استفسار: عن سلطنه عمان وصلاله

[موووج قطر]

مرحبااا
حبيت استفسر ؟
و ابي اصحاب الخبره يجاوبوني ...
ماعليكم امر ...
كم المسافه بين مسقط و صلاله .. برا (يعني كم ساعه )؟
و كم سعر التذكره للطيران الداخلي للوصول لصلاله
و هل خمسه ايام تكفي لزياره مسقط و صلاله ..؟
هل يتوافر فيها الميني باص للعائلات الكبيره ..؟
:
:
والله اول مره انقرر انه اروح لها اتمنى اتفيدوني :shy:
ويعطيكم الصحه و العافيه ؟

[ALKUWARI101]

خبررة سنتيين هنااك افا عليييج

المسافة بين مسقط وصلالة .. تقريبا 900 كيلوو بتاخذ 9 ساعات بالسيارة الخاصه وعلى سرعه متوسطه

لكن اذا في باص بتاخذ تقريبا 12 ساعه ومانصحج فيه كللش لانه بيضيع يومج .

سعره التذكره 800 الى 900 ريال قطري ذهاب واياب .

ويومين على صلالة احسهاا وااايد اما مسقط فيكفيها 3 اياام يعني 5 ايام حلوييين .

[ماجد البدر]

كل شي متوفر في صلاله الا السكن ضروري التاكيد عليه وخمس ايام ماتسوى تعب الطريق و المسافة 1000 كيلو تقريبا من العين لو من مسقط بتكون اكثر و الله اعلم
اذكر ناس قالوا السكن مب مشكله يتدبر وراحوا في عز الموسم تعبوا وهم يدورون سكن وباتوا على السيف لين الصبح

[موووج قطر]

يسلموووو( الكواري و ماجد البدر)وو و
يعطيكم الصحه و العافيه ..

الله يكتب اللي فيه الخير .. وايد متخوفه من هالسفره احسن مافيه ترتيب لها .. و بتكون اول مره مانعرف وين و وين ؟

[ماجد البدر]

ماعليج اهم شي السكن اذا قدرتوا توفورنه و الباقي سهل بتوفيق

[ذيب ولد ذيب]

اختي اذا بتروحون بالسياره مايحتاج تروحين لمسقط ,,

تروحين من العين على عبري وتنامون فيها ,, عبري في عمان تبعد عن العين ساعه ونص ,, والفجر تطلعون من عبري 8 ساعات وانتوا في وسط صلاله على سرعه 160 ,, الطريق طويل , في بعضه تعبان واغلبه زين وبعضه ممتاز ,, خط واحد رايح جاي ,, اذا مش متعودين عالخطوط بتتعبون ,, واذا انتو راعين خطوط وتسافرون لمكه بالسياره بتحسون ان الطريق عاادي ,, والطريق ماعليه زحمة سيارات يعني مش خطر (من وجهة نظري) ,,

انا رحت بدون ما احجز وخذت لي شقه الليله بـ 400 ريال قطري ,, بس حصلت شقه بعد 3 ساعات بحث ,, يعني افضل تحجزون من الدوحه ,,

من مسقط لصلاله بالطياره اعقد 700 ريال قطري