*** دعوة لايجاد حلول لظاهرة ( الــســلــف ) ***

[Just Smile]

صباحكم رحمة و مودة


حركة التسلف و التدين اشوفها منتشره بزيادة للاسف بين شريحة كبيرة من الناس


الناس الي تتسلف تنقسم لقسمين

ناس فعلا " مستحية على وجهها و عافه نفسها عن السؤال " و متسلفه لحاجة ضرورية ضرورة " حياة او موت " وقد تكون هي المرة الاولى والاخيرة بحياتهم :weeping:

وطبعا مو غلط ان تتم مساعدة هالنوعية من الناس من باب التكافل والتراحم بين المسلمين



و ناس للأسف " استغلاليه و حسوده " شافوك طيب و قلبك رحيم تحب تساعد الناس و ماترد يدك عن اي احد محتاج خذوها وناسه كل شوي يتسلفون منك " يطرون بمعنى اكثر دقة " لاسباب " ضرورية " و بعدها تكتشف ان هالضرورة طلعت ملذات حياة و زبو عالفاضي

واذا رديتهم او صارتلك ظروف ماقدرت تسلفهم طلعت " قواة عينهم " و يتطاولون عليك كأن لهم حق في مالك و رزقك الي تتعب عليه :anger1:


ياليت نتناقش بخصوص الفئة الثانية الي ماتنفع فيهم لا طيبة و لا معروف


وايش افضل الحلول للتعامل مع هالفئة الاتكالية الي تتسلف و ترد الفلوس بعد مشقة " هذا اذا ردت " :waiting:




بانتظار تفاعلكم :nice:

[khaleeji]

ذكرتني مره بواحد جاني قال ابغي اصير من خوياااااك ههههههههه

قلت له عسى ماشر تراني مواطن حالي حالك وبعدين ماعندي خويا عندي ربع وحياك الله

المهم شوي ولا طالب 10 الآف سلف,,,,,سلامات يافلان قال موتري متعطل والله انه احسن من موتري

لكن على مين ؟؟ وديتها له القراج تصليحها كان ب300 ريال الفتحه ما تشتغل وقلتله خذ موترك ولا عاد تجيب طاري الفلوس.

مثال بسيط للناس الي هوايتهم السلف

اما الي اعرفهم و ادري بظروفهم موضوعهم مختلف والله يكون في عون الجميع

[Rider]

والله السلف مشكلة لو سلفت واحد يذلك لين يرجع فلوس ويمن عليك يقول ياخي اصبر علينا بنرجع فلوسك والله كم واحد سلفتهم لحد الحين ماشفت فلوسي في ناس سافروا وناس موجودين بس مادري وينهم بالضبط من ذاك اليوم حلفت ماسلف حد

[شبح الصمت]

اممم

مهم جداً جداً

بس انت تقصد الناس الي يتسلفون ويرجعون لك الفلوس

والا الناس الي يتسلفون منك ويردون يطلبون ولين الحين ما عطوك ...


لانه في فرق بين الاثنين


الاول ياخذ ويرجع والثاني ياخذ ولا يرجع لا ويتطلب ...

وفي ناس تستحي لي خذت تقول للي سلفها ياخي انا ادري اني تاخرت عليك بس انتظرني يكون ذوق اشوي

وفي ناس تسحب عليك لا ويوم تكلمها تزعل كانك طالب شيء عظيم !!!

[جلمود]

الثاني مايخاف الله

الواحد لو عليه ريال مايهياه اله لين يسده

[النائب]

المفروض ماتسلفون احد ولا تفرجون ضيقه مواطن لأن هذا ضد توجه الحكومة ..!

[دااانة قطر]

اممم

مهم جداً جداً

بس انت تقصد الناس الي يتسلفون ويرجعون لك الفلوس

والا الناس الي يتسلفون منك ويردون يطلبون ولين الحين ما عطوك ...


لانه في فرق بين الاثنين


الاول ياخذ ويرجع والثاني ياخذ ولا يرجع لا ويتطلب ...

وفي ناس تستحي لي خذت تقول للي سلفها ياخي انا ادري اني تاخرت عليك بس انتظرني يكون ذوق اشوي

وفي ناس تسحب عليك لا ويوم تكلمها تزعل كانك طالب شيء عظيم !!!



