إلي رايــحين لـــــــندن ((الله يعينكـــــــم ))

[درب الساعي]

-
-
-
-
-
-
في البداية هذا موضوع ليس للتشائم بل للنصح وانا اتكلم من واقع تجربه .
مثل ماانتو عارفين لندن هي من أكثر الوجهات السياحية المرغوبه للخليجين والقطريين وخاصه هذي السنه راح تكون زحمة غير طبيعية والأسعااررر نااار وخاصة الشقق والفنادق ومثل ما انتو عارفين فنادق وشقق لندن ((زبــاله)) وضيقــــــــة . والزحمه في كل مكان حتى في هاردز الكتف بالكتف وطوابير على المطاعم داخله يعني بتكره عيشتك والهايد بارك زحمه حتى كرسي ماراح اتحصل تجلس عليه وهذي حقيقــــــــــــــــــة وإلى راح العام لندن شاف اشلون الكلام الى قاعد اقوله وبعدين المطاعم مثل كنتاكي وماكدنلدز طوابيير عليها ونفس الشي في شارع اكسفورد زحمة وبعض المحلات ماتلاقي بضاعة من كثر العالم . لا والمقصة الكبيره في قرية (بسترفيلج) الى تبيع الماركات بسعر ارخيص كل كذب الماركات المعروضة عباره عن استوكات قديمة ومب كل المقاسات والموديلات موجوده .
ولاتنسى بعد الحراميـــــــة والسرقات حتى داخل الفنادق والله العظيم ماتتخيلون اشلون اتصير السرقات داخل الفنادق الفخمة .وانا وايد ناس اعرفهم انسرقوا داخل الفنادق

هذا الموضوع هو نصيحـــــــــــه مني للجميــــع

والى يبي يروح لندن يروح بعد العيــــــــــــــد أو يروح ميونخ للي يبي يتسوق ولي يبي الطبيعة يروح سويسرى

[وطن]

اخوي بستر فيلج هي عباره عن اوت ليت
يعني المحل يبيع الستوكات القديمه واللي باقيه عنده في الستور
شي طبيعي ما تلاقي الأشياء الجديده موديلات الموسم ولا كل المقاسات

وبخصوص الزحمة هذا المتوقع في كل صيف في لندن
وهالسنة اكيد بزود عشان الأوضاع في العالم العربي


وهارودز معظم الوقت تلاقي فيه طوابير ع المطاعم
وزحمة كتف بكتف اشوفها هناك في موسم الكريسماس وراس السنة عندهم

[عندي أمل]

أؤيدك أخوي وطن في كل ماقلته
ولندن معروفة في هالوقت بالذات والزحمة والطوابير ماهي غريبة على لندن

[درب الساعي]

والله أكثر الى يرحون لندن هل وقت وخاصة الشباب بس علشان (( شوفني وشوفك)) وبعدين مشكلة لندن في السكن وهو أهم شي لان الواحد اذا حصل سكن مريح بيرتاح في السفره . العام كنت جاي من امريكا وجلست في لندن يومين وسكنت في في فندق ميلينيوم مايفير صراحة الغرف ضيقة والحمام الله يعزكم مترفي نص متر هذا فندق 5 ستار . والهايد بارك كسي ماتحصل تجلس عليه . ولقيت ناس من اهل قطر صراحه الكل يشتكي من السكن وناس باقوهم في الفنادق والشقق والأسواق .ولي يشتكي من مكيف الفندق كل حاررر والمطاعم زحمــــــة صراحه والله ماتسوى هل وقت حد يروح لندن كلش

[Rashid554]

الحمدالله ماعمري طبيت لندن بالصيف كله شهر 1،2،3،4

والله يعين الاخوان

خصوصا انها هالسنه هي مع تايلاند راح يستقبلون

السياح الخليجين الي سياحتهم بمصر بشكل دائم
السياح الخليجين الي سياحتهم بسوريا بشكل دائم
السياح الخليجين الي سياحتهم بلبنان بشكل دائم
السياح الخليجين الي سياحتهم بالبحرين بشكل دائم

والطامة الكبرى ان معظم الخليجين راح يكونون هالسنه وخلال 3 سنوات قدام محكورين في مدة معينة
الا وهي
من 25-06 الى 20-07 هالسنه

