مساعدة : في التخطيط لرحلة إلى دولة الامارات العربية

[ضوى]

السلام عليكم ورحمة الله وبركاته


بعد حنة ورنة من عيالي والدندنة على السفر ، قررنا انا وريلي انه ناخذهم في سفرة حلوة لدولة الامارات العربية المتحدة واللف على امارة دبي وابوظبي والفجيرة وراس الخيمة والشارقة لمدة اسبوعين كاملين عدد خمس بالغين ورضيعة خمس شهور

المطلوب من السادة الاعضاء والعضوات الكريمات عمل جدول مناسب من حيث الاقامة والمطاعم والاماكن السياحية والترفيهية وتحديد المسافات بين كل امارة وامارة ، ومدري شنو بعد ، مالي خلق اسوي اي شي والعيال لاهين بالايبود والالعاب وابونا كافي عليه انه بيودينا :)

ابو العيال والعيال الشباب بيروحون بسيارة ، والبرنسيسات بناتي وامهم اللي هي انا بطيارة وراح ينتظرنا زوجي هناك ان شاء الله ، وابي ارتب للفنادق من الدوحة حتى مانتوهق

محتاجة المشورة والنصيحة والاراء والترتيب للسفرة من كل من له خبرة في هذا المجال

مع الشكر المسبق لكل من يساعدني في هذا الامر

[أنا]

شوفي الفنادق والمنتجعات والمطاعم الجديده وتقديرين انتي تنسقين جدولج بنفسج
أجازة سعيده بأذن الله :nice:

[كايد الوكره]

من ابوظبي لــ دبي مشوار ساعه
دبي لـ الشارقه نفس الوكره والمطار يعني ( دقائق السياره )

الاماكن الترفيهيه ( في آبوظبي فورمولا ون ) المجمعات التجاريه -
ايضا الكوفيهات

[راشد محمد]

دبي تجنن ما اعرف شاقول والا شاخلي..
عندج دبي مول-الامارات مول-وبرجامن(احلى مجمعات)الوايلد وادي وسوق نايف ..
المجمعات واااااااايد من كثرها ما تعرفين وين تروحي

[Abdullah_89]

انا حجزت حق اخوي الكبير الاربعاء في فندق متروبيلتان بالاس بالنت طلعت علي الغرفه ب 300 ريال فندق 5 نجوم وموقعه في شارع المكتوم

اما الشقق فعندكم شقق الضيافه في دبي وتحجزونها عن طريق مكتب توريست للسياحية وعندكم شقق البستان رزيدنس

انا باقي مناطق الامارات ماعندي عنها فكرة

بالنسبه للأماكن في دبي طبعا المجمعات فيها فعاليات حلوة مثل دبي مول ( الاكوادور ومدينه الملاهي ) وامارات مول (المدينة الثلجيه )


انصحج بالتسوق في سوق الكرامه صج مافيه خليجيين وايد لكن انا اشهد انه ارخص اسواق دبي وكبير وكل شي موجود فيه وحتى ارخص من السوق الصيني ( دراجون مول )

الوالد وادي ( المدينه المائية ) وعندكم فندق اتلانتس بس غالي وايد لو انتوا عايله

في جولات سياحية تنظمها وايد شركات سياحه في دبي اسألي الفندق عنها انا خذت جولة كاملة شامله ركوب المركب والمواصلات الشخص ب 150 ريال بتستانسون ( متاحف واماكن تراثيه وجولة في دبي كلها بالباص المكشوف وركون المركب وزيارة قريه التراث ومتحف دبي )

هاي اللي اقدر افيدج فيه لانكم عايله لو شخصين بافيدج اكثر

لو الميزانية مفتوحة احجزوا في فندق المروج روتانا جدام دبي مول تعبرين له الشارع ( سوووا رجييم خخخخ )

واسمحيلي عن باقي المناطق ان شاء الله الاعضاء يفيدونج

واتمنالكم سفره ممتعه

[The Stig]

اهم مكانين تروحينهم .. دبي مول وخلي العيال يدشون سينمات ويجربون كل شي فيه ..
وعالم فراري لانه خيالي ..

