خطيب يكلم خطيبته شوفو ا جرائتها عليه

[بنQATARت]

رن جرس الموبايل للمرة الخامسة وردت عليه الخطيبة:
الخطيب:أعتقد أنا انسان مو ***** تطنشيني وماتردين على تيليفوناتي.


الخطيبة:رد السلام في الاول وبعدين نتفاهم.

الخطيب:شو راح يكون عذرج يعني بتقولين كنت نايمة ولا قاعدة مع أمي وخواتي.

الخطيبة: الله يسامحك تتهمني قبل ما تسمع مني.

الخطيب:بصراحة الأمر واضح بدون ماتوضحين..ليش ماتردين على تيليفوناتي اكيد كنت مشغولة مع غيري ما كنت فاضية لي؟

الخطيبة:بصراحه فعلا كنت مشغولة مع غيرك.

الخطيب:منو هذا اللي ماخذ عقلج وكل تفكيرج لدرجة ما خلاج تردين على تيليفوناتي؟

الخطيبة:بصراحه لما أكون معاه أنسى الدنيا وما فيها فلازم ياعزيزي تعذرني.

الخطيب:وبكل وقاحة تقولين هذا الكلام جدامي وحنا بعدنا مخطوبيين فلو تزوجنا شو كنتي بتسوين؟

الخطيبة:الله يسامحك ما في داعي للغلط مادمت انا ما غلطت عليك.

الخطيب:كل هذا وما غلطتي..تطنشين تيليفوناتي وماتردين علي 4اتصالات طول اليوم ولما رديتي الحين تقولين لما أكون معاه أنسى الدنيا وما فيها كل هذا وما غلطتي؟

الخطيبة:هذا ماحصل فعلا كنت مشغولة معاه وما قدرت ارد على تيليفوناتك.

الخطيب:الظاهر ما راح نقدر نكممل هذي العلاقة فخليج مع اللي كنت مشغولة معاه واللي فضلتيه علي.

الخطيبة:جزاك الله خير هذا أحسن شي سويته.

الخطيب باستغراب:ليش انتي فرحانة لفصخ الخطوبة ومنو هذا اللي ضحيتي فيني علشانه؟

الخطيبة:أنا فرحانة لان اتصالاتك الأربعه اليوم كشفت لي شيء خطير يبعدني عنك ويخليني أصمم على فصخ الخطوبة.الخطيب باستغراب:ممكن تفهميني أكثر.

الخطيبة:انت اتصلت فيني اليوم الساعة 11و45دقيقة ظهرا والساعة3و45 عصرا والساعة 6و30 المغرب والساعة 8مساء وهذا هو اتصالك الخامس اللي تكلمني فيه

الخطيب:شيء عجيب انج تتذكرين حتى ساعة الاتصال بكل دقة.

الخطيبة:أتذكرها لأنها الأوقات اللي أكون فيها مشغولة مع أحب واللي أنسى كل شيء من أجله والبذات لما أكون معاه في هذي الأوقات..وأنا الأن فرحانة
لأني اكتشفت انك مشغول عن من هوأحق بانشغالك به،تحب تعرف أنا مع من كنت؟

الخطيب:منو معاه؟

الخطيبة: كنت مع الله،لأنك كنت تتصل فيني في اوقات الصلاة الوقت اللي أكون فيها منقطعة عن الدنيا وما فيها،وأنا ماأقدار أرتبط في انسان لاتربطه صلة بالله.

أغلقت الخطيبة التيليفون بوجه خطيبها بعد أن قررت هي الابتعاد عنه.

(( يآآآرب تعجبكم))

منقول :shy:

قصة قرأتها وحابة نتناقش فيها
أهم موضوع في بالي هو فترة الخطوبة وأهميتها للطرفين
في اكتشاف الشخصيات
وقدرة البنت وشجاعتها في اتخاذ القرار سواء ان تكمل مع الشاب او لا
وخوفها من كلام الناس
نبي رأيكم سواء الشباب او الشياب
هههههههههههههه
يعني من خبرتكم وظروف مريتوا فيها او سمعتوا عنها

[R 7 A L]

في البداية
نبي نفهـــم
هل البنت قاصدة ماترد على مكالمتة الأولى على شان تشوف هو بيتصل فيها في اوقات الصلوات ؟

ليش لما سألها ماقالت لة اني كنت اصلي وخلتة يشك فيها ؟

[اللورد]

اسلوب الخطيبه مو حلو في البداية تبغي تشكك زوجها وبس كان ممكن توضح مباشرة انها كانت تصلي في هذه الأوقات ,,,

[بنQATARت]

اسلوب الخطيبه مو حلو في البداية تبغي تشكك زوجها وبس كان ممكن توضح مباشرة انها كانت تصلي في هذه الأوقات ,,,

ممكن كانت تختبرة
مثل مايسوون بعض الرياييل حج حريمهم

[االشامخ]

لا تعليق

[كان فيه وخلص]

