نحتاج إلى تبرير عاجل من كيوتل ...................!!

[هجمة مرتدة]

صار لنا شهور وأحنا نعاني من تدني مستوى الخدمة التي تقدمها كيوتل والتي أصبحت لا تحتمل !

هذه الشبكة الرديئة تكلف المواطن والمقيم أموالاً طائلة، ندفعها شهرياً مجبورين لا مخيرين دون مقابل محرز !

أتسائل يومياً، ما فائدة كل العروض التي تقدمها كيوتل اسبوعياً وشهرياً في ظل خدمة ضعيفة ؟

إلى متى سنظل نعاني من ضعف جودة الإتصال ورداءة شبكة الجوّال ؟

********

هل تعانون من ضعف شبكة الإتصال مثلما نعاني ؟

[com]

من ناحية الانترنت بطئ لدرجة الانقطاع ..

والله لو في شركة ثانية لخلي كيوتل تولي لكن وش حادك يامسمار قال المطرقة ..

[جلمود]

بالفعل الشبكة في هذا الاسابيع الماضيه صارت سيئة جداُ

[Qatar-King]

سبحااااااااان الله كنت نااوي اكتب موضوع لكن سبقتني جزااك الله خير ,,,


الأنترنت ماسأة لدرجة لا تصدق تخيل مشترك 4 ميقا و يوصل عندي مره 300 كيلو مره 500 كيلو !!!!

هذا غير التقطيع الممل جدا جدا يوميا و شوف المبالغ اللي ندفعها لهم و هذا اللي يقدمونه للعميل !!!

للأسف ما في محاسبة و كل ما تقرا الجرايد شغاالين مدح في انفسهم وهم في اسفل ترتيب الشركات في
العالم حتى في دول فقيرة خدماتها افضل من بلدنا بما يمتلك من ثرواات !!!

أعطيك مثال: شركة اتصالات في دولة خليجية مجاورة تأسست عام 2002 حققت أربااح و قدمت خدمات و حققت تطورات في التقنيات عكس كيوتل التي تعمل منذ 20 سنة و للأسف كل سنة من سئ الى اسوء ..

و المصيبة الأكبر سببها المجلس الأعلى للأتصالات بصرااحة ماله دور ابدا في ايقاف هذه المهزلة مع انه هو المسؤول عن تنظيم الاتصالات في الدولة و كل يوم نسمع عن المجلس انه شارك في المؤتمر الفلاني و وقع مع الشركة الفلانية وفي الأخير كيوتل ترد عليهم بتقديم خدمة سيئة و تضييع حقوق المشترك !!!!

المشكلة في المجلس الأعلى للاتصالات اللي المفروض يحااسب كيوتل اليوم قبل بكره عن سبب تردي الخدمة و سوء البنية التحتية و الأسعاار الفلكية و أمور كثيرة و بلاااوي خاافية رااح تبين أذا تمت المحاسبة ..

[آلملآزم]

بالفعل خدمه سيئه جداً لاتستحق الفواتير التي تدفع من أجلها
ولا نرى من أدارة كيوتل أي تحرك لتحسين الخدمه أو حتى أعتذار للمشتركين أو تبرير لما يجري
وكأن الخدمه هبه وهبتها كيوتل للمشتركين أو صدقه
وليست خدمه مدفوعة الأجر !!!!

[Rashid554]

تقريباً خلال اسبوعين هالمشكله لحد الان متواجده وغريبه لدرجه ان الارسال ينقطع بشكل مفاجئ ولازم تطلع من البيت حتى يرجع الارسال
شي غريب الصراحه من كيوتل

اتكلم عن الهاتف

[Abdulraman]

من ناحية الانترنت بطئ لدرجة الانقطاع ..

والله لو في شركة ثانية لخلي كيوتل تولي لكن وش حادك يامسمار قال المطرقة ..

