استفسار : رايح تايلاند وابي منكم خدمه

[مهنـي]

سلام عليكم

شخباركم

انا بروح تايلاند تاريخ 21-7 وبقعد اهناك لين 30 -7

الله يخليكم ابي جدول حلوو المجمعات والاسواق

وابي اروح الجزر الي هناك بتايا وبوكت

واابي ادلوني على شقق زينه في العاصمه وقريبه من شارع العرب
وشقق في بتايا وبوكت

لان هالسفره مع الاهل الله يخليكم ابي تفاعلكم مع الموضوع :shy::shy::shy:

[مهنـي]

بال وينكم مافي تفاعل

يالله بالستر

[Gh2o]

اولا اذا مع هلك وخر عن شارع العرب (المنتن ) في شقق زينه بمنطقه اسمها مي فير ومنها شقق الماريوت قعدت فيها العام ممتازه
بخصوص المولات كلها حلوه وبتعجبك وانت اسال الفندق وبيدلونك
الجزر ابتعد تماااااما عن بتايا تماما تماماً
روح بوكت بتستانس ان شاء الله فيها فعاليات وبحر وحركات وناسه صراحه

[احساس غريب]

اخوي نصيحه واتوقع الكل بيقولها لك اللي هي ابتعد عن بتااايا اذا معاك هلك تراها كلللش ماتصلح روح بوكت وبانكوك وفي بوكت روح واسكن في الميلينيوم في منطقة باتونق بيش هالفندق تحته مجمع من افضل المجمعات في بوكت وحولك مطاعم عربيه وكل شي تبيه وف بانكوك انصحك بفندق زينث خوش فندق الصراحه ومن ناحية المجمعات روح ام بي كي ومجمع طوكيو والله يوفقك واي استفسار انا حاااضر..

[المليونير الفقير]

رحله موفقه وترجعون بالسلامه

احفظ اسم هالمول رخيص جدا ويصلح للعوائل عباره عن7طوابق اسمه بتي نم

بالتوفيق

[مهنـي]

ماااقصرتوااا على الردود

بس عفو ليش ماروح بتايا ؟

[ابو علاوي]

ماااقصرتوااا على الردود

بس عفو ليش ماروح بتايا ؟

اللي راحم لتايلند يقولون ان بتايا فيها طيووور :secret:واجد وزحمممة

وماتنفع حق العائلات

[La Bella]

أحسن شقق للعوائل
سمرسيت ليك بوينت
تبي تعرف وش فيها بتايا دش اليوتيوب واكتب بتايا
بالنسبة لشارع العرب أكثر البضايع المعروضة الاسعار اكثر من الدبل
وخصوصن أطقم السفرة

[أبويوسـف]

السلام عليك

اخوي العزيز مثل ما قالوا لك الاخوان ابتعد عن بتايا اذا معاك عائله
ومابي اكثرها عليك اقترح عليك
الاتي :

1- 4 ايام جزيرة بوكيت وعندك في المطار وحده اسمها ماما نوي
احجز من عندها لانك ما راح تلقى ارخص منها واذا بغيت رقمها راسلني ع الخاص
واقترح عليك تسكن في فندق بيومنبيوري فندق راقي وسعره رخيص ( خذ غرفة ديلوكس ) عن تجربه

2- 3 ايام في شنغماي

3- يومين بانكوك للتسوق وانتبه تسكن في فندق جريس لان ما يلصح للعوائل كلش
ونصيحتي اسكن في الفنادق اللي خارج شارع العرب ونفس الوقت ما تكون بعيده عنه


وانشاءالله راح تدعي لي على هذا الترتيب

وبالتوفيق انشاءالله

[La Bella]

2- 3 ايام في شنغماي

وين تطلع هذي مدينة ولا جزيرة ؟؟

[Gh2o]

2- 3 ايام في شنغماي

وين تطلع هذي مدينة ولا جزيرة ؟؟

ثاني اكبر مدينه عقب بانكوك وفيها من بانكوك وبكوت ويفضلونها للعوائل انا مارحت لها بس يمدحونها

[Gh2o]

ماااقصرتوااا على الردود

بس عفو ليش ماروح بتايا ؟

لانها جزيره منتشره فيها الدعاره والشرب والمخدرات بشكل كبير :)

[مهنـي]

مشكوررررررررررررررين وعلى راسي من فوق والله

وانشالله بستفيد من كل كلمه قلتوها..

