AM
العضو العتيج

مداخلتك عجبتني كثير .. صح " المفروض نغير العادات الغذائيه " نغير طريقه اختيارنا للأطعمه طريقه شراءنا للمواد التموينيه .. نحب الرياضه ونمارسها ونعتبرها روتين يومي اجباري ويجب ان نغصب انفسنا عليه .. وساعات لما نشوف طريقه اكل البعض ما نشوفها وايد وازياده عن اللزوم .. بس حركتنا قليله للاسف ..

لدرجه ان انشوف ناس اضعاف وايد بس عندهم كوليسترول .. ودهون في الدم .. ووو ليش
من قله الحركه وتراكم الدهون


الواحد فينا يتعب لما ينزل وزنه فحرام يرده ابطريقه غير مدروسه للطعام
ومع الايام سبحان الله الواحد يعرف اشكثر ياكل .. وشنو المفروض ياكله وشنو الي يبتعد عنه

مع الايام الواحد يعرف ان قطعه حلوى سعراتها اعلى واكبر من حجمها
علبه الروب مو معناته ابيض وجميل انه خالي من الدهون
انه قطعه الشيز كيك الصغيره عادي اكل منها 5
ان الدونت شي مالوف وخفيف
ان الكابتشينو الا مشروب يعني ايش فيه من دسم

ان وان وان
تخيل حتى نوعيه الماء اخي الفاضل والقراء الاعزاء .. كنت اتغرض مره في التموين العائلي
شفت ةحده قاعده اطل في قائمه البيانات للماي
قلت ياربي هاذي شدور .. اكيد حايسه مب عارفه وين التاريخ
فرحت لها وقلت لها ترى التاريخ بجانب العبوه كاهو اهني .. قالت ما ادور على التاريخ اشوف " نسبه الصوديوم " قلت لها ليش تفرق ؟؟ قالت خاطرج اتعرفين ؟؟ قلت لها اي
" ملقوفه "

تقول ان يجب ان تكون نسبه الصوديوم واطيه ومو عاليه حدها 1,5 او 2 وكل ماكان نسبه الصوديوم عاليه يساعد في تخزين الاملاح في الجسم .. فمن يومها كله اشتري ماي " اروى " نسبه الصوديوم 2,5


فهاذي نصيحه مني جربوها


الفطور كان
حلوم
خيار
الجزر الاصغير
مع شاي اخضر بالزعتر


صباحكم ملئ بالرشاقه

جملكم الله برضاه

بنـ ابوها ـت
12-07-2011, 04:18 PM
فووووووووووووووووووق

deema117
12-07-2011, 05:45 PM
ما شاء الله عليج .. تحداني الزمن .. أسلوبج روووعة وكلامج دررر :victory:


ليكون آنا اللي شفتيها أدوّر في قائمة بيانات الماي :nice: بس ما أذكر أن حد كلمني

ترى ماي .. أروى .. صديقي الصدوق اللي ما يفارقني ولا أفارقه :victory::victory:

أنصحتني فيه أخصائية تغذية فالدايت سنتر لأني أعاني من الضغط وهالماي مناسب لأن

أملاحه قليلة ...

كنت قبل لأعرف هالمعلومة كله أشتري إيفيان والصوديوم اللي فيه نسبته عالية وما

كنت أعرف هالشيء !


المهم . . يالعضو العتيج <<<<<< شـــد حيلك والله يوفقك ويوفقنا معاك ونضعف كلنا :strong

HiTec
12-07-2011, 07:50 PM
الله يوفقج وتوصلين للوزن اللي تبينه

بقوللكم طريقه في المشي تخليكم تستحملون الجو الحار00

شلون


قبل الخروج للمشي اغسل الفانيله واعصرها والبسها على طول وبلل شعرك بالماء والاحسن صب عليه ماي بعدين امش وتشعر بالانتعاش وانت ماشي

الله يسسسسسامحك اخووووووي على هالطريقة :omg::omg:


ايااااااام كنا صغار وبالعراق والكهرباء محد .. والجو حاااااااااار كنا نسويها

واللي صابه ربو .. واللي صابه التهاب رئوي والي حساسية !!

الطريقة خاطئئئئئئئة


والي يريد .. مجرد ياخذله دووش .. مو بارد لالالا .. دافي " موووو حاااااار " دافيي

ويطلع

بنظرية فقد واكتساب الحرارة

يبرد جسمه :)

:eek5:

العضو العتيج
12-07-2011, 10:34 PM
مشكورين جميعا على مداخلاتكم

بعد بكره الموعد وان شاء الله النتايج طيبة..ولو اني غير متفائل لان هالاسبوع كان اسبوع راحه لكسر الروتين وخايف ان في زيادة
ان غدا لناظره لقريب<<<< حرب مب رجيم

deema117
12-07-2011, 11:24 PM
ان غدا لناظره لقريب

:secret: الله يستر :secret:

ههههههههه


الصراحة حمستنا


:nice:

العضو العتيج
13-07-2011, 01:18 AM
:shy:

ذيب ولد ذيب
13-07-2011, 05:35 AM
من وجهة نظري البسيطه جداً خلها اسلوب حياه ,, مستحيل على هالرجيم طول العمر ,,

انا اشوف انك ماتتعشى , تاكل وجبتين فقط (غداء + ريوق) ,, ريوق خفيف جداً ,, غداء ثقيل بدون نوم بعد الغداء الا بعد 3 ساعات ,, خاطرك بـ بيتزا خلها وجبت غداء ,, خاطرك فطاير خلها وجبت غداء ,, تبي شوارما ,, تريق متأخر والساعه 6 خذ لك ثلاث سندويشات ههه,, تبي فطاير خلها غداء ,, اي وجبه في خاطرك لاتمنع نفسك منها بس حولها على اليوم اللي بعده لوجبة الغدء ,,

لك يومين فالاسبوع تخربها وتاكل الي فخاطرك بس قبل النوم بـ 5 ساعات ,,

تمشي 5 ايام في الاسبوع لمدة ساعه ونصف ,, مشي سريع ,,,

راح تضعف كل شهر 2 كيلو ,, واستمر عليه كم سنه ,, الرياضه مهمه جداً ,, وبهذا الاسلوب بدون رياضه راح تحافض على وزنك ,,

مثل هالاسلوب راح يخفف الترهلات بشكل كبير .. لكن ماينفع حق الي مستعجل ويبي بكم شهر ينزل ,, ينفع للي مايبي يمنع نفسه من الاكل ويبي يضعف حتى لو استمر الموضوع لسنتين ,,, انصح فيه بصراحه لانه مايمنعك عن اي شي في خاطرك بس يحددها في وجبة الغداء ,,, الحلوياااات ممنوعه , الشاي الكرك اشربه بس مش اكثر من 4 اكواب ,,

بالنسبه لي ما احب الرجيم القاسي لاني اخاف من الترهلات و ما احب امنع نفسي بشكل كبير , وما احب التزم ,, راعي مزاج , احب اني اكل الي بخاطري فيه ,, وما احب الحبوب الاني مش فاضي يصيدني فشل كلوي بسبة الحبوب الفيتامينات و التخسيس وغيرها ,,

بس حبيت افيدكم

بنـ ابوها ـت
13-07-2011, 09:18 AM
مستمرين باذن الله

العضو العتيج
13-07-2011, 09:45 AM
كفوووو...

بنـ ابوها ـت
14-07-2011, 08:49 AM
مستمررررررررين

تحداني
14-07-2011, 09:59 AM
نتمنى لكم فطورا صحيا شهيا ان شاء الله
راح اتكلم عن جانب ما كنت اعتقده انه مهم للغايه لكن " قناه " صحه لفتوا انتباهي له
موضوع الشاي الاخضر .. كنت عارفه انه زين .. ومفيد للجسم .. ويسوى الواحد يشربه
ويقضي وقت مع هالنوعيه من الشاي .. بس يوصل لحد شربه بقدر ما تشرب اكواب الماء
وتتعامل معاه كما تعامل الشخص الصحي مع الماء هذا الي ما كنت اعرفه وامصدقته

المهم

الشاي الاخضر مع الزعتر
او الشي الاخضر الياباني
او اي شاي اخضر تأكدوا ان مفعوله عجيب .. يطرد السموم .. يغذي الجسم
يحافظ على السعرات الحراريه المفيده ويطرد البقيه

في انواع واشكال اليوم من الشاي الاخضر وبأسعار جنونيه
عندكم محل وايد حلو وراقي وجميل وعنده اجود انواع الشاي في حياه بلازا
هو ان ما خاب ظني الفرع الوحيد له في الدوحه بجانب " مذر كير "
جربوا تاخذون من عنده

في كشكات للشاي الاخضر مقابل كارفور في فيلاجيو
ومقابل بنتون في الاند مارك
وفي المول كوفي شوب خاص فيهم " كوفي شوب الشياب " :)

عندهم ايضا انواع واشكال من الشاي الاخضر
الطبيعي والمعد خصيصيا لعالم الرشاقه


اليوم عشان تقدر تشرب وتستمتع بالشاي الاخضر مافي مانع نحط معاه اشويه نعناع
لان هناك فرق ما بين الشاي الاخضر .. والشاي الاخضر بالنعناع

او نقدر نغير الطعم اشوي لشاي اخضر بالزعتر " صرت احبه بعد ما جربته "
الوالده تحبه مع " ماء الورد " ما ادري اشلون بس جربوا مافي مانع
على الاقل اندخل شي مفيد في الجسم



الفطور عباره
عن مثلثين من جبن " سلفايد " مع سلطه فيها كل انواع الخس مع خيار
وشاي اخضر بالزعتر .. مع سكر سبلندا .. " احبه مع سكر
وعلاقتي مع السكر علاقه غرام



جملكم الله برضاه

بنـ ابوها ـت
14-07-2011, 12:22 PM
:victory:انا ما أحبة لكن بجرب اللي بالزعتر

العضو العتيج
15-07-2011, 11:15 AM
السلام عليكم..
شكرا لكم جميعا على المداخلات..
امس كانت عندي زيارة ميمونة للعيادة..بعد 10 ايام كان النظام فيها خفيف جدا وكان عبارة عن راحة..
كنت خايف من الزيادة..وكنت اتمنى ثبات الوزن على الاقل
لكن المفاجئة كانت..
http://www.iraqup.com/up/20110715/VSV7l-2k1d_330922439.jpg (http://www.iraqup.com/)

اولا اعتذر عن الصوره لانها مصوره من الجوال..

الخسارة في الوزن(1.3)
الخسارة من الدهون(1.7)
كانت في زيادة في الماء(0.3) .ومثل ماقلنا سابقا الماء غير مهم كثير لان ينقص بسرعه ويرجع بسرعه الاهم الدهون والحمد لله الخسارة الاكبر كانت من نصيب الدهون

النزول الاجمالي للوزن(13.7)
النزول الاجمالي للدهون(12.8)

ويستمر الصراع ضد العدوان الثلاثي

تمنياتي للجميع بالتوفيق.وشكرا على المتابعه
تحياتي

QtrGate
15-07-2011, 11:31 AM
لحمدلله خسرت كيلوين. في عشر أيام هاي الاسبوع شكلي بابدع. مستمروووووون

ام عبدالعزيز
15-07-2011, 12:58 PM
اخوي عضو عتيج اصمل لين عقب رمضان-لاتضعف قدرتك-لاكل رمضان

deema117
15-07-2011, 03:00 PM
ما شاء الله عليك أخوي .. :strong3: استمررررر

حقيقه
15-07-2011, 03:40 PM
عندي سؤال عن

شاي بايوجي للتنحيف

حد جربه او سمع عنه او شاف نتايجه على حد قريب منه ؟؟؟

TEAMspirit
15-07-2011, 10:08 PM
ممتاز الى الامام . بس سؤال لصاحب الموضوع هل تمارس اي مجهود بدني رياضه جري مشي وكم الوقت او المسافه ؟

حـ ن ـيـ ن
15-07-2011, 10:17 PM
السلام عليكم..
شكرا لكم جميعا على المداخلات..
امس كانت عندي زيارة ميمونة للعيادة..بعد 10 ايام كان النظام فيها خفيف جدا وكان عبارة عن راحة..
كنت خايف من الزيادة..وكنت اتمنى ثبات الوزن على الاقل
لكن المفاجئة كانت..
http://www.iraqup.com/up/20110715/vsv7l-2k1d_330922439.jpg (http://www.iraqup.com/)

اولا اعتذر عن الصوره لانها مصوره من الجوال..