واتمنى لكم رحله سعيدة

[كازانوفا]

تروحي وترجعي بالف سلامه انتى واهلك ان شالله

وادعيلي اني اروحها لان .... صعب دخولهااا :(

[ضوى]

شوفي الفنادق والمنتجعات والمطاعم الجديده وتقديرين انتي تنسقين جدولج بنفسج
أجازة سعيده بأذن الله :nice:


دايما ارتب لسفراتي بنفسي وادقق بكل شي بس بالفعل هالمرة مالي خلق كلش ، ولا لي بارض للسفر اصلا بس العيال الله يصلحهم ، دخلت المواقع اللي ذكرتيها دار راسي ولا عرفت شي حسيت نفسي اني ماعرف شي

عالعموم شاكرة لج حبيبتي اهتمامج

[قطريه ماركه]

في دبي (( دبي مول )) فيه كل شي دخلي اليهال كيدزينيا ما يتفوت كللللللللللش وايد بيستانسون اللي هو نفس

اللي في اليابان بالضبط ... و بعد محل كانديديليشيز حلو حلو حلو في كل أغراض ام&ام نفس اللي في نيويورك..

و طبعا قسم الماركات الغني عن التعريف ... و محل هامليز هاي الأشياء تقريبا اللي ما عندنا في الدوحه ..

و بوظبي فيها مجمع المارينا حلو وايد و عالم فيراري ....

و اذا بتمرين العين روحي شاليهات جبل حفيت وايد حلووة ....

و اذا تحبوون الشاليهات في شاليهات حلوة اسمها بلما في ام القيوين ...

تروحون و تييون بالسلامة حبووبة ....

[بو خليفه 123]

تامرين امر يا ضوى .. اهم شي خطيبة خليفه تنبسط هناك :shy:


الاماكن المقترحه ادناه تعبر عن وجهة نظري الشخصيه فقط:


اقترح انكم تختارون دبي المحطه الاولى لكم و تسكنون في فندق ذا ادريس المطل على دبي مول .. منها يكون قريب لك و يسهل عليك التسوق في دبي مول .. و منها يكون قريب للعيال يكتشفون مدينة الاطفال .. مدينه حلوه و مفيده لهم يعلمونهم على طموحاتهم و على الطيران و امور مشابهة لذلك .. (اذا تعبتي من المشي تقدريت تستأجرين تكسي GOLF CAR داخل المجمع)

طبعاص المطاعم للاطفال كلها بتكون متواجده للعيال في دبي مول ..

اما لك انتي و بو العيال اذا حابين تجددون شهر العسل اقترح عليكم حجز لـ عشاء في مطعم ATMOSPHERE وهو اعلى مطعم بالعالم في الطابق الـ 123 في برج خليفه .. (اذا رفع ضغطك ماعليك انك تفتحين الدريشه و .... كملي الباقي :P

بأمكان مكتب برج خليفه ياخذكم في لفه سياحيه حول البرج و فندق ارماني و الى اعلى بلكونه في برج خليفه ايضاً (تجربه حلوه للعيال ايضاً)

الافضل انكم تروحون بو ظبي والامارات المجاوره عن طريق سياره مستأجره افضل .. ماعليكم الا انكم تشغلون الـ NAVIGATION و تفلّون الحجاج .. و بتنبسطون على الخط ..

طبعاً في ابو ظبي انصحك انتي والعيال بزيارة مدينة فيراري العالميه .. في العاب حلوه للكبار "يوجد بها اسرع قطار موت بالعالم" انصحك تجربينه بما انه قلبك قوي في الحوار العام ..


اما راس الخيمه عادني مارحتها .. لكن تقرير روز يبدو مشوق و الشاليه راقي جداً ..


اذا تبون عناوين ايجار سيارات او اسعار فنادق انا بالشوفه و حااااضر ..

رحله سعيده مقدماً .. ولا تنسين صوغة أم السعف عشان ماتفضحنا :nice:

[Chanel]

اجازه سعيده أن شاء الله
ماشاء الله ماقصرو الأعضاء
بس حبيت أضيف حديقة الخور عندهم عرض للدلافين وتلفريك
اتلانتس الالعاب المائيه بيستانسون اليهال عليها
ممشى جميرا روعه القعده والمطاعم والكوفيات لايفوتج
مدينة الثلج في امارات مول
مدينة مدهش وفيه مكتب في برجمان عنده عروض للرحلات وايد حلوه اسألي عنها
وفيه شركة عرب لنك وايد مريحين في التعامل وخدومين رقمهم بتحصلينه في موقعهم
وسامحيني على القصور