ذكروتني بايااام كرهت فيها نفسي
الحين في نوعيه جديده
يعزمونك ببيتعم او يطلعون بره وشوي نااسي البوك ولا البطااقه مسحوبه تنجبر تقول مافي مشااكل واذا كنت في مجمع يدخلك هالمحلاات وياخذ اللي يبي ويجي يحط اغرااضه مع اغرااضك وادفع عااد انت
مره مرتين ثلاااث لين صرت اقول نفس الجمله نسيت البوك:rolleyes2:

[البدع]

مرة سلفت واحد في الشركة لانه محتاج

بعد اسبوعين لقيت واحد يتصل فيني من الشركة ويعزمني على شاورما في التركي المركزي بالنصر

ويجلس يشتكي من الديون .. ويرواني سيارته بي ام دبليو في الفحص وتصليحها بالالاف ... بالعربي سلفني

واحد (مفسفس) فلوسه بالسفر ... والسيارات .. ويبيني انا اسلفه

وبعدها جاني واحد من الشركة يبي 1000 ريال سلف ... عطيته

اخرتها رايح ديسكو في البحرين اسمه الكهف الاسود

وشوي شوي ... كل اسبوع متصل فيني واحد من الشركة يبي سلف

وبعدها حرمت اسلف اي واحد

.
.
.
الواحد يريد يفك كربة الناس ... عشان الله يفك كربته بالدنيا والاخرة

بس (فيه اشكال) ماتستاهل

[البدع]

ذكروتني بايااام كرهت فيها نفسي
الحين في نوعيه جديده
يعزمونك ببيتعم او يطلعون بره وشوي نااسي البوك ولا البطااقه مسحوبه تنجبر تقول مافي مشااكل واذا كنت في مجمع يدخلك هالمحلاات وياخذ اللي يبي ويجي يحط اغرااضه مع اغرااضك وادفع عااد انت
مره مرتين ثلاااث لين صرت اقول نفس الجمله نسيت البوك:rolleyes2:

نفس الشيء واجهته في احدى الدول الاسيوية

نتعشى او نتغدى كل يوم تقريبا .... وكنا كل واحد لازم يدفع جزء من فلوس الغداء

لكن للاسف في ناس ماتدفع ... ولاتستحي حتى

اخرتها الشباب اتفقوا كل واحد يدفع حسابه بنفسه

وسمعت ان الشباب رجعوا يقسمون المبلغ مرة ثانية

والله اعلم

[Just Smile]

ذكرتني مره بواحد جاني قال ابغي اصير من خوياااااك ههههههههه

قلت له عسى ماشر تراني مواطن حالي حالك وبعدين ماعندي خويا عندي ربع وحياك الله

المهم شوي ولا طالب 10 الآف سلف,,,,,سلامات يافلان قال موتري متعطل والله انه احسن من موتري

لكن على مين ؟؟ وديتها له القراج تصليحها كان ب300 ريال الفتحه ما تشتغل وقلتله خذ موترك ولا عاد تجيب طاري الفلوس.

مثال بسيط للناس الي هوايتهم السلف

اما الي اعرفهم و ادري بظروفهم موضوعهم مختلف والله يكون في عون الجميع


هذول بالضبط الناس الي اقصدهم بهالموضوع

اشكرك على القصه الي ذكرتها

لاهنت اخوي رايتك بيضا :nice:



والله السلف مشكلة لو سلفت واحد يذلك لين يرجع فلوس ويمن عليك يقول ياخي اصبر علينا بنرجع فلوسك والله كم واحد سلفتهم لحد الحين ماشفت فلوسي في ناس سافروا وناس موجودين بس مادري وينهم بالضبط من ذاك اليوم حلفت ماسلف حد


الله يعوضك خير اخوي كله عند رب العباد ما يضيع

احسهم عينك عين " يسرقونك " تعبك و مكدتك :anger3:



اممم

مهم جداً جداً

بس انت تقصد الناس الي يتسلفون ويرجعون لك الفلوس

والا الناس الي يتسلفون منك ويردون يطلبون ولين الحين ما عطوك ...


لانه في فرق بين الاثنين


الاول ياخذ ويرجع والثاني ياخذ ولا يرجع لا ويتطلب ...

