شسالفه يابنك المصرف

[tees]

بخصووص انه مطرشلي مسج تم سحب الرصيد بالكامل وتوه نازل الراتب وصاير ماينس
باراتب كامل والمشكله مب لي بروحي كذا واحد جاله المسج اليوم واتصلهم من مساعه محد يرد

[المسك1969]

الله المستعان

وااايد تصير... يمكن احد كان منهم محتاج المبلغ وبيره لك لا تحاتي خخخ

والصراحه انه تحدث اخطاء فأحيانا قد يسحب المبلغ من حسابك بدون سبب ثم تتفاجأ انه رجع.. شسالفه الله أعلم... بس اهم شي انه يرجع

اتصل على 44448444 خدمة الصراف المركزي

[rashid700]

نفس المشكله قاعد جنبي واحد من الربع وجاه المسج

[هجمة مرتدة]

يا ولد الحلال أعتبرها دافع بلاء عني وعنك :nice:

[كايد الوكره]

المسج جاء شخص آعرفه , وراح رصيده
يتصل بالمصرف ومحد يرد عليه

[tees]

وين يالحبيب دفعه بلا الله يهداك عندنا عيال نبي نصرف عليهم وحاله بروحنا مب ناقصين سوالف
يلله يلله يكفي لين 10 من الشهر بعد دفعة بلا اقول رحنا

[Gh2o]

احتمال كبير خلل بالسستم عندهم بس لا تحاتي فلوسك موجوده ان شاء الله

[روح الاطلس]

هالبنك لابد يتحاسب

اختي نفس الشي وصلها مسج تم سحب مبلغ 9779 من الرصيد وتتصل لهم محد يرد

قمة الاستهتار بالعملاء على الاقل حطوا مسج صوتي ان كان هناك خلل ووضحوا للناس

مب ناس طارت عقولها

انا قلت يمكن تهكر البنك !

[بوطويشم]

السلام عليكم

جربت تستخدم الــatm ؟؟؟؟

[tees]

عندي واحد من الربع نفس السالفه جرب زين مانسحبت البطاقه

[CH Engineer]

عادي اخوي اسحبوا منك بيرجعونها بعد اسبوع او حتى بعد سنه ماعندهم اي مشكله
لان محد بيحاسبهم

انا اقترح تتواصل مع الي اسحبوا منهم الفلوس وتطلبون تعويض عشان تضمنون ماتنعاد الحركه مره ثانيه
وبنفس الوقت في ناس ينتظرون الراتب وراهم التزامات وهالشي يسبب لهم ضرر وفوق هذا فلوسي ليش البنك يسحبها ويستفيد منها وبعدها يرجعها لي وبدون اذني!!

اذا محد بيشتكي ولاعمرهم راح يحترمون العميل..

[الباحثة]

اليوم ردو الرواتب الكل امس صارت له هالمشكله

[هبوب الكوس]

يمكن تبرعوا بالرواتب :(

[ام الحلوين]

نفس القصه صارت لزوجي ورجعوها اليوم
غريبه

[محمد]

على فكرة المصرف مطرش مسجات من كم يوم ان غيروا البن كود لاي تي ام و حافظوا على تغييره بشكل دوري
و واضح ان المصرف واقع ضحية عمليات احتيال على بطاقات الاي تي ام من الخارج .. بس هالي صار لكم ما اظن له دخل يمكن فيه خلل وصلحوه

[الماريّة]

وحده قالت لي


انه تم ضبط مجموعه نصابين كانوا يسون نسخ لبطاقه لما الشخص
يجي يشتري بالبطاقه

واضبطوا فوق عشرين واحد لذلك انتبهوا ياجماعه

اشتروا كاش ابرك لكم من البطاقه