[انصار جليري]

هههههههههههههههههههه


نفس الوجهة ومافي اي تخطيط الله خيـــــــــــــر


لين شفتي ناس متوهقة بدبي ترا احنا:shy:



خخخخخخخخخخخخخخخخخخخخخخخخخخخخخخ

[بومحمد المطاوعه]

السلام عليكم

رحله سعيده ان شاءالله

انا بتكلم على مدينه العين

احب المدن عندي في الامارات

بسبب وجود بيت جدتي الله يرحمها ولاني مولود فيها

فحبيت العين اكثر شي

في موقع لفندق فوق الجبل

جبل حفيت فيها الصور والاسعار

http://www.travelerpedia.net/photo/cat409.htm

هذا نبذه عن الفندق مع الصور

http://travel.maktoob.com/vb/travel134074/

وهني صور جبل الحفيت

http://www.google.com.qa/search?q=%D8%AC%D8%A8%D9%84%20%D8%AD%D9%81%D9%8A%D 8%AA&hl=ar&rlz=1W1RNWN_ar&um=1&ie=UTF-8&tbm=isch&source=og&sa=N&tab=wi&safe=active&sout=1

وفيها مجمعات العين مول وبوادي مول

احلى المجمعات للمشتريات ولألعاب الاطفال

وأهم الحدائق هي: حدائق ألعاب الهيلي- حديقة الحيوانات- الحديقة العامة- حديقة السليمي- حديقة الهيلي للآثار- حديقة البلدية- حديقة الجاهلي- حديقة المعترض- حديقة السوق- حديقة المقام- حديقة المضيف- حديقة المريجب.

مركز العين مول وهو الأفضل


وبوادي مول


مركز الجيمي مول




مواقع هيلي الأثرية

تقع هذه المواقع بجوار حديقة الهيلي ،

مدينة ألعاب الهيلي

وحديقة الحيوانات

حصن الجاهلي
ويعد من روائع التراث ، يقع بجوار حديقة العين العامة

قلعة المريحيب
وهو أحد الحصون القديمة ، ومتحف العين الوطني

ومنطقة المبزره الخضراء
والعين الفايضة وجبل حفيت

انا انصحج اختي تشترين قارمن

من اللنجاوي في سوق الجبر

في ظهر سوق الجبر على الشارع

اسم المحل اللنجاوي

قارمن نوفي 760
GARMIN NUVI

http://www.cars-club.com/up/8-2-1/carsclub_80532245.jpg

سعره يمكن 1300 ولا 1200

وفيها كل شي

بس تسوين بحث ويظهر كل شي موجود ويحدد لج كم كيلو

لين توصلين المكان الي تبينه

كل شي بالعربي موجود

هاي صوره اذا انتي واقفه في سوق ولا مكان كله محلات

http://www.sharurah.net/uploader//uploads/images/sharurah.uploader-388ff46192.png


عندي نبذه عن ابوظبي

فيها المجمعات
مارينا مول

فتوح الخير

الخالديه مول

حامد سنتر

حمدان سنتر

مركز ليوا

أبوظبي مول

وفيها كورنيش ابوظبي والعلم الكبير قريبه من المارينا مول

واسم المكان الكاسر

المارينا مول قريبه من قصر الامارات في ابوظبي



الاسواق الشعبية فى أبوظبي ،،،وهما السوق القديم والسوق القديم بجانب دوار الساعة وبنهاية شارع الشيخ راشد ال مكتوم ،،،

تتوافر كذلك النوادي مثل ،،،نادي السياحى ، نادى الفروسية ، نادي أبوظبي للسيدات ،وكذلك شاطي السيدات ،،،


اما دبي وايد امكان حلوه وزحمه

وكل يوم مجمع بس فيها اماكن حلوه مثل برجه الدلافين واتلنتس و معبر داخل حوض الاسماك المفترسه مثل القرش وباقي الاسماك

وفيها الواد وادي وبلاوي والله

ورحله سعيده ان شاءالله

[بومحمد المطاوعه]

هههههههههههههههههههه


نفس الوجهة ومافي اي تخطيط الله خيـــــــــــــر


لين شفتي ناس متوهقة بدبي ترا احنا:shy:



