مهازل ارتفاع اسعار الادوية و القانون اللي جاء ليضلل المواطن

[fantasy]

السلام عليكم
بغيت رايكم في القانون اللي راح يطبق او قرار مادري شيسمونه عن الغاء الاحتكار للادوية بصراحه انا اعتبره قرار مصخره و عندي دليل واحد على نوع واحد من الادوية وانتوا كملوا على اللي باقوله
حبوب جينيرا كان على سعر ثابت 22 ريال و قبل عده اسابيع ارتفع الى 27 ريال و بعد اسابيع اخرى وصل الى 29 و فقط من يومين رحت اشتريه لاجد ان سعره 31 ريال
والله مهزله كبيره و على قولتهم الطيور طارت بارزاقها يعني بالعربي القانون يخدم الكبار علشان يرفعون الاسعار و من ثم كل واحد كيفه يجيب من برا لان الاسعار والمواطن خلاص تأقلم مع السعر الجنوني و مافي داعي اذكر اسماء الكبار في عالم الادوية
للاسف مافي شي لخدمة المواطن و على فكره ترى لين كان سعره 29 كنت في السعوديه و كان الكلام من اسبوعين و سعره هناك ب 22
والله نصبه كبيره للاسف

[هجمة مرتدة]

ذكرتني بآلية مقترحة منذ فترة لتوحيد أسعار الأدوية في دول الخليج نصـــه الآتي:

أقر وزراء الصحة لدول مجلس التعاون لدول الخليج العربي تصوراً شاملاً لآلية توحيد أسعارالأدوية لدى القطاع الخاص في جميع دول المجلس، وتقرر رفعه الى المجلس الأعلى لدول مجلس التعاون، لعرضه على المؤتمر المقبل للاطلاع واتخاذ القرارات المناسبة في شأنه. وحصلت صحيفة "الخليج" على التصور المقترح لآلية توحيد أسعار الأدوية حيث نصت الآلية المقترحة على أنه في حال تطبيق آلية موحدة لتسعير الأدوية لا بد من تصنيف المستحضرات. واقترحت الآلية إصدار قرار من المجلس الأعلى لدول مجلس التعاون لتوحيد سعر التصدير وهي التكلفة والتأمين والشحن، أي سعر الدواء الواصل إلى الموانئ بعملة واحدة لدول المجلس، ثم إصدار قرار من المجلس الأعلى لدول المجلس لتوحيد سعر الدواء بتوحيد الهامش الربحي لكل من الوكيل وتاجر التجزئة في كل دول المجلس. وأوضحت الآلية انه بعد صدور القرارات النظامية والقانونية لتوحيد سعر الدواء- سعر التصدير والسعر للجمهور- تقوم إدارات الرقابة الدوائية بإعادة تسعير الأدوية المسجلة في دول المجلس ويتم توحيد سعر التصدير والسعر للجمهور.

[المسك1969]

الله المستعان... انا صراحة ماسمعت عن هذا الاحتكار الذي ذكرته..

بس فعلا الادويه غاليه جدا... وهناك بعض الادويه التي غير متوفره في المؤسسة ويشتريها المواطن او المقيم من خارج المستشفى فتكون بسعر عالي...

الله يعز حكومتنا بس وأتمنى ان تكون هناك رقابه فعلا على اسعار الادويه.. فحرام كما ذكرت ان ترتفع بهذه السرعه ..

جزاك الله خيرا على الطرح

[الغالي!]

من اللي يشتري ومن اللي عنده تامين صحي !!!!!!!!!!!!!!

[جاسم القطري]

الأدوية أسعارها نااااااااااار

حتى الصيدلي اللي يبيع مستغرب يقول شنو ذي

ومن أسبوعين مريت الصيدليه واقوله السعر ليش زايد

قالي وبترتفع زياده

طبعا وكيل الأدوية معروف مافي غيره

السالفة ما ترقع كل شي صار غالي

فرق السعر واضح في كل شي عندنا وبين دول الخليج

مواد غذائيه ، ادويه ، قطع غيار ، تذاكر سفر ، ،،،،،، كل شي

[بودحوم]

عزتي لك يالمواطن . ونتك محدن سمعها
................ عمك أصمخ للقريب . والبعيد يبشر بعزه

[بولينجر]

بالفعل كل الادوية ارتفع سعرها.....

[شموخ]

أنا ما أقول غيرحسبي الله ونعم الوكيل على كل تاجريستورد الأدوية ويبيعهابسعرغالي جعل كل بيزة من مال الحرام زقوم في جبده الين يوم القيامةيارب-ماقلت هالكلام الا من القهراللي احناعايشينه بسبب ارتفاع الأسعاروبخاصةأسعار الأدوية لأني قلت من كم يوم اني رحت احدى الصيدليات وشريت اللي ابيه وكان سعره قبل الارتفاع 31ريال بعد الارتفاع صارسعره 54ريال شوفوا الظلم اشلون طايح عليناقولوا لنا شنسوي من عنده نشتكي الله يمهل ولايهمل وحسبي الله ونعم الوكيل على اللي عطاهم الخيط والمخيط في ايدهم ويتلاعبون في الاسعارعلى كيفهم--