الخسارة في الوزن(1.3)
الخسارة من الدهون(1.7)
كانت في زيادة في الماء(0.3) .ومثل ماقلنا سابقا الماء غير مهم كثير لان ينقص بسرعه ويرجع بسرعه الاهم الدهون والحمد لله الخسارة الاكبر كانت من نصيب الدهون

النزول الاجمالي للوزن(13.7)
النزول الاجمالي للدهون(12.8)

ويستمر الصراع ضد العدوان الثلاثي

تمنياتي للجميع بالتوفيق.وشكرا على المتابعه
تحياتي

ماشاء الله عليك...

استمر وان شاء الله توصل للهدف ...

بنـ ابوها ـت
15-07-2011, 11:41 PM
تستاهل الخيرر والفال لنا ومستمرين باذن الله

deema117
16-07-2011, 01:55 AM
العضو العتيج . . بالنسبة للأسبوع اللي قلت عنه عبارة عن نظام مفتوح

قيدك الدكتور بتعليمات معينة أو نظام معين ، أو كان التخفيف من نفسك

وشنهو تقييمك لنفسك خلال هالأسبوع . . هل تغيرت عاداتك الغذائية عن قبل الدايت ؟؟

تحداني
16-07-2011, 02:01 AM
العضو العتيج

عندي علامه استغراب ودهشه من نسبه الخساره في اخر زياره لك
10 ايام من الدايت بنظام هذا المركز الجدا قاسي .. ونسبه الخساره 1 وشي
والدهون ايضا 1 وشي .. والاملاح اي الماء نسبتها زائده .. لا انا مو عاجبتني هالنتائج
خربط وايد في الاكل .. والتزامك كان قليل

حاسب في المرات القادمه لان مع كل اسبوع تقل فرص خسران الوزن
والي كنت تخسره من ارقام كبيره في البدايه كان للماء النصيب الاكبر
اليوم المفروض تخسر بشكل متساوي الماء والدهون والوزن
لان لو ظليت على كيلو او اقل هذا معناه

اما ما قاعد تنتظم بالجدول صح
او قللت الحركه
او خربط في الاكل


جملك الله برضاه

راشد محمد
16-07-2011, 02:02 AM
متاااااااااابعين

بنت شيوخ
16-07-2011, 01:47 PM
الف مبررررررررروك

وجزاك الله كل خير

بالتوووووفيق

بنـ ابوها ـت
17-07-2011, 08:25 AM
:nice::nice::nice:

العضو العتيج
19-07-2011, 07:43 AM
السلام عليكم....
اعتذر عن التأخر في الرد اخواني...


لحمدلله خسرت كيلوين. في عشر أيام هاي الاسبوع شكلي بابدع. مستمروووووون

الف مبروك ومستمرين..


اخوي عضو عتيج اصمل لين عقب رمضان-لاتضعف قدرتك-لاكل رمضان

لا اكيد رمضان هو المفصل في الرجيم بالنسبه لي وفي رمضان يكرم المتين او يهان.....


ما شاء الله عليك أخوي .. استمررررر
باذن الله..وشكرا لج..




عندي سؤال عن

شاي بايوجي للتنحيف

حد جربه او سمع عنه او شاف نتايجه على حد قريب منه ؟؟؟
والله بالنسبه لي ماعرف عنه واتمنى اي حد عنده فكره يفيدج
بس رأيي في الموضوع ان اي شي خاص للرجيم مثل شاي وحبوب وكريم ابتعدي عنده لان في الغالب عبارة عن منتجات لم تثبت فوائدها هذا اذا مالها مضار ...وعليج بالشاي الاخض العادي ..وابتعدي عن تجارة الوهم..تحياتي.


ممتاز الى الامام . بس سؤال لصاحب الموضوع هل تمارس اي مجهود بدني رياضه جري مشي وكم الوقت او المسافه ؟
اي نعم امشي واجري احيانا والمسافة (4) كيلو تقريبا
شكرا لك


ماشاء الله عليك...

استمر وان شاء الله توصل للهدف ...

مشكورة والله يسمع منج..


تستاهل الخيرر والفال لنا ومستمرين باذن الله

بالتوفيق ...


العضو العتيج . . بالنسبة للأسبوع اللي قلت عنه عبارة عن نظام مفتوح

قيدك الدكتور بتعليمات معينة أو نظام معين ، أو كان التخفيف من نفسك

وشنهو تقييمك لنفسك خلال هالأسبوع . . هل تغيرت عاداتك الغذائية عن قبل الدايت ؟؟


هلا فيج اختي..لا طبعا النظام هالاسبوع غير عشوائي ومكتوب وبالكميات لكن فيه اصناف مختلفه وفيها سعرات اكثر لكسر النظام وعدم تعود الجسم..
وبالنسبه لسؤالج اي نعم في تغييرات في العادات الغذائيه واهم شي اني صرت احس بتأنيب الضمير في الاكثار من الاكل واخاف يزيد الوزن..


العضو العتيج

عندي علامه استغراب ودهشه من نسبه الخساره في اخر زياره لك
10 ايام من الدايت بنظام هذا المركز الجدا قاسي .. ونسبه الخساره 1 وشي
والدهون ايضا 1 وشي .. والاملاح اي الماء نسبتها زائده .. لا انا مو عاجبتني هالنتائج
خربط وايد في الاكل .. والتزامك كان قليل

حاسب في المرات القادمه لان مع كل اسبوع تقل فرص خسران الوزن
والي كنت تخسره من ارقام كبيره في البدايه كان للماء النصيب الاكبر
اليوم المفروض تخسر بشكل متساوي الماء والدهون والوزن
لان لو ظليت على كيلو او اقل هذا معناه

اما ما قاعد تنتظم بالجدول صح
او قللت الحركه
او خربط في الاكل


جملك الله برضاه

ياهلا فيج اختي تحداني الزمن
والله بالنسبه لالتزامي بالدايت تقدرين تقولين جيد الى جيد جدا
باستثناء اسبوع الراحه يمكن خربطت اكثر وكنت خايف من الزيادة لكن النزول كان مفاجئه بالنسبه لي...ولكن مع ذلك وعلى كلام الدكتور ان نزول كيلوين وكيلو ونص مايعتبر شي سلبي طبعا انا اطمع باكثر ولكن النزول طيب ويشجع على الاستمرار لكن انشالله باخذ بنصيحتج وبحاول التزم اكثر.. بس انا الحين موقف عن الدايت لظروف معينه وبرجع ان شالله بعد يومين واخاف ان في زيادة لكن ان شالله الامور تمشي تمام..
شكرا لج


متاااااااااابعين

هلابك..


الف مبررررررررروك

وجزاك الله كل خير

بالتوووووفيق


تسلمين وشكرا لج..

.............

شكرا لكم جمييييييعا وعلى ردودكم المشجعه
وشعارنا(مستمروووووووووووون)

تحياتي,,,,,,,,,,,,,,,

تحداني
19-07-2011, 08:34 AM
العضو العتيج " شعور الإحباط " خليه بعيد عن جدول الحميات الغذائيه وعالم الصحه والرياضه لان الشخص وارد في يوم يمل من السلطات .. يكره العصائر
ما يحب ياكل فواكهه .. يبتعد عن الماء ..

ومن الاحباط الي تكلمت عنه خليني اتطرق لنفس النقطه لكن من زاويه اخرى
قبل فتره في النادي صادفت فتاه عمرها تقريبا 18 الين 20 السمنه قتلت فيها كل ملامح الاراده والاصرار .. كل ما تلعب اشوي اتناظر حولها الي يلعبون .. كل ما اطالع جسم رياضي اتنزل اعيونها على الارض وصل الخجل لمرحله جدا غريبه ما تقدر تحط عينها ابعيني لما احاجيها

لما جيت ابي اكلمها خفت اجرح مشاعرها واحسسها ان بالفعل كاسره خاطري
خفت اعاتبها ما تجي مره ثانيه
وخفت انصحها واشجها تقول في نفسها قاعده تتشمت فيني

المهم واحنه نلعب في النادي مع السنوات تتكون صداقات رياضيه عابره
ملابس ممكن نتهادى .. نتفق على نوعيه معينه من الوجبات .. نتبادل حوارات في مواضيع غذائيه .. حاولنا نشركها في هالحوار مع الكلام ومحاوله كسر حاجز الخجل عندها

حسيت ان ودها تقول شي .. وبالفعل قالت
قالت يا تحداني الزمن تدرين وين مشكلتي ؟؟ قلت لها انتي ابد ما عندج مشكله غير انج حبيتي نفسج وجسمج وودج تردين لصحتي وتلبسين كل الي خاطرج فيه وتركضينمثل اليهال الاصغار

قالت والله ودي .. بس من امشي على دايت اتملل واحس نفسي غير
ادقق على اكلي وايد ولما ادقق اتضايق .. ولما اتضايق اخرب النظام
اقول لها اتخربينه يعني اشلون

اتقول لو كلت الريوق عدل .. والظهر عدل اتشوفيني في العشى اتهور
قلت لها عادي .. يعني كل يوم بتتهورين

قالت لا .. بس تجيني هالحاله مره ومرتين وبعدها اخرب كل شي
لاني اقول في نفسي دام اني خربتها يوم فإختربت السالفه


من هالحوار ومن كلامها ودي اقول شي لكل من يصارع السمنه مع نفسه .. ولكل من يريد اكمال الطريق .. ولكل من يشعر بالخيبه في لحظه
نظل بشر .. تهوى انفسنا الاكلات اللذيذه .. نحاول بين فتره وفتره نكافئ انفسنا
مافي مانع لو خربتها في الريوق اعدلها وما اتعشى وايد في الليل

مافي مانع لو كلت اليوم اكثر من المفروض .. امشي اشوي في البيت وما احسس نفسي بالذنب واعتبر هالمشي عقاب

مافي مانع نستبدل كلمه رجيم بأكل صحي
ومافي مانع نتعلم ان يكون اسلوب حياتنا بعيد عن الاكل الي ما يفيد


والشخص لما يحترم جسمه وغذاءه هو قاعد يهئ نفسه للزمن
كل ما يكبر الشخص بالعمر كل ما يفقد جانب كبير من جسمه لكن باسلوب الحياه الصحي
راح يحافظ على عمره
على صحته
على الامراض الي ممكن تكون نسبه اقترابها منك بعيده وايد


جملكم الله برضاه

بنـ ابوها ـت
19-07-2011, 09:08 AM
:shy::nice:نزلت كيلو ونص اول اسبوع خربطت شوي بس الحمدلله والدكتورة كانت مانعتني من من المشي ومن هالاسبوع ببتدي مشي وربي يوفق الجميع

بنـ ابوها ـت
20-07-2011, 08:49 AM
ومستمرررررررين

أسير الأحلام
20-07-2011, 10:00 AM
لو تكرمت ابغي اسم المركز ومكانه وكم السعر على الخاص

العضو العتيج
21-07-2011, 07:18 PM
تم الرد

ونستأنف الرجيم .....ومستمرييييين

بنت قطريههه
22-07-2011, 01:16 AM
ممكن اسم المركز و اسعارهم
*

*

Abdullah_89
22-07-2011, 02:36 AM
انا كان لي تجربه مع بيرفكت ويت ( نيوتريشن ) ورى السوق المركزي جنب حدائق الفردان