السنه القادمة 2010
من 15-06 الى 11-07

سنة 2013

من 04-6 الى 01-07

وذلك بسبب تقدم رمضان كل سنه 11 يوم والمدارس تغلق مبكراً

[تحداني]

يا هالندن الي الناس ذابحين روحهم عليها
انا ما اشوف فيها شي مميز

كلها كوفي شوبات
وهارودز
وامغازل واغاني وسيارات مميزه من الدوحه والامارات ومن ما اعرف وين



خاطري حد يقول لي شنو فيها زود
بالعكس في دول احلى منها ابوايد مليون مره
فينا حلوه
المانيا
ايطاليا
سويسرا
امريكا ابكل ولاياتها
اليونان
تركيا
فرنسا بعد مو لي ذاك الزود


دول اكثيره
بس الناس تعودوا على لندن بس جي


جملك الله برضاه

[غير البشر]

الله المستعان اخوي الغالي درب الساعي

الله يعين شكلي بخطط على الروحه :nice:

يعطيك العافيه لاهنت :victory:

[أبويوسـف]

الله يعين وانا اؤيد كلامك

وبالتوفيق للجميع

[درب الساعي]

الله المستعان اخوي الغالي درب الساعي

الله يعين شكلي بخطط على الروحه :nice:

يعطيك العافيه لاهنت :victory:

مادام انك بتروح ابيك اتجاوبني حصلت فندق ؟؟ وبكم خذته؟؟؟ وراح اجاوبك بعد ماترد

[وطن]

الله المستعان اخوي الغالي درب الساعي

الله يعين شكلي بخطط على الروحه :nice:

يعطيك العافيه لاهنت :victory:

اوووووف في راسي الروحه
وللحين متردده

:rolleyes2:

[راشد محمد]

الله يعين

[عذب الكلام 1]

روح تايلاند او ماليزيا او استراليا امريكا

[Memeia]

سويسرا بلد راقيه وهاديه وفيها كل شي حلو

اما الصراحه لندن ملل ومافيها شي وخصوصاً حزة الصيف مايتم حد مايروح لها !

لندن حلوه شهر 3 او 4 .. اشوف ان هاي احسن وقت حق اللي يبي يزورها او يشوفها :)

[مضاد]

روح تايلاند او ماليزيا او استراليا امريكا


او كندا

:nice:

[clouds]

اي مكان الا لندن وبيروت...انا رحتها في الشتا والشعب الخليجي كان خفيف وماحبيتها وشلون الحين الغزو الخليجي فيها اتصور مافي انجليز الحين في لندن طلعو من بيوتهم عشان ياجرونها على الخليجيين اللي مو لاقيين فنادق..
حتى موقع بوكنغ لو دخلته وكتبت لندن شوف شبتطلع لك الجمله والله اني ضحكت ضحك يوم قريت
ايطاليا حلوه بس مشكلتها الحر ... في هولندا في بلجيكا وفي اليونان وباريس او كان ونيس...اسبانيا امريكا استراليا
بس المشكله ان الناس رايحه طالعني واطالعك وكله قهاوي وهارودز ولايفكرون حتى يشووفن معلم واحد هناك

[بدور]

عاد انا غرامي لندن طول اشهر السنه ما عندي وقت محدد

يا زين جوها ومطرها وبردها المنعش والشوبنغ مو كل شي هارودز والفشخره

:) :) :)

خفوا على ذمها شوي

[لمسة فن]

الله المستعان ---------------------------------.

[كازانوفا]

للاسف حتى ايطاليا ما تصلح بشهر 7و8 لان كل الشعب يطلع علىامريكا او مصرررر
يعني البلد فاضيه لان اللى عرفته هذا موسم الاجازات عندهم

[درب الساعي]