الشيء بالشيء يذكر

في وحده تقدم لها شاب للزاوج ،وكانت خايفة جدا انه هذا الشاب ما يصلي ،

وهو مبين عليه أنه ما يصلي ،

لكن الحمد لله طلع الرجال محافظ على الصلاة ،،

ولكن المصيبة الكبرى

أن البنت طلعت هي اللي ما تصلي :swoon2:

----------------------------------------------------
المفروض قبل ما تنخطب وتوافق على الزواج كان لا تزم تسأل عن الرجل يصلي ولا لا ،،

شكرا على الموضوع ،،

ويعطيكم العافية ،،

[CH Engineer]

يمكن الرجال يتصلها كل مايروح المسجد

ياحب البنات لهالقصص

[الـراسي]

يمكن الرجال يتصلها كل مايروح المسجد

ياحب البنات لهالقصص

كل شي جائز

[بوحمد111]

طيب وما دام البنت تذكر مواقيت اتصال خطيبها لها ليش ما تتصل البنت بعد الصلاة وتقول له من البداية كنت اصلي

وفي نفس الوقت عجبتني البنت بردودها على خطيبها ويمكن تبي تختبرة ان كان شكاك او لا وطلع الخطيب فعلاً شكاك ولو تم الزواج هذا ما راح يستمر لأن اغلب حالات الطلاق سببها شكوك احد الزوجين بالثاني

مع خالص تحياتي

اخوكم الكبير بوحمد

[بنQATARت]

الشيء بالشيء يذكر

في وحده تقدم لها شاب للزاوج ،وكانت خايفة جدا انه هذا الشاب ما يصلي ،

وهو مبين عليه أنه ما يصلي ،

لكن الحمد لله طلع الرجال محافظ على الصلاة ،،

ولكن المصيبة الكبرى

أن البنت طلعت هي اللي ما تصلي :swoon2:

----------------------------------------------------
المفروض قبل ما تنخطب وتوافق على الزواج كان لا تزم تسأل عن الرجل يصلي ولا لا ،،

شكرا على الموضوع ،،

ويعطيكم العافية ،،

شكرا على مشاركتك
السؤال عن الطرفين ليس عن الرجل فقط
لأن البنت هي اللي بتربي لعيال ويجب ان تكون محافظة على الصلاة

[شمعة الدوحه]

لو كان رايح يصلي بالوقت اللي يتصلها فيه كان تكلم في النهايه وقالها

دام ماله تعليق

فمعناتها ماعنده رد على خطيبته

القصه مستحيل تكون واقعيه من تفاصيلها واضح انها للعبره فقط

لكن المغزى منها الشك في فترة الخطوبه او حتى بعد الزواج

والتزام الطرفين بالصلاه

بالنسبه لنقطة الصلاه .. هذي نقطه مهمه سواء في الزوج والزوجه لانه اللي فيه جزء من خوفه من الله راح يكون أخير بمليون مره من واحد مايعرف ربه لاصلاه ولا صيام

والاكثريه اللحين الله لايبلانا صارت صلاتهم في شهر رمضان فقط

الله يبلغنا واياكم هذا الشهر الفضيل

ويهدي من يظن ان الصلاه في هالشهر وبعدها ينساها :(

[بنQATARت]

طيب وما دام البنت تذكر مواقيت اتصال خطيبها لها ليش ما تتصل البنت بعد الصلاة وتقول له من البداية كنت اصلي

وفي نفس الوقت عجبتني البنت بردودها على خطيبها ويمكن تبي تختبرة ان كان شكاك او لا وطلع الخطيب فعلاً شكاك ولو تم الزواج هذا ما راح يستمر لأن اغلب حالات الطلاق سببها شكوك احد الزوجين بالثاني

مع خالص تحياتي

اخوكم الكبير بوحمد

يمكن شافتة في كل صلاة يتصل فحبت تنتظر الى بعد صلاة العشاء علشان تقدر تتأكد من شيء
جا في بالها وفعلا رسب في الأختبار واللي ادمر طلع شكاك
مسكين هذا مرض ويصعب علاجة :rolleyes2:

[بنQATARت]

لو كان رايح يصلي بالوقت اللي يتصلها فيه كان تكلم في النهايه وقالها

دام ماله تعليق

فمعناتها ماعنده رد على خطيبته

القصه مستحيل تكون واقعيه من تفاصيلها واضح انها للعبره فقط

لكن المغزى منها الشك في فترة الخطوبه او حتى بعد الزواج

والتزام الطرفين بالصلاه

بالنسبه لنقطة الصلاه .. هذي نقطه مهمه سواء في الزوج والزوجه لانه اللي فيه جزء من خوفه من الله راح يكون أخير بمليون مره من واحد مايعرف ربه لاصلاه ولا صيام

والاكثريه اللحين الله لايبلانا صارت صلاتهم في شهر رمضان فقط

الله يبلغنا واياكم هذا الشهر الفضيل

ويهدي من يظن ان الصلاه في هالشهر وبعدها ينساها :(

شكراً على المشاركة
طبعاً اللي في قلبة صلاة ماتفوتة

[هبوب الكوس]