كان الدكتور حسن متابع معاي

بس مشكلتي مااستمريت على الجدول بس الحين لازم ارجع له

عطاني جدول + شاي اسمه Slim + عصير برتقال + شورت للرياضه

وعطاني جدول غذائي لمده اسبوع بس انا مشكلتي مااكل دجاج ولا سمك فكان غداي معتمد على السلطه والشوربه طبعا السلطه من غير طماط وكنت اكثر من الخيار

المهم مع مشي ساكه كل يوم والجدول الغذائي اللي انا سويته نزلت 9 كيلو في 10 ايام

بعدها عطاني كريمات مع الرياضه استعملها 3 كريمات

2 مع الرياضه

وواحد قبل النوم

نزلت بعدها 5 كيلو في 10 ايام ثانيه


يعني في 20 يوم نزلت 14 كيلو

ووقفت بعدها لضروف صحيه

والحين رمضان جاي وفرصه لي اني ارجع على نفس الجدول

والله يوفق الجميع

Abdullah_89
22-07-2011, 02:36 AM
وأهنيك على هالانجاز الرائع واستمر حتى لو وصلت لوزنك المثالي

سحابة عابرة
22-07-2011, 02:47 AM
أنا أنصحكم اشتركوا في المركز بس يحتاج منكم إرادة لان مافي اكل وايد
أنا بصراحة نزلت 14 كيلو في فترة شهر ونص والحمدلله مازلت محافظة على وزني اللي خسرته بالرغم أني وقفت فترة سنة تقريباً والحين سجلت من جديد لتنزيل الباقي من وزني الزائد والجلسة الاولى يوم السبت بإذن الله

سحابة عابرة
22-07-2011, 02:52 AM
نسيت اقولكم تكلفة الست شهور 1750 ريال

العضو العتيج
22-07-2011, 09:30 AM
ممكن اسم المركز و اسعارهم
تم الرد


انا كان لي تجربه مع بيرفكت ويت ( نيوتريشن ) ورى السوق المركزي جنب حدائق الفردان

كان الدكتور حسن متابع معاي

بس مشكلتي مااستمريت على الجدول بس الحين لازم ارجع له

عطاني جدول + شاي اسمه slim + عصير برتقال + شورت للرياضه

وعطاني جدول غذائي لمده اسبوع بس انا مشكلتي مااكل دجاج ولا سمك فكان غداي معتمد على السلطه والشوربه طبعا السلطه من غير طماط وكنت اكثر من الخيار

المهم مع مشي ساكه كل يوم والجدول الغذائي اللي انا سويته نزلت 9 كيلو في 10 ايام

بعدها عطاني كريمات مع الرياضه استعملها 3 كريمات

2 مع الرياضه

وواحد قبل النوم

نزلت بعدها 5 كيلو في 10 ايام ثانيه


يعني في 20 يوم نزلت 14 كيلو

ووقفت بعدها لضروف صحيه

والحين رمضان جاي وفرصه لي اني ارجع على نفس الجدول

والله يوفق الجميع

مشالله عليك اخوي عبدالله انت استجابة جسمك للرجيم سريعه ونزولك اكثر من ممتاز في 20 يوم 14 كيلو في 20 يوم..ماشالله انا 14 في شهرين
استمر ولا توقف


أنا أنصحكم اشتركوا في المركز بس يحتاج منكم إرادة لان مافي اكل وايد
أنا بصراحة نزلت 14 كيلو في فترة شهر ونص والحمدلله مازلت محافظة على وزني اللي خسرته بالرغم أني وقفت فترة سنة تقريباً والحين سجلت من جديد لتنزيل الباقي من وزني الزائد والجلسة الاولى يوم السبت بإذن الله

مشالله عليج وقفتي سنة والوزن ثابت,,انا اشوف ان ثبات الوزن اهم من النزول السريع
استمري وان شالله توصلين للوزن المناسب

^NoOOoR^
22-07-2011, 09:53 AM
أنا متابعة عند الاخصائي عماد في المعمورة
مشتركة معاهم من قرابة الشهر .. كان وزني 67 نزلت 3 كيلو وكم غرام .. و صرت 63
ادري انه اشوي :weeping::weeping:
بس صج الايام الاولى كانت فترة صعبة خاصة اني متعودة على شاي الحليب اللي منعني منه الاخصائي
والحين بديت في الخطوة الثانية ولمدة ثلاثة ايام سمح بالاكل الخفيف جدا. و اليوم بداية التكرار ..
والله يعين و اقدر انزل اكثر هالمرة ..:weeping::weeping:

العضو العتيج
22-07-2011, 10:55 AM
بالعكس اختي انتي وزنج 67 يعني مايعتبر زايد لذلك النزول يكون بسيط واكيد يبين
عكس الي عندة زيادة كبيرة تلقين ال10 وال20 تنزل بسرعه ويمكن مايبين بشكل ملحوظ
يعني العلاقة طردية ..كل ماكان الوزن اكبر كل ماكانت الخسارة اكبر واذا الزيادة بسيطة بيكون النزول بطئ

بنـ ابوها ـت
24-07-2011, 11:29 AM
ومستمرين الفحص باجر انشاء الله اكوون خسرت شي جيد

Dissney
25-07-2011, 11:52 AM
السلام عليكم

يعطيك العافية .. بس ابي اعرف اسم المركز وموقعه
واشتراكهم على كم؟
ونظامهم يرسلون الاكل لك او يعطونك لسته بالأطعمه والكمية المسموحة؟

عوآآآآشـي
25-07-2011, 12:20 PM
قريت الموضوع وقريت الردود ماعرفت اي مركز هاي ورقم تلفونهم ماعليك امر

انا وزني فالتسعين ابيه سبعين ان شاء الله اقدر احقق الامنية

الى الاماام ويعطيك العافيه عالموضوع

بنت قطريه
25-07-2011, 12:29 PM
أخوي ربي يوفقك بس أهم من كل شي وقبل كل شي الاراده ثم الاراده ثم الاراده وارجع حق السبب الرئيسي اللي خلى وزنك يزيد لان عن تجربه مع نفس المركز نزل وني في الاسبوع الاول 5 كيلو والاسبوع الثاني نفس الشي بس كنت محرومه من الاكل وبعدها اضطريت اسافر حاولت اتبع الرجيم ماقدرت ورجع وزني ضعف اللي خسرته أخوي المهم ارادتك علشان ينزل ونزك وشوف السبب الرئيسي اللي يخليك ترجع تاكل أنا عن نفسي عرفت السبب واحاول اغير لاني اشتركت في نادي ودايت شوب وبعد نزل وزني بس لما ارجع لنفس السبب اللي يكدر خاطري واتضايق ارجع اكل بدون حساب ......ربي وفقك ويوفقني واقدر على نفسي لاني كل شي يصير بخاطري اكله يعني عندي الاكل متعه وبالذات اذا تضايقت والحمد لله تغيرت عن قبل وصرت افكر قبل مااكل ترى الحل بيدنا بس احنا مانقدر وفي حديث حق الرسول صلى الله عليه وسلم (ماملأ آدمي وعاءً شرا من بطن،بحسب ابن آدم أكلات يقمن صلبه ،فأن كان لامحاله ،فثلث لطعامه ،وثلث لشرابه ،وثلث لنفسه ) حاول تتبع حديث الرسول صلى الله عليه وسلم وان شاء الله ينزل الوزن بإذن الله وربي يوفقك

مهندسة الغد
27-07-2011, 09:09 AM
السلام عليكم
انا دايما متابعة معاكم الموضوع وحبيت اشارك وياكم تجربتي المبدئية انا شاركت بنيوترشن من تاريخ 6\7وصار لي 20 يوم نقصت فيهم 6 كيلو ونص الحمدلله بدون رياضة طبعا> بس حابة القترة الجاية ابدا امشي ان شالله على الله هالحر تذوب الكيلوات شوية وناوية اشتري جهاز الاوربتراك اذا الله راد احسه ممتاز
الله يثبتني ان شالله واوصل الوزن المثالي >>ويوفقكم اجمعين

deema117
27-07-2011, 04:00 PM
اليوم اشتركت في بيرفكت ويت مع دكتور حسن

فترة الدايت ابتداءً من بكرة 28/7/2011م إلى يوم الموعد بتاريخ 8/8/2011م

مع 4 مرات فالأسبوع مشي لمدة ساعة

وشريت سونا شورت من عندهم

النوعية ممتازة وقيمته مابين 150-170 ريال حسب المقاس


آبي تشجيع لو سمحتم :shy: ووووينك يالعضو العتيج :telephone:

khaldoon
27-07-2011, 04:16 PM
السلام عليكم
انا دايما متابعة معاكم الموضوع وحبيت اشارك وياكم تجربتي المبدئية انا شاركت بنيوترشن من تاريخ 6\7وصار لي 20 يوم نقصت فيهم 6 كيلو ونص الحمدلله بدون رياضة طبعا> بس حابة القترة الجاية ابدا امشي ان شالله على الله هالحر تذوب الكيلوات شوية وناوية اشتري جهاز الاوربتراك اذا الله راد احسه ممتاز
الله يثبتني ان شالله واوصل الوزن المثالي >>ويوفقكم اجمعين

انا بديت بدون الاشتراك بهذا البرنامج بس متبعا نفس البرنامج و الجدول للاسبوع الاول و الثاني و الثالث

نزلت اول عشر ايام 5 كيلو و للحين كل نزولي بس 7 كيلو خلال 25 يوم

نجدي قطري
27-07-2011, 06:29 PM
اليوم اشتركت في بيرفكت ويت مع دكتور حسن

فترة الدايت ابتداءً من بكرة 28/7/2011م إلى يوم الموعد بتاريخ 8/8/2011م

مع 4 مرات فالأسبوع مشي لمدة ساعة

وشريت سونا شورت من عندهم

النوعية ممتازة وقيمته مابين 150-170 ريال حسب المقاس


آبي تشجيع لو سمحتم :shy: ووووينك يالعضو العتيج :telephone:

الله يوفقج أختي.
بس اللي أعرفه أن ملابس الساونا هذي ما منها فايدة في تنزيل دهون. لكن بلا شك استمرّي عليها إذا موصّي عليها الطبيب.

تبين رأيي، أظن إنهم يبون ينَزْلون أكبر قدر من الوزن (حتّى لو كان ماي) علشان ترتفع معنويّاتج، والأهم إنّج تستمرّين معاهم. تفكير تسويقي بحت، لكن لا يعني إنّهم ما يقدرون يوصلونج بعون الله إلى الوزن المثالي.

deema117
27-07-2011, 08:40 PM
مرحبا نجدي قطري .. للأمانة الطبيب ما قالي أشتري ولا حاجة

ما عدا الشابورة قالي أشتريها وبعدين ألغاها لأنها لليوم الأول فقط

فألغاها من البرنامج

والساونا شورت صارلي فترة أدور النوع اللي فيه حزام ولاصق على الجنب ومالقيت

إلا عندهم .. والصراحة آنا أحب أستعمله مع المشي لأنه يرتب شكل الجسم لا أكثر

وبإمكاني الاستغناء عنه في بعض الأيام لأن جونا ساونا طبيعية :secret:

العضو العتيج
27-07-2011, 10:00 PM
السلام عليكم ..
اسف على التأخير بالرد والمشاركة في الموضوع
أخر نتيجة اخواني كانت بتاريخ 14يوليو 2011
وكان يصادف يوم الخميس ..
وقفت الرجيم يوم الخميس الى الخميس اللي بعدة
وبتاريخ 25 يوليو 2011 كان عندي موعد ونشوف النتجية

http://www.iraqup.com/up/20110727/bJtI6-u64U_489064894.jpg (http://www.iraqup.com/)

طبعا انا كنت متوقع الزيادة ..
لكن الحمد لله زيادة بسيطة ..وكانت الزيادة من الدهون 800 غرام
وبعد الموعد قالي الدكتور امشي على رجيم اول اسبوع وهو الخالي من النشويات والسكريات تماما
والموعد الجاي بعد اسبوع ,,بتاريخ 1 اغسطس وان شالله النتايج طيبة
وشكرا للجميع وسعيد جدا بمداخلاتكم ومشاركاتكم
تحداني الزمن...لاتعصبين علي ههههههه

العضو العتيج
27-07-2011, 10:05 PM
تم الرد على الاخوان اللي استفسروا عن اسم المركز

clouds
28-07-2011, 12:54 AM
وانا معاكم مشتركه مع دكتور حسن واليوم السادس لي وعندي موعد في رمضان ويارب خير...ماعندي زياده كبيره كل الزياده عندي 6 كيلو بس ويارب انحفهم على خير وبصحه يارب انا جربت دكتور حسن من قبل وفي شهر وصلت للوزن المطلوب واكثر بعد..بس هالمره هو قال لي اول 10 ايام بيكون النظام صارم مع اني ماشوفه صارم وبعدين بيدخل لي اكل زياده
واللي قال لها اول يوم بس توست انا سمح لي اكله كل يوم الصبح يمكن لان ماعندي زياده كبيره..