مشكلة لندن في السكن لان الشقق ماتستوعب الكم الهائل من السياح وأغلب العرب والأنجليز هناك يأجرون شققهم ويطلعون برع لندن وسماسرة الشقق يلعبون دور كبير وخاصة العرب منهم وأسعار الشقق توصل اسعار خيالية وماتستاهل كلشششش وشقق لندن ضيقة وصغيره وبعضها(( وسخخ)).والمشكلة الثانية اذا في حر والجو اعتفس أهل الشقق بيموتون من الحرر . والفنادق فل وغاليه والدليل ادخل مواقع الفنادق وشوف بنفسك الأسعار ؟؟؟واغلب الى يروحون لندن بس علشان السوق وطالعني وطالعك . صرف اسبوعين في لندن يعادل صرف شهر في ميونخ أو سويسرى .
إلي يبي يروح لندن يروح بعد العيد

[bo.rashid]

شباب الناس اللي يروحون لندن مايروحون حق سياحه هي اسلوب حياه مختلف ، طلعات ، تمشي ، تسوق وشامله كل شي شالمانع ؟ وحشرٍٍٍٍِ مع الناس عيد ، بعدين المانيا ماتنقارن بلندن فالتسوق لندن كل ماركه كبيره او صغيره موجوده واقل شي بوتيكين او ثلاثه ، ومشكلتهم فاللغه نوعاً ما مايحبون يتكلمون انقلش وايد على عكس لندن

ولندن صارت مزار سنوي لاهل قطر كل اللي رايحين اوربا يمرونها وبخصوص بسترفيلج الكل يدري انها ستوكات قديمه مامشت وهم بنفسهم يقولون -البوتيكات اللي هناك- وادارة الاوت ليت تبع بسترفيلج عندها اوت ليت فالمانيا وفرنسا وايطاليا واسبانيا و بسترفيلج يعتبر افضلهم

وانا حاجز وانشاءالله مسافر يوم الثلاثاء واحلا مافي لندن ان اهل قطر معروفه اماكنهم ناس ماشفتهم من سنين فقطر تشوفهم هناك وحتى لو زحمه وناسه ..

[تحداني]

عاد انا غرامي لندن طول اشهر السنه ما عندي وقت محدد

يا زين جوها ومطرها وبردها المنعش والشوبنغ مو كل شي هارودز والفشخره

:) :) :)

خفوا على ذمها شوي



الي يروح لها طول اشهر السنه غير
والي يروحون لها بس في الصيف غير
انتي عرفتي تستمتعين في جوها ومطرها وبردها المنعش
اما البعض الاكثر في الصيف يروحون ولا يدرون وين هوا دارهم
لبس وامزاباه .. وكشخه وامغازل .. وقهاوي
متخرعين وعليه عليهم .. ولاهم ابعارفين اشلون يستمتعون


جملك الله برضاه

[ديمقراطي]

اخوي درب الساعي .. بالنسبه لفندق ملينيوم فيه الغرف الضيقه وفيه الكبيره على حسب نوع الغرفه الي تسكن فيها انا سكنت فيه اسبوع كنت ماخذ غرفه كبيره ومب سويت ..
اما بالنسبه عدم رضاك لسفره لندن لانه السكن فيها صعب طيب والي ملاقي سكن يناسبه؟ والي عاجبته اسواق لندن؟ والي مسافر عشان اجواء لندن؟

ياخوي ترى لندن ماتنعاف وانا انصح الكل يجي لندن سيف وربيع وخريف وشتاء ..

في كل موسم في اجواء واماكن غير تروح لها ..

بس اذا احد يبي النصيحه اكثر وقت مناسب في لندن وحلو شهر 3 و 4 و 5 الجو معتدل مافي برد يكسر العظم ولا فيه امطار تضايق فالتمشي ..

[R 7 A L]

بااااااااااااااال مال اول

اذكر ربعنا الى الحين يعتبرون شياب كانوا مطيحين فيها أيام الثمانينيات

الحين ياشرق اسيا او امريكا

الناس وعت وعرفت شلون تمشى


الناس تبحث عن الطبيعة والاجواء الحلوة

[NEMO]

انا في الراديسون اللي جمب تشرشل الليله ب 1500 ريال للغرفه الدبل وصج كلامك عن الزحمه

[ابن البيطار]

انا اذا نزلت مطار لندن اول ماطلع من باب المطار تروح عني الامراض الصداع الام الجسم التعب الارهاق .

نصيحه خلوا عنكم لندن العاصمه هالحزه وطلعوا برى بريطانيا فيها عشرات المدن وكل مدينه احلى من الثانيه واسعارهم نص اسعار لندن وعليكم بالمدن الساحليه .

