الحذر يااصحاب الايفون.....

[بنك المراجل]

ياجماعة الخير الليمت عندي في فاتورة جوالي 600 ريال وقبل يومين رحت للحسا وكنت ادش النت عادي ويشبك معاي بس على شبكة موبايلي وكانت الفلوس تحسب وتعدت اللمت 3 مرات دبل يوم رجعت للدوحه قطعو الخط واستفسرت من الفاتوره قالو 1800 ريال ليش تعدا اللمت قالو الفاتوره من شبكة موبايلي جاتنا متاخره ماتسوى علي السفره 1800 خلال يومين لذا وجب التنويه والتنبيه من استخدام النت خارج الدوحه .

[Grnas]

http://media.pcadvisor.co.uk/cmsdata/blogentries/2065/network.jpg

في الاعدادت في خيار Data Roaming العادة يكون غير فعال .لكن أحد مشغله وانت ماتدري
لأنه هذا اذا شغلت الخيار يخليك تستخدم انترنت الجوال ويتجاهل الشبكة اللي ماخذ منها الخط.

قصص وروايات عن الفواتير واللي يشغل الانترنت في شبكة اتصالات ثانية حتى هي موجودة عند الأجانب:
http://ipod.about.com/u/ua/internationaliphone/iphone-roaming.01.htm

[بوغانم995]

نعم هذا الذي حصل مع اكثر من شخص .........لذلك تم التحذير من لبلاك بيري .......في الخارج .....والله يعينكم .

[@north_star@]

http://media.pcadvisor.co.uk/cmsdata/blogentries/2065/network.jpg

في الاعدادت في خيار data roaming العادة يكون غير فعال .لكن أحد مشغله وانت ماتدري
لأنه هذا اذا شغلت الخيار يخليك تستخدم انترنت الجوال ويتجاهل الشبكة اللي ماخذ منها الخط.

قصص وروايات عن الفواتير واللي يشغل الانترنت في شبكة اتصالات ثانية حتى هي موجودة عند الأجانب:
http://ipod.about.com/u/ua/internationaliphone/iphone-roaming.01.htm

فعلا انا من فترة كان عندي ال data roaming شغال وانا مب منتبه والا اخر الشهر في زيادة بالفاتورة تقريبا 220 ريال وسالت واحد قالي حطه على off

[R 7 A L]

الحذر كل الحذر من تشغيل الانترنت من شريحة كيوتل في دولة اخرى
لو مشتري شريحة موبايلي كان ماطلعت لك هالفاتورة

زين كل دقة بتعلومة
انا صار لي مثلك اول ماوصلت امريكا شابك البلاك بيري بالشريحة القطرية 10 فوق 1500

[fhd4]

الايفون وغير الايفون ... وحتى البلاك بيري .. كلهم نفس المشكلة ...



الشي اللي أنا مب فاهمه للحين شنو سبب الارتفاع الغير طبيعي في اسعار الانترنت اثناء التجوال مقارنة مع داخل البلاد ...


يقولون مافي اتفاقيات بين الشركات ...؟؟!! هل هذا عذر ان السعر يكون أضعاف أضعاف ... ؟؟!!


أعطيكم مثال ...


إذا اشتركت في باقة الـ 3 جيجا بايت يعني 3000 ميجابايت في الشهر مع كيوتل راح يكلفك حوالي ..

200 ريال في الشهر ....


إذا استخدمت نفس هذه السعة من جوالك وانت مسافر ... راح يكلفك ...


بالتمام والكمال ..


ترى الرقم صحيح والله ...



لا تنصدمون ...

165 ألف ريال قطري ... (165,000 ريال)


واذا كنت في دول الخليج ... 45 ألف ريال قطري



الصراحة أسعار غير منطقية أبدا ... يعني اللي يكلفني داخل قطر 200 ريال راح يكلفني وأنا مسافر 165 ألف ريال ...

راح أقول خمس أضعاف يعني 1000 ريال مثلا ... عشر أضعاف ... عشرين ضعف ...



لكن ان الفرق يكون 825 ضعف المبلغ ... قمة في الاستغلال الصراحة ...

[المسك1969]

الله المستعان

وانتو شتبون بالنت وانتو برع قطر... الناس تسافر عشان تستانس والا تم على النت

يالله الله يعوض عليك