نجدي قطري
28-07-2011, 12:54 AM
طبعا انا كنت متوقع الزيادة ..
لكن الحمد لله زيادة بسيطة ..وكانت الزيادة من الدهون 800 غرام
وبعد الموعد قالي الدكتور امشي على رجيم اول اسبوع وهو الخالي من النشويات والسكريات تماما


وشنو سبب الزيادة. هل كان الأسبوع اسبوع راحة، ولا كسّلت شوي؟

العضو العتيج
28-07-2011, 12:59 AM
وشنو سبب الزيادة. هل كان الأسبوع اسبوع راحة، ولا كسّلت شوي؟

لا اسبوع وقفت الرجيم...وسويت سواة ماتنقال هههههههه

نجدي قطري
28-07-2011, 10:31 AM
لا اسبوع وقفت الرجيم...وسويت سواة ماتنقال هههههههه

معليه. أحسن من إنّك تشد على نفسك وبعدين تخورها عقب ما توصل الوزن المثالي.

bu.jassim
28-07-2011, 12:51 PM
انا اشتركت في المركز هذا من قبل عشر ايام واليوم ان شاء الله عندي موعد مع الدكتور محمود
ان شاء الله تطلع نتيجه عقب هالتعب

وبالتوفيق ياصاحب الموضوع

meeemz
28-07-2011, 02:54 PM
انا رجعت اشتركت احسه مناسب للي زيادتهم قليله ويبون الوزن المثالي
قبل كنت اروح لاخصائيه تمنع كل شي ولو اخرب شي تافه تعيدني الاسبوع الاول
اما هالمره اروح لواحد ثاني هالاخصائي ممتاااز وايد شجعني ..
انا اشتركت وانا يائسه ومافيني عزيمه قويه واقول بس حدي اسبوعين لكن لما سمح لي بشويه حليب وبزيت الزيتون استانست و ولو قلت له اني خربت ما يسوي سالفه
وسامح بقدر معين من الكربوهيدرات والشوكلاته بعد سامح لي ب4 حبات في اليوم
عكس القديمه تقول 3 مربعات كل 3 ايام وحده هههه والله كابتني كرهتني الرجيييم
مرات اشياء تافه تسوي الفرق مثل زيت الزيتون كانت مانعته و ما كنت اكل السلطه لا ملح ولا زيت ناشفه
والكافي اف كنت اتطرى كل انواع الحلويات والحين ماكل شي لانه ادري انه مسموح لي ب4 وحلوياتهم لذيييذه
نفس الشي الكوفي (مع انه نباتي) ميت كانت مانعته وكانه لوحطيته برتكب جريمه والله ماكنت استغنى عنه واذا حطيت حسيت نفسي اغش ويجيني احبااط
قالي اقدر اضعف 6 كيلو في شهر وانا كملت 16 يوم وضعفت كيلوين الحمدلله

الحين رمضان ياي وخايفه احس امتحان وخذت الجدول ماله لكن الله يستر الاكل بيحاصرنا من كل صوب اصناف ما يسونها الا مره في السنه ماعرف والله احس لو اشتركت عقب رمضان احسن

deema117
28-07-2011, 06:54 PM
اليوم كانت البداية :weeping: حاسة بصداااع :(


الله يعدي الـ 3 الأيام الأولى على خير :secret: فهّمني الدكتور ليش مهمة

بس عيزانة اشرح :rolleyes2:


اليوم وحدة من الموظفات جايبة مضروووبة فالدوام ريحتها تبط الراس بس قاومت

<<<<<< تبي تصيح تذكرت المضروبة

بنت الخور
28-07-2011, 07:21 PM
مرحباا

حلو طرحك للموضوع عشان الكل يتشجع

وانا عن نفسي اشتركت من 4 شهوور

ونزلت الحين ماشاء الله 25 كيلووو

بس شوي يبيله اراده وصبر والاموور تمشي

العضو العتيج
28-07-2011, 08:01 PM
وانا معاكم مشتركه مع دكتور حسن واليوم السادس لي وعندي موعد في رمضان ويارب خير...ماعندي زياده كبيره كل الزياده عندي 6 كيلو بس ويارب انحفهم على خير وبصحه يارب انا جربت دكتور حسن من قبل وفي شهر وصلت للوزن المطلوب واكثر بعد..بس هالمره هو قال لي اول 10 ايام بيكون النظام صارم مع اني ماشوفه صارم وبعدين بيدخل لي اكل زياده
واللي قال لها اول يوم بس توست انا سمح لي اكله كل يوم الصبح يمكن لان ماعندي زياده كبيره..
بالتوفيق ان شالله والزين ان انتي ماتحتاجين نظام صارم وهذا شي يساعد على الاستمرار
استمري واحنا معاج مستمرين...وان شالله النتايج طيبة


انا اشتركت في المركز هذا من قبل عشر ايام واليوم ان شاء الله عندي موعد مع الدكتور محمود
ان شاء الله تطلع نتيجه عقب هالتعب

وبالتوفيق ياصاحب الموضوع

ان شالله النتيجة طيبة يابوجاسم..وبالتوفيق


انا رجعت اشتركت احسه مناسب للي زيادتهم قليله ويبون الوزن المثالي
قبل كنت اروح لاخصائيه تمنع كل شي ولو اخرب شي تافه تعيدني الاسبوع الاول
اما هالمره اروح لواحد ثاني هالاخصائي ممتاااز وايد شجعني ..
انا اشتركت وانا يائسه ومافيني عزيمه قويه واقول بس حدي اسبوعين لكن لما سمح لي بشويه حليب وبزيت الزيتون استانست و ولو قلت له اني خربت ما يسوي سالفه
وسامح بقدر معين من الكربوهيدرات والشوكلاته بعد سامح لي ب4 حبات في اليوم
عكس القديمه تقول 3 مربعات كل 3 ايام وحده هههه والله كابتني كرهتني الرجيييم
مرات اشياء تافه تسوي الفرق مثل زيت الزيتون كانت مانعته و ما كنت اكل السلطه لا ملح ولا زيت ناشفه
والكافي اف كنت اتطرى كل انواع الحلويات والحين ماكل شي لانه ادري انه مسموح لي ب4 وحلوياتهم لذيييذه
نفس الشي الكوفي (مع انه نباتي) ميت كانت مانعته وكانه لوحطيته برتكب جريمه والله ماكنت استغنى عنه واذا حطيت حسيت نفسي اغش ويجيني احبااط
قالي اقدر اضعف 6 كيلو في شهر وانا كملت 16 يوم وضعفت كيلوين الحمدلله

الحين رمضان ياي وخايفه احس امتحان وخذت الجدول ماله لكن الله يستر الاكل بيحاصرنا من كل صوب اصناف ما يسونها الا مره في السنه ماعرف والله احس لو اشتركت عقب رمضان احسن
ياهلا فيج اختي
الظاهر النظام السابق اللي تتكلمين عنه نظام كيميائي ..لان هو حسب علمي لازم تمشين عليه وفي حال اي تغيير ترجعين من البداية
يالله انشالله تستمرين وتشوفين النتايج


اليوم كانت البداية حاسة بصداااع


الله يعدي الـ 3 الأيام الأولى على خير فهّمني الدكتور ليش مهمة

بس عيزانة اشرح


اليوم وحدة من الموظفات جايبة مضروووبة فالدوام ريحتها تبط الراس بس قاومت

<<<<<< تبي تصيح تذكرت المضروبة

هلا اختي ديما
الدايت 3 ايام.؟؟ ولاتقصدين ان اول 3 ايام صعبه
عموما تقدرين ان شالله تعدينهم وحاولي تبتعدين عن المغريات وتصبري
واذا لقيتي نفسج خاطرج بشي ولاتقدرين تقاومين مايخالف اكلي شوي...احسن من تملين بعد فتره من الحرمان...
بالتوفيق ونبي تبشرينا بالنتايج


مرحباا

حلو طرحك للموضوع عشان الكل يتشجع

وانا عن نفسي اشتركت من 4 شهوور

ونزلت الحين ماشاء الله 25 كيلووو

بس شوي يبيله اراده وصبر والاموور تمشي


ياهلا فيج اختي..
الهدف من الموضوع التشجيع..سواء لي او للي يبي يتبع النظام
وماشالله عليج 25 كيلو في 4 شهور اعتبره انجاز طيب
يالله بالتوفيق وان شالله تستمرين عليه بالصحة والعافيه

تحياتي للجميع

deema117
28-07-2011, 08:29 PM
هلا أخوي العضو العتيج .. أقصد أول 3 أيام صعبين لأن الجسم للحين ما تعود على الدايت

قالي الدكتور بتحسين بخمول وتعب وصح هالكلام أحس بصداع وقالي بعد لا تخربين

هالأيام وتقولين باكل شوية عيش أو خبز ... إلخ

برنامجي مدته 10 أيام لين تاريخ 8/8/2011م ....

أقوله يا دكتور بيدخل علينا رمضان وماجبت طاري

الثريد والهريس :eek5:في البرنامج خخخخ :nice: وعدني بعد 10 أيام بيكون

البرنامج الثاني فيه أكلاتنا الرمضانية :victory:

سحابة عابرة
29-07-2011, 03:11 AM
google
من قال مايصلح البرنامج لمرضى السكر
بالعكس انا امي فيها السكر ومشاركة والامور زينه معاها والسكر منتظم ولله الحمد

khaldoon
29-07-2011, 07:00 AM
اخوي العزيز العضو العتيج انا مثل ما قلت لك قبل ماشي على البرنامج لهذا المركز

الحين دخلت نادي رياضي من اجل تخفيف الوزن و حطيت مدرب

المدرب قالي اشرب كل يوم عصير برتقال طازج قبل التدريب و بالليل لازم تاكل عنب اخضر...هل هذا الشي مضر بالدايت؟

صراحه اخاف انه كل يوم يزود في اكلي عن هذا البرنامج وهو يشوف اني لو نزلت 3 كيلو بالشهر مع التدريب لتشكيل جسم رياضي بيكون شيء جيد ......انت ايش رايك؟

شكرا

^NoOOoR^
29-07-2011, 10:33 AM
من 7/7 ليوم أمس 28/7 / نزلت 5 كيلو

يقولون لي اشوي لان البعض ينزل بــ 8 و 9 كيلو

مشكلتي أني ما أكل أغلب الوجبات اللي في البرنامج , و أتم على السلطة و قطعة السمك :(

و أمس عطاني الأخصائي عماد برنامج شهر رمضان ..

ان شاء الله أقدر أستمر على البرنامج الرمضاني

وصراحة صج يبي له صبر و قوة إرادة ..