عندك الفودافون:nice:

[بوسلمان 2010]

المشكله انه كيوتل من بداية افتتحها وهي خدمات وشبكات الله با الخير اهم شي الفلوس عندهم والله يالربع انه


في المنطقه عندنا شيب كيوتل ومافيه ارسال تبي اتكلم تطلع برى البيت واذا في الغرفه كانك قاعد تحت الارض


ترى اكلمك جد والله وعلى خط الشمال سلامتك وتعيش كم مره بينقطع عليك الخط وانت اتكلم ولا والي ادهى وامر


الي طلع لنا وهي فودفون ترى المثل الي قال طلقه واخذ اختها قال الله يلعن الثنتين مقوله قديمة


والله المستعان

[boamir]

صدقتوا والله
الصراحه ماتستااهل كللش المباالغ إلي تاخذها
وفدافون اخس منها

انا عندي البلاك بيري داخل البيت كللش إرسال تعبااان حده باليالله يفتح لي الصور
والنت من يوم ماوصل قطر وهو على هالحال لازم في اليوم ينقطع كم مره

وفوق كل هااي ياخي ياخذون فلووس وااااايد
الحين البلاك بيري حق كرت هلا شهريا حول 140 ريال !!
وفي السعوديه 99 ريال

ولا جاوا بيكسلون فريجن شدعوه لعبه هي تاخذ رقم مميز واخر شي يكنسلون الشركه ويحولونه لكرت كيوتل
ولد اخوي مسكين توهق يقولون له لازم إلي مسجل الكرت بإسمه يجي عشان نحوله لك والكرت بإسم ابوه وابووه مايقدر يجي
عطوه مهله لين 1-7 وبعدها سلم عالكرت

[الحال مايساعد]

صحيح ... الخدمة سيئه بالفترة الأخيرة

[وطن]

بالفعل الشبكة في هذا الاسابيع الماضيه صارت سيئة جداُ

اي اسابيع ماضيه
قول الشهور الماضيه

لاعت جبدي من كثر ما احاول اتصل ولا يعلق الخط
او يتصلون لي يقولون ليش تلفونج مسكر !!!

[abn qatar]

كيوتل تقول لكم ادفعو بعدين تكلمو

كيوتل متفرغين لفتح موقعهم الجديد

[chillis]

اي كيوتل لنتواصل اي تواصل وشهور كل الخدمات تعبانه

[م. عبدالعزيز]

انا استخدم فودافون هالايام ومريح راسي والامر عادي جدا

[بوحمد111]

هذه كيوتل وما ادراكم ما كيوتل

همهم الوحيد جمع المال من جيوب المشتركين وغصب عنهم

الله يصبرنا عليهم وعلى مشاكلهم اللي ما لها حل ابداً

[جينير]

مشترك في باقة انترنت للايفون
وما تشتغل الا في بعض المناطق وضعيفة
ومرات ماتشتغل خير شر
اكلمهم يقولون فيه مشكله عندنا مع الا يفون طفه وشغله ووشوف

الزبدة ندفع فلوس بدون اي مقابل

انا قررت اقطع خدماتهم
واحول الفاتورة إلى هلا
مااستخددم الجوال والفاتورة بالمئات
منين تجي هالمبالغ ماادري
ادفع وبس

[Najla..]

انا استخدم فودافون هالايام ومريح راسي والامر عادي جدا

انا بعد على الفودافون
وخدمة الايفون عندهم وايد زينة ..
وحتى البلاك بيري .. ما ياخذون منك فلوس لين دخلت المواقع وحتى اليوتيوب .. ما تدفع الا 125 ريال في الشهر

صج ان الشبكة عندهم مب وايد قوية
بس احسن من كيوتل وارخص وما يقصون عليك

في ذمتكم في مرة دفعتوا فاتورة حق كيوتل وانتوا مقتنعين فيها؟؟؟؟
مأسااااه صراحه صج حرامية

[طويل الرمح]

انا طلبت خدمة برق السريييييييييييع جدااااااااااا قالوا المنطقه ما توصللك الا 2 ميقا قلنا طيب ركبوا لي اياه بعد سنه و 3 شهور ... والله ما امزح

غير هذا البرودباند خذته اول ما نزل سافرت الكويت 3 ايام واتصلت قبل ما اروح اتاكد قالوا لي عادي محسوب من ال5 قيقا قلت متاكد ؟؟ قال هاه اصبر حولني على واحد قال لا من يقولك حسبت الكويت الداخليه ..رديت طلعت الفاتوره 47000 ريال تخيلوا ؟؟؟ وين الليمت اللي تقطعونه اذا وصلت 1000 ؟ قال ما نقدر نتحكم في الخدمه اذا كانت خارج الدوله !!!!!! كم مره قطعوا تلفوناتي و انا خارج الدوله و هقوني

عموما واصلني على البلاكبيري و الفيس بوك ان الشباب مسوين حملة مقاطعه 7/7/2011 الساعه 7 المساء لا تتصل و لا تستقبل اتصالات مدة ساعه

الشعب يرد اسقاط كيوتل ههههه

[Najla..]

انا طلبت خدمة برق السريييييييييييع جدااااااااااا قالوا المنطقه ما توصللك الا 2 ميقا قلنا طيب ركبوا لي اياه بعد سنه و 3 شهور ... والله ما امزح

غير هذا البرودباند خذته اول ما نزل سافرت الكويت 3 ايام واتصلت قبل ما اروح اتاكد قالوا لي عادي محسوب من ال5 قيقا قلت متاكد ؟؟ قال هاه اصبر حولني على واحد قال لا من يقولك حسبت الكويت الداخليه ..رديت طلعت الفاتوره 47000 ريال تخيلوا ؟؟؟ وين الليمت اللي تقطعونه اذا وصلت 1000 ؟ قال ما نقدر نتحكم في الخدمه اذا كانت خارج الدوله !!!!!! كم مره قطعوا تلفوناتي و انا خارج الدوله و هقوني

عموما واصلني على البلاكبيري و الفيس بوك ان الشباب مسوين حملة مقاطعه 7/7/2011 الساعه 7 المساء لا تتصل و لا تستقبل اتصالات مدة ساعه

الشعب يرد اسقاط كيوتل ههههه
عجبتني الفكرة ههههههههه

[أم حمد]

صار لنا شهور وأحنا نعاني من تدني مستوى الخدمة التي تقدمها كيوتل والتي أصبحت لا تحتمل !

هذه الشبكة الرديئة تكلف المواطن والمقيم أموالاً طائلة، ندفعها شهرياً مجبورين لا مخيرين دون مقابل محرز !

أتسائل يومياً، ما فائدة كل العروض التي تقدمها كيوتل اسبوعياً وشهرياً في ظل خدمة ضعيفة ؟

إلى متى سنظل نعاني من ضعف جودة الإتصال ورداءة شبكة الجوّال ؟

********

هل تعانون من ضعف شبكة الإتصال مثلما نعاني ؟


من ناحية التصفح عبر الجوال

زفت لابعد حد وجربت الفرق بينهم وبين فودافون لاني استخدم الاثنين !

تفتح التصفح في كيوتل اكثر عن دقيقه

وفي فودافون في ثانيه ثانيتين !

الشبكة 3جي زفت وكله مش موجوده !

دايم اشبك على 2جي !

البارح اتصفح الفواتير تخيلي مكاملة بنفس المده مره 10ريال ومره 6 ريال !!

كيف يحسبون ماادري !!

حسبي الله ونعم الوكيل

البلاك بيري زفت في كيوتل

والحمدالله مرتاحه على خدمة البلاك بيري في فودافون وسريعه ومره قالوا هالشهر مب حاسبينها لك لان الخدمه كانت فيها اشوي مشاكل طبعا كيوتل مستحيل تسوي هالحركه !!

:)

من بياخذ حقوقنا ماادري !!

[أم حمد]

الشعب يرد اسقاط كيوتل ههههه


ههههههههههههههههههههه

:nice:

[saryalia4u]

سيئه جدا
والحين مسوين حمله في البلاك بيري انهم يوقفون استخدام الخدمه لمدة ساعه بتاريخ 7-7
ابتداء من الساعه 7

عشان يعدلون من الخدمه وكاتبين الشروط المطلوبه


بصراحه الخدمه سيئه جدااااا

وبعد ماتحول نقالي من فيرجن الى كيوتل
اعبي النقال 100 ريال
يطلع لي الرصيد بعد يومين 5 ريال
علما اني ما استخدمت النقال

والله قهر
ووين اختفى الرصيد
مع تاكيد ان محد غيري استخدمه

[abn qatar]

انا طلبت خدمة برق السريييييييييييع جدااااااااااا قالوا المنطقه ما توصللك الا 2 ميقا قلنا طيب ركبوا لي اياه بعد سنه و 3 شهور ... والله ما امزح

غير هذا البرودباند خذته اول ما نزل سافرت الكويت 3 ايام واتصلت قبل ما اروح اتاكد قالوا لي عادي محسوب من ال5 قيقا قلت متاكد ؟؟ قال هاه اصبر حولني على واحد قال لا من يقولك حسبت الكويت الداخليه ..رديت طلعت الفاتوره 47000 ريال تخيلوا ؟؟؟ وين الليمت اللي تقطعونه اذا وصلت 1000 ؟ قال ما نقدر نتحكم في الخدمه اذا كانت خارج الدوله !!!!!! كم مره قطعوا تلفوناتي و انا خارج الدوله و هقوني

عموما واصلني على البلاكبيري و الفيس بوك ان الشباب مسوين حملة مقاطعه 7/7/2011 الساعه 7 المساء لا تتصل و لا تستقبل اتصالات مدة ساعه

الشعب يرد اسقاط كيوتل ههههه

اما سالفه منطقتك ماتوصل الا سرعه 2 ميجا هذه النقطه اللي لحد الان مستغرب

منها من كيوتل صار لهم كم سنه على نفس المنوال في عمان عندهم جبال

اشلون قدرو يغطون عمان بالشبكه الظاهر كيوتل تطبق المثل القائل تسقي البعيد
وتخلي القريب

[حمد بن سعد]

لا شبكة حق الجوال عدله


ولا خدمة لبلاك بيري عدله


ولا الفواتير الي يصدرونها صح

كل شي غلط في كيوتل

[مسك روز]

من متى كيوتل تعطي تبرير !

[هجمة مرتدة]

اي اسابيع ماضيه
قول الشهور الماضيه

لاعت جبدي من كثر ما احاول اتصل ولا يعلق الخط
او يتصلون لي يقولون ليش تلفونج مسكر !!!

فعلاً !!!!

[هجمة مرتدة]

من متى كيوتل تعطي تبرير !

للأسف كلامك صحيح

ولكن نحن كمستهلكين لنا كامل الحق أن نعلم سبب هذه الخدمات الرديئة

ومن منطلق "الشفافية" نطلب تبريراً للخدمات الضعيفة والأسعار الفلكية !

[مفكّر]

مع ان مافي ضغط على الشبكة كل الناس مسافرين الا ان لازالت كيوتل تستغفلنا بعروضها وبشبكتها الضعيفة

[بصمة قطرية]

فعلاً في الفترة الأخيرة الخدمة صايرة سيئة جداً ..
دايماً مافي إرسال ..!!
النت
البلاك بيري
الجوال
كلهم الإرســـال سيء جداً ..
ما عمري سكرت تلفوني كله يقولون لي نتصل فيج تلفونج مسكر :(

ترانا ندفع على هالخدمات ما يصير جذي ..:weeping:

[المتحدث الرسمي]

...

هالبرودكاست وصلني اليوم





لن نتواصل ضد كيوتل
التصميم الأول لشعار حملة المقاطعة
(لن نتواصل)


http://www11.0zz0.com/2011/06/28/15/399833384.png (http://www.0zz0.com)
حملة (لن نتواصل) : فقط أغلق هاتفك أو أي وسيلة اتصال أُخرى لمدة ساعة من السابعة مساءً في يوم ? ?/?/???
الجديد على تويتر
وذلك لعدم رضى الشعب لخدامات كيوتل (n)
وأسعارها إلي زايده عن اللزوم ?? .... وعدم توفر خدمات موجوده في جميع انحاء العالم إلا في قطر .....
وسبب آخر خدمة البلاك بيري إلي كيوتل ناصبه على العالم فيها ومفكره أن الناس موب مأخدين بالهم من السرقه إلي عيني عينك ...
أنا أقولكم إشلون ...
نفرظ انك إشتركت يوم السبت المفروض عندك أسبوع بـــــ35 ريال .... يعني 7 أيام
يعني المفروض تجديد إشتراكك في يوم السبت إلي بعده .... ولكن النصابين يطالبونك بتجديد إشتراكك يوم الجمعه إلي هو اليوم السادس ...
ويسحبون منك ال 35 ريال .... والمفروض بعدها يطالبونك بالتجديد يوم الجمعه إلي
بعدها ......... صح ؟
..... بس يرجعون ويسحبون منك 35 ريال يوم الخميس وبهاذي الطريقه... لين مايرجع تجديد إشتراكك ليوم السبت ... لو حسبتها بيكون أنت منصوب عليك بـــــ 5 ريالات في كل أسبوع ?
يعني 20 ريال كل شهر
يعني 240 ريال في السنه
طبعا في ناس بتقول خمسه ريال ولا شي عادي
بس السؤال إلي بطرحه عليكم وياريت كل واحد فيكم يأخذه بجديه هالخمسه ريالات لو نقصة عندك من الــــ35 ريال ... هل كيوتل بتمشيها لك وتجددلك الاشتراك ولو مره وحده في السنه ؟؟؟
والله لو ناقصه 0.01 ريال يعني أقل من ربع ريال والله مابيتجدد إشتراكك .....
لين متى كيوتل أتمص دمنا واحنا ساكتين ؟؟؟
.............
وفي غيرها الكثير من النصبات وأنا مابي أطول عليكم بس الوعد يوم 7/7/2011 ... وهالمره ساعه وحده بس .... بس المره الجايه بتكون مقاطعه للأبد ......
وكل واحد بيقاطع معانا يضيف النك نيم على البرودكاست ويحط قبله رقم عشان نعرف كم واحد بيقاطع كيوتل .....
وأبي البرودكاست يرجعلي وأشوف كم واحد معانا
« يعطيكم العافيه طولت عليكم»

