استفسار ضروري لو سمحتوا

[سحـابة خيـر]

السلام عليكم

ما أدري إذا هذا المكان المناسب أو لا للأستفسار بس اتمنى القى رد شافي

سؤالي عن الشالهيات وطريقة تملكها 00
بمعنى : لو حبيت اخذ شاليه على البحر هل الأرض تكون ملك لي اشتريها او تملك من الدوله وأنا أأجرها وابني عليها الشاليه ؟

ماهي الطريقه لبناء شاليه خاص ؟؟ بناء وليس شراء او تأجير

اتمنى القى الرد

اجمل تحيه

[شموخ دائم]

,

,


مرحبا


اراضي البحر والشاليهات في حقيقه الموضوع هذا امتياز خاص
وتعطى على شكل منح لـ كبار المسئولين مثل الوزراء والشخصيات المهمه
وتصدر مباشره من الامير او ولي العهد حفظهم الله من خلال الديوان الاميري
وتوجد بعض الاراضي على البحر وهي ملك خاص تم توريثها من القديم الى الابناء
مثل شاليهات بن طوار في الغاريه

لا يوجد طريقه ايجار ارض
ولا يوجد طريقه لتقديم
لانها امتياز خاص جدا

ومن يريد شاليه خاص على البحر
يقدر يشتري هناك احيانا تعرض للبيع بعض الشاليهات
وخاصه في ( شمال الخور منطقه لفان )
والاسعار 10 مليون و طالع
:)

بالتوفيق


,

,



اخوك



شموخ دائم

[سحـابة خيـر]

اخوي شموخ دائم

تسلم وجزاك الله خير على ردك 00 بس بصراحه صعقتني

خلاص دامها 10 مليون بس بسيطه نشتري

الله كريم

[عندليب قطر]

في شاليهات واايد معروضه للايجار وبااقل من السعر المذكور
اذا تبي شاليهات قريبه من البحر ورخيصه شوفلك فسميسمه
بالتوفيق

[المسك1969]

السلام عليكم

شموخ دائم ماشاء الله عليك ربي يحفظك من كل شر.. عندك خبرة في كثير من المواضيع

وأنا بعد صدمت للمبلغ... لو نأجر أفضل .

[بن رومي]

ابدعت شموخ دائم

لاكن الله يرحم ايام ال 10 مليون

الحين مافي عرض كللللش

والنكته انه في بعض الدلالين يسوون بروفايل لشاليهات

ويعرضونها لاصحاب الملايين

وبعدين اذا عطوهم سعر يروحون لصاحب الشالية

ويقولون له في شخص سام شاليهك اب هالكثر


من لديه حيله فليحتال

بن رومي