المساعد الشخصي الرقمي

مشاهدة النسخة كاملة : ناوي اغير الوسيط .. فيه وسيط ثاني غير المجموعة تداولهم على التفلون؟



سعادة الوزير
27-04-2005, 12:05 PM
السلام عليكم ورحمة الله

نويت اني اغير الوسيط .. وودي وسيط ثاني غير المجموعة يتداول عبر الجوال .. انا سمعت ان واحد من البنوك عنده هالنظام بس مادري اي واحد .. ياريت حد من الاخوان يفيدني وله الاجر والدعاء :)

عزيز
27-04-2005, 12:15 PM
هلا اخوي سعاده الوزير

والله انا نفسك والبنك الي تقصده هو البنك الاهلي واانا بأذن الله يوم الاحد بسحب أسهمي من المجموعه وبنقلها للاهلي وبلا عوار راس مع المجموعه

والطريقه اخوي لسحب الاسهم كما قالها لي البروكر تبع البنك الاهلي وهي انك تقول للمجموعه يرفعون أسهمك فوق لانك تبي تغير االوسيط واعتقد يعني يردونهم لك المركزي وبعدها تروح للأهلي وتعبي طلب فتح حساب وهم عليهم الباقي بيسحبون الاسهم وبيجيبونها لك البنك من غير ماتعور راسك

وعلي فكره التحويل مجاني وماراح يكلفك ولا ريال

اتمني اني افدتك اخوي واسمحلي علي القصور

تحياتي لك :)

عزيز
27-04-2005, 12:21 PM
بس نسيت انبهك اخوي علي نقطه لازم تسأل عنها

البنك الاهلي بيتم يشتري ويبيع بالاسهم المحليه حتي نهايه السنه اعتقد وبعدها خلاص ودلاله بيستلمون من عقب البنوك جميعا لذا عقب انا وانت الظاهر بنرد للمجموعه اخر السنه والله يعينااااا عليهم والله يرفعون الضغط والله يسسهل عليك وعلينا يالغالي

لمزيد من التفاصيل اخوي اتصل في البنك الاهلي قسم الاسهم واسالهم عن كل شي :)

ملاحظه:مابي حد يقول اني اروج للأهلي لاني والله ماروج له وانا اقولكم عن اشياء انا اتكلم عن تجاربي الشخصيه فقط لاأكثر

واي خدمه حاضرين أخوي
تحياتي لك :)

قطر
27-04-2005, 08:11 PM
كل البنوك تستطيع من خلالها التداول عن طريق الهاتف

منها التجاري الوطني الأهلي .... وبنك الدوحة وهو الأسوء حاليا كما سمعت وليس عن تجربه...


كذلك فإن جميع شركات الوساطة تستخدم الهاتف في ادخال الاوردرات باعتبار ان المكالمات مسجله ..

فاختر منها ماشئت لكن حاليا سمعت ان البنوك عليها ظغط شديد والله اعلم

هلا بك

عزيز
27-04-2005, 08:45 PM
كل البنوك تستطيع من خلالها التداول عن طريق الهاتف

منها التجاري الوطني الأهلي .... وبنك الدوحة وهو الأسوء حاليا كما سمعت وليس عن تجربه...


كذلك فإن جميع شركات الوساطة تستخدم الهاتف في ادخال الاوردرات باعتبار ان المكالمات مسجله ..

فاختر منها ماشئت لكن حاليا سمعت ان البنوك عليها ظغط شديد والله اعلم

هلا بك


تسسلم اخوي قطر علي المعلومه الحلوه والله كنت فاكر انه الاهلي هو الي متميز بهالخدمه بين البنوك

دام اني للحين مانقلت اسهمي للأهلي وناوي انقلهم لوسيط أخر غير المجموعه

ممكن تنصحني انا واخوي سعاده الوزير في بنك محدد ؟ من خلال تجربه شخصيه أو مدح الأخرين وسرعه التواصل والرد ؟

تحياتي لك يالغالي

ومنكم نستفيد :app: :D

يعطيك ألف عافيه :):)

سعادة الوزير
28-04-2005, 02:37 AM
شاكر لكم اخواني قطر وعزيز على المعلومات القيمة .. والله عندي نفس سؤالك يا عزيز حق اخونا قطر .. ابي اعرف اي فيهم احسن بنك عشان احول عليه وافتك .

