تجربة البوست كود في بريطانيا .. هل قابله للتنفيذ في قطر ؟؟؟

[ديمقراطي]

جلست في بريطانيا مدة تزيد عن السنتين شفت فيها تطور كبير .. لكن الي لفت انتباهي وحبيت يكون عندنا في قطر هو الpost code

يعني تعطي هل كود حق اي احد يعرف بيتك وفي نظام الجي بي اس تدخل البوست كود يدلك بيتك ..

ليش احنا مايكون تقسيم المناطق عندنا بهل نظام بدال الاسماء المعقده الي ماتقدر تدخلها في نظام الملاحه؟؟؟؟؟؟

[المليونير الفقير]

مفروض يعطونه الاسعاف بدل مايحوس باالفرجان

[بو منيرة]

ملاحظه مهمه اخوي ديمقراطي

حسب علمي ان التخطيط العمراني شغالين على مشروع قد يفيد في تقسيم المدن

السبب من وجهة نظري في تأخر مثل هذا المشروع ان قطر دولة صغيره ... وقبل كان الوصول سهل لاي نقطة عن طريق الوصف لكن الحين اختلفة الامور وصرنا بحاجه لنظام ملاحة وترقيم للمناطق

[طموح معيدة]

صحيح اخـوي هالشـيء لفـت انتبـاهي بلادهـم مرتبــه ومنظمـــه

وكذلك الكثيــر من الخدمــات الاخرى مفيـدة

ولكـن هالشــيء صايـر عنـدهم وموجود من مئــات السنيـــن بحــكم انهم دولـــة متقدمـــة .. احنا يبيلنــا وقـــت ليــن نوصـــل مستوى تطورهــم

بأذن الله بانزل موضـوع بجميـع ملاحظــاتي والاشيـاء اللــي حصلتها مفيدة في بريطانيــا وأتمنــى تكـون في قطـــر

[The_Be$t]

البوست كود او الرمز البريدي شي اساسي ومطلوب لكن الحمدلله تقدر تشوف الحين فيه ترقيم للشوارع والمناطق بعد واكيد البيوت فيه حركه لو طبقت راح توفر على الدوله الكثير

مثلا رقم المنطقه 39 ورقم الشارع 2022 ورقم البيت 5

يقدرون يحولون هذا الى بوست كود مثال 3920225 او بطريقه اخرى باضافه حروف مع الارقام


شكرا

[khaleeji]

والله من ناحية قابله اكيد قابله ولكن من الي بيسويها

اذا اسامي الشوارع للحين شارعنا بدون اسم مع اننا ساكنين من 6 سنوات

حتى القارمن عندنا ما تقدر تستفيد منه ,,,,,,,ان شاء الله توصل فكرتك للبلديه

[BoAzozz]

ايوالله البوست كود وايد مريح ويساعد لتحديد العنوان بكل سهوله ودقه

[المهندس عبدالعزيز]

في أمريكا نفس الشي Zip code

[الرويـس]

اللي لاحظ تغيير في ( لوحات ) أرقام البيوت في الوقت الحالي
بيحس ان في في ترتيب جديد لعملية (العنواين ) الخاصه بالمنازل

وفي تصريح رسمي من قبل الجهات المختصة ان اللي قاعد يصير ألحين هو على حسب تعبيرهم بيكون
(مفخره للجميع ) من ناحية نظام تسمية الطرق والبيانات اللي ممكن لبعض المخولين من معرفة ( البيانات الكاملة لصاحب المنزل ) من خلال فقط (الشرائح الالكترونية ) المركبة في لوحات الارقام الجديدة .. !!

رغم ان الموضوع متأخر حبتين بس ان شاء الله خير

[بولينجر]

اللي لاحظ تغيير في ( لوحات ) أرقام البيوت في الوقت الحالي
بيحس ان في في ترتيب جديد لعملية (العنواين ) الخاصه بالمنازل

وفي تصريح رسمي من قبل الجهات المختصة ان اللي قاعد يصير ألحين هو على حسب تعبيرهم بيكون
(مفخره للجميع ) من ناحية نظام تسمية الطرق والبيانات اللي ممكن لبعض المخولين من معرفة ( البيانات الكاملة لصاحب المنزل ) من خلال فقط (الشرائح الالكترونية ) المركبة في لوحات الارقام الجديدة .. !!