[مهنـي]

اخوي بويوسف

ماعليك امر اطرش لي رقم ماما نوي على الخاص لان ماقدر ارساللك ماوصلت 50 مشاركه
والفنادق والشقق بجانب شارع العرب والشقق الي بوكت واحسن طيران توديني بوكت
بالعربي ابي كل التفاصيل على الخاااااااص

[السكين]

أخوي شانغ ماي حلوة وجوها بارد احلى من بانكوك وبوكيت من هالناحية .

لو رحتها لا تنسى تروح الهاي ماونتن عجيب وحديقة الأفيال ..

بتايا فيها اماكن سياحية حلوة بس للأسف الدعارة وتجارها أكثر من الرمل فيها .. وتسبب لك احراجات مع أهلك حتى بالتسوق ..

ونصيحة أخ لا تسكن في نانا ( الحي العربي ) اسكن قريب منه لزوم التسوق والمطاعم .

[abu ali1]

أقترح عليك التالي اخوي:

أول يوم: من الدوحة-بانكوك وعلى طول الى بوكيت.... للإستفادة من قصر المدة (9) ايام...
3-4 ليال في بوكيت: ومنها الذهاب الى الجزر...وزيارة حديقة الحيوان لحضور عرض التماسيح والقرود والتصوير مع النمر...ههههههههه....زيارة البوذا المنسدح في الكهف وهي منطقة تبعد عن بوكيت مسافة الساعة بالسيارة.... وايضا الذهاب الى قمة جبل البوذا ورؤية بوكيت من اعلى الجبل...ولا تنسى اخوي الذهاب الى الفانتازيا....ترا وايد بتستانس من المنطقة العروض الموجودة.....وايضا زيارة بعض المعابد القديمة في المنطقة...

وبعدها السفر الى بانكوك والذهاب على طول الى شانغماي، وهي منطقة جميلة جدا وهادئة وتبعد حوالي الساعة بالطائرة...في شمال تايلند..... (يومين كفاية عليها)....
ويمكن زيارة التالي: الشلالات....ومنطقة الرقاب الطويلة....وعروض الفيلة وروكبها....وعروض الثعابين...وزيارة بعض المعابد القديمة الجميلة.....وانصحك بزارة النايت سفاري ومشاهدة الحيوانات في الليل... وعروض الليزر الموسيقية..

وبعدها الذهاب الى بانكوك والتسوق ليوم الرجعة....وطبعا لا تفوت السوق العائم وتبعد حوالي الساعة والنصف من بانكوك...وديزني لاند

السكن: بوكيت - اقترح عليك اخوي الهوليدي ان او الملينينيوم...
شانغماي: اقترح وبشدة الـ اليمريديان (5 نجوم) ونظيف جداوسعره حلو (بحدود 270 ريال لليلة) ومكانه في السوق الليلي وقريب من المطاعم الحلال.. وفي اماكن نظيفة لمساج الرجل انصح فيها خاصة بعد عناء المشي...وساعة المساج بـ 35 ريال تقريبا...
بوكيت: الماريوت (قريب من شارع العرب) او اللاندمارك (قريب من شارع العرب) او الانتركون(بعيد من المطاعم في شارع العرب...

التسوق في بانكوك: المراكز التجارية:

سيام باراجون عند محطة سيام ستيشن SIAM PARAGON siam station
ذ امبيريوم محطة بروم بونجTHE EMPORIUM phrom phong station
سنترال وورد بلازا محطة شيت لوم CENTRAL WORLD PLAZA chitlom station
جاي سورن بلازا محطة شيت لوم GAYSORN PLAZA chitlom stathon
امارين بلازا محطة شيت لومAMARIN PLAZA chitlom station
ايراوان بلازا محطة شيت لومERAWAN chitlom station
بيننسولا بلازا محطة راتشا دا ماريPENINSULAR PLAZA ratchadamari station
اول سيسون بالاس محطة بيلون شيت ALL SEASONS PLACE ploenehit station
سيام ديسكفري محطة سيامSIAM DISCOVERY CENTER siam station
ام بي كي او الطوكيو سنتر محطة الناشيونالMBK TOKYO CENTER national station
سنترال شيت لوم محطة شيت لوم CENTRAL CHIT LOM chit lom station
سنترال بلازا محطة شيت لومCENTRAL PLAZA chit lom station
سنترال سيتي محطة اون نتسCENTRAL CITY onnuts station
سي كون سكوير محطة سريناخارين SEA CON SQUARE srinakharin road
اولد سيامOLD SIAM
لوتس تيسكو محطة اون نتسLOTUS TESCO on nut station
ذمول كومبليكس شارع رام كامهانج THE MALL SHOPPING COMPLEX ramka mhaeng rood
روبنسون سوكوموفيت رودROBINSON soko movet rood
بلاتينيوم سنترPLATENYOM CENTAR
بيج سي THE BEG SEE


