بعد النجاح ,, هل اترك المستقلة ؟..

[Qtr95]

بسم الله الرحمن الرحيم ,,

اليوم الصبح جبت نتيجتي
والحمدالله درجتي زينة , جبت 80%
وانا صف اول ثانوي ,,

اول ما مسكت الشهادة وكنت اتأمل فيها :discuss: ,,
جاتني فكرة اني اروح مدرسة انجليزية , احسن من المدارس المستقلة,
للعلم اني كنت في مدرسة خاصة من قبل, وحاليا نادم لأني غلطت غلطة عمري اني دخلت المدارس المستقلة ,,

حاليا محتااار ..
المدرسة اللي انا فيها ادارتها زينة , والمدرسين فيهم الزين والشين ,
لكن المشكلة الكبرى فالمجلس الأعلى , وانا رئيس جماعة في مدرستي ..
هل اتركها ؟..:omg:

او اروح مدرسة خاصة انجليزية , بحيث اني اضمن المعاملة الحسنة , والتعليم ذو جودة عالية , وتخف الظغوط علي كطالب ,للعلم اني ما أجد صعوبة في التواصل باللغة الأنجليزية لأنها سهلة بالنسبة لي :telephone:

مادري ..؟ محتاااررر

شنو تشيرون علي ؟..

وعندي استفسار , سمعت بأن اللي يروح مدرسة انجليزية , يخلونه يعيد السنة صج ؟
:eek5:

ابي اسمع اراء الناس ..
:discuss:

[قلبي الطيب]

والله ليش ماتجرب تدش ثاني ثانوي مدرسة خاصة وتشوف نفسك اذا نفع كان بها كمل اذا لا ارجع المستقلة
وفي شي لاحضته أن في مدارس مستقله معينه هيه اللي المتفوقين منها وباقي المدارس لاحس ولا خبر يعني لو مدرستك من هذول ممكن تتطمن شوي بس في الأخير هاي المجلس الأعلى مانقدر نتطمن منه أبدا

[بصمة قطرية]

والله افضل من المدارس المستقلة
روح الخاص وريح عمرك

[كازانوفا]

توكل على الله وصلي استخاره واكيد ربك بيدلك على المنفعه وين بتكون
والف مبرووووووك النجاح

[حليتان*]

واحد من الربع طلع من عندنا فصف اول ثانوي وراح مدرسه انجليزيه
تم فيها سنه وتركها ولما رجع المستقله خلوه فنفس صفه وهو المفروض يترفع لانه ناجح

[Qtr95]

واحد من الربع طلع من عندنا فصف اول ثانوي وراح مدرسه انجليزيه
تم فيها سنه وتركها ولما رجع المستقله خلوه فنفس صفه وهو المفروض يترفع لانه ناجح

ممكن تقولي ليش رفيجك تركها ؟

[شيخ الديرة]

درجتك تعني أنك لم تحقق كل ما يمكن ان تحققه في المستقلة, بمعنى أخر لو درجتك 100 لكان لك العذر ان تبحث عن مدرسة أخرى.

الأهم في كل هذا ان تعرف كم ممن تخرج من مدرستك هذي السنة راح كليات المدينة التعليمية, او جاب سات عالي, او أخذ بعثة من المجلس من قائمه الجامعا اللي معترفين بيها

اذا الرقم الأجمالى لكل الطلاب أعلاه اكثر من 10 بالمئة من المتخرجين, معناتهي مدرستك زينه وليس هناك أي داعي ان تغير مدرستك

اللي محيرني ان واحد بعمرك موجود على هدا المنتدى, والدي هو مع الأسف مجمع للتذمر والشكاوى والتفكير السلبي

أرجو أن تنظر الى الدنيا بكل أمل وأندفاع, وبعدك صغير على مناحات المجلس الأعلى, عليك بدروسك والتركيز على التحصيل العلمي والتقليل من الأنترنت في السنتين القادمتين

وتمنياتي لك بالموفقية

[intesar]

والتعليم ذو جودة عالية

ألف مبروك النجاح
خلك بالمستقلات.. لزن تعليم الأجانب ليست ذو جودة عالية كما تفضلت.. لكنها ذو جودة عالية في تفريغ الجيوب من المال.. والمحصلة النهائية تتناسب مع المستقلات..
رغم عيوب المستقلات أنا أشوفها أفضل من الخاصة..