خخخخخخخخخخخخخخخخخخخخخخخخخخخخخخ

السلام عليكم

اختي في دبي صوب برج خليفه


http://www.safita.cc/VB/upload2/userimages/3645_p154218.gif

هالنافوره الراقصه على قولتهم

وفيها اماكن وايد

حديقه الجميرا بيش
حديقه الخور
حديقه الصفاء
حديقه الممزر
حديقه وندر لاند
ويلد وادي مدينه مائيه
حديقه الحيونات
وقريه التراث
:107: :107: :107:
والمراكب البحرية
وسفينه البوم
وباص العجيب برمائي
سفبنه دانه دبي
:107: :107:
رحلة سفارى
نادى الغولف
متحف دبى
المراكز التسوق
مركاتو
سيتى سنتر
برجمان
الغرير
حمر عين
البستان
مدينة جميرا
المنال
مرشد
الوافى
ابراج الامارات
السوقات
الواحة
المزايا
ابو الهيل


اهم المراكز التجاريه في الامارات :

ابوظبي :

مركز ابوظبي مول
مركز المارينا مول
مركز المهيري
مركز فتوح الخير
مركز مدينة زايد

العين :

مركز العين مول
مركز الجيمي

دبي :

ابن بطوطة مول
سوق التنين ( منتجات صينية رخيصة)
ستي سنتر– ديرة
حمر عين– ديرة
بن سوقات سنتر
الملا بلازا - القصيص
مركز البستان– القصيص
مركز المنال (شعبي)- دبي – ديرة
سنشري مول – دبي – الحمرية
مركز ابو هيل - تخصص عبايات ومخاوير
لامسي بلازا - بردبي
وافي ستي - بردبي
برجمان– بر دبي
مركز الخليج - بر دبي
مركز العين– بردبي
مركز الكرامة - الكرامة
مركز العطار– الكرامة
ميركاتو– جميرا
مركز الشاطىء - جميرا
تاون سنتر - جميرا
بالم ماسترب - جميرا
مركز جميرا بلازا– جميرا
مركز جميرا - جميرا
مركز الواحة– شارع الشيخ زايد
مركز مزايا– شارع الشيخ زايد
مركز ابراج الامارات - شارع الشيخ زايد
مركز الغرير- دبي
سوق الذهب (شعبي) - دبي
سوق نايف (شعبي)- دبي
شارع الضيافة (شعبي)- دبي
سوق الكرامة - دبي
شارع الفهيدي
غاليريا- فندق حياة رجنسي
إنتركونتيننتال بلازا
شارع الرقه
شارق المرقبات
سوق مرشد
سوق عكاظ

الشارقة :

مركز صحاري - طريق دبي الشارقة
مركز الميغا مول
مركز التعاون

وانصحج تاخذين قارمن وياج

[خشوف]

http://www.qatarshares.com/vb/showthread.php?t=462947

تفضلي الجدول ولي رجعة

[مـراحـب]

الله يوفقك في الرحله

أمس أنا راجعه من دبي ، ، استانسنا واايد

اذا عندكم سيارة حلوو ،، سكنوا في فندق جلوريا بشارع الشيخ زايد
عند مدينة دبي الإعلامية

الفندق يطل ع البحر

حجزنا شقه بغرفتين وحمامين وصالة 5 أيام 4100 ريال

المجمعات

امارات مول ( مدينة الثلج ) فضيييييييعه تقدرين تدخلين مع عيالك وزوجك

دبي مول ( حوض السمك ) يجنن روعه تحسين أنك في قاع البحر

وتقدرين تشوفين النافورة الراقصه شي خيااال

عندك مجمعات كثيرة

( الواحة مول - برجمان - مجمع جميرا - سيتي سنتر القديم - الجديد اسمه مردف - فسيتفال كأنه اسمه جذي - مجمع الوافي - امارات مول - دبي مول - ابن بطوطه - حمر عين - الملا مول )

المحلات الشعبية ( مرشد - نايف - الذهب )

سوق التنين

[بو خليفه 123]

وينها ضوى

شكله ابو العيال يوم شاف القائمه كنسل الله يعطيه العافيه


escape

[ضوى]

الصرااحة كفيتوا ووفيتوا وماقصرتوا وجزاكم الله خير

الاخت خشوف

الجدول رائع وتم اعتماده ان شاء الله الصراحة فكيتني من العبالة الله يرزقج الذرية الصالحة اللهم اميييييييييييييييين