عندي مشكله فالسياره دوختني

[fzaa_qatar]

السلام عليكم يا جماعه الخير .. عندي كاديلاك سي تي اس 2004 مشكلته لمن اعبي بترول تجيه نفضه ويطفى واشغله عادي يشتغل والمشكله الثانيه وانا اسوق باي سرعه يطفى فجأه وماقدر اتحكم فالموتر واتجاهه فقلت استشيركم بخبراتكم واراكم وجزاكم الله كل خير

[خذاني الشوق]

جييك على البخاخت والفيو بمب

[ن.سهيل]

الله يعينك

الكدلك

مايخلي سوالفه ، توك ماشفت شي !

[eXpert*]

١- الامريكي ٨ سلندر يبيله خطوط بين فتره وفتره عشان يفتح .
جرب تسوقه مسافات طويله علي سرعات ١٢٠ - ١٤٠
نفس المشكله عندنا في الكابرس ،، خصوصا اول ما تشغله تمشي يوقف .. رفست له علي خط الشمال حسيته قابض وفتح.

٢- شيك علي البخاخات ،، اما تصب سائل اللي ينظف البخاخات تلاقيه في محطات البترول ،، او وده قراج مختص لتنظيف البخاخات .

٣- الفيول بمب ،، الامريكي لعبته الفيول بمب لا تخلي التانكي ينزل عن الربع ولا علي طول الفيول بمب بيسلم عليك.

٤- فلتر البترول يمكن انه وصخ .

[fzaa_qatar]

خذاني الشوق الله يجزيك خير راح اشيك عالاشيا اللي ذكرتها ونجم سهيل الله يجزيك خير بس ياخوك شاسوي نصبر الين الله يفرجها بس شرايكم بمحل كااار ماكس اللي فشارع المطار

[fzaa_qatar]

اكسبيرت بيض الله وجهك وفعلا يبي لي اشيك بعد عاللي ذكرته بس ياخوك بالنسبه للخطوط انا من سكان دخان وشبه يومي نازل الدوحه عموما ماقصرت وراح اوافيكم باللي بسويه ان شا الله

[moschino8]

اخوي الفيول بمب اللي بخزان البنزين تلقى عليه وسخ لانه تفضي البنزين ويحتاج تبديل واتوقع هالشي يسير معاك لما يحتر الموتر والله اعلم واتمنى اكون فدتك والشباب مايقصرون

[بومحمد911]

هاذي مشكلة الامريكي اذا اخترب يدوخك

الله يعينك

[على نياته]

مر على كهربائي عون والرجال اسمه علي صالح محترم وامين وخبير في الامريكي ومحله في طريق سلوى جنب مجمع التسويق مقابل معرض النعيمي .

[fzaa_qatar]

بيض الله وجه كل من فادني وشارك وماقصرتو والله يعطيكم الف عافيه وان شا الله راح اوافيكم بالمستجدات

[العتوي]

والله ياخوي انا انصحك بالوكاله
صج شغله شوي غالي بس يعطونك عليه ضمان اذا بدلو قطعه
والله يعينك

[fahadvx97]

أخوي شيك على الثروترات يمكن يبي له تنظيف

[jeep-srt8]

السلام عليكم

اخوي ان شاءا لله مشكلتك سهالات

احتامل كبير انه الطرمبة ودعت او فلتر البترول محشر وصخ وانت بكرامه او البخاخات محشرة بعد

بس وانت واقف ..الموتر صافي مع الريس يلعب ولا لأ ؟؟؟يعني تحس بهزات خفيفة ولا صاااااافي الصوت ولا في اي شيء

جرب اول اول شيء

انا اعرف محطة بترول الجوازات عندهم سائل تنضيف بخاخات بس يوم تحطه يكون البترول على الربع يوصلك مسافة 100 كيلو.. اشتر 2 في نوع ب 10 ريال والثاني 35 لونه اصفر والثالث 45 ريال لونه رصاصي

اشتر اي واحد الا الي ب 10

واقبببض خط وثبت السرعة على 120 بس توصل بالسلامه هههه اشرب كرك بس اهم شيء لاتطفي الموتر وتكون من جماعة اذا طفيت الموتر بيرتاح ههههههه انت ضارب خط وطفية الموتر بتخرررب المكينه المهم وارجع اضرب الخط نفس الشيء على 120 ثبت وبعدين عبي بترول وان شاء الله المشكلة بتروووح وان ماراحت اكيد بتكون الطرمبة انتهى عمرها

لذالك الي تبيه وقت الفحص

عندك محل عون الي في شارع سلوى بتشوف قدامه حفريات تقريباً بعده في لفة يمين او يمكن دوار عين خالد بيجيك تاخذه يمين في يمين بتروحله ورا عنده ساحه صغيرة وقوله المشكلة اول شيء بيقولك نفس الي قلته لك ههههههه

والثاني في قرية بروة مركز الفحص الامريكي عند ابو جبل

كلهم فنانين

غيرهم لاتودي الكدلك

والله يوفقك

[فيصل الشمري]