TEAMspirit
29-07-2011, 10:53 AM
ممتاز بنات وشباب ممتاز لا للسمنه ، طبعا انا نظامي مع دايت كافيه من بداية شهر ٧ وبتاريخ ١٤ سبعه رحت للموعد المحدد قبل الموعد كان الوزن ٧٨.٤ طبعا الطول ١٧٣ ونسبه الدهون ٢٣ في الموعد الوزن ٧٧ والدهون ٢١ طبعا الاكل الي يطرشونه بالنسبه لي وجبه دسمه بنظري لانه خلال شهر ثلاثه واربعه وخمسه وسته كنت مسوي رجيم قاسي المعرف بدون سكر والخبز والعيش والحليب و مع رياضه خمس ايام في الاسبوع بس مع الاشتراك في دايت كافيه اشتركت لاسباب تحسين التغذيه لجسمي قالت الدكتوره ان نزولي في الوزن من شهر ثلاثه وحتى شهر سته كان سريع اربعه اشهر والنزول ٢٦ كيلو من ١٠٤ ولين ٧٨ كيلو خافت علي يكون فيني شي وضحت لها ان الرياضه كانت قاسيه تتضمن الجري لمسافات فوق ٥ كيلو ولمده خمس ايام في الاسبوع والرجيم الي متبعه بعد قالت يمكن يكون نظام الاحتراق اخترب عندي واحتمال ما اتزل في الوزن اكثر من هالشكل ولكن بعد الاكل مالهم الي كان بالنسبه لي وجبه شهيه والرياضه كانت يوم ايه ويوم لا . بعد نزل وزني الحمدلله وانا حاليا شخص ثاني بحمدالله و فضله وقاعد انزل بعد في الوزن لانه حاليا الوزن ٧٥ كيلو و ابغي كمن كيلو ضمان ضد النزوات الهستيريه للاكل ، والرياضه باذن الله مازلت مستمر فيها يوم وترك والاكل من عندهم بغرض تثبيت الوزن ، واحتمال اجدد معاه في رمضان شي حلو الاكل موزون على ١٨٠٠ سعره حراريه واحرق في الصاله ٧١٨ سعره حراريه والانسان محتاج لمعدل ٢٠٠٠ سعره حراريه ، بس في مازال مخرب في الموضوع ( الاير باج ) الي هو الكرش مازاااال مستعصي علي مادري اشق بطني واطلعه نفس السلكون . لكن الحمدلله على كل حال ، للعلم فقط الي يشوفني من ربعي حاليا ينصحني امتن شوي ههههه .

khaldoon
29-07-2011, 05:01 PM
ممتاز بنات وشباب ممتاز لا للسمنه ، طبعا انا نظامي مع دايت كافيه من بداية شهر ٧ وبتاريخ ١٤ سبعه رحت للموعد المحدد قبل الموعد كان الوزن ٧٨.٤ طبعا الطول ١٧٣ ونسبه الدهون ٢٣ في الموعد الوزن ٧٧ والدهون ٢١ طبعا الاكل الي يطرشونه بالنسبه لي وجبه دسمه بنظري لانه خلال شهر ثلاثه واربعه وخمسه وسته كنت مسوي رجيم قاسي المعرف بدون سكر والخبز والعيش والحليب و مع رياضه خمس ايام في الاسبوع بس مع الاشتراك في دايت كافيه اشتركت لاسباب تحسين التغذيه لجسمي قالت الدكتوره ان نزولي في الوزن من شهر ثلاثه وحتى شهر سته كان سريع اربعه اشهر والنزول ٢٦ كيلو من ١٠٤ ولين ٧٨ كيلو خافت علي يكون فيني شي وضحت لها ان الرياضه كانت قاسيه تتضمن الجري لمسافات فوق ٥ كيلو ولمده خمس ايام في الاسبوع والرجيم الي متبعه بعد قالت يمكن يكون نظام الاحتراق اخترب عندي واحتمال ما اتزل في الوزن اكثر من هالشكل ولكن بعد الاكل مالهم الي كان بالنسبه لي وجبه شهيه والرياضه كانت يوم ايه ويوم لا . بعد نزل وزني الحمدلله وانا حاليا شخص ثاني بحمدالله و فضله وقاعد انزل بعد في الوزن لانه حاليا الوزن ٧٥ كيلو و ابغي كمن كيلو ضمان ضد النزوات الهستيريه للاكل ، والرياضه باذن الله مازلت مستمر فيها يوم وترك والاكل من عندهم بغرض تثبيت الوزن ، واحتمال اجدد معاه في رمضان شي حلو الاكل موزون على ١٨٠٠ سعره حراريه واحرق في الصاله ٧١٨ سعره حراريه والانسان محتاج لمعدل ٢٠٠٠ سعره حراريه ، بس في مازال مخرب في الموضوع ( الاير باج ) الي هو الكرش مازاااال مستعصي علي مادري اشق بطني واطلعه نفس السلكون . لكن الحمدلله على كل حال ، للعلم فقط الي يشوفني من ربعي حاليا ينصحني امتن شوي ههههه .

رغم النزول الكبير و الجري خمس ايام في الاسبوع و لسه عندك كرش؟...شي غريب الصراحه ....وزنك الحين مناسب جدا لطولك ليش لسه في كرش؟:rolleyes2:

العضو العتيج
30-07-2011, 12:03 AM
هلا أخوي العضو العتيج .. أقصد أول 3 أيام صعبين لأن الجسم للحين ما تعود على الدايت

قالي الدكتور بتحسين بخمول وتعب وصح هالكلام أحس بصداع وقالي بعد لا تخربين

هالأيام وتقولين باكل شوية عيش أو خبز ... إلخ

برنامجي مدته 10 أيام لين تاريخ 8/8/2011م ....

أقوله يا دكتور بيدخل علينا رمضان وماجبت طاري

الثريد والهريس في البرنامج خخخخ وعدني بعد 10 أيام بيكون

البرنامج الثاني فيه أكلاتنا الرمضانية



اي تصبري صدقيني تتعوديني وبعدين يصير عادي...
ولاتستعيلين على الرمضانيات يايتج ان شالله
وان شالله نسمع النتايج الطيبة


اخوي العزيز العضو العتيج انا مثل ما قلت لك قبل ماشي على البرنامج لهذا المركز

الحين دخلت نادي رياضي من اجل تخفيف الوزن و حطيت مدرب

المدرب قالي اشرب كل يوم عصير برتقال طازج قبل التدريب و بالليل لازم تاكل عنب اخضر...هل هذا الشي مضر بالدايت؟

صراحه اخاف انه كل يوم يزود في اكلي عن هذا البرنامج وهو يشوف اني لو نزلت 3 كيلو بالشهر مع التدريب لتشكيل جسم رياضي بيكون شيء جيد ......انت ايش رايك؟

شكرا


ياهلا فيك اخوي خلدون...
والله حسب علمي ان عصير البرتقال والعنب من الممنوعات في بعض اوقات الرجيم...ولكن بشكل عام وحسب اعتقادي انها ماتعتبر تخريب للنظام بشكل كبير...ولكن وبما انك تمارس جهد رياضي ربما يكون هذا الجهد في حاجه لسعرات حراريه اكبر والحل الامثل انك توضح للدكتور نوع المجهود الي تقوم به عشان يقدر ينسق لك او يسمح لك بالمشي على نظام المدرب او زيادة السعرات...وشكرا لك



من 7/7 ليوم أمس 28/7 / نزلت 5 كيلو

يقولون لي اشوي لان البعض ينزل بــ 8 و 9 كيلو

مشكلتي أني ما أكل أغلب الوجبات اللي في البرنامج , و أتم على السلطة و قطعة السمك

و أمس عطاني الأخصائي عماد برنامج شهر رمضان ..

ان شاء الله أقدر أستمر على البرنامج الرمضاني

وصراحة صج يبي له صبر و قوة إرادة ..


بالعكس اختي نور..
لاتستهينين في النزول مهمى كان..
خصوصا ان يختلف النزول حسب مراحل الدايت وحسب استجابة الجسم
واهم شي هو عدم الزيادة واي نقصان يعتبر انجاز
لذلك لاتحبطين نفسج ولاتقارنين او تاخذين بالكلام خصوصا ان الامر نسبي يعني الانسان اللي عندة زيادة كبيره بتشوفين النزول كبير
عكس الي زيادته بسيطه
يعني الموضوع نسبة وتناسب مافي شي مطلق لذلك انتي شوفي وزنك والزيادة الي عندج وبتعرفين اذا مناسب او لا
بالتوفيق


ممتاز بنات وشباب ممتاز لا للسمنه ، طبعا انا نظامي مع دايت كافيه من بداية شهر ٧ وبتاريخ ١٤ سبعه رحت للموعد المحدد قبل الموعد كان الوزن ٧٨.٤ طبعا الطول ١٧٣ ونسبه الدهون ٢٣ في الموعد الوزن ٧٧ والدهون ٢١ طبعا الاكل الي يطرشونه بالنسبه لي وجبه دسمه بنظري لانه خلال شهر ثلاثه واربعه وخمسه وسته كنت مسوي رجيم قاسي المعرف بدون سكر والخبز والعيش والحليب و مع رياضه خمس ايام في الاسبوع بس مع الاشتراك في دايت كافيه اشتركت لاسباب تحسين التغذيه لجسمي قالت الدكتوره ان نزولي في الوزن من شهر ثلاثه وحتى شهر سته كان سريع اربعه اشهر والنزول ٢٦ كيلو من ١٠٤ ولين ٧٨ كيلو خافت علي يكون فيني شي وضحت لها ان الرياضه كانت قاسيه تتضمن الجري لمسافات فوق ٥ كيلو ولمده خمس ايام في الاسبوع والرجيم الي متبعه بعد قالت يمكن يكون نظام الاحتراق اخترب عندي واحتمال ما اتزل في الوزن اكثر من هالشكل ولكن بعد الاكل مالهم الي كان بالنسبه لي وجبه شهيه والرياضه كانت يوم ايه ويوم لا . بعد نزل وزني الحمدلله وانا حاليا شخص ثاني بحمدالله و فضله وقاعد انزل بعد في الوزن لانه حاليا الوزن ٧٥ كيلو و ابغي كمن كيلو ضمان ضد النزوات الهستيريه للاكل ، والرياضه باذن الله مازلت مستمر فيها يوم وترك والاكل من عندهم بغرض تثبيت الوزن ، واحتمال اجدد معاه في رمضان شي حلو الاكل موزون على ١٨٠٠ سعره حراريه واحرق في الصاله ٧١٨ سعره حراريه والانسان محتاج لمعدل ٢٠٠٠ سعره حراريه ، بس في مازال مخرب في الموضوع ( الاير باج ) الي هو الكرش مازاااال مستعصي علي مادري اشق بطني واطلعه نفس السلكون . لكن الحمدلله على كل حال ، للعلم فقط الي يشوفني من ربعي حاليا ينصحني امتن شوي ههههه .


تستاهل اخوي وانت ماشي على الطريج الصح..
ولاتحاتي بخصوص الكرش وهذي مشكله الصراحة لان في مناطق من الجسم صعب ازالتها..
ولكن على كل حال شي افضل من لاشي وهذي ضريبة للسمنة (وتربيه الكروش)
لكن ان شالله تروح بالصحه والعافيه
بالتوفيق

شكرا للجميع.......
شعارنا:مستمرييييييين

TEAMspirit
30-07-2011, 12:36 AM
رغم النزول الكبير و الجري خمس ايام في الاسبوع و لسه عندك كرش؟...شي غريب الصراحه ....وزنك الحين مناسب جدا لطولك ليش لسه في كرش؟:rolleyes2:

مب كرش بمعنى كرش يعني شحوم متبقيه فقط في هذي المنطقه ( كريشه ) اعتقد الكرش الي عندي ضاربته الشمس يابس مب راضي يلين .