بانكوك الاسواق الشعبية والمفتوحة:


جاتو جاك ماركت او سوق الاحد CHATUCHAK MARKET
بات بونج ماركت PATPONG NIGT MARKET
البراتونام ماركتPRATUNAM
باي يوك ماركت BAI YOKE MARKET
بانج لامبو BANG LAMPHU MARKET
بوبي ماركتBOBE MARKET
اموليت ماركتAMULET MARKET
باك خالونج ماركت (سوق الزهور)PAK KHLONG MARKET
ميموريال بريدج نايت ماركت MEMORIAL MARKET
تشاينا تاونCHAYNA TAWN
سامبنجSAMPENG
خاو سان روودKHAW SAN ROOD





التسوق في تشانغ ماي:
موانج ماي MUANG MAI
تون باجومTON PAGOM
ثيبانيت ماركت THIPANET MARKET
واراروت ماركت WAROROT MARKET
جات مارك GAT MARKET
سان با كوي SAN PA KOY
نايت بازارNIGT BAZAR
سومبهيت ماركتSOMPHET MARKET
موانج ساموتMUANG SAMUT
خوانج سنجKHUANG SING
كومتينج فلاور ماركت KOMTIENG FLOWER MARKET

بالتوفيق....

[مهنـي]

مشكورين والله وانشالله بنقل لكم الحدث وبنزل الصور مباشر على الموقع على طول
طبعا ..بوعلي ماااااقصرت على هالجدول والله وانشالله يناسب هلي
..وبصراحه انا مخطط لها من زمان بس الجدول ملخبطني

شكــــــــــــــــــــــــــــــــــــــــــــــــ ــــــــــرا

[خشوف]

لي رجعة بما اني بسافر تايلند وان شاءالله بفيدك

[مهنـي]

انشالله مااقصرتي اختي

[مهنـي]

ياااخوان مافي حجز في الفنادق التاليه a one
garand bardnzat
ابي شقق الله يخليكم بس زينه على الاقل الليله ب500 او حد يفيديني انا سمعت ان فندق الماريوت فيه منه
شقق ..؟

[عبدالله 2022]

بانكوك حق تسوق بس واحسن مجمع mbk

وفكت حق راحه واستجمام و مغامرات

[alghalya1]

ياااخوان مافي حجز في الفنادق التاليه a one
garand bardnzat
ابي شقق الله يخليكم بس زينه على الاقل الليله ب500 او حد يفيديني انا سمعت ان فندق الماريوت فيه منه
شقق ..؟



اخوي أنصحك بشقق اماري في شارع العرب

[q6ri_vip]

ترى في أماكن حلوه في تايلند بس محد يروح لها وهذي بعض الصور



تبعد عن بانكوك 3 ساعات

http://www.up.qatarw.com/up/2011-07-08/qatarw.com_2095682481.jpg (http://www.up.qatarw.com/)

هالرسومات الكرتونيه تعتبر سكن تختار الشخصيه اللي تناسبك
http://www.up.qatarw.com/up/2011-07-08/qatarw.com_1647708292.jpg (http://www.up.qatarw.com/)

هذا منتجع سويسري كانك قاعد في سويسرا .
http://www.up.qatarw.com/up/2011-07-08/qatarw.com_26296109.jpg (http://www.up.qatarw.com/)

هذا اللي يبي يبعد عن العالم ويركلس يروح يقعد له في هالأماكن

[مهنـي]

الله يجزيكم خير
ماقصرتوا

[عاشق العنافيز]

هلا اخوي شلونك
انا توني جاي من تايلند ورحت كل مكان في شخص انا الصراحه تعرفت عليه اهناك والصراحه ماتصدق له خصومات خهاصه في العلاج والفنادق ارخص من النت اب وادي لانه عايش اهنيه تقدر تتصله وتتفاهم معاه
مراح ترجع الا وانت مستانس في كل شي ولا راح تصدق
0066870793702 حسام