:looking:

[بنQATARت]

:looking:

اشفيك عسى ماشر

[شمعة الدوحه]

:looking:

لايكون انت صاحب الموقف :eek5:

<<بتطلع عليه اشاعه:tease:

[مريومة]

خير الكلام ماقل ودل

كان ممكن اتجاوبه من بعد اول اتصال

بدل المماطلة في الاسئلة والاجوبة

اسلوب مش لطيف .. وزين بعد هو افتك منها

لانها بتعل جبده بالاسئلة واللف والدوران

يفضل الوضوح من البداية .. تسأله محافظ على الصلاة وبيجاوبها

وتترك عنها سوالف المحقق كونان

[Mr. H]

أحس أسلوب القصة و الموضوع و إختيار الشخصيات بهذه الطريقة فيه إساءة للذات الالهية ؟! ولا وش رايكم يا جماعة :)

[بو خليفه 123]

وينها عنه بعد ماخلصت صلاه طيب ؟

دامها كذا من البدايه ابركها ساعه تفارقوا ..

[الماريّة]

ولازم يعني يكلم خطيبته؟؟

لين صارت زوجته في بيته يشبع من السوالف

يالله من هالعاده الدخيلة علينا خطيب وخطيبة ويكلمها

هذا الي يخلي الشباب يتاخرون في الزواج يكلمها قبل الزواج

شبع ومل وتفارقوا

[بوحمد1]

اختبار لمدى رجاحة عقل هذا الرجل وطريقة الحوار كانت اختبار وتحليل لمدى قوة الاعصاب عنده

[أم حمد]

فعلا المواقف تكشف

عجبني فطنتها !

اللي هذا اوله ينعاف تاليه !

[MAZEN37]

ما هو بمقياس كل بنوادم خطاء وخير الخطاءين التوابين
ليش ما تتوسم الخير وتكسب اجر وتهديه وتعلمه وووو
ليش بتزوج الواحد ؟ لانه مب كامل
عموما الاغلب قبل الزواج يقطع في الصلاه وفي ناس ما كانت تصلي
وبعد الزواج ربنا هداه ونفع الله به الدين والعباد
وكلامي مب معناته انه نقبل بالزواج من غير المصلي
بل التحري عنه وعن اهله وبيئته والي بذرته خير ودين قصر الزمان او طال بيرد لربنا ولالتزامه.

[لاجل QT]

لكل شي وقتة

وحقوق الناس واداء الواجب نحوهم يوصي بة رب العباد ..

انا اقول لكل شي وقتة ..

[المتألق]

ماعتقد هالقصه واقعيه

يعني سبحان الله اربع اتصالات وكلها وقت الصلاه ..!!

طيب وفرضنا انه اتصل

هل يعقل بعد الاتصال الاول وهي تصلي بعد ماصلت ماراح تدق عليه ... ولا ماعندها رصيد ..؟

[شبح الصمت]

صراحة احس انها يعني بالغت في الشيء ..

يمكن أهو مسكين كان يتصل فيها على أساس يبي يقولها تقوم تصـلي وفي فرق في الاوقات !!

[ضوى]

يمكن الرجال يتصلها كل مايروح المسجد

ياحب البنات لهالقصص



حلو التعليق عجبني :)

[طماطه]

اسلوبها هو الي يثير الشك ..

[ziad1971]

قصة جميلة

ولكن في بعض الانتقادات
في حين الاتصال الاول وهي كانت تصلي الظهر
اكيد بعد الانتهاء من الصلاة اكيد شافت تلفونها وشافت رقمه المفروض انها تتصل فيه
وثاني شيء الخطيب او بمعنى آخر الشخص الغضبان لا يعطي مجال لغيره يشرح له شنو ظروفه
فتلاقيه يرمي كلام ويستفزك .. وبعدين تصير انت تستفزه

لكن يجب ان نختر الاوقات التي نقوم بها بالاتصال او الزيارة وليس في اوقات الصلاة او الاستراحة
ويجب ان نعطي دائما مجال لغيرنا نسمع منه (فالغائب عذره معه)

ولكم جزيل الشكر

[وطن]

ليش ما رجعت تتصل له بعد ما خلصت صلاه

وايد مسويه دراما :)

[ضوى]

ليش ما رجعت تتصل له بعد ما خلصت صلاه

وايد مسويه دراما :)

ايه والله مسوية دراما :rolleyes2:

[بو خليفه 123]

ليش ما رجعت تتصل له بعد ما خلصت صلاه

وايد مسويه دراما :)


ادبلت تسبدي :anger1:

[وطن]

ايه والله مسوية دراما :rolleyes2:

ايه والله يا ضوى
يعني هذي علاقتي بربي
ماله داعي اقعد اتغزل بهالعلاقه قدام الريال واستفزه
هذا شي خاص فيني
ليش اتباهى فيه !!! دخلنا في باب الرياء من وجهة نظري :shy:

وبعدين اذا هو ما يصلي ان شاء الله هي بتهديه بس مب بهالطريقة المستفزه


ادبلت تسبدي :anger1:

سلامة تسبدك اخوي
هاهاهاهاهاها

[شمعة الدوحه]

ادبلت تسبدي :anger1:

سلامة تسبدك :omg:

وحده بليده مع واحد دمه حار

بتقوم حرب داحس والغبراء :telephone:

[qatarya-vip]

لو عكسنا الاية وكان الولد هو اللي اتبع هذا الاسلوب مع البنت فهل ستقولون نفس الكلام ؟! :)

الكل راح يقول من حقة يعرف حقيقة الزوجة اللي راح يتزوجها ، فأعتقد ان هذه الزوجه من حقها تعرف حقيقة هاالزوج

وانا اعتقد انها ماكانت مخططة لهاالموضوع لكنها انتبهت اتصالااته بأوقات الصلاة وخل نقول الثلاث صلوات الاولى فأتوقعها حبت تكمل لآخر صلاة وهي العشاء حتى توصل له المفهوم الي اكتشفته وايضا يمكن ماحبت تظلمة فقالت له باخر الصلوات .

[d522]

صراحة عندها برودة أعصاب .... خطيبها يتصل وماترد عليه

كلها دقيقة وتقوله بصلي روح صل يا عمري لاتفوتك الصلاة


حارق اعصابه المسكين أربع مرات يتصل وهي مطنشة البطرانه



سلامي للكل

[مكتوم]

وليه بين كل صلاة و صلاة مافيه وقت !

سبحان الله يابنات حواء اي شي تبغون تقلبونه لمصلحتكم قلبتوة

الله يعين

[Charisma]

صراحة عندها برودة أعصاب .... خطيبها يتصل وماترد عليه

كلها دقيقة وتقوله بصلي روح صل يا عمري لاتفوتك الصلاة


حارق اعصابه المسكين أربع مرات يتصل وهي مطنشة البطرانه



سلامي للكل

ههههههه

ياحلو الرومنسيه..

انا من وجهه نظري محد فيهم غلطان .
لان محد يناسب الثاني . وهالشي مب عيب

الرجال سيده ومايحب اللف والدوران
والبنت دراميه لاعبه فيها دور الحكيمه


عاد خذلك مما يستفاد من القصه بوجهه نظر الشباب والبنات :

الشباب : البنت لاعبه باعصابه والله فكه منها
البنات : واي هالريال شكاك زين ابعدت عنه


مع ان ممكن نستفيد شغلتين وهم :
1- عدم الشك من الطرفين وارساء الثقه
2- الصراحه والوضوح والبعد عن الغموض

[بنQATARت]

ايه والله يا ضوى
يعني هذي علاقتي بربي
ماله داعي اقعد اتغزل بهالعلاقه قدام الريال واستفزه
هذا شي خاص فيني
ليش اتباهى فيه !!! دخلنا في باب الرياء من وجهة نظري :shy:

وبعدين اذا هو ما يصلي ان شاء الله هي بتهديه بس مب بهالطريقة المستفزه



سلامة تسبدك اخوي
هاهاهاهاهاها


صح كلامج هذي علاقة بين العبد وربة بس هلعلاقة بينبني عليها بيت وعيال
يعني هي بتربي زوجها وبتربي عيالها
ولا لازم يكون هو قدوة لعيالة في المستقبل

[مسك روز]

الحين هي تستفزه

وعقب تقوله اختبرك !

ماعندها سالفه

[ms-qtr]

القصة قديمه قاريتها في منتدى من كم سنة واضح إن فيها مبالغة
يعني شدعوه ما يتصل إلا وقت الصلاة خمس مرات في نفس اليوم!!

[Qtr95]

كـ Storry Teller ..
او كمخرج ..

لو بسوي فلم عن هالقصة ماراح يدش ولا مهرجان :rolleyes2:

اسمحولي أحلل القصة :omen2:
اولا :-
الكاتب لم يبين لنا شخصية الزوج , ,,:eek5:
ثاني شي :-
البنت بكل سهولة كانت تقدر تقوله : اسمحلي انا كنت اصلي , بدون لف ودوران , يعني البنت اتقوله انا كنت مع واحد .. :rolleyes2:
ثالث شي :-
مسج بسيط , وتقول ان هي تصلي ..:telephone:
رابع شي :-
التلفون كان مشغول على قولة الزوج , شلون كانت تصلي والتلفون مشغول ؟..
خامس شي :-
هالقصة قد تحرك العواطف , لكن ما تدش العقل ,,:anger1:
سادس شي :-
يمكن كانت القصه راح تمشي إذا الزوج كان شكاك , وغيور لدرجة كبيرة , مب لأنه ما يصلي:nice: ..
سابع شي :-
ما اعتبرها قصه لأنها ما فيه:victory:
ا( beginning-middle-end)
ثامن شي :-
وين الأحداث ؟ :eek5:
تاسع شي :-

القصة غير قابلة للتحليل لأنها مب قصة .. هذا اللي قلته الحين هو كيف تكون قابلة للتحليل ..فهمتوها ؟...
:sneaky::sneaky:
مستحيل ان نناقش قصة مثل هذي
..وشكرا ..:nop:
وتمنوا لي التوفيق في فلمي اللي باذن الله بيشارك في المهرجان
:pioneer::pioneer::pioneer::pioneer::pioneer::pion eer:

[R 7 A L]

التلفون كان مشغول على قولة الزوج , شلون كانت تصلي والتلفون مشغول ؟..


:omg:

[qatara]

بصراحه فلم مكسيكي

لو حقيقة كانت بصلاه ومع الله

لما وجدنا اسرارها على النت

يعني القصد ان هي مطوعه والخطيب شكاك ؟ عجيبي الغيره صفه المحب اذا كانت القصه حقيقيه

ومن لا يغار الخنزير اجلكم الله فهي ليش ما كانت واضحه وردت عليه مباشره اين كانت بدون لف ولت وعجن استفزازي

لعنبو كلكم مطوعات عيل شلي نزلنا الارض كان الحين كلنا مطاوعه وبلجنه

[A.S.A.M]

اي والله ما الومه

طيب يا بنت يا غبيه خلصي و سويله تلفون مره ثانيه
شنو المخ الجزمه هاي
يعني خلي و ردي عليه
شدعوه تصلين اليوم كله

[qatara]

خخخخخخخخخخخخخخخخخخخخ

[Arab!an]

يمكن يتصل علشان يقعدها للصلاه ! يمكن فاهمه غلط على طول أكدت انه ما صلى ؟

[Qtr95]

:omg:

هاي اكبر دليل ان ماوصلت المعلمومة :eek5:

[qatara]

يمكن رن عندها الهاتف الرباني بس هو مافيه صبر الين تخلص وترد عليه

[ام حمادي]

ما شاء الله تفاااعل ^.^


كلهم دبلت تسبد ع قولة اخونا والحمدلله خلصت القصه بسرعه

هي يعنني مسويه فيها انها بتستفزه

وهو لزقه ماردت عليك مره مرتين خل عندك كرامه اف لزقه

[Qtr95]

القصة ما تقدرون تتناقشون فيها !!
>.<"!!

go and learn more about sotries..

ذكرني في فلم مصري اسمه الفرح ..
انا حاولت احلله , وكل اللي معاي صاحوا والدموع صارت اربع اربع ..

ويوم حللته قالوا : اي والله الصراحة الفلم سخيف ..

هالفلم يعتبر غش , Cheating ..
اثر على عواطف الناس , ولكن للأسف ماقدر يأثر على عقول صانعي الأفلام الاخرين , علشان جي ما خذ ولا جائزة ..


خخخخخخخخخ

[R 7 A L]

هاي اكبر دليل ان ماوصلت المعلمومة :eek5:

وصلت وصلت :nice:


الى خاطري افهمة
مثل هالقصص
شنو رأي الشرع فيها وهي معروف انها مؤلف ؟
يعني الى ألفها بيلحقة حسنات ولا أثم ؟

[Qtr95]

وصلت وصلت :nice:


الى خاطري افهمة
مثل هالقصص
شنو رأي الشرع فيها وهي معروف انها مؤلف ؟
يعني الى ألفها بيلحقة حسنات ولا أثم ؟

والله ماعرف بس خلني اجاوبك بشكل عام بعيدا عن الدين ..

اول شي القصة لو باخذها بسوي فيها احداث , مشاكل , سلبيات , وايجابيات , اتخلي المشاهد يتحمس علشان يشوف النهاية ..:victory:

خل اتخيل اني انا كاتب هالقصة الفاشلة , شنو هدفي؟..
:secret:
هدفي ديني, اني اوصي الناس على الصلاه , وان اللي ما يصلي راح ينكشف , ,,,

اوكي , القصة موجهه لمن ؟
لتارك الصلاة ..


(شوفوا حتى ما قدر اوصف الفكرة او الهدف , مع اني فاهم شنو اللي يبي يوصل الكاتب لنا )

للعلم اني سامع هالقصة من قبل وأثرت فيني ..
القصة العبرة منها حلوة لو فهمناها , لكن ما تقدر تدخل عقولنا ..
فهمتوها ؟.


واعتقد اني سمعتها من أحد المشايخ ايضا , لكني مو متأكد من ..

______________________________
واكبر دليل ان القصة اثرت على الناس روح واكتب العنوان في قوقل وشوف المنتديات الثانية شنو تعليقاتهم ..
---------------------------

فالأخير ..

الفكرة حلوة لكن ما تطبقت بالشكل الجيد ,..
احب اشبه هالقصة بالمجلس الأعلى ..
من صجي .. :(

وشكرا .. :nice:

[intesar]

كـ storry teller ..
او كمخرج ..


رابع شي :-
التلفون كان مشغول على قولة الزوج , شلون كانت تصلي والتلفون مشغول ؟..
خامس شي :-
هالقصة قد تحرك العواطف , لكن ما تدش العقل ,,:anger1:
سادس شي :-
يمكن كانت القصه راح تمشي إذا الزوج كان شكاك , وغيور لدرجة كبيرة , مب لأنه ما يصلي:nice: ..
سابع شي :-
ما اعتبرها قصه لأنها ما فيه:victory:
ا( beginning-middle-end)
ثامن شي :-
وين الأحداث ؟ :eek5:
تاسع شي :-

القصة غير قابلة للتحليل لأنها مب قصة .. هذا اللي قلته الحين هو كيف تكون قابلة للتحليل ..فهمتوها ؟...
:sneaky::sneaky:
مستحيل ان نناقش قصة مثل هذي
..وشكرا ..:nop:
وتمنوا لي التوفيق في فلمي اللي باذن الله بيشارك في المهرجان
:pioneer::pioneer::pioneer::pioneer::pioneer::pion eer:


هي قالت مشغولة.. مو التلفون مشغول اذا قريت القصة عدل يا محلل..
والقصة هذي مو فيلم .. انما للعبرة حتى لو كانت خاطئة من وجهة نظر ناس.. فهي ذات عبرة وشجون لآخرين..
يا ولدي اهتم بدراستك ومستقبلك أحسن وأبرك لك.. من الأفلام وتحليل الأفلام اللي مارح تفيدك لا دنيا ولا آخره.. ولا مستقبل واضح

أتمنى لك كل الخير دنيا وآخره..

[intesar]

أما رأيي أنا أشوف انه أسلوبها جدا مستفز.. لو أنا كنت مكان الخطيب كنت تركتها مع كمن طراق فوقهم.. الدين مو اختبار.. وما يتحمل فيه اختبارات.. هذا شيء بين العبد وربه.. جايه الحين تسأله بعد الخطبة وين كانت يوم تقدم لها .. ليش ما سألت عنه أو سألته بمكالمة.. كانت تقدر تحدد.. وبعد اذا اتصل بهالأوقات مو معناته انه غير مصلي.. يمكن كان يبي منها شي ضروري وما ترد.. والقصة فيها مبالغة وما تدش المخ.. ايش دعوه أول ما يأذن بيتصل هو.. مايتذكر الا بأوقات الصلاة اعنبو موقت الاتصالات على وقت الأذان..

فيه ردود استفزتني شخصيا.. فيه حد منكم قال انه الرجال مو مهم يصلي بعد الزواج الله يهديه.. هذي كبيرة ولا تنسون ان الصلاة اللي تفرق بينا وبين الكفار.. الواحد ممكن يتغاضى عن كل شي الا الصلاة.. ما يلزمني واحد ما يصلي.. تقول كان يغازل بنتغاضى لأن وايد شباب كانوا يغازلون واستعدلوا بعد الزواج..

واللي قال انه المرأة لازم تصلي لأنها تربي العيال.. ليش العيال بس بالأم يتأثرون.. الا اذا الرجل مقضي ٢٣ من الـ٢٤ ساعة برع البيت.. الأم تربي بس الأب عمودها.. يعني العيال بيتأثرون من الاثنين..

وماكان له لزوم انها تقول وتلقي قصيدة عليه بإنها بين يدي ربها..

شي غير اللي يقولون نتكلم زيام الخطبة حتى نعرف بعض.. نصيحة لوجه الله.. ترى فترة الخطوبة هي فترة الكذب.. يعني المرأة تتجمل وكذلك الرجل يتجمل.. الاثنين يتجملون بالأخلاق والطيبة والدين.. لكن بعد الزواج والعشرة تتكشف الحقائق وتزال الأقنعة.. وهنا تكون الشطارة وهني تطلع الأخلاق والتربية..

ودمتم بود..

[دنيا غريبة]

انا فهمت من القصة الخيالية انها تهدف الى تذكير الناس بالصلاة

و عدم تركها.. و الذي يتركها لا يكون زوج صالح و مربي للاجيال فمن اضاع عبادة الله اضاع حق العباد

Thanks

[Qtr95]

هي قالت مشغولة.. مو التلفون مشغول اذا قريت القصة عدل يا محلل..
والقصة هذي مو فيلم .. انما للعبرة حتى لو كانت خاطئة من وجهة نظر ناس.. فهي ذات عبرة وشجون لآخرين..
يا ولدي اهتم بدراستك ومستقبلك أحسن وأبرك لك.. من الأفلام وتحليل الأفلام اللي مارح تفيدك لا دنيا ولا آخره.. ولا مستقبل واضح

أتمنى لك كل الخير دنيا وآخره..

اوه صحيح , لكن بعد مازلت مقتنع اني ما اعبرها قصة -.-

[Qtr95]

انا فهمت من القصة الخيالية انها تهدف الى تذكير الناس بالصلاة

و عدم تركها.. و الذي يتركها لا يكون زوج صالح و مربي للاجيال فمن اضاع عبادة الله اضاع حق العباد

thanks

صحيح , هذا اللي انا قلته , ولكن كان في طريقة افضل لتقديم القصة

[ابو علاوي]

فلم هندي

[موووج قطر]

لا تعليق
متسببين هم الاثنين

[qatara]

هي قالت مشغولة.. مو التلفون مشغول اذا قريت القصة عدل يا محلل..
والقصة هذي مو فيلم .. انما للعبرة حتى لو كانت خاطئة من وجهة نظر ناس.. فهي ذات عبرة وشجون لآخرين..
يا ولدي اهتم بدراستك ومستقبلك أحسن وأبرك لك.. من الأفلام وتحليل الأفلام اللي مارح تفيدك لا دنيا ولا آخره.. ولا مستقبل واضح

أتمنى لك كل الخير دنيا وآخره..


الي مته راح نعطي تبريرات للمرائه حتى لو كانت خاطئه فمعذوره ؟

تريدون المساوواه يبقا الخطا متساوي

ولا بس خطا الرجل هو المحسوب عجبي


اسلوبها خاطي ومعاملتها خاطئه ولفها خاطي وترقيعهتا مب سنعه والتبرير ماله اي معنى
وهي مخطوبه هذا اسلوبها عيل بكرره الي تمكنت منه وجابت عيال بتلعن قفده

الله يعينه بس انصحه يشرد ابرك له دامه على البر

[مطراش]

زهقان من هل القصص القديمه المغبره وبسكم عاد
كفايه

[بنت قطريه]

اشكرج أختي على طرح الموضوع بس اسلوب خاطئ وطريقتها غلط أول شي لازم تتعامل بكل احترام حق زوجها لانها لازم تحترمه والرسول صلى الله عليه وسلم اوصى الزوجة بطاعه الزوج بكل شي الا في عصيان الله سبحانه وتعالى وبالعكس لو خطيبها مايصلي تحاول تعتذر له بأسلوب راقي وتقوله انا كنت اصلي بالعكس بينحرج من نفسه وبيحس انه مقصر ويمكن يهتدي على يدها واسفه على الكلام بس القصه احسها مب واقعيه يعني حتى لو اتصل وقت الصلاة تصلي وعقب ماتخلص تتصل فيه ذي زوجها مب شخص غريب وبالعكس حتى لو عرفت انه شخص مايصلي لازم تحاول وتحاول وتدعي له ان الله يهديه واختي الطلاق مب بهالسهولة وكلامها وردوها مش حلوة شلون تقوله انا مشغوله بغيرك الكلمه غلط والاسلوب غلط وباقولج الزوج بيسامح زوجته اذا اغلطت بأي شي غير الشرف مستحيل يسامح .... واختي موضوعج بعيد كل البعد عن فترة الخطوبه ... فترة الخطوبة فترة حلوة وجميله اذا تحاشى الزوجين التصنع والمجامله ... وسامحوني على رأيي

[qatara]

اشكرج أختي على طرح الموضوع بس اسلوب خاطئ وطريقتها غلط أول شي لازم تتعامل بكل احترام حق زوجها لانها لازم تحترمه والرسول صلى الله عليه وسلم اوصى الزوجة بطاعه الزوج بكل شي الا في عصيان الله سبحانه وتعالى وبالعكس لو خطيبها مايصلي تحاول تعتذر له بأسلوب راقي وتقوله انا كنت اصلي بالعكس بينحرج من نفسه وبيحس انه مقصر ويمكن يهتدي على يدها واسفه على الكلام بس القصه احسها مب واقعيه يعني حتى لو اتصل وقت الصلاة تصلي وعقب ماتخلص تتصل فيه ذي زوجها مب شخص غريب وبالعكس حتى لو عرفت انه شخص مايصلي لازم تحاول وتحاول وتدعي له ان الله يهديه واختي الطلاق مب بهالسهولة وكلامها وردوها مش حلوة شلون تقوله انا مشغوله بغيرك الكلمه غلط والاسلوب غلط وباقولج الزوج بيسامح زوجته اذا اغلطت بأي شي غير الشرف مستحيل يسامح .... واختي موضوعج بعيد كل البعد عن فترة الخطوبه ... فترة الخطوبة فترة حلوة وجميله اذا تحاشى الزوجين التصنع والمجامله ... وسامحوني على رأيي

نسامحك على ماذا رايك عين العقل لاهنتي

[بنت قطريه]

القصة ما تقدرون تتناقشون فيها !!
>.<"!!

go and learn more about sotries..

ذكرني في فلم مصري اسمه الفرح ..
انا حاولت احلله , وكل اللي معاي صاحوا والدموع صارت اربع اربع ..

ويوم حللته قالوا : اي والله الصراحة الفلم سخيف ..

هالفلم يعتبر غش , Cheating ..
اثر على عواطف الناس , ولكن للأسف ماقدر يأثر على عقول صانعي الأفلام الاخرين , علشان جي ما خذ ولا جائزة ..


خخخخخخخخخ



ايه شفته فيلم الفرح :confused: وقعدت اصيح لما ماتت الام بس عقب لما خلص الفيلم قلت مب حلووووو:anger1:

[سهم طايش]

بعد شله تطول السالفة من اول رد تقول انا كنت اصلي

[بنت قطريه]

نسامحك على ماذا رايك عين العقل لاهنتي


مشكورة أختي :shy:.... بــــــس أنا من مساعه اقلب الموضوع براسي واتذكر فترة الخطوبة يعني أنا مافكرت اختبر زوجي لان هالشخص قبل ماارتبط فيه وافق عليه أبوي واخواني واهلي وماوافقوا غير بعد ما تأكدوا انه انسان خير ويستاهل بنتهم فهي على أي أساس قاعده تختبره ؟؟؟؟ ونفس الشي بالنسبه للزوج وانا اذكر جمله قالها لي زوجي أول مرة شافني فيها عقب الملجة قالي أنا عارف اني خذت وحده متربيه وبنت ناس واعتقد كل واحد بيتقدم حق وحده بيسأل عنها وعن أهلها اكيد مافي حد كامل والكامل الله سبحانه بس في اشياء ممكن التغاضي عنها واشياء لايمكن التغاضي عنها ... وفي طرق افضل من الطريقه اللي استخدمتها انا استغرب ليش المرأه تفكر بالطلاق على اتفه الاشياء واتفه الامور أنا ما انكر زوجي فيه عيوب وانا بعد فيني عيوب لكن املي بالله سبحانه .... شلون الوحده تبغي تدخل الجنه اذا ماصبرت على زوجها بتصبر على من ؟؟؟؟؟ والانسان مايعرف طعم العسل غير بعد مايذوق المر ....

[qatara]

مشكورة أختي :shy:.... بــــــس أنا من مساعه اقلب الموضوع براسي واتذكر فترة الخطوبة يعني أنا مافكرت اختبر زوجي لان هالشخص قبل ماارتبط فيه وافق عليه أبوي واخواني واهلي وماوافقوا غير بعد ما تأكدوا انه انسان خير ويستاهل بنتهم فهي على أي أساس قاعده تختبره ؟؟؟؟ ونفس الشي بالنسبه للزوج وانا اذكر جمله قالها لي زوجي أول مرة شافني فيها عقب الملجة قالي أنا عارف اني خذت وحده متربيه وبنت ناس واعتقد كل واحد بيتقدم حق وحده بيسأل عنها وعن أهلها اكيد مافي حد كامل والكامل الله سبحانه بس في اشياء ممكن التغاضي عنها واشياء لايمكن التغاضي عنها ... وفي طرق افضل من الطريقه اللي استخدمتها انا استغرب ليش المرأه تفكر بالطلاق على اتفه الاشياء واتفه الامور أنا ما انكر زوجي فيه عيوب وانا بعد فيني عيوب لكن املي بالله سبحانه .... شلون الوحده تبغي تدخل الجنه اذا ماصبرت على زوجها بتصبر على من ؟؟؟؟؟ والانسان مايعرف طعم العسل غير بعد مايذوق المر ....

الله يثبتك على طاعته
وحسن تبعلك لزوجك فلزمي حسن عشرته ليحسن عشرتك

وحسن تبعل الزوجه لزوجها يعادل جهاد في سبيل الله

واوصيج كبي كلام كل من يحرضج ولو مزحا ضد زوجج مهما اخطاء فالرجل يرده عقله

ولو ابتعد يرجع ليس مثل المره التي تجرها عاطفتها بعيدا

فهو باب للجنه فلا تغلغيه والله يوفقج بحياتج
وتشكرين مره ثانيه

[سيف QTR]

بخصوص أن البعض قال ان الريال شكاك ومادري شنو,,
أسلوبها أصلاُ يخلي الي ما يشك يشك غصب,,

[الحياة الخالدة]

القصــــــة بالطبع ليست واقعيــــــــة ..

و لكن .. على فرض أنها كذلك .. أقول :

البنت أحسنت النية .. و أســـاءت التصــــــرف

و الشاب أســـــاء الظن .. و أســـــاء التصرف

و تحياتي لصاحبة الموضوع .. :)

[زمان الصبا]

شدخل القصة المفبر كة اللي ما يقبلها عقل في الاسئله

خخخخخخخخ

[qatara]

القصــــــة بالطبع ليست واقعيــــــــة ..

و لكن .. على فرض أنها كذلك .. أقول :

البنت أحسنت النية .. و أســـاءت التصــــــرف

و الشاب أســـــاء الظن .. و أســـــاء التصرف

و تحياتي لصاحبة الموضوع .. :)

الشاب اساء الظن من سو تصرفها بدايه هي من تسبب بتشكيكه لما استفزته

هذا في حال كون القصه واقعيه

فمعضم النار من مستصغر الشرار

مشكلة مجتمعاتنا العربيه من تنخطب الوحده تضن جايلها عبد لها وبنك لمصروفها وخادم لاكلها وشربها

وليس زوج ليسترها فتلقها هي واهلها يتفلسفون على الخطيب كانهم بيزوجونه بايه قرانيه ولا ببلاش