منيرة الطواش
30-07-2011, 02:34 AM
متابعة معاكم

مهندسة الغد
30-07-2011, 03:53 AM
مرحبا
ابشركم اشتريت جهاز الاوربتراك وصار لي يومين عليه احسه :nice:
اخوي العضو العتيج حابه اشكرك لان موضوعك هو اللي شجعني اشترك بنيوترشن
وان شالله لاضعفت بيكون الفضل لله ثم انت

اخوي TEAMspirit ماشالله عليك وعقبالي انا وباقي الاعضاء:weeping:
بس معليش تقولنا شنو النظام اللي مشيت عليه قبل

وخلونا مستمرين فهالموضوع الحلو عشان نشجع بعض:victory:

meeemz
30-07-2011, 06:13 AM
عصير البرتقال مسموح نص كاس يعني كوب بس في حالات الدوخه
والعنب دايما يمنعونا عنه في الرجيمات لانه فيه سكر، والبرتقاله الوحده فيها ملعقتين كبار سكر بس مادري يمكن سكرها صحي بس سمعت انها من الاشياء اللي ترفع السكر في الجسم بسرعه

khaldoon
30-07-2011, 09:58 AM
عصير البرتقال مسموح نص كاس يعني كوب بس في حالات الدوخه
والعنب دايما يمنعونا عنه في الرجيمات لانه فيه سكر، والبرتقاله الوحده فيها ملعقتين كبار سكر بس مادري يمكن سكرها صحي بس سمعت انها من الاشياء اللي ترفع السكر في الجسم بسرعه

:eek5::eek5::eek5:

TEAMspirit
01-08-2011, 04:15 PM
مرحبا
ابشركم اشتريت جهاز الاوربتراك وصار لي يومين عليه احسه :nice:
اخوي العضو العتيج حابه اشكرك لان موضوعك هو اللي شجعني اشترك بنيوترشن
وان شالله لاضعفت بيكون الفضل لله ثم انت

اخوي teamspirit ماشالله عليك وعقبالي انا وباقي الاعضاء:weeping:
بس معليش تقولنا شنو النظام اللي مشيت عليه قبل

وخلونا مستمرين فهالموضوع الحلو عشان نشجع بعض:victory:

اسف عى التاخير في الرد .. النظام كان نظام قاسي لان الاراده كانت قويه والمشروع كنت مسميه مشروع إنسان ، نظامي كان بكل بساطه تنزيل 2 كيلو بالاسبوع بطريقه صعبه شوي ماكنت اكل العيش نهائياً ولا منتجات الطحين ولا منتجات الحليب كافه ولا الامتناع عن السكر باختصار + ممارسه الرياضه لمده ساعه يومياً . منها نصف ساعه على الدراجه ونصف ساعه مشي سريع .
والفطور بيضتين مسلوقين وخياره ونسكافيه وبين الفطور والغدا برتقاله اكلها في الدوام والغدا سلطه وصدر ديايه مسلوق او مشوي والعشا شوربه دياي او خضره او اي شي اهم شي شوربه . نسيت اقول اكل حبه فيتامينات متعدده بعد الفطور . هذي عينه من النظام الي مشيت عليه .

khaldoon
01-08-2011, 04:39 PM
عصير البرتقال مسموح نص كاس يعني كوب بس في حالات الدوخه
والعنب دايما يمنعونا عنه في الرجيمات لانه فيه سكر، والبرتقاله الوحده فيها ملعقتين كبار سكر بس مادري يمكن سكرها صحي بس سمعت انها من الاشياء اللي ترفع السكر في الجسم بسرعه


وقفت اكل العنب و استبدلته بتفاح اخضر

عصير البرتقال لا بأس به لانه قبل التمرين على طول

راعي الجي
02-08-2011, 10:32 AM
مشكور اخوي على الموضوع المفيد .. بالنسبة لي حبيت اقولكم عن تجربتي مع بيرفكت ويت .. سجلت اشتراكي في 27/12 لغاية ست شهور والمبلغ تقريبا 1800 ريال مع الدكتور عماد وبصراحه ممتاز جدا هالدكتور .. عموما نزلت خلال هالمدة 27 كيلو ( امسكوا الخشب ) وقولوا ماشاء الله .. والدكتور عطاني عقبها برنامج تثبيت الوزن لكن بصراحه مب ماشي عليه لان عقب نزولي هذا اعتبرت نفسي اني انا طبيب نفسي واللي ساهم في هالنزول االاراده والالتزام والمواظبة على الرياضة وبطعا هذا الوزن مش هو الوزن المثالي اللي وصلت له لكن بالنسبة لي مناسب لشكلي وعاجبني لان احيانا النزول الزايد ياثر حتى على المظهر العام حسب الاشخاص طبعا

عندهم منتجات ممتازه مثل كريم قبل المشي والـ سليمينغ سوت اللي ينلبس مع المشي عجيب وماله حل وايضا انواع الشاي والقهوة بعد ممتاز عندهم واللي يحبون الكافي بعد النوع اللي يبيعون طيب

وحاليا ماشي على نظام قريب من نظام المركز وهو الاكل الخفيف والابتعاد عن الدهون والسكريات والسوائل الغازية وحتى الكرك ما اشربه الا في الاسبوع مرة مع اني قبل كنت مدمن كرك وابتعدت عن البيبسي ويمكن في الشهر مرة اشربه

وجباتي الحاليه الريوق : سندويتش صدر حبش مع روتي توست واذا يعت اكل تفاح ولا اناناس وفي الغدا صدر دجاج ولا قطعة لحم مشوية وروب بالخيار او سلطه ولا سمج مشوي والعشا سلطه من صب وي ولا بيض مسلوق ولا سندويتش بيض مسلوق وانصحكم تشربون على الريج ماي دافي مع ليمون وكمون لانه مفعوله عجيب
لكن الاهم الادراه والالتزام والرياضه على الاقل 45 دقيقه يوميا مشي ولو كان ممكن توصلونها ساعه فمايمنع والاكثار من شرب الماي

بس عندي استفسار للاخ صاحب الموضوع : بالنسبة للمزيان اللي اشوفه انه لما اوزن في البيت واوزن عند الدكتور الفرق كيلو ونص تقريبا بمعنى ان وزني عند الدكتور يكون اقل بيكلو ونص من وزني في البيت فهل مر عليك هالاختلاف وشالاسباب ؟

سحابة عابرة
03-08-2011, 01:23 AM
أنا بعد لاحظت الفرق في الوزن بس اعتقد السبب اختلاف الميزان لان عادة الوزن يختلف من ميزان للثاني

العضو العتيج
03-08-2011, 01:55 PM
السلام عليكم/مبارك عليكم الشهر
اعتذر عن التأخير لتغير الاوقات .....

طبعا اخر وزن مثل ماشفتو كان بعد توقف عن الدايت اسبوع..وكانت الزيادة بسيطة
ومثل ماقلت لكم ان الدكتور قالي امشي على نظام اول اسبوع..لمدة اسبوع وبعدين اراجعه..
ولكن....<<<السالفة فيها لكن

مشيت على النظام مع لخبطة شوي كان هالاسبوع عندي امتحانات وانتوا تعرفون اجواء الامتحانات الرائعه..وصار رمضان قريب يعني في لخبطة
وراجعت العيادة بتاريخ 8/1
ونشوف النتيجة....
http://www.iraqup.com/up/20110803/QA0wx-4Xp7_520567727.jpg (http://www.iraqup.com/)

الزيادة في الوزن الاجمالي كانت(300 غرام)
سبب الزيادة "الماء"العضل"
لكن الدهون وهي الاهم فيها نزول بسيط...
الدهون كانت 39.1 والحين 38.4 "نزول بسيط"
الماء في الجسم كان.."44.1 والحين 44.9
العضل كان" 34.1 الحين 34.6
يعني نقدر نقول هالاسبوع ماكان فيه اي انجاز ولا زيادة معتبره
والحين انا ماشي على نظام خاص برمضان وماشي عليه باذن الله بالتزام
تمنياتي لكم بالتوفيق واتمنى من الاخوان اللي مشتركين بالدايت يشاركونا نتايجهم
وراح ارد على مداخلاتكم قريبا ان شالله

تحياتي

نجدي قطري
03-08-2011, 01:58 PM
السلام عليكم/مبارك عليكم الشهر
اعتذر عن التأخير لتغير الاوقات .....

طبعا اخر وزن مثل ماشفتو كان بعد توقف عن الدايت اسبوع..وكانت الزيادة بسيطة
ومثل ماقلت لكم ان الدكتور قالي امشي على نظام اول اسبوع..لمدة اسبوع وبعدين اراجعه..
ولكن....<<<السالفة فيها لكن

مشيت على النظام مع لخبطة شوي كان هالاسبوع عندي امتحانات وانتوا تعرفون اجواء الامتحانات الرائعه..وصار رمضان قريب يعني في لخبطة
وراجعت العيادة بتاريخ 8/1
ونشوف النتيجة....
http://www.iraqup.com/up/20110803/qa0wx-4xp7_520567727.jpg (http://www.iraqup.com/)

الزيادة في الوزن الاجمالي كانت(300 غرام)
سبب الزيادة "الماء"العضل"
لكن الدهون وهي الاهم فيها نزول بسيط...
الدهون كانت 39.1 والحين 38.4 "نزول بسيط"
الماء في الجسم كان.."44.1 والحين 44.9
العضل كان" 34.1 الحين 34.6
يعني نقدر نقول هالاسبوع ماكان فيه اي انجاز ولا زيادة معتبره
والحين انا ماشي على نظام خاص برمضان وماشي عليه باذن الله بالتزام
تمنياتي لكم بالتوفيق واتمنى من الاخوان اللي مشتركين بالدايت يشاركونا نتايجهم
وراح ارد على مداخلاتكم قريبا ان شالله

تحياتي

أخوي هو اشلون يقيس هالنسب في جسمك؟

العضو العتيج
03-08-2011, 02:03 PM
يقيسها بالجهاز اللي عندة..ودقة الجهاز تقدر تقول 75 الى 80 في المئة حسب كلامة...لكن حتى لو كانت غير دقيقة تعطيك تصور عن التغيرات من فترة الى فترة

تحداني
03-08-2011, 04:24 PM
:)
:)

الله ينجحك يارب في الامتحانات ويعطيك الصحه والعافيه
وتوصل للوزن الي تتمناه .. هالايام راح اتمون عندنا معلومات
مافي مانه يا جيرانه اتجونه وتقرون عندنا بعضها ترى بتستانسون

مو قصدي شي والله .. بس القصد اننا في خط واحد
وواجب الجار على الجار زيارته



جملكم الله برضاه

deema117
03-08-2011, 05:09 PM
العضو العتيج .. الحمدلله أن الزيادة كانت طفيفة بالرغم من الأسباب اللي ذكرتها

:):)

الصراحة رمضان يبيله إرادة مضاعفة

موفق وفالك الوزن المثالي إن شاء الله

:)

مهندسة الغد
08-08-2011, 05:42 AM
السلام عليكم شخباركم
ويين غاطين مع رمضان :) ,ليكون خربتوا الرجيم @ _ @
حبيت ابشركم اليوم رحت الموعد مع بيرفكت ويت ونقصت كيلوين ونص , واليوم صار لي شهر بالضبط معاهم ونقصت المجموع كااامل 9 كيلو :)
وغير لي الدكتور النظام حطلي ملعقتين رز وشوربات وحبتين سمبوسة او فطاير وسلطات عالفطور وحبة تمر
ووجبة خفيفة بين الفطور والسحور فاكهه او لبن مع كافي
والسحور حمص او فول اولبنه او جبن مع بريد وسلطة وتمر وعصير المركز
الله يسهل ان شالله
يالله بشرونا عنكم

العضو العتيج
08-08-2011, 05:53 AM
مبروك على النزول اختي تستاهلين وان شالله ماتضعف الارادة في رمضان
والنسبه لي ماخربت بالعكس احس في رمضان ملتزم اكثر واكل اقل
يالله بالتوفيق للجميع

deema117
08-08-2011, 03:20 PM
:nice:

اليوم موعدي مع الدكتور حسن الحمدلله نزلت 3 كيلو :victory:

والمفروض أني أنزل على الأقل 5 كيلو بس الصراحة مالتزمت فالأخير قمت أخرب

لكن النتيجة مُرضية بالنسبة لي

وغيّر لي الريجيم ما شاء الله خيراااااات أشكثر أكل بس قالي أهم شيء مشي ساعة كل يوم

وموعدنا القادم

21/8/2011م

:)

khaldoon
08-08-2011, 05:23 PM
:nice:

اليوم موعدي مع الدكتور حسن الحمدلله نزلت 3 كيلو :victory:

والمفروض أني أنزل على الأقل 5 كيلو بس الصراحة مالتزمت فالأخير قمت أخرب

لكن النتيجة مُرضية بالنسبة لي

وغيّر لي الريجيم ما شاء الله خيراااااات أشكثر أكل بس قالي أهم شيء مشي ساعة كل يوم

وموعدنا القادم

21/8/2011م

:)

الصراحه هالمركز ما اعجبني البعد الكبير في مواعيده ...يعني شوفي موعدج كان اليوم 08/08 و الموعد الثاني 21/08 يعني بعد 13 يوم و المبلغ المدفوع هو 750 بالشهرين....يعني هالمبلغ يغطي كم زيارة؟!!

deema117
08-08-2011, 07:13 PM
معاك حق أخوي خلدون وكان بعد بعطيني أبعد من هالموعد يقول الدوام فرمضان قصير

وضغط في المواعيد بس آنا ما رضيت قلت له أكثر من 10 أيام ببدا أمل وأخرب الريجيم !!!