طرمبة البترول
انا عندي تاهو 2005 مافي احلى منه, بس اقبضه خط,, واذا خفت السرعه تحت ال40 يبند,, مره دخلت بموتر قدامي بس الله ستر,, كله فايبر تخفس ورد مره ثانيه,,
على كل حال الفيول بمب على الأرجح, خاصة اذا لها صوت مزعج
تراها نفس مالت اليوكن والتاهو ودايم تخترب

[المنكوب]

خذاني الشوق الله يجزيك خير راح اشيك عالاشيا اللي ذكرتها ونجم سهيل الله يجزيك خير بس ياخوك شاسوي نصبر الين الله يفرجها بس شرايكم بمحل كااار ماكس اللي فشارع المطار


وايد زين دايمن اودي موتري هناك بس خلي المهندس حربي هو اللي يشتغل في موترك احسن

[Bu_Ahmed]

شوف اخوى شغلتك وحده من 2 يا انها بترول او هوا

و 99% بترول و 1% هوا

من 99% تشيك فيول بمب لما يحتر مايدفع البترول بالشكل المناسب
او فلتر البترول يكون فيه رواسب لو انك اتخلي دام التانكي تحت الربع ياثر كثير
او اللينات او خطوط البترول فيها رواسب ماتوصل البترول للبخاخات وهذى تشيكها تفتح الخط من عن البخاخات وتدق سيلف وتشوف كيف الدفع ويفضل انك تخلي عداد ضغط المفروض الدفع يكون للكديلاك حوالى 3 الى 3.5 بار لو اقل اعرف ان المشكله بالفيول بمب او الفلتر
او الثروتل وهذى تعدلها بالدبليو دي 40 صب عليه لو منه راح ينعدل
او سنسرات الثروتل احتمال قوي بعد الفيول بمب او الفلتر
وترا تصير من سنسرات واتلاقيها مع الثروتل في قطعه سوده هذى تكون بعد خربانه وهي تتحكم بالبترول

وطبعا هذى ماتعرف انها خربانه الا بالكمبيوتر

اما الهوا فشوب لاينات الهوا يمكن بها تسريب خفيف وانا استبعد الهوا لان مشكلتك تكون من البترول

[@north_star@]

مشكلتك والله اعلم بموزع الهوا لانه طرمبة البنزين اذا عطلانه وسخن الموتر ما رح يشتغل الا يبرد وبالتوفيق ان شاء الله

[الزجاجي]

ما شاء الله على الشباب ما قصرو

ممكن نخبرنا كم ماشيه السياره؟
ومتى اخر مره سويت لها سيرفس كامل؟

انا اشوف بم ان السياره قديمه .. يبيلها وايد اشياء استهلاكيه تتبدل مثل
- البلكات واسلاك البلكات
- الفلاتر واهما فلتر البترول وفلتر الهوا
- فحص جميع السناسر عن واحد فاهم
- فحص الكهربا وخاصه التوصيلات والدينمو والبطاريه


اماكن الفحص كثيره مثل الخبراء الالمان او الاي سي ديلكو او كار ماكس اسمه الشباب يمدحون الفحص او الوكاله مش بطاله

الصيانه وقطع الغيار حاول انك تدور الاصلي والسعر المناسب .. ابعد كل البعد عن الوكاله لانه عادي تدفع ضعف المبلغ عندهم اذا ما قارنته بالموزع

[jeep-srt8]

شوف اخوى شغلتك وحده من 2 يا انها بترول او هوا

و 99% بترول و 1% هوا

من 99% تشيك فيول بمب لما يحتر مايدفع البترول بالشكل المناسب
او فلتر البترول يكون فيه رواسب لو انك اتخلي دام التانكي تحت الربع ياثر كثير
او اللينات او خطوط البترول فيها رواسب ماتوصل البترول للبخاخات وهذى تشيكها تفتح الخط من عن البخاخات وتدق سيلف وتشوف كيف الدفع ويفضل انك تخلي عداد ضغط المفروض الدفع يكون للكديلاك حوالى 3 الى 3.5 بار لو اقل اعرف ان المشكله بالفيول بمب او الفلتر
او الثروتل وهذى تعدلها بالدبليو دي 40 صب عليه لو منه راح ينعدل
او سنسرات الثروتل احتمال قوي بعد الفيول بمب او الفلتر
وترا تصير من سنسرات واتلاقيها مع الثروتل في قطعه سوده هذى تكون بعد خربانه وهي تتحكم بالبترول

وطبعا هذى ماتعرف انها خربانه الا بالكمبيوتر

اما الهوا فشوب لاينات الهوا يمكن بها تسريب خفيف وانا استبعد الهوا لان مشكلتك تكون من البترول

لا ياخوي وش تقوووول شدخل الدبل يو دي 40 !!!!!!!!!! بتفجر الموتر ههههههههههه

في منظف كرتبيتر (حق الثروتل مافي مشاكل) تشتريه من الفارس

اما الدبليو دي 40 حق الاشياء المصدية

[khalid 88]

اعتقد ان المشكله ووضحت لك

100 % هاذي هي المشكله

[المبرمج صلاح]

بالتوفيق ان شاء الله