ودمت بود..

[الوان]

... انا متابعة مواضيعك من فترة .... و اشوف انك نجحت و نسبتك حلوة ...
نصيحة ...تحمل ...و ...اياك انك تروح مدرسة خاصة .... خصوصا اذا كان نظام امتحاناتهم بريطاني .. امتحانات كامبردج .. صراحة معظم اللي قدموه تورطوا فيه و ردوا عادوا ثانوية قطرية ...

اما اذا كانت ثانوية امريكية او انترناشونال بكالوريا .. ما عندي فكرة ..

بس اسأل اذا حد من المدرسة اللي تبيها خلص الثانوية بشهادة معتمدة من المجلس الأعلى للتعليم .. هاذي اهم نقطة ...

انا اشوف اتم في مدرستك او تنقل مدرسة مستقلة اقوى .. و لا اتجرب الخاص و خرابيطهم ...

الا اذا كانت مدرسة خاصة جديدة مدعومة من ... و يبون يسوون لها سمعة و ينجحون الطلاب اللي فيها ..

[مكتوم]

اقترح عليك تستخير



وبالتوفيق

[حليتان*]

ممكن تقولي ليش رفيجك تركها ؟

درجاته واايد نزلت

[القانوني2]

هههههه أطلع و روح مدرسة خاصة ههههه طال عمرك شوف إذا راح تكمل في المستقلة لا تيجي عندنا في منتدى و تتشكى تقول مدارس المستقلة و المظاهرات و سوالف اليهال هههههه غير من الحين عشان متكون في عذاب .... للعلم إذا انت ماسك جماعة يعني شنو بيصير بتروح مدرسة ثانية بتمسك رئيس عادي بس المهم دراستك لان في الامتحان محد بينفعك لا مشرف جماعة و جماعة هههههه ....... نشوفك في مظاهرة الموسم ثاني على تاريخ 12-6-2012 ههههه

[تغلبية]

ألف مبروك النجاح وعقبال الجامعة ..

الحين المشكلة موب في المستقلة او الخاصة دامك طالب مجتهد وتحصيلك العلمي جيد ولغتك الانجليزية ممتازة

انت انظر لقدام .. لما بعد الثانوية ..

وش ناوي تدرس في الجامعة وفي أي جامعة .. هنيه والا برا .. وفي اي تخصص ؟

بناءً على معرفتك او تخطيطك لمستقبلك القريب .. شوف اي مدرسة راح تساعدك تلبي متطلبات دخول الجامعة والتخصص اللي تبيه واختار

لا تختار عشوائي .. وعلى حسب الهوى والمزاج ..

استخير .. ثم اعقلها وتوكل والله يوفقك

[مستر بن]

انا افضل ترووح ’’ الانجليزية اذا انت بلبل ف الانجليزي ’

[khaleeji]

مبارك النجاح يالكواري,,,,,,,,,,,,الظاهر المجلس الاعلى كان يحاتي نتيجتك خايفين تسويلهم سالفه

شوري تمسك مجنونك لايجيك الاجن منه,,,,,,,,,

[Qtr95]

ألف مبروك النجاح وعقبال الجامعة ..

الحين المشكلة موب في المستقلة او الخاصة دامك طالب مجتهد وتحصيلك العلمي جيد ولغتك الانجليزية ممتازة

انت انظر لقدام .. لما بعد الثانوية ..