العضو العتيج
08-08-2011, 08:16 PM
مبروك اختي ديما على النزور...وبالعكس انا اشوفة مناسب
استمري ومايهمك حتى لو خربتي...

deema117
09-08-2011, 12:38 AM
الله يبارك فيك أخوي العضو العتيج :):)


ومشكور على التشجيع :victory:

مهندسة الغد
10-08-2011, 05:49 AM
الله يبارك فيك اخوي >العضو العتيج<
وعقبال مانوصل للوزن المثالي:) ..وان شالله تزيد الاراده:nice:

وحبيت ابارك لاختي ديما عالنزول:victory:

العضو العتيج
11-08-2011, 01:39 PM
السلام عليكم....
بشروا ياجماعة ان شالله محد خفت عزومة

المهم..عندي سؤال
في مكان عندة نفس الميزان الي يستخدمة المركز؟
لغرض الوزن فقط وليس للشراء...صيدلية مثلا...

وشكرا

deema117
11-08-2011, 04:12 PM
وحبيت ابارك لاختي ديما عالنزول:victory:

تسلمين يالغالية :nice:

شدي حيلج وإن شاء الله تبشرينا بنزول أكبر المرة الجاية :victory:

TEAMspirit
11-08-2011, 07:32 PM
البرنامج مازال مستمر بالنسبه لي والجري مستمر قمت اركض لمسافه تسعه ونص كيلو لمده ساعه حاط السرعه مالت الجهاز حق الجري على سرعه كيلو في الساعه اركض كيلو على سرعه ٩ والكيلو الي عقبه على ٩،٥ يعني عشان اغير بدقات القلب عشان احرق دهون المنطقه الوسطى وما اكون احرق سعرات حراريه الوزن وصل ٧٤ والناس تنصحني بالتوقف عن انزال الوزن وانا مطنش لهم مادام الصحه متوفره قياسات ملابسي تغيرت صرت البس ميديم بدل اكس اكس لارج صار التبضع للملابس الرياضيه متعه مجمل النزول من تاريخ ٧/٣/٢٠١١ ثلاثين كيلو والحمدلله لا اله الا الله طبعا مازلت مع دايت كافيه حتي نهاية رمضان لغرض تثبين الوزن لكن الرياضه مستمره والهدف عشره كيلو جري في الساعه في حال رفع السرعه الي عشره كيلو في الساعه الجري صار مصخره يالربع والله العظيم عقب ما كنت افكر اني اجري واعتبره شي من ايام المراهقه . حاليات الوزن يرمش على 73 كيلو والكرش الصغنون مالي مازال الدكتوره تقول بعض الناس تتاخر عندهم بعض الاماكن وانا صرت هيكل عظمي ( وانا مبسوط) علر هالحال لو شفتوني قبل شلون . بس سر الخلطه تخفيف في الاكل والابتعاد عن المشروبات الي فيها سكر مثل الكرك والشاي السلماني وانواع القهوه ( الكابتشينو وخلافه ) استبدالهم بالشاي الاخضر بدون سكر او النسكافيه بدون سكر وحليب الحرق في الدهون يصير سريع جدا مع رياضه يوميا لمده خمسه ايام لمده ساعه والله راح تصيرون رشيقين بدرجه كل ما احصل حد في الدوام او الشارع او الجمعيه لازم يسالني عن حالتي وصحتي يتوقع اني مريض او اعاني من السكر . وسلامتكم .

(حوريه)
11-08-2011, 07:38 PM
كم تكلفه الرجيم عن طريق المراكز هذه؟

khaldoon
12-08-2011, 02:32 AM
كم تكلفه الرجيم عن طريق المراكز هذه؟

اول شهرين 750 ريال و الشهرين اللي بعدهم 300 ريال يعني بتطلع اول 4 شهور ب 1050 ريال حسب ما اذكر

شسالفة...؟
12-08-2011, 04:48 AM
اسمحولي ادش وياكم بالسالفة لأنكم جزاكم الله خير شجعتوني بنتايجكم المبهره فقررت أني اقول للسمنة الوداع :)

اليوم رحت واخذت موعد عند الأخصائي محمود لان حسن ماشاء الله عنده زحمة مواعيد واول موعد لي يوم السبت الصباح وبإذن الله نبتدئ حياة جديدة


وحبيت اقولكم انهم مسوين عرض في رمضان :

٤ شهور ٧٥٠ ريال
سنة ١٧٥٠ ريال



وادعوا لأخوكم انه يرمي هالشحوم اللي بدأت تأثر على صحته

مهندسة الغد
12-08-2011, 10:50 AM
اسمحولي ادش وياكم بالسالفة لأنكم جزاكم الله خير شجعتوني بنتايجكم المبهره فقررت أني اقول للسمنة الوداع :)

اليوم رحت واخذت موعد عند الأخصائي محمود لان حسن ماشاء الله عنده زحمة مواعيد واول موعد لي يوم السبت الصباح وبإذن الله نبتدئ حياة جديدة


وحبيت اقولكم انهم مسوين عرض في رمضان :

٤ شهور ٧٥٠ ريال
سنة ١٧٥٠ ريال



وادعوا لأخوكم انه يرمي هالشحوم اللي بدأت تأثر على صحته

هلا .. حياك الله معانا وان شالله تشجيعنا لك يكون دافع قوي لك بالرجيم والاستمرار بعد الرجيم

وعقبال ماتبشرنا بنتايج:nice: وتودع حياة السمنة ع قولتك:victory:

مهندسة الغد
12-08-2011, 10:59 AM
اختي deema117
الله يسلمك ..
والله يسمع منك ان شالله .. من بؤك لباب السما ع قولتهم:)
وعقبال الجميع ان شاللله..

اخوي TEAMspirit
ماشالله عليك .. الصراحة سرعة الجري احسها تتعب:rolleyes2: الله يقويك ان شالله
وتزيد ارادتك..
والمجموع كاامل حلو 30 كيلو.. خلاص كم تبي تنقص بعد؟؟ اذا تقول كلهم يسالونك اذا فيك سكر او شي معناته انك ضعفت زيااده ثبت وزنك ومايحتاج تنقص بعد..
هذا رايي وانت ادرى ..الله يوفقك..

TEAMspirit
12-08-2011, 01:52 PM
اخوي teamspirit
ماشالله عليك .. الصراحة سرعة الجري احسها تتعب:rolleyes2: الله يقويك ان شالله
وتزيد ارادتك..
والمجموع كاامل حلو 30 كيلو.. خلاص كم تبي تنقص بعد؟؟ اذا تقول كلهم يسالونك اذا فيك سكر او شي معناته انك ضعفت زيااده ثبت وزنك ومايحتاج تنقص بعد..
هذا رايي وانت ادرى ..الله يوفقك..

الحمدلله من ناحية التعب لايوجد تعب لان النتيجه هذي جت تدريجيا الوقت ساعه والسرعه تتغير بدينا بالمشي اول شي وكل شهر ارفع السرعه نص كيلو وهكذا دواليك ماحسيت بالتعب ، اما عن اني ضعيف زياده فففعلا ضعفت بالنسبه عن الي ما شافوني من شهر مارس بس فعلا وزني حاليا قريب من المثالي او مثالي بس عندي شغل تشطيب بعض المناطق المتراكم فيها بعض الدهون خصوصا البطن .

العضو العتيج
12-08-2011, 02:30 PM
TEAMspirit

مشاء الله عليك ... انت مثالنا وقدوتنا

احنا مقلدين لك ياشيخ الطريقة "التيمسبرتيه"

TEAMspirit
12-08-2011, 03:12 PM
TEAMspirit

مشاء الله عليك ... انت مثالنا وقدوتنا

احنا مقلدين لك ياشيخ الطريقة "التيمسبرتيه"

والله يوفقك يالغالي عقبالك انت ماشي على الطريقه الصحيحه تنزيل الوزن بطريقه صحيه مب مثلي كنت مصرقع تنزيل وزن والله ستر علي والحمدلله :victory: الجري كان اهو معاي من بدايه البرنامج وهو العامل المشترك ولا تمارين حديد ولا شي ولا حتى جهاز السيكل الي استخدمته شهر فقط في البدايه الجري هو الي نزل وزني بسرعه مع الرجيم في الاكل .

بو نايف
12-08-2011, 05:22 PM
بالتوووفيق للجميع

وانا تشجعت اني اروح نيوترشن

نجدي قطري
12-08-2011, 06:36 PM
الحمدلله من ناحية التعب لايوجد تعب لان النتيجه هذي جت تدريجيا الوقت ساعه والسرعه تتغير بدينا بالمشي اول شي وكل شهر ارفع السرعه نص كيلو وهكذا دواليك ماحسيت بالتعب ، اما عن اني ضعيف زياده فففعلا ضعفت بالنسبه عن الي ما شافوني من شهر مارس بس فعلا وزني حاليا قريب من المثالي او مثالي بس عندي شغل تشطيب بعض المناطق المتراكم فيها بعض الدهون خصوصا البطن .

بالمبارك أخوي عليك هالنزول.
آنا تقريبًا من نفس حالتك في الوزن ونازل حول العشرين كيلو، أتمنّى أنزل بعد عشر أو أكثر.
إن شاء الله هذا أنا أجري نص ساعة يوميًّا، على جدول رمضان، وإن شاء الله نرجع على الجدول العادي بعد رمضان.

TEAMspirit
12-08-2011, 06:49 PM
بالمبارك أخوي عليك هالنزول.
آنا تقريبًا من نفس حالتك في الوزن ونازل حول العشرين كيلو، أتمنّى أنزل بعد عشر أو أكثر.
إن شاء الله هذا أنا أجري نص ساعة يوميًّا، على جدول رمضان، وإن شاء الله نرجع على الجدول العادي بعد رمضان.

الله يبارك فيك خلاص ما دام نزلت عشرين انت متأقلم على الوضع وفاهم كل شي تمام بس عقب رمضان حاول تزيد الوقت لمده ساعه وامورك طيبه خلال شهر 4-6 كيلو . واذا تبي اسرع زيد بعدد نبضات القلب وريح زيد وريح / وهكذا يعني سبرينت ومشي سريع سبرينت ومشي سريع هذي الطريقه تحرق الدهون .

مهندسة الغد
13-08-2011, 09:24 AM
الحمدلله من ناحية التعب لايوجد تعب لان النتيجه هذي جت تدريجيا الوقت ساعه والسرعه تتغير بدينا بالمشي اول شي وكل شهر ارفع السرعه نص كيلو وهكذا دواليك ماحسيت بالتعب ، اما عن اني ضعيف زياده فففعلا ضعفت بالنسبه عن الي ما شافوني من شهر مارس بس فعلا وزني حاليا قريب من المثالي او مثالي بس عندي شغل تشطيب بعض المناطق المتراكم فيها بعض الدهون خصوصا البطن .