وفي ناس تستحي لي خذت تقول للي سلفها ياخي انا ادري اني تاخرت عليك بس انتظرني يكون ذوق اشوي

وفي ناس تسحب عليك لا ويوم تكلمها تزعل كانك طالب شيء عظيم !!!


هلا اخوي

انا قصدي الفئة من الناس الي تستدر عطف الناس انها محتاجه و ماعندها " قرش ابيض لليوم الاسود " و ماتقدر ترجعلك المبلغ من " شدة الفاقه " الي فيها

و بعد ما ياخذون المبلغ منك تكتشف انهم " كلوا بعقلك حلاوة "


صايرين بالظبط مثل الطرارين الي نشوفهم يجون بمختلف الحيل و الاساليب و " البراهين " عشان ياخذون منك صدقه


لا هنت على مرورك اخوي

[Just Smile]

الثاني مايخاف الله

الواحد لو عليه ريال مايهياه اله لين يسده


اوافقك 100% اخوي و هذا الشي الي يسويه كل انسان عنده ذمه يخاف ربه

بس شتسوي بالناس الي تصرف كل الي في جيبها من غير حسيب ولا رقيب متكله ان عندها ناس تسلفها كل ما حتاجت :waiting:

ليش الواحد ما يمد رجوله على قد لحافه و على قد القروش الي بجيبه ؟!


الله يعطيك العافيه اخوي




المفروض ماتسلفون احد ولا تفرجون ضيقه مواطن لأن هذا ضد توجه الحكومة ..!


الحكومة على عينا و راسنا اخوي النائب

كلنا شعب واحد و نحب نعين و نعاون " للناس الي محتاجه " مرضاة لرب العالمين

اتوقع الفئة الثانيه هي الي مخربه على الفئه الاولى و مكتسحه بجدارة

لهالسبب والله اعلم توجهت الحكومه في الفترة الاخيره بارسال تبرعات للخارج :eek5:



نرجع للمحور الاساسي للموضوع وهو ايجاد الحلول لهذه الظاهرة / العادة السيئة

[ام حمادي]

بصراحه بالنسبه لحركة السلف كرهتها

تخيلوا بايعه ذهب لاني محتاجه ودروا ناس اعرفهم كلهم تسلفوا مني خمسه وراحت ماسويت شي فيها وكلهم قالوا بيردونها

وحده انا اعرف ضروفها ومدى حاجتها ومستحيل اسلفها اعطيها عطيه

لكن اللي يقهر ان المعاشات نزلت ويذلا مالهم اي طاري يرجعون فلوسي وانا محتاجتهم والمشكله ماقدر اقول عطوني فلوسي احراج

ولكن شكلي مانيب مسلفتهم كلش

[Just Smile]

ذكروتني بايااام كرهت فيها نفسي
الحين في نوعيه جديده
يعزمونك ببيتعم او يطلعون بره وشوي نااسي البوك ولا البطااقه مسحوبه تنجبر تقول مافي مشااكل واذا كنت في مجمع يدخلك هالمحلاات وياخذ اللي يبي ويجي يحط اغرااضه مع اغرااضك وادفع عااد انت
مره مرتين ثلاااث لين صرت اقول نفس الجمله نسيت البوك:rolleyes2:


ههههه والله العظيم شر البلية ما يضحك

صادقه اختي مر علي ناس كثير من هالنوعيه

يعني معليش المرة الاولى بتكون مستحب و بتدفع من شيمتك مافيها شي بس المشكله لا مصخت السالفه خصوصا اذا كنت طالع مع ناس من فئة قوم " البخلاء "

و هذول يبغيلهم موضوع منفصل :secret:

استراتيجية " نسيت البوك " تنفع معاهم :tease:


جعل والديج الجنه لاهنتي



مرة سلفت واحد في الشركة لانه محتاج

بعد اسبوعين لقيت واحد يتصل فيني من الشركة ويعزمني على شاورما في التركي المركزي بالنصر

ويجلس يشتكي من الديون .. ويرواني سيارته بي ام دبليو في الفحص وتصليحها بالالاف ... بالعربي سلفني

واحد (مفسفس) فلوسه بالسفر ... والسيارات .. ويبيني انا اسلفه

وبعدها جاني واحد من الشركة يبي 1000 ريال سلف ... عطيته

اخرتها رايح ديسكو في البحرين اسمه الكهف الاسود

وشوي شوي ... كل اسبوع متصل فيني واحد من الشركة يبي سلف

وبعدها حرمت اسلف اي واحد

.
.
.
الواحد يريد يفك كربة الناس ... عشان الله يفك كربته بالدنيا والاخرة

بس (فيه اشكال) ماتستاهل


نفس الشيء واجهته في احدى الدول الاسيوية

نتعشى او نتغدى كل يوم تقريبا .... وكنا كل واحد لازم يدفع جزء من فلوس الغداء

لكن للاسف في ناس ماتدفع ... ولاتستحي حتى

اخرتها الشباب اتفقوا كل واحد يدفع حسابه بنفسه

وسمعت ان الشباب رجعوا يقسمون المبلغ مرة ثانية

والله اعلم




بيض الله وجهك اخوي البدع


فعلا انت تقرض و تتصدق لوجه الله و بنية تفريج كربة بس للاسف في ناس عاميها الجشع يحسبون هالفلوس ملقطها من الشارع

و فعلا تلاقي بعض المصلحجيين تجيهم فترات يصيرون حبايب وياك بس عشان يستغلون كرمك المادي


بس حبيت اوضح حاجه ترى مافيها شي اذا عاونت اخوك بسفر او رحلة اذا كان فعلا صادق معاك و تعرف ظروفه

المبدأ و الفكره من الموضوع ان كيف يتم ايقاف الناس " المستغله ماديا " الي تخدعك عند حدها


و بعيد عن الموضوع اخوي البدع احب احيي فيك روحك و تفكيرك العمليين انا متابع لمواضيعك من فترة الله يكثر من امثالك الطموحين المجتهدين :nice:

[رشدان]

الي يتدين بنية الوفاء يؤدي الله عنه دينه بلا عناء ..وأما النوع الثاني اللي يتدين وعقبها يطس ويختفي ولو اختفائه خجل تهون وتعذر حيائه من انكساره للدين لكن اللي طسته طسة هياسه محترفه يعيش طول عمره في ضنك و حاجه مهما تدين من مبالغ ولايقضيها ولن يستطيع قضائها ولايبين عليه ستر الغناه وحالته متلته من كثر مماطلته وكذبه
وهذا والله ياجماعه اشوفه شوف العين في النوعيتين من الناس

وشكرا على طرح الموضوع

[Just Smile]

بصراحه بالنسبه لحركة السلف كرهتها

تخيلوا بايعه ذهب لاني محتاجه ودروا ناس اعرفهم كلهم تسلفوا مني خمسه وراحت ماسويت شي فيها وكلهم قالوا بيردونها

وحده انا اعرف ضروفها ومدى حاجتها ومستحيل اسلفها اعطيها عطيه

لكن اللي يقهر ان المعاشات نزلت ويذلا مالهم اي طاري يرجعون فلوسي وانا محتاجتهم والمشكله ماقدر اقول عطوني فلوسي احراج

ولكن شكلي مانيب مسلفتهم كلش




هلا اختي

فعلا مثل ما تقولين هذي من صفاتهم يراقبون الي عندك و الي ماعندك " حقد فيهم " احسن شي خلصي امورك بالسرية التامه

اغلبهم يطلبونك انك تعطينهم عطيه لان امكانياتهم ما تسمح لهم يردون المبلغ .. بتعطينهم بطيبة خاطر و بعدين تكتشفين انهم قصوا عليك

افضل حل انك تكلمينهم انك محتاجه فلوسك ترجعلك

هم ماستحوا طلبوا منك انتي اولى اختي لا تستحين تطالبين بحقك :victory:

[Just Smile]

الي يتدين بنية الوفاء يؤدي الله عنه دينه بلا عناء ..وأما النوع الثاني اللي يتدين وعقبها يطس ويختفي ولو اختفائه خجل تهون وتعذر حيائه من انكساره للدين لكن اللي طسته طسة هياسه محترفه يعيش طول عمره في ضنك و حاجه مهما تدين من مبالغ ولايقضيها ولن يستطيع قضائها ولايبين عليه ستر الغناه وحالته متلته من كثر مماطلته وكذبه
وهذا والله ياجماعه اشوفه شوف العين في النوعيتين من الناس

وشكرا على طرح الموضوع

عساك عالقوة اخوي رشدان

كلامك عين العقل

الفئة الثانية تتسلف و تاخذ عطايا بغير وجه حق و تبذرها

خلاص هذا طبع تطبعوا عليه .. والله العظيم ان بعضهم وصلت فيهم المواصيل انهم يستغلون الاوضاع الصحية و حالات الاعاقه اذا عندهم بعذر انهم مايقدرون يغطون تكاليف علاجه او ادويته

[R 7 A L]

الشي الأكيد عندي

ان الفئه الثانية ترفع الضغط خصوصاً اذا كانوا من الاقارب او الزملاء

[دااانة قطر]

بصراحه بالنسبه لحركة السلف كرهتها

تخيلوا بايعه ذهب لاني محتاجه ودروا ناس اعرفهم كلهم تسلفوا مني خمسه وراحت ماسويت شي فيها وكلهم قالوا بيردونها

وحده انا اعرف ضروفها ومدى حاجتها ومستحيل اسلفها اعطيها عطيه

لكن اللي يقهر ان المعاشات نزلت ويذلا مالهم اي طاري يرجعون فلوسي وانا محتاجتهم والمشكله ماقدر اقول عطوني فلوسي احراج

ولكن شكلي مانيب مسلفتهم كلش



عن نفسي اكلمهم اذا عاارفه ان ظروفهم زينه ولا انحرج هم اللي متسلفين
اما اللي تعودت منهم مايردون صرت استسمح واقول عندي التزاامات ومقدر
واحياانا نفتح موااضيع نقااش بينا بين بعض بوجود طرف مقصود ونسأل عن راايهم في اللي يتسلف ولا يرد وهو في خير

[Just Smile]

الشي الأكيد عندي

ان الفئه الثانية ترفع الضغط خصوصاً اذا كانوا من الاقارب او الزملاء


عليك نور الغالي

المحيطين بك من هالنوعيه يحسبون انهم يمونون بتجامل مره مرتين بس بعدين خلاص لازم يتوقفون عند حدهم

[Just Smile]

عن نفسي اكلمهم اذا عاارفه ان ظروفهم زينه ولا انحرج هم اللي متسلفين
اما اللي تعودت منهم مايردون صرت استسمح واقول عندي التزاامات ومقدر
واحياانا نفتح موااضيع نقااش بينا بين بعض بوجود طرف مقصود ونسأل عن راايهم في اللي يتسلف ولا يرد وهو في خير


لو عالكلام سهل اختي

المشكلة لا كلمتيهم و قلتيلهم تحتاجين المبلغ و تعطينهم فرصة شهر شهرين يرجعون المبلغ تنقلب الآية و يصير كأن انتي الي تبغين منهم سلف


أنا خلاص ما قمت اسلف الا الي محتاج و اعرف ظروفه و تكون عطية

[بوعلي 8]

دايما أذا الواحد بيسلف يعرف من يسلف ماهب كل من هب ودب ... والله في ناس لو تسلفها 500 ألف تعطيه وأنت تضحك لنك عارفه وشخص قريب منك لاكن في ناس والله حتى 500 تستخسر تسلفه أياها ... (( عن نفسي ما أسلف الا واحد اعرفه عز المعرفه وصديق قديم )) ...

[بوجبر]

اتسلف اخوك بن عمك صديق ومقرب وثقة مافية مشكلة..لكل اتسلف كل من هب ودب لا.. وخذو الحذر من النصابين لانهم اكثرو خصوصا بعد الزيادة..

[Just Smile]

ملخص للحلول التي تم طرحها في الموضوع لإيقاف فئة الناس التي تتسلف بغير وجه حق و تماطل في إرجاع السلف

# الاشراف و التكفل بدفع تكاليف الحاجة لدى الشخص طالب السلف من غير تسليمه المبلغ باليد

# استراتيجية نسيت البوك و ما يكافئها من طرق مماثلة :)

# الاعتذار عن تسليفهم


# فيه المستجدات الاخيرة من الزيادة بالراتب من أبونا بو مشعل طال عمره و ولي عهده تميم المفروض انها تساعد في التخفيف من هالظاهرة و لو أني اعرف ان بو طبيع ما يجوز عن طبعه