تنصحوني ادرس اي تخصص في كلية الشمال الاطلنطي

[alzubara]

السلام عليكم ورحمة الله وبركاته

فالبدايه انا صار لي 3 سنوات تقريبا اشتغل
واخير بحصل فرصه اني اكمل دراستي على حساب الهيئه التي اعمل فيها

وكانت نسبتي فالثانويه العامه 86%
بس ماجبت الايلتز

ابي تخصص زين ومايكون صعب للي عنده خلفيه او درس في هالكليه

يعطيك الف عافيه

[ثابت]

الله يوفقك بس اخوي انا ما انصحك تدرس في شمال الاطلنطي بما انك صغير وتوك مخلص الثانوية شوف جامعة تعطيك بكالورية افضل من الدبلومة لنة الدبلومة مش مرغوبة ولا تعطيك السنيار في اغلب الشركات

[Abdulraman]

انا اعرف واحد سجل تخصص آي تي وخلص في سنتين ونص وثم كمل في بريطانيا ودرس سنتين وخذ البكارليوس
بالتوفيق

[alzubara]

اشكركم على تفاعلكم

[الحال مايساعد]

دامك مكمل ومكمل ، خذلك ماجستير وكلها 4 سنوات ماتحس فيهم

[alzubara]

اي بس ماعندي الا الشمال الاطلنطي

[ثابت]

توكل على الله و استخير والله بيوفقك شوف الاي تي تراء زين كمبيوتر ساينس

[Grnas]

اششش
أنا واحد من الناس الطيبين بس لا تقول حق احد . أنا داري انك تقول انه كلية شمال الأطلنطي كله يغششون الطلاب وحتى في جامعات ثانية في قطر يغششون. وانه عنصريين أو انه يبون بس فلوسك. منهجك ومقررك في يدك اللي هو كتابك اللي عطوك اياه . وتقدر تشتكي عالمدرس اذا تشوفه فاشل. النقطة الوحيدة اللي ماتعجبني انها مختلطة بس بعد لما تسافر كله مختلط .ماعلينا المشكلة في العالم اللي فشلوا

الشيخ أول شي كم ليفل انجليزي ورياضيات بتدرسه في الاطلنطي؟ ما تعرف؟ روح قدم وكله 500 ريال ويعطونك امتحان انجليزي ورياضيات ويقولون لك كم كورس يبغي لتدخل التخصص. طبعاً يعتمد على مواعيد القبول. وأنت وشو خسران.

هني يعتمد عليك: مثلاً قالوا لك يبغي لك ثلاث كورسات: أوكي كلمهم وقولهم متى يعني أدخل التخصص؟ بعدهم؟

الشي الثاني: بعد ماتتخرج ان شاء الله بتحصل جامعات تكمل فيها دراستك. لحد يقولك مافي. كله يعتمد عليك. وتشد حيلك وتضبط عمرك في امتحان توفل أو ايلز قبل ماتتخرج. عشان أول ماتتخرج أوراق القبول للجامعة اللي تروحها.

انزين. اذا درست وحده من هالتخصصات:
Telecommunications Engineering Technology
Mechanical Engineering Technology
Business Administration (Accounting)
Business Management (Human Resource Management)

لك الحق تدرس في جامعة ليفربول اذا كان عندك ايلز 6 ومعدلك تخرجك 3. وتخليك تخلص في سنتين بكالوريوس. هاي مثال أعطيك وفيه جامعات ثانية.

الشي الثالث: الزبارة. أنا الحين كتبت هالشي وفي ناس راحوا وليفربول يدرون. بتحصل المجلس الأعلى للتعليم يغير كل ثلاث سنوات قائمة البعثات مو الاعتراف فيها.

فيعني لما تخلص من الاطلنطي: عاااادي تحصل المجلس الأعلى للتعليم بسبب أنه في وايد ناس قطريين راحوا هالجامعة يشلونها من القائمة.

في النهاية هو اجتهاد وبالتوفيق من الله سبحانه: تخرج بأعلى معدل ممكن وقوي لغتك الانجليزية وحاول تجيب أعلى من 6 في الايلز والله يوفقك يالغالي

ياخي اعتبرها كأنك رايح تداوم في مكان غير شغلك مدة كم سنة وترجع بشهادة أعلى من الثانوية.
الحال مايساعد: جبتها . دام انك بتخلص وتنقبل في جامعة بالخارج فخذها ماجستير بس يتطلب من الجامعة شروط أعلى للقبول

الشي الرابع: ما عندك شي؟ وفاضي في الكلية؟ اذا كنت بتروح محاسبة مثلاً وشو نا قصك تذاكر CPA واذا كنت داخل اي تي ليش ما تاخذ مع الكورس في معهد سيسكو بالليل

[alzubara]

يعطيكم العافيه يا اخوان

وجرناس اشكرك جزيل الشكر على التوضيح والدافع
انا قدمت امتحان تحديد مستوى وبدرس تقريبا سنه وعقبها بتخصص

..

هل من مزيد

[Grnas]

يعطيكم العافيه يا اخوان

وجرناس اشكرك جزيل الشكر على التوضيح والدافع
انا قدمت امتحان تحديد مستوى وبدرس تقريبا سنه وعقبها بتخصص

..

هل من مزيد

إذا أنت قدها: تقدر تاخذ تخصصين في وقت واحد
مثل ادارة أعمال وآي تي. بس تاخذ وقت شوي زيادة. بس بيكون جدولك فل

[alzubara]

شيك الخاص اخوي

واسمح لي على الازعاج

[Sewar Qtr]

اخوي موضوع الايلز حده سهل
بطرشلك رقم استاذ وموضوعك خالص باذن الواحد الاحد
الله يوفقك

[alzubara]

جازك الله خير

[eXpert*]

إدارة أعمال - الموارد البشرية
إدارة أعمال - التسويق

الطلب عالي على هالتخصصين خصوصاً الأول لأنه غير متاح الإ في كلية شمال الأطلنطي وسوق العمل حالياً يقدم القطريين على الأجانب وخاصةً في إدارة الموارد البشرية بحكم إنها مدخل الشركة.

[alzubara]

مشكور اخوي

وانشاءالله خير

[الســيل]

اخوي موضوع الايلز حده سهل
بطرشلك رقم استاذ وموضوعك خالص باذن الواحد الاحد
الله يوفقك

ابي رقم هالمدرس اذا عندك ولا عليك امر :shy:

[خالد_قطر]

نصيحتي لك تخصص الموارد البشرية تخصص مرغوب وندرة بالنسبة للقطرين
وما أنصحك بالأي تي ليس لأنه غير مرغوب ولكن لأن الشغل يحكم دوامك يعني بتداوم أكثر من غيرك

[alzubara]

مشكورين على المساعده

[Mohammed2]

أنا طالب في كليه شمال الاطلنطي والكليه فيها تخصصات مفيده للشركات والهيأت
من ناحيه تعلم اللغه الانجليزيه فهي المكان الامثل
انا تطورت لغتي واااايد من دخلت الكليه ولي احين سنه ونص فيها
وممكن تكمل بعد الكليه في جامعات برى
وأعرف واحد تخرج من الكليه بعد مادرس فيها سنتين وكمل في لندن بجامعه هناك ايضا سنتين واخذ البكلوريا

افضل التخصصات هي تخصصات Business Management ( Human Resources- Marketing - Accounting )
وكذلك الآي تي تخصص حلو ومرغوب

وبالتوفيق

[alzubara]

جزاك الله خير

وبالتوفيق لك وللجميع