[درب الساعي]

اخوي درب الساعي .. بالنسبه لفندق ملينيوم فيه الغرف الضيقه وفيه الكبيره على حسب نوع الغرفه الي تسكن فيها انا سكنت فيه اسبوع كنت ماخذ غرفه كبيره ومب سويت ..
اما بالنسبه عدم رضاك لسفره لندن لانه السكن فيها صعب طيب والي ملاقي سكن يناسبه؟ والي عاجبته اسواق لندن؟ والي مسافر عشان اجواء لندن؟

ياخوي ترى لندن ماتنعاف وانا انصح الكل يجي لندن سيف وربيع وخريف وشتاء ..

في كل موسم في اجواء واماكن غير تروح لها ..

بس اذا احد يبي النصيحه اكثر وقت مناسب في لندن وحلو شهر 3 و 4 و 5 الجو معتدل مافي برد يكسر العظم ولا فيه امطار تضايق فالتمشي ..


الله يهنك انت من الناس المحظوظين الى حصل غرف في الفنادق هل أيام . ابيك اتقولي كم سعر الغرفة الحين هل ايام في فندق ؟؟؟ وهل هي تستاهل ان الواحد يدفع هل مبلغ ؟؟ وبعدين شخبار الحر عندكم ؟؟؟؟ والزحمة في الشوارع والهايدبرك وهاردز وطابور المطاعم وتقدر اتحصل كرسي في الهايد بارك تجلس عليه ؟؟؟؟؟؟؟

[درب الساعي]

شباب الناس اللي يروحون لندن مايروحون حق سياحه هي اسلوب حياه مختلف ، طلعات ، تمشي ، تسوق وشامله كل شي شالمانع ؟ وحشرٍٍٍٍِ مع الناس عيد ، بعدين المانيا ماتنقارن بلندن فالتسوق لندن كل ماركه كبيره او صغيره موجوده واقل شي بوتيكين او ثلاثه ، ومشكلتهم فاللغه نوعاً ما مايحبون يتكلمون انقلش وايد على عكس لندن

ولندن صارت مزار سنوي لاهل قطر كل اللي رايحين اوربا يمرونها وبخصوص بسترفيلج الكل يدري انها ستوكات قديمه مامشت وهم بنفسهم يقولون -البوتيكات اللي هناك- وادارة الاوت ليت تبع بسترفيلج عندها اوت ليت فالمانيا وفرنسا وايطاليا واسبانيا و بسترفيلج يعتبر افضلهم

وانا حاجز وانشاءالله مسافر يوم الثلاثاء واحلا مافي لندن ان اهل قطر معروفه اماكنهم ناس ماشفتهم من سنين فقطر تشوفهم هناك وحتى لو زحمه وناسه ..


شوف اخوي بقولك شنهو السياحة في لندن غير شوفني وشوفك ؟؟؟ الأسواق زحمة والحرامية في كل مكان حتى الفندق الى ساكن فيه لاتأمن أن احد يبوقك وانا اعرف العام بس 4 من اهل قطر باقوهم من غرف الفندق 5 ستار وبعدين اشلون تقدر تمشي في الزحمة وشلون تقدر اتلاقي كرسي في الهايد بارك ولاتنسى طوابير المطاعم . واسعار الفنادق نار وفنادقهم وسخة وضيق وادخل موقع بوكنك وشوف الفنادق المتوفره كل الفنادق المعروفة محجوزه والفنادق الموجوده غرفها3*3 متر ..

وبخصوص الأسواق سوق ميونخ من أفضل الأسواق في اوربا ويعادل سوق لندن وسويسرى والمانيا من افضل الطبيعة في لعالم وفنادقهم روعة واسعارها مناسبة وبالنسبة للغة الكلام غير صحيح اللغة الأنجليزية تقدر تستخدمها في كل مكان في المطاعم والمطارات والفنادق

[درب الساعي]

انا اذا نزلت مطار لندن اول ماطلع من باب المطار تروح عني الامراض الصداع الام الجسم التعب الارهاق .

نصيحه خلوا عنكم لندن العاصمه هالحزه وطلعوا برى بريطانيا فيها عشرات المدن وكل مدينه احلى من الثانيه واسعارهم نص اسعار لندن وعليكم بالمدن الساحليه .