الحمدلله اهم شي مابه تعب..امم اما عن تشطيب بعض المناطق امكن يبيلها تمارين معينه مثل تمارين البطن .. مادري والله شوف اذا مع الوقت مانفع معها الجري جرب تمارين معينة لكل منطقة تحاتجها..والله يوفقك ويوفقنا.. ويضعفنا كثر ماضعفت:) :weeping:

بو نايف
13-08-2011, 01:50 PM
من افضل دكتور في هالمركز

حقيقه
13-08-2011, 02:41 PM
مافيه شيء يحرق الدهون بسرعه

غير الرياضه ؟
انا زاد وزني في ارمضان كيلو وخايفه يرتفع اكثر وصعب انزله
مع اني ماشيه على نظام جيد
لكن الماي قطعته مافيه وقت اشرب ماي
يمكن في اليوم بس اشرب كوب واحد

ورياضه مافيه بعد بسبب ارمضان مافيه وقت
ولاحظت انه سبب الزياده شرب العصير خلال الاكل :(
والحين قطعت العصير

doha70999
01-09-2011, 02:47 AM
شسم المركز؟

khaldoon
01-09-2011, 10:17 PM
شسم المركز؟


اسم المركز perfect weight
44504100

مركز نيوتروشن

بوالبيض
02-09-2011, 05:48 AM
الله يوفقك اخوي وان شاء الله تنزل 40 كيلو باذن الله :)

الكولونيل
02-09-2011, 06:05 AM
صراحة أنا من فترة أبي أروح لهم بس على طول أأجل الموضوع

العساس
02-09-2011, 09:54 AM
سجلوني معاكم العساس
الطول ١٧٧ الوزن السابق ١١٤
الوزن الحالي ٩٥

الفتره من ٦ شهور

اكل الي ابيه بس مع مشي وصراخ ع اليهال
يومياً

لأني اتبع نصيحة شخص

الوزن الي ينزل بسرعه يرجع بسرعه

الوزن الي تفقده بصعوبه يرجع بصعوبه

ودعواتكم لنا بالتوفيق

بو نايف
02-09-2011, 10:51 AM
الطول ١٨٢
الوزن ١٠٠،٤ في يوم ١٥ رمضان

ابتديت الرجيم


الان ٩٤



ومازال الطريق طويلاً





والله يصبرنا واياكم

العطار قطر
03-09-2011, 12:18 AM
هههه ماشاء الله عليك
الله ينحفنا أكثر يارب

تحداني
03-09-2011, 06:08 AM
صراحة أنا من فترة أبي أروح لهم بس على طول أأجل الموضوع


اسمع كلامي يا اخوي وان شاء الله راح تضعف بالوزن الي تتمناه
ابتعد عن الحلويات
عن الدهون والمقالي
عن الفاست فود
عن الاكثار من الفواكه

دائما ضع مقدار معين من الطعام امامك
تعلم ان تتناول نصف صدر دجاج مشوي
او لحم مشوي بدون شحم
او سمك مشوي

السلطه وجبه اساسيه بدون زيت .. وبدون اي اضافات مثل المايونيز
اقتصر الامر على الملح القليل الخل الفلفل الاسود الاورجانو ولا مانع من دبس الرمان اذا تحبه



العشى خليه بيض او سلطه تونه او مافي مانع
لبنه قليله الدسم مع اشويه زعتر


الرياضه هو السحر الي عجز الجميع عن الغاءه في برنامجهم
لايمكن ان تجد حميه غذائيه ناجحه بدون رياضه

امشي يوميا .. ان مشيت يوم ساعه
اليوم الثاني امشي نصف ساعه
المهم تمشي



صدقني ابنفسك راح اتشوف العجب
لا مراكز بلا جداول حميات .. هاذي ما اتجيب الا الضعف السريع والملل والعوده من جديد
وخساير صحه وافلوس


جملك الله برضاه

تحداني
03-09-2011, 06:09 AM
هههه ماشاء الله عليك
الله ينحفنا أكثر يارب



النحافه احيانا تتحول الى مرض وشكل قبيح
نبي نتمنى جسم مثالي رشيق جميل مفعم بالحيويه والنشاط
متكامل من كل النواحي رياضيا صحيا وجسديا



جملك الله برضاه

تحداني
03-09-2011, 06:11 AM
لأني اتبع نصيحة شخص

الوزن الي ينزل بسرعه يرجع بسرعه

الوزن الي تفقده بصعوبه يرجع بصعوبه

ودعواتكم لنا بالتوفيق




الله يوفقك يارب
نصيحه رائعه وكلامه صحيح .. بس بدون اصراخ على اليهال :(


جملك الله بالصحه والرضى

جوود
07-09-2011, 05:39 PM
السلام عليكم
الله يوفقكم جميعا

انا من المتابعين للموضوع
ولو اني توني سجلت اليوم

انا وزني متناسب مع طولي يعني يبيلي 4كيلو انزلهم
بس عندي سوال .. اذا حد يعرف الاجابه بكون شاكره له من اعماقي

بطة الساق شنو الشي اللي يخليها تنشد ومايكون فيها ترهل؟؟

نجدي قطري
07-09-2011, 09:39 PM
السلام عليكم
الله يوفقكم جميعا

انا من المتابعين للموضوع
ولو اني توني سجلت اليوم

انا وزني متناسب مع طولي يعني يبيلي 4كيلو انزلهم
بس عندي سوال .. اذا حد يعرف الاجابه بكون شاكره له من اعماقي

بطة الساق شنو الشي اللي يخليها تنشد ومايكون فيها ترهل؟؟

اختي بطّة الساق مثلها مثل غيرها من أجزاء الجسم، ما يجيها الترهّل إلاّ إذا كان فيه وزن زايد.
يعني علشان يقل ترهّلها لازم تنزلين الكيلوات الأربعة الزايدة، ويمكن أكثر شوي.

وبعد عليج بتمارين بطّة الساق. مثل تكونين واقفة وقدمج بكاملها على الأرض، وتقومين ترفعين نفسج على أطراف أصابعج، يعني الكعب (العقب) يرتفع. طبعًا تبتدين برفع وزن الجسم، وبعدين تضيفين شويّة أثقال. غير هالتمرين عليج بالجري لأنّه يشكّل بطّة الساق، وبما إنّج بنت فما راح تحتاجين غيره لتشكيلها.

بالتوفيق.

جوود
07-09-2011, 09:46 PM
اختي بطّة الساق مثلها مثل غيرها من أجزاء الجسم، ما يجيها الترهّل إلاّ إذا كان فيه وزن زايد.
يعني علشان يقل ترهّلها لازم تنزلين الكيلوات الأربعة الزايدة، ويمكن أكثر شوي.

وبعد عليج بتمارين بطّة الساق. مثل تكونين واقفة وقدمج بكاملها على الأرض، وتقومين ترفعين نفسج على أطراف أصابعج، يعني الكعب (العقب) يرتفع. طبعًا تبتدين برفع وزن الجسم، وبعدين تضيفين شويّة أثقال. غير هالتمرين عليج بالجري لأنّه يشكّل بطّة الساق، وبما إنّج بنت فما راح تحتاجين غيره لتشكيلها.

بالتوفيق.

ان شاء الله راح اتبع نصايحك بالنسبه للجري والتمرين وان شاء الله ياثر وبالنسبه للوزن انا 60 وزني وطولي 162 يمكن هالاربعه كيلو يكون لها اثر وان شاء الله انزلهم عن قريب

رجل شجاع
09-09-2011, 10:57 AM
ممكن اسم المركز

وشو الفرق بين اللي في الدفنه والمعموره

Euro
12-09-2011, 01:01 PM
مبروك النزول وان شا الله توصل للوزن المثالي

ولو سمحت شنو أسم المركز ؟

سارونه
12-09-2011, 01:16 PM
نزول الوزن صعب واجد :(

:( اخذت حبوب وشربت شاي رجيم وكل الي يوصلني للرشاقة ومافادني :( وصلت لل 56

بعد عناء ودوران بالراس وهبوط حاد :(

وبعد الراحة الي مافيها رجيم بس تقليل بالاكل صار 65 :(

مرتبش
12-09-2011, 01:51 PM
نزول الوزن صعب واجد :(

:( اخذت حبوب وشربت شاي رجيم وكل الي يوصلني للرشاقة ومافادني :( وصلت لل 56

بعد عناء ودوران بالراس وهبوط حاد :(

وبعد الراحة الي مافيها رجيم بس تقليل بالاكل صار 65 :(

اختي
اهم شي الصحة والرجيم اللي بيجيب كل هالمشاكل اكيد غير صحي

حاولي يكون نظامج الغذائي صحي ومتنوع ويمد الجسم بما يحتاجه وماعليج من نظم الرجيم السريعة تقرينها في مجلة او وحدة من صديقاتج جربته وضعفت ..الخ

استشيري خبيرة تغذية "تكون متوفرة في المراكز الصحية" واي شي تجاري ابتعدي عنه.. تثقفي عن الرجيم من مواقع ذات مصداقية وليست ربحية
مثلا
http://www.choosemyplate.gov/
او
http://www.hc-sc.gc.ca/fn-an/food-guide-aliment/index-eng.php
وفيه باللغة العربية
http://www.hc-sc.gc.ca/fn-an/alt_formats/hpfb-dgpsa/pdf/food-guide-aliment/guide_trans-trad-arabic_p-i.pdf

مواضيع ذات صلة في المنتدى ممكن تطلعين عليها
http://www.qatarshares.com/vb/showthread.php?t=467801&highlight=%C7%E1%D1%C7%C8%CD+%C7%E1%C7%DF%C8%D1

http://www.qatarshares.com/vb/showthread.php?t=344598&highlight=%C7%E1%D1%C7%C8%CD+%C7%E1%C7%DF%C8%D1


والله الموفق

سارونه
12-09-2011, 11:33 PM
اختي
اهم شي الصحة والرجيم اللي بيجيب كل هالمشاكل اكيد غير صحي

حاولي يكون نظامج الغذائي صحي ومتنوع ويمد الجسم بما يحتاجه وماعليج من نظم الرجيم السريعة تقرينها في مجلة او وحدة من صديقاتج جربته وضعفت ..الخ

استشيري خبيرة تغذية "تكون متوفرة في المراكز الصحية" واي شي تجاري ابتعدي عنه.. تثقفي عن الرجيم من مواقع ذات مصداقية وليست ربحية
مثلا
http://www.choosemyplate.gov/
او
http://www.hc-sc.gc.ca/fn-an/food-guide-aliment/index-eng.php
وفيه باللغة العربية
http://www.hc-sc.gc.ca/fn-an/alt_formats/hpfb-dgpsa/pdf/food-guide-aliment/guide_trans-trad-arabic_p-i.pdf

مواضيع ذات صلة في المنتدى ممكن تطلعين عليها
http://www.qatarshares.com/vb/showthread.php?t=467801&highlight=%c7%e1%d1%c7%c8%cd+%c7%e1%c7%df%c8%d1

http://www.qatarshares.com/vb/showthread.php?t=344598&highlight=%c7%e1%d1%c7%c8%cd+%c7%e1%c7%df%c8%d1


والله الموفق



جزاااك الله الف خير ..

قبل توجد في اراده وقوة بالنزول والدافع النفسي كبير والسيطرة اكبر ..

اما الان فيوجد الاحباط النفسي هو الي ماساعدني :( وكل مره اشوف الميزان اتعب نفسيا :(

اتمنى ان اسيطر على نفسي وامتنع عن اكل السكريات والنشويات ..

رجل شجاع
14-09-2011, 03:35 PM
نتمنا من اللي جربو دكتور نيوترشن ومنتاجاته من شاي
يعطونا خبر

بنـ ابوها ـت
19-12-2011, 09:00 AM
فووووووووووووق

حراير قطر
19-12-2011, 09:22 AM
ابي امتن اشوي :weeping:

وتبقى الدنيا حلوه
19-12-2011, 12:57 PM
في مكان يسون برامج تمتين