استشاره قانونيه [الأرشيف] - منتديات شبكة الأسهم القطرية

tayeb

28-06-2011, 11:35 AM

انا عندي مشكله مع المقاول وصل البناء عند بلاستر اتفقت معه تسليم مفتاح كان ماشي معاي تمام في اشياء الغيته مثل الوارش السطح مع بنت هاوس من الخرسانه قال لي المبلغ 80000الف قالت له اوكي وعندي حوالي 18 متر قرميد مع الصب قالي 10000ريال وافقت وقلت اكتب التفاقيه مدة شهرين قام يماطل كل يوم يقول بكره واخيرا جاب لي التفاقيه الاسعار مختلف عن التفاقيه وقال لي وقع قلت المبالغ مختلف قال انه غلط في الحساب ولم اوقع على العقد وقلت له عملي نفس الرسومات ورفض قام يعمل على كيفه عمل الوارش من طابوق بدون قرميد ولا صب وعملت تعديلات بسيطه الشي بريال سوى الف ريال وحاولت ان احل المشكله مع صاحب الشركه ولم يتفاهم معي واستلم مني مبلغ 810000 على عظم مع بلاستر بدون سور ورفعت عليهم دعوه مستعجله وريد فزعتكم ويش الاشياء او النقاط اطلب من القاضي واسف على الازعاج

[vip]

28-06-2011, 04:58 PM

أنا قانوني بس مالي خبره واسعه في القانون المدني اختصاصي مغاير

والله يوفقك ويعينك ان شاء الله

tayeb

29-06-2011, 12:50 AM

بوهدوي ماقصرت هل اطلب من القاضي بفسخ العقد وجلب خبير هندسي من المحكمه بتثمين العمل وتعويضي على المخالفه الرسومات

بايع بايع

29-06-2011, 08:09 AM

khaldoon

29-06-2011, 09:17 AM

سؤال

شاللي تبغيه بالضبط ؟!

تبي تفسخ العقد ( له اجراءات ومسلك قانوني معين ) وهذا الافضل

تبي تجبره يكمل العقد ( له اجراءات ومسلك قانوني معين ) وهذا صعب لانه راح يدمرلك البيت لو قال انه بيكمل

ونصيحه حاول تحله ودي مع المقاول حتى لو جار عليك اشوي
حتى تقدر تخلص البيت وماتتعطل اذا كان قرضك من بنك التنمية
لان النظم كلها لصالح الاستشاري والمقاول وانت ماعليك الا انك تراكض وراهم وتداريهم

فقول شنو هو الانسب لك حتى نفيدك....

والله يا اخوي اتفق معاك في انه لو كمل المقاول البيت فراح يدمر له الدنيا ....لازم يسوي اشراف زين و ميه ميه عليه في هذه الحاله
و بنفس الوقت اقول لو انه انهى اعمال المقاول فراح يلاقي صعوبه في ايجاد مقاول ثاني يكمل على شغل المقاول الاول و السعر بيكون عالي جدا جدا

جيب بالسر مقاولين و اطلب منهم يكملون الشغل بعد ما يزورون الموقع وشوف اسعارهم وتعرف قصدي

المقاولين بيعتبرون دخولهم على اعمال بعض يعني نوع من المنافسه و بدء بعداوه مع بعض و بنفس الوقت يقولك هذا المالك راعي مشاكل و عور راس

اخوي حاول تحلها ودي ...شوي عليك وشوي عليه و قارن بين انك تدفعله بسعر عالي شوي و ين انك تجيب واحد ثاني وشوف كم يطلب

و لو تعرف واحد مختص بالبنيان والاسعار خليه يساعدك على المقاول الاول في الاتفاق

tayeb

29-06-2011, 12:22 PM

مشكور ياخوي بايع بايع ابغي افسخ العقد واطلب بالمخالفات ويردلي بعض المبالغ

كبير المتداولين

29-06-2011, 02:06 PM

مشكور ياخوي بايع بايع ابغي افسخ العقد واطلب بالمخالفات ويردلي بعض المبالغ

ارفع عليه قضيه وافسخ العقد وياه وخله يرد لك فلوسك هاي حق من حقوقك بصراحه مقاولين الحين مافيهم خير ومايخافون ربهم الا من رحم ربي .

الله يوفقك

[vip]

29-06-2011, 04:41 PM

ارفع عليه قضيه وافسخ العقد وياه وخله يرد لك فلوسك هاي حق من حقوقك بصراحه مقاولين الحين مافيهم خير ومايخافون ربهم الا من رحم ربي .

الله يوفقك

أنا اتفق معاك لان الحل الودي أكيد بيكون فيه زياده عن العقد الاصلي من ناحية التكاليف والله يوفقك لما يحب ويرضى :nice:

بايع بايع

30-06-2011, 08:42 AM

مشكور ياخوي بايع بايع ابغي افسخ العقد واطلب بالمخالفات ويردلي بعض المبالغ

اول شي تسوية هو اثبات حالة
وهي عباره عن دعوى مستعجله في التنفيذ المدني عشان المحكمة تندب خبير( تودع امانه خبير 2000 ريال ) يقيم ويقدر كلفه الاعمال اللي قام فيها المقاول وبعد ماتشوف التقرير واذا ناسبك من حيث قيمة تقدير تكاليف البناء المنجزة واذا ماناسبك قدم تظلم عليه عشان الخبير يعيد تقريره

ثاني شي
ذيك الساعه ترفع عليه دعوى مدنيه ( بحسب قيمة الدعوى يافي المحكمة المدنية الجزئية او الكلية ) تطالب فيها بفسخ العقد والمتبقي من القيمه والتعويض بسبب الضرر المادي والمعنوي اللي اصابك ودفع تكاليف الدعوى المدنية والمستعجله .

وتعطي خبر المحكمة انك راح تكمل البنيان بنفسك وعلى حسابك وفي هالحاله لازم تحتفظ باي فاتوره عمل تقوم فيها للضمان مستقبلا ( وسبب هالخطوه ان موضوع اجراءات المحكمة راح تطول والبنيان اذا وقف راح ياكل في نفسه وتخسر كثير فلاتنتظر القضية الين تنتهي القضية وتكمل البنيان ..... نصيحه كمل على طول ولاتنتظر)

وهاي هي الاجراءات المبدئية ....

(( سوي اخوي قد مااقدر حاولت ابسط الشرح واذا في شي مب مفهوم حاضرلك ))

والله المستعان

tayeb

16-07-2011, 09:48 AM

مشكورين ياربع على الردود