صح كلامك المدن الخارجية رعة ورخيصة مثل مانشستر وسوانزي و ادنبره وعموم مدن اسكوتلندا

[v_h3]

انا اذا نزلت مطار لندن اول ماطلع من باب المطار تروح عني الامراض الصداع الام الجسم التعب الارهاق .

نصيحه خلوا عنكم لندن العاصمه هالحزه وطلعوا برى بريطانيا فيها عشرات المدن وكل مدينه احلى من الثانيه واسعارهم نص اسعار لندن وعليكم بالمدن الساحليه .

اي و الله وفيها اكثر من منطقة عندك بلموث وتوركي ومدينة اكستر الي فيها شركة ابل ومناطق كثيرة احلا من لندن وارخص ،،

[العقل الحر]

صادق اخوي درب الساعي

في كل كلمه

[bo.rashid]

شوف اخوي بقولك شنهو السياحة في لندن غير شوفني وشوفك ؟؟؟ الأسواق زحمة والحرامية في كل مكان حتى الفندق الى ساكن فيه لاتأمن أن احد يبوقك وانا اعرف العام بس 4 من اهل قطر باقوهم من غرف الفندق 5 ستار وبعدين اشلون تقدر تمشي في الزحمة وشلون تقدر اتلاقي كرسي في الهايد بارك ولاتنسى طوابير المطاعم . واسعار الفنادق نار وفنادقهم وسخة وضيق وادخل موقع بوكنك وشوف الفنادق المتوفره كل الفنادق المعروفة محجوزه والفنادق الموجوده غرفها3*3 متر ..

وبخصوص الأسواق سوق ميونخ من أفضل الأسواق في اوربا ويعادل سوق لندن وسويسرى والمانيا من افضل الطبيعة في لعالم وفنادقهم روعة واسعارها مناسبة وبالنسبة للغة الكلام غير صحيح اللغة الأنجليزية تقدر تستخدمها في كل مكان في المطاعم والمطارات والفنادق

انا اقول هي مش سياحه هي "اسلوب حياه" والفنادق انا حاجز شقه من شهر 3 بسعر وايد زين وحجمها واسع ونظيفه جدآ ، وانا من 2002 كل سنه هناك ولا مره انسرقت واخلي فلوسي انا والاهل فالشقه في اي مكان آمن ونطلع ونرجع ماحد باقنا ، وبخصوص المطاعم لندن فيها مطاعم فكل شارع وكل زاويه وخصوصا المطاعم العربيه موجوده بكثره فيها اوقات زحمه وفي اوقات تكون خفيفه جدا والهايد بارك انا عن نفسي اجي احصل كرسي واذا ماحصلت اخذ لفه وارجع احصل لي مكان

وسوري سوق ميونخ ولا شي بالنسبة لندن انا تسوقت فلندن وتسوقت فميونخ وشفت شارع ماكسميلان بضاعتهم مب شي وماركاتهم اقل من لندن ، بالنسبه لي اشوف لندن احسن عاصمه اوروبيه وفيها اماكن وايد كل سنه اروح اكتشف مكان جديد ، يعني مثلاً في حديقة باترسي بارك اكبر وافضل من الهايد بارك وكثر مارحت لها ماشفت فيها عرب الا مره وحده .. تقدر تستاجر لك سيكل هناك وتدور فالحديقه مكان حلو وكبير جدا
ووايد اماكن سياحيه مش معروفه عند العرب لانهم مايروحون الا نفس الاماكن -الهايد بارك ، اوكسفورد ، نايتس برج .-

وهاي غير عن المسرحيات اللي متميزه بها لندن وموجوده فمسارح البكادلي ولستر سكوير ..

[Bin Hood]

انا شخصيا ولا مرة رحت لندن بس عندي اهل يحبون لندن بجنون غير طبيعي
ومن الكلام الي اسمعه عن المظاهر والفشخره وطالعني واطالعك صرت مب متشجع اروحها
لكن مثل ما تفضلت انها "اسلوب حياة" , يمكن اذا زرتها يوم من الايام تعجبني


انا اقول هي مش سياحه هي "اسلوب حياه"

وسوري سوق ميونخ ولا شي بالنسبة لندن انا تسوقت فلندن وتسوقت فميونخ وشفت شارع ماكسميلان بضاعتهم مب شي وماركاتهم اقل من لندن ، .