وش ناوي تدرس في الجامعة وفي أي جامعة .. هنيه والا برا .. وفي اي تخصص ؟

بناءً على معرفتك او تخطيطك لمستقبلك القريب .. شوف اي مدرسة راح تساعدك تلبي متطلبات دخول الجامعة والتخصص اللي تبيه واختار

لا تختار عشوائي .. وعلى حسب الهوى والمزاج ..

استخير .. ثم اعقلها وتوكل والله يوفقك


انا هدفي ادخل إعلام باللغة الإنجليزية في جامعة قطر او نورث ويسترن في المدينة التعليمية ..

انا شنو محتاج له حاليا ..؟

ابي اتواصل باللغة الأنجليزية اكثر , ابي استخدمها أكثر , انا حاليا الردي مستخدمها ..
بس ابي اكثر منها ..

الحين ياختي اللي ما يعرف انجليزي ولا شي ..
والمدارس المستقلة ما تفيدني باللغة .. كل شي اعرفه , كل ما يعطوني شي يديد , كله اعرفه من زمان وسهل , اللهم بس بعض المصطلحات فالعلوم ,, حتى ساعات اصحح حق الاساتذة ..
مرة الاستاذ كان يبي يكتب Stright كتب straet -.-..
وساعات اسكت بس علشان ما احرجهم ..

ابي اتعمق اكثر , انا ابي اتواصل بهاللغة ..

علشان جي احس اني ابي ادخل مدرسة انجليزية بحيث استخدمها اكثر ..

[تغلبية]

انا هدفي ادخل إعلام باللغة الإنجليزية في جامعة قطر او نورث ويسترن في المدينة التعليمية ..

انا شنو محتاج له حاليا ..؟

ابي اتواصل باللغة الأنجليزية اكثر , ابي استخدمها أكثر , انا حاليا الردي مستخدمها ..
بس ابي اكثر منها ..

الحين ياختي اللي ما يعرف انجليزي ولا شي ..
والمدارس المستقلة ما تفيدني باللغة .. كل شي اعرفه , كل ما يعطوني شي يديد , كله اعرفه من زمان وسهل , اللهم بس بعض المصطلحات فالعلوم ,, حتى ساعات اصحح حق الاساتذة ..
مرة الاستاذ كان يبي يكتب stright كتب straet -.-..
وساعات اسكت بس علشان ما احرجهم ..

ابي اتعمق اكثر , انا ابي اتواصل بهاللغة ..

علشان جي احس اني ابي ادخل مدرسة انجليزية بحيث استخدمها اكثر ..



حلو إنك عارف طريقك .. ووين تبي توصل ...

طبعاً أنت الحين اختار للي يريحك في الدراسة والتحصيل .. واقعد من الحين ادرس وقدم الايلز .. علشان تجيب السكور المطلوب .. وصلاحية شهادة السكور سنتين .. يعني في وقت

والله يوفقك ..

أتمنى لك مستقبل ............... بااااااهر :)

[Qtr95]

حلو إنك عارف طريقك .. ووين تبي توصل ...

طبعاً أنت الحين اختار للي يريحك في الدراسة والتحصيل .. واقعد من الحين ادرس وقدم الايلز .. علشان تجيب السكور المطلوب .. وصلاحية شهادة السكور سنتين .. يعني في وقت

والله يوفقك ..

أتمنى لك مستقبل ............... بااااااهر :)

أنا أؤمن بإمكانية التغيير للأفضل ...
لذلك سابقى فالمستقلة لأني إشعر أنه عندي شيء أبي أحققه هناك
يوم من الأيام بكتب بخصوص موضوع التغيير ..

[شيخ الديرة]

لا تنسى تسجل على امتحانات اللغة والسات وتاخذهم اكثر من مرة حتى تتمرن على الأمتحان وتجيب درجات أحسن

هذا جدول السات
http://sat.collegeboard.org/register/sat-international-dates