رغم ان الموضوع متأخر حبتين بس ان شاء الله خير
اول مرة ادري ان اللوحات الجديدة فيها شرائح الكترونية! باروح افحص اللوحة اللي مركبينها من فترة عند باب البيت....:secret:

[boamir]

فكره ممتازه جدا
بس الجي بي إس مامنه فايده بقطر لأنه كل يوم الشوارع تتصكر وتتغير
اخبر من فتره جربته إلا طلع لي دوار الجيده !!!!!
حتى بعض الشوارع تحط اساميها وتسوي بحث ماتطلع لك

[Bozizoo]

انا جرب الgps في قطر وشغال
حطيت اسم المدينه و الشارع و رقم البيت
وكان يوصلني بالظبط لين عند باب البيت
كل بلد و لها النظام مالها
مثلا في استراليا تقريبا مثلنا
وتحياتي للجميع

[ديمقراطي]

يعني في بريطانيا ماعليك سوا تعطي البوست كود حق البريد او المطعم او لتجسيل عنوانك ..

عندنا مافي مره طلبت من مطعم وصفت له العنوان بالضبط و وصل لي الطلبيه بدون مايضييع وايتصل مليون مره ..

والمشكله فالجي بي اس عندك اسماء الشوارع لما تبي تحطها بالانجليزي مشكله لازم تعرف هم كيف مسجلينها مب كيف انت تنطقها وخاصتا اسماء شوارعنا ومناطقنا صعبه

[مرتبش]

النظام الامريكي مافي احلى منه

الشوارع مقسمة شمال جنوب وشرق غرب وتبدا العناوين من مركز المدينة وتتزايد لكل اتجاه بمقدار ثابت يسمى البلوك ..
بدون جي بي اس تقدر تروح اي عنوان بدون ماتضيع لانك عارف الاتجاه المطلوب ومقدر المسافة

اما عندنا فالنظام ماانتبه لنقطة الاراضي الفضاء.. يعني شارع فيه اراضي فاضية ومن ثم بعض البيوت ..فيبدا ترقيم البيوت ابتداءا بواحد وهكذا! طيب وبكرة لما يبنون هالاراضي ايش يصير؟ نغير اللافتة ونرجع نرقم ونسوي نظام "الاول والافضل على مستوى العالم بوشريحتين"

[Falcon7]

جلست في بريطانيا مدة تزيد عن السنتين شفت فيها تطور كبير .. لكن الي لفت انتباهي وحبيت يكون عندنا في قطر هو الpost code

يعني تعطي هل كود حق اي احد يعرف بيتك وفي نظام الجي بي اس تدخل البوست كود يدلك بيتك ..

ليش احنا مايكون تقسيم المناطق عندنا بهل نظام بدال الاسماء المعقده الي ماتقدر تدخلها في نظام الملاحه؟؟؟؟؟؟



الود ودك يكون نظام البوست كود و نظام البريد في نفس الوقت توصيل للمنازل

[طويل الرمح]

النظام الامريكي مافي احلى منه

الشوارع مقسمة شمال جنوب وشرق غرب وتبدا العناوين من مركز المدينة وتتزايد لكل اتجاه بمقدار ثابت يسمى البلوك ..
بدون جي بي اس تقدر تروح اي عنوان بدون ماتضيع لانك عارف الاتجاه المطلوب ومقدر المسافة

اما عندنا فالنظام ماانتبه لنقطة الاراضي الفضاء.. يعني شارع فيه اراضي فاضية ومن ثم بعض البيوت ..فيبدا ترقيم البيوت ابتداءا بواحد وهكذا! طيب وبكرة لما يبنون هالاراضي ايش يصير؟ نغير اللافتة ونرجع نرقم ونسوي نظام "الاول والافضل على مستوى العالم بوشريحتين"

يا سلام على امريكا حط رقم البيت و بعده رقم الشارع او اسمه بعدين اسم المدينه بعدين اسم الولايه و عقب الزيب كود تلاقي نفسك في صالة البيت اللي تبي تروح له

بس صراحه انا مع الاخ اللي يقول خل يعطونه للاسعاف يموت الواحد و هو ما وصل

[ديمقراطي]

انا استغرب المسوولين كلهم يسافرون امريكا ولندن ماجا في بالهم هل فكره البسيطه ولا موضوع تطبيقها معقد ؟؟؟

[المحقق كونان]

نتمنى هالشي و بالمره بعد البريد يوصل الرسايل البريدية لباب البيت

:)