اسمح لي اعلق على هذه النقطة

ميونخ تعتبر من افضل الاسواق الاوربية وبضاعتها على مستوى عالي جدا
حتى الاوربين يتعنون للتسوق هناك , والالمان نفسهم في الصيف يرحون ميونخ للسياحة
وبالنسبة لشارع المسكيميليان شنو ممكن يكون افضل منه في لندن
لكن ارد اقول اني ما زرت لندن وقد اكون ظلمتها بمقارنتي بدون اني ازورها

[bo.rashid]

انا شخصيا ولا مرة رحت لندن بس عندي اهل يحبون لندن بجنون غير طبيعي
ومن الكلام الي اسمعه عن المظاهر والفشخره وطالعني واطالعك صرت مب متشجع اروحها
لكن مثل ما تفضلت انها "اسلوب حياة" , يمكن اذا زرتها يوم من الايام تعجبني



اسمح لي اعلق على هذه النقطة

ميونخ تعتبر من افضل الاسواق الاوربية وبضاعتها على مستوى عالي جدا
حتى الاوربين يتعنون للتسوق هناك , والالمان نفسهم في الصيف يرحون ميونخ للسياحة
وبالنسبة لشارع المسكيميليان شنو ممكن يكون افضل منه في لندن
لكن ارد اقول اني ما زرت لندن وقد اكون ظلمتها بمقارنتي بدون اني ازورها

المكسميلان جيد لاكن سلون ستريت وبوند ستريت يغطون عليه ، وايد افضل وارقى واشمل ، زور لندن وانا متاكد بتحبها :nice:

[درب الساعي]

انا اقول هي مش سياحه هي "اسلوب حياه" والفنادق انا حاجز شقه من شهر 3 بسعر وايد زين وحجمها واسع ونظيفه جدآ ، وانا من 2002 كل سنه هناك ولا مره انسرقت واخلي فلوسي انا والاهل فالشقه في اي مكان آمن ونطلع ونرجع ماحد باقنا ، وبخصوص المطاعم لندن فيها مطاعم فكل شارع وكل زاويه وخصوصا المطاعم العربيه موجوده بكثره فيها اوقات زحمه وفي اوقات تكون خفيفه جدا والهايد بارك انا عن نفسي اجي احصل كرسي واذا ماحصلت اخذ لفه وارجع احصل لي مكان

وسوري سوق ميونخ ولا شي بالنسبة لندن انا تسوقت فلندن وتسوقت فميونخ وشفت شارع ماكسميلان بضاعتهم مب شي وماركاتهم اقل من لندن ، بالنسبه لي اشوف لندن احسن عاصمه اوروبيه وفيها اماكن وايد كل سنه اروح اكتشف مكان جديد ، يعني مثلاً في حديقة باترسي بارك اكبر وافضل من الهايد بارك وكثر مارحت لها ماشفت فيها عرب الا مره وحده .. تقدر تستاجر لك سيكل هناك وتدور فالحديقه مكان حلو وكبير جدا
ووايد اماكن سياحيه مش معروفه عند العرب لانهم مايروحون الا نفس الاماكن -الهايد بارك ، اوكسفورد ، نايتس برج .-

وهاي غير عن المسرحيات اللي متميزه بها لندن وموجوده فمسارح البكادلي ولستر سكوير ..

أخوي بوراشد انت رايح مب سياحة رايح (اتغيير جو )على مكان انت اتعرفه وبعدين أنت مثل ما قلت عندك مكان للسكن يعني ما عندك مشكلة .يعني مثل الى عندهم شقق في لبنان ومصر والأردن .

انا اتكلم عن سياحه وخاصة أن اغلب الناس يروحون لها يعني الى بروح لندن هل وقت بيتلته عدللل وشوف مواقع حجز الفنادق أكبر دليل جميع الفنادق المعروفة محجوزه واذا لقيت اتلاقيها بسعر خيايلي واغلب الموجود في المواقع فنادق ماتستاهل غرف ضيقة ووسخة وحرام الواحد ياخذها

[A l i]

اي والله بخصوص الفنادق مافي حجوزات كلش
والفنادق ٥ نجوم اللي فيها حجز
توصل اسعارها فوق ١٥٠ الف حق ١٥ ليله !