وباسألك ياخوي قطر .. متأكد ان كل البنوك تقبل التداول عبر الهاتف؟؟؟ .. لان اذا صح عيل ليش الناس كلها في المجموعة عشان هالخدمة؟؟؟

قطر
28-04-2005, 01:25 PM
قريت الموضوع على عجل

((علم ))


يعني الحين مضطر اطلع وارجع ارد عليكم فليل باذن الله


اسمحوا لي

فمان الله

عزيز
28-04-2005, 06:46 PM
مسموح يالغالي وكلن له ظروفه وخذ راحتك ياخوي الدنيا مب طايره وربي يحفظك أن شاء الله

فمان الله اخوي قطر :)

قطر
29-04-2005, 12:31 AM
هلا ومرحبا ومساء الخير

نبتدي بسم الله:

انا جربت المجموعة والخليجية للاستثمارات ...

كلهم كانوا ممتازين

لكن مع الضغط ولعبت البوفلص

كل الشركات متأزمه

وصادف ان اسهمي في المجموعه وراحت علينا

فالحين انا ناقل جديد على البنك الاهلي ابي اجربه..

لان التجاري قالوا لي زحمه لكن مب على اللي يدفع ... ويرشي ...ويدهن السير ..


‘‘‘‘‘‘‘‘‘‘‘‘‘‘‘‘‘‘‘‘‘

ايش ميزة المجموعه وايش اللي مخلي العالم يتذابحون عليها:


1) خدمة المسجات هي الالى من نوعها في قطر ..
2) الحملة الاعلانية الكبير التي قامت بها المجموعه في وقت كانوا 90% من صغار المستثمرين توهم متعرفين على الاسهم
ومايعرفون غير المجموعه من الجرايد وبس

3)امكناية التداول بنفس المبلغ في اليوم عدت مرات
4)توفير صالات مجهزه بشاشات تاول وكمبيوترات ... وبروكريه دون الحاجه للتواجد في السوق مع زحمة الناس.

5) توفير فروع تفتح مساء

كل هذه الميزات خلت العالم ماتعرف شي الا المجموعه وبس....


==========================


كل شركات الوساطه تتداول عبر الهاتف ......... وليس المجموعه فقط...

المهم انا نقلت حاليا للاهلي بعض الاسهم

ولكن ماجربتهم....

صامد مع الخليجيه... لانهم حافظينا فأسهل في ايام الزحمة...


انا انصحكم بالبنك التجاري ... الاهلي ... ايقولون العالمية للاستثمار زينه والله اعلم


اي استفسار انا حاضر وتحت امركم :)

سعادة الوزير
29-04-2005, 03:14 PM
شاكرين افضالك يا قطر

بس بعد عندي استفسار .. هل خدمة اني ابيع واشتري عبر الهاتف رسمية في البنوك ولا حق ناس وناس؟؟؟

لاني والله احترت يا اخوان .. ناس يقولون لي بس المجموعة الي عندها هالخدمة وناس يقولون لا الكل وناس يقولون بعض البنوك .. وفي واحد ايضاً قال لي بس بنك قطر الوطني عنده هالخدمة على شرط اني افتح عنده حساب استثمار .. يعني بالعربي انا ضعت وما عرفت شنو الصج!

قطر
29-04-2005, 05:05 PM
هلا والله سعادة الوزير

الفضل لله وحده :) وانما نحن اخوة نتعاون على الخير باذن الله

بالنسبه اذا الشغله رسميه اي اعتقد لانها مسجله

لا الناس ايقولون هالكلام لان المجموعه هي الوحيده اللي سوت اعلانات جامده

بس انا اقولك اللي اضمنهم ان عندهم اتصال بالتلفون
الوطني
التجاري
الاهلي
الدوحة 100% عندهم

واكيد لازم تفتح حساب عندهم عشان تدخل االفلوس فيه لما اتبيع

مب يطلع لك شيك واتخلبط الامور

فمتني ؟؟


وان شالله ماراح اتضيع :)

امرنا بس

علي
04-05-2005, 05:16 PM
انا اتعامل مع الاهلي منذو فتره طويله ولم اتعرض في يوم من الا يام لأ مشكله والحمدالله وعن طريق التلفون والمسج

LIMIT UP
17-05-2005, 02:45 AM
والله انا اتعامل مع بنك الدوحه وبصراحه خدمتهم ممتازه واهم شي عندهم احترام المستثمر والشباب هناك يعجبونك