[مسك روز]

انا بشترك في المقاطعه

لين متى بنتم جذي

لازم يكون لنا موقف

العالم كلها مفكره ان القطري مقصه

مب كيوتل بس ..

[eXpert*]

من وجهة نطري من جات فودافون أعتفست شبكة كيوتل !!

أعتقد مافي تنسيق بينهم في حد يخرب على الثاني بطريقة غير مباشرة ولا هي مقصودة .

بس لما تلاقي الأبراج جنب بعض بهده الطريقة أكيد بيخربون على بعض !!

[theeb_qatar]

عاد ان شاء الله ربعنا فعــلا يصكوون تلفوناتهم ولو ساعه وحده ..

ع العموم تم ارسال برودكاست لاكثر من 350 شخص من طرفي . .بالصوره الموجوده
لن نتـواصل .. 280 منهم عجبهم الموضوع ..


اتعس شبكة في العالم .. كيوطل ..

[هجمة مرتدة]

من وجهة نطري من جات فودافون أعتفست شبكة كيوتل !!


يعني قبل لا تدخل فودافون وتكسر الإحتكار شبكة كيوتل كانت أحسن ؟

يارجل قول غير هالكلام المشكلة مزمنة من وعيت على الدنيا !!

[Qtr95]

انا من اسبوعين او ثلا اسابيع النت سيئ عندي ,,
اتصلت حق كيوتل , جابوا هندي ,الهندي جيك على البلك مالنا , وجيك على
الصندوق برع البيت , قال عندكم مشكلة كبيرة حلها من الأسلاك اللي برع ,
وقال اكيد مأثر على الأرض والنت , قلنا له : اي o.o
..
ما مر يومين , إلى النت شزينه وشحلاوته
والتلفون عجيب ,
اما من انترنت ال 3g مال البلاكبيري ..
فهو زي الزفت ..خخخخخخخ

[هجمة مرتدة]

انا من اسبوعين او ثلا اسابيع النت سيئ عندي ,,
اتصلت حق كيوتل , جابوا هندي ,الهندي جيك على البلك مالنا , وجيك على
الصندوق برع البيت , قال عندكم مشكلة كبيرة حلها من الأسلاك اللي برع ,
وقال اكيد مأثر على الأرض والنت , قلنا له : اي o.o
..
ما مر يومين , إلى النت شزينه وشحلاوته
والتلفون عجيب ,
اما من انترنت ال 3g مال البلاكبيري ..
فهو زي الزفت ..خخخخخخخ

ومكالمات الجوّال ؟ زي الحلاوة ولا زي الزفت ؟ :secret:

[QATAR-2006]

معاكم ان شاءالله في المقاطعة .. ولتسقط كيوتل

[بوحارب]

مع المقاطعة

[شيط ويط]

انا الامور عندي طيبه من ناحية الانترنت ولله الحمد .. سريع وكل شي تمام .. لكن عندي مشكله في تنزيل الملفات واستعراضها عن طريق البلاك بيري ... قبل كان التنزيل سريع الحين سلحفاااااااااااه .. لذلك اضطر وانا في البيت اشبك البلاك بيري ع الوايرلس .. وافصل الموبايل نتوورك .. وانزل كل الملفات بسرعه ..

لكن هذا ما يعني من وجود مشاكل وتدني في جودة الخدمه وعدم تطوير الشبكة ..

[جراسا]

النت و الموزايك و التلفون الأرضي انقطعوا عنا...و نتصل على كيوتل كل يوم...لمدة اسبوع...لين ما ارسلوا الفني للبيت

تصوروا بعد اسبوع لحتى يجي الفني...اسبوع بدون هاتف ارضي ولا انترنت...مع ان كل شغلي اسويه على الانترنت

[الـخـالـدي]

الله يعينكم

عن نفسي الحمدلله الشبكه معاي تمام .. ولا اعاني من اي مشكله

كيوتل تبقى احسن من فودافون

:)

[هجمة مرتدة]

الله يعينكم

عن نفسي الحمدلله الشبكه معاي تمام .. ولا اعاني من اي مشكله

كيوتل تبقى احسن من فودافون

:)

عنبر أخو بلال وأنا أخوك

لكن تظل كيوتل أعرق وأقدم، وبديهياً أفضل من فودافون !

وبدورنا من حقنا أن نتمتع بشكبة مفتوحة كلما أردنا الإتصال

وكل شيء بثمنه، ولا نمانع إطلاقاً أن ندفع تلك الأرقام الفلكية مقابل خدمة جيدة !

لكن أين هي تلك الخدمة الجيدة ؟؟

[alsahm 12]

الخدمه سيئه

[هجمة مرتدة]

الخدمه سيئه

خير الكلام ما قلَّ ودل ! :nice:

[الـقـاسـي]

انا بقاطعهم 3 ساعات مب ساعه كيوتل خدماتهم سيئه جدا جدا

[طاش]

هههه اهواش مع بعض كل واحد يقول ليش جوالك مسكر وتوصل المكان الي تبقي وانت ماحصلت خط

[هجمة مرتدة]

انا بقاطعهم 3 ساعات مب ساعه كيوتل خدماتهم سيئه جدا جدا

والله ثم والله لو الأمر بأيدينا لقاطعناهم العمر كله ولكنهم للأسف شرٌ لابد منه !

[الجوكر90]

السلام عليكم

والله انا اقرى واضحك
تعرفون ليش
لان مادري الصخر نقدر نغير فشكله بس انتوا محد يقدر يغير عقليتكم
يعني سبحان الله جنكم مبرمجين ماتستخدمون غير كيوتل

دام ان فودا فون نفس كيوتل انزين حولوا فودا فون ويوم انتوا تحولون راح تكسبونهم فلوس
ويوم يكسبون فلوس راح يعدلون من الشبكه

للعم فودا فون احسن من كيوتل فكل شي
الخدمه احسن
الارسال احسن ( الا للمناطق البعيده )
الاسعار احسن
التعامل احسن

وانا متاكد راح تقولون بنقاطع بس مره عشان مشتطين وبعدها بتفتحون الخط وبتتكلمون وراح تدفعون وانتوا تضحكون

ترى انا استخدم الاثنين
لو بيدي بقط الرقم وماراح استخدمه بس والله دافع فيه وايد عشان جي استخدمه ولا انا مابي كيوتل

وفي معلومه عن البلاك بيري في فودا فون

خل اسوي لهم دعايه

عندهم عرض حلو حق البلاك بيري
تشترك ب150 ريال يعطونك رصيد 150 + خدمه بلاك بيري
وفي ب200 وفي ب300

روحوا اي فرع وراح تحصلون المعلومات الوافيه

والله اتمنى منكم كلكم تقاطعون كيوتل
وانا بعد ببيع الرقم وبستخدم بس فودا فون
شرايكم

من اليوم نبدا
يعني الي ماعنده رقم فودا فون يشتري رقم ويحول شوي شوي من كيوتل لين فودا فون نتم 6 شهور وبعدها بنشوف صدقوني عطوا فودا فون سنتين شرط انها تغطي كل قطر تغطيه احسن من كيوتل الي موجوده من وانا صغير


الي سمعته ان فودا فون قاعدين يبنون شبكه بحريه حول قطر
يعني بتغطي كل بقعه في قطر هاي والعهد ع الراوي


وبالتوفيق للجميع ان شاء الله

[جاسم القطري]

النت بطيء وشي يبط الجبد

هذا واحنا ندفع فلوس وجذي شلون لو ببلاش


أكيد بيكون ردهم كان عندنا تحديث بالشبكه

وسلملي على التحديث


الواحد يشوف العروض برا شلون ينقهر خدمات وعروض خياليه

[CH Engineer]

انا عندي مشكله واتصل لـ 111 صارلي اسبوع ينقعوني على الخط واسكر
اخر مره وصلت 8 دقايق ولا حد رد علي

[vip1982]

وأحلى شي يتصلون في أمس ويقولون لدينا لديك عرض ضاعف سرعة الانترنت لديك وتحصل على 5000 نقطة نجوم على أساس انه الانترنت عندهم شغال يعني