[مضاد]

اي والله بخصوص الفنادق مافي حجوزات كلش
والفنادق ٥ نجوم اللي فيها حجز
توصل اسعارها فوق ١٥٠ الف حق ١٥ ليله !



ايش ...!!!

هذا بس الفندق :eek5:



هالبشر من وين يجيبون هالفلوس ... !!!؟ :discuss: ليكون على حساب ااا :secret:


ماشاء الله , الله يبارك ويزيد .

[Bin Hood]

المكسميلان جيد لاكن سلون ستريت وبوند ستريت يغطون عليه ، وايد افضل وارقى واشمل ، زور لندن وانا متاكد بتحبها :nice:

ان شاء الله في المستقبل

بس اخوي ما عندي فراري اخليها يمي وانا في الكوفي شوووووب

[بو خليفه 123]

يالبى لندن في ذمتي

من احب الاماكن الى قلبي بصراحه ..

سواءً بالصيف ولا الشتاء ولا القايله ولا صباح الله خير ..


اللي يقول للمغازل والمظاهر هذا لأنه مايروح الا للأماكن هذي فقط .. والمغازل تراه موجود بكل مكان حتى في ام غويلينه .. لكن يعتمد على اهتمام المسافر و عقليته والصحبه الطيبه الي معه..


لندن و ما ادراك ماهي لندن ..

الي بيقول منب رايح لانهم يقصون علينا و يرفعون الاسعار .. طيب ليه مازعلتوا يوم التجار الي منا و فينا ارفعوا الاسعار ولاحدٍ محاسبهم ..


هذا موسم توافد السياح عليهم .. ولا بد من رفع الاسعار و هذا للمستهلك افضل من ناحية تقليص خامة المستهلك "الذي لا ترغب بوجوده بنفس الفندق معك"


و بكل صراحه اقولها .. الي ماعنده كاش لا يروح لندن .. لانها غاليه .. و مابها الا الزين


الله .. ودك الحين تلبس جوتي رياضه تكرمون و تمشي من فندقك لين نوتنج هيل .. و تجلس هناك و تاكل الكب كيك حقهم على القهاوي الي بالشارع و تشرب ذاك الاسبريسو الي يقند الراس .. و تكتب لك بيتين شعر في لندن .. :shy:


للحديث بقيه .. يطول عنك الحديث يا لندن :shy:

[بدور]

يالبى لندن في ذمتي

من احب الاماكن الى قلبي بصراحه ..

سواءً بالصيف ولا الشتاء ولا القايله ولا صباح الله خير ..


اللي يقول للمغازل والمظاهر هذا لأنه مايروح الا للأماكن هذي فقط .. والمغازل تراه موجود بكل مكان حتى في ام غويلينه .. لكن يعتمد على اهتمام المسافر و عقليته والصحبه الطيبه الي معه..


لندن و ما ادراك ماهي لندن ..

الي بيقول منب رايح لانهم يقصون علينا و يرفعون الاسعار .. طيب ليه مازعلتوا يوم التجار الي منا و فينا ارفعوا الاسعار ولاحدٍ محاسبهم ..


هذا موسم توافد السياح عليهم .. ولا بد من رفع الاسعار و هذا للمستهلك افضل من ناحية تقليص خامة المستهلك "الذي لا ترغب بوجوده بنفس الفندق معك"


و بكل صراحه اقولها .. الي ماعنده كاش لا يروح لندن .. لانها غاليه .. و مابها الا الزين


الله .. ودك الحين تلبس جوتي رياضه تكرمون و تمشي من فندقك لين نوتنج هيل .. و تجلس هناك و تاكل الكب كيك حقهم على القهاوي الي بالشارع و تشرب ذاك الاسبريسو الي يقند الراس .. و تكتب لك بيتين شعر في لندن .. :shy:


للحديث بقيه .. يطول عنك الحديث يا لندن :shy:


والله انك صادق تونا راجعين من الهايدبارك جهة ماربل آآآرش جواتي رياضه ومشي وجلسه

على الحشيش ما تشوف عينك الا العبايات والشماغ وكبار السن يحليلهم بعيدين عن البحيره

والهدلق اللي هناك وشربنا لاتيه وكابتشينو واسبريسو الجوووووو رووووعه

يازين لندن حتى لو يوصل الباوند عشر ريالات بنجيها صيف وشتا وخريف :victory:

لفيت اوروبا وامريكا لكن لندن غير نحس فيها كنا في قطر عشرة عمر وياها

كمل وفضفض .. وتعال لندن لاتفوتك وراك ما جيتها يقولون القطريين وصل عددهم 50000:eek5: هنا الله يحفظنا :)

[cavok]

توني راجع من london وبصراحه حاره بعض الشي اللهم وقت المغرب جوها ولا اروع

[كايد الوكره]

انا في لندن من 3 شهور
الحر فقط كان في يومين فقط تاريخ 27-28 / 6 وصلت درجه الحراراه الى 32

اما حالياً النهار 22 والليل 12

لندن الاشهر لزياره لندن ( 3-4-5-10-11 )

[بو خليفه 123]

والله انك صادق تونا راجعين من الهايدبارك جهة ماربل آآآرش جواتي رياضه ومشي وجلسه

على الحشيش ما تشوف عينك الا العبايات والشماغ وكبار السن يحليلهم بعيدين عن البحيره

والهدلق اللي هناك وشربنا لاتيه وكابتشينو واسبريسو الجوووووو رووووعه

يازين لندن حتى لو يوصل الباوند عشر ريالات بنجيها صيف وشتا وخريف :victory:

لفيت اوروبا وامريكا لكن لندن غير نحس فيها كنا في قطر عشرة عمر وياها

كمل وفضفض .. وتعال لندن لاتفوتك وراك ما جيتها يقولون القطريين وصل عددهم 50000:eek5: هنا الله يحفظنا :)

بدووووووور والله زمان عنك يالقاطعه .. وين هالغيبه :(

انشهد انك صادقه في ذمتي عاد انتي بنت لندن ماعلمك فيها و اهل مكه ادرى بشعابها :nice:

السنه كنت في اسبانيا مع الاهل و ان شاء الله لي زياره الى لندن وقت ما كتب ربي في اقرب فرصه ..



----


تقبل اجمل تحياتي العطره لك يا درب الساعي

[وطن]

يالبى لندن في ذمتي

من احب الاماكن الى قلبي بصراحه ..

سواءً بالصيف ولا الشتاء ولا القايله ولا صباح الله خير ..


اللي يقول للمغازل والمظاهر هذا لأنه مايروح الا للأماكن هذي فقط .. والمغازل تراه موجود بكل مكان حتى في ام غويلينه .. لكن يعتمد على اهتمام المسافر و عقليته والصحبه الطيبه الي معه..


لندن و ما ادراك ماهي لندن ..

الي بيقول منب رايح لانهم يقصون علينا و يرفعون الاسعار .. طيب ليه مازعلتوا يوم التجار الي منا و فينا ارفعوا الاسعار ولاحدٍ محاسبهم ..


هذا موسم توافد السياح عليهم .. ولا بد من رفع الاسعار و هذا للمستهلك افضل من ناحية تقليص خامة المستهلك "الذي لا ترغب بوجوده بنفس الفندق معك"


و بكل صراحه اقولها .. الي ماعنده كاش لا يروح لندن .. لانها غاليه .. و مابها الا الزين


الله .. ودك الحين تلبس جوتي رياضه تكرمون و تمشي من فندقك لين نوتنج هيل .. و تجلس هناك و تاكل الكب كيك حقهم على القهاوي الي بالشارع و تشرب ذاك الاسبريسو الي يقند الراس .. و تكتب لك بيتين شعر في لندن .. :shy:


للحديث بقيه .. يطول عنك الحديث يا لندن :shy:


لندن مابين دبي يالغالي وواشنطن .. وحيد كانك علي تحن وتراعي

:dance

[بو خليفه 123]

لندن مابين دبي يالغالي وواشنطن .. وحيد كانك علي تحن وتراعي

:dance

عاش قاعد هههههه :nice: