؟؟ شرح عن الفيزا كرت لو ممكن ؟؟؟

[سهم الخليج]

السلام عليكم

انا اليوم فتحت فيزا كرت رصيدي داخل الفيزا 5000 ريال انا ما طلبت هاي المبلغ عطوني المبلغ من عندهم
((الى حبيت اعرف لازم يعطوني هاي المبلغ اول ما افتح الكرت ؟؟ ويصير يقللون من المبلغ بالى انا ابيه ؟؟ لان انا الى كنت اعرفه اعبي رصيد كثر ما ابي في الفيزا وبعدين اشتر من البطاقه ))


انا فتحت الفيزا عشان اطلب من مواقع النت
لو باطلب كم من ميه ياخذون مني فايده ؟؟ بسحبون مني من الفيزا بعد الطلب بعدين اروح اسلمهم الفلوس كاش في المصرف؟؟

ابي حد ينصحني ياريت يكون بالتفصيل
لان مو عارف بسحيون مني وايد او اشوي

حبيت اعرف من تجاربكم

انشاءالله خير

[AL-ZAINA]

الفيزا عموما عليها فايده يسحبونها كل شهر من الرصيد تقريبا 100 او 50 مش متاكده

بس دامك تبي الفيزا حق الانترنت والمواقع في بطاقه انترنت اسمها اي-كارد

هذي تستخدمها للتسوق على الانترنت هذي ميزتها سيفتي اكثر
ونسبه المخاطر عليها قليله جدا

وبخصوص الفيزا هذي الـ 5000 ريال تقدر تخليها شكليه مثلا تحط فلوس من حسابك الخاص فوق ال5000 وتسحب منها
اما ال 5000 لو سحبت منها ياخذونها من حسابك اللي يدعم هالفيزا ويكون طريقه الدفع 3% من مبلغ الدفع

نصيحتي لك اذا تبي الفيزا للتسوق عن طريق الانترنت كنسلها وطلع لك اي- كارد وايد احسن وسيفتي

والفيزا حلوه حق الحالات الطارئه مثلا بطاقه الصراف الالي مامشت -ضاعت- اختربت

وحلوه حق السفر
وغير هذا الفيزا لها مميزات خاصه منها التامين على الحوادث في حاله السفر التامين على قيمة المشتريات في حاله السرقه او الفقدان
ووميزات واجد ممكن تمر فرعك اللي فاتح عنده الحساب وراح يشرحون لك بالتفصيل الممل واسئلهم عن الكتيب الخاص

او اقول شي اسهل طريقه ادخل موقع بنكك اللي فاتح فيه حساب وادخل على قسم الفيز واقرا المميزات

واي خدمه ثانيه او اي اسئل انا حاضره باي وقت :)

[Rashid554]

انصحك ببطاقات الفيزا مسبقة الدفع اضمن واوفر ومن غير فوايد

[ابن مانع]

اهم شي خل التسديد 100% عشان ماتتراكم عليك الفوايد وخاصه اذا كانت من احد البنوك الربويه

[بنت العلي]

دام ان البطاقة للانترنت انا انصح بال اي-كارد ,,,

وبطاقة الفيزا العادية هااذي انت اللي اتحدد كم تبيهم يسحبون من حسابك شهريا يا 5 % ---- او 10%
والفايدة تختلف ف كل البنوك ...

[تاجر قطرى]

اخوى نصيحتك لك روح حق المجموعة عنهم بطاقة انترنت مسبقت الدفع ياخذون منك 200ريال رسوم اصدار وحط المبلغ الى انت تبى اتحطها من 500ريال و مضمونة وماعليها فوايد

[تاجر قطرى]

حاول اخوى تبتعد عن الفيز الى البنوك تحط لك فيها لمت معين 5000ريال او 15000ريال ثرها بسحبها بسرعة و ينزل عليك فوايد كل شهر وكل ما تدفع قسط الفيز اترد تسحبة مرة ثانى ولا راح اتخلص ابتعد ابتعد عن اى فيز ماستر كارت ولا فيزكارت

[سهم الخليج]

يعطيكم العافيه ع النصيحه

والهل ما قصرتو بيض الله وجيهكم

حبيت اعرف هاي الى اسمه اي كارت او بطافه مسبقة الدفه

بطاقه مسبقة الدفه اقدر احول الفيزا مسبقة الدفع؟

وين اقدر اطلع اي كارت لو ما يصير احول الفيزه مسبقة الدفع؟

ويعطيكم العافيه

[تاجر قطرى]

الطلعلك فيز مسبقة الدفع عند المجموعة اخوى

[جامعة قطر86]

في بطقاهة اسمها " هديتي "
من مصرف قطر الاسلامي
تعبيها بالمبلغ اللي انت تبيه ورسومها 20 ريال اضن

[المبرمج صلاح]

ماشاء الله بالتوفيق

[المحقق كونان]

بطاقة هديتي من المصرف

الفئات الموجودة

100-250- 500-1000-2500-5000

وعليها رسوم اصدار 20 ريال

و تقدر تستخدمها في المحلات و في الانترنت

و الله يوفقك